السد يكسب قضية إيمرسون

[المزن الرياني]

رسميا انتهت العلاقة بين نادي السد ولاعبه البرازيلي ايمرسون وذلك بعد أن فصلت المحاكم في القضية التي رفعها النادي ضد اللاعب وتم الزام اللاعب بتسليم كل مستحقات النادي بما فيها السيارة والمنزل الخاص بالنادي ويتوقع أن يكون اللاعب قد غادر الدوحة بلا عودة لينتهي بذلك الفصل الأخير من المسلسل الذي شغل الشارع الرياضي طوال الفترة الماضية.
من جهة أخرى يستأنف الفريق السداوي تدريباته اليوم بعد راحة قصيرة أعقبت الهزيمة غير المتوقعة التي تعرض لها الفريق أمس الأول أمام قطر وتسببت في احداث حالة من الاحباط والقلق داخل أروقة النادي الذي تتطلع جماهيره لاستعاده درع الدوري.


http://www.raya.com/site/topics/article.asp?cu_no=2&item_no=423778&version=1&template_id=18&parent_id=17


:secret:

[بوعلي2]

شكرا للنقل الجميل

[شاي كرك]

ومستحقات الاتحاد .. شصار فيها ؟؟ و من يحاسب عليها .. ؟؟ ..:whistling:

[المزن الرياني]

شكرا للنقل الجميل


الشكر لك على المرور :)

[المزن الرياني]

ومستحقات الاتحاد .. شصار فيها ؟؟ و من يحاسب عليها .. ؟؟ ..:whistling:





صج السالفه فيها 30 مليون قيمه قبوله الجواز ؟! :secret:

[سداوي&مدريدي]

مع السلامه إيمي

وهارد لك لجمهور الزعيم على الخساره :(

شكرا على الخبر

[البيت القديم]

""

السوال اللي يرضخ نفسه في موضوع ايمرسون ..

بما اني عرباوي .. اصير نادي العربي اييب ايمرسون؟؟؟:whistling:

اسمحولي السوال اييب الشرده...

مع السلامه

escape

[شاهيناز]

الخساره لسد

ايمي كان الورقه الرابحه لنادي السد

الاداره السداويه السنه اعتمدت على الثلاثي ايمرسون تينو وفلبي

مع بدايه الموسم ايمي تهاوش مع سالم العلي وتم توقيفه
تينو رباط صليبي

فلبي مايقدر سوي شئ بدونهم

جابو الي اسرع من الفهد واشرس من الاسد
طلع ولا شئ


بس ياليت ادارة الريان تفكر في ايمرسون


ايمي ودينايه
من يقدر علينا وقتها
ويسلمو خيو على الخبريه

[شاي كرك]

صج السالفه فيها 30 مليون قيمه قبوله الجواز ؟! :secret:


مليون روبيه .. ؟؟ :whistling:

[سداوي&مدريدي]

الخساره لسد

ومن قالج السد خسران ؟ السد هو الي جاب إيمي ويقدر يجيب الي احسن منه :nice:

ايمي كان الورقه الرابحه لنادي السد

للتذكير المواسم الي راحت اغلب مباريات السد كان يلعبها ناقص بدون محترفين

وكنا نفوز على فرق كبيره :victory:

الاداره السداويه السنه اعتمدت على الثلاثي ايمرسون تينو وفلبي

عدم توفيق لا اكثر ولا اقل

مع بدايه الموسم ايمي تهاوش مع سالم العلي وتم توقيفه
تينو رباط صليبي

عين ماصلت على النبي :omen2:

فلبي مايقدر سوي شئ بدونهم

المدرب السبب :nice:

جابو الي اسرع من الفهد واشرس من الاسد
طلع ولا شئ

مب زينه الشماته ديانيه بدون الريان سلطه :nice:

بس ياليت ادارة الريان تفكر في ايمرسون

فكرو في الدرع افضل لكم وخلو عنكم هالاعب ماوراه الا المشاكل



ايمي ودينايه
من يقدر علينا وقتها
ويسلمو خيو على الخبريه


:nice:

[المزن الرياني]

مليون روبيه .. ؟؟ :whistling:

:swoon2:

[شاهيناز]

:nice:

سداوي ماشمت بس كنت حاسدتكم على ايمي وتينو

صحيح تينو العام مالعب الا في النصف الثاني من الدوري

بس ساهم في رفع مستوى السد وكان الفارق بينه وبين الغرافه مب كبير
ولولا حذف نقاط الشمال من السد كان الدوري طار لسد

ولا توصي حريص تفكيري كله في الدرع:shy:

[زقرتي ومزاجي]

اللي يزعّل المنتخب .. يزعلنا والله حتى لو انه سداوي

الدنيا ماراح توقف لا على ايمي ولا غيره .. لو فيه خير ماعافه الطير

وخل حد يسويله مثل ماسوت قطر ...

[الواعد]

نفسي اعرف ايش المشكلة الأخيرة اللي صارت بين ايمرسون ونادي السد ؟؟؟


ممكن أحـــد يقول لي بالتفصيل ؟؟

إذا كان الموضوع صعب ينكتب هنا ياليت اللي يعرف


يرسله لي على الخاص

أبي اعرف السالفة بالضبط

[شاهيناز]

نفسي اعرف ايش المشكلة الأخيرة اللي صارت بين ايمرسون ونادي السد ؟؟؟


ممكن أحـــد يقول لي بالتفصيل ؟؟

إذا كان الموضوع صعب ينكتب هنا ياليت اللي يعرف


يرسله لي على الخاص

أبي اعرف السالفة بالضبط

السالفه مثل ماقريتها في المنتديات الرياضيه ان ايمرسون تهاوش مع سالم العلي
وقاله كلام وايد