المساعد الشخصي الرقمي

مشاهدة النسخة كاملة : استفسار عن اليوكن السعودي


بو نايف
22-02-2009, 10:33 AM
السلام عليكم ورحمة الله وبركاتة

بشتري ان شاء الله هاليومين يوكن من المملكة

في حد عنده معرفة كيف ادخلة سيرفس وكالة المناعي وبكم
..
City Car
22-02-2009, 10:35 AM
بالتوفيق
الخارجية
22-02-2009, 10:38 AM
الشيخ يوصل الموتر لين باب بيتكم 138000 واي لون تبغيه وإذا بيغت رقمهم أنا حاضر بخصوص التشيك معليك منهم وهم يضحكون يدخلون الموتر التشيك مش شركة عبدالغني الله يهديهم
ابن مانع
22-02-2009, 10:56 AM
ماعندك اي مشكله في التشيك
بس اهم شي تاكد على الوكاله الي بتشتري منها ورقة المقاصه
Thamer_Qat
22-02-2009, 11:23 AM
الشيخ يوصل الموتر لين باب بيتكم 138000 واي لون تبغيه وإذا بيغت رقمهم أنا حاضر بخصوص التشيك معليك منهم وهم يضحكون يدخلون الموتر التشيك مش شركة عبدالغني الله يهديهم

اللي مثله بكم في المناعي مع الخصم؟ وهل الماكينة حجم 5300 سي سي ولا اصغر؟
ونفس مواصفات المناعي ولا اقل او احسن؟ بصراحه ناوي على واحد حق المدام والعيال وافكر بسوبربان
هل تنصح بشفر ولا بجمس طبعا السعر عندي مهم
بو نايف
22-02-2009, 11:31 AM
جزاكم الله كل خير

اخوي الخارجية >>> شيك الخاص


اخوي علي ورقة المقاصة >> !!! شنو يعني


المواصفات نفسها بس القطري بكاميرا
ابن مانع
22-02-2009, 12:19 PM
ورقة المقاصه هي عشان ماتدفع الجمرك
الي هي ورقة الجمارك الي دخل فيها السعوديه
يسمونه المقاصه
ورقه لونها احمر
ولازم تكون مختومه
هم يعرفونها اهل الشركات
وبخصوص المواصفات
عندهم اوبشن اكثر من عندنا
والمواصفات تفرق بعد وايد في نفس المستوى وفي افضل
هذا رقم شركة التوكيلات في الحسا0096635307888
اتصل وستفسر عن المواصفات الي تبيها
واذا تبي ارخص بعد روح الرياض في فالمعارض اصفار وبسعر افضل يفرق لك في حدود10000
هم نفس نظام معرض المشترك الي في قطر
ياخذون سيارات من الوكاله ويبيعونها

ربي يوفقكم
جنيه ذهب
22-02-2009, 12:19 PM
بصراحه انا من فتره قريبه سئلت عن اسعارهم وكانت الاسعار متقاربه وايد بين اسعارنه واسعارهم يعني ما تسوى عليك العباله واذا حاليا عندهم عروض هذا شيء ثاني ويوم تروح لهم وتدفع لهم الفلوس قولهم ابيه اجمركه بوديه قطر هم بيسوون لك كل شيء حتى اذا تبي سطحه هم بيجبون لك وتستلمه يا بمركز سلوى او بالدوحه حسب الاتفاق وياهم طبعا كل شيء بسعره بس يريحونك من عبالة الجمارك ...

ارجو اني وضحت لك الي تبيه
بو نايف
22-02-2009, 01:58 PM
جزاكم الله كل خير


ما قصر ياخوي على جزاك الفردوس
saeed alhajri
22-02-2009, 04:10 PM
مرحبا اخوي بونايف ،
بالنسبة للتشييك ما عندك مشكله تقدر تدخل الموتر المناعي متى ما بغيت وتشيكه على حسابك بس لو صار عندك أي خراب يتطلب التصليح على الضمان راح يدفعونك 5000 ريال وعقب يصلحونه لك اياه على الضمان ولو صار اي شي في الموتر مرة ثانيه ما راح تدفع ريال لأنك دفعت أول مره وهذا الكلام 100 % صحيح وممكن تتأكد من كراج المناعي والجيده بعد .
الفهد1
22-02-2009, 04:43 PM
بس حاسب بعض سيارات اليوكن وارد السعودية من البرازيل واغلب اهل السعودية يفرقون من وارد امريكا او وارد البرازيل والفرق اعتقد في بداية رقم الشاصي اسال قبل لاتاخذة وبالتوفيق
alwahesh
22-02-2009, 06:39 PM
الله يوفق الجميع باذن الله
بو نايف
22-02-2009, 11:27 PM
جزاكم الله كل خير

كلمت الوكيل الفرق بحدود 20 الف ريال
ابن مانع
22-02-2009, 11:46 PM
طلع ارخص ب20 الف وفي المعارض في الرياض بتلاقي بفرق اكبر بعد توصل لين 30 الف
عندي واحد من الربع قد جاب له واحد بفرق اكبر

استخير وربي يوفقك
تراثكم
23-02-2009, 09:25 AM
انا مثلك اخوي ابغي اشتري سوبر بان طبعا الشفر(الجيده)ارخص من الجمسي(المناعي) بحدود 10000
والجيده مسوين عرض 5 سنوات ضمان الكيلو مفتوح و3 تشييكات مجانيه
والسوبر بان الدبل يبتدي عندهم 148000 (قبل شهرين كان152000)

وبالتوفيق
بو نايف
23-02-2009, 10:53 AM
اليوكن في توكبلات الجزيرة في الحسا يبتدي السنجل من 132
والتاهو 122السنجل الدبل زيد 10 الاف...
الجسراوي
23-02-2009, 12:43 PM
اليوكن الصغير العادي الكرسي مفصول ب 150000 ريال عندنا وعندهم 130000 تقريبا هاي اللي اعرفه من شهر سالت عنه في قطر والاحساء

اخوي ليش ما تاخذ شفر نفس اليوكن بس الاسم غير وارخص والضمان عندك في جيبك وليش تعور راسك

وبعدين استخير احسن لك
بو نايف
24-02-2009, 08:13 AM
اسعار وكالاتنا عالية مقارنة بغيرها
bo sltan
24-02-2009, 08:57 AM
على فكره ياشباب أنا شاري سوبربان شفر 2008 من الجميح ألي في الخبر بالتلفون حولت الفلوس على حساب الشركه وطرشت ورقة التحويل

لهم بالفاكس وعقب ماخلصوا التسجيل وأوراق الجمارك أستلمت السياره بعد أسبوع في مركز سلوى ودفعت للبركدون ألي وصلي السياره 500 ريال
وكل هذا وأنا قاعد في البيت والضمان ماشي غصبا" عن خشوم الشركه

((((وعلى فكره التوكيلات الي في الحسا أغلى من الجميح ألي في الخبر)))))

وواحد من الشباب شرى من معارض الرياض طلع عليه أرخص من الجميح والتوكيلات...وبالتوفيق للجميع:nice:
بو نايف
24-02-2009, 06:33 PM
يعطيك خيره ويكفيك شره يابوسلطان


يدلعون العميل في السعودية


في التلفون التوكيلات اعطاني سعر ارخص !!!


يبيله الخبر
ابن مانع
24-02-2009, 11:52 PM
ربي يوفقكم
بس ياجماعه الي يبي يشتري وعنده وقت ينزل المعارض بيلاقي نفس النظام الي عندنا في بعض معارضنا ياخذون دفعات من الوكاله ويبيعونها اصفار وارخص
تقدرون تسمونهم موزعين صغار
بس في نقطه نسيت اذكرها وذكرني فيها اخوي بوسلطان اذا بتشترون الموتر لازم عقب ماتدفعون الفلوس تم المعالمله من 3 ايام لين سبوع وتستلم السيارة
واذا حبيت يوصلونها لك لين باب بيتك بس كل شي بحقه