هل اصبحت جامعة قطر ((((( يتيمة))))) بين الجامعات الاجنبية؟؟؟؟

[مستثمر رشيد]

http://www.al-sharq.com/UserFiles/Image/MainPics/February2009/GHHF1kj.gif



لحظت من خلال البث المباشر الليلة الماضية اهتمام كبير جدا بافتتاح مبنى جامعة كارنيجي ميلون ولحق ذلك اهتمام صحفي واعلامي كبير تصدر اولى صفحات جرائدنا المحلية

قلت في نفسي ... وين الاهتمام بجامعة قطر ؟؟؟

تلك الجامعة التي تخرجنا منها وكانت لنا فيها ذكريات طيبة في ممراتها وقاعاتها الدراسية ... حيث انني لا انسى ذلك اليوم الذي تشرفنا فيه بمصافحة سمو الامير .....

اليست جامعة قطر بصفتها جامعة حكومية تحمل اسم قطر هي الاولى بهذا الاهتمام من قبل مسؤولي الدولة ؟؟؟؟؟؟؟؟؟؟

[غير البشر]

جامعه قطر احس انها خربت نفسها بنفسها

من خلال قراراتها ونظامها المعقد

الي ينفر من الشباب والبنات

وكل شي تاخذه بشق الانفس الله يعين بس :weeping:

[بومتعب]

لا الشيخ في فرق كبير جدااااااااااااا بين الجامعات الاجنبية الي عندنا وجامعة قطر
الجامعات الاجنبية راااااااااقية ومتحضررررررة ومتحرررررررررة
فيها الزميل يساعد زميلته في الفصل والبريك والمكتبة
ودوووووووووم يتكلمون بالانغليزي وبس
ويتعاونون على الخيررررررر وال.................

اما جامعة قطر فهي تعتبر جامعة تخلف ورجعية وطلابها وطالباتها مايفهمون في الاناقة والاتيكيت وبعيدين عن التحضر والانفتاح ومصابين بعقد نفسية اسمها العادات والتقاليد

بعد هذا كله تبيهم يهتمون بشي اسمه جامعة قطر ؟؟

[شمعة المنتدى]

خلهم يشيلون التأسيس اللي كاسر ظهورنا ،،

وعقب بيهتمون فيهم ،،

هم السبب في اللي فيه ،،

[سهم عتيج]

نتمنى صمود جامعة قطر في وجه الاحتلال الأجنبي وتمسكها بلغتها العربية رغم المحاولات المتكررة لتغييرها وكذلك بمبادئها القديمة القائمة والمنادية بالفصل العنصري بين الجنسين على مقاعدها الدراسية..

ونتمنى كذلك بقاء الجدار العنصري الفاصل بين مبنى البنين والبنات والذي صمد في وجه الاحتلال عقودا عديدة رغم المحاولات السابقة المتكررة لهدمه..

[FG]

نتمنى صمود جامعة قطر في وجه الاحتلال الأجنبي وتمسكها بلغتها العربية رغم المحاولات المتكررة لتغييرها وكذلك بمبادئها القديمة القائمة والمنادية بالفصل العنصري بين الجنسين على مقاعدها الدراسية..

ونتمنى كذلك بقاء الجدار العنصري الفاصل بين مبنى البنين والبنات والذي صمد في وجه الاحتلال عقودا عديدة رغم المحاولات السابقة المتكررة لهدمه..



:nice: من جهة الشباب نحاول ابقائه

[شمعة المنتدى]

أتمنى طلاب جامعة قطر واللي درسوا فيها ،، يدخلون الموضوع و يدلون بدلوهم ،،

لأن أكثر الناس اللي ذاااقوها هم اللي درسوا فيها ،،

[FG]

أتمنى طلاب جامعة قطر واللي درسوا فيها ،، يدخلون الموضوع و يدلون بدلوهم ،،

لأن أكثر الناس اللي ذاااقوها هم اللي درسوا فيها ،،

:anger1:

كله بكوم وتسجيل المواد بكوم

[شمعة المنتدى]

:anger1:

كله بكوم وتسجيل المواد بكوم

التأسيسي و علّته سالفه طوووووووووووويله ،،

عبالهم بيخرجون عباقره ،،

انا قلت بدش الجامعه 4 سنين هندسه و أخلص ،، والحين مع التأسيسي يبيلي 5 سنين الى 6 سنين ،،

عسى مااااااااا شر ،، عيل خل أروح أدرس طب 7 سنين في كورنيل وايد أحسن ،،

الحمد لله والشكر ،، >>>> جامعة قهر ،،

[مستثمر رشيد]

شكرا على المشاركة اخواني
من وجهة نظري اتوقع ان تشديد جامعة قطر في قبول الطلاب والطالبات وتحديد نسب قبول عليا مع اشتراط لغة انجليزية للقبول هو من اجل اجبار الطلبة للتوجه نحو الجامعات الاجنبية خاصة اذا ما علمنا ان الجامعات الاجنبية لاتشترط نسب قبول عليا للالتحاق بها

[شمعة المنتدى]

شكرا على المشاركة اخواني
من وجهة نظري اتوقع ان تشديد جامعة قطر في قبول الطلاب والطالبات وتحديد نسب قبول عليا مع اشتراط لغة انجليزية للقبول هو من اجل اجبار الطلبة للتوجه نحو الجامعات الاجنبية خاصة اذا ما علمنا ان الجامعات الاجنبية لاتشترط نسب قبول عليا للالتحاق بها

لا أخوي ،،

بالعكس انا أشوف ان النسب العاليه ترفع من مستوى الجامعه ،،

لكن الخطأ ان كل الطلبه لازم يعدون 3 امتحانات صعبه ،، ومستحيل حد يعديها من تجربه وحده
،،

اوكي ،، تبون طلاب بمستوى معين في اللغه الانجليزيه او الرياضيات او الكمبيوتر ،، شوفوا درجاتهم في الثانويه ،، و حطوا لمت للقبول ،، لو كان أقل من اللمت ،، مو مشكله يدش التأسيسي و يقدم الاختبارات الصعبه ،، ولا ان نضيع سنين من عمرنا عشان 3 مواد ،،

[ANONYMOUS]

أتمنى طلاب جامعة قطر واللي درسوا فيها ،، يدخلون الموضوع و يدلون بدلوهم ،،

لأن أكثر الناس اللي ذاااقوها هم اللي درسوا فيها ،،



ضيعت وقت مب بسيط من حياتي فيها.. ع الفاضي....

بس انا مؤيد وجودها والحفاظ عليها لان بناتنا يحتاجون قليلا من الخصوصيه في التعليم..

[الخير كله]

جامعة( قهر):anger1:توقف الزمن بها وان لم تطور نفسها فعليها السلام:telephone:...انا من مؤيدي المدينه التعليميه وبالقووووو:nice::nice:

[شمعة المنتدى]

والله المدينه التعليميه واااايد أحسن من جامعة قهر ،،

لكن المشكله ان في بعض التخصصات مو موجوده في المدينه التعليميه مثل الهندسة المعماريه ،،

هالشي اللي خلانا نلجأ لهالجامعه ،، للأسف ،،

[ابن الذيب]

أنا مثلك اخوي مستثمر , لاحظت الفرق بين الجامعتين !
والله ترى جامعة قطر تطورت بطريقة ملحوظه هالفتره .. بس ناقصها اهتمام !
إذا آخر مبنى ويعتبر حديث بالنسبه للجامعه , هو مبنى الإدارة والإقتصاد , بس طاح من عيني يوم قريت " تم بناء كلية الاداره والاقتصاد بتبرع من قطر للبترول" ..
يعني المبنى الوحيد اللي نقول عنه زين , طلع مب من إنشاء الجامعه ..
يعني لو يعطون الجامعه 3% أو حتى 4% من ميزانية الجامعات الثانيه بتصير جامعة قطر مرتبه ونظيفه !
والله اللي يدش مبنى البنين الحالي يصيده صداع , إذا أعضاء هيئة التدريس للحين مايدلون القاعات والممرات !!

حـنـّـنونا من حناكم , ياجامعات المدينه التعليميه !!

[bus3od]

لا أخوي ،،

بالعكس انا أشوف ان النسب العاليه ترفع من مستوى الجامعه ،،

لكن الخطأ ان كل الطلبه لازم يعدون 3 امتحانات صعبه ،، ومستحيل حد يعديها من تجربه وحده
،،

اوكي ،، تبون طلاب بمستوى معين في اللغه الانجليزيه او الرياضيات او الكمبيوتر ،، شوفوا درجاتهم في الثانويه ،، و حطوا لمت للقبول ،، لو كان أقل من اللمت ،، مو مشكله يدش التأسيسي و يقدم الاختبارات الصعبه ،، ولا ان نضيع سنين من عمرنا عشان 3 مواد ،،


عندي تعليق على الكلام اللي بالأحمر من قال مستحيل حد يعديها من أول مره أنا عديتها من أول مره و ناس وايد عدوها من أول مره
و بخصوص لمت القبول من قال مافي لمت في لمت حق كل شي ( النسبه فالثانويه لها لمت و درجات التوفل لها لمت )

جامعات المدينه التعليميه جامعات عالميه و بعضها عمرها فوق ال70سنه وين تقارنها بجامعه ماصار لها 30 والا 40 سنه و أكيد بيهتمون فيها عشان يشجعون الجامعات انها تفتح في قطر و صدقني جامعة قطر جايها الدور
أنا مب مستانس على الجامعه لأني واحد أعاني منها شوي مب وايد ولله الحمد و أسمع الناس يتكلمون عن الجامعه بكلام مايدش العقل السالفه كلها فلان قال و علان قال و هم مايدرون شالطبخه

أدري كلامي بضايق ناس وايد بس والله الحين صار لي 3 سنوات فالجامعه ولاحظت تطوووور في كل شي حتى الدكاتره الأجانب اللي صار لهم كم سنه فالجامعه قالوا هالكلام و أنا ما انكر ان اداره الجامعه شاده حيلها وتحاول تطور فالجامعه بس الناس يبون كل شي يصير بين يوم وليله مافيهم صبر و انا عن نفسي محترم قوانين الجامعه وماشي سيده و الحمدلله مافي شي مضايقني

أخيرا : في خبر من فتره كان فالجريده بتشكيل مجلس أمناء جامعة قطر و رئيس اللجنه الشيخ تميم بن حمد ولي العهد و عضوية الشيخ حمد بن جاسم و الشيخ فيصل بن قاسم وأعضاء من مؤسسة قطر و المجلس الأعلى للتعليم وانا يوم شفت هالأسماء استبشرت خير و ان شاء الله يفيدون الجامعه

فالنهايه أتمنى التوفيق لكل طلاب الجامعه و إلى الأمام ياجامعة قطر و بيجيها يوم وبتكون من الجامعات الكبيره و بذكركم:omen2: