المساعد الشخصي الرقمي

مشاهدة النسخة كاملة : الازمة الماليه تضرب جامعة قطر مبنى البنات بقوه ...!!!


محمد11
23-02-2009, 02:11 PM
السلام عليكم ورحمة الله وبركاته


هل الازمه الماليه اثرت في جامعة قطر مبنى البنات !!!

خاطري اعرف القطريه ليش تفرض عليها رسوم !!!

رسوم الكتب تعودنا عليها وانتي قطريه !!

سعر الاكل هناك راح فووووووووق ليش !!! الظاهر زادوا الايجار عليهم !!!

قلنا معليه

الطامه الكبري الحين


( تم فرض رسوم توصيل البنات بالباص في كل كورس عندما كل مجانا والمبلغ هو 100 ريال )
رسوم توصييل بالباص !!!


يعني سبحان الله الطالبه مارحت اركبت الباص الي وهي عندها ضروف صعبه انها ماتركب مع دريول او اسائق !!

لكن تجي ادراة جامعة قطر المحترمه والشريفه بفرض رسوم على الطالبات القطريات بدفع الرسوم !!

لمـــاذا

هل علشان تم تغير الباص البرتقالي او العنابي الى باص فيه مكيف ومخفي ومكتوب عليه نقليات ارمكوا ولا جامعتكوا ..
بوعلي2
23-02-2009, 02:15 PM
لاحول ولا قوة الا بالله

انا اعرف ناس مساكين يرحون في الباص لان ماعندهم فلوس ولا سايق

الحين ايش بيسوون

طبعا هالشي راح يأثر عليهم وايد

في ناس حتى بالسكن مايطلبون عشى من برع لان ماعندهم فلوس ومب كل عايله تكون غنيه خصوصا هي قاعده تكون حياتها

الواحد مايقول الا لاحول ولاقوة الا بالله
hamoor4ever
23-02-2009, 02:19 PM
لا اخوي لا هذا ولا ذاك

انا اقول لك القصه
بأختصار اللي حط القرار تلاقي راتبه الشي الفلاني وعنده وعنده وعنده وتدري المثل يقول ( كلً يرى الناس بعين طبعه ) هذا الشخص الله يستر عليه ، فكر فكر وفكر وتدري الشخص هذا عقليه تجاريه يعني يفكر بكل شي من منظور تجاري ربح وخساره ، ونسى ان اللي يستخدم الباص اصلا شخص حالته حاله يالله يالله قادر يدرس ويشتري الكتب لكن هو مايدري وعلى باله ان الناس عندهم فلوس كثييييييييييييره قاعده على قلبهم خاصه ان الكهرباء ببلاش ، ففكر قال نحط رسوم بسيطه اللي هي 100 ريال ، وبنظرته الشخصيه ان هالمبلغ صغييييير مايدري ان فيه ناس تبيع اللي وراها ودونها علشان بس تتعلم واخرتها يصدمونهم برسوم الباص بعد .

تعرف شنو الحل . قول حسبي الله ونعم الوكيل

سلام عليكم
Bin Hood
23-02-2009, 02:23 PM
مشكور اخوي محمد 11
وجه الحقيقة
23-02-2009, 02:24 PM
يجب ان يتم تعميم قرار رسمي من جهه رسميه معتمده قبل وضع اي رسوم جديده على الطلبه والطالبات..والا لا يتم العمل به حتى يتم التأكد من مشروعيته ومصداقيته...
محمد11
23-02-2009, 02:25 PM
لا اختي لا هذا ولا ذاك

انا اقول لج القصه
بأختصار اللي حط القرار تلاقين راتبه الشي الفلاني وعنده وعنده وعنده وتدرين المثل يقول ( كلً يرى الناس بعين طبعه ) هذا الشخص الله يستر عليه ، فكر فكر وفكر وتدرين الشخص هذا عقليه تجاريه يعني يفكر بكل شي من منظور تجاري ربح وخساره ، ونسى ان اللي يستخدم الباص اصلا شخص حالته حاله يالله يالله قادر يدرس ويشتري الكتب لكن هو مايدري وعلى باله ان الناس عندهم فلوس كثييييييييييييره قاعده على قلبهم خاصه ان الكهرباء ببلاش ، ففكر قال نحط رسوم بسيطه اللي هي 100 ريال ، وبنظرته الشخصيه ان هالمبلغ صغييييير مايدري ان فيه ناس تبيع اللي وراها ودونها علشان بس تتعلم واخرتها يصدمونهم برسوم الباص بعد .

تعرفين شنو الحل . قولي حسبي الله ونعم الوكيل

سلام عليكم



تدرين ليش بعد !!!

الظاهر في اقتراح وتصويت بعنوان

" كيف يتم زيادة ميزانية جامعة قطر بمنى البنات "

كل واحد حط فكره ..... الظاهر اعتمدوا هالفكره الطيبه


حسبي الله ونعم الوكيل [/COLOR]
الدوحه%
23-02-2009, 02:28 PM
رسووم على القطريه ,,, ماله داعي
محمد11
23-02-2009, 02:29 PM
يجب ان يتم تعميم قرار رسمي من جهه رسميه معتمده قبل وضع اي رسوم جديده على الطلبه والطالبات..والا لا يتم العمل به حتى يتم التأكد من مشروعيته ومصداقيته...




الظاهر شافوا مظهر البنت بشنطه VIP لويس فيتون وقوتشي قالوا عندهم فلوس !!

مايدون يمكن تقليـــد ردجــه اولى ...!!!

قطـــــريه >>>> اكيـــد عنــــدها فلـــــــوس >>>> لازم نـــاخذ منـــها زكــاة 100 ريال في كل كـــورس
hamoor4ever
23-02-2009, 02:29 PM
تدرين ليش بعد !!!

الظاهر في اقتراح وتصويت بعنوان

" كيف يتم زيادة ميزانية جامعة قطر بمنى البنات "

كل واحد حط فكره ..... الظاهر اعتمدوا هالفكره الطيبه


حسبي الله ونعم الوكيل [/COLOR]


اسمح لي اخوي تم تصحيح الرد :)

لكن مثل ماقلت كل مكان من يوم تحول لمؤسسه ربحيه صار يفكر شلون يستفيد من ظهور الناس مشكله اذا صار تفكير الناس كله ربحي ، نقول على الدنيا السلام باجر بيصير تصف سيارتك بالشغل تدفع لهم نسبه من الراتب ، بصراحه مثل مايقولون فيه افكار وايد للهف الراتب ورسوم الباصات نوع من هالانواع والجاي امر ، الحمدلله انها جات على ال 100 ريال باجر بيبيعون لنا الهوا ماعليك الا الصبر بس
محمد11
23-02-2009, 02:30 PM
رسووم على القطريه ,,, ماله داعي



هم حطوا حساب للقطريه ف هالجامعه !!
جمال اليافعي
23-02-2009, 02:31 PM
السلام عليكم ورحمة الله وبركاته


هل الازمه الماليه اثرت في جامعة قطر منى البنات !!!

خاطري اعرف القطريه ليش تفرض عليها رسوم !!!

رسوم الكتب تعودنا عليها وانتي قطريه !!

سعر الاكل هناك راح فووووووووق ليش !!! الظاهر زادوا الايجار عليهم !!!

قلنا معليه

الطامه الكبري الحين


( تم فرض رسوم توصيل البنات بالباص في كل كورس عندما كل مجانا والمبلغ هو 100 ريال )
رسوم توصييل بالباص !!!


يعني سبحان الله الطالبه مارحت اركبت الباص الي وهي عندها ضروف صعبه انها ماتركب مع دريول او اسائق !!

لكن تجي ادراة جامعة قطر المحترمه والشريفه بفرض رسوم على الطالبات القطريات بدفع الرسوم !!

لمـــاذا

هل علشان تم تغير الباص البرتقالي او العنابي الى باص فيه مكيف ومخفي ومكتوب عليه نقليات ارمكوا ولا جامعتكوا ..
أختي السبب أنقلاب تنكر وقود مما تسبب بضعف في عمليه الامداد ونتوقع ارتفاع أسعار النفط بشكل خيالي لان الي صار ضربه قاصمه وما بقى عندنا الا كم دنكر ... والله خوفي يطلع صج ..


الله يعين طالبات الجامعه والله عيب الي جاعد يصير
محمد11
23-02-2009, 03:31 PM
أختي السبب أنقلاب تنكر وقود مما تسبب بضعف في عمليه الامداد ونتوقع ارتفاع أسعار النفط بشكل خيالي لان الي صار ضربه قاصمه وما بقى عندنا الا كم دنكر ... والله خوفي يطلع صج ..


الله يعين طالبات الجامعه والله عيب الي جاعد يصير



تعتقد ان اخوي رايق له صله بهالمضوع !!!!

مممممممممممممممممممممم
زقرتي ومزاجي
23-02-2009, 03:36 PM
ليش مكبرين الموضوع .. كل السالفه 100 ريال
جزاهم الله خير .. يودونها ويجيبونها
محمد11
23-02-2009, 03:44 PM
ليش مكبرين الموضوع .. كل السالفه 100 ريال
جزاهم الله خير .. يودونها ويجيبونها



ليش قبل كان بدون فلوس !!!!

مكبرين الموضوع لان الموضوع كبير حق ناس ماتقدر على ال 100 ريال ؟؟؟؟
pure
23-02-2009, 03:47 PM
ليش مكبرين الموضوع .. كل السالفه 100 ريال
جزاهم الله خير .. يودونها ويجيبونها



مب سالفة اميه ولا ميتين سالفة مبدأ !!

يعني كل يومين زايد رسووم على شي مره الكتب مره الباص :rolleyes2:

باجر حتى بيدفعوونك على شمة الهوا بالجامعه

واذا انا وانت عندنا عادي غيرك ما عنده

الله يعييينهم اللي محتااجين وجامعة قطر شكلها تبي تتربح منهم كم ريال
غزلان
23-02-2009, 03:49 PM
اخوي حتى التصريح الى نطلعه للسياره في البدايه كان 3 ريال بعدها تطور5 ريال حتى وصل التصريح الثاني الى 20ريال
زقرتي ومزاجي
23-02-2009, 03:49 PM
ليش قبل كان بدون فلوس !!!!

مكبرين الموضوع لان الموضوع كبير حق ناس ماتقدر على ال 100 ريال ؟؟؟؟



سؤال .. ليش كل شي نبيه بلاش ..

؟؟
vip-qtr
23-02-2009, 03:52 PM
هههههههههههههههه شي متوقع من جامعه قهر ... قبل لاتخرج يوم فرضوا رسوم على المواقف 50 ريال والكتب قلت شكلهم بيسون كل خطوه نمشي فيها في ارض الجامعه بريال ترقبوا هالشي قريب ههههههههههههههههههههههه
زقرتي ومزاجي
23-02-2009, 03:54 PM
مب سالفة اميه ولا ميتين سالفة مبدأ !!

يعني كل يومين زايد رسووم على شي مره الكتب مره الباص :rolleyes2:

باجر حتى بيدفعوونك على شمة الهوا بالجامعه

واذا انا وانت عندنا عادي غيرك ما عنده

الله يعييينهم اللي محتااجين وجامعة قطر شكلها تبي تتربح منهم كم ريال




الله يعين الجميع ان شاء الله
vip-qtr
23-02-2009, 04:03 PM
انا مسميتها هالشكل من القهر اللي سببته لنا من قوانين وانظمه :\
The future
23-02-2009, 04:08 PM
جامعه قطر, جامعه حكوميه ليش الرسوم؟
فرقة الصقور
23-02-2009, 04:13 PM
الله يعينكم على بلواكم
محمد11
23-02-2009, 04:15 PM
سؤال .. ليش كل شي نبيه بلاش ..

؟؟


غريبه !!

يوم اطلعت اشاعة الكهرباء والماي بفلوس الناس قامت من نومها !!!

تخيل وانت قطري قالوا لك ادفع شنو بكون ردك لهم ؟؟

اوكي بدفع .. مب كل شي بلاش ؟؟
الكولونيل
23-02-2009, 04:33 PM
المفروض البنات يرفعون تظلم لمديرة الجامعة
وحتى البنات اللي عندهم سيارات يوقفون مع خواتهم الطالبات
روح الاطلس
23-02-2009, 06:00 PM
المفروض البنات يرفعون تظلم لمديرة الجامعة
وحتى البنات اللي عندهم سيارات يوقفون مع خواتهم الطالبات

وانت على بالك ان القرار بيتنفذ من غير موافقة الموقره مديرة الجامعه !!! اكيد القرار متوقع عليه من قبلها وبموافقتها

وفعلاً 100 ريال بالنسبة لطالبة في الجامعة كثيرة يكفي المصاريف الثانية اللي على راسها من :
1- رسوم كتب دراسية
2-رسوم تقديم امتحانات القبول ( توفل - سات - ايلز - الخ ) واللي توصل في بعض الاحيان الى 700 ريال
3-مصاريف الطباعة والتصوير وشراء المراجع الخارجية وادوات تخزين من ديسكات وفلاش ميموري وغيره
4- مصاريف شخصية من عباية وشنطه وغيره من الملبوسات
5- مصاريف الكافتيريا الغااااااالية جداً وهذي بروحها تبي لها اكثر من 2000 ريال بالشهر
6- مصاريف الابحاث والتغليف.

ومن الاساس الفئة اللي تستخدم الباص هم اللي ماعندهم المقدرة على توفير سائق خاص لان لو عندها سائق ماكان احتاجت الى غربلة الباص ..

واخر كلامي : كلمة قلتها وبرجع اقولها جااامعة قطر تسير نحو الهاوية هذا اذا كانت للحين ما هوت

الله يرحم الجامعة على ايام الدكتور الخليفي المدير السابق..
hamoor4ever
23-02-2009, 06:42 PM
سؤال .. ليش كل شي نبيه بلاش ..

؟؟

للاسف ان السؤال مفروض يصير العكس ، انت تدري ببعض الدول الطالب ياخذ راتب تدري ان فيه دول يحصلون خصم خاص للطلاب في شتى المجالات سواء من مواصلات وغيره الى شراء كمبيوتر او غيره ، وهل انت تدري ان الطالب مايمشي له راتب ولا يعمل بمكان فقضيه الفلوس عنده قضيه صعبه ، وهل عندك علم انه يدفع رسوم للكورس وغيره غير شراء الكتب وليش ماتكون المواصلات مشموله مع الكورس نفسه ولا ظاهره الفلوس والجشع تفشت عندنا وصرنا نطالب الفلوس بكل شي .

مفروض يكون سؤالك ليش صار كل شي بفلوس ؟
انت بالنسبه لك ال 100 ريال شي بسيط وهين يمكن ولله الحمد انت عايش في بحبوبه من العيش ماتدري ان غيرك احتمال متسلف بس لشراء الكتب و تيجي تقول له بعد ادفع الرسوم ، صدقني اليوم ب 100 ريال بعد كم سنه راح تتحول الى 500 او 1000 ريال القضيه بس جس نبض ويخلونك تتعلم على شي اسمه رسوم مواصلات

والله يعين
محمد11
23-02-2009, 07:55 PM
سؤال .. ليش كل شي نبيه بلاش ..

؟؟



تبي تعرف ليش بعد

اسأل هالاعضاء الي دخلوا وردوا ع الموضوع وقارن ردك بينهم ..بتعرف ليش

http://www.al3nabe.com/up/uploads/64c12ea512.jpg
بويوسف
23-02-2009, 08:40 PM
لا اخوي لا هذا ولا ذاك

انا اقول لك القصه
بأختصار اللي حط القرار تلاقي راتبه الشي الفلاني وعنده وعنده وعنده وتدري المثل يقول ( كلً يرى الناس بعين طبعه ) هذا الشخص الله يستر عليه ، فكر فكر وفكر وتدري الشخص هذا عقليه تجاريه يعني يفكر بكل شي من منظور تجاري ربح وخساره ، ونسى ان اللي يستخدم الباص اصلا شخص حالته حاله يالله يالله قادر يدرس ويشتري الكتب لكن هو مايدري وعلى باله ان الناس عندهم فلوس كثييييييييييييره قاعده على قلبهم خاصه ان الكهرباء ببلاش ، ففكر قال نحط رسوم بسيطه اللي هي 100 ريال ، وبنظرته الشخصيه ان هالمبلغ صغييييير مايدري ان فيه ناس تبيع اللي وراها ودونها علشان بس تتعلم واخرتها يصدمونهم برسوم الباص بعد .

تعرف شنو الحل . قول حسبي الله ونعم الوكيل

سلام عليكم

بالله عليك يا هامور الرسوم مش بسيطة ؟؟

مادري ليش نحب نكب اي شي بسيط جدا ونخليه قنبلة .. ونقنع نفسنا بصحة الشي اللي نظنه ..

وبعدين اذا كنت بركب باص جديد وفيه مكيف وكل وسائل الراحة وفيه مشرفة واهتمام للطالبات بحكم انهم يدفعون قيمة مايستعملون فاعتقد هذا الشي جيد.. مقارنة بكون الخدمة مجانية والباص قديم والخدمة رديئة.

ليما اي انسان يدفع بيصير من حقه يطلب خدمة متميزة ويحاسب هالجهة على قصورها لكن المجاني بيقولون لك خدمة مجانية وتطلب بعد ..
hamoor4ever
23-02-2009, 08:50 PM
بالله عليك يا هامور الرسوم مش بسيطة ؟؟

مادري ليش نحب نكب اي شي بسيط جدا ونخليه قنبلة .. ونقنع نفسنا بصحة الشي اللي نظنه ..

وبعدين اذا كنت بركب باص جديد وفيه مكيف وكل وسائل الراحة وفيه مشرفة واهتمام للطالبات بحكم انهم يدفعون قيمة مايستعملون فاعتقد هذا الشي جيد.. مقارنة بكون الخدمة مجانية والباص قديم والخدمة رديئة.

ليما اي انسان يدفع بيصير من حقه يطلب خدمة متميزة ويحاسب هالجهة على قصورها لكن المجاني بيقولون لك خدمة مجانية وتطلب بعد ..

اخوي اثبتت التجارب عندنا انهم ياخذون فلوس من غير خدمه ، ولو فعلا بيكون فيه تحسين بالخدمه راح ندفع ماعندنا مشاكل ، ولك في تجربه كروه خير مثال والله اذكر ايام البرتقالي تقعد دقيقتين تحصل لك تكسي صج انه مكسر وجميع انواع الاصوات فيه لكن على الاقل يوصلونك للمكان اللي تبيه ، اما حاليا اتصل بكروه واطلب والله يعينك انت مستعد تدفع لكن بأختصار بيقول لك مافيه كروه !! وصار لنا سنين ولم يتم حل المشكله وكلمه لايوجد سياره شعارهم الاكيد

لو فعلا بيكون هناك تحسين للخدمه ايش المشكله ، لكن للاسف صار الشي ربحي فقط واليوم بيكون ب 100 ريال بس باجر بيرتفع شوي شوي وهاذه هو الترتيب اللي بيصير

سلام عليكم
الغيداء
23-02-2009, 09:58 PM
حسبى الله ونعم الوكيل
r00r00
23-02-2009, 10:32 PM
قبل كان مجانا وكان فيه مشرفات في الباص على البنات واللحين حطوا رسوم وشلو المشرفات حتى ان أكثر بنات مسائي صاروا مايقدرون يركبون الباص لان أعدادهم قليله ومناطقهم بعيده وكل وحده تحاتي لينزلها السواق أخر وحده في الوقت المتأخر 6 أو 7 مساء ورسوم ياريتها جات على الباص بس بل التصاريح 50 لكل سياره والكتب واسعارها المرتفعه خاص كتب التأسيسي واللوكرات وغيرها ...وغيرها...
مانقول ألاحسبي الله ونعم والوكيل في أسر أكثيره تعجز عن هذه الأشياء أللي ممكن نشوفها بسيطه
محمد11
23-02-2009, 10:37 PM
بالله عليك يا هامور الرسوم مش بسيطة ؟؟

مادري ليش نحب نكب اي شي بسيط جدا ونخليه قنبلة .. ونقنع نفسنا بصحة الشي اللي نظنه ..

وبعدين اذا كنت بركب باص جديد وفيه مكيف وكل وسائل الراحة وفيه مشرفة واهتمام للطالبات بحكم انهم يدفعون قيمة مايستعملون فاعتقد هذا الشي جيد.. مقارنة بكون الخدمة مجانية والباص قديم والخدمة رديئة.

ليما اي انسان يدفع بيصير من حقه يطلب خدمة متميزة ويحاسب هالجهة على قصورها لكن المجاني بيقولون لك خدمة مجانية وتطلب بعد ..


قوه اخوي بويوسف ... نحترم رايك يالغالي

اخوي الموضوع مب بسيــــط .. ومب احنا الي نخلي الموضوع قنبله اذا جات على هذا احنا بنخلي الموضوع قنبله ..
كل مواضيع المنتدى قنابل بردودها ...


البسيط راح يكون عند الطالبه الي تقووم على راحتها ووتروح المحاضره في وقتها ترد بعد نهاية المحاضره ..

لكن الشي الغير بسيط انها تروح في خدمة ال 100 ريال الي تقول عنها ياخوي انها فيها سبل الراحه المكيفه المشرفه المسؤله
تقوم الساعه 5 ونص والمحاضره الساعه 12 الظهر ؟؟؟؟؟؟؟؟؟؟؟
او تروح الجامعه بخدمة ال 100وعندها محاضره وحده الساعه 8 وتخلص بسرعه وتنطر خدمة ال 100 ريال الساعه 2 الظهر على مايتحرك الباص الى البيت ؟؟؟؟؟

هل هذا شي بسيط ( فيه راحه تستاهل 100 ريال )

اصلا ليش خلوا الباص فيه رسوم بعد ماكان بالمجان هذا هو السؤال
على هذا معقول يابويوسف ؟؟؟؟

تقبل ردي البسيط يالغالي
غناتي1
23-02-2009, 10:40 PM
الله يعين المتضررين من بناتنا
Bin Hood
23-02-2009, 10:45 PM
بالله عليك يا هامور الرسوم مش بسيطة ؟؟

مادري ليش نحب نكب اي شي بسيط جدا ونخليه قنبلة .. ونقنع نفسنا بصحة الشي اللي نظنه ..

وبعدين اذا كنت بركب باص جديد وفيه مكيف وكل وسائل الراحة وفيه مشرفة واهتمام للطالبات بحكم انهم يدفعون قيمة مايستعملون فاعتقد هذا الشي جيد.. مقارنة بكون الخدمة مجانية والباص قديم والخدمة رديئة.

ليما اي انسان يدفع بيصير من حقه يطلب خدمة متميزة ويحاسب هالجهة على قصورها لكن المجاني بيقولون لك خدمة مجانية وتطلب بعد ..

اخوي من اول ما سجلت في المنتدى و 99% من ردودك عكس الناس


ولو ان عندك وجهة نظر مقنعة غالبا او عندك نقطة معينة


ملاحظة لا اكثر ولا اقل

نرجع للموضوع

الشباب وجهة نظرهم بسيطة جدا وهي ان الطالبة الي تركب باص

على الاغلب ان وضعها صعب
_بوشهاب_
23-02-2009, 10:46 PM
ليش مكبرين الموضوع .. كل السالفه 100 ريال
جزاهم الله خير .. يودونها ويجيبونها

اخوي في ناس تطلع تتمشى وتتعشى وعلى الاقل تصرف 200 او 300 اما في ناس ياخوي على قد حالهم والله ان 100 تاثر على ميزانيتهم
وبعدين والله ماسسوا خير انا قدام عيني اشوف الباص يتحرك قبل موعده شوفه عيني وبعدين البنات يضطرون يتصلون في اهلهم وراحت الــ 100 الي دفعوها عشان الفلبيني حرك بسرعه


تقبلوا مرروري
بويوسف
23-02-2009, 10:55 PM
قوه اخوي بويوسف ... نحترم رايك يالغالي

اخوي الموضوع مب بسيــــط .. ومب احنا الي نخلي الموضوع قنبله اذا جات على هذا احنا بنخلي الموضوع قنبله ..
كل مواضيع المنتدى قنابل بردودها ...


البسيط راح يكون عند الطالبه الي تقووم على راحتها ووتروح المحاضره في وقتها ترد بعد نهاية المحاضره ..

لكن الشي الغير بسيط انها تروح في خدمة ال 100 ريال الي تقول عنها ياخوي انها فيها سبل الراحه المكيفه المشرفه المسؤله
تقوم الساعه 5 ونص والمحاضره الساعه 12 الظهر ؟؟؟؟؟؟؟؟؟؟؟
او تروح الجامعه بخدمة ال 100وعندها محاضره وحده الساعه 8 وتخلص بسرعه وتنطر خدمة ال 100 ريال الساعه 2 الظهر على مايتحرك الباص الى البيت ؟؟؟؟؟

هل هذا شي بسيط ( فيه راحه تستاهل 100 ريال )

اصلا ليش خلوا الباص فيه رسوم بعد ماكان بالمجان هذا هو السؤال
على هذا معقول يابويوسف ؟؟؟؟

تقبل ردي البسيط يالغالي

ياهلا اخوي محمد .. الخلاف لايفسد للود قضية .. انه تكلمت عن وجود خدمة مجانية وعمل رسوم لها عشان تكون مقننة وان يكون المال في هذه الحالة يصب في الخدمة نفسها ..

وليش مانكون صريحين اذا قلنا ان 100 ريال هي مبلغ بسيط لاهل قطر خصوصا اذا تكلمنا عن فترة كورس يمتد الى 6 اشهر ..

احترم جدا مناقشتك لي وعدم تعصبك كحال بن هود واللي يظن اني عدو لاهل قطر واني اخالف في 90% في ردودي .. وماني عارف هل مفترض اني امشي مع الجماعة اذا قالوا نعم اقول نعم واذا قالوا لا اقول لا خصوصا في موضوع لا يحمل خلافا في مبادئ الدين ولا مبادئ الاخلاق العامة.

يا بن هود لقد احترمت وجهات نظر كل الشباب اللي قالوا رايهم وقلت رايي والاجدر بك احترام وجهة نظري ومناقشتي لآرائي التي لاتعجبك .. ودعك من بويوسف والنقاش في الاشخاص وناقش الاراء والافكار.
محمد11
23-02-2009, 11:00 PM
وليش مانكون صريحين اذا قلنا ان 100 ريال هي مبلغ بسيط لاهل قطر خصوصا اذا تكلمنا عن فترة كورس يمتد الى 6 اشهر ..





وليش مانقول ان المبلغ غير بسيط على الاسر المحتاجه يالغالي !!!
بويوسف
23-02-2009, 11:09 PM
اخوي محمد الله يخلي لك كل غالي عليك ..

ممكن يكون كلامك صحيح لبعض الاسر المتعففة وفي ظني ان هؤلاء يحصلون على راتب وامتيازات خاصة من الجامعة .. واتفق معك مفترض يكون في مراعاة لوضعهم سواء في ثمن الكتب او في جميع الخدمات المقدمة ..

تقبل شكري لك
لحظة وفا
24-02-2009, 12:32 AM
ضريبة... باص مكيف ومخفي وكراسي مريحة... خل الطالبة تدفع..

الجامعه تبي مدخول ثاني,, اللي توقل التصريح ب 20 اختي احين التصريح بخمسين,,

الكافتريا صبغوها,, لازم ندفع زياده عشان الصبغ,,

رسوم للكتب احيان توصل فوق ال 300 و400 حرام كل هذا ,, ومن غير مصروف الاكل وامتحانات القبولو اللي تبي تحذف ماده تدفع,, حتى الراتب الي موفرته الجامعه لازم كل سنه تجددون الاوراق المطلوبة وتعال شوف شيبون,, من كل مكان بالدولة لازم تطلع عشان هالراتب,,,

ليه؟؟!!!! كل هذا عند ادارة الجامعه,,,

وراحت ايامج ياجامعة قطر,,
امل الحب
24-02-2009, 01:23 AM
عادي جامعة قهر :)

اخبر دخلت الجامعة وكل شي بلاش ماعدا التصريح ..

وكان امتحان التوفل مجانا وامتحانات القبول كلها..

والحذف

وفجأة صارت رسوم التوفل 100 ريال وعقب صارت 150 وعقب 250
والايلز 600 ريال

والكتب لاتقل عن 300 ريال حق الكورس اذا ماتسيخف الدكتور وقال ابي كتاب من الامازون "بخصوص كلية الهندسة" والكتاب مبلغ مو اقل من 400 ريال..

وغير اداوت المشاريع الي يطلبونها ..

وغير التصوير والطبااعة وقيمة الحبر لان ماراح يكون اقل من 3 علب ملون و3 اسود وخذ واطبع..

وفجاة طلعت البطاقة الجامعية بـ50 ريال وغير اسعار الاكل الي المفروض يحددونها لكن للاسف مافي فايدة..

ووو الخ..

وعليكم الحسبة فالـ 100 ريال حق الباص مو شي بسيط على نااس الي يقول ان مبلغ بسيط :)

غير التعب والتعب والتعب والمذلة الي تلاقيها تضطر تدفع وتدفع وتدفع :)

وعلى اني تخرجت انا ماسامح الجامعة في اي ريال دفعته لهم :)
نشميّه
24-02-2009, 06:46 AM
أخوي محمد أشكرك على طرح هالموضوع
أنا طالبه في جامعة قطر .. والله يابوجاسم عندنا بنات فقارى ..
والله لو مب اخاف يفهموني غلط بعطيهم المقسوم :(
لأنه ممكن بنات يتحسسون او ينحرجون ..
بعدين جامعتنا مافيها شي الكفتيريا ريحتها مب شي ..
وبعدين رافعين اسعار الأكل اسمع البنات يقولون لاني صراحه ماكل من اكلهم
مانقدر ناكل الا من ستاربكس لانه صراحه اكل الجامعه وريحة الكفتيريا مايساعدون
واحنا الحمدلله الله موسع علينا .. ونبي نوسع ع اللي حولنا باللي نقدر عليه
لكن الجامعه ماشالله كل شوي تضيق ع الفقارى .. :(
ومادري اذا مسوويين مكتب تبرعات حق طلبة الجامعه ؟ لو ان لو في بنروح نساعد
بس شاطرين يفرضون رسوم .. ليش مايسوون مكتب مساعدات ويعلمونا به علشان نسوي الخير
والله هالجامعه كل يوم تصير أغرب من اللي قبله !!!!!!
على العهد
24-02-2009, 08:41 AM
ابتسم انت في جامعة قطر,,
شمعة المنتدى
24-02-2009, 08:51 AM
مثل ما قاااااااالت أمل الحب " جامعة قهر "

ما في فاااااايده ،، على قد ما يحاولون هالجامعه يرتقون ،، ما يقدرون ،،

فشل ذرييييييييييييييييع ،،

الباصات مو مشكله ،، ما بنقول شي ،،

بس أسعار الكافتيريا ،، نااااااااار ،،

الفربتشينو ،، من ستار بكس ،، في المجمعات والله ما يعدّي 25 ،، و عندنا في الجامعه بـ 35 ،،

اوكي ،، انا أقدر أدفع ،، و أصرف ،،

لكن غيري ،، ناس أقل مني ،، مساكين من وين لهم ياكلون ؟؟

بتقولون شاللي حادها تاخذ من ستار بكس ،، في كافتيريا الجامعه ،،

اوكي حتى الكافتيريا ،، أسعارها ناااااار ،،

حتى الماي ،، في مبنى المواقف ،،

ذاك اليوم رايحه وانا واااثقه ان الماي بيطلع علي بريال أو ان كثروا ريالين ،،

قلتلها عطيني ماي ،، قالت لي أي واحد ؟؟

وطلعت لي غرشتين ماي ،، كل وحده تقول الزود عندي ،،

وسألتها شالفرق ؟

قالت لي واحد منهم ب5 والثاني بـ 6

عسى مااااااااشر ،،

حتى الماي ،، تضربون علينا فيه ؟؟
شمعة المنتدى
24-02-2009, 08:52 AM
أخوي محمد أشكرك على طرح هالموضوع
أنا طالبه في جامعة قطر .. والله يابوجاسم عندنا بنات فقارى ..
والله لو مب اخاف يفهموني غلط بعطيهم المقسوم :(
لأنه ممكن بنات يتحسسون او ينحرجون ..
بعدين جامعتنا مافيها شي الكفتيريا ريحتها مب شي ..
وبعدين رافعين اسعار الأكل اسمع البنات يقولون لاني صراحه ماكل من اكلهم
مانقدر ناكل الا من ستاربكس لانه صراحه اكل الجامعه وريحة الكفتيريا مايساعدون
واحنا الحمدلله الله موسع علينا .. ونبي نوسع ع اللي حولنا باللي نقدر عليه
لكن الجامعه ماشالله كل شوي تضيق ع الفقارى .. :(
ومادري اذا مسوويين مكتب تبرعات حق طلبة الجامعه ؟ لو ان لو في بنروح نساعد
بس شاطرين يفرضون رسوم .. ليش مايسوون مكتب مساعدات ويعلمونا به علشان نسوي الخير
والله هالجامعه كل يوم تصير أغرب من اللي قبله !!!!!!

وانا بعد معاااج موجوده في الجامعه ،،

بس فديتج اذا بنقول صندوق حق التبرعات ،، ثلاث ارباع الجامعه بيروحووون ،، لأن صج ،، معظمنا ما يقدر يدفع ،،
محمد11
24-02-2009, 12:30 PM
الله يعيينكم ان شاء الله
_بوشهاب_
24-02-2009, 04:11 PM
والله انا مو كاسر خاطري الا الناس الي على قد حالهم
وعن الكفتيريا اكثر من مره سمعت شكوا في وطني الحبيب وتوقت انهم يعدلون الاسعار لكن الله يهديهم
ماباليد حيله

تقبل مرووري
السيف5
25-02-2009, 02:55 AM
الله يعينكم أنتوا في صوب وادارة الجامعة في صوب
OREO
25-02-2009, 03:39 AM
هل ميزانية جامعة قطر من الدوله ؟؟

اذا الجواب نعم .. ممكن نعرف ليش فرض رسوم على الخدمات و الكتب اللي هي جزئ من التعليم ..؟؟؟

-----------

هل الدولة فعلاً رصدت جزئ من ميزانية الجامعه لخدمات الجامعه ؟؟

اذا الجواب نعم .. ممكن نعرف ليش الجامعه فارضه رسوم على الطلبه ؟؟
-----------

هل التعليم حق مشروع لكل مواطن و مواطنه حسب الدستور ؟؟؟

اذا الجواب نعم .. ممكن نعرف ليش الجامعه مخالفة الدستور ؟؟
----------

هل الدستور فعلاً ساري او انه تحت الكرفايه مع وقف التنفيذ ؟؟؟

اذا الجواب نعم ساري .. ممكن نعرف ليش رئيسة الجامعه ما تحاسب على مخالفتها للدستور ..

صباح الخير يا عرب .. :weeping:

-----------
امل الحب
25-02-2009, 07:23 AM
هل ميزانية جامعة قطر من الدوله ؟؟

اذا الجواب نعم .. ممكن نعرف ليش فرض رسوم على الخدمات و الكتب اللي هي جزئ من التعليم ..؟؟؟

-----------

هل الدولة فعلاً رصدت جزئ من ميزانية الجامعه لخدمات الجامعه ؟؟

اذا الجواب نعم .. ممكن نعرف ليش الجامعه فارضه رسوم على الطلبه ؟؟
-----------

هل التعليم حق مشروع لكل مواطن و مواطنه حسب الدستور ؟؟؟

اذا الجواب نعم .. ممكن نعرف ليش الجامعه مخالفة الدستور ؟؟
----------

هل الدستور فعلاً ساري او انه تحت الكرفايه مع وقف التنفيذ ؟؟؟

اذا الجواب نعم ساري .. ممكن نعرف ليش رئيسة الجامعه ما تحاسب على مخالفتها للدستور ..

صباح الخير يا عرب .. :weeping:

-----------


ههههههههههههههههه اسئلتك عجيبة

الرد لكي نجعل الطلبة يحسوون بروح المسؤولية هالكلام اسمعه من ذيك الايام الله لايردها..:anger1:
QatarRose
25-02-2009, 08:06 AM
اذا بنقعد نقول ان ال 100 ريال رسوم بسيطه فهذي طامه كبرى بالنسبه للبنت اللي راتب

ابوها مب مكفي حق اكل وشرب تقول لي ال 100 ريال ولا شي

هذي غير فلوس الكتب غير التوفل اللي كسر ظهورهم ومب قادرين ايبونه لو قايل لهم اوصلوا

القمر مشي جان وصلوا

ما اتوقع ان سالفه ال 100 ريال شي عادي

موضوع ما ينسكت عنه

يعطيك العافيه اخوي محمد 11
بــوعــوف
25-02-2009, 08:52 AM
الله يذكر ذيك الايام بالخير ..

درسنا وخلصنا واحنا مبسوطين من غير قوانين معقدة ولا عوار قلب ..


الله يعينكم يا طلاب اليوم ..


لكن قولوا الحمدلله على كل حال .. و اللي جاي أعظم ..
بلاهويـــــة
25-02-2009, 10:01 AM
لا حول ولا قوة الا بالله
محمد11
25-02-2009, 03:25 PM
هل ميزانية جامعة قطر من الدوله ؟؟

اذا الجواب نعم .. ممكن نعرف ليش فرض رسوم على الخدمات و الكتب اللي هي جزئ من التعليم ..؟؟؟

-----------

هل الدولة فعلاً رصدت جزئ من ميزانية الجامعه لخدمات الجامعه ؟؟

اذا الجواب نعم .. ممكن نعرف ليش الجامعه فارضه رسوم على الطلبه ؟؟
-----------

هل التعليم حق مشروع لكل مواطن و مواطنه حسب الدستور ؟؟؟

اذا الجواب نعم .. ممكن نعرف ليش الجامعه مخالفة الدستور ؟؟
----------

هل الدستور فعلاً ساري او انه تحت الكرفايه مع وقف التنفيذ ؟؟؟

اذا الجواب نعم ساري .. ممكن نعرف ليش رئيسة الجامعه ما تحاسب على مخالفتها للدستور ..

صباح الخير يا عرب .. :weeping:

-----------


هل القطري قطري في بلاده ؟؟
اذا الجواب نعم .. اين حقوق القطري في بلاده اذن ؟
وطن
25-02-2009, 03:43 PM
بغض النظر قطرية او غير قطرية

هالجامعة على حد علمي انها حكومية ومو جامعة خاصة "الا جان غيروها وانا مادري"

يعني ببلاش للقطريين
ورسوم رمزية لغير القطريين

لكن انهم يفرضون رسوم ع الاثنين !!

تحولت الى جامعة خاصة !!!
الـقـاسـي
25-02-2009, 09:20 PM
جامعت قطر لها ميزانية خاصة بها من الدوله ,,
وميزانية كبيره تكفيهم وتكفي عشر جامعات وياهم , بس المشكلة التخبط اللي صاير في الجامعة
قسم بالله مرت علينا أيام سودا في هالجامعة ماصدقنا على الله أفتكينا منها
الجامعة صار كل شي فيها بفلوس
تحذف ماده بفلوس يعني تخيلو توصل لين قريب ال 500 ريال رسوم حذف الماده
كافتيريات الجامعة شوي عليها خايسة وأكلها تعبان
بس تحس كأنك متغدي في الشيراتون ولا مطاعم فايف ستارز من الأسعار
يعني يجيب لك ريد بول مثلا يبيعه بـ 7 ريال
ليش هالاسعار ترى جامعة مب مكان سياحي ترفع الأسعار

يعني على هالفلوس اللي ياخذونها من الطلبة , ليش الدولة تصرف لها ميزانية ماتستاهل والله

قسم بالله ياجماعة الخير أنها أفشل جامعة على مستوى العالم

أنا يرتفع ضغطي لاصار الكلام عن جامعة قطر ..
امل الحب
25-02-2009, 11:25 PM
الجامعة صار كل شي فيها بفلوس
تحذف ماده بفلوس يعني تخيلو توصل لين قريب ال 500 ريال رسوم حذف الماده


يعني على هالفلوس اللي ياخذونها من الطلبة , ليش الدولة تصرف لها ميزانية ماتستاهل والله

قسم بالله ياجماعة الخير أنها أفشل جامعة على مستوى العالم

أنا يرتفع ضغطي لاصار الكلام عن جامعة قطر ..

قصدج المادة والا الساعة .. لان على حذفي لمادة اخبر 1500 :secret:وكل هااي احساس بالمسؤولية يعني البعض يكمل المادة لو راسب فيها شيسوي !!!:rolleyes2:
الـقـاسـي
26-02-2009, 12:54 AM
قصدج المادة والا الساعة .. لان على حذفي لمادة اخبر 1500 :secret:وكل هااي احساس بالمسؤولية يعني البعض يكمل المادة لو راسب فيها شيسوي !!!:rolleyes2:

لا أختي الماده , قرارات تعسفيه مالها أي مبرر
نصب في نصب صارت شركة ربحيه
بكره بتنزل أسهم جامعه قطر في البورصة
احلى دنياااا
04-03-2009, 01:44 AM
هالقرار نزل من الكورس اللي طاف
وواجد قرارات تافهه تنزل بالجامعه يعني اول مادشيت نزل قرار تغيير مواعيد الباصات من 3 مرات باليوم الى مرتين ووايد بنات تضرورا وحجتهم انهم اطلعلو على جداول البنات ولقوا اغلب البنات يطلعون الساعه 2 والساعه 5 العصر والحين رسوم على الباص
كلااااااام سخيف وواجد قرارات تبط الجبد في الجامعه اولها الانذار والتأسيسي
الحمد الله اني تخرجت وافتكيت
وحرام واحد يبي الشهاده ويتعب عشانها ويلاقي وايد عراقيل جدامه
الـقـاسـي
04-03-2009, 03:26 AM
دام عمر الأنصاري في الجامعة مراح تمشي أمورها عدل
مع انه نائب مدير الجامعه والعميد المساعد لشؤون الطلبة الا انه العدو الاول للطلبة
ياناس كل قراراته ضد الطالب
ليش هالمصخره اللي صايره في جامعة قطر
ليش الطلاب أغلبهم مطرودين يعني عشان يمشوون سوق الجامعات الثانية
الجامعة الحكوميه الوحيده اللي ف البلاد ليش انقلبت أجنبية حالها حال الجامعات الباقية في الدولة
نظام التاسيسي فاشل وبكل المقاييس ليش مستمر للحين
النسب المهولة هذي اللي فارضينها ليش
السرقة عيني عينك من الطلاب على كل حركة تدفع ليش
الظلم المستمر للطلاب ومافي حد يوقف معاهم ليش
الحق دايما مع الدكتور والطالب غلطان ليش
تخيلو الدكتور اللي ييعطي معدلات يطير ثاني كورس
ليش يفرضون على كل دكتور انه يكون في رسوب عنده وممنوع يكون حد ماخذ امتياز ممنوع
من يحاسبهم
مدير الجامعة ماتدري شلي قاعد يصير فيها
عمر الانصاري مستانس على الوضع ومكيف
تخيلو اذا تبي تشتكي عليه لازم تقدم الشكوى عنده أهو
الجامعه ماصارت جامعة قهر مثل مايسمونها الا جامعة مصخره

يجيبون ناس كانو يشتغلون في مطاعم وجبات سريعه عشان يدرسون طلبة التاسيسي
وهذا على لسان الاساتذه نفسهم

قمة المهزلة جامعة قطر