ممكن مساعده ضروري

[هام السحاب]

السلام عليكم


ولدي عمره ثلاث سنوات وكم شهر
من كم يوم بدا يشتكي من آلام بالورك ... وديته الاهلي التخصصي خذوا تحليل دم وعطوه أدول
والحمدلله نتيجه التحليل مافيها شي
هذا من خمس أيام
أستمرت الشكوى منه ساعات وساعات .. أراقب تحركاته ومشيته أغلب الوقت طبيعيه وأذا جااا.. طاري الالم كسؤال مني أو من أمه عن وركه , بدا يشتكي ويعرج بمشيته

أمس بالليل ونتيجه لهالوضع خذته ووديه طواري السد .. خذوا منه دم و صوروه أشعه
وكلها طبيعيه جداً ولله الحمد والمنه
حتى مشيته والدكتور يراقبه كانت طبيعيه ... والنتيجه قالي نفس دكتوره الاهلي أحتمال رضه او التوت رجله ومسبب الم بالعضلات وكم يوم وبيروح

الصراحه ... حالته جابت لي الوسواس والضيق وماني عارف شسوي معاه
هل هو فعلاً ألم أو عين أو قاعد يتظاهر للفت الانتباه أو خذت رجله على هالمشيه

ياليت اللي عنده أسم دكتور زين و شيخ يقرا عليه مايبخل علي
والرجاء الدعاء له :weeping:

[عضو قديم]

وديه عند وحدة تمرخه (تمسده)
يذكرون في وحدة في معيذر جيد

[خنور]

ولدك مافيه الا العافيه انصحك بعدم التوتر او الاضهار له بانك مهتمه فيه على كلامك يااختي

نتائج الفحوصات ممتازه طيب ايش اللي يخليك مهتمه الى هذا الحد ؟ ابتعدي عن الوساوس

وراقبيه ولاتستعجلين . وان شاء الله بتشوفينها متحسن بس اعتقد انو هذا الشي نتيجه رضه

او دكمه بسيطه, وجد الطفل اهتمام وتفضيل زائد ادى به الى شد الانتباه والاحتفاض بهذه الحركه

لكى يحافظ على مزيد من الاهتمام والدلع وخاصه في هذ العمر . هذا استنتاجي للمشله والله اعلم .

[سلمى76]

ربنا يطمنك عليه ويخلي لك اياه

احتمال زي الدكتور ما قال رضه ولا نط عليها

وكتير بتحصل مع الاولاد

ارقيه بس بالرقية الشرعية و بعدها لا تذكره بالالم كم يوم

وان شاء الله بيكون زين

[أحلى وسيطه]

تطمني عليه أختي أنشالله مافيه الا العافيه

أحيانا بعض الأطفال في سن معين يحبون يثيرون أهتمام اهاليهم وجايز يكون يدلع بس مب أكثر

والف سلامه عليه والله يحفظه من كل مكروه
يارب

[dewyguy]

ان شاء الله ما فيه الا العافيه


ممكن يكون دلع اطفال

[المزن الرياني]

مايشوف شر أن شاءالله
الله يلبسه ثوب الصحه والعافيه

[المزن الرياني]

وديه عند وحدة تمرخه (تمسده)
يذكرون في وحدة في معيذر جيد


عفوا أخوي عضو قديم

طفل عمره ثلاث سنوات ... شتمسد فيه ؟!

[eastqatar]

السلام عليكم

جرب الدكتور الكيالي ( علشان تتطمن )

او الدكتور مهند

[هاجر]

السلام عليكم


ولدي عمره ثلاث سنوات وكم شهر
من كم يوم بدا يشتكي من آلام بالورك ... وديته الاهلي التخصصي خذوا تحليل دم وعطوه أدول
والحمدلله نتيجه التحليل مافيها شي
هذا من خمس أيام
أستمرت الشكوى منه ساعات وساعات .. أراقب تحركاته ومشيته أغلب الوقت طبيعيه وأذا جااا.. طاري الالم كسؤال مني أو من أمه عن وركه , بدا يشتكي ويعرج بمشيته

أمس بالليل ونتيجه لهالوضع خذته ووديه طواري السد .. خذوا منه دم و صوروه أشعه
وكلها طبيعيه جداً ولله الحمد والمنه
حتى مشيته والدكتور يراقبه كانت طبيعيه ... والنتيجه قالي نفس دكتوره الاهلي أحتمال رضه او التوت رجله ومسبب الم بالعضلات وكم يوم وبيروح

الصراحه ... حالته جابت لي الوسواس والضيق وماني عارف شسوي معاه
هل هو فعلاً ألم أو عين أو قاعد يتظاهر للفت الانتباه أو خذت رجله على هالمشيه

ياليت اللي عنده أسم دكتور زين و شيخ يقرا عليه مايبخل علي
والرجاء الدعاء له :weeping:




السلام عليكم ورحمة الله وبركاته

مادام التحاليل مطمئنة ولله الحمد نصيحتي لك تسوون له مساج بزيت دافي بحركات دائريه خفيفة قبل النوم
بدون ماتوضح له أسباب المساج
والأهم إنكم ماتهتمون بالموضوع بشكل مبالغ فيه أمامه على الأقل حتى ماياخذها عادة
وبعدها أبداً ماراح تعرف إذا هو فعلاً يتألم أو يتظاهر بالألم.


ولد اختي كان بالليل يصيح ويصارخ بسبب ألم في الساق ولا زال من فترة للثانية وطبعاً عملت له كافة التحاليل والحمدلله سليم معافى ولا يشتكي من أي شي لكن العجيب في الأمر إنه كل الأطباء قالوا لها هذا الألم اللي يعاني منه نادر جداً عند بعض الأطفال نتيجة النمو :eek5:
يعني كل مايطول شوي يتألم وبالذات وهو نايم، فسبحان الله كل شيء جائز.



وما يشوف شر إن شاء الله وربي يشفيه ويحفظه من كل مكروه.

[حـ ن ـيـ ن]

مثل ماقال الاخ عضو قديم ودوه لمساده وهي بتقول لكم اذا فيه شي ولا لا

ومايشوف شر ان شاء الله

[قناص قطر]

السلام عليكم

اسبيتار اللي في اسباير عندهم دكاترة ممتازين

نصحيه لوجهة الله

استشارة فقط

وما يشوف شر يارب

[غناتي1]

ما يشوف شر ان شاء الله

تكفون 00 طمنونا عليه

[هام السحاب]

جزاكم الله خيراً
شاكر لكم تفاعلكم