الاستفتاء الثاني : هل تؤيد ان تحدد الدولة المهر؟؟ولماذا؟

[حبر سري]

السلام عليكم ورحمة الله وبركاته

كلنا نعرف ان الحجة الدائمة لعدم الزواج او الزواج من الأجنبيات , أو الاتجاه للقروض في الزواج , هي غلاء المهور

ونحن لاننكر وجود هذه الظاهرة للأسف

ولكن هل هي موجودة فعلا بالكيفية التي يريد البعض تصويرها بها؟

فقد ذكر الدكتور عبدالحميد الانصاري في احد لقاءاته في احدى الصحف , انه لايعقل ان يتحجج الشاب بغلاء المهور في الوقت الذي يشتري فيه سيارة ب200 الف ريال!!
وكلامه منطقي وواقعي - للاسف-

فهل ترى/ترين , ان الحل هو تدخّل الدولة لتحديد المهور؟

وماهي الكيفية؟؟
هل يتم تحديد مهر للبكر ومهر للمتزوجة سابقا؟؟وهل تعتقد ان سيتم اتباع هذا القانون بكل شفافية؟؟ولن تكون هناك اتفاقات من تحت الطاولة؟



في انتظار اراءكم

والسلام عليكم ورحمة الله وبركاته

اخوكم
حبر سري

[روميت]

ماشاء الله

مشيه معاك حلوه الاستفتاءات .

متابعة
<<<


ويعطيك العافية .

[حبر سري]

ماشاء الله

مشيه معاك حلوه الاستفتاءات .

متابعة
<<<


ويعطيك العافية .

الله يعافيج
وتشرفني المتابعة

بس ماقلتي لنا رايج اختي؟

[!قطريـة بنت القمـر!]

لا مب مؤيــدة تدري ليــش :) ....




اذكــر حادثــة لعمــر بن الخطـاب يوم حدد المهــور .... وجاته امراة واعترضت على هالشي .... واعطته هالايــة : (وَآتُواْ النَّسَاء صَدُقَاتِهِنَّ نِحْلَةً فَإِن طِبْنَ لَكُمْ عَن شَيْءٍ مِّنْهُ نَفْساً فَكُلُوهُ هَنِيئاً مَّرِيئاً ) .... وقال عمـر : ( اخطا عمـر وصدقـت امراة ) .... المهـر وتحديده من حـق المراه نفسـها وهذا حق اعطاه لنا الاسلام واعطانا الحق بالتنازل او المطالبة فيـه .... والموقف اعلاه الدليل على انه محد له حق يحدد المهــر غير المراه نفسـها :) .... والمراه العاقلة باغية الستـر من نفسـها ما بتكلف على زوج المستقبل والاولى من الرجال البحث عن ذات الديـن لكي ينعموا بحياة مباركة من الله عز وجل و ....... بارك الله فيك اخـوي حبـر سـري :nice: .....

[وطن]

ما بينفع يا اخوي
لانه شي طبيعي بتصير اتفاقات من تحت الطاوله
ومن فوقها بعد

[حبر سري]

لا مب مؤيــدة تدري ليــش :) ....




اذكــر حادثــة لعمــر بن الخطـاب يوم حدد المهــور .... وجاته امراة واعترضت على هالشي .... واعطته هالايــة : (وَآتُواْ النَّسَاء صَدُقَاتِهِنَّ نِحْلَةً فَإِن طِبْنَ لَكُمْ عَن شَيْءٍ مِّنْهُ نَفْساً فَكُلُوهُ هَنِيئاً مَّرِيئاً ) .... وقال عمـر : ( اخطا عمـر وصدقـت امراة ) .... المهـر وتحديده من حـق المراه نفسـها وهذا حق اعطاه لنا الاسلام واعطانا الحق بالتنازل او المطالبة فيـه .... والموقف اعلاه الدليل على انه محد له حق يحدد المهــر غير المراه نفسـها :) .... والمراه العاقلة باغية الستـر من نفسـها ما بتكلف على زوج المستقبل والاولى من الرجال البحث عن ذات الديـن لكي ينعموا بحياة مباركة من الله عز وجل و ....... بارك الله فيك اخـوي حبـر سـري :nice: .....


جعل والديج الجنة ياقطرية

ذكرتيني بالحادثة هاذي الله يذكرج الشهادة

والله انا مااقدر افتي ولا مؤهل للفتوى ياقطرية - للأسف الشديد - لكن اعتقد ان هذا كان اجتهاد من سيدنا عمر بن الخطاب , واتمنى التصحيح اذا كنت غلطان

والف شكر عالمرور الرائع
شرفتي الموضوع

[حبر سري]

ما بينفع يا اخوي
لانه شي طبيعي بتصير اتفاقات من تحت الطاوله
ومن فوقها بعد

بل
من فوقها بعد؟:rolleyes2:
الظاهر بيكتبونها بالحبر السري :nice::nice:

لكن ياوطن اللي اقصده سلمج الله ان لو تم تحديد المهور اكيد في ناس ماراح تلتزم , بس اكيد في ناس راح تلتزم , يعني افرضي ان شاب راح يبي يخطب وحدة , وأبوها اشترط مهر عالي جدا مثلا , فأكيد راح يقول في نفسه , بنات الحلال وايد , ويشترطون مهور اقل بحكم القانون

عرفتي؟
هذا اللي قصدته

شاكر لج مرورج وتعليقج

[فهد111]

الصراحه انا اشوف انه محد قام يحدد مهر حق بنته ويليت الدوله تحدد اسعار الصالات الي كل مره يبالغون فيها

[a.a.a.qatar]

اخوي حتى لو حددوا المهر وكان اقل القليل على قولتهم .... المشكله مش في المهر المشكله في الشغلات الثانيه القاعات والكوش وخرابيط ثانيه تكلف اكثر من المهر
مرات الواحد يدفع مهر خمسين الف يقول الحمدلله ماخذوا علي شي بس مسكين ما يدري ان الخمسين الف ريال بداية الـخطوه ...
مثل ما قال الاخ فهد111 لازم يحددون اسعار القاعات والاشياء الثانيه لانها تكلف وايد وايد
وتسلم على هالموضوع
بس مرات اقول في نفسي خلهم يدفعون الشباب عندكم فلوس حق سياره بالقيمه الفلانيه وطير بالقيمه الفلانية وتتباهون قدام الناس وسفرات دبي وبحرين ومصر وبانكوك (الدول الرخيصه على قولة البعض منكم) لكن حق الزواج والمهر ما عندنا ... اشدعوه يطلبون هالمبلغ!!!!!!!!! ليش تستكثرون على من بتكون شريكة حياتكم وتدفعون حق اشياء ثانويه؟؟؟؟

[wqatar]

الصراحه انا اشوف انه محد قام يحدد مهر حق بنته ويليت الدوله تحدد اسعار الصالات الي كل مره يبالغون فيها

معاك في الراي

[_بوشهاب_]

اخوي حتى لو حددوا المهر وكان اقل القليل على قولتهم .... المشكله مش في المهر المشكله في الشغلات الثانيه القاعات والكوش وخرابيط ثانيه تكلف اكثر من المهر
مرات الواحد يدفع مهر خمسين الف يقول الحمدلله ماخذوا علي شي بس مسكين ما يدري ان الخمسين الف ريال بداية الـخطوه ...
مثل ما قال الاخ فهد111 لازم يحددون اسعار القاعات والاشياء الثانيه لانها تكلف وايد وايد
وتسلم على هالموضوع
بس مرات اقول في نفسي خلهم يدفعون الشباب عندكم فلوس حق سياره بالقيمه الفلانيه وطير بالقيمه الفلانية وتتباهون قدام الناس وسفرات دبي وبحرين ومصر وبانكوك (الدول الرخيصه على قولة البعض منكم) لكن حق الزواج والمهر ما عندنا ... اشدعوه يطلبون هالمبلغ!!!!!!!!! ليش تستكثرون على من بتكون شريكة حياتكم وتدفعون حق اشياء ثانويه؟؟؟؟
وفي شباب نفسي يجمعون من اول راتب يستلمونه عشان يتزوجون
والاسعار كل مالها وتزيد
((الله يكون في العون ))
تقبل مرووري

[a.a.a.qatar]

وفي شباب نفسي يجمعون من اول راتب يستلمونه عشان يتزوجون
والاسعار كل مالها وتزيد
((الله يكون في العون ))
تقبل مرووري

اول شي الغلط مني كان مفروض اكتب البعض :) سوري على هالشي
ثاني شي الله يوفقك ويثبت الاسعار عشان تدخل قفص الزوجيه النحاسي :)

[حبر سري]

الصراحه انا اشوف انه محد قام يحدد مهر حق بنته ويليت الدوله تحدد اسعار الصالات الي كل مره يبالغون فيها

طيب اخوي فهد شنهو ردك على اللي يقولون ان سبب عزوف الشباب عن المهور يرجع الى غلاء المهور؟

[Ghost]

لا مب مؤيــدة تدري ليــش :) ....

اذكــر حادثــة لعمــر بن الخطـاب يوم حدد المهــور .... وجاته امراة واعترضت على هالشي .... واعطته هالايــة : (وَآتُواْ النَّسَاء صَدُقَاتِهِنَّ نِحْلَةً فَإِن طِبْنَ لَكُمْ عَن شَيْءٍ مِّنْهُ نَفْساً فَكُلُوهُ هَنِيئاً مَّرِيئاً ) .... وقال عمـر : ( اخطا عمـر وصدقـت امراة ) .... المهـر وتحديده من حـق المراه نفسـها وهذا حق اعطاه لنا الاسلام واعطانا الحق بالتنازل او المطالبة فيـه .... والموقف اعلاه الدليل على انه محد له حق يحدد المهــر غير المراه نفسـها :) .... والمراه العاقلة باغية الستـر من نفسـها ما بتكلف على زوج المستقبل والاولى من الرجال البحث عن ذات الديـن لكي ينعموا بحياة مباركة من الله عز وجل و ....... بارك الله فيك اخـوي حبـر سـري :nice: .....
:nice::nice::nice:
بارك الله فيك يابنت القمر

من جائكم ترضون دينه وخلقه فزوجوه

[barod]

انا مع تحديد قيمه المهر وياريت يحددون قيمه الصاله بعد اتوقع مع تحديد المهر على الاقل لو حب ولي الامر يزيد من مهر بنته مش راح يطلب مبلغ خيالي فوق المحدد ويمكن يستحي .. ويعطيك العافيه على الموضوع

[383 STROKER]

الصراحه مطالب الزواج من مهر وقاعات ووووو مب نفس اول. في اشياء الزوج والزوجه مالهم خص فيها. مثلا القاعات . لو عندنا قاعات مثل الناس كان سعر الليله بيكون اقل من اللحين فوق ال 35 الف لليله وين عايشين. هذا مثال. انا من رايي كشخص مؤجل فكرة الزواج لاجل غير معروف, ان الزوج والزوج يسوون عرس عائلي وكان الله غفور رحيم. يعني لازم الخرابيط اللي مالها داعي. وانا مع تحديد المهر وهذا مافي شي.

[الألماسي]

لا يحددون و لا شئ . . و الدولـه ما راح تصيــر وصيـّــه على خـواتنا . .

لـو الدولـه تبي تخــفف عن المقبلين على الزواج خلهـا تفتح الرخص التجاريه لقاعات الأفراح و ما يخلونها استثناءات لناس معينه فقط . .

لـو الدوله تبي تخـفف خلهـا تقرض المواطن " قرض حسن " بدون فوائد للشـاب المقبل على الزواج . .

[VIPLady]

ضد التحديد.....بسبب اختلاف البيئات والمستويات الاجتماعيه ..

وحابه اتابع الموضوع بنفس الوقت واتابع ردود ومشاركات الاعضاء..

يعطيك العافيه حبر سري على هالموضوع النايس

[فهد111]

طيب اخوي فهد شنهو ردك على اللي يقولون ان سبب عزوف الشباب عن المهور يرجع الى غلاء المهور؟
اخوي حبر سري عزوف الشباب عشان غلاء المهور هذا كلام انا ماعترف فيه لنهم يسمعون ان فلان خذى بنت فلان ودفع فيها مبلغ وقدره ويقول انه مايقدر على المبلغ هذا ويهون عن الزواج لنه سمع بس ولكن لو لقى بنت الحلال ويبي ياخذها على سنه الله ورسوله تتوقع انهم بيختلفون على سالفه المهر؟؟
ولا تتوقع ابو البنت بيقول والله احنا مب مزوجينك الى اذا دفعت 100,000 ولا ماتاخذ بنتي؟؟
هذا اول شي عيب وثاني شي مستحيل وماصارت معا حد وانا اقول حق الشباب توكلو على الله ودورو بنت الحلال وسالفه المهر محد يتكلم فيها واذا ابوها قالك والله مانزوجك لنك ماجبت المهر كامل الصراحه هذي البنت ماتلزمني مب عشان الفلوس عشان ابوها والبنت من سمعه ابوها واخوانها يعني السبب بيكون الاب في منع الزواح مب المهر وهذول قلييل وينعدون بالاصابع في قطر الخير
والسالفه في الاول والاخير نصيب اذا مكتوب لك بتاخذه واذا مب مكتوبلك فهذا نصيب
وعن ابن العباس رضي الله عنه عن الرسول صلى الله عليه وسلم قال:
أن الأمة لو اجتمعت عَلَى أن ينفعوك بشيءلم ينفعوك إلا بشيء قد كتبه اللَّه لك،
وإن اجتمعوا عَلَى أن يضروك بشيء
لم يضروك إلا بشيء قد كتبه اللَّه عليك،
رفعت الأقلام وجفت الصحف>
رَوَاهُ الْتِّرْمِذِيُّ وَقَالَ حَدِيثٌ حَسَنٌ صحيح.
واشكرك يا اخوي حبر سري :nice:

[hamoor4ever]

اخوي حبر سري عزوف الشباب عشان غلاء المهور هذا كلام انا ماعترف فيه لنهم يسمعون ان فلان خذى بنت فلان ودفع فيها مبلغ وقدره ويقول انه مايقدر على المبلغ هذا ويهون عن الزواج لنه سمع بس ولكن لو لقى بنت الحلال ويبي ياخذها على سنه الله ورسوله تتوقع انهم بيختلفون على سالفه المهر؟؟
ولا تتوقع ابو البنت بيقول والله احنا مب مزوجينك الى اذا دفعت 100,000 ولا ماتاخذ بنتي؟؟
هذا اول شي عيب وثاني شي مستحيل وماصارت معا حد وانا اقول حق الشباب توكلو على الله ودورو بنت الحلال وسالفه المهر محد يتكلم فيها واذا ابوها قالك والله مانزوجك لنك ماجبت المهر كامل الصراحه هذي البنت ماتلزمني مب عشان الفلوس عشان ابوها والبنت من سمعه ابوها واخوانها يعني السبب بيكون الاب في منع الزواح مب المهر وهذول قلييل وينعدون بالاصابع في قطر الخير
والسالفه في الاول والاخير نصيب اذا مكتوب لك بتاخذه واذا مب مكتوبلك فهذا نصيب
وعن ابن العباس رضي الله عنه عن الرسول صلى الله عليه وسلم قال:
أن الأمة لو اجتمعت عَلَى أن ينفعوك بشيءلم ينفعوك إلا بشيء قد كتبه اللَّه لك،
وإن اجتمعوا عَلَى أن يضروك بشيء
لم يضروك إلا بشيء قد كتبه اللَّه عليك،
رفعت الأقلام وجفت الصحف>
رَوَاهُ الْتِّرْمِذِيُّ وَقَالَ حَدِيثٌ حَسَنٌ صحيح.
واشكرك يا اخوي حبر سري :nice:

لا عادي تصير

[فهد111]

:
لا عادي تصير

يمكن كل شي يجوز بس الحمدلله لا سمعت ولا بسمع انشالله بس انت تقول تصير عندك سالفه او شي صار معاك او معا حد من ربعك؟
خلنا نستفيد ويعطيك العافيه :nice:

[المزن الرياني]

مايحتاج الدوله تتدخل

كلها فتره بسيطه وبنشوف ظاهره العنوسه طااغيه بشكل كبير
ساعتها بس ... الاهل والبنت بيدورون الستر

[hamoor4ever]

:

يمكن كل شي يجوز بس الحمدلله لا سمعت ولا بسمع انشالله بس انت تقول تصير عندك سالفه او شي صار معاك او معا حد من ربعك؟
خلنا نستفيد ويعطيك العافيه :nice:

اي اخوي صارت معاي شخصيا ، يااتحط هاذه المبلغ يا لا ، والحمدلله طبعا قلت لا ولو كل شاب بيسوي مثلي ماراح نحتاج للقوانين هاذي ، الحمدلله عرست بأقل من نص المهر اللي كنت بعطيهم اياه ومب راضيين عليه بعد

شكرا اخوي

[بوخليفة3]

السلام عليكم ورحمة الله وبركاته

كلنا نعرف ان الحجة الدائمة لعدم الزواج او الزواج من الأجنبيات , أو الاتجاه للقروض في الزواج , هي غلاء المهور

ونحن لاننكر وجود هذه الظاهرة للأسف

ولكن هل هي موجودة فعلا بالكيفية التي يريد البعض تصويرها بها؟

فقد ذكر الدكتور عبدالحميد الانصاري في احد لقاءاته في احدى الصحف , انه لايعقل ان يتحجج الشاب بغلاء المهور في الوقت الذي يشتري فيه سيارة ب200 الف ريال!!
وكلامه منطقي وواقعي - للاسف-

فهل ترى/ترين , ان الحل هو تدخّل الدولة لتحديد المهور؟

وماهي الكيفية؟؟
هل يتم تحديد مهر للبكر ومهر للمتزوجة سابقا؟؟وهل تعتقد ان سيتم اتباع هذا القانون بكل شفافية؟؟ولن تكون هناك اتفاقات من تحت الطاولة؟



في انتظار اراءكم

والسلام عليكم ورحمة الله وبركاته

اخوكم
حبر سري

ياخي الكريم
وجهة نظر خاصه فيني اتمنى اتفكر فيها


اخي الكريم المقياس اليوم على الشاب صار السياره هذا الكلام مب منطقي كلش
يعني حتى لو ركب سياره ب200 الف وشو السياره اللي تقدر تركبها ب100 الف مافي هذا اول شي والشي الثاني 95%من الشباب ماخذها بأقساط يعني لازم الشاب يحرم نفسه ومايركب سياره عدله ومايسافر ولا يشتري حق عمره كل هذي علشان الزواج لاياخوي انشاء الله عمرها المره مايت
وبعدين اخوي السالفه مب سالفة مهر يعني 150 الف 200 الف بتعيز الواحد بيجمعها مع الايام وبيقدر انشاء الله في سلفه سياره وفي سلفه زواج وفي بدل اثاث كلها تقريبا 80 الف كاش على طول بتكون فيده
انا مااتكلم عن اللي يحط ديون على نفسه ويمصخها لا يعني كل شي بالعقل
دام انه فبيت ابوه وماعنده مصاريف يحاول يجمع من الراتب ولو شي بسيط الريال على الريال يصيرون ريالين هذي سياسيه الاجانب من سنين علشان جذس شوفهم وين وصلوا
لكن احنا تونا نفهم هالشي

لكن في اشياء ثانيه فكر فيها اول الشي السكن؟؟؟:omg:
مب كل واحد يقدر يعيش فبيت ابوه واذا ناطر الاسكان اشهد انه بيطي وهو ينطر
يعني لازم يسكن بالايجار وعندك الحسبه اخووي
السكن بروحه يقص الظهر وفي اشياء ثانيه بعد بتتعب وانت تحسب

[STAR]

الصراحه انا اشوف انه محد قام يحدد مهر حق بنته ويليت الدوله تحدد اسعار الصالات الي كل مره يبالغون فيها

:nice::nice:

[وجه الحقيقة]

انا ضد.ولي اسباب قويه..

لي عوده

[عنيــــد]

لا طبعاً ضد تحديد المهور ..

المشكله الاساسيه فينا احنا مب في المهور ولا غيره ،، يعني اليوم قاعدين نشوف اشياء مالها معنى ولا فائده و للاسف صارت من اساسيات الزواج لدى كثير من الناس ،،

يعني الحين لازم قاعه و كوشه و توابع الحفل ،، يعني تخيل بعضهم يقول لا نبي نغير ديكور الصاله اللي حاجزها اساساً بمبلغ و قدره !!

و غير هالشي المسكن وين بتحطها ؟ الحياه مب مثل قبل عشان تحطها في بيت اهلك ،، و حتى لو جلست في بيت اهلك حدك بالكثير 4\5 سنوات و عقب تكثر العائله و لابد تطلع ولا زادت المشاكل بسبب او لآخر ..

و اذا ناوي تطلع في بيت شوف الايجارات في الوقت الحالي لأنه مثل ما تفضل واحد من اللي ردوا قبلي اذا تبي تنطر الارض و القرض بتكون كملت 5 الى 6 سنوات انتظار ..

و الدوله لو ودها تساعد كان تقدر بعدة طرق ..

اولها تفتح رخص الصالات مب بس عشان الاسعار اللي تكوي ظهور الشباب .. لأ .. و لكن اضف عليها ان الحجوزات لازم قبلها بشهور ..


و كذلك توفير البيت الجاهز للمواطن اللي يبي يسكن بدال ما ينطر القرض و الارض ..


انا اقول المشكله فينا احنا ..

بدال هالحوسه كلها تسوي زواج عائلي و بشكل مبسط و خفيف و انتهى الأمر ،، لازم يعني الفشخره و المظاهر السقيمه ؟؟

يعني الناس عارفين بعض ماله داعي هالمظاهر اللي ترهق الزوجين و تكلف عليهم شي لا يطاق ،، و المصيبه في نهاية الامر على راس البنت لأنها هي اللي راح تواجه مشاكل في المصروف و الديون المترتبه على الرجل اللي راح تنعكس عليه و على بيته و على نفسياتهم و احتياجاتهم ..

و الحمدلله فيه ناس بدوا ينتبهون حق هالامور و صاروا يخففون كثير من ترتيبات الزواج لجعله يسير و بسيط على الرجل و خيرهن اقلهن مهوراً

[غير البشر]

يسلموو على الموضووع

سابقا كان السبب الرئيسي غلاء المهر وهذا صح

الان السبب الرئيسي هو :secret: :secret:

[حبر سري]

اخوي حتى لو حددوا المهر وكان اقل القليل على قولتهم .... المشكله مش في المهر المشكله في الشغلات الثانيه القاعات والكوش وخرابيط ثانيه تكلف اكثر من المهر
مرات الواحد يدفع مهر خمسين الف يقول الحمدلله ماخذوا علي شي بس مسكين ما يدري ان الخمسين الف ريال بداية الـخطوه ...
مثل ما قال الاخ فهد111 لازم يحددون اسعار القاعات والاشياء الثانيه لانها تكلف وايد وايد
وتسلم على هالموضوع
بس مرات اقول في نفسي خلهم يدفعون الشباب عندكم فلوس حق سياره بالقيمه الفلانيه وطير بالقيمه الفلانية وتتباهون قدام الناس وسفرات دبي وبحرين ومصر وبانكوك (الدول الرخيصه على قولة البعض منكم) لكن حق الزواج والمهر ما عندنا ... اشدعوه يطلبون هالمبلغ!!!!!!!!! ليش تستكثرون على من بتكون شريكة حياتكم وتدفعون حق اشياء ثانويه؟؟؟؟
الله يبيض ويهج اختي امينة
وجهة نظرج وصلت
يعني تبين تقولين ان المفوشر في المجتمع , وحب المظاهر هم السبب في اللي تأخّر سن الزواج لدى البعض؟ مهب غلاء المهور مثل مايدعي البعض؟

وفي شباب نفسي يجمعون من اول راتب يستلمونه عشان يتزوجون
والاسعار كل مالها وتزيد
((الله يكون في العون ))
تقبل مرووري
والله يابوشهاب من اول ماقريت مشاركتك , وكل أمر عليها , وانا ادعي لك بالتوفيق ان شا الله

عسى الله يبارك لك ويرزقك بنت الحلال ان شا الله
وحياك الله

انا مع تحديد قيمه المهر وياريت يحددون قيمه الصاله بعد اتوقع مع تحديد المهر على الاقل لو حب ولي الامر يزيد من مهر بنته مش راح يطلب مبلغ خيالي فوق المحدد ويمكن يستحي .. ويعطيك العافيه على الموضوع
الله يعافيك اخوي
كلامك منطقي فعلا
بس اخوي انا اعتقد بالنسبة لتحديد سعر الصالات , اتمنى الدولة تنشئ صالات بأسعار رمزية تسهيلا لهالموضوع
وحياك الله

الصراحه مطالب الزواج من مهر وقاعات ووووو مب نفس اول. في اشياء الزوج والزوجه مالهم خص فيها. مثلا القاعات . لو عندنا قاعات مثل الناس كان سعر الليله بيكون اقل من اللحين فوق ال 35 الف لليله وين عايشين. هذا مثال. انا من رايي كشخص مؤجل فكرة الزواج لاجل غير معروف, ان الزوج والزوج يسوون عرس عائلي وكان الله غفور رحيم. يعني لازم الخرابيط اللي مالها داعي. وانا مع تحديد المهر وهذا مافي شي.
ياهلا ستروكر
ردك يبي له موضوع كامل
والله شاقول لك
المشكلة ياستروكر ان لو سويت عرس عائلي منت بسالم من المجتمع اللي مهب راحمك
اللي بيقول بخيل
واللي بيقول ليش خاش عرسه
واللي واللي واللي ...............
مع العلم ان احنا لو جينا نحسبها بالطريقة اللي انت قلت عليها , بنلاقي ان الزوج وفّر مبلغ ماأعتقد انه راح يقل عن ستين او سبعين الف (اذا ماكان اكثر) , وهالمبلغ ممكن يستفيد منه هو وزوجته في اشياء ثانية كثييييييرة
بس من يسمعك؟
شاكر لك مرورك اخوي وتعليقك وحياك الله



لا يحددون و لا شئ . . و الدولـه ما راح تصيــر وصيـّــه على خـواتنا . .

لـو الدولـه تبي تخــفف عن المقبلين على الزواج خلهـا تفتح الرخص التجاريه لقاعات الأفراح و ما يخلونها استثناءات لناس معينه فقط . .

لـو الدوله تبي تخـفف خلهـا تقرض المواطن " قرض حسن " بدون فوائد للشـاب المقبل على الزواج . .

ياهلا الألماسي
وجهة نظر أشكرك عليها
لكن القصد مب ان الدولة تكون وصيّة
لكن القصد الحد من ظاهرة معينة

[ذيبه مزاجيه]

خل يجبرون القاعات ومحلات تجهيزات الاحتفالات ومحلات الملابس وكل شي انهم يخفضون الاسعار مب يجبرون الناس على المهور لان كل وحده بكيفها مب يتحكمون بعد فيها غصب عنها ..

[بن علان]

اذكــر حادثــة لعمــر بن الخطـاب يوم حدد المهــور .... وجاته امراة واعترضت على هالشي .... واعطته هالايــة : (وَآتُواْ النَّسَاء صَدُقَاتِهِنَّ نِحْلَةً فَإِن طِبْنَ لَكُمْ عَن شَيْءٍ مِّنْهُ نَفْساً فَكُلُوهُ هَنِيئاً مَّرِيئاً ) .... وقال عمـر : ( اخطا عمـر وصدقـت امراة ) .... المهـر وتحديده من حـق المراه نفسـها وهذا حق اعطاه لنا الاسلام [COLOR="Red"]واعطانا الحق بالتنازل او المطالبة فيـه .... والموقف اعلاه الدليل على انه محد له حق يحدد المهــر غير المراه نفسـها :) COLOR]

بارك الله فيك اختي مشاركة طيبة منك واللي باللون الأحمر يعطي شرعية لزواج المسيار :victory:

[بن علان]

أنا مؤيد لتحديد المهر بقرار من الدولة بشرط أن يكون المهر شامل بحيث ان الرجل لا تتم مطالبته بأي مبالغ أو طلبات خارج هذا المبلغ

والأمر متاح للبنت تطلب بأن يكون المهر أقل أو أكثر من المحدد من الدولة وبهذا لا يوجد تعارض مع الآية الكريمة :

(وَآتُواْ النَّسَاء صَدُقَاتِهِنَّ نِحْلَةً فَإِن طِبْنَ لَكُمْ عَن شَيْءٍ مِّنْهُ نَفْساً فَكُلُوهُ هَنِيئاً مَّرِيئاً ) التي ذكرتها قطرية بنت القمر

لأن الناس عند شروطهم وعلى ما اتفقوا عليه

اخوي حبر سري يعطيك العافية

[وطن]

بل
من فوقها بعد؟:rolleyes2:
الظاهر بيكتبونها بالحبر السري :nice::nice:

لكن ياوطن اللي اقصده سلمج الله ان لو تم تحديد المهور اكيد في ناس ماراح تلتزم , بس اكيد في ناس راح تلتزم , يعني افرضي ان شاب راح يبي يخطب وحدة , وأبوها اشترط مهر عالي جدا مثلا , فأكيد راح يقول في نفسه , بنات الحلال وايد , ويشترطون مهور اقل بحكم القانون

عرفتي؟
هذا اللي قصدته

شاكر لج مرورج وتعليقج


معناتها مب محتاجين تحديد مهور

لان اللي يبون مهر قليل موجودين
الأهالي والبنات اللي يفكرون بهذي الطريقة يا اخوي موجودين ومب ناطرين قانون

يعني اللي بيقول
بنات الحلال وايد , ويشترطون مهور أقل

خله يدور وبيلاقي
ليش لازم يكون في قانون ؟؟
في ناس مبدأهم جذي <=== لو قلنا انهم من اللي بيلتزمون بالقانون 100%

ومثل ما قلت اللي ماراح يلتزمون هم موجودين <=== من فوق الطاولة
واللي بيلتزمون هل انت ضامنهم بيلتزمون من تحت الطاوله !!!

يعني ما استفدنا منه

:victory:

[محمد عبدالرحمن]

[right]أخي الكريم حبر سري،

إن عرضي لمن أسأل الله أن يصلح من شأني و أفوز بها في الدنيا و الآخرة، هو أن أحول لها ما منه الله علي من راتب شهري كاملا و ألا تصرف درهما من راتبها، و أن يكون زواجاً عائلياً صغيراً لتشهير زواجنا بين الأقرباء و الأصدقاء المقربين فقط و قيامها بالتبرع بالمهر كاملاً للقطريين المقبلين على الزواج.

و للعلم، كانت لي محاولة سابقة، و أخبرت ذلك، و قيل أنني مجنون.

تحياتي،
محمد (الديان سابقاً)

[حبر سري]

ضد التحديد.....بسبب اختلاف البيئات والمستويات الاجتماعيه ..

وحابه اتابع الموضوع بنفس الوقت واتابع ردود ومشاركات الاعضاء..

يعطيك العافيه حبر سري على هالموضوع النايس
مرحبا اختي في اي بي

اللي فهمته من كلامج ان لازم اللي مثلا مستواها الاجتماعي عالي تطلب مهر عالي , والعكس صحيح؟ هذا اللي فهمته من كلامج
بس ماتلاحظين يافي اي بي ان السالفة جذيه بتصير كنها تجارة؟؟

والله يعافيج
وشرّفتي الموضوع وراعيه


اخوي حبر سري عزوف الشباب عشان غلاء المهور هذا كلام انا ماعترف فيه لنهم يسمعون ان فلان خذى بنت فلان ودفع فيها مبلغ وقدره ويقول انه مايقدر على المبلغ هذا ويهون عن الزواج لنه سمع بس ولكن لو لقى بنت الحلال ويبي ياخذها على سنه الله ورسوله تتوقع انهم بيختلفون على سالفه المهر؟؟
ولا تتوقع ابو البنت بيقول والله احنا مب مزوجينك الى اذا دفعت 100,000 ولا ماتاخذ بنتي؟؟
هذا اول شي عيب وثاني شي مستحيل وماصارت معا حد وانا اقول حق الشباب توكلو على الله ودورو بنت الحلال وسالفه المهر محد يتكلم فيها واذا ابوها قالك والله مانزوجك لنك ماجبت المهر كامل الصراحه هذي البنت ماتلزمني مب عشان الفلوس عشان ابوها والبنت من سمعه ابوها واخوانها يعني السبب بيكون الاب في منع الزواح مب المهر وهذول قلييل وينعدون بالاصابع في قطر الخير
والسالفه في الاول والاخير نصيب اذا مكتوب لك بتاخذه واذا مب مكتوبلك فهذا نصيب
وعن ابن العباس رضي الله عنه عن الرسول صلى الله عليه وسلم قال:
أن الأمة لو اجتمعت عَلَى أن ينفعوك بشيءلم ينفعوك إلا بشيء قد كتبه اللَّه لك،
وإن اجتمعوا عَلَى أن يضروك بشيء
لم يضروك إلا بشيء قد كتبه اللَّه عليك،
رفعت الأقلام وجفت الصحف>
رَوَاهُ الْتِّرْمِذِيُّ وَقَالَ حَدِيثٌ حَسَنٌ صحيح.
واشكرك يا اخوي حبر سري :nice:
الشكر موصول لك يافهد على الاضافة القيّمة هاذي
وحياك الله

لا عادي تصير

وبصراحة انا اعتقد ان كلام اخوي هامورفورايفر صحيح
اعتقد انها تصير
للاسف

[حبر سري]

مايحتاج الدوله تتدخل

كلها فتره بسيطه وبنشوف ظاهره العنوسه طااغيه بشكل كبير
ساعتها بس ... الاهل والبنت بيدورون الستر
وهاذي المشكلة يالمزن الرياني
ان شا الله تقل هالظاهرة قبل مانوصل لهالمرحلة


اي اخوي صارت معاي شخصيا ، يااتحط هاذه المبلغ يا لا ، والحمدلله طبعا قلت لا ولو كل شاب بيسوي مثلي ماراح نحتاج للقوانين هاذي ، الحمدلله عرست بأقل من نص المهر اللي كنت بعطيهم اياه ومب راضيين عليه بعد

شكرا اخوي
عسى الله يوفقك ويبارك لك ياهامور فورايفر
ومثل ماهم كانوا احرار في اختيار قيمة معينة للمهر , انت كنت حر في الرفض
والله يبارك لك ان شا الله

ياخي الكريم
وجهة نظر خاصه فيني اتمنى اتفكر فيها


اخي الكريم المقياس اليوم على الشاب صار السياره هذا الكلام مب منطقي كلش
يعني حتى لو ركب سياره ب200 الف وشو السياره اللي تقدر تركبها ب100 الف مافي هذا اول شي والشي الثاني 95%من الشباب ماخذها بأقساط يعني لازم الشاب يحرم نفسه ومايركب سياره عدله ومايسافر ولا يشتري حق عمره كل هذي علشان الزواج لاياخوي انشاء الله عمرها المره مايت
وبعدين اخوي السالفه مب سالفة مهر يعني 150 الف 200 الف بتعيز الواحد بيجمعها مع الايام وبيقدر انشاء الله في سلفه سياره وفي سلفه زواج وفي بدل اثاث كلها تقريبا 80 الف كاش على طول بتكون فيده
انا مااتكلم عن اللي يحط ديون على نفسه ويمصخها لا يعني كل شي بالعقل
دام انه فبيت ابوه وماعنده مصاريف يحاول يجمع من الراتب ولو شي بسيط الريال على الريال يصيرون ريالين هذي سياسيه الاجانب من سنين علشان جذس شوفهم وين وصلوا
لكن احنا تونا نفهم هالشي

لكن في اشياء ثانيه فكر فيها اول الشي السكن؟؟؟:omg:
مب كل واحد يقدر يعيش فبيت ابوه واذا ناطر الاسكان اشهد انه بيطي وهو ينطر
يعني لازم يسكن بالايجار وعندك الحسبه اخووي
السكن بروحه يقص الظهر وفي اشياء ثانيه بعد بتتعب وانت تحسب
اخوي الكريم
في سيارات وايد نقدر نشتريها بمية الف , لكن احنا لازم نشتري في اكس ار ولا لكزس واخر موديل ولا محنا مرتاحين
هاذي المشكلة في المظاهر
وشاكر لك مرورك اخوي الكريم وتعليقك
وحياك الله

انا ضد.ولي اسباب قويه..

لي عوده
في انتظارج اختي وجه الحقيقة

لا طبعاً ضد تحديد المهور ..

المشكله الاساسيه فينا احنا مب في المهور ولا غيره ،، يعني اليوم قاعدين نشوف اشياء مالها معنى ولا فائده و للاسف صارت من اساسيات الزواج لدى كثير من الناس ،،

يعني الحين لازم قاعه و كوشه و توابع الحفل ،، يعني تخيل بعضهم يقول لا نبي نغير ديكور الصاله اللي حاجزها اساساً بمبلغ و قدره !!

و غير هالشي المسكن وين بتحطها ؟ الحياه مب مثل قبل عشان تحطها في بيت اهلك ،، و حتى لو جلست في بيت اهلك حدك بالكثير 4\5 سنوات و عقب تكثر العائله و لابد تطلع ولا زادت المشاكل بسبب او لآخر ..

و اذا ناوي تطلع في بيت شوف الايجارات في الوقت الحالي لأنه مثل ما تفضل واحد من اللي ردوا قبلي اذا تبي تنطر الارض و القرض بتكون كملت 5 الى 6 سنوات انتظار ..

و الدوله لو ودها تساعد كان تقدر بعدة طرق ..

اولها تفتح رخص الصالات مب بس عشان الاسعار اللي تكوي ظهور الشباب .. لأ .. و لكن اضف عليها ان الحجوزات لازم قبلها بشهور ..


و كذلك توفير البيت الجاهز للمواطن اللي يبي يسكن بدال ما ينطر القرض و الارض ..


انا اقول المشكله فينا احنا ..

بدال هالحوسه كلها تسوي زواج عائلي و بشكل مبسط و خفيف و انتهى الأمر ،، لازم يعني الفشخره و المظاهر السقيمه ؟؟

يعني الناس عارفين بعض ماله داعي هالمظاهر اللي ترهق الزوجين و تكلف عليهم شي لا يطاق ،، و المصيبه في نهاية الامر على راس البنت لأنها هي اللي راح تواجه مشاكل في المصروف و الديون المترتبه على الرجل اللي راح تنعكس عليه و على بيته و على نفسياتهم و احتياجاتهم ..

و الحمدلله فيه ناس بدوا ينتبهون حق هالامور و صاروا يخففون كثير من ترتيبات الزواج لجعله يسير و بسيط على الرجل و خيرهن اقلهن مهوراً

كلام منطقي ووافي
اشكرك اخوي وماقصرت
والدولة فعلا تقدر تساعد
بس لاتنسى ان احنا لنا دور بعد بشكل او بآخر

يسلموو على الموضووع

سابقا كان السبب الرئيسي غلاء المهر وهذا صح

الان السبب الرئيسي هو :secret: :secret:
ويسلم من قال
الآن السبب الرئيس ايش؟؟؟؟؟

خل يجبرون القاعات ومحلات تجهيزات الاحتفالات ومحلات الملابس وكل شي انهم يخفضون الاسعار مب يجبرون الناس على المهور لان كل وحده بكيفها مب يتحكمون بعد فيها غصب عنها ..

وجهة نظر منطقية

حياج الله ايذيبة مزاجية

[حبر سري]

أنا مؤيد لتحديد المهر بقرار من الدولة بشرط أن يكون المهر شامل بحيث ان الرجل لا تتم مطالبته بأي مبالغ أو طلبات خارج هذا المبلغ

والأمر متاح للبنت تطلب بأن يكون المهر أقل أو أكثر من المحدد من الدولة وبهذا لا يوجد تعارض مع الآية الكريمة :

(وَآتُواْ النَّسَاء صَدُقَاتِهِنَّ نِحْلَةً فَإِن طِبْنَ لَكُمْ عَن شَيْءٍ مِّنْهُ نَفْساً فَكُلُوهُ هَنِيئاً مَّرِيئاً ) التي ذكرتها قطرية بنت القمر

لأن الناس عند شروطهم وعلى ما اتفقوا عليه

اخوي حبر سري يعطيك العافية
الله يعافيك اخوي ود
وشاكر لك مرورك

معناتها مب محتاجين تحديد مهور

لان اللي يبون مهر قليل موجودين
الأهالي والبنات اللي يفكرون بهذي الطريقة يا اخوي موجودين ومب ناطرين قانون

يعني اللي بيقول

خله يدور وبيلاقي
ليش لازم يكون في قانون ؟؟
في ناس مبدأهم جذي <=== لو قلنا انهم من اللي بيلتزمون بالقانون 100%

ومثل ما قلت اللي ماراح يلتزمون هم موجودين <=== من فوق الطاولة
واللي بيلتزمون هل انت ضامنهم بيلتزمون من تحت الطاوله !!!

يعني ما استفدنا منه

:victory:
انا معاج ياوطن
بس القانون لن يوضع للملتزمين , اقصد ان القانون راح يوضع لغيرهم
يعني لو كل اب عرف ان ممكن بنته تطيح في جبذه ان عيّا ورفع المهر , اكيد راح يفكر في الموضوع



[right]أخي الكريم حبر سري،

إن عرضي لمن أسأل الله أن يصلح من شأني و أفوز بها في الدنيا و الآخرة، هو أن أحول لها ما منه الله علي من راتب شهري كاملا و ألا تصرف درهما من راتبها، و أن يكون زواجاً عائلياً صغيراً لتشهير زواجنا بين الأقرباء و الأصدقاء المقربين فقط و قيامها بالتبرع بالمهر كاملاً للقطريين المقبلين على الزواج.

و للعلم، كانت لي محاولة سابقة، و أخبرت ذلك، و قيل أنني مجنون.

تحياتي،
محمد (الديان سابقاً)

والله يامحمد عبدالرحمن , واليوم جمعة وقبل شوي احنا طالعين من صلاة الجمعة , ان المجنون هو من قال عنك مجنون (وحاشاك)
ياريت كل الناس تفكّر جذيه

لكن تعال قول هالكلام الحين؟
بتلاقي تهم اخرى ياريت الجنون احداها بعد , كان هانت

لكن الله كريم

شاكر لك مرورك اخوي

[غير البشر]

[QUOTE=حبر سري;3781202]



ويسلم من قال
الآن السبب الرئيس ايش؟؟؟؟؟



ههههههههههه :secret:



افهمها ياحبر سري :secret: :nice:

[حبر سري]

[QUOTE=حبر سري;3781202]



ويسلم من قال
الآن السبب الرئيس ايش؟؟؟؟؟



ههههههههههه :secret:



افهمها ياحبر سري :secret: :nice:

همممممم

والله السموحة
اسباب وايد جات على بالي

بس والله ماعرفت المقصد

ممكن توضيح ولا عليك أمر؟؟

[VIPLady]

مرحبا اختي في اي بي

اللي فهمته من كلامج ان لازم اللي مثلا مستواها الاجتماعي عالي تطلب مهر عالي , والعكس صحيح؟ هذا اللي فهمته من كلامج
بس ماتلاحظين يافي اي بي ان السالفة جذيه بتصير كنها تجارة؟؟

والله يعافيج
وشرّفتي الموضوع وراعيه


نو نو مو هذا قصدي كلش..
اقصد كل من ومستواه ويقدم الي يقدمه.... من غير طلب او تحديد
ومن وجهه نظري الخاصه اعتبره عيب ومو من السنع انه اهل البنت يحددون المهر اصلا... ويكون على المعرس و شيمته و مقدرته ... اما انها تطلب وتحدد بصراحه مافيها خير لا اهي ولا اهلها ...ما يعجبوني الناس الي يطلبون مهر معين او شروط ماديه على الي يخطب بنتهم .... مب عدله لان اهني تصير تجاره اذا تم التحديد..

وثانكيوو

[حبر سري]

مرحبا اختي في اي بي

اللي فهمته من كلامج ان لازم اللي مثلا مستواها الاجتماعي عالي تطلب مهر عالي , والعكس صحيح؟ هذا اللي فهمته من كلامج
بس ماتلاحظين يافي اي بي ان السالفة جذيه بتصير كنها تجارة؟؟

والله يعافيج
وشرّفتي الموضوع وراعيه


نو نو مو هذا قصدي كلش..
اقصد كل من ومستواه ويقدم الي يقدمه.... من غير طلب او تحديد
ومن وجهه نظري الخاصه اعتبره عيب ومو من السنع انه اهل البنت يحددون المهر اصلا... ويكون على المعرس و شيمته و مقدرته ... اما انها تطلب وتحدد بصراحه مافيها خير لا اهي ولا اهلها ...ما يعجبوني الناس الي يطلبون مهر معين او شروط ماديه على الي يخطب بنتهم .... مب عدله لان اهني تصير تجاره اذا تم التحديد..

وثانكيوو

والله انج فعلا في اي بي ليدي , واسم على مسمى , كلام رجاجيل (مع انج ليدي:nice:)

بيّض الله ويهج اختي

بس هل هالناس اللي تتكلمين عنهم فعلا موجودين؟؟

[!قطريـة بنت القمـر!]

بارك الله فيك اختي مشاركة طيبة منك واللي باللون الأحمر يعطي شرعية لزواج المسيار :victory:

شدخل المسيــار بالسالفة :omg: .... التنازل عن المهــر فقط هذا اللي تكلمت فيه :rolleyes2: ....

[أم حمد]

لا مب مؤيــدة تدري ليــش :) ....




اذكــر حادثــة لعمــر بن الخطـاب يوم حدد المهــور .... وجاته امراة واعترضت على هالشي .... واعطته هالايــة : (وَآتُواْ النَّسَاء صَدُقَاتِهِنَّ نِحْلَةً فَإِن طِبْنَ لَكُمْ عَن شَيْءٍ مِّنْهُ نَفْساً فَكُلُوهُ هَنِيئاً مَّرِيئاً ) .... وقال عمـر : ( اخطا عمـر وصدقـت امراة ) .... المهـر وتحديده من حـق المراه نفسـها وهذا حق اعطاه لنا الاسلام واعطانا الحق بالتنازل او المطالبة فيـه .... والموقف اعلاه الدليل على انه محد له حق يحدد المهــر غير المراه نفسـها :) .... والمراه العاقلة باغية الستـر من نفسـها ما بتكلف على زوج المستقبل والاولى من الرجال البحث عن ذات الديـن لكي ينعموا بحياة مباركة من الله عز وجل و ....... بارك الله فيك اخـوي حبـر سـري :nice: .....



:nice:


لاتعليق بعد تعليق قطريه

لاهنت

[بوحارب]

انه ضد هالقرار بشكل عام

وبشكل خاص لو يحددون المهر 20.000 حلو

عشان يقدر يتزوج اكثر من وحدة :D

حبر سري اذا راقد قوم ترى باقي شوي على الأذان :sneaky:

[حبر سري]

:nice:


لاتعليق بعد تعليق قطريه

لاهنت

حياج الله ياام حمد
وشكرا عالمرور

[حبر سري]

انه ضد هالقرار بشكل عام

وبشكل خاص لو يحددون المهر 20.000 حلو

عشان يقدر يتزوج اكثر من وحدة :D

حبر سري اذا راقد قوم ترى باقي شوي على الأذان :sneaky:


هلا والله

حيا الله الحبيب:shy:

بس لحظة بو حارب

انت مؤيد ولا معارض؟؟
انت قلت معارض , وبعدين قلت لو يتم تحديده بعشرين الف يكون حلو؟؟؟!!!!

:tease:قاعد لاتخاف حتى عندي رد في نفس الدقيقة اللي انت رديت فيها:tease:

[بوحارب]

هلا والله

حيا الله الحبيب:shy:

بس لحظة بو حارب

انت مؤيد ولا معارض؟؟
انت قلت معارض , وبعدين قلت لو يتم تحديده بعشرين الف يكون حلو؟؟؟!!!!

:tease:قاعد لاتخاف حتى عندي رد في نفس الدقيقة اللي انت رديت فيها:tease:

انه معارض

ولكن

لو صار تحديد وتطبق القرار

قولهم يخلون المبلغ 20.000 عشان الواحد يقدر يتزوج ثلاث حريم على الأقل :(

فهمت علي :shy:

[حبر سري]

انه معارض

ولكن

لو صار تحديد وتطبق القرار

قولهم يخلون المبلغ 20.000 عشان الواحد يقدر يتزوج ثلاث حريم على الأقل :(

فهمت علي :shy:

والله اللي فهمته يابوحارب انك من المؤيدين بس مب علشان تيسير الزواج

وانما علشان تيسير التعدّد

:rolleyes2:

[VIPLady]

والله انج فعلا في اي بي ليدي , واسم على مسمى , كلام رجاجيل (مع انج ليدي:nice:)

بيّض الله ويهج اختي

بس هل هالناس اللي تتكلمين عنهم فعلا موجودين؟؟


والله الي اشوفه اي نعم موجودين والله يكثر من امثالهم..
واستغرب بصراحه من جرئه الناس الي تطلب وتحدد مبلغ معين لبنته....ماتخيل قاعدين بزياره ويقولون نبي المبلغ الفلاني للبنت .. نووووووو وي ...
انا عن نفسي لو كانت صايره لحد من اخواني كنت قلت انتوا مافيكم خير وطلعنا ههههههههههههههههه ما كنت بسكت بصراحه احسهم لو كلاس انهم يحددون مبلغ لبنتهم.

وثانكيو حبر سري... والله يبيض وجهك انت بعد :)

[حبر سري]

والله الي اشوفه اي نعم موجودين والله يكثر من امثالهم..
واستغرب بصراحه من جرئه الناس الي تطلب وتحدد مبلغ معين لبنته....ماتخيل قاعدين بزياره ويقولون نبي المبلغ الفلاني للبنت .. نووووووو وي ...
انا عن نفسي لو كانت صايره لحد من اخواني كنت قلت انتوا مافيكم خير وطلعنا ههههههههههههههههه ما كنت بسكت بصراحه احسهم لو كلاس انهم يحددون مبلغ لبنتهم.

وثانكيو حبر سري... والله يبيض وجهك انت بعد :)

ياحياج الله يافي اي بي ليدي
والف شكر عالمرور والتعليق

[eXpert*]

التحديد ماراح ينفع بشي.

اتوقع لو يتم العمل على تخفيض لوازم الاعراس بيكون مجدي أكثر.

شرايكم نأسس شركة مساهمة قطرية لـ الافراح وحفلات الزفاف ؟؟

[بن علان]

شدخل المسيــار بالسالفة :omg: .... التنازل عن المهــر فقط هذا اللي تكلمت فيه :rolleyes2: ....

شرعية تنازل المرأة عن حقوقها هو أساس المسيار

[حبر سري]

التحديد ماراح ينفع بشي.

اتوقع لو يتم العمل على تخفيض لوازم الاعراس بيكون مجدي أكثر.

شرايكم نأسس شركة مساهمة قطرية لـ الافراح وحفلات الزفاف ؟؟

ياهلا اخوي اكسبيرت
بس هل تتوقع لو تم التخفيض فعلا على لوازم الأعراس , اولياء الامور ماراح يتسغلون هالشي لرفع المهور؟

وقتها بيقول لك : ياخي كل شي رخيص , ليش ماتبي تدفع:anger1::anger1:

احنا من مجرد اشاعة بزيادة الرواتب خلت الاسعار تشب ضو :omen2:

[hamms]

اخوي حبر سري عزوف الشباب عشان غلاء المهور هذا كلام انا ماعترف فيه لنهم يسمعون ان فلان خذى بنت فلان ودفع فيها مبلغ وقدره ويقول انه مايقدر على المبلغ هذا ويهون عن الزواج لنه سمع بس ولكن لو لقى بنت الحلال ويبي ياخذها على سنه الله ورسوله تتوقع انهم بيختلفون على سالفه المهر؟؟
ولا تتوقع ابو البنت بيقول والله احنا مب مزوجينك الى اذا دفعت 100,000 ولا ماتاخذ بنتي؟؟
هذا اول شي عيب وثاني شي مستحيل وماصارت معا حد وانا اقول حق الشباب توكلو على الله ودورو بنت الحلال وسالفه المهر محد يتكلم فيها واذا ابوها قالك والله مانزوجك لنك ماجبت المهر كامل الصراحه هذي البنت ماتلزمني مب عشان الفلوس عشان ابوها والبنت من سمعه ابوها واخوانها يعني السبب بيكون الاب في منع الزواح مب المهر وهذول قلييل وينعدون بالاصابع في قطر الخير
والسالفه في الاول والاخير نصيب اذا مكتوب لك بتاخذه واذا مب مكتوبلك فهذا نصيب
وعن ابن العباس رضي الله عنه عن الرسول صلى الله عليه وسلم قال:
أن الأمة لو اجتمعت عَلَى أن ينفعوك بشيءلم ينفعوك إلا بشيء قد كتبه اللَّه لك،
وإن اجتمعوا عَلَى أن يضروك بشيء
لم يضروك إلا بشيء قد كتبه اللَّه عليك،
رفعت الأقلام وجفت الصحف>
رَوَاهُ الْتِّرْمِذِيُّ وَقَالَ حَدِيثٌ حَسَنٌ صحيح.
واشكرك يا اخوي حبر سري :nice:
السلام عليكم

اخوي كلامك ممكن يكون صحيح .. مع بعض العائلات القليلة
انا أظن ان اغلب الاباء راح يلزمك بمهر يكفي احتياجات البنت واحتياجات حفلة العرس وفي دولة مثل قطر حتى لو طلب مهر اقل من 100 الف بيقوول لك القاعة والكوشة عليك وساعاتها مب حلوة في حقك تقول ما عندي .. كنك تقول انا جاي اخذ البنت وانا ما عندي شي ... الابو بيكون متوقع انك دام نويت على الزواج فانت مجمع وعندك حق تكاليف الزواج واذا قلت ما عندي الاب نفسه بيقول انا ليش اعطي بنتي حق واحد .. يبي ياخذ البنت ببلاش ومستكثر فيها كم بيزة

هذا رايي

مع تحياتي : همس

[هدوء الصباح]

لا مب مؤيــدة تدري ليــش :) ....




اذكــر حادثــة لعمــر بن الخطـاب يوم حدد المهــور .... وجاته امراة واعترضت على هالشي .... واعطته هالايــة : (وَآتُواْ النَّسَاء صَدُقَاتِهِنَّ نِحْلَةً فَإِن طِبْنَ لَكُمْ عَن شَيْءٍ مِّنْهُ نَفْساً فَكُلُوهُ هَنِيئاً مَّرِيئاً ) .... وقال عمـر : ( اخطا عمـر وصدقـت امراة ) .... المهـر وتحديده من حـق المراه نفسـها وهذا حق اعطاه لنا الاسلام واعطانا الحق بالتنازل او المطالبة فيـه .... والموقف اعلاه الدليل على انه محد له حق يحدد المهــر غير المراه نفسـها :) .... والمراه العاقلة باغية الستـر من نفسـها ما بتكلف على زوج المستقبل والاولى من الرجال البحث عن ذات الديـن لكي ينعموا بحياة مباركة من الله عز وجل و ....... بارك الله فيك اخـوي حبـر سـري :nice: .....
:victory:

[جمال اليافعي]

ضد تحديد المهر من قبل الدولة ..

مع أن الدولة تتحرك بسرعة وتضبط الاسعار لان التجار مصخوها بشكل خيالي .. صارت السالفه مهزلة .. الاسعار في الدنيا تنزل والتجار يرفعونها بالضعفين والثلاثة .. نبغى الحكومة تتحرك بسررررررررعه

[hamms]

شدخل المسيــار بالسالفة :omg: .... التنازل عن المهــر فقط هذا اللي تكلمت فيه :rolleyes2: ....

عندي تعليق على كلام الاخوان:

ما معنى زواج المسيار؟؟
المسيار زواج شرعي تكتمل فيه كل شروط الزواج :
يعني زواج المسيار زواج علني وموثق من الجهات الرسمية وممكن يكون في له عرس واحتفال وكل الاهل يدرون مثل الزواج العادي

ما الفرق بين زواج المسيار والزواج العادي ؟؟
في المسيار تتنازل المرأه عن بعض او كل حقوقها مثل : المهر و المبيت بانتظام والمصاريف وهذا التنازل يكون باختيار المرأة يمكن لانها عندها ومو محتاجة لفلوس الرجال او لانها عندها التزامات تخليها ما تقدر تكون مع زوجها طول الوقت ( مثلا : اذا كانت مطلقة وعندها عيال وما تبي تعيش مع زوجها في البيت تقول له انا بعيش مع عيالي وتجيني مرة في الشهر)

من المستفيد من زواج المسيار ؟؟
انا اشوف ان المرأة هي الي المفروض تستفيد منه عشان جذي شرعه الاسلام والرجل فايدته بتكون الاعفاف

هل زواج المسيار سري ؟؟
لا طبعا لازم اهل البنت وكل الناس يعرفون انها متزوجة لان هاي من شروط الزواج

باختصار زواج المسيار الي انتو تعرفونا .. بدعة وخرافات
وهاذي حقيقة زواج المسيار ؟؟
عشان جذي لو تسال اي شيخ يقول لك حلال
لو يدري انك زواج على الورق وشهود خربوطة وبدون موافقة ولي امر المراة ولا وفوق هذا كله بالسر .... كان قال ما يجوز بالثلاثة

وهذا مش رايي هذا كلام الشرع والدين

مع تحياتي:
همس

[حبر سري]

عندي تعليق على كلام الاخوان:

ما معنى زواج المسيار؟؟
المسيار زواج شرعي تكتمل فيه كل شروط الزواج :
يعني زواج المسيار زواج علني وموثق من الجهات الرسمية وممكن يكون في له عرس واحتفال وكل الاهل يدرون مثل الزواج العادي

ما الفرق بين زواج المسيار والزواج العادي ؟؟
في المسيار تتنازل المرأه عن بعض او كل حقوقها مثل : المهر و المبيت بانتظام والمصاريف وهذا التنازل يكون باختيار المرأة يمكن لانها عندها ومو محتاجة لفلوس الرجال او لانها عندها التزامات تخليها ما تقدر تكون مع زوجها طول الوقت ( مثلا : اذا كانت مطلقة وعندها عيال وما تبي تعيش مع زوجها في البيت تقول له انا بعيش مع عيالي وتجيني مرة في الشهر)

من المستفيد من زواج المسيار ؟؟
انا اشوف ان المرأة هي الي المفروض تستفيد منه عشان جذي شرعه الاسلام والرجل فايدته بتكون الاعفاف

هل زواج المسيار سري ؟؟
لا طبعا لازم اهل البنت وكل الناس يعرفون انها متزوجة لان هاي من شروط الزواج

باختصار زواج المسيار الي انتو تعرفونا .. بدعة وخرافات
وهاذي حقيقة زواج المسيار ؟؟
عشان جذي لو تسال اي شيخ يقول لك حلال
لو يدري انك زواج على الورق وشهود خربوطة وبدون موافقة ولي امر المراة ولا وفوق هذا كله بالسر .... كان قال ما يجوز بالثلاثة

وهذا مش رايي هذا كلام الشرع والدين

مع تحياتي:
همس

الاخوة المتحاورون الكرام

اطلب منكم كرما لا امرا عدم الخروج عن الموضوع

ويعطيكم العافية

[بابا الضحية]

مع تحديد المهور

[hamoor4ever]

والله ياليت يحددوون المهور بس انا راحت علي

[شاهيناز]

ماظن الدوله حتى لو حددت تقدر لان الامر شخصي

للاسف المهر يروح حق ليله الاحتفال قاعه مطربه تزين القاعه الاكل البطاقات
كماليات الريال يشتغل وياخذ ديون سنوات لين يقدر يسددها عشان شئ مايسوى

[Qa6ar]

في حل احسن من هالحل

توفير الصالات للمتزوجين والمتزوجات بسعر رمزي

وتكون ملكيه الصالات عامه للدوله ولايجوز ان الصاله تكون ملك شخصي

لأنها محتكره والعالم يحجزون الصاله قبلها بست اشهر

وخبرك اقل صاله ب60 الى 200 الف

[حبر سري]

في حل احسن من هالحل

توفير الصالات للمتزوجين والمتزوجات بسعر رمزي

وتكون ملكيه الصالات عامه للدوله ولايجوز ان الصاله تكون ملك شخصي

لأنها محتكره والعالم يحجزون الصاله قبلها بست اشهر

وخبرك اقل صاله ب60 الى 200 الف

اقتراح رائع

ويمكن يكون اكثر واقعية