المساعد الشخصي الرقمي

مشاهدة النسخة كاملة : سؤال لاهل الخبرة . . . بخصوص سهم ( وقود ) . . . .



السلطــــان
08-02-2005, 07:28 AM
السلام عليكم ورحمة الله وبركاته


اول شي احييكم على هذا المنتدى الرائع واحيي القائمين عليه من سوبر مشرفين ومشرفين . . . واخض بالذكر منهم حبيب قلبي انتعاش :D



يا جماعة الخير انا عندي كمية ( حليوة ) من اسهم وقود . . .


ومثل ما انتوا شايفين السهم ارتفع بقوة . . بعد ما كان في الـ40 وصل امس حوالي 79 . .


وانا لي نية ابيع اللي عندي في وقود عشان اشتري في ناقلات لما تنطرح للتداول . .



بس حبيت استشريكم في الوقت المناسب لبيع اسهم الوقود . .

متى تنصحوني ابيع في خلال فترة الشهرين القادمين ؟؟




وشكرا


تحياااتي :rolleyes:

سوبر سهم
08-02-2005, 11:02 AM
السلام عليكم ورحمة الله وبركاته
اولا حياك الله بينا :)
وان شالله تستفيد واتفيد من انضمامك لنا

بالنسبة لسؤالك

من رأي انك ماتبيع لان دخول الاجانب بيكون في 3/4

يعني قبل طرح ناقلات

اللي معروف ان المستثمرين الغير القطريين... اول مابيشترون
بيشترون صناعات ووقود وو كهرباء.

فبيرتفع باذن الله سعر وقود ....

بيع في ذاك الوقت ومن وقت البيع 3/4 او 4/4 او بعد عندك وقت لين طرح ناقلات

وانت لك حرية الاختيار:)

فمان الله

متداول
08-02-2005, 12:59 PM
ارهنها وخذ مقابلها سلفة وادخل الاكتتاب ولما يطرحون شركة الناقلات في السوق بيع جزء منها و شد حيلك !

إنتعاش
09-02-2005, 12:08 AM
السلطــــان

هلا وغلا فيك اخوي الحبيب

شاكر لك حضورك الرائع والجميل

واتمنى لك الفائده والمنفعه اخوي

بالنسبة للوقود

اذا انت بتصبر عليه وعندك إمكانيه تكتتب في الغاز فهذا شي طيب

اما عملية انك تفكر تبيعه عشان تشتري في الغاز ( لما تطرح للتداول في البورصه )

اعتقد عملية شوي يبيلها تفكير حيث ان سهم الغاز لما ينزل

راح يكون في تأرجح غير منطقي لمدة تزيد عن شهر يعني بين 30 إلى 60 يوم

وهو غير مستقر

فأشوف انك تمسك الوقود في حالة توافر كاش للإكتتاب في الغاز

والغاز لا تفكر فيه اخوي للشراء ( طويل الاجل ) إلا بعد 1/6/2005

هذا اللي اشوفه وممكن يكون كلامي غلط :)

إنتعاش
09-02-2005, 12:13 AM
وبنظرة سريعه لبيانات الشركة الماليه حاليا ً

من المشاهد إمكانية تحقيق الشركه لمبلغ 100 مليون ريال كصافي ربح للسنة هاذي

فعليه توقع توزيع 25 % على السهم الواحد

وشكرا

qatar_moon
09-02-2005, 01:10 AM
ممتاز بس تتوقعون ليش الناس قاموا يجمعون فيه فجأه