+++ وأخيراً - - - بنفتك من الزحمة +++

[jajassim]

+++ سكك الحديد القطرية +++


http://www.qatarshares.com.qa/data/5/7/storm_120193773_1035319860.jpg



:nice:

[الـمـحـنـك]

شي طيب اخوي جاجاسم بس متى :nice:


والشي الثاني عام كم بيخلص المشروع 2018 :weeping:

[مناحي السادس عشر]

خبر يوسع الخاطر على الصبح

مشكور جاجاسم

[jajassim]

شي طيب اخوي جاجاسم بس متى :nice:


والشي الثاني عام كم بيخلص المشروع 2018 :weeping:

لا تحاتي أخوى ،، انا كاتب وصية للعيال

2026 الحد الأقصي لتسليم المرحلة الأخيرة للمشروع ،، :shy:

[غير البشر]

يسلمووو جاجاسم

بس انا الي اخبره قطار داخلي نفس الي في دبي

مب كل قطر


ارجو التوظيح :nice:

[The Blade]

شئ حلو ونتمنى كل شئ يصير في الدوحه
بس سؤال الحين شارع 6 كيلو خلص في 3 سنوات
مترو شكثر يبيله؟
يالله حق اعيالنا :)

[بدور]

يا ويليييييييييي عادنا بننتظر الحفريات واغلاق الشوارع والسبب سكة الحديد في الحلم

قول لهم بدورما تبي بس يفتحون الشوارع ويخلصون شغلهم اذبحونا

[شويهينــه]

وانا احسب السالفه صج بنفتك من الزحمه

يالله من اللي بيعيش لين هذاك الوقت

صبحك الله بالخير جاجاسم

[ANONYMOUS]

تخرعت يوم قريت سكك حديد..

قول ميترو ياخي

:)

[الارض]

يا ويليييييييييي عادنا بننتظر الحفريات واغلاق الشوارع والسبب سكة الحديد حنا ناقصين

قول لهم ما نبي بس يفتحون الشوارع ويخلصون شغلهم اذبحونا

ايه والله قول لهم ما نبي وانتي الصاجه اذبحونا

[chillis]

بيكون ورث حق احفادنا انشالله

[La Bella]

في دبي خلصوو مشروعهم في زمن قياسي

[a.a.a.qatar]

يا ترى بلحق اشوف هالقطار وإلا الله يرحمنا برحمته ؟؟؟؟؟؟؟؟؟؟؟؟؟؟؟؟؟

[loolety]

هو صرااحه مشروع حلو لكن اتحدا تلاقي فيه قطري بيتروسونه الهنود وبيوصخونه
والواحد منا بتلوع جبده يركبه بس يلا بالتوفيق انشالله

[جوال 11]

سمعت أحد الأخوة أنه أقترح تسفير المواطنين لأمريكا وأرجاعهم عندما تخلص مشاريع أشغال

وأنا أؤيد هذا الأقتراح وبشدة .

[a.a.a.qatar]

سمعت أحد الأخوة أنه أقترح تسفير المواطنين لأمريكا وأرجاعهم عندما تخلص مشاريع أشغال

وأنا أؤيد هذا الأقتراح وبشدة .

على شرط !!!!!!!!!!!!!!!!!

يختارون لنا ولايه حلوه :)

[الـقـاسـي]

ليش لا يالربع ممكن هالشي
ترا عدد القطرين مايتجاوز ال300 الف شخص .

[**قطـــــر**]

إن شاء الله يلحق حمود ولد حفيدى عزووووووووووووز ذو الــ 4 شهوووور على المشرووووووووع ياجاجاسم

[مصراوية]

هو صرااحه مشروع حلو لكن اتحدا تلاقي فيه قطري بيتروسونه الهنود وبيوصخونه
والواحد منا بتلوع جبده يركبه بس يلا بالتوفيق انشالله


في مصر
فيه عرابيات للسيدات... ممكن في الدوحة تكون علي حسب الجنسيات


وطبعا عرابية الهنود تكون اخر واحدة

بس ازاي هينظموه في المحطات اثناء الركوب!!!
كده هيكون اثناء الانتظار كله اختلاط

[a.a.a.qatar]

ليش لا يالربع ممكن هالشي
ترا عدد القطرين مايتجاوز ال300 الف شخص .

اي قطرين تقصد اخوي؟؟؟؟؟؟؟؟؟؟؟
الظاهر ما تقرأ التصريحات الأخيره :omen2:

[مصراوية]

+++ سكك الحديد القطرية +++


http://www.tawaasel.com/up//uploads/images/domain-0b392167e3.png (http://www.tawaasel.com/vb/)



:nice:


بيعجبني فيك جاجاسم

بتجيب الاخبار موثقة من مصادرها...

[جمال اليافعي]

في دبي خلصوو مشروعهم في زمن قياسي

وطاحت أجزاء منه بسرعه قياسيه :nice:

[جمال اليافعي]

في مصر
فيه عرابيات للسيدات... ممكن في الدوحة تكون علي حسب الجنسيات


وطبعا عرابية الهنود تكون اخر واحدة

بس ازاي هينظموه في المحطات اثناء الركوب!!!
كده هيكون اثناء الانتظار كله اختلاط

أكيد بيكون أختلاط ..... ذبحتونا بسالفه أنتظار القطار تدروووون أجعدو في بيوتكم أحسن .......

[وجه الحقيقة]

ليش فرحتوا المفروض تصيحون ..انا عن نفسي بشق هدومي من الصياح ..
لان هالمخطط دليل على عمل حفريات بتسكر كل شوارع قطر الرئيسيه وبناكل هوا وبنعيش تحت رحمتهم ززوبيرتفع عدد السيارات المتضرره انا اقول ابرك افتح لي كراج من الحين بكسب ذهب هههههههه الا مغسله

[سهم طايش]

يا رجال هم خل يخلصون طريق سلوى قبل

بعدين يفكرون في سكك خشب

[ANONYMOUS]

هو صرااحه مشروع حلو لكن اتحدا تلاقي فيه قطري بيتروسونه الهنود وبيوصخونه
والواحد منا بتلوع جبده يركبه بس يلا بالتوفيق انشالله

عادي

خل ناخذ راحتنا في الشوارع..

والله انا اقترح اللي يشتغلون في ابراج الكورنيش كلهم يروحون بباصات للدوام.. منعا للأختناقات المروريه..

يصفون سيايرهم في اماكن معينه.. خارج الدوحه.. ويجي الباص ويشلهم الدوام..

[مرتبش]

للاسف
بيسوون القطار مادري المترو مثل الباصات
كلها عمال والموظفين ما يقدرون يستخدمونها.. يعني قطار حالته حاله وتقدر تسميه "منطقة منكوبة" من الزحمة والقذارة..

عندي فكرة احلى
.. القطرية تتولى ادارة القطار ويسوون القطار في بمبي..
استثمار يعني.. الديار تتعاقد مع بروة وبروة تتعاقد مع القطرية والقطرية تتعاقد مع تاتا لتنفيذ المشروع العملاق..

[مناحي السادس عشر]

ياخي ليش متشاااائمين للدرجه هذي
ولا واحد شجع هالفكره؟؟؟؟
يعني دبي بتكون احسن منا......... دبي هي ام الزحمه وتحويلات وشوارع مسكره بس مع هذا بدا المشروووع وماظن انه بيطول مع ان عدد البشر اكثر ؟؟؟؟؟؟(( الحمدالله امكانياتنا بقطر رهيبه وعددنا شوي يعني المقومات لنا اكبر ...........والله الايجابيه زينه
يارب يسوون هالمشروووع

[لاداعي]

يعطيك العااافيه

[سيزن]

الله المستعان.... تحت الارض.!!!!...الله اكبر .


الشغل الي فوق الارض ما خلصوا.

[Only Me]

هههههههههههههههههههههههههههههههههههههه
فيني ضحكه الصراحه يعني سنه 2026 بخلص المشروع كم بكون عمري فوق الاربعين ايش الفايده
يعني محد بيستفيد الي عيالنا وعيال عيالنا بس اذا اشتغلوا اشغال بذمه
اهم شي يخلصون جسر قطر والبحرين وبعدين نفكر بالقطار

[سهم مديون]

عمار ياالدوحة عمار

[الموضوعي]

خلهم يخلصون شبكة الطرق ، والله مادري من قص عليهم ان قطر اكبر من روسيا

[فارس قطر]

مشكوووووووووووووووووووووووووور جاسم واحب اظيف هذى المعلومة

بتكلفة تتجاوز مليار دولار.. "الديار" توقع مذكرة لانشاء سكك حديد قطـر

وقعت امس شـركة الديار القطرية للاستثمار العقاري مذكرة تفاهم مع الشـركة الألمانية "دويتشـه بان" لإطلاق مشروع شبكة سكك حديد قطر الوطنية بتكلفة تتجاوز مليار دولار. تحدد الاتفاقية الأساس وفكرة التصميم الإبداعية للمشروع المقرر لربط أرجاء الوطن بنظام شبكة سكك حديد متكاملة، كما توضح الاتفاقية أطر التعاون المستقبلي بين أطراف المشروع ، وتقوم شـركة الديـار القطـرية بالتعاون مع نظيرتها الألمانية "دويتشه بان" بإجراء دراسة فنية ومالية مستفيضة لتحديد آلية إنشاء شبكة سكك حديدية موحدة لربط النظم القائمة وتحقيق التفاعل المرجو بما يعود بالمنفعة على الوطن والمواطنين.وعقب إتمام الدراسة، سيتم إجراء عرض شامل رفيع المستوى لحضرة صاحب السمو أمير البلاد.

وصرح المدير التنفيذي للديار القطرية، غانم سعد آل سعد، قائلاً: إننا نتطلع للتعاون مع الشـركة الألمانية العريقة "دويتشه بان" بوصفها من الشركات الرائدة في العالم في قطاع خدمات السكك الحديدية، وذلـك لربط البلاد بشبكة سكك حديدية فاخرة بتصميم عصري حديث. وأضاف بقوله: نحن على يقين من أن هـذا المشروع العملاق سيحقق أهدافنا الوطنية بأن تعزز قطر من مكانتها كدولة رائدة وحديثة توفر أرفع أساليب الرخاء والرفاهية ليس لمواطنيها فحسب، بل لجميع المقيمين على أراضيها، ولتؤكد ريادتها كدولة صناعية وسياحية كبرى.

[الألماسي]

الله يوفقهم وينجزون هـ المشروع . .

للأسف الشديد انتو جيـل أناني بكل ما تحمله الكلمه من معنى . . :)

كل شئ تبونه لجيلكم . . و ماتبون البلـد تكبـر من أجل الأجيال القادمه . .

ما تبون تصبرون للأجيال القادمه . . (( عيالكم و عيال اخوانكم و خواتكم . . ))

يا حظ الجيل القادم . .

[خبير البورصه]

ماشوف انه له حاجه يعني بنقل الركاب من وين لين وين ؟

اعتقد ان القطار للدول شاسعة المساحه وكبيرة العدد اما عندنا مايلحق يحرك الا وصلنا الا اذا كان مشروع سياحي خاص بالمناطق السياحيه مثل اللؤلؤه والوسيل يعني حق الكشخه بس

[وحيد-الشوق]

2026

اليوم قريت الخبر في تميت اضحك والله :tease:

عسى ماشر هذا اذا مب 2036 :anger1:

صراحه مشاريعنا كلها تأخير يعني ماراح نستفيد شيء :weeping:

وين الي يقولون مطار الدوحة الجديد الافتتاح الاولي 2009 :rolleyes2:

يعطيك العافية اخوي جاسم :)

[بنت ابوها 19]

بس بيبتدون يحفرون ويسكرون الشوااااااااارع


ناقصين احنا :anger1:

[محمد 1977]

متى يبدأ الحفر ؟؟؟؟؟؟

[بو جواد]

والله الزحمه بالبلد هلكتنا

[نبـــــراس]

لا يبتدون الا عقب 10 سنوات ع الاقل ..

[Chambray]

+++ سكك الحديد القطرية +++


http://www.qatarshares.com.qa/data/5/7/storm_120193773_1035319860.jpg



:nice:
بس هذا هو ميترو الدوحة
على فكرة، اعتقد احنا بحاجة إلى دراسة عميقة في هذا المشروع ، لان احتمال بكرة يبغون يفتحون محطة جديده بيتوهقون ! وعدد الخطوط في نظري بسيطة

بس مع ذلك فكرة جميلة جداً وهذا ماكنت اتمناه من زمان .. والله يوفقهم في انشاء هالمشروع الجبار وان شاء الله يكون تحت الارض فقط ..

[barod]

مشروع رائع بس مو لكم حق الجيل القادم 2026

[الموضوعي]

مشروع القطار فاشل لو يصرفون فلوسه على اهل قطر ابرك

[جوال 11]

بس بيبتدون يحفرون ويسكرون الشوااااااااارع


ناقصين احنا :anger1:

تذكرت لما شفت هذه المشاركة
احد العرب بعد مروره من الحدود وجد أسيوي وقال له وين الدوحة . رد الأسيوي أنته يمشي بعدين يشوف بلاد فيه حفرة كتير هذي دوخة .

[eXpert*]

بالتوفيق لـ شركة الديار القطرية

[ولد النواخذه]

ياسلام والله أخبار تفتح النفس ةتسر وان شاء الله نشوفه هالقطار او المترو يطوف ارجاء الدوحه ويخفف من هالزحمه وعمار ياقطر وبومشعل مايقصر على ديرته الله يحفظه

[امل الحب]

:secret:

لما قريت الخبر الصبح

قلت يفكونا من الحفريات ويفتحون الشوارع ويركزون عليها ابرك..

من كبر الدوحة عشان نحتاج القطاار والا بس مجرد تقليد :omen2:

[Darco]

:secret:

لما قريت الخبر الصبح

قلت يفكونا من الحفريات ويفتحون الشوارع ويركزون عليها ابرك..

من كبر الدوحة عشان نحتاج القطاار والا بس مجرد تقليد :omen2:





قبل عشرين سنة بالضبط قالوا نفس كلامج .. من كبر الدوحة علشان نسوي فيها جسور وشوارع ثلاث مسارات؟! فترسوها دواوير وتوهقوا بعدين!

بالعكس الخطّة موفقّة جداً وصحيحة. الواحد لازم يبرّز الدوا قبل الفلعات والحمد لله أن الجماعة تنبهوا لأخطاء الماضي واللي كانت بسبب قصر النظر.

شيء ثاني .. انا متأكد 100% أنهم بيبدون المشروع (بعد) انتهاء مشاريع الطرق الرئيسيّة, حينها بيكون العمل أسهل بكثير لهم وأسهل على الناس في الشوارع. وركزوا على أنهم قالوا أن مخطط التسليم للمرحلة النهائيّة في 2026 .. ومكن جداً تكون المراحل الأولى قبل هذا بكثير .. وممكن جداً بعد يتم دراس المشروع ووضع تعديلات ..


آخر الكلام : نتمنى أن يكون دور الديار التخطيط والتنفيذ .. وان لا يتركوا المشروع لأشغال .. فتشغلنا عن حياتنا بحفرهم.

[سداوي&مدريدي]

والله شي حلو لاكن شالفايده والبنيه التحتيه تعبانه في بعض المناطق

والشوارع مكسره ؟

ان شاء الله يخلص المشروع بأسرع وقت

[بنت المنتدى]

لا تحاتي أخوى ،، انا كاتب وصية للعيال

2026 الحد الأقصي لتسليم المرحلة الأخيرة للمشروع ،، :shy:



http://www.up-00.com/xafiles/gkW97712.gif

[واحد 11]

بتنحل المشكلة بأذن الله سنة 2026 ...باقي 17 سنة بس ليش مستعجلين بتمر بسرعة :D:D:D

[مصراوية]

بالتوفيق لـ شركة الديار القطرية


eXpert

شكلك شغال في بروة او الديار القطرية