استفسار بارك الله بكم جميعا

[هدهد سليمان]

السلام عليكم ورحمة الله وبركاته

مساكم الله بالخير جميع وان شاء الله يكون يومكم فيه خير وسعاده .. اخواني واخواتي الكرام ياليت حد يفيدني وين في اماكن تعليم القرآن الكريم للبنات .. الله يحفظ لكم عيالكم عندي اربع بنوتات اعمارهم 7 6 5 و سنه طبعا السنه عندي راح تكون في البيت ان شاء الله والثلاثه ابي اوديهم الى مركز تحفيظ القرآن الكريم وين تنصحوني اوديهم خصوصا اني اسكن مدينة خليفه الجنوبيه وهل في مواصلات وشلون الرسوم .. وفي ميزان حسناتكم ان شاء الله

[عاشق الشهادة]

للرفع ولي اجر ان شاء الله






الله يحفظ لك بناتك ويطول بعمر ابوهم ان شاء الله يالغالي اعرف مركز في عين خالد والمعموره ,
ويالييت لو الاعضاء يفيدونك على اقرب مركز يكون لمدينه خليفه ,

[مزايين]

أنا بنتي في مركز موزة بنت محمد

والصراحة رائع .....والتسجيل فيه أظن بيبدأ في شهر 4

وهذا رقمهم للاستفسار .....4331888

بس ماأظن ان عندهم مواصلات وهو مافيه رسوم ومكانه في الوعب

[QAT2020]

الله يبارك فيهم ويصلحهم ،، ويجزاك عنهم كل خير ..

هذا موقع فيه محفظات للقران اتمنى اني افدتك ولو بشىء بسيط ..

http://www.ahlelquran.com/Quran_list.asp


وأسأل الله التوفيق لنا ولكم ..

[ولد البوكوارة]

عندك دار اروى اللي في الدفنه ،، خلف المركز الصحي


وفي مركز احمد بن علي اعتقد اسمه شمال اللولو اللي مقابل اللاند مارك (( لما تكون جاي من جسر الجوازات على جسر الشمال ، قبل الجسر على يدك اليسار بتشوف اللافته على وحده من الفلل ))


هالمركزين اللي اعرفهم ومكانهم قريب من مدينة خليفه


وعندك مركز موزه اللي صوب اشارات الوعب


والله يجعلنا واياكم من حفظة كتابه

[هدهد سليمان]

رحم الله والديكم جميع وفي ميزان حسناتكم ان شاء الله