قطرفونديشن [الأرشيف] - منتديات شبكة الأسهم القطرية

!قطريـة بنت القمـر!

28-02-2009, 01:06 AM

سمعت عنهم شغلهم واييييييييييييييييييد تعب وجد ما في لعبه

نفـس الكلام سمعته بعد ورفيجتي اختها تشتغل هناك وتقـول لازم لازم اول شي انجليزيتج قوية وثاني شي تشتغلين بضمـير مب شغل مكاتب وجرايد ولعب .... يعـني كد وكراف نوعا ما و الكلام من اختها ....

!الشايمه!

28-02-2009, 01:39 AM

الشغل بجد وكراف....صار يخوف......ليش تبون تشتغلون عيل

حللوا الراتب :).....وبالتوفيق

تحية

بـن عدوان

28-02-2009, 01:57 AM

الشغل بجد وكراف....صار يخوف......ليش تبون تشتغلون عيل

حللوا الراتب :).....وبالتوفيق

تحية

وهذي مشكلتنا اختي الشايمه

جبتيها :nice:

HEART_LION

28-02-2009, 08:35 AM

رواتبهم حلوه وشغلهم متعب

بالتوفيق

ANONYMOUS

28-02-2009, 11:17 AM

رواتبهم حلوه وشغلهم متعب

بالتوفيق

من يبي الدح مايقول اح

خــطــافــ

28-02-2009, 11:19 AM

من يبي الدح مايقول اح

:nice::nice::nice:

:secret::secret:

:tease:

جمال اليافعي

28-02-2009, 12:05 PM

انا كنت اعرف جنوب افريقي كان يشتغل عندهم وترك الشغل والسبب صارت له مضايقات عنصرية لانه ( اسمر ) من قبل بعض المسؤلين القطريين هناك ..

الله المستعان

ورقــة أمــل

28-02-2009, 12:06 PM

مايصير تبون راتب وماتبون تعب

jassim_007

28-02-2009, 12:12 PM

يالله خذ!

عقب قولو ليش يوظفون الاجانب!

غناتي1

28-02-2009, 12:16 PM

اول دوري لج واسطة للشغل بعدين اسال عن الرواتب

eXpert*

28-02-2009, 12:26 PM

يالله خذ!

عقب قولو ليش يوظفون الاجانب!

عجبني ردك :)

مصراوية

28-02-2009, 12:36 PM

يالله خذ!

عقب قولو ليش يوظفون الاجانب!

انا كمان عجبني ردك

بس يعني ايه... يالله خد؟؟؟

HEART_LION

28-02-2009, 12:40 PM

انا كمان عجبني ردك

بس يعني ايه... يالله خد؟؟؟

:omg: يعني شوفي الكلام المكتوب

ماعرفت اشرح بس تقريبا:victory:

ورقــة أمــل

28-02-2009, 01:00 PM

انا كمان عجبني ردك

بس يعني ايه... يالله خد؟؟؟

ههههههههههه يعني يلا شووف شتقول

J & N

28-02-2009, 02:38 PM

الشغل متعب اهناك
ما انصحكم بها

QatarRose

28-02-2009, 02:40 PM

سمعت عنهم شغلهم واييييييييييييييييييد تعب وجد ما في لعبه

وهالكلام يخوف مثلا ؟!!

QatarRose

28-02-2009, 02:48 PM

بعض البنات القطريات ارجع واقول بعض

تبي تقوم الصبح اتمكيج واتعطر وتروح الدوام اتريق واتسولف عن الموضه وفلانه وعلانه

واتحندى على الراتب وتقول الشغل تعب والدوام طويل << قهر قسم بالله

واحنا نقول ليش ندور الاجانب ليش نهتم بتوظيف الاجانب ونخلي بناتنا مساكين قاعدين في البيت

والحين تقولون لي الشغل في قطر فونديشن تعب ومادري شنو ليش ما نتعب على مصلحه بلادنا وناخذ خيرها

بدال ما يروح حق الاجانب

والله مشكله

ما بنقول الا الله يعينا بس على تفكير هالبنات صج استغرب

!قطريـة بنت القمـر!

28-02-2009, 02:55 PM

انا لو شغلي مافيه كد وكراف بتلوع جبدي .... في ناس ممكن ما تحب التعب وهاي طبيعة في البعض .... وفي على المستوى الثاني ناس تموت بالتعب <<<< يعني طعم الشغل يصير احلى مع الكد ولكن كد عن كد يفرق .... اذا الكد وراه خير لا باس .... بس لو نكد وغيرنا يحصل الترقيات هني الواحد بتببق عيونه :eek5: .... اهم شي ورى الكد خير باذن الله في قطر فاونديشن يعني توكلي على الله اختي ....

شرقاويه

28-02-2009, 03:21 PM

اشكركم كلكم على الردود وانا يوم قلت انها تخوف يعني فيها ظلم كثيييييير يقولون بس لا الحين محد قال الراتب كم؟؟؟؟؟؟؟؟؟؟؟؟؟

ولد النواخذه

28-02-2009, 03:27 PM

للاسف ظنيت ان الموضوع جاد وفيه فعلا اسباب حقيقية عن قطر فاونديشن بس اكتشفت من خلال قراءتي للردود ان العمل في قطر فاونديشن جيد والانسان يحلل في راتبه ويتطور بدل القرقه وتضييع الوقت

شاهيناز

28-02-2009, 03:34 PM

تبين نصيحتي

اذا الله وفقك في عمل في قطر فونديشن لاتقوليين لا
روحي لان من خلال خبرتي كل موظف له رؤيه من العمل
بعضهم يبنون رؤيتهم من خلال نظرتهم للامور ومن خلال علاقاتهم بالموظفين الي يتعاملون معاهم
وبعضهم يبنون رؤيتهم من خلال مقارنه طيبعه العمل بطبيعه العمل في اماكان اخرى
يعني في الاخير مابتطلعين بنتيجه

جربي انتي العمل لان العمل في قطر فونديشن فرصه ماتعطي للكثيرين

والله يوفقك يارب

اّل ثاني 77

28-02-2009, 03:39 PM

سمعت عنهم شغلهم واييييييييييييييييييد تعب وجد ما في لعبه

يعني الواحد رايح يشتغل ولا يلعب؟؟؟؟؟

F A W A Z

28-02-2009, 03:44 PM

انا اعمل هناك ولا بد يكون فيه شغل وكراف لكن اذا جاء اخر الشهر ينسك الشغل كله

بالتوفيق وقدمي

koketa

28-02-2009, 07:50 PM

انا قدمت للشغل هناك عن طريق الانترنت

بس للحين ما ردوا علي يمكن صارلي شهرين او اكثر

يبون واسطه ؟

ANONYMOUS

28-02-2009, 09:21 PM

انا اعمل هناك ولا بد يكون فيه شغل وكراف لكن اذا جاء اخر الشهر ينسك الشغل كله

بالتوفيق وقدمي

مممم

ال هالدرجه الرواتب عاليه..

يعني يوصل الراتب 50 الف؟

lalamar

28-02-2009, 09:24 PM

مممم

ال هالدرجه الرواتب عاليه..

يعني يوصل الراتب 50 الف؟

:telephone:

مالي ومال الناس

28-02-2009, 09:52 PM

انا كنت اعرف جنوب افريقي كان يشتغل عندهم وترك الشغل والسبب صارت له مضايقات عنصرية لانه ( اسمر ) من قبل بعض المسؤلين القطريين هناك ..الله المستعان

يااخي انت مب محترم .. واقول عنك كذاب بعد :omen2:

اول شي ممكن اقول انك كذاب لان القطريين (مسلمين) ماتفرق عندهم ابيض ولا اسمر ..وهالشي معروف عندنا من مئات السنين .. ولاتحاول تخرب سمعة القطريين بطريقة دنيئة

ثاني شي مب محترم .. لأنك قاعد تقول هالكلام وانت تاكل من خيرات قطر ومعزز ومكرم بين اهل قطر .. لكن مادري على شنو حاقد على القطريين ؟

اتمنى من ادارة المنتدى الحزم واعادة النظر في الاعضاء الاجانب اللي يتكلمون على اهل قطر بكذب وزيف دون مستوى العقل

في ذمتي لو اعرف وين تشتغل انك تسفر :)

ورقــة أمــل

28-02-2009, 10:10 PM

مممم

ال هالدرجه الرواتب عاليه..

يعني يوصل الراتب 50 الف؟

حد يقول لنا رواتبهم اعلى من كيوبي ولا لا :rolleyes2:

شاهيناز

28-02-2009, 10:15 PM

انا كنت اعرف جنوب افريقي كان يشتغل عندهم وترك الشغل والسبب صارت له مضايقات عنصرية لانه ( اسمر ) من قبل بعض المسؤلين القطريين هناك ..

الله المستعان

الصوره الي تحت اسمك احسن رد عليك

اتق الله في كلامك

بوحارب

28-02-2009, 10:18 PM

يااخي انت مب محترم .. واقول عنك كذاب بعد :omen2:

اول شي ممكن اقول انك كذاب لان القطريين (مسلمين) ماتفرق عندهم ابيض ولا اسمر ..وهالشي معروف عندنا من مئات السنين .. ولاتحاول تخرب سمعة القطريين بطريقة دنيئة

ثاني شي مب محترم .. لأنك قاعد تقول هالكلام وانت تاكل من خيرات قطر ومعزز ومكرم بين اهل قطر .. لكن مادري على شنو حاقد على القطريين ؟

اتمنى من ادارة المنتدى الحزم واعادة النظر في الاعضاء الاجانب اللي يتكلمون على اهل قطر بكذب وزيف دون مستوى العقل

في ذمتي لو اعرف وين تشتغل انك تسفر :)

زين سويت فيه وعندك اياه يا بعد شبدي :)

سمو انسان

28-02-2009, 10:44 PM

يااخي انت مب محترم .. واقول عنك كذاب بعد :omen2:

اول شي ممكن اقول انك كذاب لان القطريين (مسلمين) ماتفرق عندهم ابيض ولا اسمر ..وهالشي معروف عندنا من مئات السنين .. ولاتحاول تخرب سمعة القطريين بطريقة دنيئة

ثاني شي مب محترم .. لأنك قاعد تقول هالكلام وانت تاكل من خيرات قطر ومعزز ومكرم بين اهل قطر .. لكن مادري على شنو حاقد على القطريين ؟

اتمنى من ادارة المنتدى الحزم واعادة النظر في الاعضاء الاجانب اللي يتكلمون على اهل قطر بكذب وزيف دون مستوى العقل

في ذمتي لو اعرف وين تشتغل انك تسفر :)

اشهد انك سنافي

كفو والله كفو عليك

اما بخصوص الموضوع اختي قطر فونديشن فرصه ما تتعوض ورواتبهم من اعلى الرواتب

نصيحه مني لج توكلي على الله

!الشايمه!

01-03-2009, 02:47 AM

مممم

ال هالدرجه الرواتب عاليه..

يعني يوصل الراتب 50 الف؟

وايد ناس يتصورون رواتب خيالية في قطر فونديشن......يعني معقوله طالب ثانوي
يحصل 50 الف .....اذكر مره شخص قال .....المدرسين هناك رواتبهم 500 الف
نص مليون :)

اذكر البنات قريت لهم الكلام....ماتوا من الضحك ......استلمنا احد المدرسين
وكلمناه بهذا الخصوص.... قال لنا جذيه يفكرون عنا القطريين.....!! قعد يشوفنا
كنا مخلوقات فضائية..........حسبي الله عليه

تحية

استغفرالله

01-03-2009, 06:58 AM

كم الراتب للي توهم متخرجين؟

HEART_LION

01-03-2009, 07:22 AM

مممم

ال هالدرجه الرواتب عاليه..

يعني يوصل الراتب 50 الف؟

شدعوه ليكون بزنس مان

موظف عادي راتبه من حال الرواتب الاخرى

قلنا حلوه بس مب مبالغ فيها بعدين بالنسبه للتحديد ماتقدر تحدد اهم اللي يحددون

جاسم القطري

01-03-2009, 09:49 AM

يالله خذ!

عقب قولو ليش يوظفون الاجانب!

OK

:victory:

جاسم القطري

01-03-2009, 09:52 AM

انا كنت اعرف جنوب افريقي كان يشتغل عندهم وترك الشغل والسبب صارت له مضايقات عنصرية لانه ( اسمر ) من قبل بعض المسؤلين القطريين هناك ..

الله المستعان

we are in Qatar not wild west

الكايـــده

01-03-2009, 11:30 AM

بقولج وحده من ربعي تشتغل هناك ثانووويه معاشها 15 وهالكلام اكيد مليوون فالميه

اما بخصوص الجامعيه ماعندي اي فكره

وشغلهم متعببببب من 7 لين 3 واي حفله والا افتتاح جامعه لازم تكونين موجوده والنقاب اعتقد ممنووع

وان شاء الله افددتج

استغفرالله

01-03-2009, 01:46 PM

والجامعيين كم رواتبهم

مصراوية

01-03-2009, 02:21 PM

ههههههههههه يعني يلا شووف شتقول

انا فكرته بيدعي عليها...

HEART_LION

01-03-2009, 03:31 PM

الكايـــده

01-03-2009, 05:05 PM

والله على كلامه وماله داعي تكذب علي ؟؟

مممم بعد قالت لي مع العلاوات وبدل يوصل 18 !!!!!!!!!!!!!!!!!!!!!!!!!

شدراني يمكن تهايط خخخخخ

شعاع

01-03-2009, 05:59 PM

الشغل بجد وكراف....صار يخوف......ليش تبون تشتغلون عيل

حللوا الراتب :).....وبالتوفيق

تحية

هلا اختي ما قصدت الكسل في هالشي .... مثل ما فسرتي واني لازم احلل الراتب
بس الشغل عندهم بزياده صديقاتي يطلعون ساعات على الساعه 10 فليل
وساعات 8 معنه الدوام الرسمي بس لين 3 او 4 اعتقد

ها ؟؟؟ يخوف الشغل والكرف والا عادي عندج ؟؟؟؟؟؟؟؟؟؟؟؟
واللي يبي يحلل راتبه يشتغل بضمير ويلتزم بساعات العمل مب شرط لازم انكرف عشان احلل الراتب جان ما زادوا الراتب كل ما ارتفع المسمى الوظيفي ( العامل يكرف اكثر من المدير .... هل معنات هالشي انه المدير ما ايحلل راتبه ؟؟؟؟؟؟؟؟؟؟؟ )

شاهيناز

01-03-2009, 09:41 PM

اعرف وحده خريجه وعندها دورات كمبيوتر وانجليزي
اشتغلت في قطر فونديشن راتبها مايوصل 12 االف

البنوك رواتبها على منهم

الحين قطر فونديشن فتحت المجال للقطريات للعمل
رواتبهم اقبل من الاجانب ولا بدلات سفر ولا سكن على حساب الفونديشن

HEART_LION

01-03-2009, 10:07 PM

ANONYMOUS

01-03-2009, 10:32 PM

وايد ناس يتصورون رواتب خيالية في قطر فونديشن......يعني معقوله طالب ثانوي
يحصل 50 الف .....اذكر مره شخص قال .....المدرسين هناك رواتبهم 500 الف
نص مليون :)

اذكر البنات قريت لهم الكلام....ماتوا من الضحك ......استلمنا احد المدرسين
وكلمناه بهذا الخصوص.... قال لنا جذيه يفكرون عنا القطريين.....!! قعد يشوفنا
كنا مخلوقات فضائية..........حسبي الله عليه

تحية

انا ماتكلمت عن طلاب الثانويه.. الله يعينهم..

نص مليون.. والله مب شين.. انا اشهد انه ينسيك التعب..

شدعوه ليكون بزنس مان

موظف عادي راتبه من حال الرواتب الاخرى

قلنا حلوه بس مب مبالغ فيها بعدين بالنسبه للتحديد ماتقدر تحدد اهم اللي يحددون

ليش ترى خمسين وايد زين.. مع ان نص مليون احسن بوايد

الريال قال تنسيك التعب..

انا ابي اعرف كم المبلغ اللي ينسيني التعب ؟

يمكن هو يشوف 99 الف ينسيه التعب..

انا عن نفسي.. من 50 لين 70 وايد زين..

يمكن في ناس ال 20 الف تنسيهم التعب..

وغيرهم نص مليون ماتدق سلف عنده.. يبي مليون شهريا.. :)

HEART_LION

01-03-2009, 10:42 PM

انا ماتكلمت عن طلاب الثانويه.. الله يعينهم..

نص مليون.. والله مب شين.. انا اشهد انه ينسيك التعب..

ليش ترى خمسين وايد زين.. مع ان نص مليون احسن بوايد

الريال قال تنسيك التعب..

انا ابي اعرف كم المبلغ اللي ينسيني التعب ؟

يمكن هو يشوف 99 الف ينسيه التعب..

انا عن نفسي.. من 50 لين 70 وايد زين..

يمكن في ناس ال 20 الف تنسيهم التعب..

وغيرهم نص مليون ماتدق سلف عنده.. يبي مليون شهريا.. :)

الظاهر جذي :discuss:

بس حلوه سالفة اللي راتبه نص مليون

قولي 100 الف ولا 200 مب نص مليون مره وحده قويه

ANONYMOUS

01-03-2009, 11:16 PM

الظاهر جذي :discuss:

بس حلوه سالفة اللي راتبه نص مليون

قولي 100 الف ولا 200 مب نص مليون مره وحده قويه

الشايمه تقول مب انا.. :secret:

بس ترى 100 الف .. قمه يارجل..
:shy:

شرقاويه

02-03-2009, 12:22 AM

يووووه يدبلون الكبد سولولي ثلاث مقابلات وانتظر النتيجه بس والله اني حاسه انهم ماراح ياخذوني كل شي الانقليزي وانا ماني لهناك

ام علي1981

02-03-2009, 12:50 AM

ممكن حد يساعدني ويدلني على مكانهم
والايميل لتقديم ال cv

!الشايمه!

02-03-2009, 01:04 AM

الشايمه تقول مب انا.. :secret:

بس ترى 100 الف .. قمه يارجل..
:shy:

انا قلت.......اقول لك مره واحد كتب في المنتدى .......ناس يتوهمون ويتخيلون فلوس تتطاير
حوالين الاجانب......من يشوفون زول اجنبي ..يعني خلاص لازم راتبه شي خيالي.....

بعدين مليون ماتدق سلف....ول ع الطمع...... 20 حلوين والحمدلله:)
......

بخصوص الاخت اللي تكلمت عن تحليل الراتب.....
انا تكلمت بشكل عام كثيرين يشوفون الكراف شي مخيف....في ناس يشوفون من 7 لين 3
شئ متعب وكراف.....في ناس ثانين يشوفونه عادي.....ويحلل الراتب العالي......
وترى حتى المدير يقعد لين 3 واحيان 4....ويكون مسكين معمر على كرسيه....نجي نحاسبه
على راتبه :)

وعندنا في قطر فونديشن وايد قطريات محجبات ومحترمات يشتغلن..وطبيعي في مكان فيه
اجانب يخافون من زولهم.....لابد من احتياطات الأمان...عشان كذا حساسين من امور
النقاب.......مب عذر.....طبعاً .....ولكنه مايعيق العمل.
.....

اليوم الكل يدري....اللي يبي راتب حلو لابد مايستحمل ساعات الدوام الطويلة...
وطبعا مب كل شغل لين س 10 بالليل ....!!
واللي يبي راتب عادي.....وشغل مريح.......بعد راح يلقى.

تحية

حقيقه

02-03-2009, 03:56 AM

اعتقد فيه اختلاط صح ؟؟؟؟؟؟؟

HEART_LION

02-03-2009, 08:37 AM

اعتقد فيه اختلاط صح ؟؟؟؟؟؟؟

اكيييييد

HEART_LION

02-03-2009, 09:12 AM

ممكن حد يساعدني ويدلني على مكانهم
والايميل لتقديم ال cv

هذا موقعهم

http://www.qf.org.qa/output/page19.asp

ام علي1981

03-03-2009, 12:36 AM

هذا موقعهم

http://www.qf.org.qa/output/page19.asp

شاكرة اهتمامك:nice:

بوخليفة3

03-03-2009, 04:43 AM

انا كنت اعرف جنوب افريقي كان يشتغل عندهم وترك الشغل والسبب صارت له مضايقات عنصرية لانه ( اسمر ) من قبل بعض المسؤلين القطريين هناك ..

الله المستعان

اسمحلي اقولك كلالالالام فاظي اول مره اسمع عن هالسوالف عندنا فقطر ماخبر عندنا تمييز عنصري على فكره اخوي ترى القطري مسلم مب جاي من كوكب ثاني وماعنده دين
ليكون اخوي احنا في اوروبا

احلى دنياااا

04-03-2009, 12:50 AM

هل ممكن نقدم عن طريق الموقع ويردون والا لازم نروح لهم
لان خاطري اشتغل هناك واتمنى يقبلوني

ذيبه مزاجيه

04-03-2009, 06:10 AM

القهر انه مختلط و ممنوع النقااااااااااااااب

مره انا كنت شاطه نفسي و قدمت عندهم لان الانجليزيه عندي جيد جدا ..

المهم وديت الاوراق الا اشوف وحده و شباب 2 .. انا تخرعت و قلت في قلبي شلون هذي تشتغل معاهم!!

ما علينا .. قلت لها اختي ممكن اقدم عندكم ؟؟ طالعتني وفيها الضحكه << تضحك على شكلي لاني منقبه .. وقالت لي .. حبيبتي .. وسكتت .. وعقب قالت ترا شغلنا خلط اكثر من جذي بعد .. قلت بل !! عيل خلاف الله .. مابي

وبس رحت و الحمدلله ربي عوضني في مكان صج انه عوار راس و قلب بس الحمدلله على كل حال ..

والله يوفق الجميع ان شاء الله

HEART_LION

04-03-2009, 07:16 AM

هل ممكن نقدم عن طريق الموقع ويردون والا لازم نروح لهم
لان خاطري اشتغل هناك واتمنى يقبلوني

ممكن التقديم عن طريق الموقع وبيقبلونج انشاء الله اذا تنطبق عليج المؤهلات واهم شي اللغه