المساعد الشخصي الرقمي

مشاهدة النسخة كاملة : ::: مطلوب: عزبه بشكل عاجل :::


إعلامي قطر
23-02-2009, 11:39 AM
..

بسم الله الرحمن الرحيم..

كيف الحال شباب ؟

مطلوب عزبه 50 * 100م ويفضل أن تكون بإتجاه الشمال..

للأمانه ماعندي تفاصيل تجمعات العزب وياليت إللي عنده التفاصيل
ومناطقهم بالضبط وأحجامهم وكيفية الحصول عليهم إنه يفيدني
وأكون شاكر له وممنون..

تحياتي..

..
السنافيه
23-02-2009, 12:21 PM
اخوي في مناطق معروف يوفرون لك اراضي اعزب والمناطق هم

مجمع سمسمه الموقع مقابل مركز شرطه الزياره

مجمع الخور على طريق الخور

مجمع الشحانيه على طريق الفرعي من ام طلال محمد باتجاه الشحانيه

مجمع مسيعيد على طريق مسيعيد قبل دوار مسيعيد

الرخص تطلع لاهل قطر للرجال بشكل علم وللنساء المتزوجين

تقدم طلب رخصه عزبه من البلديه ويعطونك فورما تعبيها مرفق صوره من البطاقه الشخصيه

للشخص الواحد يعطونك ارض وحده ...

يعني تقدر تاخذ باسمك انت والمدام او الوالده ويكون جنب بعض

انا خذت اربع طلعوا لي 100 ف 100 ما شا الله واسعه بس في تحويطها وبنيانها تكلف فوق 200 الف

في بعض القوانين انك تحط على الارض الوحده 30 راس من الحلال

وما يصير تبني من طابوق ... وطبعا للعوايل

وكذا يعني

واي استفسار انا حاضره
إعلامي قطر
23-02-2009, 12:37 PM
..

هلا السنافيه..

مشكوره على المعلومات والله..

من وين أروح أقدم على عزبه بالضبط وهل فيه موقع على الإنترنت لهم؟

وبالنسبه للـ 50 * 100 هذي تكون ب3 بطايق يعني؟

..
المنشــــــر
23-02-2009, 12:38 PM
كفو عليج يالسنافية ....
كفيتي ووفيتي ....


بس احب اضيف على كلامج ....
حالياُ في مجمع خريب سيتم توصيل التيار الكهربائي والماء ... وبسعر رمزي
اذا لقيت هناك احسن لك بواجد ...
بتوفر المكينه ( اقل شي 30.000 ) ومشوار التنكر ..

بس انا ما انصحك بالمجمعات اذا انت بتربي حلال ...
الامراض المعدية ...
المجمعات من الخارج مش نظيفة ...
ماحولك روض للمرعى .. وتسرح الغنم ..
الازعاج ..


وانصحك ... عزبة جواله ...

50 راس غنم او 40 الابل (( ويمشون على 30 راس )) كلهم شباب قطر شرواك ...
كابينه متنقله ب 60000 هذا وانت مدلع نفسك 12*3.75
زريبة
جنيريتر
وتشوف لك تنكر

وبعيد على الناس واختار مكان يبعد عن الروضة 200متر


وعسى ربي يوفقك
واي استفسار آخر انا حاضر
غناتي1
23-02-2009, 12:58 PM
أشهد أن راعي الحلال شقي
المنشــــــر
23-02-2009, 01:17 PM
أشهد أن راعي الحلال شقي

اي والله

لكن فيه أبركه :nice:...
السنافيه
23-02-2009, 03:00 PM
اي والله سالفه الكهربا والماي بتاكل عليك واجد


وسمعت بعد ان مجمع سمسمه اللي ف الزباره بتجيهم الكهربا والماء لان قريب من الخط الجديد لجسر المحبه

وتقدر اخوي تروح بلديه الظعاين في الخور وتقدم على ارض عزبه

والله يعينك على تاسيسها
إعلامي قطر
24-02-2009, 07:44 AM
..

عساكم ع القوه وبيض الله وجيهكم ومشكورين وماقصرتوا..

..
الماسه79
24-02-2009, 07:53 AM
بالتوفيق