أهمال الأم .............. شئ يعور القلب

[أم طفطوفه]

السلام عليكم ورحمة الله وبركاته
اليوم كنت في مجمع الستي سنتر ... شوي وأسمع صوت رضخه بقو وطلعت برى المحل وألقى ولد عمره تقريباً في (8-9) سنوات طايح من فوق الدرج المتحرك ... شلون ... الشيخة الخدامة تبغي تركبه الدرج المتحرك والولد أصلاً مقعد على الكرسي المتحرك وشكله تعبان وركبته مع كرسيه وطاح الولد من الكرسي وأنقلب وطاح على الدرج وصار له جرح غزير في راسه وعلم نص وجه خطوط الدرج وصاده رعاف ودم على الدرج وثيابه وقعد ميت من الصياح في كرسيه بعد ماشلناه مع الشخة الخدامة .. وبعد ما اتصلنا للأم اخذناه من البنت الصغيرة تعرف الرقم .. جات وقعدت تصرخ على الخدامة وخلت ولدها وهو صيح ويشتكي يقول يدي تعورني وراسي يعورني .. والأم مشغوله في الهوشه ............

شالفايدة ... شالفايدة ... ليش تهملون عيالكم عن الخدامة لا وفي المجمعات العامة يعني مهب في البيت بس .... الله يسامج يالأم ولدك بحاجه لج أنت لأهتمامك أنت مش اهتمام الخدامة .. الخدامة ما ترحم مهما تكون هي لو ترحم عيالنا ما خلت ولدها رضيع كان أو ولد كبير وجات تعمل عندنا ... كلمه أقولها للأم نسيتي شلون تعبتي عليه أشلون ولدتيه وربيتيه وكبرتيه خلاص صار كبير شوي نهمل ... الولد ذيه بالذات محتاجلك انت مهب المدام الخدامة ... الله ما ابرد قلب الأم الي تتصرف جذيه وتهمل عيالها ولا تدري عنهم ... بس هاوشنا يعني الخدامة ما راحت تسوي جذيه مرة ثانية .. لا راح اتسوي ولا تفتكر في عيالنا ... اعيالنا مسؤولينا احنا مهب مسؤولية ماما ميري ...

[سهم مديون]

الاهمال وما يسوي !

[كروه]

لا حول ولا قوه الا بالله

[b4ever]

الزمـن يركض ..
والقــــــــــادم أعضم ..

[فيزيائية]

حسبي الله ونعم الوكيل
كان اتصلتي بحقوق الطفل والا ذوي الاحتياجات الخاصة كان سنعوها
كلكم راع وكلكم مسئوول عن رعيته

[الكايـــده]

لاحول ولاقوه الابالله


يااااااااااااااامااا شفنا هالمواقف ع الاقل هذا امه معاااه فالمجمع البلوووه البنيات الصغاار اللي جايين مع الدريول والخدامه بلفيييت تلعبهم !!


يابنت الحلال خلنا ساكتيييييييين الله لايبلانا يااااااااااااااااارب ويعينا على تربيتهم

[تفوق الوصف]

والاعظم من هذا وذاك

انهم يتفاخرون يقولون بنتي عند الخدامه من تقوم لين الليل ما اشوفها الا العصر

ولا تقول ابي اطلع اشوف حياتي مو اقعد اقابل اليهال !!

[بوعلي2]

لاحول ولاقوة االا بالله

[الملكة الام]

اختي ام طفطوفه



لو انا كنت هناك كان خبطت الخدامه بعصاي ...



ونطرت امه المهمله لين تجي وخبطتها هي بعد...



وبس..




خساره فيهم هالعيال والله....





اختج العوده


الملكة الام

[>>> غــمـــوض <<<]

حسبي الله ونعم الوكيــل
مافي رحمـة كلش __ شلون تقطه على الخدامـــه وبالذات والاخص انه مقعد
يعني يبي له رعايــه واهتمام بزياده
اش هالامهات دامكم مب قد مسؤليــه واهتمام ليش تجيبون اعيال وتقطونهم على الخدم
وعقب ليــن صار شي يتحلطمون
السبب الرئيسي الاهمالــــــــــــــــــــــــــــ

والله ياما شفت ناس بعيوني الحمدالله والشكر والله لايبلانا
الولد في سن تعدى العشريــن وفي حالة اعاقه
ولا في اهتمام من الام ولا هم يحزنون وفوق ذي كله الخدامه هي اللي تأكله
وتشربه والله يعزكم تسبحـه والخ....

ترى اذا الام ماتهتم ايش الجيل اللي تتوقعون انـه بيطلع
وفي النهايــه ماقول الا الل يستر على عيالنـا __ والله يشفي هالعقول
قصـه عورت قلبي

[قطري33]

بعض الامهات لاحياة لمن تنادي مهما يقولون لها ومهما ينصحونها مافي فايدة
البعض منهم ماعندها خدامة وبعد ماتعتني بعيالها سواء المعاقين او الصاحيين وهي مسئوله قدام رب العالمين عنهم .. شبتقول يوم القيامة قدام رب العالمين << اعتقد بتكون في وضع لا تحسد عليه
ياحريم اتقو الله في اعيالكم هاذيلا فلذات اكبادكم ان ماربيتوهم احسن تربية من عيل بيربيهم
شاكر لج اخت ام طفطوفة على هالموضوع الهام وعلى حرقة قلبج على هالياهل .
ذكرني هالموضوع بسالفة صارت قدام عيني قبل كم سنه كنت مسافر بالطيارة ولما وصلنا للمطار ونزلنا من الطيارة وكنت انا تقريبا من اخر اللي نزلوا تفاجأت بياهل عمره مابين 6-8 سنوات نايم وماحوله حد .. وانا نازل من درج الطيارة الا مره تكلم الامن وهي تصيح ولدي بالطيارة بروح اجيبه .. طلعت الاخت ناسيته :anger1: خوش ام

[>>> غــمـــوض <<<]

بعض الامهات لاحياة لمن تنادي مهما يقولون لها ومهما ينصحونها مافي فايدة
البعض منهم ماعندها خدامة وبعد ماتعتني بعيالها سواء المعاقين او الصاحيين وهي مسئوله قدام رب العالمين عنهم .. شبتقول يوم القيامة قدام رب العالمين << اعتقد بتكون في وضع لا تحسد عليه
ياحريم اتقو الله في اعيالكم هاذيلا فلذات اكبادكم ان ماربيتوهم احسن تربية من عيل بيربيهم
شاكر لج اخت ام طفطوفة على هالموضوع الهام وعلى حرقة قلبج على هالياهل .
ذكرني هالموضوع بسالفة صارت قدام عيني قبل كم سنه كنت مسافر بالطيارة ولما وصلنا للمطار ونزلنا من الطيارة وكنت انا تقريبا من اخر اللي نزلوا تفاجأت بياهل عمره مابين 6-8 سنوات نايم وماحوله حد .. وانا نازل من درج الطيارة الا مره تكلم الامن وهي تصيح ولدي بالطيارة بروح اجيبه .. طلعت الاخت ناسيته :anger1: خوش ام


:omg: بــل لـهذي الدرجــه نسته بالطياره

[المخفي]

ويقولون ليش في عقوق الآباء

[!قطريـة بنت القمـر!]

يوم الام تخـاف الله بتحط الخوف من الله بين عيونها يوم تربي عيالها وتراقب كل كبيره وصغيره بحياتهم وتعتني فيهم والاب لازم يتدخل بعد لان الاب يقدر يضغط على زوجته لما تصير مهمله ويخليها غصبن عنها تلتف لعيالها بدال هالخدامات اللي ابلشونا فيهم وقاطين العيال عليهم .... واخرتها تصيد العيال عاهات ولا يدرون !! الله يهدي الامهـات ويحنن قلوبهم على عيالهم ويفتح عيونهم عليهم اللهم امين ....

[قطري33]

يوم الام تخـاف الله بتحط الخوف من الله بين عيونها يوم تربي عيالها وتراقب كل كبيره وصغيره بحياتهم وتعتني فيهم والاب لازم يتدخل بعد لان الاب يقدر يضغط على زوجته لما تصير مهمله ويخليها غصبن عنها تلتف لعيالها بدال هالخدامات اللي ابلشونا فيهم وقاطين العيال عليهم .... واخرتها تصيد العيال عاهات ولا يدرون !! الله يهدي الامهـات ويحنن قلوبهم على عيالهم ويفتح عيونهم عليهم اللهم امين ....

كــلام مابـعــده كــلام

وانا بعد اقول اللــهم آمـيــن يـارب العـالميــن

[عبير وردة]

:omg: حرام عليها .......... والولد كمان من ذوي الاحتياجات الخاصه وبكرسي متحرك
بالله عليها الخدامه الغبية بتنزله من الدرج المتحرك كيف ؟؟؟؟؟؟؟ مافي مصعد كهربائي ؟؟؟؟
لكن ليش ألومها إيش فهمها بهالأمور ........... لا حول ولا قوة إلا بالله
والله في ناس تتمنى ظفر طفل ويصرفوا مئات الألوف علشان طفل يملا حياتهم ....

أتمنى هالظاهرة تختفي في قطر ............... إعتماد الأمهات الإعتماد الكلي على الخدامه ؟؟؟؟
اليوم سمعت قصص تشيب من زوجة أخي مدرسه في مدرسة نموذجية .......... :omg:
والسبب الإهماااااااااااااااااااااال .... حرااااااااااام ( اصحوا يا أباء ويا أمهات ) عندكم أمانه في أعناقكم حافظوا عليها......... وبس وشكرا لصاحبة الموضوع

[بوخالد2]

لاحول ولاقوه الابالله

لاهيه في شي الظاهر اهم من العيال و البيت !!!

الله عليها ان شاءالله