كم مرة الزوجة تخلع زوجها ليتحقق الانفصال؟؟؟؟؟

[WIFE]

أهلين

يا جماعة عندي تساؤل؟؟؟؟ بس بقول السالفة اللي جابت الطاري ....اعرف وحدة متزوجة ولد عمها و كان حياتهم ينضرب فيها المثل بالحب و الرومانسية و كون كل واحد فيهم شايل الثاني بعيونه....المهم (دوام الحال من المحال)....تسلطت على الرجال وحدة من دولة عربية عكس زوجته تماما خلقيا و اخلاقيا و دينيا ما فيها شي عدل..و الكل قال ساحرته بحكم ان هالديرة معروفة بالهسالفة..( وانا اقول سحرة في راسه كفاكم تبرير لأخطاءهم)...المهم...تزوجها ...و انصدمت الزوجة طبعا و راحت بيت اهلها....يقوم الشيخ يجيب الثانية و يسكنها في بيت الاولى....و لا حتى سمح للأولى تشيل أي شي من أغراضها...صدمة للجميع...المهم المرة طلبت الطلاق...و هو طبعا رفض و فقررت الخلع.., فعلا قدمت الطلب و مشت الاجراءات....و تحقق الخلع...قام مر عليها في نفس اليوم العصر و قف عند باب بيتهم و قال بكل دناءة( قولو حق فلانة اني رجعتها)....و بكلمته هذي بطل الخلع؟؟؟؟؟؟ ويوم سألت قالولها لازم تقومين بعمل قضيتين خلع مرة اخرى عشان يتحقق الخلع من مبدأ الطلاق 3 مرات....يعني محامي وتكاليف و ووقت و حرقة اعصاب وووووو.....فياريت حد يفهمني...طول عمري اعتقد ان الخلع مرة و انتهينا اشلون صار 3 مرات ؟؟؟؟؟

[بوحارب]

الله يعينهم

[عبير وردة]

هالحكايات تكررت كتيير هالأيام .......... والله يستر على النساء كلها

أنا أيضا شفت وحده قطرية بمكان عام وحكتلي نفس الحكاية صارت معها وإن زوجها حب عليها وحده من بلد عربي (أعتقد نفس البلد اللي تقصدينه) ورماها هي وأولادها بره القصر وجاب الزوجة الثانية القصر ........ المهم أختي خليها تسأل المحكمة أحسن

والله يصلح الحال .......... ياريت الوحده تدير بالها على زوجها أكثر لأن بنات الحرام ما خلو لبنات الحلال عيشه هنية ........... والله يعينها

[ROSE]

ان شاء الله اللي عندهم علم يفيدونج اختي


والله يعينهاان شاء الله على هالزوج اللي لا يرحم ولا يخلي رحمة ربه

طيب لو يبيها ليش معذبها خل يتفاهم معاها على الاقل

[همي علي قدي]

اللي اعرفه عن الخلع
ان الزوجه ترفع قضيه فالمحكمه على الزوج
تطلب فيه الخلع
واذا خلصت الجلسات وتم الخلع خلاص يتطلقون
هاي في دول اخرى
لكن هني ماتوقع في هالشي
لان في وحده اعرفها رافعه قضية خلع
ولين الحين ماتطلقو لان القاضي قال لها لازم الزوج يكون موافق انه يطلقج

[بوعلي2]

لاحول ولا قوة الا بالله

الله يعينها على ماصابها

ويفرج كربتها

[ROSE]

اللي اعرفه عن الخلع
ان الزوجه ترفع قضيه فالمحكمه على الزوج
تطلب فيه الخلع
واذا خلصت الجلسات وتم الخلع خلاص يتطلقون
هاي في دول اخرى
لكن هني ماتوقع في هالشي
لان في وحده اعرفها رافعه قضية خلع
ولين الحين ماتطلقو لان القاضي قال لها لازم الزوج يكون موافق انه يطلقج

فيه خلع اختي وفي كل مكان الخلع يكون برضى الطرفين اتوقع

بس ماكنت ادري انه لازم 3 مرات عشان يتحقق الانفصال الدائم

اللي اعرفه مره وحده

[عبير وردة]

اللي اعرفه عن الخلع
ان الزوجه ترفع قضيه فالمحكمه على الزوج
تطلب فيه الخلع
واذا خلصت الجلسات وتم الخلع خلاص يتطلقون
هاي في دول اخرى
لكن هني ماتوقع في هالشي
لان في وحده اعرفها رافعه قضية خلع
ولين الحين ماتطلقو لان القاضي قال لها لازم الزوج يكون موافق انه يطلقج

فعلا الخلع لا يتم إلا بموافقه الزوج ......... ولكن يسقط عنه المؤخر وأي حقوق أخرى تجاه المرآه إلا حضانه الأطفال ....... ويمكنه أن يطالب بفلوس لكي يقبل الخلع أو يرد له المهر ......... ولكل حاله لها حكمها ......... الله يبعد عنكم المشاكل .

بس اللي أعرفه أنه الخلع ما في رجعه ........ بعد ما ينطق الحكم ويتوثق بشهاده الشهود وبتوقيع الزوج والزوجه ........ يعني مش على كيفه يقلها رجعتك يعني خلاص رجعت له ........ وعده الزوجه اللي طلبت الخلع شهر واحد فقط . وبعدها ممكن تتزوج شخص آخر .

[ناصر العمادي]

لاحول ولا قوة الا بالله

أنا اللي أعرفه ومتأكد منه أن الخلع يكون مره وينتهي كل شي ..

لكن يقدر يرجعها في حال موافقتها بعقد جديد من غير الحاجه لأنها تتزوج غيره قبل لاترجعله ..

وبالنسبه للسحر فصار منتشر بشكل خطير هذه الأيام ..والله يستر على جميع المسلمين ويبعد عنهم كل شر يارب

[ANONYMOUS]

هذي عين وماصلت.. الظاهر احسدوهم..

وبخصوص الخلع ماعندي اي فكره...

بس طالما قالوا 3 مرات.. احتمال عشان تكون الثالثه ثابته..


الله يكافينا الشر..

[pure]

:(

لا حول ولا قوة الا بالله

يمكن صج حسد ولا عييين

العموم ماعرف والله عن هالموضوع بس تقدرين تحطين مشكلتج هني وان شاء الله اخوي

(الفيصل) بيرد عليج

http://www.qatarshares.com/vb/showthread.php?t=110024&page=82

[سهم طايح]

لاحول ولا قوة الا بالله

أنا اللي أعرفه ومتأكد منه أن الخلع يكون مره وينتهي كل شي ..

لكن يقدر يرجعها في حال موافقتها بعقد جديد من غير الحاجه لأنها تتزوج غيره قبل لاترجعله ..

وبالنسبه للسحر فصار منتشر بشكل خطير هذه الأيام ..والله يستر على جميع المسلمين ويبعد عنهم كل شر يارب

غلطان اخوي ناصر العمادي

هي اللي ترجعه

الريال لا حول ولا قوة له

طلقته وخذت العيال والحلال

( زمن ايه الاغبر ده )

[PRINCESS]

اختي الخلع الا بالمحكمه
تروح المره للمحكمه هاذي بالريان وترفع دعوى خلع ومو 3 مرات مره وحده بس يشترط حضور الرجل و2 شهود وبس...وينتهي كل شي ..بس اذا الرجال ماحضر ماراح القاضي يحكم بشي..او اذا ماحضر يكتب توكيل لواحد ويقول انا موافق عالطلاق وهذا وكيلي وخلص.

[pure]

غلطان اخوي ناصر العمادي

هي اللي ترجعه

الريال لا حول ولا قوة له

طلقته وخذت العيال والحلال

( زمن ايه الاغبر ده )



شلوون اللي اعرفـه انه تتنازل له عن المؤخر والبيت وجم من املاكها وساعات

حتى العيال تتنازل عنهم عشان تفتك منه بس

[!قطريـة بنت القمـر!]

شهالنذاله !!!!! واول مره اسمع ان دعوة الخلع لازم اكثر من مره عجبــي الصراحة !!

[بنت^البحرين1]

اختي قطرية بعقب وراج هي مب بس نذالة ، الا قلة سنع وقلة شيمة واصل

ترى حتى في البحرين زايده هالحاله بشكل كبييييييييييييييييير جدا ماتتخيلونه والله ، مادري شفيهم الخليجيين هالايام هابين في هالجاليات ، خل بس تقوله كيفك ابن عمي بتفجج براغيهم ووراها ، ولين ييت تحاجيهم قالوا الخليجية تاخذها غزال وعقب تستوي فيل، يبونها رشيقة وانيقة ومرتبة وكاشخه وتييب اعيال وتسوي وتسوي ولايتغير شي منها، بس هو يكرش ودبته لي ركبته وشعره حالته حاله ماعليه

انا بصراحه هالموضوع يستفزني جدا جدا .. شفيها بنت البلاد من اهلك ومن ناس انت تعرفهم تصونك وتحفظك وتربي اعيالك ، تخليها وتروح تجيب وحده من برع الله العالم بحالها تحطه على اللي رضت فيك اللي يسمع يقول من حلاة الويه عاد كلش توم كروز على غفله وعقبها ذي الجزا

عموما مب بس في قطر، الخليج كله هالفترة هابين لنا في هالموضه العميا، عسى ماسافروا الا رجعوا وهم جارين لنا وحده من الموميات


عقب هالحرة ، انا سألت أحد اللي اعرفها في المحكمة والنيابة العامة، وضح لي ان الخلع مرة وحده فقط وخلاص كل شي ينتهي ، مافي ثلاث مرات اصلا ؟؟

وربي يكوووووون في عونها ويصبرها على هالبلوى وهذا امتحان لها ، وهو مابيشوف التوفيق دام ظلمها باللي سواه الله لا يربحه

[!قطريـة بنت القمـر!]

اختي قطرية بعقب وراج هي مب بس نذالة ، الا قلة سنع وقلة شيمة واصل

ترى حتى في البحرين زايده هالحاله بشكل كبييييييييييييييييير جدا ماتتخيلونه والله ، مادري شفيهم الخليجيين هالايام هابين في هالجاليات ، خل بس تقوله كيفك ابن عمي بتفجج براغيهم ووراها ، ولين ييت تحاجيهم قالوا الخليجية تاخذها غزال وعقب تستوي فيل، يبونها رشيقة وانيقة ومرتبة وكاشخه وتييب اعيال وتسوي وتسوي ولايتغير شي منها، بس هو يكرش ودبته لي ركبته وشعره حالته حاله ماعليه

انا بصراحه هالموضوع يستفزني جدا جدا .. شفيها بنت البلاد من اهلك ومن ناس انت تعرفهم تصونك وتحفظك وتربي اعيالك ، تخليها وتروح تجيب وحده من برع الله العالم بحالها تحطه على اللي رضت فيك اللي يسمع يقول من حلاة الويه عاد كلش توم كروز على غفله وعقبها ذي الجزا

عموما مب بس في قطر، الخليج كله هالفترة هابين لنا في هالموضه العميا، عسى ماسافروا الا رجعوا وهم جارين لنا وحده من الموميات


عقب هالحرة ، انا سألت أحد اللي اعرفها في المحكمة والنيابة العامة، وضح لي ان الخلع مرة وحده فقط وخلاص كل شي ينتهي ، مافي ثلاث مرات اصلا ؟؟

وربي يكوووووون في عونها ويصبرها على هالبلوى وهذا امتحان لها ، وهو مابيشوف التوفيق دام ظلمها باللي سواه الله لا يربحه

ههههههههههههههههههههههههههههههههههههه .... في الصميــم وهذا اللي يبط الجبد .... نتمنى تتصدين لكل اللي بيدخل ويقول لج عادي الريال ما يعيبه شي هههههههههههههههههههههههههههه .... المشكلة المره مخلوق ضعيف مهما كان والمفروض الريال يتقي الله فيها والظلم ظلمات يوم القيامه والرسول عليه الصلاة والسلام وصى الرياييل على المراه ليش جي يسوون فيهم :weeping: ....

[سهم طايح]

من قدهم الحريم

فاتحين لهم مركز اشكبره

حقوق المرأة والطفل

وين حقوق الرجل والطفل ؟