اتمنى الكل يدخل ..

[الوجبه]

السلام عليكم

في البدايه اتمنى من المشرفيين الافاضل عدم حذف الموضوع او اغفاله ..

هذي وجهه نظر اتمنى انها توصل للكل وتكون واضحه ..

طبعا هذا المنتدى يشمل جميع طبقات المجتمع منهم المتعلم ومنهم الاقل تعليم

فيه الرجال والنساء والمراهقيين من الجنسيين وفيه الاقل عمرا ..

طبعا كل يوم نجد موضوع جديد في المنتدى على اختلاف القراء وميولهم .. منهم

من يرغب في المواضيع (الجاده ) ومنهم من يرغب في المواضيع( الهزليه ) (والغشمره)

ومنهم من يرغب في المواضيع (الحصريه) ومنهم ايضا من يبحث عن( الجديد) دائما ..

عندما يدخل عضو ويشارك في موضوع معين عن الشباب مثلا (فالطبيعي) ان تكون

الردود من الشباب على نفس الموضوع وفي صلبه .. لكن (الغير طبيعي) ان يدخل

عضو ويقول وبطريقه مباشره انه صاحب هذا السلوك او الكلام موجه له ..

او تدخل عضوه وتقول انها تعمل هذا الشئ فلا يجوز التطرق له او الحديث عنه ..

ارجو الانتباه لحاجه مهمه :

1. في حال دخول عضو او عضوه لموضوع معين ويقول او تقول لصاحب الموضوع

انا عندي كذا او استخدم كذا وسيارتي كذا ..فلا يجوز ويجب ان ينتبه ان الكلام بشكل عام

والواجب ان ما يلمح او يبين ان الموضوع موجه له ..

2. وبعدها دخلت او دخل لموضوع ثاني مخالف وقال انا ما يعجبني كذا ويعجبني كذا ..

3. وبعدها دخل لموضوع اخر وقال بيتنا كذا وانا احب اللون كذا ..

4. وبعدها دخل لموضوع اخر مختلف لمزاجه وقال لا انا اسوق محد له شغل ا وموتري كذا ..

وبعدها قال انا اكل كذا واشرب كذا واطلع الوقت كذا وانام كذا ..

ايش باقي يا اخوان (غير الصوره) (والاسم ) ..

يا اخوان يا اخوات ..

مش شرط اي( رد مخالف لك) يكون موجه (لك انت شخصيا) .لانه في حال ردك اصلا على

الراي المخالف وبعصبيه ونرفزه تبين للقراء امور كثيره عنك بدون علم .. وتكشف عن

تفاصيل من امورك الشخصيه والخاصه تظهر منك (بحسن نيه) واستعجال في الرد ..

..

اخواني ..

البعض من ضعاف النفوس يحاول يبحث عن صاحب المعرف من يكون وانت بطريقتك وبحسن

نيه
تسهل له هذي الامور في البحث عنك ومعرفتك باسهل طريقه من (ردودك) ..

اخواني ..

لا تتوقع ان اي كلام في المنتدى موجه لك انت شخصيا .. حتى لو فيك هذا الشي ..

فهنا نقاش عام فيه اخذ ورد .. اما ان البعض ياخذ الموضوع بشكل شخصي وان الكلام

موجه له هو بصفه عامه او انه انجرح لانه في هذي الصفه مثلا .. فانا اقول ان هنا

محد يعرف الثاني ولا توجد عداوات بينا فالنقاش عام لانه منتدى عام وغير موجه لشخص

معين .. وايضا اتمنى من البعض ما يكونون حساسيين زياده عن اللزوم ويكون ردهم

للموضوع بشكل ايجابي وبعيد عن ان هذا الموضوع فيني انا شخصيا او يتطرق لي

الا اذا انذكر (اسم ) الشخص بطريقه مباشره فهنا يكون الطرد الزامي للشخص ..

ارجو من الجميع ان يعلم ان كل عضو وعضوه يكن كل خير للاخر ولا توجد اي عداوه

او تحقير او اساءه لشخص معين وكل المواضيع تندرج تحت (العام) ومش (الخاص)

وتشمل على الاحترام للكل بدون الاساءه لشخص معين .. اما من يعتقد ان الكلام موجه

له اويرد على ان هناك صفه في الموضوع تنطيق عليه فهو (يكشف) نفسه بهذي الطريقه

ويكشف من هو بطريقه غير مباشره ..
فارجو الانتباه من هذي الناحيه ..

وسلامتكم

[آمل اللقاء]

الله ايكثر من امثالك ،،،
ويعطيك العافيه وجهة نظرك في محلها،،،

[VIPLady]

يعطيك الف عافيه على هالكلام الي قلته

ومثل ما قلت انه وايد اعضاء لين يقرون اي موضوع ياخذونه بشكل شخصي... ليش مادري او لين نكتب راي يخالف رايهم يعني احنا غلط واهم صح.. في النهايه المفروض كل من يحترم راي الثاني والاختلافات موجوده والفروق موجوده من حيث العمر . المكان. التربيه. ... الخ وايد امورر
وفوق هذا حتى العادات والتقاليد حتى لو كانت وحده بديرتنا بس بعد فيها تفاوت بين كل بيت وبيت .. و هالشي للاسف ما اشوف له اي احترام اثناء المناقشات

وثانكيو على هالموضوع الذوق والراقي والي فيه معاني وايد بس ياليت الكل يقراه عدل و يتبعه

[um abdulla]

انت تعنيني ؟؟:anger1:
ههههههههههههههههه
امزح معك
يعطيك العافية
شسالفة ؟ فاتتني هوشة ؟:(

[الـمـحـنـك]

لاهنت اخوي الوجبه وموضوعك هادف جدا لصالح المنتدى والاعضاء


تحياتي لك

[بدور]

الوجبه وربي انتي :nice::victory:

الموضوع هذا للتثبيت ... ما قصرت :)

[أحلى وسيطه]

جزاك الله الف خير

[شاهيناز]

موضوع مبهم وماحب المواضيع المبهمه,,, لانها ترتكتز على تفكير القارئ ومفهومه يرتكز على ميوله وتفسيراته الخاصه

ثاني شئ انت ناقضت نفسك لان تحث على عدم ادخال الامور الشخصيه في مواضيعنا,, وموضوعك موضوع شخصي

ثالث شئ,, المشترك هنا حر عليه يتكتب يملح هو حر في المساحه من المعلومات الي يريد ان يفتح المجال للاعضاء للاطلاع عليها من اموره الخاصه

اوبس

[هذلان]

السلام عليكم

شاهيناز .. حطي الجير على R من الموضوع.

الرجال كلامه طيب , انا جديد على المنتدى و ما ادخل الا قسمين ولا ثلاثه و احس فيه امور نص كم.

وهذا امر طبيعي جدا بحكم عدد المشاركين في الموقع و الاختلاف في الاعمار و التربيه.

وهنا يكمن دور الاداره و المشرفين .. للحين ماقريت رد لمشرف في اي موضوع يحذر او ينبه عضو من تصرف معين سواه ؟؟

[شاهيناز]

السلام عليكم

شاهيناز .. حطي الجير على R من الموضوع.

الرجال كلامه طيب , انا جديد على المنتدى و ما ادخل الا قسمين ولا ثلاثه و احس فيه امور نص كم.

وهذا امر طبيعي جدا بحكم عدد المشاركين في الموقع و الاختلاف في الاعمار و التربيه.

وهنا يكمن دور الاداره و المشرفين .. للحين ماقريت رد لمشرف في اي موضوع يحذر او ينبه عضو من تصرف معين سواه ؟؟

اي Rوجير
ياخي انا قلت رايي
ومب لازم يكون متوافق مع راي الجميع

[الموضوعي]

بارك الله فيك والخلاف لا يفسد للود قضية

[Ghost]

الهدف من الموضوع الخير والنصيحة بارك الله فيك