:: سافرت وأنت صغير & سافرتي وأنتي صغيره :: عيل أدخلوا

[ALRAYYAN]

السلام عليكم

جات على بالي هالفكره اليوم وقلت نشوف شخباركم مع المواقف اللي من هالنوع :nice:

طبعاً أغلبنا اذا مو كلنا سافرنا وأحنا صغار مع أهالينا .. ويازينها من سفرات http://www.up-00.com/xafiles/nvb72853.gif (http://www.up-00.com/)

لا تشيل هم السفر ولا مسؤوليه سكن ولا صرف ولا عيال ولا شي :ok:

ماعليك الا انك تسمع الكلام وبس >> قوم .. نام .. البس .. أكل .. تسبح .. كل تبن :rolleyes2: أحم أحم ماعلينا :shy:

السؤال هو

من منا

من منا ماتسبب لأهله في مشكله أو مواقف محرجه أثناء السفر ؟؟ :omen2:

أعصروا الذاكره وهاتوا ماعندكم :yes:

:nice:

[ALRAYYAN]

عندكم انا مثلا أتذكر يوم كنا في الامارات في سنة من لسنين وكان عمري تقريبا 11 سنه وأخوي لصغير عمره 8 سنين
المهم كنا بنطلع من الفندق كلنا مادري وين كنا بنروح .. عاد انا سحبت اخوي وقلت بننزل ننتظرهم تحت
طلبت اللفت << الاسنسيووور .. وصل الاسنسيووور وادخل اخوي فيه وأضغط الدور الارضي وأول ماتسكر الباب نزلت ركيض على الدرج يابلفيت بوصل قبله

المهم وصلت انا الدور الارضى ولا اشوف اللفت بين الادوار http://www.up-00.com/xafiles/Mm372853.gif (http://www.up-00.com/) مره في السابع ومره في الرابع وانا الاحقه على الدرج :fight:
وضاربتني الرقالة << تعرفونها طبعاً :shy:

لين صدته مادري في أي دور حاشر عمره في زاوية اللفت ودمعه وسنسون طبعاً http://www.up-00.com/xafiles/1Ia73376.gif (http://www.up-00.com/)
طلع مع ويهه من الخوف مضغط على كم دور وخلاني أراكض وراه :anger2:

طبعاً طلعته من اللفت ومسحت دموعه وقلت له لاتقول حق ابوي وخلاص وبعطيك مصروفي .. ابيه يسكت لأني بتصفع تصفيع :shy: << خبركم في الامارات :telephone:

موقف ثاني صاد ولد أختي في فيينا

يقول ذيك الايام كان عمره بين 5 و 6 سنين تقريبا .. توهم واصلين الفندق وساكنين http://www.up-00.com/xafiles/TJn73444.gif (http://www.up-00.com/)
المهم .. دخل ابوه الحمام عزكم الله بعد ماحط أغراضه وبوكه ورزمتين دولارات :eek5: على الكوميدينو <<< بو حروب كوميدينو هاي اللي حذا راسك وانت ع السرير :tease:

طلع أبوه من الحمام تكرمون يدور الفلوس مالقاها .. طل في البلكونه بعد ماسمع واحد يضحك فيها :funny:
الا ولد أختي مبطل الفلوس ومنثرها كلها في الشارع ومسوي حشره تحت الفندق :secret:
عالم يلقطون دولارات وهو يضحك .. وطبعاً طلعت عليه أغلى من بيع السوق << مب قايلكم شصار فيه http://www.up-00.com/xafiles/QOF73376.gif (http://www.up-00.com/)

الحين هالياهل صارعمره 29 سنه وعنده 3 عيال ماشاء الله :nice:

وهذي سالفتين عشان محد يقولي وانت ماقلت لنا شصار معاك http://www.up-00.com/xafiles/2Wm73374.gif (http://www.up-00.com/)

[الملكة الام]

اخي ALRAYYAN




موضوع حلو بيطلع الفضايح....:nice:



وضحكتني سالفتك مع اخوك بس كسر خاطري...



بالنسبه لي...



اذا بعصر مخي باخذ وقت...




لك زيارة ثانية بإذن الله...



لين رجعت الذاكرة...




اختك العوده


الملكة الام

[بوخالد911]

هلا الغالي


للحييين أعصررر راسي


ولييين طلعت بشي

بشارك لأجل عيوونك بس


تامرر أمررر



مسيوو/ بوخالد911

[ALRAYYAN]

اخي ALRAYYAN




موضوع حلو بيطلع الفضايح....:nice:



وضحكتني سالفتك مع اخوك بس كسر خاطري...



بالنسبه لي...



اذا بعصر مخي باخذ وقت...




لك زيارة ثانية بإذن الله...



لين رجعت الذاكرة...




اختك العوده


الملكة الام

هلا أختي العودة الملكه الام

حتى أنا اخوي كسر خاطري .. بس عقب فتره لأن بالي كان مشغول باللي بيصيرلي لو الوالد شم خبر :rolleyes2:

ويامرحبا بزيارتج الاولى والثانيه والثالثه والرابعه و و و :nice:

[ALRAYYAN]

هلا الغالي


للحييين أعصررر راسي


ولييين طلعت بشي

بشارك لأجل عيوونك بس


تامرر أمررر



مسيوو/ بوخالد911

اللي مابيتذكر شي بعتبره شيبه وفاقد الذاكره .. ولا أنه محثلها عدل ومستحي يقول
ناطر زيارتك مسيووو ونتيجة عصر الذاكره فديت خشمك :victory:

[فهد111]

اول شي يعطيك العافيه اخوي الريان وثاني شي ابشرك اليوم بنفوز على العربي 3-0

وانا صغير امي تقولي كنا في سوق في مصر كانو يتشرون هي وجدتي وانا معاهم وتقول انهم طولو عند محل عطور اعتقد وقالتلي اني كنت اللعوزها ووقعدتني على كرسي عند المحل وقالتلي لا اتحرك ونسوني وحركو عن المحل وعقب فتره تذكروني ورجعو يدوروني ولقوني قاعد في نفس الكرسي الي تركتني فيه نفس القعده وراقد والمصري صاحب المحل معصب على الوالده ههههههههه
طبعا انا ماتذكر شي بس الوالده تقولي هالكلام

:secret:

[pure]

أمااا هاااي اللي ينثر الفلوس !!!

الله يعييين ابوه عليه


اممم مواقف ماذكر والله بس اقولك موقف صار حق اخوي

كان عمره 9 وكنا رايحين عمره احنا وبيت خالي وهاي مب اول مره

عاد كلنا رايحين نسعى والحزه اللي كنا رايحين فيها ما كان فيها حد

المهم تمينا نسعى الين خلصوا كلهم وباقي نروح كلنا الفندق

تمينا ننطرهم كلهم ياو الا اخوي قعدنا ندور

دورنا في المسعى ما حلصنا

طلعنا عند الحرم .. هم ما لقينااه !!

طلعنا برا قلنا يمكن عند الحمام بعد ما لقيناه

تمينا نحوووس وندور مافيه رحنا عاد عن الامن هم قالوا ما جافوه

المهم تمينا ندوور ثلاث ساعات !

عاد انت تخيل ضاايع وفي مكه

وبس عقب حصلوه طلع قاعد ويا الامن اللي داخل وانه يتصل في ابوي وابوي مخلي جواله القطري وماخذ السعودي

وشنوو سبب الضياع وهاي كله عقب ما خلص سعي راح يتمشى بالاسواق عشان العصر يروح لهم

بس عاد نغص عليناا

وردينا الدوحه من ثاني يوم

يعطييك العاافييييه عل الموضوع العجيييب

وصباحك نور وسرور

[_بوشهاب_]

السلام عليكم ورحمه الله وبركاته
السالفه يوم كنت في اول ثانوي الشباب قرروا انا نروح العمره بالباص واحنا اربع شباب قلنا اوكي والشباب كلهم طبعا راحوا مكه من قبل الا انا كنت اول مره اروح المهم كنت كل شوي اقولهم يالربع لاتبعدن عني انا ما ادل اول مره اجي العمره وواحد من الشباب اسمه محمد محمد يقولي لاتحاتي انا ادل ومن هالسوالف حطينا الشنط في الفندق ورايحين نعمر واحد من الشباب خله مفتاح الفندق وياه ماسلمه للاستقبال واحنا نطوف ضاع علينا محمد وتمينا ندور عليه تقريبا 3 ساعات وبعدين عودنا للفندق نفكر وين راح محمد وكنا يوعانين واحد من الشباب راح يجيب لنا شي ناكله وحصل الاخ محمد تحت يحاول مع الرجال في الاستقبال يقوله عطني سبير للغرفه هههههههههههههههههههه والرجال يقول حق محمد الاسبير بــ 100 ريال محمد يقوله ماعندي الحين الا الاحرام تبيه خذه ههههههههههههههههههه (( ايام ماتنسيش ))

[نور الريان]

صباح الخير ,,

الموضوع حلو ,, والمواقف في الطفوله حلوووه ,,:tease:

بس ما اعتقد اقدر اذكر اهنيه اي موقف ,, لأني كنت طفله هاديه واسمع الكلام:shy:

يعني بادخل اقرأ مواقف الاعضاء واضحك ,, :rolleyes2:

[ANONYMOUS]

موضوعك شيق

بس ماتذكر شي..

اعتقد يوم كنت صغير ماكنا نسافر :shy:

اول سفره يوم كان عمري 28 سنه

:looking:

[VIPLady]

خواتي الكبار واخواني وامي ... بلغوني بموقف صار وكان عندي وقتها سنتين ... يعني خبرر خيرر ولا اعرف عن شي وطبعا مستحيل اتذكرر..
اني ضعت في لندن وبالتحديد في برج الحمام... وعلى حسب الاقاويل الي قالوها لي انهم تموا يدوروني يدوروني مالي اثررر.. ولين بلغوا الشرطه الي بالمنطقه وبعدين الشرطه حصلوني اتمشى مع الحمام والله ستر ماطلعت بالشارع.... كنت الحين مب موجوده وياكم وانور لكم المنتدى ..:)

ومن المواقف الي ما تنسي بعد .. بس مو عني عن ولد اختي
كنا طالعين رحله اسبوع وبهالاسبوع بنمر على كذا مدينه في كلفورنيا .... وبالطريج نمر على مدن صغيرره نريح فيها شوي ...وكنا سيارتين ولد اختي فديته كان عمره 13 سنه اعتقد ... نزل معانا عادي يتمشى ناكل ناخذ تقريبا ساعه الي ساعه ونص بعدين مره ثانيه نكمل الطريج الي نبيه... مشينا طبعا وكان بينا الوكي توكي بين السيارتين وصدفه نسال وين محمد وياكم كل من يقول نوووووووووووو.... وكنا يمكن مشينا اكثر من نص ساعه يعني بعيد...... طبعا طاح قلبنا كلنا متنا من الخوف مدينه مانعرف فيها شي مرينا عليها جذي... ولين رجعنا الحمدالله الحمدلله الا شفناه قاعد نفس مكان الموقف الي كنا موقفين السياره فيه........ لكن كان يووم مو طبيعي من الخوف ما ينسي ما توقعنا نحصله قلنا صار فيه شي او ضاع او بيتم يفتر بالمدينه ومب محصلينه ... لكن الله سترر وطلع ذكي وقاعد ينطرنا بنفس المكان :)


سوري وايد طوولت عليكم ..
ثانكيوو على الموضوع النايس ...

[ورقــة أمــل]

ماتذكر شي :(

انا كنت مأدبة وماسوي شيطانه والكل يحبني واخاف من امي :rolleyes2:

شفيك على مواضيع السفررر :secret:

[ALRAYYAN]

اول شي يعطيك العافيه اخوي الريان وثاني شي ابشرك اليوم بنفوز على العربي 3-0

وانا صغير امي تقولي كنا في سوق في مصر كانو يتشرون هي وجدتي وانا معاهم وتقول انهم طولو عند محل عطور اعتقد وقالتلي اني كنت اللعوزها ووقعدتني على كرسي عند المحل وقالتلي لا اتحرك ونسوني وحركو عن المحل وعقب فتره تذكروني ورجعو يدوروني ولقوني قاعد في نفس الكرسي الي تركتني فيه نفس القعده وراقد والمصري صاحب المحل معصب على الوالده ههههههههه
طبعا انا ماتذكر شي بس الوالده تقولي هالكلام

:secret:

هلا وغلا فهد

ياخي الحريم لين صادو سوق مشكله .. عادي ينسون عيالهم .. لكن تهقى بتنسى الاغراض اللي شاريتها :con2:

والله مشكلة هالحريم :secret::secret:

تخيل عاد المصري سكر المحل وخذك قال يالله بربيه مع عيالي :rolleyes2:
كان الحين أسمك بيومي وتشجع الزمالك وسيارتك بيجو قير علاقي ملاكي الجيزه وآخر السطه :tease:

نورت الموضوع يا اكسلنص :nice:

[ALRAYYAN]

أمااا هاااي اللي ينثر الفلوس !!!

الله يعييين ابوه عليه


اممم مواقف ماذكر والله بس اقولك موقف صار حق اخوي

كان عمره 9 وكنا رايحين عمره احنا وبيت خالي وهاي مب اول مره

عاد كلنا رايحين نسعى والحزه اللي كنا رايحين فيها ما كان فيها حد

المهم تمينا نسعى الين خلصوا كلهم وباقي نروح كلنا الفندق

تمينا ننطرهم كلهم ياو الا اخوي قعدنا ندور

دورنا في المسعى ما حلصنا

طلعنا عند الحرم .. هم ما لقينااه !!

طلعنا برا قلنا يمكن عند الحمام بعد ما لقيناه

تمينا نحوووس وندور مافيه رحنا عاد عن الامن هم قالوا ما جافوه

المهم تمينا ندوور ثلاث ساعات !

عاد انت تخيل ضاايع وفي مكه

وبس عقب حصلوه طلع قاعد ويا الامن اللي داخل وانه يتصل في ابوي وابوي مخلي جواله القطري وماخذ السعودي

وشنوو سبب الضياع وهاي كله عقب ما خلص سعي راح يتمشى بالاسواق عشان العصر يروح لهم

بس عاد نغص عليناا

وردينا الدوحه من ثاني يوم

يعطييك العاافييييه عل الموضوع العجيييب

وصباحك نور وسرور

ماينغص عليكم عيل .. ياهل ويضيع في مكه .. عادي أكفخه أو ماشوفه من الخوف عليه
زين لقيتوا بس :omen2:

نورتي خيتو :nice:

[أم عبدالرحمن]

الموضوع حلوووو ...

بصراحه انا وايد جننت هلي وانا صغيره فالسفر ...

من هالمواقف ..

مره كنا مسافرين للبنان احنا وبيت رفيق الوالد عاد رفيق الوالد عنده بنت كبري قعدنا الصبح من وقت انا والبنت متمللين كنا صغار قمنا وطلعنا وايامها لاجوال ولا هم يحزنون وضعنا ماردينا الا المغرب .. وحنا ولا همنا اكل ومرعى والاهل يدورونا يوم حصلونا نضربنا ضرب ههههههههههههههه والله مانسى هالموقف

:) :) :)

[ALRAYYAN]

السلام عليكم ورحمه الله وبركاته
السالفه يوم كنت في اول ثانوي الشباب قرروا انا نروح العمره بالباص واحنا اربع شباب قلنا اوكي والشباب كلهم طبعا راحوا مكه من قبل الا انا كنت اول مره اروح المهم كنت كل شوي اقولهم يالربع لاتبعدن عني انا ما ادل اول مره اجي العمره وواحد من الشباب اسمه محمد محمد يقولي لاتحاتي انا ادل ومن هالسوالف حطينا الشنط في الفندق ورايحين نعمر واحد من الشباب خله مفتاح الفندق وياه ماسلمه للاستقبال واحنا نطوف ضاع علينا محمد وتمينا ندور عليه تقريبا 3 ساعات وبعدين عودنا للفندق نفكر وين راح محمد وكنا يوعانين واحد من الشباب راح يجيب لنا شي ناكله وحصل الاخ محمد تحت يحاول مع الرجال في الاستقبال يقوله عطني سبير للغرفه هههههههههههههههههههه والرجال يقول حق محمد الاسبير بــ 100 ريال محمد يقوله ماعندي الحين الا الاحرام تبيه خذه ههههههههههههههههههه (( ايام ماتنسيش ))

ومابغى يضيع الا اللي عنده المفتاح .. حالتكم صعبه :rolleyes2:

يعطيك العافيه ع المرور .. نورت :nice:

[ALRAYYAN]

صباح الخير ,,

الموضوع حلو ,, والمواقف في الطفوله حلوووه ,,:tease:

بس ما اعتقد اقدر اذكر اهنيه اي موقف ,, لأني كنت طفله هاديه واسمع الكلام:shy:

يعني بادخل اقرأ مواقف الاعضاء واضحك ,, :rolleyes2:

يعني كلش كلش مافي شي .. معقوووووله يانور :con2:

ع العموم نورتي أختي :)

[بنت المنتدى]

:shy:




بمناسبة هالموضوع المميز انا عازمه الكل على اي رحلة يبونها ولاتحاتون اي شي دام انا بكون الكابتن ان شاءالله .. فكروا وردوا علي خبر وانت اولهم ياالريان :shy::shy::shy: ....




والله انا ما تذكر شي .. زين مني اتذكر وش تغديت اليوم :tease: .. لكن عندي وحده من خواتي تكسر خاطري مسكينه لازم في كل سفره لها يضيع واحد من عيالها خخخخخخخخخ


يعطيك الف عافيه

لاهنت :nice:

[بنت المنتدى]

موضوعك شيق

بس ماتذكر شي..

اعتقد يوم كنت صغير ماكنا نسافر :shy:

اول سفره يوم كان عمري 28 سنه

:looking:



:eek5:

ليش انت مو مولود في لندل :tease:

[ALRAYYAN]

موضوعك شيق

بس ماتذكر شي..

اعتقد يوم كنت صغير ماكنا نسافر :shy:

اول سفره يوم كان عمري 28 سنه

:looking:

:eek5::eek5:

نورت :rolleyes2:

[ALRAYYAN]

خواتي الكبار واخواني وامي ... بلغوني بموقف صار وكان عندي وقتها سنتين ... يعني خبرر خيرر ولا اعرف عن شي وطبعا مستحيل اتذكرر..
اني ضعت في لندن وبالتحديد في برج الحمام... وعلى حسب الاقاويل الي قالوها لي انهم تموا يدوروني يدوروني مالي اثررر.. ولين بلغوا الشرطه الي بالمنطقه وبعدين الشرطه حصلوني اتمشى مع الحمام والله ستر ماطلعت بالشارع.... كنت الحين مب موجوده وياكم وانور لكم المنتدى ..:)

ومن المواقف الي ما تنسي بعد .. بس مو عني عن ولد اختي
كنا طالعين رحله اسبوع وبهالاسبوع بنمر على كذا مدينه في كلفورنيا .... وبالطريج نمر على مدن صغيرره نريح فيها شوي ...وكنا سيارتين ولد اختي فديته كان عمره 13 سنه اعتقد ... نزل معانا عادي يتمشى ناكل ناخذ تقريبا ساعه الي ساعه ونص بعدين مره ثانيه نكمل الطريج الي نبيه... مشينا طبعا وكان بينا الوكي توكي بين السيارتين وصدفه نسال وين محمد وياكم كل من يقول نوووووووووووو.... وكنا يمكن مشينا اكثر من نص ساعه يعني بعيد...... طبعا طاح قلبنا كلنا متنا من الخوف مدينه مانعرف فيها شي مرينا عليها جذي... ولين رجعنا الحمدالله الحمدلله الا شفناه قاعد نفس مكان الموقف الي كنا موقفين السياره فيه........ لكن كان يووم مو طبيعي من الخوف ما ينسي ما توقعنا نحصله قلنا صار فيه شي او ضاع او بيتم يفتر بالمدينه ومب محصلينه ... لكن الله سترر وطلع ذكي وقاعد ينطرنا بنفس المكان :)


سوري وايد طوولت عليكم ..
ثانكيوو على الموضوع النايس ...

يعجبني الياهل الذكي .. لو غير مكانه ولا دوركم كان مالقتيوه
والله مشكلة يضيع ياهل في السفر .. يخرب عليكم اليوم كله هذا لو لقيتوه :weeping:

أسعدني مرورج vip

[بوحارب]

الريان انه مابي منك رقم ولا شي:no:

[ANONYMOUS]

:eek5:

ليش انت مو مولود في لندل :tease:


هيه

ويوم صار عمري 28 جيت الدوحه

:shy:

[miss-qatr]

الصراحة موضوع حلو

لكن ماادري ليش انا عكس الناس :rolleyes2:


الواحد تطلع مواقفه وهو كبير وانا العكس :nop:



مره قعدت احن واحن واحن واحن إلا ابغي اتزلج ويقولون لي بتكسرين وبتطيحين بجبد نفسك وانا اقول لا وألف لا اتزلج يعني اتزلج http://www.pic4ever.com/images/19.gif

قمت وسحبت ولد اخوي الصغير ولبستة لبس التزلج http://www.pic4ever.com/images/happy.gif


ومسكين خايف اول مره http://www.pic4ever.com/images/4gq6d6h.gif وانا اقوله يالله 1..2 ..3 ويتزلج ومااشوفه الا بعيـــــــــــــــــــــــد ومافيه الا صدى صوته ولا سرعة لامبرغيني ههههههههههههههههههههههههههههههههههه



وأنا من زود الطفاقة على بالي سوبرومن http://www.pic4ever.com/images/onion021.gif وابي الحقة وانا امشي شوي شوي علشان ما ازلق ومره وحده


8


8


8



8


8


ما سمعو الا صرخة يمــــــــــــــــــــــــــــــــــــــــــــــــ ـــــــــــــــــــــــــــــــــــــــه لحقيـــــــــــــــــــني ....

وماوعيت بنفسي الا منسدحه تحت والمزلاج طاير وابي اقوم حالي جذية http://www.pic4ever.com/images/choked.gif


واهو ماصاده شي محد تكسر إلا انا http://www.pic4ever.com/images/maniac.gif

[بنت المنتدى]

هيه

ويوم صار عمري 28 جيت الدوحه

:shy:




:eek2::eek2::eek2:

[سداوي&مدريدي]

والله ماتذكر شي يالرياني :app2:

مواقف الأعضاء ضحكتي ههههههههه :nice:

موضوع عسل مثل راعيه يعطيك العافيه :victory:

[بوحارب]

واهو ماصاده شي محد تكسر إلا انا http://www.pic4ever.com/images/maniac.gif

http://www.qatarshares.com.qa/data/208/211/storm_1756361410_1775724501.gif

سلاماتhttp://www.qatarshares.com.qa/data/208/211/storm_1756361410_1775724501.gif

[شاهيناز]

لما كنا صغارالماما كانت مسيطره علينا في السفر وفي الدوحه في اي مكان
ماكنا نقدر نتشيطن في السفر
بس لما كبرنا صرنا نسوي مقالب تخلي الماما تقول اخر مره اسافر معاكم

وان شاءالله اليوم الفوز رياني يا الريان

[miss-qatr]

http://www.qatarshares.com.qa/data/208/211/storm_1756361410_1775724501.gif

سلاماتhttp://www.qatarshares.com.qa/data/208/211/storm_1756361410_1775724501.gif



الله يسلمك ياخوي:(

بس لاتخاف على اختك :nice:

[!قطريـة بنت القمـر!]

موضوعك شيق

بس ماتذكر شي..

اعتقد يوم كنت صغير ماكنا نسافر :shy:

اول سفره يوم كان عمري 28 سنه

:looking:

^
^
^
^
^
سيــم سيـــم :D


اميـن ازور بيــت الله

[همي علي قدي]

موضوع يخلينا نرجع لايام الشطانه
انا اتذكر كنت تقريبا 7 سنوات كنا مسافرين اعتقد السعوديه طريق بر او الامارات ماذكر
كان عند ابوي تيلفون سياره مال اول اللي كأنه شنطه
وصوته وهو يرن قوي وايد وابوي مستطرب مشغل المسجل
وانا قاعده عالتكايه فالوسط بين امي وابوي وكل شوي
اقلد صوت التلفون يقوم ابوي يقصر عالمسجل يفكر التلفون يرن:tease:
ويرجع يطول واسوي نفس الصوت ويرجع يقصر عالمسجل:eek5:
لين اكتشفني اول شي عصب وقال خل نوصل بضربج بالعقال:weeping:
قعت ابوس يده قام يضحك قال والله امج ماتيييب لي يهال اتيييب عياريييين:shy:

[لاداعي]

أمااا هاااي اللي ينثر الفلوس !!!

الله يعييين ابوه عليه


اممم مواقف ماذكر والله بس اقولك موقف صار حق اخوي

كان عمره 9 وكنا رايحين عمره احنا وبيت خالي وهاي مب اول مره

عاد كلنا رايحين نسعى والحزه اللي كنا رايحين فيها ما كان فيها حد

المهم تمينا نسعى الين خلصوا كلهم وباقي نروح كلنا الفندق

تمينا ننطرهم كلهم ياو الا اخوي قعدنا ندور

دورنا في المسعى ما حلصنا

طلعنا عند الحرم .. هم ما لقينااه !!

طلعنا برا قلنا يمكن عند الحمام بعد ما لقيناه

تمينا نحوووس وندور مافيه رحنا عاد عن الامن هم قالوا ما جافوه

المهم تمينا ندوور ثلاث ساعات !

عاد انت تخيل ضاايع وفي مكه

وبس عقب حصلوه طلع قاعد ويا الامن اللي داخل وانه يتصل في ابوي وابوي مخلي جواله القطري وماخذ السعودي

وشنوو سبب الضياع وهاي كله عقب ما خلص سعي راح يتمشى بالاسواق عشان العصر يروح لهم

بس عاد نغص عليناا

وردينا الدوحه من ثاني يوم

يعطييك العاافييييه عل الموضوع العجيييب

وصباحك نور وسرور

:omg: يمكن رايح يسترى اشرطة سوني :shy:

الحمدلله على سلامته

[لاداعي]

برجع لاتخااااف :anger1:


بس الحين ماذكر شي يالغالي :nice:

[دانـة قطـر]

بالنسبه لموقفي يوم كنت صغيره..كنا في لندن وساكنين في عماره كلها قطريين :nice:

وكل نزلوا ناس جدد فالعماره نضيفهم ونطرش لهم ريوق ووو

في يوم سكنوا أهل منصور مفتاح في نفس العماره :tomato:

وقالت أمي ودي لهم الريوق أذكر كان بلاليط :rolleyes:

وأحنا ساكنين أعتقد فالدور 4 وهم في الدور 2 :con2:

وقفت لي أمي عند باب شقتنا وركبت الاصنصير بروحي وكان الباب شبك يعني أشوف اللي برا واللي برا يشوفوني هذا اللي مطمني ومطمنها :rolleyes2:

وهو ينزل كان ينزل شوي شوي :eek5:

وصلت للدور الثالث ولقيت حريم كل وحده جدام شقتها وتهذر ويطالعوني ويقولن حرااااااااااام :(

لإن اللفت شير بين الدور 2 و3 crazy

وأصيح من قمة راسي :eek3: وكل اللي فالعماره طلعوا :rolleyes2:

وأبوي قاعد مع الرياييل فالرسبشن واسمعوا الصوت :shy:

هذا كله وأنا لين ألحين ماسكه صحن البلاليط في يدي:p

تجمعوا أهل العماره كلهم ويواسوني ألحين بنطلعج لا تخافين :victory:

الحمدلله فتحوا اللفت وكان بين الدورين ونزلني أبوي وعطيت الناس ريوقهم وأنا أعيط :eek3:

هذي موقف من ضمن المواقف ولي عوده إن شاء الله :shy:

[ALRAYYAN]

ماتذكر شي :(

انا كنت مأدبة وماسوي شيطانه والكل يحبني واخاف من امي :rolleyes2:

شفيك على مواضيع السفررر :secret:

متأكـــده :omen2:

شاسوي أحب السفر :nice:

[غزلان]

موقف بلندن ما بنساه رحنا للسوبر ماركت مع امي وخالتي طبعا تعرفون الأستاند الى يحطون فيه الصور لمعالم لندن عند باب السوبر ماركت واصيح الا تشترونه كله لي حاولت امي تشتري لي كم صوره وانا لا وعقب سحبتني غصب للسياره بدون ولا صوره:(

--

[ALRAYYAN]

الموضوع حلوووو ...

بصراحه انا وايد جننت هلي وانا صغيره فالسفر ...

من هالمواقف ..

مره كنا مسافرين للبنان احنا وبيت رفيق الوالد عاد رفيق الوالد عنده بنت كبري قعدنا الصبح من وقت انا والبنت متمللين كنا صغار قمنا وطلعنا وايامها لاجوال ولا هم يحزنون وضعنا ماردينا الا المغرب .. وحنا ولا همنا اكل ومرعى والاهل يدورونا يوم حصلونا نضربنا ضرب ههههههههههههههه والله مانسى هالموقف

:) :) :)

هههههههههههههههههههههههه

والله الضرب شوي عليكم أختي أم عبدالرحمن
من الصبح للمغرب .. وين رايحين كل ذي .. الكبار يخافون يضيعون وانتوا ماتخافون

الله يستر عليكم دوم يارب ويخلي لج عبدالرحمن ويلعوزونج أعياله في السفر .. بس مايضيعون :nice:

[ALRAYYAN]

:shy:




بمناسبة هالموضوع المميز انا عازمه الكل على اي رحلة يبونها ولاتحاتون اي شي دام انا بكون الكابتن ان شاءالله .. فكروا وردوا علي خبر وانت اولهم ياالريان :shy::shy::shy: ....




والله انا ما تذكر شي .. زين مني اتذكر وش تغديت اليوم :tease: .. لكن عندي وحده من خواتي تكسر خاطري مسكينه لازم في كل سفره لها يضيع واحد من عيالها خخخخخخخخخ


يعطيك الف عافيه

لاهنت :nice:

الفكره اللي فوق أنسيها بالمره .. ولا عاد تتعودينها :anger1:

أما أختج وأعيالها .. هههههههههههههه

مالها الا تكلبشهم كلهم في بعض وآخر كلبشه في يدها :tease::tease:

[ALRAYYAN]

الريان انه مابي منك رقم ولا شي:no:

هههههههههههههههههههههههههههه

معناته مانسيت الرساله :tease:

[قطريه ماركه]

موضوع حلوو استمتعت في قراءة السوالف ..

أما عن المواقف يعني شطانه بريئه *__^

يسلمو الريــــــــان ..

[شمعة المنتدى]

الحمد لله ،، ما سويت شي ،، احرجت اهلي فيه ،،

مسااالمه :)

[Fendi]

صباااح الخير اخوي الريااان
والله يعطيك العاافيه ع الموضوع المميز
اممم امم
اتذكر سنه من لسنين كنا في الأمارااات
ابوي الله يرحمه كاان شاري لي جوتي بو تواااير
المهم قاااعد اشوف الجوتي وخااطري اجربه
مافيني صبر انطر لان قالي ابوي البسه في الدوحه
المهم هلي غفلو عني لبسته وطلعت في الممر والممر
في سجاااد نزلت اللوبي اجربه ماوعيت نفسي إلا ساحبيني السكورتيه
وموديني الغرفه حق ابوي :shy::shy:

[ALRAYYAN]

الريان انه مابي منك رقم ولا شي:no:

أقول يمكن بعد :omen2:

[ALRAYYAN]

الصراحة موضوع حلو

لكن ماادري ليش انا عكس الناس :rolleyes2:


الواحد تطلع مواقفه وهو كبير وانا العكس :nop:



مره قعدت احن واحن واحن واحن إلا ابغي اتزلج ويقولون لي بتكسرين وبتطيحين بجبد نفسك وانا اقول لا وألف لا اتزلج يعني اتزلج http://www.pic4ever.com/images/19.gif

قمت وسحبت ولد اخوي الصغير ولبستة لبس التزلج http://www.pic4ever.com/images/happy.gif


ومسكين خايف اول مره http://www.pic4ever.com/images/4gq6d6h.gif وانا اقوله يالله 1..2 ..3 ويتزلج ومااشوفه الا بعيـــــــــــــــــــــــد ومافيه الا صدى صوته ولا سرعة لامبرغيني ههههههههههههههههههههههههههههههههههه



وأنا من زود الطفاقة على بالي سوبرومن http://www.pic4ever.com/images/onion021.gif وابي الحقة وانا امشي شوي شوي علشان ما ازلق ومره وحده


8


8


8



8


8


ما سمعو الا صرخة يمــــــــــــــــــــــــــــــــــــــــــــــــ ـــــــــــــــــــــــــــــــــــــــه لحقيـــــــــــــــــــني ....

وماوعيت بنفسي الا منسدحه تحت والمزلاج طاير وابي اقوم حالي جذية http://www.pic4ever.com/images/choked.gif


واهو ماصاده شي محد تكسر إلا انا http://www.pic4ever.com/images/maniac.gif

هههههههههههههههههههههههههههههههههه

الحين انتي خايفه عليه طلع هو اشطر منج

يعطيج العافيه وماقرتي على هالطله خيتو :nice:

[ALRAYYAN]

والله ماتذكر شي يالرياني :app2:

مواقف الأعضاء ضحكتي ههههههههه :nice:

موضوع عسل مثل راعيه يعطيك العافيه :victory:

معقوله ماتتذكر أي شي .. شكل المواقف من كثرها مو عارف شتقول وشتخلي :tease:

مرورك هو العسل ياعسل :nice:

[ALRAYYAN]

لما كنا صغارالماما كانت مسيطره علينا في السفر وفي الدوحه في اي مكان
ماكنا نقدر نتشيطن في السفر
بس لما كبرنا صرنا نسوي مقالب تخلي الماما تقول اخر مره اسافر معاكم

وان شاءالله اليوم الفوز رياني يا الريان

ههههههه

يعني مسويه عليكم كنترول من صغركم

الله يخليها لكم ويمدها بالصحه والعافيه

عساها ريانيه بس :omen2:

[ALRAYYAN]

^
^
^
^
^
سيــم سيـــم :D


اميـن ازور بيــت الله

الله يبلغج يارب .. مرورج أسعدني :)

[ALRAYYAN]

موضوع يخلينا نرجع لايام الشطانه
انا اتذكر كنت تقريبا 7 سنوات كنا مسافرين اعتقد السعوديه طريق بر او الامارات ماذكر
كان عند ابوي تيلفون سياره مال اول اللي كأنه شنطه
وصوته وهو يرن قوي وايد وابوي مستطرب مشغل المسجل
وانا قاعده عالتكايه فالوسط بين امي وابوي وكل شوي
اقلد صوت التلفون يقوم ابوي يقصر عالمسجل يفكر التلفون يرن:tease:
ويرجع يطول واسوي نفس الصوت ويرجع يقصر عالمسجل:eek5:
لين اكتشفني اول شي عصب وقال خل نوصل بضربج بالعقال:weeping:
قعت ابوس يده قام يضحك قال والله امج ماتيييب لي يهال اتيييب عياريييين:shy:

هههههههههههههههههههههههههههههههه

والله ضحكتيني .. تخيلت نفسي بنتي تلعب بي جذي وانا اسوق

بس العياره تنفع أحيانا :victory:

يعطيج العافيه وتسلمين ع المرور :nice:

[ALRAYYAN]

برجع لاتخااااف :anger1:


بس الحين ماذكر شي يالغالي :nice:

:con2:

[ALRAYYAN]

بالنسبه لموقفي يوم كنت صغيره..كنا في لندن وساكنين في عماره كلها قطريين :nice:

وكل نزلوا ناس جدد فالعماره نضيفهم ونطرش لهم ريوق ووو

في يوم سكنوا أهل منصور مفتاح في نفس العماره :tomato:

وقالت أمي ودي لهم الريوق أذكر كان بلاليط :rolleyes:

وأحنا ساكنين أعتقد فالدور 4 وهم في الدور 2 :con2:

وقفت لي أمي عند باب شقتنا وركبت الاصنصير بروحي وكان الباب شبك يعني أشوف اللي برا واللي برا يشوفوني هذا اللي مطمني ومطمنها :rolleyes2:

وهو ينزل كان ينزل شوي شوي :eek5:

وصلت للدور الثالث ولقيت حريم كل وحده جدام شقتها وتهذر ويطالعوني ويقولن حرااااااااااام :(

لإن اللفت شير بين الدور 2 و3 crazy

وأصيح من قمة راسي :eek3: وكل اللي فالعماره طلعوا :rolleyes2:

وأبوي قاعد مع الرياييل فالرسبشن واسمعوا الصوت :shy:

هذا كله وأنا لين ألحين ماسكه صحن البلاليط في يدي:p

تجمعوا أهل العماره كلهم ويواسوني ألحين بنطلعج لا تخافين :victory:

الحمدلله فتحوا اللفت وكان بين الدورين ونزلني أبوي وعطيت الناس ريوقهم وأنا أعيط :eek3:

هذي موقف من ضمن المواقف ولي عوده إن شاء الله :shy:

هههههههههههههههههههههههه

اهم شي صحن البلاليط

والله أنتوا خوووووووش جيران .. بلاليط في لندن

أهل كرم والله .. وين تسكنون :shy:

ولا خلاص ماعاد في بلاليط :omen2:

تسلمين ع المرور خيتو وماقصرتي

[ALRAYYAN]

موقف بلندن ما بنساه رحنا للسوبر ماركت مع امي وخالتي طبعا تعرفون الأستاند الى يحطون فيه الصور لمعالم لندن عند باب السوبر ماركت واصيح الا تشترونه كله لي حاولت امي تشتري لي كم صوره وانا لا وعقب سحبتني غصب للسياره بدون ولا صوره:(

--

هههههههههههههههههههههههههههه

اي هذي النحاسه اللي تضيع كل شي .. مجربها أنا والله :shy:

ضحكتيني والله ,, تسلمين على المرور أختي غزلان

[ALRAYYAN]

موضوع حلوو استمتعت في قراءة السوالف ..

أما عن المواقف يعني شطانه بريئه *__^

يسلمو الريــــــــان ..

يعني مافي شي مني مناك ياماركه ؟! :omen2:

عساج دوم مستمتعه خيتو :nice:

[فلفل حار]

هلا الغالي


للحييين أعصررر راسي


ولييين طلعت بشي

بشارك لأجل عيوونك بس


تامرر أمررر



مسيوو/ بوخالد911

الظاهر أنك عاديتني يا بوخالد:eek5:

حتي انا مب متذكر شي :weeping: