في قطر..الكوفي شوبات..ممنوع دخول العجائز القطريات!!؟؟ [الأرشيف]

عابر سبيل

24-02-2009, 02:29 PM

سمعت....و العهده على الراوي...

ان احد...خذ امه العجوز ...و زوجته "النص نص"...
حق كوفي شوب....
واحد وطر قديم..بس حاب ايجدد...
فشال حرمته....و العجوز اللي معهم ...

لكن...عند باب الكوفي شوب...

قالوا له...
انت...و الثانيه...
اللي عليها شيله مطرزه...و دفه "مخبقه"...Ok..

اما ذيك...اللي مغطيه وجهها اببرقع...او شتسومنه..اي بطـّوله..
Sorry...ممنوع:nono:

و انا ..عاد....كنت امعزم...اخذ زوجتي
و امي و و بعد امها...في حدى هالستار بوكسات...
و الا الكوتجات...و الا مدري شسمه...

المهم...

صحيت من النوم...
و قلت...يالله خير....وسواس...
لتسمعني امي..بتقول
" بك بك بك...حشى...ينيت"
تبيني انا بعصاتي و بطولتي...اروح
بين هالبنيات...و اشرب لي...ديكاف...
او سكم ملك لاتيه...و اختمها ابـ" ملك شيك"...
:shy::shy:

بس...انا
ما ادري....قلبي قارصني...
ايقول ان هالحلم..كان وصاة...او شي من الايحاء..
انت يا عابر...لازم اتودي العجوز كوفي شوب...
ثراك مقصرٍ معاها...و لازم اترضيها بشي...سربرايز..
مفاجأه...

يا ترى...هل حد جرب قبلي...و خذ امه..او وحده رافقت
ام زوجها - العجوز-...في طلعة كوفي شوب...

خلوكم..و لا اطردوكم؟؟!!

انصحوني قبل لا اروح و اتوهق...
تراني امعزم...عالويكاند الجاي...

ارجوا الافاده....يا سيدات و ساده

Bin Hood

24-02-2009, 02:33 PM

سؤالك غريب جدا اخوي

انت من صجك تتكلم !!

ROSE

24-02-2009, 02:35 PM

ههههههههههههههه الله يحفظ لك الوالده يارب

مره وديتها الستي سنتر وتعبنا من المشي وخذتها وقعدتها في الابرا

ومره ثانيه قعدنا في كوفي شوب بعد فوق مااذكر اسمه محد طردنا ولو قالوا لي ممنوع

جان ذبحتهم :secret: يفشلون الوالده

بس عادي الموضوع مااعتقد فيه حد بيطرد زبون عشان انها عيوز ولا شابة

هالكلام مب عندنا اخوي

بوخالد911

24-02-2009, 02:38 PM

حدث العاقل بما يعقل

مسيوو/ بوخالد911

اللورد

24-02-2009, 02:41 PM

Mo0o0oM

24-02-2009, 02:41 PM

اخوي عابر سبيل . . وانت ليش تبي تعني العجوز وتوديها هالاماكن . . صدقني ماراح ترتاح

اذا تبي تونس الوالده صج . . ودها للاماكن المفتوحه مثل الحدائق :)

عنك مثلا حديقة سبير ...... :D

um abdulla

24-02-2009, 02:44 PM

انا من امك ما اروح هالاماكن
يمكن بعد اصكك بدعوة ساعة مغربية
ترى مب احسن لك !!:anger1:

GULFSUN

24-02-2009, 02:44 PM

ههههههههههههههه الله يحفظ لك الوالده يارب

مره وديتها الستي سنتر وتعبنا من المشي وخذتها وقعدتها في الابرا

ومره ثانيه قعدنا في كوفي شوب بعد فوق مااذكر اسمه محد طردنا ولو قالوا لي ممنوع

جان ذبحتهم :secret: يفشلون الوالده

بس عادي الموضوع مااعتقد فيه حد بيطرح زبون عشان انها عيوز ولا شابة

هالكلام مب عندنا اخوي

:shy:

miss-qatr

24-02-2009, 02:45 PM

هل قصدك أخوي عابر ان بيوم بيصير الحلم اللي اتقول عنه!!!

هتـان قطر

24-02-2009, 02:46 PM

ياناس هذا حلم حلم..:omen2:

الخير كله

24-02-2009, 02:47 PM

مستثمره جديده

24-02-2009, 02:51 PM

ياخوي الكوفي شوب مب مخصص لفئه معينه هو مكان للكل واي حد يقدر يقعد فيه ويطلب اللي يبيه سواء عجوز ولا شايب ولا خدامه ولا دريول ولا ياهل كله واحد غريب تفكيرك اخوي يعني انت حاط في بالك ان الكوفي شوبات يقتصر دخولها على الشباب ..

بس بقول لك شي اخوي احنا مجتمعنا المحافظ يستنكر وجود البنات في الكوفي شوبات
في مكان مفتوح جدام الله وخلقه ولان الطاولات تكاد تكون متلاصقه واكثر رواد المقاهي من الشباب فالبنت والحرمه المحترمه ماترضى تقعد في هالاماكن علشان جذيه تلقى اكثر نسوانا الكبار يستنكرون القعده في هالاماكن .. يعني عدم جلوس امهاتنا الكبار في الكوفي شوب
مب لانهم ممنوعين ( محد كفو يمنعهم ) ولكن لانهم هم نفسهم مايحبون الجلوس في هالاماكن .. يعطيك العافيه

الساهرة

24-02-2009, 02:56 PM

انا من امك ما اروح هالاماكن
يمكن بعد اصكك بدعوة ساعة مغربية
ترى مب احسن لك !!:anger1:

ياريت انتي امه يا ام عبوووود :tease:
نبي اصكينه بدعوه عيل ياخذ العيوز حق هالاماكن الماصخه ستار بكس عاد :omg:
عزة الله ماخذها عمرة

الساهرة

وجه الحقيقة

24-02-2009, 03:11 PM

يخســـــــــــــــون يمنعون العجايز ثم يخســـــــــــون ثم يخســــــــــــون..الواحد يدش بفلوسه ويحط ريل على ريل ولا حد كفو يكلمه..مع احترامي لك وللقراء المفاصيخ دشوا ومامنعوهم بيجون يمنعون العجايز؟؟؟؟
ويـــــــــــن داشين مدارس فرنسا هههههههههههه

عابر سبيل

24-02-2009, 04:29 PM

سؤالك غريب جدا اخوي

انت من صجك تتكلم !!

شوف الردود/المشاركات بعدك
تتضح لك الصوره...
و لنا رجعه اخرى

عابر سبيل

24-02-2009, 04:40 PM

مره وديتها الستي سنتر وتعبنا من المشي وخذتها وقعدتها في الابرا

ومره ثانيه قعدنا في كوفي شوب بعد فوق مااذكر اسمه محد طردنا ولو قالوا لي ممنوع

جان ذبحتهم :secret: يفشلون الوالده

تمام....في حد سواها...
بس اذا..اذا ما في حرج...
لج انتي روز او اي حد غيرج...
فكرتي تاخذين...ام زوجك...عيوزج...عمتج...

انا..المشكله عندي...ان زوجتي...
اتقول ابدا..ما ارشف رشفة القهوه...قبل امك...

و انا كنت امفكر اطلع طلعه رومنسيه....يبلفيت...
بس احنا..اولد تايمرز..

فقلت..ما ايصير اهي احسن مني...
اذا انج مصره على امي..فانا مصر ان ناخذ
امج بعد...عمتي الله ايحفهم ثنتينهم...

يعني...عندنا عجوزتيين...

المهم...
دام انج مجربه...ممكن انعرف شعور الوالده-الله ايحفظها لج-..
يعني..استحبت هالطلعه..و استانست بالكوفي....و هل
حسيتي ان "التجديد" حق الكبار...بحركات شبابيه/عصريه
فيه فايده..

اتمنى ...ان "لقافتي" ما اتسبب احراج لج سيده/روز...او اي
حد ايحب يدلي بدلوه و يعطينا من تجاربه...

شاكر لج جدا..اهتمامج..

عابر سبيل

24-02-2009, 04:43 PM

حدث العاقل بما يعقل

مسيوو/ بوخالد911

ما درينا وين الينون و وين العقل مسيو..

تذكر مسرحية " على هامان يا فرعون"...
يوم حسينوه ايقول حق سعد الفرج...
"هذا حلم...حلم"...
I hope U re-read it and advice yur fedback
ميرسي بوكو مسيو..

عابر سبيل

24-02-2009, 04:49 PM

انا عندي أوديهم البر وأفرش لهم السجاده ونحط المساند ونرز دلة القهوه بينا مع صحن الرطب اللي على كيفك
ونقعد نسولف ونتغشمر
ابرك مليون مره من هالكوفي شوبات الماصخه .

وتسلم على طرح هالموضوع اخوي عابر سبيل:nice:

دام انك معاي عالخط من البدايه...
خلك - تكرما- معانا للنهايه...

انشوف...شنهو احسن مشهد لهالحكايه...
حركاتك الـ"عتيجه" سيد/ لورد... مع امك- الله ايحفظك لها و ايخليها لك-
و لا الفنتك الجديد...اللي انا ابيه...حق امي..الله يشفيها و ايقويها و ايرضيها علي.

خلك انت...ان ما خليت امي اتحر امك على
فالة الضحى...و اتحرر كل عيايز الفريج...
بس اصبر اشوي...
:discuss:

GULFSUN

24-02-2009, 04:49 PM

ما درينا وين الينون و وين العقل مسيو..

تذكر مسحية " على هامان يا فرعون"...
يوم حسينوه ايقول حق سعد الفرج...
"هذا حلم...حلم"...
I hope U re-read it and advice yur fedback
ميرسي بوكو مسيو..

:shy::shy:

عابر سبيل

24-02-2009, 04:56 PM

اخوي عابر سبيل . . وانت ليش تبي تعني العجوز وتوديها هالاماكن . . صدقني ماراح ترتاح

اذا تبي تونس الوالده صج . . ودها للاماكن المفتوحه مثل الحدائق :)

عنك مثلا حديقة سبير ...... :D

اخ او اخت مووووم..
ماهوب انا...
هاي مرتي...تبي اتونس عمتها...

وانت اشدراك انها ما بتستانس...يعني انت جربت من قبل...
يا خي يمكن تستانس العجوز..

ليش انت حكمت من غير تجربه...بعدين..
انت اذا انك رحت مع حد...زوجتك..ربعك...زملاء العمل..
هالاماكن...ما اتحس ابتغيير...

ليش ما تعتقد ان كبار السن.. .ممكن ايحبون
حركات شباب هالايام بعد..

اما الحدايق...فهي....بالكرسي المتحرك..الله يعافيها..
صعب روتها للحدايق..

بس..كلامك في محله...اه شي اندور اللي ايونسهم...
قبل وناستنا احنا...

عالعموم...اذا ان لك ام...الله ايخليها لك..
ترى اي شي ما صار..لان الحلم انقطع...

و با حاول اعيد الحلم بالبطييء...رعد ما انشوف نصايحكم
يا هل المنتدى...

عابر سبيل

24-02-2009, 05:01 PM

انا من امك ما اروح هالاماكن
يمكن بعد اصكك بدعوة ساعة مغربية
ترى مب احسن لك !!:anger1:

الله يكفينا شر دعاوي عجايزنا....
على رسلك يا سيدة المنتدى...
انا اكيد اني..ما راح اخلي الوالده تقرأ ردج...
بخليها تقرا الموضوع و باشقج ردج...

بس...انا لما عرفت ان هالكلام من سيدة
الحراك الاجتماعي و السياسي..قلت...له له...
اثراها وطرٍ عتيج..

شاكر لج فزعتج اللا محدوده ام عبدالله...لكل بنات جنسك...
العجايز و البسابيس...

Keep Up..

عابر سبيل

24-02-2009, 05:08 PM

ياناس هذا حلم حلم..:omen2:

اووه...مشكله...خلج من الحلم...و عطينا العلم...

ممنوع...و لا لا...

اقصد ممنوع رسمي..او عرفي/اجتماعي في قطر...
ان وطر الاول...محكوم عليهم العزله و الحرمان من
الطلعات الفنتك..لتسليتهم..
موب عشان اتيود اعيالج....اذا انها امج...
و لا عشان...اتسكتين ريلج اذا انها امه...

انا اقصد..في حد..من الزوجين..هالايام..
ايفكر بامه و ام شريكه...ان ايونسونهم...
بشي جديد...
شي...ايحسسهم بانهم في القلب...و شاغلين فكر
اعيالهم...موب انهم..في ذيل القائمه..انمر عليهم
اخر اليوم..او اخر الاسبوع....

في زوج..ايقول حق زوجته..ليش ما رحتي حق امج من يومين...
زوري هلج و لا اتقصرين عليهم..

في زوجه..اتقول حق زوجه..الاجازه اليايه..لازم انخطط
حق سفره...مع امك.موب كل مره ابروحنا...

في مثل هالشي..سيدتي/ هتان؟؟

عابر سبيل

24-02-2009, 05:10 PM

:shy::shy:

شكرا عالتنبيه..تم التصحيح

ANONYMOUS

24-02-2009, 06:08 PM

ودها الي فرانس في السيتي.. عادي..

relaax

24-02-2009, 06:15 PM

@@ديزل@@

24-02-2009, 07:49 PM

ROSE

24-02-2009, 08:09 PM

:shy:

:shy::shy:

:omen2::omen2:

غزلان

24-02-2009, 08:59 PM

عابر سبيل

24-02-2009, 10:12 PM

الموضوع عادي

انا خذت الوالده مع رفيجتها

هاغن داز فيلاجيو وتقهووا وتمشوا وارجعوا مستانسين ومنشرحه صدورهم

الا واحد الحمدلله والشكر يطالعنا ويهز راسه

وهم كبار بالسن مش معناته انحسسهم انه ميتين

ريلاكس...
انا لو كن محلك..ما اعتقد اني بكون ريلاكس...
هذاك شايف...انا جاني حلم..و احاول اسويه علم...
انا ابسوليوتلي انريلاكسد...

فيا قوة ويهك....شايلك عجوزتين....
و مسحبهم في الفيلاجيو...و مدخلهم كوفي شوب

انزين...ليش انت سويت هالسواه...
الوالده- الله ايحفظها- اطلبت...و الا انت
عزمت عليها و خذتها هي و رفيجتها...

طيب....ادري انه سؤال صعب...بس انت اتفكر اتسويها مره ثانيه..ليش؟
و الوالده...تعتقد انها بتحبذ الروحه مرة اخرى...و ليش؟

و قبل الاخير...هاللي ايناظركم..و ايهز راسه...ما فلعته
بالقلاس....ادري شوي قويه وسط الحشره...
بس..انت ما تحسبت لمثل هالنظره او المشاعر قبل
لا اتغامر بالعجوز...

و ختاما...

جملتك الاخييره..هي مقصدنا..و مربط الفرس في
حلمي...اللي بديت لكم به....

هل كيف..و ما السبيل....
ان الواحد...يكسر بعض الجدران بين ذاك الجيل و هالجيل...
و الا خلاص...حكم ازمن..ان "حق العيايز..موب كل شي يايز"...

التجديد..في حياة ابهاتنا...
ما هي التجارب الجيده في هالمجال....

عابر سبيل

24-02-2009, 10:20 PM

ودها الي فرانس في السيتي.. عادي..

طويل العمر...
انت امجرب....

بس المشكل..اني انا ما وطوطت هالسيتي...يمكن يمكن...
من 4 اسنين...و الحمد لله...
الله مغنينا عنه...و صادّنا منه...

انا لو بودي امي...بوديها ستار بكس اللي
في مستشفى حمد..عالطريج....اما رايحين
لموعد..و الا خالصين من زيارة طبيب...

يبوك....احنا موب ازغار لهلقد...
نتسكع في ممرات الاسواق...لا و شايل امي معي بعد...

انا...بروحي...مع هلي...
يالله يالله...اروح الاماكن الصااده.....لا
و اول الصبح..حزت الاوادم...اما حزات
الارانب و الخفافيش و الاباليس...انصاف الليل
(بعد 7 مساءا:eek5:)....انسى....

شوف لنا من خبراتك..مكانٍ مناسب لهالمواصفات...و لا عليك امر!

عابر سبيل

24-02-2009, 10:27 PM

:nice::nice:ما قريت الردود اللي عقب هالرد...لاني ما اظن اكو احلى من هيج يابا:nice:

خلكم انتي و اللورد..و البقيه اللي مأيدين تفكيركم القديم...
ان ما خليتكم...تتحسفون على هالكلام...و كل واحد منكم
انحصله..شايل امه..و ايلف ابها دواره..من فوشون..
و الا مطعم ليال.... و الا قعده على بسطات سوق واقف...

اذا انكم ما اتحبون هالسوالف حق امهاتكم..اجل
ليه الواحد فيكم..مع ربعه دواره و قعدات في هالاماكن " العوجه"...

اذا انه شيٍ زين..فلازم الواحد ايحب حق امه اللي ايحبه حق روحه...

و اذا ان هالشي فيه عيب حق العجايز,,اجل احنا اولى ان ايكون عيبٍ في حقنا بعد...

و بنشوف..عجوزي و لا عجايزكم هي اللي بتغلب...

غناتي1

24-02-2009, 10:33 PM

من صجك 000 !!!!!!!!!!!!!!

عابر سبيل

24-02-2009, 10:38 PM

بس بقول لك شي اخوي احنا مجتمعنا المحافظ يستنكر وجود البنات في الكوفي شوبات
في مكان مفتوح جدام الله وخلقه ولان الطاولات تكاد تكون متلاصقه واكثر رواد المقاهي من الشباب فالبنت والحرمه المحترمه ماترضى تقعد في هالاماكن علشان جذيه تلقى اكثر نسوانا الكبار يستنكرون القعده في هالاماكن .. يعني عدم جلوس امهاتنا الكبار في الكوفي شوب
مب لانهم ممنوعين ( محد كفو يمنعهم ) ولكن لانهم هم نفسهم مايحبون الجلوس في هالاماكن .. يعطيك العافيه

الله ايعافيج و يرحم والديج اختنا/ مستثمره جديده...
قولي..و انا كلي اسمع لهالكلام الزين...

قولي..و انا مني...لكل من ايحب يسمع النصح..و التربيه عالدين...

قولي....و اجرج..و اجري..على الله...

قولي...خلي العيايز...و بناتهم...و قبلهم...اولادهم و ازواجهم
و اخوانهم و احفادهم بعد..يسمعون...

اختي...القعدات الي اتقولين ان الناس لازين اببعضهم...
تراها موب عيبه في حقكم انتوا يالنسوان....
الا انها سبه في وجه عطران الشوارب....

سيدتي الكريمه....
انا هاذا اللي قارص قلبي...
كيف يمكن..للابناء...ان يجدوا ما يدخل التجديد
و الفرح في قلوب الاباء....

دون اخلال..في حقهم..سواء كاباء..او ككبار في السن..
المهم...اننا نزيل بعضا من الحواجز التي انبنت بيننا و بينهم....
و اتخلي اكثرنا يستقل الجلسه معهم..موب عيبا فيهم...
بس لان جوه غير عن وهم؟؟!!.

ارحم الله والديج سيدتي الفاضله/مستثمره جديده...
بامثالك..منتدانا..و مجتمعنا باذن الله ابخير و عافيه

عابر سبيل

24-02-2009, 10:45 PM

ياريت انتي امه يا ام عبوووود :tease:
نبي اصكينه بدعوه عيل ياخذ العيوز حق هالاماكن الماصخه ستار بكس عاد :omg:
عزة الله ماخذها عمرة

الساهرة

الله ايهداج....تبين اتكبرين المره..انا شيبه و ولدي
على ويه زواج...يمكن بعد 20 سنه...بس:)

بعدين..مااتشوفين اوجه الاختلاف الكليه بيني و بينها..
اهي تبي مجتمع متحرك..و انا من انصار المجتمع "المتزمت"...

يعني اوقفت على ستار بكس...و في الدوحه...

احنا سمعنا ان بعض الخليجيات..تدخل السينمات
اللي عالشانزليزيه...و اتجر امها العجوز وراها..يبلفيت محرم ....
و اول مشهد من الفلم..." بييييييب"....

خليها على الله سيدتي/ الساهره

عابر سبيل

24-02-2009, 10:49 PM

المفاصيخ دشوا ومامنعوهم بيجون يمنعون العجايز؟؟؟؟

عشان كذي...احنا امخلين هالاماكن...حق المفاصيخ..
و معاهم الاباليس..و كلٍ راكب راس الثاني...
ما يندرى..من هو اشر و افسد حق رفيجه من الاخر...

اعتقد...اني بهالكلام..ممكن امسح فلم احلامي...
و انسى كل كلامي...

نعم...ايخسى حد...ان يطردنا..بس احنا
انحشم انفسنا و اهالينا من مثل هالاماكن و هالاشكال...

أم وضحى

24-02-2009, 11:10 PM

خل يوافق يوديني عشان يودي امه :rolleyes2:

زوجي يرفض رفضاً باتاً هالاماكن .. :secret:

سداوي&مدريدي

24-02-2009, 11:51 PM

يطرد العيوز ؟

تبي الدم يوصل للركبه :omen2:

غير البشر

25-02-2009, 12:03 AM

الله يخلي لك الوالده يارب

انا مره امي الصبح راحت تتقهوى في ستار باكس فس الستي

هههههههه عادي مافيها شي ومستحيل يمنعون

كيفها امي تبي تتشبب وشدخلهم امي عمرها 70 سنه :shy:

الله لايحرمني منها يارب

ANONYMOUS

25-02-2009, 12:40 AM

طويل العمر...
انت امجرب....

بس المشكل..اني انا ما وطوطت هالسيتي...يمكن يمكن...
من 4 اسنين...و الحمد لله...
الله مغنينا عنه...و صادّنا منه...

انا لو بودي امي...بوديها ستار بكس اللي
في مستشفى حمد..عالطريج....اما رايحين
لموعد..و الا خالصين من زيارة طبيب...

يبوك....احنا موب ازغار لهلقد...
نتسكع في ممرات الاسواق...لا و شايل امي معي بعد...

انا...بروحي...مع هلي...
يالله يالله...اروح الاماكن الصااده.....لا
و اول الصبح..حزت الاوادم...اما حزات
الارانب و الخفافيش و الاباليس...انصاف الليل
(بعد 7 مساءا:eek5:)....انسى....

شوف لنا من خبراتك..مكانٍ مناسب لهالمواصفات...و لا عليك امر!

وين تودي هلك.. انا نفسك.. لو شفت لي مكان صاد خبرني..

اليوم اكتشفت كوفي شوب بسوق واقف.. ماعنده زباين.. ناااااااااشفه.. واعتقد بيسكر لان مافي حد.. ( واعتقد السبب لرئيسي.. لان مايبيع شيشه جزاه الله خير.. )

تقريبا مقابل طجين.. وفيه مكان فوق..

مريش

25-02-2009, 01:46 AM

الوالده تطورت شوي الحين في بطولتها فديتها
وفي الي فرانس في الستي هههه

والله يمدحون الكوفي بينري هههه نسوي قعده عيايز

لاداعي

25-02-2009, 02:05 AM

قطريه كوول

25-02-2009, 02:21 AM

قطري كشخه

25-02-2009, 02:31 AM

من سابع المستحيلات انه الكوفي شوبات المعروفه انه تطرد اى شخص من المحل لانه في هالحاله تقدر ترفع عليهم قضيه لانه في نوع من الدسكرمنشين اووووه شنو خير بيرد
عليكم:nice:

اانا انصح اذا كانت كبيره في العمر انك توديها مطعم من المطاعم الحلوه فينيسيا او اى هالمطاعم الى فيها بوفيااات وكم لفه حول البحر الخليج الغربي بيستانسون

عابر سبيل

25-02-2009, 08:07 AM

خل يوافق يوديني عشان يودي امه :rolleyes2:

زوجي يرفض رفضاً باتاً هالاماكن .. :secret:

:oops::oops::oops:

اذا على شرب القهوه....
فاماكن كثييييره متوفر فيها هالشي...
موب شرط..الكوفي شوب الفلاني...و الا المحل العلاني...

اما اذا عالطلعات الحلوه...
فاذا اتروينه اسكتش " شهر العسل" حق حسينوه
و سعاد العبدالله...

يعني...قعده في الحوش...:)

المهم....
وين النسوان التي اتصايح...
نبي حرية المرأه...نبي زعامة...
نبي انتخابات...نبي نبي....

في بيوت...لين الحين..يبيلها...تجديد
و العيشه...في اجواء المرحله الجديده...

شخصيا...
اقول يا ام وضحى...لا اتضنين
ان المنع....شر...يمكن هو الخير..و انتي
ما تدرين...الفتن..و الفاتنات...لو شفتي
بعض هالاماكن...بيخلونج...اتطزين عيون ريلج
هاللي امداري عليج...

ضوى

25-02-2009, 08:11 AM

الصراحة بالكويت كنت اودي ام زوجي كافيهات هنا بس مطاعم ماجربت اودجيها كافيهات لاني انا ماحبها ، القهوة تغثي على قلبي مو وايد معاها

بس اتوقع عادي وين المشكلة ؟ بس عجبني رد اللورد والله يلسة البر او حتى البحر ابرك الف مرة من الكافيهات الماصخة .
الله يخلي لك الوالدة ويطول لك بعمرها ولا يحرمها منك اميييييييييييييييييييين

مرت محمد

25-02-2009, 08:12 AM

ياجماعه الخير كل واحد قاعد يحلل على كيفه افهمو الموضوع الاول الرجال يقولكم حلم وصحيت من النوم ويحكي لكم حلم شافه في منامه

دلة الرسلان

25-02-2009, 08:18 AM

والله لو تطاوعني أمي كان وديتها كوفي شوب صاد فيه قسم السيدات مثل اللي في رويال بلازا

وفي الصبح المكان يكون هادي بس للأسف أمي ما تحب الطلعات ولا المجمعات .

عابر سبيل

25-02-2009, 08:47 AM

ياجماعه الخير كل واحد قاعد يحلل على كيفه افهمو الموضوع الاول الرجال يقولكم حلم وصحيت من النوم ويحكي لكم حلم شافه في منامه

انزين اخت...مرت محمد...

تبين اجل العلم...بعد ما صحيت من الحلم...

انا ديمقراطي...
و ما حب ارد كللل هالوجيه السمحه و الاراء النيره اللي تعنت
و شاركت بالموصضوع...

انا قلت...حل وسط....
اشلووووون...

في الرد التالي...بعد ما اقضي بعض اشغالي..

هتـان قطر

25-02-2009, 10:01 AM

اللي مهب لك...يهولك..هذا المثل يقولونه العجايز اذا شافوا شي ما يجوز لهم..!!

انا ضد روحتهم لهذه للاماكن ..ماراح يستانسون لانهم مايحبون المجمعات اصلا

تعورهم قلوبهم من المشاهد الحيه اللي قدامهم..احنا اصغر منهم نتألم

واحنا نشوف حال عيالنا وبناتنا...كيف هم..؟

وناستهم في بيت شعر..او خيمه..اوجار وشبة ضو..سيف بحر..الخ

relaax

25-02-2009, 11:43 AM

ريلاكس...
انا لو كن محلك..ما اعتقد اني بكون ريلاكس...
هذاك شايف...انا جاني حلم..و احاول اسويه علم...
انا ابسوليوتلي انريلاكسد...

فيا قوة ويهك....شايلك عجوزتين....
و مسحبهم في الفيلاجيو...و مدخلهم كوفي شوب

انزين...ليش انت سويت هالسواه...
الوالده- الله ايحفظها- اطلبت...و الا انت
عزمت عليها و خذتها هي و رفيجتها...

طيب....ادري انه سؤال صعب...بس انت اتفكر اتسويها مره ثانيه..ليش؟
و الوالده...تعتقد انها بتحبذ الروحه مرة اخرى...و ليش؟

و قبل الاخير...هاللي ايناظركم..و ايهز راسه...ما فلعته
بالقلاس....ادري شوي قويه وسط الحشره...
بس..انت ما تحسبت لمثل هالنظره او المشاعر قبل
لا اتغامر بالعجوز...

و ختاما...

جملتك الاخييره..هي مقصدنا..و مربط الفرس في
حلمي...اللي بديت لكم به....

هل كيف..و ما السبيل....
ان الواحد...يكسر بعض الجدران بين ذاك الجيل و هالجيل...
و الا خلاص...حكم ازمن..ان "حق العيايز..موب كل شي يايز"...

التجديد..في حياة ابهاتنا...
ما هي التجارب الجيده في هالمجال....

بالعكس هذي ماكانت اول مره ولا راح تكون اخر مره، وانا اللي اقولها امشي معاي

ف السفر اوديها كل مكان نقعد ف مطاعم وقهاوي والسوق وكل شي

ليش ممنوع ولا عيب ف بلادنا

وبالنسبة للشخص اللي هز راسه هو لوعنده عقل ياما في شياب اتشوفهم في القهاوي المجمعات ويتمشون وبعضهم معاهم اعيالهم وبعضهم خدامهم

شفرقت اذا كانت امي ؟

يشرفني وافتخر ان امي معاي

..الاميرة..

25-02-2009, 12:24 PM

أخوي عابر سبيل اشلك بالبحر واهوله ورزق الله على السيف

عيايزنا مب مال هالأماكن مره وديت الوالده الله يطول في عمرها

كوفي شوب وطلبتلها موكا فروبتشينو وأول ماجابه لها قالت

شوف وا عليه حاطين لكريم كرمل فــقلاص :(

قتلها تدرين يمه قومي قومي انا غلطان جايبج اهني انتي ارقى شي شربتيه

جنزبيل:secret:

ولين اليوم اتقولي ها يمه لين الحين اتروح مع ربعك القهوه تشربون كريم كرمل :shy:

هههههههههههههههههههههههههههههههههههههههههههههههههه هههههههههههههههههه

فديت امهاتنا وربي والله انهم الخير والبركه والوناسه ويازين حكيهم ..
والدنيا بدون عجايزنا وشيبانا والله مااااااااااااتسوى شي في ذمتي ..

اخوي عابر بالنسبه لي الوالده الله يحفظها انا وياها كله معايا ما تطلع أبد أبد أبد تقهرني والله ..
وعلى طاري الاماكن هذي .. ان كان فيه كافيات او مطاعم مسكره او مستوره دلنا عليها ياخوي ..
احنا الشبابا إلي مب محصلين اماكن ناخذ راحتنا فيها ..
قاموا يقولونا الاماكن المسكره وإلي فيها بارتشنات ممنوعه من البلديه !!

كل شي يبونه انفتاح وانشطاح يالله الله كريم ..
وربي يحفظ لك الوالده ودها كل مكان ولا عليك من احد ..

لاداعي

25-02-2009, 02:42 PM

يطرد العيوز ؟

تبي الدم يوصل للركبه :omen2:

ياشديد انت :omg:

عابر سبيل

25-02-2009, 03:07 PM

شاكر للكل التفاعل الطيب و الاراء الثريه...
بس مثل ما وعدت /زوجة محمد..اعلاه...
ان اقول عم الواقع..بعد ذاك الحلم...

انا حصلت لي حل نص و نص...و اعتقد
انه سوى شوية " موتيفيشن" او حافز لنفسيات العجايز...

يعني...انا تفكرت...اذا بويدهم هالاماكن...ايش اللي ابيهم
يستمتعون فيه...
الديكورات الحلوه...و الاضاءات الرومنسيه...
و الا "الفري" وايرلس انترنت:tomato:

ولا ...الوجوه السافره... و المناظر
اللي ما اتسر من يخاف الله و رسوله..و لا ولا...

اها..انا كل اللي ابيه....ان العجوز...تستمتع لها بكباية " لاتيه"...

و بعد المشاوره..معاكم...و الاخذ باراؤكم...
قلت خلني...اسوي هالحل...

و انا جنب حد هالكوفشبس...
رنيت عالوالده..و سألتها...
حد عندج انا ياي..قالت انها قاعده
مع مرت حماها....اتعرفون شنوا يعني مرت حماها؟؟؟

اها...قلت...احين بخليج اتزكرتين يا يمه..جدام العيايز...

و شان اطلب لي 3 لاتيه سكم ملك ( عشان الكولسترول حقهم)..
تو جو...

و اروح ادش عالوالده...و اطيح على راسها...
و اقوللها..تفضلي يمه ..لش....و لمرت عمي بعد....

قالو شنوا ذيه....قلت ابدا....هاي حليب و اقهوه...
لا و ايحطون فيها شكر...

قاولا...ما قصرت...
و انا اراقب...
كان اشوف...ان اللاتيه..سوى شغل عدل...
بدل الشاي والقهوه المره..و الينزبيل..

شي يديد..و انا اشوف امي...مستانسه..و مرت عمي
بعد..
و بعد ما كانت امعزمه اتقوم...اقعدت زياده عند امي "المريضه"...
و زادت السوالف..فخليتهم...

بعد ما حققت "فكرة الحلم"...

يعني...شببتهم..باللاتيه...و هم في
مكانهم..عالزوليه...و بينهم صحون الفواله يا/ لورد...

و تالي...قلت حق ام العيال...
بعد انتي..يوم انج رايحه لامج..خذيلها هاللاتيه...هديه مني...

و اتقول..ان الفكره..سوت شي عجيب..و فرحت امها...واااايد
لان محد فكر من قبلي بهالشي...

المقصود...اننا...
لا نظن ان الاشياء اللي اتفرحنا...و تعطينا شوية تغيير...
خلاص..ما اتناسب الكبار..اذا اننا قدمناها لهم...
بدون ما انشوشرهم...بحركات اليهال...

ترى..مثل ما قالت الاخت/الاميره...
" والدنيا بدون عجايزنا وشيبانا والله مااااااااااااتسوى شي "...

وطن

25-02-2009, 03:10 PM

مادري ليش احس ان في غرض ثاني من هالموضوع :)

المهم الحريم الكبار ما يرضون يقعدون لا في ستار بكس ولا في كوتاج كافيه ولا كوستا

لسبب انهم يستحون يدشون وسط الشباب ويقعدون بينهم

لكن مو كفو ان حد يقول لهم لا ممنوع ما تدخلون !!!

بدور

25-02-2009, 04:49 PM

عابر سبيل الله يحييك على الموضوع انا بعطيك وش اللي فهمته من الموضوع وفهمي على قدي :secret:

لا تستبعد اخوي ان البراقع والبطاطيل بتختفي بس مدري متى ومقدر اوضح أكثر تعبانه

والبدايه في الوظائف الحكوميه والمؤسسات كما يقال .. والمطلوب صغار السن للوظائف حتى تكون الواجهه مقبوله في المقاهي

ويمكن تقصد بعد ان الوالده لها حق على عيالها ياخذونها معاهم مثل الزوجه مقاهي ومطاعم وما هوعيب ولا احراج

الام تاج الراس والمكان يتشرف بدخول الامهات هالمكان

واحتمال ؟؟؟؟؟ اممممم طلعت عن الفكره اللي في بالك ولكن لكل زمان رجل ودوله

الله خير حافظ وهو أرحم الراحمين

محمد 1977

25-02-2009, 07:25 PM

انا عني اودي عجوزي كل مكان واللي كفو يقولي ممنوع !!!!!!!! (بل اش عنده)

الطيبة كلها

25-02-2009, 08:44 PM

والله لو صج باخذ امي غصب والعن ابو خيرهم واطردهم هم

اللورد

26-02-2009, 01:48 AM

شاكر للكل التفاعل الطيب و الاراء الثريه...
بس مثل ما وعدت /زوجة محمد..اعلاه...
ان اقول عم الواقع..بعد ذاك الحلم...

انا حصلت لي حل نص و نص...و اعتقد
انه سوى شوية " موتيفيشن" او حافز لنفسيات العجايز...

يعني...انا تفكرت...اذا بويدهم هالاماكن...ايش اللي ابيهم
يستمتعون فيه...
الديكورات الحلوه...و الاضاءات الرومنسيه...
و الا "الفري" وايرلس انترنت:tomato:

ولا ...الوجوه السافره... و المناظر
اللي ما اتسر من يخاف الله و رسوله..و لا ولا...

اها..انا كل اللي ابيه....ان العجوز...تستمتع لها بكباية " لاتيه"...

و بعد المشاوره..معاكم...و الاخذ باراؤكم...
قلت خلني...اسوي هالحل...

و انا جنب حد هالكوفشبس...
رنيت عالوالده..و سألتها...
حد عندج انا ياي..قالت انها قاعده
مع مرت حماها....اتعرفون شنوا يعني مرت حماها؟؟؟

اها...قلت...احين بخليج اتزكرتين يا يمه..جدام العيايز...

و شان اطلب لي 3 لاتيه سكم ملك ( عشان الكولسترول حقهم)..
تو جو...

و اروح ادش عالوالده...و اطيح على راسها...
و اقوللها..تفضلي يمه ..لش....و لمرت عمي بعد....

قالو شنوا ذيه....قلت ابدا....هاي حليب و اقهوه...
لا و ايحطون فيها شكر...

قاولا...ما قصرت...
و انا اراقب...
كان اشوف...ان اللاتيه..سوى شغل عدل...
بدل الشاي والقهوه المره..و الينزبيل..

شي يديد..و انا اشوف امي...مستانسه..و مرت عمي
بعد..
و بعد ما كانت امعزمه اتقوم...اقعدت زياده عند امي "المريضه"...
و زادت السوالف..فخليتهم...

بعد ما حققت "فكرة الحلم"...

يعني...شببتهم..باللاتيه...و هم في
مكانهم..عالزوليه...و بينهم صحون الفواله يا/ لورد...
و تالي...قلت حق ام العيال...
بعد انتي..يوم انج رايحه لامج..خذيلها هاللاتيه...هديه مني...

و اتقول..ان الفكره..سوت شي عجيب..و فرحت امها...واااايد
لان محد فكر من قبلي بهالشي...

المقصود...اننا...
لا نظن ان الاشياء اللي اتفرحنا...و تعطينا شوية تغيير...
خلاص..ما اتناسب الكبار..اذا اننا قدمناها لهم...
بدون ما انشوشرهم...بحركات اليهال...

ترى..مثل ما قالت الاخت/الاميره...
" والدنيا بدون عجايزنا وشيبانا والله مااااااااااااتسوى شي "...

إن كان هذا اللي توصلت له حضرتك علشان تفرح أمك ياعابر سبيل
انا معاك 100%
واسمح لي اسوي مع أمي مثل ماسويت حق أمك

والله يخليلك الوالده وتسعدها دووم وترضى عليك وتدعيلك بالتوفيق في هالدنيا

عابر سبيل

26-02-2009, 07:57 AM

واسمح لي اسوي مع أمي مثل ماسويت حق أمك

والله يخليلك الوالده وتسعدها دووم وترضى عليك وتدعيلك بالتوفيق في هالدنيا

ما اسمح لك..الا اذا لحساب علي يا سيد/اللورد :weeping:

الفاضلتين/ وطن و بدور...
ان كان للموضوع ..اكثر من وجه او مقصد...
كما فطنتما له..

فان اي مقاصد مبطنه...
ما نوينا ابها الا الخير....لمن القى السمع و هو شهيد...

و الكلام...اللي تفضل به كلللل من شارك
و حاور...اعلاه...

اعتقد...انه فيه من الفوائد
و المغازي و المعاني...اللي
اتنبه الغافل...و اتثبت العاقل..
و اتريح الحاير...
بحول الله و قوته...

التنااااصح....و النصح....و الاستنصاح...
هو المقصود...بإجمال و اختزال...اعتقد
انه " محمود"

اما الثرثره....و البربره...
فما لها اي وجود في ثنايا المعانى المخبأه...

تم بحمد الله...

وين التالي:telephone: