محتارة بين الأي فون و البلاك بيري

[rockerbabe]

السلام عليكم.. أنا أبي أشتري لي جوال من وحدة من هاي الماركتين لكن مب عارفة أي واحد أحسن من ناحية المميزات و العيوب خصوصا في النت و الرسايل المصورة.. بليز ساعدوني في الاختيار

[cayenne s]

اختى عليك بالبلاك بيرى شاشه اعرض ومميزات احلى للايميل

اسالى مجرب

[rockerbabe]

بس المشكلة أخوي الإنترنت .. الأي فون مجاني لكن البلاك بيري لازم اشتراك.. و أنا أبي أشوف لي جوال يتيح لي هاي الميزة... و تسلم أخوي على الرد

[قناصه]

كل واحد له مميزاته الخاصه فيه ..

بس انا افضل البلاك بيري ...

وان شاء الله قريبا" ... باخذه :)

[cayenne s]

صحيح اختى كلامك بس انا قلت لك على حسب المميزات

[rockerbabe]

تسلمين أختي قناصة

[rockerbabe]

تسلم أخوي كايين

[مضارب دوسري]

البلاك بيري وانتي مغمضه اختي

[مضارب دوسري]

اليلاك بيري مسنجر تقدرين تضيفين اي احد تعرفينه وتسولفين معه 24ساعه عالمسنجر ويكون كله من خدمات البلاك بيري
اللي هي عباره عن 125 ريال شهريا


غير هذا اشياااااء وايد في هالجوال يتيح لج استخدام مريح

والله انا شاري واحد كل مايشوفه احد يكلمني عنه

من ناحية الكشخه واشتهار هالجوال على مستوى امريكا الشماليه

[بوسلطانqtr]

صبحكم الله بالخير ونعمة الرحمن

اختي انصحج htc hd

ادخلي على الموقع وشوفي مميزاته

وتقبلي احترامي وتقديري

[rockerbabe]

إنزين بالنسبة للبلاك بيري أي موديل أفضل من ناحية المميزات؟؟ و سعر خدمة الاشتراك ثابت كل شهر؟ يعني يزيد بزيادة استخدامك للإنترنت؟؟

[rockerbabe]

تسلم أخوي بوسلطان

[مضارب دوسري]

إنزين بالنسبة للبلاك بيري أي موديل أفضل من ناحية المميزات؟؟ و سعر خدمة الاشتراك ثابت كل شهر؟ يعني يزيد بزيادة استخدامك للإنترنت؟؟

ثابت من ناحية المميزوات

بس يزيد من ناحية استخدام الانتر نت


انصحج bold9000
اخر واحد

ولا تاخذين اللي باللمس لان استخدامه معقد

خذي العادي

وسعره عند ستار لنك 2999

[rockerbabe]

تسلم أخوي مضارب دوسري.. بس إذا السعر يزيد شالفايدة.. ؟؟ شكلي باغير عن البلاك بيري و آخذ أي فون..

[Moe.Z]

سلام عليكم

البلاك بيري لاستخدام البزنس يعني اذا محتاجه تعرفين عن الايميلات الي توصل اول باول خذي بلاك بري مع خدمة الايميلات من كيوتل , يعني التلفون بروحه كانه اي تلفون عادي , بس اسهل لتشييك الايميلات .
الاي فون مختلف لانه مش للبزنس , تقدرين تنزلين عليه برامج اكثر , في مساحة تخزين اكبر , الشاشه اكبر , يعني استخدام اشخاص عاديين , بس لان الشاشه بلمس ممكن تكون في شوية صعوبه بالاستخدام .

[rockerbabe]

انزين وين أحصل جوال أي فون 3g معرب ..؟ آخذه من ناس و لا من فودافون ؟؟

[عين الظبي]

انا بعد خاطري بالبلاك بري
بس دشيت كيوتل مافهمت شي

سالفته سالفه

[م.قطري]

انا اشووف الاي فوق احلى واونس حق المستخدمين العادين وله برامج كثير واحلى

واذا كان الشخص يهتم بالايميلات ياخذ له بلاك بيري ول التلفون مافيه من الزود

من تجربه شخصيه :)

[rockerbabe]

تسلم أخوي

[rockerbabe]

انزين وين أحصل جوال أي فون 3g معرب ..؟ آخذه من ناس و لا من فودافون ؟؟

[Al-Kuwari]

البلاك بيري احسن بكثييير

[hma]

السلام عليكم

أختي تقدري تحصلي أي فون في محل في شارع النصر اسمه المجرة

وحتى لو جبتي التلفون من أي مكان المجرة عنده التعريب وفك الشفرة

[honey_uk]

شوفي الاثنين اللي ذكرتيهم فيهم سلبيات وإيجابيات " انا شخصياً عندي الأثنين "

1 الايفون
----------
جوال ماعليه كلام كجهاز رهيب حلو خفيف شكله ملفت بس علشان تنزلين فيه اي شي يبيلج شوي خلفيه عن الكمبيوتر واستخدامه .. يعني مثلاً تحطين النغمات يبيلها برنامج .. تنزلين البرامج عليه يبيلج طريقه وبرامج ... ماتقدرين تشبكينه على اكثر من جهاز مثلاً تبين تحطين فيه اغاني من كمبيوتر الشغل وتروحين البيت وتزيدين مايصير بس مع جهاز واحد والثاني يمسح اللي سواه الجهاز اللي قبله وينسخ من جديد ؟
استخدامه وايد سهل لدرجه انه اي شخص يستخدمه مره " انا اتكلم عن الاستخدام " ممكن يكون محترف فيه

شاشه اللمس حلوه والاستجابه مالتها رهييبه بس صعب الواحد يكتب مثلاً وهو يسوق .. يبي يكتب بسرعه .. صعبه شوي ..

علشان تسويين فورود للمسجات يبيلج برنامج خاص .. علشان تستخدمين الام ام اس يبيلج برنامج واعدادات معينه ... ممم ايه مايرسل بلوتوث ولا يستقبل اي شي.

بصفه عامه انا اقولج الايفون رهيب ماعليه كلام بس لو تعرفين تستغلينه لانه مهب مثل النوكيا والاركسون :) ولا حتى البلاكبيري

2- البلاك بيري

جهاز حق الناس البرفشنل يصلح حق البزنس يوزرز اكثر من المستخدمين العاديين " لكن " حالياً صار الجهاز فيه سوالف وايد جديده كل يوم تعديلات عليه وصار مثله مثل اي جوال ثاني ... البلاك بيري كـ خدمه رهيبه النت سريع وايد و ممكن تحطين عليه اي ايميل تبين حتى ايميلات الشغل .. تستقبلين ترسلين عادي كأنج قدام الكمبيوتر .. المسجات فيه حلوه ... استخدامه وايد سهل والاحلى انه الكيبورد كامل قدامج :)
شاشته نفس شاشه الايفون واضحه وحلوه لكن الايفون أكبر .. بس مايمنع انها بعد هالشاشه كبيره .. تصفح النت فيه حلو بالنسبه لوسائل الاتصال فيه كل شي من البلوتوث لي الوايرلس

اشتراك كيوتل 150 ريال فالشهر وهاي يعطيج 10 ميجا داونلون واستخدام الايميل اي شي فوقه يحسبونه 10 ريال لـ كل ميجا زياده " العاده مابتروحين فوق العشره إلا اذا بتنزلين برامج واغاني و وو و " بس لاتنسين انه فيه وايرلس يعني ممكن تستخدمين الوايرلس لو بتنزلين الاغاني والملفات الكبيره وخدمه البلاكبيري خليها لما تكونين في مكان مافيه وايرلس :)

ارساله حلو وشكله روعه بطاريته بعد احسن من الايفون لان الايفون يفضي بسرعه لو بتستخدمين الـ 3 جي لكن البلاك بيري بطاريته تطول اكثر

انا عندي الاثنين وبصراحه ماقدر استغني عن اي واحد فيهم بس بشكل عام البلاكبيري هو اللي دايماً اشيله معاي والايفون دايماً فالسياره علشان وصله الآيبود

اتمنى اني اكون عطيتج فكره و تقدرين تقررين وش الاحسن بالنسبه لج وتذكري انه لو خذتي الايفون او البلاكبيري قرارج يرجع لأولوياتج ووشو تبين اكثر :)

اي سؤال انا حاظر وفالشوفه :)

[الرهيب فون]

اختي في جوال جديد من سامسونج اسمه امنيه جوال عجيب

استخدام سهل جدا وثري جي واير ليس وعربي بالكامل مع مخرج تلفزيون نفس النوكيا

والوسائط شغاله بدون برامج عكس الاي فون

نظام ويندوز +ماسنجر عربي+متفح اكسبلورير +متصفح اوبرا
يعني جهاز روعه

[الرهيب فون]

اختي في جوال جديد من سامسونج اسمه امنيه جوال عجيب

استخدام سهل جدا وثري جي واير ليس وعربي بالكامل مع مخرج تلفزيون نفس النوكيا

والوسائط شغاله بدون برامج عكس الاي فون

نظام ويندوز +ماسنجر عربي+متفح اكسبلورير +متصفح اوبرا
يعني جهاز روعه
http://up2.m5zn.com/photo/2009/2/24/12/3znb13d9s.jpg/jpg (http://up2.m5zn.com)

[ولدالدوحه]

هلا الشيخه انا الله يسلمج استخدمت اول شئ الاي فون و جهاز حلو الصراحه في الاستعمال و جربت بعده السامسونج امنية و فعلا جهاز روعه و انا الحين استخدم البلاك بيري تاتش سكرين storm 9530 طلبته من امريكا و طلع علي واصل الدوحه 2100 و عربته عن طريق النت من الموقع ب 10 دولار و حلو للايميلات والبزنس كلاس .

و لكن اعتقد انه الافضل من حيث الاستخدام العادي هو الايفون ....

[عكاس]

انا استخدم الاثنين الاي فون والبلاك بيري بولد
في الوقت الحالي البلاك بيري افضل لانه يدعم التعريب وخدمته مدعومه من قبل كيوتل وستكون مدعومه من قبل فودافون ايضا
بالنسبة للاي فون جهاز ماعليه كلام بس غير مفعل في شبكة كيوتل
يعني الخدمات اللي فيه مثل الفويس ميل والداتا مالها وجود
ثاني شي المسجات العربية محتاجه برامج خاصه والجهاز لايعمل فورورد للمسجات العربية
بعدين اذا شركة ابل تزلت تحديث للجهاز ينقفل ويمكن مايفتح الا بعد فتره.

انصح بالبلاك بيري بولد على ستورم
عيب ستورم الوحيد هو شاشة اللمس واللي ماتقدرين تطبعين عليها الا حرف حرف
اما البولد تطبعين عليه عادي مثل الكيبورد العادي.

[ابوفايز]

بالتوفيق

[qatar poy]

نصيحتي لج

لين مايفتحون فودا فون

وهم بيشغلون الاي فون

شوفي المميزات والعروض اللي بتقدم على هالجوال من قبل فودافون

وبعدين ممكن تتخذين قرارج في الشراء

وشكرا

[nym]

الجهازين موجودين عند ستار لينك من كم يوم نزلوا اي فون مع الضمان
وستار لينك موجود في الرويال بلازاو فيلاجيو وفي شارع السد

[((بو مبارك))]

انا مجرب تلفونين افضل اي فون بوايد

[عصفورة جنة]

هلا الشيخه انا الله يسلمج استخدمت اول شئ الاي فون و جهاز حلو الصراحه في الاستعمال و جربت بعده السامسونج امنية و فعلا جهاز روعه و انا الحين استخدم البلاك بيري تاتش سكرين storm 9530 طلبته من امريكا و طلع علي واصل الدوحه 2100 و عربته عن طريق النت من الموقع ب 10 دولار و حلو للايميلات والبزنس كلاس .

و لكن اعتقد انه الافضل من حيث الاستخدام العادي هو الايفون ....

اخوي ولد الدوحه هل هو افضل منbold9000 ام نفس المميزات

[rockerbabe]

تسلمون جميعاً على الردود.. دش في خاطري آي فون.. بس وين أحصل آي فون 3g أبيض 16 جيجا بايت؟؟ و يكون فيه البرامج و معرب؟؟ رشحوا لي أماكن؟؟ و إذا راح أشترين من فودافون راح يلزموني آخذ خط؟؟

[aabdulla1]

الأي فون رهيب وخاصة البرامج اللي ممكن تنزله لدرجة إني وين ما اروح اليهال دوم ياخذون التلفون مني عشان يلعبون!!! لا ويتهاوشون على من يلعب قبل!:nice:

خصائص ومشاكل الأيفون :
1- البلوتوث يشتغل بس مع الأي فون يعني النوكيا ما راح يتعرف عليها
2- الGPS لحد الآن ما في برنامج لنظام الملاحة بس تحديد الموقع يعني ما في ارشادات صوتية
3- الوايرلس رهيب على طول يشبك و اشتراكه مع كيوتل 10 ريالات لكل 1 ميجا ( اول ما اشتركت نسيت الايميل شغال واول يوم كلفتني 350 ريال بس للإيميلات!!!)
4- الكاميرا تعبانة مقارنة مع النوكيا او الموبايلات الثانية ومحتاجة برامج عشان تسجيل الفيديو
5- خاصية اللمس للشاشة عند الايفون افضل من التلفونات الاخرى (لحد الآن)

[بُوجَآُسْم •~]

ماشالله عليكم أراء ومناقشات أنا ماعندي هالتلفونات بس بس بخبرتكم عرفت عنها الكثير :)

موفقيين

[Scorpion]

سلام عليكم

البلاك بيري لاستخدام البزنس يعني اذا محتاجه تعرفين عن الايميلات الي توصل اول باول خذي بلاك بري مع خدمة الايميلات من كيوتل , يعني التلفون بروحه كانه اي تلفون عادي , بس اسهل لتشييك الايميلات .
الاي فون مختلف لانه مش للبزنس , تقدرين تنزلين عليه برامج اكثر , في مساحة تخزين اكبر , الشاشه اكبر , يعني استخدام اشخاص عاديين , بس لان الشاشه بلمس ممكن تكون في شوية صعوبه بالاستخدام .


بالظبط :victory:

[biz-qtr]

تسلمون جميعاً على الردود.. دش في خاطري آي فون.. بس وين أحصل آي فون 3g أبيض 16 جيجا بايت؟؟ و يكون فيه البرامج و معرب؟؟ رشحوا لي أماكن؟؟ و إذا راح أشترين من فودافون راح يلزموني آخذ خط؟؟

بتلقين عند المجره للهواتف انا كنت ماخذه من عنده من فتره

[hqaheri]

اي فون وبس

[ولدالدوحه]

اخوي ولد الدوحه هل هو افضل منbold9000 ام نفس المميزات

اكيد انا الله يسلمج اشوفه الافضل من البولد شاشه كبيرة و باللمس بس عيبة الوخد لحد الانان ما تقدرين تكتبين مسجات بالعربي بس الايميل و الاسماء و الملاحظات تقدرين تكتبين بالعربي :shy:

[airbus]

اكيد انا الله يسلمج اشوفه الافضل من البولد شاشه كبيرة و باللمس بس عيبة الوخد لحد الانان ما تقدرين تكتبين مسجات بالعربي بس الايميل و الاسماء و الملاحظات تقدرين تكتبين بالعربي :shy:

تقدر اخوي من قالك ماتقدر تكتب مسيجات بالعربي

[rockerbabe]

تسلمون جميعا على الردود ..
أبشركم.. شريت لي iphone 3 g 16gb أبيض

[البيت بيتك]

اختى عليك بالبلاك بيرى شاشه اعرض ومميزات احلى للايميل

اسالى مجرب


انا ابيع منهم 7 جوالات بلاك بيري ولا عليه كلام حق النت واستخدام

[rockerbabe]

أنا شريته أخوي عشان النت.. ما ابيه يحسب علي..

[rockerbabe]

و بعدين أحس البلابيري يخدم قطاع البيزنس اكثر

[عين الظبي]

شوفي الاثنين اللي ذكرتيهم فيهم سلبيات وإيجابيات " انا شخصياً عندي الأثنين "

1 الايفون
----------
جوال ماعليه كلام كجهاز رهيب حلو خفيف شكله ملفت بس علشان تنزلين فيه اي شي يبيلج شوي خلفيه عن الكمبيوتر واستخدامه .. يعني مثلاً تحطين النغمات يبيلها برنامج .. تنزلين البرامج عليه يبيلج طريقه وبرامج ... ماتقدرين تشبكينه على اكثر من جهاز مثلاً تبين تحطين فيه اغاني من كمبيوتر الشغل وتروحين البيت وتزيدين مايصير بس مع جهاز واحد والثاني يمسح اللي سواه الجهاز اللي قبله وينسخ من جديد ؟
استخدامه وايد سهل لدرجه انه اي شخص يستخدمه مره " انا اتكلم عن الاستخدام " ممكن يكون محترف فيه

شاشه اللمس حلوه والاستجابه مالتها رهييبه بس صعب الواحد يكتب مثلاً وهو يسوق .. يبي يكتب بسرعه .. صعبه شوي ..

علشان تسويين فورود للمسجات يبيلج برنامج خاص .. علشان تستخدمين الام ام اس يبيلج برنامج واعدادات معينه ... ممم ايه مايرسل بلوتوث ولا يستقبل اي شي.

بصفه عامه انا اقولج الايفون رهيب ماعليه كلام بس لو تعرفين تستغلينه لانه مهب مثل النوكيا والاركسون :) ولا حتى البلاكبيري



:eek5:

بل كل شوي وانزل برنامج ؟؟؟

سالفه هذا

عيل البلاك بري احسن منه بوايد

[CLS2007]

انا انصحج بالبلاك بييري وايد حلو استخدامه انا عندي واحد

[voodoo]

اليلاك بيري مسنجر تقدرين تضيفين اي احد تعرفينه وتسولفين معه 24ساعه عالمسنجر ويكون كله من خدمات البلاك بيري
اللي هي عباره عن 125 ريال شهريا


غير هذا اشياااااء وايد في هالجوال يتيح لج استخدام مريح

والله انا شاري واحد كل مايشوفه احد يكلمني عنه

من ناحية الكشخه واشتهار هالجوال على مستوى امريكا الشماليه


:victory:

[haalhama]

yes HTC is better