المساعد الشخصي الرقمي

مشاهدة النسخة كاملة : عاااااااااجل


بوالنوف
25-02-2009, 10:14 AM
أبي مركز او عياده للأسنان

بس بشرط

ابيهم نفس الدكتور تميم ملص

انا ودي أروح حق تميم بس يقولون اسعاره مرتفعه وايد :omg:

عاد انا ابي حد بمستواه لكن بسعر معقول

وبليز بسرعه لان صارلي 3 أيام ماكلت شي :secret: :weeping:

عندي 3 أسنان وشكلهم يبيلهم خلع :eek5: :(
الـقـاسـي
25-02-2009, 10:16 AM
روح الرميلة , عندهم طوارىء
صدقني عيادة الرميلة للأسنان ممتازة جدا وأحسن من باقي العيادات الخاصة وأنا متأكد من هالكلام مليون فالمية .
بوالنوف
25-02-2009, 10:52 AM
انا خوفي من انهم يسوون مثل غيرهم يحفر الضرس عشانس يعرف اذا صاحي او لا
ريوم
25-02-2009, 12:41 PM
روح مركز الربيع للاسنان

شارع مشيرب
غناتي1
25-02-2009, 01:43 PM
وش رايك في سفرة ل سوريا

اعرف دكتور ممتااااااااااااااااااز

خريج ألمانيا

منها فسحة وتغيير جو 000 ومنها علاج
الـقـاسـي
25-02-2009, 01:46 PM
انا خوفي من انهم يسوون مثل غيرهم يحفر الضرس عشانس يعرف اذا صاحي او لا

أكيد راح يبنج ويشوف الضرس يمكن يبي له يشيل العصب ولا يعالجه لك ويسوي لك حشوه دائمة وتفتك بأذن الله ..
روح منت خسران شي ..
بوخليفة3
25-02-2009, 02:12 PM
روح الرميلة , عندهم طوارىء
صدقني عيادة الرميلة للأسنان ممتازة جدا وأحسن من باقي العيادات الخاصة وأنا متأكد من هالكلام مليون فالمية .

هالكلام صحيح بس مشكلتهم مواعيدهم تلوع الجبد لكن من ناحيه مستوى الاطباء top الصراحه


بس دامنك مستعجل روح عياده الاحمداني الصراحه انا رحت وشغلهم مظبوط سويت جسر ثابت عندهم وواحد من الربع سوا زراعه واسعاره جيده
جمال اليافعي
25-02-2009, 02:30 PM
روح الرميلة , عندهم طوارىء
صدقني عيادة الرميلة للأسنان ممتازة جدا وأحسن من باقي العيادات الخاصة وأنا متأكد من هالكلام مليون فالمية .

أنا رحت الرميله والله ما قصرو كان عندي سحب عصب حطو لي المادة الي تذبح العصب وحطو حشوة مؤقته عشان الموعد الجاي ... المصيبه ان الموعد الجاي 22\5\2009 وانا مسوي شهر 12\2008 .. الحشوة طاحت من شهرين .. وأضطريت اروح عيادة الشرطه
هند
25-02-2009, 03:03 PM
مرحبا اخووي،،،
انا اتعامل مع عيادة تميم صج ان اسعارة غالية بس صدقنى ان شغلة مافي مثلة يعنى مايسوى تخسر فلوسك على اسنانك وعقب فترة ترجع تعالج نفس الاسنان يعنى الخسارة مرتين عالجهم مرة وحدة وعند دكتور ممتاز ...
ولاتفقد الامل في اسنانك لان يمكن مايبيلهم خلع ..صار لي نفس الموقف كل ماروح عيادة يقولون لي خلع لين وصلت حق تميم قالي فيه امل وعالجة لي ولبسة وصار جديد :)
للعلم ،،، سعر علاج العصب عندة 2500 وتلبيس الضرس ب3500 والخلع 1200

وسوري على الإطالة .....
عليان قطر
25-02-2009, 03:04 PM
انا بالنسبة لي

رميله
بوالنوف
26-02-2009, 07:53 AM
مشكورين على تفاعلكم معاي

انا رحت حق الدكتور تميم وطلع علي التكلفه 27,600 ريال حق 18 شي: يعني حشو وتنظيف وتلبيس وخلع ضرس واحد بس.

انا افكر اسوي عنده الاشياء المهمه : مثل العصب وتلبيسة التاج
والاشياء الخفيفه مثل الحشوات هاي بسويها في رميله


والا شرايكم ؟؟
الـقـاسـي
26-02-2009, 10:18 AM
مشكورين على تفاعلكم معاي

انا رحت حق الدكتور تميم وطلع علي التكلفه 27,600 ريال حق 18 شي: يعني حشو وتنظيف وتلبيس وخلع ضرس واحد بس.

انا افكر اسوي عنده الاشياء المهمه : مثل العصب وتلبيسة التاج
والاشياء الخفيفه مثل الحشوات هاي بسويها في رميله


والا شرايكم ؟؟

صراحة مبلغ كبير جدا والمواعيد مب متاخر واجد في الرميلة ترى
حتى لو تاخرت شوي بس بالمقابل راح تكون متاكد ان العلاج عندهم أحسن من العيادات الخاصة بمليون مرة
وترى في شي مهم التعقيم في العيادات الخاصه مب نفس اللي في الرميلة
في أمراض تنتقل والسبه الأهمال في التعقيم
أنا قبل كنت مب مقتنع بعيادة الرميلة بس والله العظيم بعد ماجربتها وشفت الفرق بعيني
تحسف اني كنت اروح العيادات الباقية وعندنا عيادة مثل الرميلة
جمال اليافعي
26-02-2009, 10:22 AM
الله يخلي لنا عيادة الشرطه قمه في التعامل والعلاج ..