استفسار .. هل هالسيارة تدخل قطر ولا ممنوعة من الدخول ؟؟؟

[حمد بن خالد]

السلام عليكم ورحمة الله وبركاته

شحالكم

عندي واحد من الربع من هل بوظبي يبي يي الدوحة

وعنده هالسيارة ومصرحة في بوظبي

بس مادري هل يدخل قطر ولا بيمنعونه

لاني سألت الجمارك ولا حد فهم علي ؟؟

لون السيارة كروم ذهب


http://www.3nabi-up.com/uploads/images/2009-vip-c4e0a148d3.jpg


http://www.3nabi-up.com/uploads/images/2009-vip-fea2403d57.jpg


http://www.3nabi-up.com/uploads/images/2009-vip-0a4d086278.jpg


http://www.3nabi-up.com/uploads/images/2009-vip-77bc3bf061.jpg

http://www.3nabi-up.com/uploads/images/2009-vip-8ae24cc37c.jpg


اللون مش صبغ

اللون ستكر

ياليت حد يفيدني بالموضوع

؟؟؟

[الم وفراق]

لا ماتدخل الشيخ ممنوع هلوووون

[حمد بن خالد]

مايعتبرونه ضيف كم يوم ويرد ؟؟؟

[بو الجوري]

اذا خاطره يدش .. انا أقول يعطي الموتر تغبيره كاامله .. ويدش مابينتبهووون .. :secret:

[Sharshooooor]

اذا بتسجلها في قطر ممنوع لكن زاير عادي بس اللون مطابق مع الملكية
والعلم عند الله
مرورنا كل يوم لهم قانون وكل شرطي يألف قانون بروحة

[مستثمر 999]

اعتقد انه مسموح

مثل المخفي 100% على السياره كلها مسموح للسيارات الخليجيه مع وجود تصريح مسبق

خله يدخل في بالليل يبين كنه اللون الزعفراني الجديد

السالفه كلها كمن ساعه( 5 ساعات ) من ابوظبي واذا قالوا له شي يرد ابوظبي معزز مكرم

[قطر2005]

السلام عليكم اخوي اذا اللون مطابق مع ملكيه السياره مافي اي مشكله وانا اطوفه على مسؤليتي هههههههههههه

[حمد بن خالد]

بسأله اذا اللون مطابق مع الملكية أو لا

ومشكورين عالمداخله الطيبه

[حمد بن خالد]

يقول الملكية مكتوب فيها ذهبي

يعني عادي يدخل ؟؟

[بن درويش]

عادي يدخل من بوسمره
بس يمكن حد يوقفه بالدوحه من الدوريات

[بو نايف]

انا شوف هاليومين مرسيدس لوحتها بو ظبي لونها احمر مطفي (استكر)


يفتر في الدوحة


يعني عادي

[قطر2005]

مرحبا اخوي المرسيدس الحمر في الملكيه بعد حمر وشكرا

[همر]

المطفي ماعليه مشكله مثل الكروم

بيقولون لك يعكس فلاش الرادار

ويعكس الضو على السيارات الثانيه

واحتمال يتسبب في حادث

وهلم جرا

واتوقع المرور بيقفونه في كل شارع !

[بومحمد911]

حياااه الله

[تايد]

لاني سألت الجمارك ولا حد فهم علي ؟؟


افضل طريقه اخوي انك تتصل على اداره الجمارك مره ثانيه وتحاول تفهمهم

عشان تكون متأكد 100% من المعلومه اللي بتعطيها للشخص الزائر

او انك تتواصل مع الأخ الفاضل jajassim لأنه هو اكثر شخص في المنتدى

ممكن يفيدك بهالخصوص او بعض الأخوه الأعضاء اللي يشتغلون في الجمارك

ولا يهونون بقيه الأعضاء

[صليب الراي]

مليونين في الملياااااااااااااااار انه ممنوووووووووووووووع في قطر
اقولك المطفي ممنوع
تقولي جليت !

ربنا يصلحك يابوخالد لا تحلم وايد وتحطم مثلي كل شي عندنا ممنوع وما يصير فديت خشمك

[Aziiiz]

بالتوفيق

[حمد بن خالد]

افضل طريقه اخوي انك تتصل على اداره الجمارك مره ثانيه وتحاول تفهمهم

عشان تكون متأكد 100% من المعلومه اللي بتعطيها للشخص الزائر

او انك تتواصل مع الأخ الفاضل jajassim لأنه هو اكثر شخص في المنتدى

ممكن يفيدك بهالخصوص او بعض الأخوه الأعضاء اللي يشتغلون في الجمارك

ولا يهونون بقيه الأعضاء

ماقصرت الغالي

انا اتصلت وقلت لهم عن اللون ووضحت لهم انه مثل لون المخفي العاكس

قال الموظف مامرت علينا هالحالة لكن اذا عليه مخفي لازم يشيله !!

قالوا لي احنا ما اعتقد راح نمنعه من الدخول لان ماعندنا قوانين تنص عـ هالشي بالنسبة للحدود

لكن في الدوحة اعتقد راح يوقفونه

عالعموم

الريال راح يشرفنا هالأسبوع ان شاء الله

والله يكتب اللي فيه الخير

كلها يومين وبيرد بوظبي

ومشكورين عالتواصل

:)

[qatar711]

لا ممنوع
لاني لو شفت هالسياره بدعمها
انت شفيك تبي تقهرنا الله يهديك... الله يسامحك وين حاط الصوه
الحين خلاص بكنسل سيارتي بعد ماشفت الصورة


عسى ربي يحفظك