سؤال عن مستشفى العمادي [الأرشيف] - منتديات شبكة الأسهم القطرية

ask_and_get

23-02-2009, 03:01 PM

الكايـــده

23-02-2009, 03:05 PM

ماعندي فكره للاسف عندجج الاهلي احسن العمادي ماقد سمعت انه حد والد هناك

اتمنى حد يفيدج

بدور

23-02-2009, 03:21 PM

solaiman

23-02-2009, 03:30 PM

<<<<<<:shy: وحده

اول شي الله يقومج بالسلامه يالغاليه ويكون البيبي وانتي باحسن صحه وعافيه...
انا اعرف وحده ولدت هناك عند دكتوره عراقيه اعتقد اسمها نجاح وايد تمدحها واعرف وحده تراجع هناك هم تمدحها بس مادري انا ارتااح وايد مع الاهلي النظافه والنظام والمستشفي نفسها تشرح الصدر واذا حابه روحي راجعي عنها قبل الولاده بفتره وبتشوفين بنفسج
ماتقدرين تقولين مستشفي حمد ممتاز بس جيد وتحسين براحه لان العالم متعوده علي الولاده هناك وانا سمعت مو اكيد لو بعيد الشر صار اي شي بهذي العيادات تتحول الحاله لمستشفي حمد
الله يبعد عنج الشر وتقومين بالسلامه يالغاليه

الكايـــده

23-02-2009, 05:15 PM

فعلا انا كنت اتابع فالاهلي كانت الدكتوره تقووولي اذا لاسمح الله استووى شي فييج نحوووووولج حمد على طووول واحنا مالنا خص @@

>>> غــمـــوض <<<

23-02-2009, 05:23 PM

والله انــه اعرف وحده ربت بالاهلي وتمدح المكان بصراحــه وتقول احسن من حمد بوااااااااااااايد
والعلم عند الله

بومحمد911

23-02-2009, 05:29 PM

ليش مستشفى حمد شو فيه

جوال 11

23-02-2009, 06:10 PM

انتبهي من العمادي تجاري 100% لاتروحين لهم لانك بتتعبين وبيحملونك في الاسعاف الى حمد للولاده

وايد حالات ومشاكل صارت عندهم أسوأ مستشفى خاص بقطر .. روحي الاهلي اذا تبين خاص

والافضل مستشفى حمد للولاده ممتازين وغرفه خاصه نصيحه اتركي عنك المستشفيات الخاصه اختي
هذا الكلام الصحيح الأهلي ينصحون الناس للولادة بحمد لأن الأجهزة ناقصة وخاصة للعناية بالطفل

لوردغاليري

23-02-2009, 06:31 PM

الله يطول بعمر شيوخنا ياربي ويخلي بومشعل
غير حمد ماميش
والله الخاص اي شي قالولج مالنا خص وركبوج اسعاف حتى لو نزيف او شي لوماسمح الله يتبرون منج
عساج تنعمين بوافر الصحه والعافيه انتي والجنين يارب
تقبلي مروري

a.a.a.qatar

23-02-2009, 07:03 PM

فديتج انا انصحج بالاهلي عن تجربه قبل كم شهر والده عندهم وعندهم وحده اطفال على مستوي عالي جداَ في الامكانية ويهتمون بكل صغيره وكبيره تحسين روحج في عالم ثاني بصراحه "طبعاَ كله بسعره :)"
الله يهون عليج وتقومين بالسلامه
انا كنت اتابع عند رزفي وهي الي ولدتني وما شاء الله عليها

بنت سعادة السفير

23-02-2009, 07:11 PM

مرحبااا حبيبتي

انا انصحج بمستشفى حمد لان اكثر اللي راحوا مستشفى العمادي ومستشفياات ................... الخ

رجعووهم مستشفى حمد

واسمحوولي على الإطاله

chillis

23-02-2009, 08:13 PM

الاهلي ما عندهم استعداد عدل لو صار اي شي على طول يقطونج حمد قبل فتره صار لوحده من اهلنا نزيف هنا ك ودها على طول حمد يعني خلج بحمد افضل والعمادي تبين دكتوره زينه اسمها سونيا بس ماعرف عن الولاده هناك هم اقول لا اهلي ولا عمادي حمد افضل شي دام مافي استعداد من اول شي

شهد

24-02-2009, 12:37 AM

حبيبتي انا ماعرف شئ عن العمادي

ولكن الاهلي انا ربيت فيه مرتبين والف حمد وشكر لله وتوفيق منه
كل شئ كان تماااااااام وفوق ممتاز

انا ربيت مرتين قيصريه واللى ولدتني رزفي

وللمعلوميه حالتي كانت خطره اول مره
تسمم حمل +كليتي وقفت + فيني سكري + زلاااااااااال

وسويت تحاليل كلها وقالت دكتوره بتربيني طبيعي ولكن في اول التاسع قام معاي
الطلق وماقدرت اربي طبيعي حاولت وايد ترجيتها اولد قيصري لان الضغط ارتفع معااي
وبديت اتعب

المهم حالتي كانت كلش تعبانه مانقلوني لحمد ولا شئ
وولدت عندهم مره ثانيه كانت احسن من ولادتي الاولى
وباذن الله اذا اراد وحملت بربي 3 مره عند رزفي

هذي تجربتي معاهم

والله يسهل عليج اهم شئ استخااااااااااااره
وتوكلي على الله

hamoor4ever

24-02-2009, 12:41 AM

اذا ماتبين نفسج اختي روحي العمادي بس كوني على استعداد انج اتضحين بنفسج او بالجنين ، بعد مستشفى حمد لاتفكرين ، بصراحه جربت التعامل مع العمادي وفعلا مستشفى تجاري بحت اهم شي الفلوس والعلاج انسى بصراحه بعد تجربتهم اكثر من مره مستشفى فاشل ، الناس بس تروحه علشان يعني انه غالي وشوفونا

غير البشر

24-02-2009, 01:08 AM

روووحي الاهلي عند الدكتوره روزفي :secret:

الدوحه%

24-02-2009, 07:25 AM

اول من يتوهق بمضاعفات الولاده رزفي ,,, وعلى طول عمليه ,,, الاهلي الامكانيات ناقصه عندهم واااااايد وبعدين اذا تبين ابره البنج الدكتور زفت اللي عندهم :secret: واخر شي الغرفه لسويت وبالقيمه الفلانيه وتلوع الجبد كنه مطبخ والثلاجه قاطينها في نص الغرفه ,,, ماكنه غرفه رااحه وسوييييييييييييت المفروض ,,, وتعامل الممرضات زفت ماكنه جايه ودافعه فلوس كل ماوحده سوت لها حاجه يات تطل ويهج تبسم تبي بخشيش ,,
وبعدين تعامل الدكتوره نفس حمد تلف عليج الظهر يعني اذا كانت الحاله مستعجله والممرضات توهقو فيج يكلمون الدكتوره من الصبح تعاللي يادكتوره المريضه طالبتج ,,,لا حياه لمن تنادي

غير هذا عندي ملاحظه على اللي كانو والدين هذاك الوقت الصراحه مادري شقول لا حالتهم
ولا شكلهم يوحي انهم دافعين شي جاليات واجانب <<<<<انا اتوقع ان في جهه تدفع عنهم:omg: ومسوين ازعااج والصوت طول الوقت خبرج العايله كلها في الغرفه ريايل ونسوان ويهال ,,,:rolleyes2:
لا والله حبيبتي انا انصحج بحمد مالك الا خشمك لو هو .....
الله يهون عليج ان شالله وتطلعين بالسلامه انتي والبيبي ,,:)

شواقة قطر

24-02-2009, 07:35 AM

انا انصحج بمستشفى حمد لان كل المعدات جهازه عندهم اما الاهلي والعمادي ما عندهم كل الاستعدادت وبعدين ايقولون لج الدكتور او الدكتوره هي الي بتولدج واخرتها الممرضات

ضوى

24-02-2009, 07:46 AM

مستشفى الولادة وبس

لا تغامرين بنفسج باي مستشفى خاص ، لو اقول لج كم حالة ولادة متعسرة رجعت لحمد من الاهلي والدوحة يشيب شعر راسج

الله يقومج بالسلامة اختي

ضوى

24-02-2009, 07:49 AM

اذا على مستشفى العمادي انسى الموضوع تماما اذا شارية عمرج

الوسيط العقاري

24-02-2009, 08:03 AM

غير مستشفى حمد مافي احسن منه !

قطر 95

24-02-2009, 08:24 AM

السلام عليكم

اذا اول بيبي نصيحتي لج حمد , اما اذا ام عيال اهلى واطلبي دكتورة رزفي .
عني انا ربيت في الاهلي بس في فرق بين الاهلي وحمد , في الحمل ماكنت اخذ حبوب الحديد لكن مع الدكتورة رزفي نصحتني على حبوب المص احسن من كبسولات الحديد , وبعد على بدايته الشهر الثامن البس المشد ,
قبل الولادة باسبوع حجزت جناح الملكي .
وبعد الولادة الجراحة التجميلية مهمه جداً واحسن وحده في الدوحه دكتورة رزفي .
والله يسهل عليج اهم شئ استخاااره
وتوكلي على الله

غير البشر

24-02-2009, 09:01 AM

روووحي الاهلي عند الدكتوره روزفي :secret:

السلام عليكم

اذا اول بيبي نصيحتي لج حمد , اما اذا ام عيال اهلى واطلبي دكتورة رزفي .
عني انا ربيت في الاهلي بس في فرق بين الاهلي وحمد , في الحمل ماكنت اخذ حبوب الحديد لكن مع الدكتورة رزفي نصحتني على حبوب المص احسن من كبسولات الحديد , وبعد على بدايته الشهر الثامن البس المشد ,
قبل الولادة باسبوع حجزت جناح الملكي .
وبعد الولادة الجراحة التجميلية مهمه جداً واحسن وحده في الدوحه دكتورة رزفي .
والله يسهل عليج اهم شئ استخاااره
وتوكلي على الله

:nice: :secret: :secret: :secret:

abdullamohd

24-02-2009, 12:49 PM

السلام عليكم

بالنسبة للولاده في مستشفى العمادي, زوجتي ولدت مرتين فية والحمدلله كان كل شي من احسن ما يكون من حيث الدكتورة لانها كانت استشارية على عكس المستشفيات الخاصة الثانية اللي الدكتورة بس تشرف و الاخصاية هي اللي اتولد و بعد الولادة يجي استشاري اطفال يكشف على المولود كشف كامل والخدمة ممتازة والسعر تقريبا مثل الباقي .

عموما اختي االله ايقومج بالسلامة

Miss:Network

24-02-2009, 07:16 PM

حتى انا ابغي اولد بالاهلي

بس متردده من ردوود البنات

و الي سمعته ان اغلب ولاداتهم لو طبيعيه يحولونها قيصري :(

بس بستخير لاني مرتاحه من الاهلي و معاملاتهم ..

Revamp

24-02-2009, 08:53 PM

انتبهي من العمادي تجاري 100% لاتروحين لهم لانك بتتعبين وبيحملونك في الاسعاف الى حمد للولاده

وايد حالات ومشاكل صارت عندهم أسوأ مستشفى خاص بقطر .. روحي الاهلي اذا تبين خاص

والافضل مستشفى حمد للولاده ممتازين وغرفه خاصه نصيحه اتركي عنك المستشفيات الخاصه اختي

من واقع تجربه شخصيه مع الاهل....خليج مع مستفي حمده...اقصد الولاده..الله يرحمه حمده ولدت نص اهل قطر...طبعا اكثرهم عرباويه

Revamp

24-02-2009, 08:55 PM

حتى انا ابغي اولد بالاهلي

بس متردده من ردوود البنات

و الي سمعته ان اغلب ولاداتهم لو طبيعيه يحولونها قيصري :(

بس بستخير لاني مرتاحه من الاهلي و معاملاتهم ..

:telephone::telephone: هاي حاله الدكتور اذا لا قدر الله تكلفتي...خلي عنج الفشخره ولا تخسرين بو عيالج...وروحي الحكومي احسن وباجر بتدعين لي.......والله يسر عليج

كاتم الاسرار

24-02-2009, 09:00 PM

الصراحه الاهلي ممتاز والعمادي جيد

brent

24-02-2009, 09:19 PM

أختي أنصحج بمستشفى حمد
مستشفى متكامل والأخطاء التي تحدث
مقارنة بعدد الولادات هناك نسبة
قليلة والاهم...... عندهم القدرة على
السيطرة على أي أمر طارئ (لا قدر الله)
وهناك جميع التخصصات
بس حاولي أحجزي غرفة خاصة قبل
الولادة بأسبوع على الأقل

المستشفيات الأخرى تتميز عن
حمد بالغرف الفندقية والمنظر فقط
غير ذلك .....حدث ولا حرج

غناتي1

24-02-2009, 10:31 PM

ما عليج منهم 00 المستشفى ما عليه كلام

اكسجين

24-02-2009, 11:27 PM

من واقع تجربه شخصيه مع الاهل....خليج مع مستفي حمده...اقصد الولاده..الله يرحمه حمده ولدت نص اهل قطر...طبعا اكثرهم عرباويه

:D.....

روميت

24-02-2009, 11:41 PM

اعوذ بالله ....!

مستشفى العمادي .!!!!

العمادي تجاري بحت .لا تهملين نفسك ...في هذا الحقل لتجارب ..وبافلوسك بعد .

اسمعي مني هذي نصيحة لوجة الله و عن تجربة .

غير البشر

24-02-2009, 11:44 PM

من واقع تجربه شخصيه مع الاهل....خليج مع مستفي حمده...اقصد الولاده..الله يرحمه حمده ولدت نص اهل قطر...طبعا اكثرهم عرباويه

ههههههههههههههههههههههههههههههههههههههههههههههه

:nice: صج فريقنا فاشل لكن فديت العرباويه

ask_and_get

25-02-2009, 10:59 PM

والله اقرى ردودكم

وما اعرف شاسوي:secret:

بس بصراحه ما توقعت هالكثر رد بحصل

فله كأني مريحة راسي

لا اروح اسأل ولا شيء

ما شاء الله عليكم ما قصرتوا بالكلام :victory:

بعد ابي نصايح زياده

شاسوي طماعه:tease:

غير البشر

25-02-2009, 11:27 PM

[QUOTE=ask_and_get;3774753]والله اقرى ردودكم

وما اعرف شاسوي:secret:

بس بصراحه ما توقعت هالكثر رد بحصل

فله كأني مريحة راسي

لا اروح اسأل ولا شيء

ما شاء الله عليكم ما قصرتوا بالكلام :victory:

بعد ابي نصايح زياده

شاسوي طماعه:tease:[/QUOTE

ههههههههههههههه

اممم اختي تبيني نصيحتي من الاخر

شوفي مستشفى حمد زين بعد عندهم مشكله وحده

المشكله ان من الزحمه ومايسوون الشي بضمير

يعني كل شي بسرعه وانتو ادرى بالمقصود :rolleyes2:

لا عن تجربه بصراحه انجبرنا نروح الاهلي عند الدكتوره روزفي

وتكرر هذي الشي وايد في حمد

بس ولاده في الاهلي ماجربنا

لكن انشوف ناس وايد امسوين ولادات هناك

وماخاب من استشار :nice:

فلفل حار

28-02-2009, 09:20 AM

مستشفى الولادة وبس

لا تغامرين بنفسج باي مستشفى خاص ، لو اقول لج كم حالة ولادة متعسرة رجعت لحمد من الاهلي والدوحة يشيب شعر راسج

الله يقومج بالسلامة اختي

مع احترامي لكل الاخوه والاخوات ... وجزاهم الله خير علي ردودهم لانهم يتكلمون من تجاربهم:)

بس من وجهة نظري .... في الاستشارات الطبيه لاتاخذين الا برأي أختنا ضوى:nice:

والله يقووومج بالسلامه الشيخه :)

مـــــوزه

05-04-2009, 11:31 AM

انا عن نفسي بتكلم بخصوص مستشفى حمد زحمــه ووووايد واسلوب حلو مافي اول مره ربيت فيها
والحمدلله .. والوحده بعد ماتربي يخلونها فالنقاها انا خلوني في نفس المكان اللي ولدت فيها يقوووووولون مافي مكان واي راحه لقيتها كله اصراخ وحاله وثانيه مره حمدت ربي واشكره اني ولدت بالاهلي بصراحه رعايه احسن والكل عندي موجود لاحد يقول اوووف ولا صبري اشوي ولااتقولين انج فمستشفى كفايه الهدوء مب كل وحده جنب الثانيه وانا كانت حالتي صعبه شوي فالاودة قيصري والمشيمه منفصله على طول ولادة لو في حمد انا احلف انهم يخلوووووووني لين الله يشوفلي والبيبي الحمدلله عندي لاخذوه ولاشي وكل واحد يشتري راحته والامكانيات متوفره عندهم رحو وشوفو لاتتكلمون بدون ماتجربون

وتبقى الدنيا حلوه

05-04-2009, 11:35 AM

رفيجاتي بالدوام 2 منهم ولدوا في عيادة الدوحة و واحد بالاهلي

و الكل يمدحمهم

العمادي لاتروحينه لانه مثل ما اذكروا تجاري درجة أولى

وربي يسهل عليك ولادتك

بو الجوري

05-04-2009, 12:01 PM

هلا أختي .. انا زوجتي ربت مرتين فمستشفى الولاده .. مره قيصريه ومره طبيعية.. ..

والحمدلله كلوووو تماااام :nice:

بس المشكله تعامل بعض النرسااات والدكاتره .. يرفع الضغط .. .. :anger1:
بس طبعاً إنت وشخصيتك .. :nice:
والغرف لانها قليله .. فلازم تنطرين .. .. واذا تعرفين حد هناك .. .. بيكون الامر أسهل .. .. :telephone:

ترى أغلب اللي يروحون مستشفياات خاصه .. بس عشان الإمفوشر .. :secret:

مستشفى الولاده وتوكلي على الله .. ووفري فلوسج .. حق الياهل :nice:

بلاهويـــــة

05-04-2009, 01:11 PM

مهما كانت هناك اخطاء واهمال في مستشفى حمد بس هي أحسن من غيرها العمادي والاهلي والدوحة

الوان

05-04-2009, 01:30 PM

المستشفيات الخاصة كلها تجارية
اذا الواحد بيعالج شي بسيط مثل الاسنان عادي
بس الولاده فيها خطوره و تصير مضاعفات
المستشفيات الخاصة مش مأهلين لها مثل مستشفى حمد
اللي تمر عليهم في اليوم تقريبا 100 حالة ولاده
فعندهم خبره اكثر
انتي استخيري قبل لا تتخذين اي قرار

Liali

05-04-2009, 04:59 PM

حمد الافضل

aljuri

05-04-2009, 08:18 PM

مرحبا اختي للعناية بالطفل محد احسن من حمد لانه يعمل تحاليل و فحوصات ويرسلها للخارج للتاكد من سلامه الطفل حتى الاعراض الوراثيه اللي تطلع مع مرور الزمن , ولد اخوي متزوج من بنت خالته ولدت بالاهلي بعد سنه ونص اكتشفو انه عنده مرض وراثي سالناهم شلون ما لاحظتوا قالوا احنا ما عندنا تحاليل وفحوصات مثل مستشفى حمد , وكان الطفل ممكن انه يشفى بالعلاج وهو رضيع مجرد ابر وبس (والحمدلله على كل حال )

شارع الأصمخ

07-04-2009, 02:30 AM

تبين الكلام العدل

اعتقد احسن مكان للولاده مستشفى عياده الدوحه بحكم الخبره والاسبقيه

أم هشام

07-04-2009, 12:55 PM

والله الصراحة اختي انا ما راح ابالغ او اقول شي غير اللي شفته
مستشفى حمد ما جربته بس اسمع المدح واسمع الذم
انا هاي اول حمل لي واروح العمادي عند دكتورة عراقية وهيي اللي تولدج
الصراحة ما عليها كلام ممتازة وطيبة ودايما مبتسمة لج واي سؤال تسئلينها اياه تجاوبج
المهم مره فكرت اجرب اروح الاهلي اخذ موعد عندهم من كثر ما سمعت يمدحونه
المهم اعطتني اوووووووووووووووووووول موعد بعد 40 يوم يعني لو حد عنده اي استفسار او شي طارئ لازم ينتظر هالوقت
ولما تسألينهم ليش الموعدد بعيد يقولج زحمة وااااايد واذا عندك شكولى روحي الادارة لا تكلمينا
والله هاي من اول زيارة وقالولي موعدج عالساعة 6 المسا قلت زين احسن من العمادي يعطو مواعيد بالساعات
ولما رحت اخيرا الموعد بعد طول انتظار ظليت انتظر من السته لل 9 الا 3 لدخلت يعني عدم التزام ودقة وراح يومي كله عالفاضي
والمستشفة كللللللللللللللللللله هنود وزحمة واماكن الانتظار ضيقة حاطينها في ممر
المهم قلت ولا براجع عنده ولا شي التوبة ورجعت عالعمادي والحمد لله عناية ومتابعة وعالاقل المكان في الطابق الثاني شرح وحلو وعالاقل تلاقين مكان تقعدين فيه
واذا تبين توريج غرفة الولادة وغرفة النوم واي شي تبينه
انصحج روحي عن رفاه العراقية
واخر ملاحظة اذا العمادي تجاري هم الاهلي اغلى واااااااااااايد من العمادي
والله يوفق ويسهل على كل وحدة ولادتها وين ما كانت تتعامل

باربي قطر

07-04-2009, 12:59 PM

انا حامل ومافكر الصراحه اربي غير فـ حمد
لان في حالات مايقدرون عليها الاهلي والعمادي والدوحه
يركبون الوحده اسعاف ويرجعونها حمد

ومافي احسن من حمد ... هاي وجهة نظري

يلله االله يسهل عليج وعلي .. وربي يقومج بالسلامه ..

بوحارب

07-04-2009, 01:33 PM

أمة الله

07-04-2009, 09:56 PM

اختي الأهلي ربت فيه وحده أعرفها...الصراحه مدحتهم لي وايد فالتوليد ولكن لما زرتها.....الغرفه ماتجي شي عند مستشفى حمد...ضيقه وايد وتجيب الغلقه.....وبعدين مثل ما قالوا ترى لا سمح الله لو صار لج أي شي وانتي في حدى هالمستشفيات الخاصة يحولونج على طول حمد وما يتحملون المسؤولية.....

Northman

07-04-2009, 10:09 PM

اذا ماعندج مشاكل في الفلوس ,, عليج بالاهلي

الاهل تمت ولادتهم هناك ,, لكن الفاتوره تعور القلب

الخدمه ماعلهيا اي كلام ,, فوق الممتازة

بوراكان27

08-04-2009, 01:22 AM

انا اضيف كلامي على كلام اللي سبقوني في الرد انا ما سمعت عن وحده ولدت في العمادي بس واايد يمدحون الاهلي تحياتي

eveqatar

08-04-2009, 09:07 AM

المشكله الوحيده هي
لو صار لج شي او صار او للجنين بعد الشر

بينقلونج بسيارة اسعاف الى حمد

على مثال حالتي لما صار لي نزيف قالو لي روحي حمد

ليش تطولينا وهي قصيره

خليج مع حمد

Bo Khalid

08-04-2009, 09:15 AM

السلام عليكم ورحمة الله وبركاته

في حد عنده خبره عن الولادة في مستشفى العمادي

ابي اعرف

كل شيء مثلا عن الاجهزه

والتعامل

وعن الدكتوره

لانه ما يصير اروح لهم واسأل انتو تولدون عدل او ............... ؟؟؟

اتمنى اللي يعرف اي معلومه حتى لو اصغيره اتخبروني :nice:

أختي ما أنصح في المستشفى لأن في دكتورة عندهم اسمها رفاة مكي عراقية الجنسية نفسها خايسة بالإضافة إلى انها تتلاعب في مواعيد المراجعين وفي الرسبشن وغير التنقيع إلي بتشوفيها منها ما أقول غير الله يعينك :rolleyes2:

Riku3

08-04-2009, 11:12 AM

بعد ماسمعت شكوى في وطني الحبيب صباح الخير لما اتصل مواطن وقال ان مستشفى حمد سمح لعدد من الطلبة من الرجال بالدخول على زوجته وهي تربي بغرض التعلم والمشاهدة ..

ونفس الشي حصل لاحد اقاربنا لما دخل عليها دكتور بدون ما يستأذن وهي في حالة الولادة بدون سبب فصرخت عليه لين ما طلع ..

لهالسبب انا غاسل يدي من هالمستشفى وما افكر ادخل زوجتي او احد من اهلي فيه ! ... ان شاء الله رايح الاهلي والله يعين .