من نلوم الشباب او البنات في قضية المعاكسات ؟؟

[خالد624]

اريد اعرف رايكم في الموضوع

[بو الجوري]

ماشاء الله موضوع مختصر :nice:

لي عوده:)

[خالد624]

بو الجوري انتظر رايك في الموضوع

[Qatar4all]

صباح الخير :...

ما نقدر نلوم لا الشباب ولا البنات اللي ينلام البيت ( الاسرة ) :...


رد مختصر جدا :...


الف شكر :...

[بوالنوف]

الشباب وبقوه بعد

بتقولون الحريم يتبرجون ومخصر وقاطه الشيله وضحكه مايعه بعد اقولك الشباب
لان الشباب اهمه اللي يلاحقونهم ويقعدون يتحرشون فيهم ويقولك اهيه لابسه جي عشان نلحقها
يعني شنو هالتفكير انا مادري
اذا اهيه حابه الموضه تحكم عليها
خل يجربون ويسوون ايام العائلات بشكل جدي في كل المجمعات وشوف هل بتحصل أحد من الشباب والمشاكل اللي تحصل في المجمعات
بتحصلهم في الباركات يلفون .... انزين وبعدين شستفدت ؟؟؟؟؟؟؟؟
وكل يقولك انتوا ظالمين الشباب ( الشباب والشباب يعني وين أنروح ) روح المسجد صل تعبد الله
روح المجلس أقعد مع الربع، زور أهلك اللي صارلك شهور ماشفتهم ... إلخ

طولت عليكم بس لو الواحد يتكلم فيهم شهر مايخلص

[بو الجوري]

هلا والله :omen2:

موضوع من سنة يدي وهو ينفتح ودايماً اللوم على الاثنين :nice:

من وجهة نظري ..;)

أولا (بعض) الشباب :

اللوم عليهم .. لأنهم صراحه مايهدون وحده في حالها ...:anger1:

ويلاحقون هذي وذيك .. ويرقمون هذي وذيك .. ويتحرشون في هذي وذيك ..

ترى البنت تحب الرجال الرزين .. اللي مالي هدومووو :secret:


ثانياً (بعض ) البنات :

عليهم اللوم .. لأنهم مثل ما هو باين هالايام في المجمعات والاماكن العامه والسيارات ..

شلون لبس العبايه ونوعها .. وشلون مكياجها ومياعتها .. :anger1:

تخلي الشباب يقولون هذي اكيد فري وعادي بتتضبط ..:omen2: والا ماكان طلعت جذي ..

ترى الرجال يحب البنت المحتشمه واللي عن ميييت رااااجل :secret:

بإختصار ..:playball: فالنهايه وصلنا لبدايه كلامنا .. ألا وهو ..
إن اللوم على الاثنين .. وكل ساقط له لاقط .. :pilot:

تقبلوا مروري وتعليقي .. :rolleyes:


ملاحظه : ( لحد يغمض عينه عند كلمة بعض ويقول ترى مب الكل ):anger1:

[pure]

الغلط على الطرفيين

اولا البنت تفتح المجال للشباب لما تتبرج وتتزين وتتعطر وتتميع

والشباب عاد ما يصدقون على الله

[بوالنوف]

اذا البنت تتبرج وتتمايع وفري .... ليش يلحقها ماعندك غاريه على بنات الناس

والله انا أجوف بنات محتشمين ومع ذلك يضايقونهم الشباب يعني ان تسترت وان تمكيجت وتمايعت نفس الشي
لكن نشوف اجانب مزلطين ماقلنا عنهم شي ولا قعدوا يلاحقونهم ويضايقونهم

وتقولون العتب يقع على الاسره بالعكس يربونهم أحسن تربيه ... لكن يجتمع الحابل بالنابل ويتعرفون على بعض ويبتدي مشوار الشباب الفاسد معاه

ليش الشباب الاجانب مانشوف منهم هالمضايقات يعني تربية الاجانب أحسن من تربية العرب وأبناء الخليج اللي عندهم الاخلاق الحميده ؟؟؟؟؟!!!!!!!

مع كلامي بعد بتقولون ان البنات أهمه السباب

[بو الجوري]

هلا أخوي اذا كان بعض من تعليقك على ردي . .

فأنا لمت الاثنين .. ( إرجع إقرا ردي )

وانا أشوف إن الاسره لها دوووور .. ليش الابو والام مايشوفون بناتهم اي عبايه يفصلونها .. وشلووون طالعه بهالميكب !!!

أكيد الاسره لها دور أخوي ..

[شمعة المنتدى]

اووووووووووووو

ان تكلمنا في هالموضووووع ما بنخلص ،،

أفضّل اني أتم ساااااااكته أحسن لي ،،

[غدير البورصه]

حد غير الشباب؟

[QatarRose]

هالموضوع مثل قضيه فلسطين

الله يعين بس

[بيانو]

البنات

ولاكن مش كلهم اللى يلبسون ملابس غير محتشمه ويعرضون انفسهم للمعاكسات وهم يريدون ذالك الملابس

فلكل فعل رد فعل

الشباب لا يعاكسون غير هذه النوعيه من البنات
اتحدى ان تكون البنت لابسه محتشم ومحترمه بتصرفتها ومشيتها وأحد يعاكسها الااااااا اذا كان معندوش دم بقى واذا عاكس الشباب هذه النوعيه من البنات المحترمه يبقى حينا اذا اللوم على هؤلاء الشباب


وجه نظرى وشكرا

[لله الحمد]

كلش ما تعب نفسه في كتابه الموضوع ههه

وشلّ عليه


الغلط على الاثنين .. البنت تتميع .. وكاشخه

وهو رايح يدور على وحده من شاكلته انتهى

[خالد624]

جزاك الله خير اخوي لله الحمد وأشكر كل من علق

[سداوي&مدريدي]

انلوم الأثنين صراحه

والأكثر طبعا بعض البنات على لبسهم البايخ وحركاتهم

في المجمعات وغير المجمعات :secret:




ماشاء الله موضوع مختصر :nice:

لي عوده:)

هههههههههههههههههههههههههههههههههههههههههههههههههه ههههههههههه

هذا المطلوب :nice:

[eXpert*]

المحترم يفرض نفسه ،، سواء شاب أو فتاة.

و احنا مب ضد الفتاة تروح تتسوق ولكن تأخذ بعين الاعتبار ،،احترام الاخرين .

يعني هاليومين نشوف البنت من محل الى آخر لا هي بايعه ولا شاريه بس علشان تكحل عينها بكل ماتوصلت اليه الموضه وتروح تدعيّ قدام زملاتها انا شريت وشريت وهي لا شرت ولا شي ,,, المهم نرجع لصلب القصة :
- عباية مخصرة
- شيلة ملونة بـ جميع ألون الطيف
- كعب ارتفاعه 100 مليميتر ومن غير كاتم صوت يعني ((كلاشينكوف))
- شنطة شوارسيفكي تلفت انتباه أي شخص حتى لو مصاب بالعمى
- جوال يرن نغمة وينو حبيبي - لـ نوال الكويتيه <<== طبعاً عقب ما يسمعون الرنة يطلعون الفرسان ((الشباب)) كل واحد راكب فرسه الابيض ليثبت للفتاة انه فارس الاحلام المنتظر :tease::tease:

عقب كل هذا ماتبون الشباب يطردونها مثل طردهم لـــــــ عنود الصيد !!!

[!قطريـة بنت القمـر!]

هلا والله :omen2:

موضوع من سنة يدي وهو ينفتح ودايماً اللوم على الاثنين :nice:

من وجهة نظري ..;)

أولا (بعض) الشباب :

اللوم عليهم .. لأنهم صراحه مايهدون وحده في حالها ...:anger1:

ويلاحقون هذي وذيك .. ويرقمون هذي وذيك .. ويتحرشون في هذي وذيك ..

ترى البنت تحب الرجال الرزين .. اللي مالي هدومووو :secret:


ثانياً (بعض ) البنات :

عليهم اللوم .. لأنهم مثل ما هو باين هالايام في المجمعات والاماكن العامه والسيارات ..

شلون لبس العبايه ونوعها .. وشلون مكياجها ومياعتها .. :anger1:

تخلي الشباب يقولون هذي اكيد فري وعادي بتتضبط ..:omen2: والا ماكان طلعت جذي ..

ترى الرجال يحب البنت المحتشمه واللي عن ميييت رااااجل :secret:

بإختصار ..:playball: فالنهايه وصلنا لبدايه كلامنا .. ألا وهو ..
إن اللوم على الاثنين .. وكل ساقط له لاقط .. :pilot:

تقبلوا مروري وتعليقي .. :rolleyes:


ملاحظه : ( لحد يغمض عينه عند كلمة بعض ويقول ترى مب الكل ):anger1:


احسـنت و جبـتها من الاخــر :) .... اهم شي لا يجونك الشباب يقولون ياخي محرومين احنا شنسوي ومن حقنـا اقـول لو انطمـوا ابـرك لهم :) .... واللي تجيـك بهالمنظـر المقـزز وتسـوي لك مليون حركه وحركه وعقـب اتبـجبـج من اللي بيجيـها ما تلـوم الا نفسـها :) .... يعطيك العافيـه يا صاحــب الموضوع :) .....

[بوحارب]

انه الوم السحالي

[بوخالد2]

والله اانا اقول الطريفين

ولكن لو رجعنا للشخص اللى يغازل مثلا !!

هل يرضى لو اخته هذه و يتحرشون فيها الشباب ؟؟

احشم نفسك يارجل و هالله هالله بالمجالس و الذكر الطيبه فيهاا

وانتي يابنت

ليش ماتحشمين نفسج احسن (( بكره يطوفج القطار ))

والسبب لبسج ومياعتج وسمعتج (( والدوحه صغيره )) و ماتعوق تظهر السوالف على اللى عليها العرس بعد الاستفسار عنها !!

الرجل يعذرونه ولكن البنت اهم شي سمعتها !


والله يهدي الجميع ان شاءالله

[!قطريـة بنت القمـر!]

والله اانا اقول الطريفين

ولكن لو رجعنا للشخص اللى يغازل مثلا !!

هل يرضى لو اخته هذه و يتحرشون فيها الشباب ؟؟

احشم نفسك يارجل و هالله هالله بالمجالس و الذكر الطيبه فيهاا

وانتي يابنت

ليش ماتحشمين نفسج احسن (( بكره يطوفج القطار ))

والسبب لبسج ومياعتج وسمعتج (( والدوحه صغيره )) و ماتعوق تظهر السوالف على اللى عليها العرس بعد الاستفسار عنها !!

الرجل يعذرونه ولكن البنت اهم شي سمعتها !


والله يهدي الجميع ان شاءالله


في الصــميم :) ....

[eXpert*]

وانتي يابنت

ليش ماتحشمين نفسج احسن (( بكره يطوفج القطار ))

والسبب لبسج ومياعتج وسمعتج (( والدوحه صغيره )) و ماتعوق تظهر السوالف على اللى عليها العرس بعد الاستفسار عنها !!

الرجل يعذرونه ولكن البنت اهم شي سمعتها !


والله يهدي الجميع ان شاءالله


جوال ومشيه بفشخره في وسط السوق متبخترة

والكحله في وسط العيون والشفايف زود محمرة

والقميص تتعمد تفكه تخليه مفتوح ما تزرره

الله يرحم ذاك الزمان الحرمة فيه مستره

كانت تجلس ويا الأذان وتصلي لله وتشــــــــــكره

وتدعي للناس الطيبين بنفس طيبه وطاهرة

مو مثل بنات هذا الزمن تركب ويا الأجنبي بيدها روج ومنظره

وقصت الشعر أخر موديل كأنها ديك منفوش جناحه وعرعره

والعبايه تحطها على الكتف حتى الشعر ماتستره

ولو تقول لها هذا حرام قالت كلامك كله دندره

كلامك كله ما يعني لي شيء أنا فتاه متطورة

لا يخدعونك باسم حضارة هالزمن آخرتها تالي المقبرة

وآخر كلامي بالصلاة على النبي واياه العترة الطاهرة

((بقلم الشاعر البحريني عبدالرحمن رفيع : بتصرف Expert*))

[سداوي&مدريدي]

البنات

ولاكن مش كلهم اللى يلبسون ملابس غير محتشمه ويعرضون انفسهم للمعاكسات وهم يريدون ذالك الملابس

فلكل فعل رد فعل

الشباب لا يعاكسون غير هذه النوعيه من البنات
اتحدى ان تكون البنت لابسه محتشم ومحترمه بتصرفتها ومشيتها وأحد يعاكسها الااااااا اذا كان معندوش دم بقى واذا عاكس الشباب هذه النوعيه من البنات المحترمه يبقى حينا اذا اللوم على هؤلاء الشباب


وجه نظرى وشكرا

المشكله اذا الشباب عاكسو البنت الغير محتشمه اتعصب عليهم وتتنرفز

هههههههههههههههههههههههههههههههههههههههههههههههههه ههههههههه

شي غريب صراحه :rolleyes2:



والله اانا اقول الطريفين

ولكن لو رجعنا للشخص اللى يغازل مثلا !!

هل يرضى لو اخته هذه و يتحرشون فيها الشباب ؟؟

احشم نفسك يارجل و هالله هالله بالمجالس و الذكر الطيبه فيهاا

وانتي يابنت

ليش ماتحشمين نفسج احسن (( بكره يطوفج القطار ))

والسبب لبسج ومياعتج وسمعتج (( والدوحه صغيره )) و ماتعوق تظهر السوالف على اللى عليها العرس بعد الاستفسار عنها !!

الرجل يعذرونه ولكن البنت اهم شي سمعتها !


والله يهدي الجميع ان شاءالله

بوخالد2

خشمك :victory:

[بنت المنتدى]

الغلط ع الطرفين وطبعاً مو دائماً :)

[عليان قطر]

اريد اعرف رايكم في الموضوع


معاكسات
لا بارك الله في ابليس

[أطلس قطر]

اللوم الأول والأخير يرجع للبنت ، هي السبب الرئيسي في اصدار المعاكسات وذلك للاسباب التاليه : ومنها

اللبس الضيق ( إظهار مفاتن المرأه ) " وبخصوص اللبس الضيق ليش مستعجلين بيجيكم ضيق القبر "
والمكياج الزائد وظهور القذله والنظرات الخاطفه والمشي المايع والضحكات الشيطانيه

كل هذه الاشياء تثير غريزة الرجل

ويقول المثل : المال السياب يعلم السرقه : يعني وحده ماتحشم نفسها لا بلبسها ولا بحركاتها فأكيد الشباب راح ياخذون فكره عنها بانها راعية مغازل وبالتالي راح يصير التحرش من قبل الشباب

وفي النهايه انا الوم البنت ، هي السبب الرئيسي في اصدار المعاكسات

ملاحظه : نسبة الأيدز في ازدياد عندنا واللى صايدهم هالمرض الله يكفينا شره أغلبيتهم في عمر الزهور

انتبهوا على اعمارك ياشباب ويابنات ( اذا فات الفوت ماينفع الصوت )

[خالد624]

شاكر لكم مروركم الجميل

[سمو انسان]

سؤال مختصر

وجواب سهل

اللوم عالشخص اللي قلل من شأن نفسه

بقلة احترامه لنفسه ولدينه ولطبايعه وعاداته وتقاليده

[بوعلي2]

المحترم يفرض نفسه ،، سواء شاب أو فتاة.

و احنا مب ضد الفتاة تروح تتسوق ولكن تأخذ بعين الاعتبار ،،احترام الاخرين .

يعني هاليومين نشوف البنت من محل الى آخر لا هي بايعه ولا شاريه بس علشان تكحل عينها بكل ماتوصلت اليه الموضه وتروح تدعيّ قدام زملاتها انا شريت وشريت وهي لا شرت ولا شي ,,, المهم نرجع لصلب القصة :
- عباية مخصرة
- شيلة ملونة بـ جميع ألون الطيف
- كعب ارتفاعه 100 مليميتر ومن غير كاتم صوت يعني ((كلاشينكوف))
- شنطة شوارسيفكي تلفت انتباه أي شخص حتى لو مصاب بالعمى
- جوال يرن نغمة وينو حبيبي - لـ نوال الكويتيه <<== طبعاً عقب ما يسمعون الرنة يطلعون الفرسان ((الشباب)) كل واحد راكب فرسه الابيض ليثبت للفتاة انه فارس الاحلام المنتظر :tease::tease:

عقب كل هذا ماتبون الشباب يطردونها مثل طردهم لـــــــ عنود الصيد !!!



هههههههههههههههههههه

[مضاربه]

الله يستر على بناتنا ان شاءالله ويحفظهم من التقليد الاعمى ويحفظهم من الشباب المستهترين

[سوق واقف]

بكل صراحة

لو البنت كانت محتشمه ومب متبرجة ولا متمكيجه ولا لا بسة عباية مخصره

كان ما لقيت ولا شاب يغازل
بس الخطأ من البنات الله يهديهم

[بوعلي2]

انه الوم السحالي

وانت تلوم من يا خالي ؟ :(

بوحارب انا معاك بكل الي تقوله ههههههههههه :victory:



:tease:

[أم عبدالرحمن]

بصراحه ..

آلوم البنات اللي يتبرجون كنهم رايحين عرس يعني ساعات احنا البنات نطالعهم يلفتون النظر بشكل مب طبيعي يعني اللحين طايحين في العبايه اللي يدها وسيعها وترفع يدها واليد كلها تبين والمكياج مكياج أعراس والبف اللي يسونه على راسهم ((قوطي رووب)) وريحت عطوراتهم يعني شي يعور القلب والله {اوكي قلنا كشخوا لكن بعقل بحد المعقوول }يعني ساعات مالوم الشباب والله احنا البنات يفز قلبنا عليهم شلون الشباب ..:anger1:

وساعات آلوم الشباب اللي الحمد لله والشكر كنهم مب شايفين خير من شافوا شي اسود الحقوا
الله يهدي الجميع يارب

[&بوشهد&]

الاثنين معاَ

[بلاهويـــــة]

زمان ألوم الشباب

لكن الحين

في هالزمن


الوم البنات

بعض البنات صاروا مايستحون

وصارت اشياء جدام عيوني

وبعض البنات يقزون الرجال حتى لو هو مع زوجته


الله يحفظنا ويستر علينا

[لله الحمد]

والله يوم اكون مع زوجتي .. مشاكل تصادفني مع هالبنات

يعني اللي تطالعك جنها تعرفك من زمان

وللي تمخطر جدامك عشان تبين لزوجتك انك تعرفها

واللي تغازل عيني عينك


بنات النيدو .. نكبه