وين بالدوحه يسون Tan للجسم كله؟؟

[VIPLady]

صباح الخير

ياليت حد يقولي عن صالون او وحده تجي البيت تسوي التان للجسم كامل..
لو يكون بالجهاز طبعا احسن ؟ بس في حد يدري وين متوفرهالجهاز اقصد في اي مركز او اي صالون بالدوحه ؟؟؟

واذا الجهاز مو متوفر.. في اي صالون او مركز تجميل يسونه و يضبطونه حتى لو بالكريمات ؟؟


وشكرا

[الياقوت99]

ان شالله البنات يفيدونج -- بالتوفيق

[eXpert*]

اختي مايبيله جهاز ولا شي .

في كريم ينباع تحطينه على كامل الجسم وخلال ساعتين يغير من لون البشرة.

واذا اللون للحين مب هو المطلوب ترجعين تحطينه لحد ما يصير اللون المطلوب.

[VIPLady]

اختي مايبيله جهاز ولا شي .

في كريم ينباع تحطينه على كامل الجسم وخلال ساعتين يغير من لون البشرة.

واذا اللون للحين مب هو المطلوب ترجعين تحطينه لحد ما يصير اللون المطلوب.



اعرفه و جربته الصيف الي فات...

بس ابي شي احلى واضبط وبالجهاز يطلع وايد احلى .....واسهل

ثانكيوو حياتي على المعلومه ...

[بنت سعادة السفير]

ماعندي اي فكره حبووبه
ان شااء الله البنات يفيدووونج

[الألماسي]

شمس شهـر 8 :secret:

[majedah]

ان شااء الله البنات يفيدووونج

[عذبة الأطباع]

شنو tan

عشان استفيد

[فكتوريا]

صالون باريس نيلز اللي في اللاند وترى خذنا المادره وفحصناها طلعت كلها مواد طبيعيه مب ضاره

[الكايـــده]

نيللللز الرويااااااااااااااااال

[aldanaaa]

اختي انا جربت نيلز الي في الرويال
عندهم سبري تان حلو بس الاحلا اذا تسمرتي طبيعي وسيتي فوقه السبري تان

نصيحه اذا بتسوين سوي عند وحده اسمها روز وايد شاطره

[الكايـــده]

انا خاطري فالتااان الطبيييعي ماظنتي عندنا فالدوووحه !! حد عنده فكررررره


انا مدحوووا لي نيلز الرووويان عندهم ررش ومكينه والاحلى سعرهم 200 رياال بس :)

[VIPLady]

ثانكيووو كلكم على المعلومات
وبكره ادق عليهم اخذ كل التفاصيل عنهم

بس سؤال؟؟؟ الي ابيه بالجهاز الكامل هل متوفر باي مكان بالدوحه او للحين بالكريمات والبخاخ ؟؟؟

[الطيبة كلها]

ايش فايده التان

[feraszain]

يا ريت بعرف اختي كنت ساعدتك
بالتوفيق

[ليدي قطر]

باريس نيلز - لاند مارك ((( روعه ))) أنا مجربته ... بس اعتقد زيدو أسعارهم شوي

[VIPLady]

ايش فايده التان

من باب التغير خيتووو

وبالصيف يكون طابع البرونز على الجسم حلوووو و نيوو لوك وستايل غيرر ... مو اكثرر

[مسك قطر]

ايش فايده التان

فايدته طالع عمرج انه يسود البرصه ,, يعني ما منه فايده

[عليان قطر]

خلونا نعرف

وش هالبتان
فينا حب استطلاع

:nice:

[المزن الرياني]

خلونا نعرف

وش هالبتان
فينا حب استطلاع

:nice:



سوالف حريم :secret:

[عليان قطر]

اسف

انا راحل عن المشاركه

الف شكر ع التوضيح

[دبلوماسيه]

الجهاز موجود عند دكتور الجلد بهيج الحلته

[مسك قطر]

سوالف حريم :secret:

هي سوالف الكل يعني مب بس حريم في كل مكان في العالم .. بس في في الدوحه محد يسوي الفناتق الا الحريم ..

يعني مثلا لوتشوف فلم مصور عالبحر .. تلاقي الريال محتشم ولين الركبه .. بس تعال شوف البنت .. هههههه مع انه المفروض العكس ...

قالت شنو .. قالت نيو لووك .. ما جنها متغطية ..

[حقيقه]

عادي نيو لوك للوجه والايدين اعتقد :victory:

مع انه عمري ماجربته وتوني عرفت شنو هو لانه من زمان اسمع عنه ولا اعرفه
احسبه تاتو :nice:

[برق قطر]

كلها كم شهر وجاي التان الطبيعي الاصلي..بس يجي الصيف

[qtrzone]

حبوووبة تبين صبغ بس حق اسبوع نييلز الي بالرويال


انا اذا تبين ال سولاار (( الاشعه )) solar bed يتم شهرين

فتلقينه في جولدن جم ,,,, اظن الجلسه الوحده ب 75 ريال ومدت الجلسه 15 دقيقه يبيلج عالاقل 5 جلسات عشان يضبط اللون الي تبينه لو انتي فاتحه وايد ,, طبعا لازم تحيطن تان سبرري على جسمج او كريم نفس الي تستخدمينه لما تتشمسين تحصلينه في السلام في كذا ماركه ,,,

او تحطين فالبيت بيبي اويل قبل لاتروحين تسوي التان ,,,


انشالله اني قدرت افيدج ,,,

على فكره جودلن جم لازم تروحين بالنهار لان وقت الحريم بالنهار لين 12 الظهر ,,,



تحياتي لج ,,,

[VIPLady]

كل الشكر للي شاركوا و نوروا الصفحه بتعليقاتهم
عليان قطر ..المزن الرياني.. تسلمون على المرور

دبلوماسيه...
مشكور حياتي و بتصل بشوف تسلمين ماقصرتي على المعلومه

اختي مسك قطر..
النيو لوك...... في بيتي لي و حق عمري .. والتغطيه برى مو بالبيت مع هلي ومع زوجي ورفيجاتي .. والتغير حلو والاهتمام بالجسم وتغير الوك شي حلو ويبرز الانوثه .. واتوقع حلو الوحده تهتم بنفسها ..... وبالنهايه الناس اذواق و رايج على عيني وراسي وماقصرتي على التعليق والسخريه

حقيقه..
يس عادي النيو لوك للجسم كله .. يطلع حلو خيتو جربيه بالصيف

برق قطر..
هذا اسهل واضبط .. وابيه للصيف مو الحين :) ميرسي حياتي على التعليق الحلو

qtrzone
ثانكيو حياتي على الاهتمام والمعلومه وجولد جم يم بيتنا بدق عليهم او بمرهم ..انا جربت الي يتم اسبوع بس افكر اجرب الي شهرين ... ماقصرت تعبتج معاي يا ذوق

[sos_store]

انشالله يفيدونج البنات ماعندي فكره السموحه

[فيونكة قطرية]

مشكووورين فديتكم أفدتوني ومشكورة صاحبة الموضوع سؤالج جا في وقته.. :)

[فيونكة قطرية]

وللي تقول انه احنا متغطيين ومايصير نسوي نيو لوك ف آسفة .. شوفي البنات وين وصلوا ولازم البنت تتعدل وتهتم في نفسها لزوجها.. ظن السوء مب حلو منو قال ان البنت بتسوي تان وبتطلع تستعرض فيه..والحمدلله بنات شابات حلوات ونبي نهتم بنفسنا.. الحمدلله على النعمة.. واسفة يا صاحبة الموضوع على تعليقي هذا بس ماقدرت أسكت :)

[VIPLady]

وللي تقول انه احنا متغطيين ومايصير نسوي نيو لوك ف آسفة .. شوفي البنات وين وصلوا ولازم البنت تتعدل وتهتم في نفسها لزوجها.. ظن السوء مب حلو منو قال ان البنت بتسوي تان وبتطلع تستعرض فيه..والحمدلله بنات شابات حلوات ونبي نهتم بنفسنا.. الحمدلله على النعمة.. واسفة يا صاحبة الموضوع على تعليقي هذا بس ماقدرت أسكت :)

لا تتاسفين اختي فيونكه... بعد عمري انتي وتعليقج نورتي الصفحه كلها باسمج و الي كتبتيه ..

المنتدى عام و راح تلقين كل المستويات وكل الطبقات الهاي و الو كلاس وكل من وتكفيره و نظرته ومبدئه لاي شي.....فمو لازم تردين على الكل ....
ممكن تقولين ثانكيو و لا كانج شفتي شي احسن ما تردين على الي يسوى والي ما يسوى.. لانج راح تواجهين ناس بيتمون يناقشونج لين ما يخربون الموضوع و يتم اغلاقه و في النهايه صاحب الموضوع اهو الخسران بسبب ناس ما تسوى

خلج حياتي من الرد .. وقولي لي اذا سويتي التان و شلون بيطلع اوكي :victory:

[شجرة الدر]

عفوا شنو يعني تان افيدونا

[سلامي للكل]

عفوا شنو يعني تان افيدونا

تان ياطويلة العمــر هو تغير لون بشرة الجسم الى اللون البرونزي

وفي كذا طريقة لعمل التان اما بالكريمات والبخاخات او استخدام جهاز معين مع الكريمات:)

هذا اللي اعرفه بشكل عام عن التان :shy:

وفااااااااااالج التوفيــق :victory:

[وطن]

اختيي اخبر الجهاز يكون موجود بالسبا

اتصلتي شيكتي عند الفنادق؟

[VIPLady]

اختيي اخبر الجهاز يكون موجود بالسبا

اتصلتي شيكتي عند الفنادق؟

ثانكيو يا ذوق انتي
بتصلهم بشوف انشالله ...

[VIPLady]

تان ياطويلة العمــر هو تغير لون بشرة الجسم الى اللون البرونزي

وفي كذا طريقة لعمل التان اما بالكريمات والبخاخات او استخدام جهاز معين مع الكريمات:)

هذا اللي اعرفه بشكل عام عن التان :shy:

وفااااااااااالج التوفيــق :victory:


ثانكيوو سلامي للكل على هالتوضيح البسيط :)

يعطيك الف عافيه خيوووووو
نورت الموضوع

[HEART_LION]

بالنسبه للجهاز ماانصحج لانه يسبب سرطان الجلد والله أعلم

روحي الماريوت فيه وحده ماعرف وش جنسيتها تسوي رش صوب السبا

اول جلسه 200 ريال والجلسه الثانيه الف وشوي بس شي راقي ولازم تاخذين موعد

بالتوفيق

[VIPLady]

مســك قطـر (( اللـه يهـديـج اشفيـج على الموضوع مكان له داعي هالردود ...

وبخصوص الحبوب قبل لاتبيض تراها مفيده للبشره وياليت ماتمين تستهزئين ))

واحترامي للاخت VIPLady على الاسلوب الراقي فالرد واسمحيلي رديت على مسك وهذا بعد ماشفت ردها الثاني



تسلمين حياتي موزه .. كلج ذوق... وانتي الي اسلوبج راقي ولا تقولين اسمحي لي الموضوع لج وانتي صاحبته حبيبتي :)

وبخصوص مسك قطر اخت وعزيزه وغاليه و ماقصرت على المعلومه النيو يمكن حد يدخل الموضوع ويستفيد من الرابط الي ضافته .......... سواء كانت نيتها استهزاء او اضافه معلومه ..

[VIPLady]

بالنسبه للجهاز ماانصحج لانه يسبب سرطان الجلد والله أعلم

روحي الماريوت فيه وحده ماعرف وش جنسيتها تسوي رش صوب السبا

اول جلسه 200 ريال والجلسه الثانيه الف وشوي بس شي راقي ولازم تاخذين موعد

بالتوفيق



انا سمعت انه الجهاز شوي له اضرار بس عاد سرطان :( خرعتني بصراحه الله يكفينا ويكفيكم شر هالمرض

بستخدم الرش و بتصلهم وانا سمعت بعد انه الماريوت عندهم نفس ما ذكرت...

تسلم على الاضافه والمعلومه ماقصرت خيووو

[loolety]

روحي باريس نايلز اللي في الرويال بلازا انا سويت عندهم
بس ترى بعد اربع او خمس سبحات يبدى اللون يخف لانه
سبري ( رش )

[VIPLady]

روحي باريس نايلز اللي في الرويال بلازا انا سويت عندهم
بس ترى بعد اربع او خمس سبحات يبدى اللون يخف لانه
سبري ( رش )


رحت امس الي بالاند اسال ..
سوت لي تست بس مو بالسبري راوتني ماده تحطها على كل الجسم بالقطن يعني .. ماده لونها مثل الشوكليت شوي...
بس للحين بشوف كل الاماكن وبجرب


طلع حلو لين جربتي عندهم؟؟ اللون اوكي
تسلمين حياتي على الاضافه الحلوه ياذووق

[مسك قطر]

سامحيني اختي viplady .. انا مب قصدي السخرية .. يمكن شديت شوي .. بس خليني أقولج شي .. حلو انه الواحد يتعدل .. بس ترى احلى انه الواحد يكون على طبيعته ويتعدل شوي عن العين والنفس .. والناس صايره تحب تتعدل مب حق نفسها .. صارت تتعدل حق عيون الناس بقصد شوفوني يعني .. من تواضع لله رفعه .. واللي يركض ورا الناس ما عمره يرتاح .. وانا طبعا ما أعمم لانه مافي قاعدة تعم عالكل .. وأخيرا وليس آخرا ليش احنا نقلد الغرب في كل شي .. ليش ما ناخذ الزين منهم بس .. وسلامتكم ..

[VIPLady]

سامحيني اختي viplady .. انا مب قصدي السخرية .. يمكن شديت شوي .. بس خليني أقولج شي .. حلو انه الواحد يتعدل .. بس ترى احلى انه الواحد يكون على طبيعته ويتعدل شوي عن العين والنفس .. والناس صايره تحب تتعدل مب حق نفسها .. صارت تتعدل حق عيون الناس بقصد شوفوني يعني .. من تواضع لله رفعه .. واللي يركض ورا الناس ما عمره يرتاح .. وانا طبعا ما أعمم لانه مافي قاعدة تعم عالكل .. وأخيرا وليس آخرا ليش احنا نقلد الغرب في كل شي .. ليش ما ناخذ الزين منهم بس .. وسلامتكم ..

مسموحه حياتي ...
سخريه او غيرها (كلمه يسود البرصه ترى كلمه تجرح للي برصه صج او تعاني من امراض جلديه تاثر على الشكل الخارجي ولا تنسين المنتدى عام وفيه الاف الاعضاء ومن الذوق اختي تراعين شعور الاخرين) لكن حريه شخصيه ورايج على عيني وراسي

وبخصوص التعدل للناس او غيرهم ... مب عيب ولا حرام اني اتعدل لي وللناس...دامي مراعيه ديني و ادبي واحترام قدام الكل

وموضوع التان ماله دعوه بالتواضع اختي ...مجرد تغير اللوك .. يعني كانج يوم تلبسين للدوام احمر ويوم اسود ويوم ازرق ...يعني هذا شكو بالتواضع اختي مادري استغربت من ردج مع احترمي لج ولرايج

وبالنسبه للغرب.. اذا شي يعجبني و مافيه اي غلط بقلدهم وين المشكله دامه شي حلو... والتان الي تسويه تسويه لنفسها مو لغيرها ... عفوا يعني المكياج بكبره من الغرب؟؟هل يعني انج ما تستخدمينه كلش كلش.. قبل ماعندهم الا الكحل والديرم.. يعني الفاونديشن من الغرب الشادو البلاشر الايلاينر المسكره.. يعني ما عمرج استخدمينهم حتى للمناسبات اختي...... يعني الحين هذا تقليد؟او انتي مو متواضعه و شفتي نفسج على الناس؟؟ اللبس الفساتين السواريه ما نلبسها نقول تقلدي للغرب؟؟ يعني الناس تكشخ بجلابيات و ثياب النشل الحين وين ما تروح وفي اي مناسبه؟؟؟
دامه تقليد او انا ما سميه تقليد لانه شي عجبني و سويته ماله شغل بالتقليد.. دامه يعجبني و بيحسن من مظهري ومثل ماذكرت مايخالف لا ديني ولا اخلاقي وين المشكله

ومشكوره على مشاركتج و رايج على عيني وراسي ماقصرتي

[لوردغاليري]

صالون بي أن ميدكال
في فيلاجيو

[مسك قطر]

مسموحه حياتي ...
(كلمه يسود البرصه ترى كلمه تجرح للي برصه صج او تعاني من امراض جلديه تاثر على الشكل الخارجي ) لكن حريه شخصيه ورايج على عيني وراسي

سوري مره ثانيه اختي .. بس انا يوم قلتها كان قصدي مجرد مصطلح يقولونه البنات في الجامعة والله يعلم بالنيات ..





وبخصوص التعدل للناس او غيرهم ... مب عيب ولا حرام اني اتعدل لي وللناس...دامي مراعيه ديني و ادبي واحترام قدام الكل

في هذي صدقتي .. بس شرايج في التان ؟؟ مب انتي سألتي كذا وحده اذا طلع حلو عليهم والا لاء .. يعني التان بالعربي يحلي الوحده .. صح والا انا غلطانة .. اذا الوحده ما تغطي ويهها يعني هاي الشغله تلفت بالنظر .. والوحده بدون شي يلاحقونها .. واذا تبينها من وجهة نظر دينية .. جان الخلخال اللي كانوا يلبسونه في الجاهلية ما حرموه عقب ما يه الاسلام .. باختصار اغراء وكلنا ندري .. أما لو تغطي الويه فعلى ما أعتقد مافي مشكله .. المشكله الوحيده يمكن انه الوحده ما تاخذ راحتها



وموضوع التان ماله دعوه بالتواضع اختي ...مجرد تغير اللوك .. يعني كانج يوم تلبسين للدوام احمر ويوم اسود ويوم ازرق ...يعني هذا شكو بالتواضع اختي مادري استغربت من ردج مع احترمي لج ولرايج

طال عمرج العلاقة انه الناس صايرة مظاهر والكل يدري مثلا ليش بعض الناس تلبس ماركات وناس ما تلبس مع انه عندهم خير ومب بخل يعني .. حب التميز والتفاخر بالذات حتى لو كان من دون قصد في باب الطبائع البشرية في علم النفس يؤكدون كون صادر من العقل الباطني للشخص نفسه .. سالفة انا مسوية تان (( شوفوني )) شكبرها طالعة من العقل الباطن اذا فرضنا انه مب من الظاهر او بالعمد .. وطبعا الله يعلم بالنيات.. كلنا مردنا نكون تحت الأرض سواسية .. يعني مب شي ضروري انه الواحد يتميز عن غيره في مظهره .. والأحلى لو يفكر .. مجرد التفكير .. شلون يكون متميز بأخلاقه ودينة وأعماله لآخرته ..

باختصار .. جمله "من تواضع لله رفعة" كانت تعود على كلمة "شوفوني" رياءا في ردي السابق ..



وبالنسبه للغرب.. اذا شي يعجبني و مافيه اي غلط بقلدهم وين المشكله دامه شي حلو...

أحب أوضح شغله بسيطه بس .. هاي الكلام التالي والله مب من عندي .. من احد الشيوخ الكبار امثال محمد رضا رحمه الله في موقف مماثل .. ويقول أن من يقصد بتزيين نفسه تقليد الإفرنج فهو ضعيف العقل والنفس ؛ لأنه مقلد لمن يراهم لخسته أشرف منه وأكمل ، وهكذا شأن كل تقليد ؛ فإن من يثق بمعرفته للحق أو الفضيلة أو الأدب الصحيح لا يقلَّد في شيء مِن ذلك غيره تقليدًا ، فالتقليد هو شأن الأطفال مع الكبار ، والاستقلال هو شأن العقلاء المستقلين ، والعاقل إنما يعمل ما يعتقد أنه الأَوْلى بالدليل العقلي في الأمور العقلية ، والدليل الشرعي في الأمور الشرعية وهكذا ، والجاهلون يتمسكون بالعادات ويجعلونها دينًا ينكرون على مخالفهم فيها "

وثاني شي من قال انه الغرب هم اللي اخترعوا المكياج .. للعلم فقط قدماء المصريين هم اول من استخدم المكياج، من كحل و طلاء والوجوه و الاطراف و تقليم الاظافر و ازالة الشعر الغير مرغوب و تبييض الاسنان والوشم والتطيُّب والحنة و صبغ الشعر الخ .. منقول

يعني مع التطور في المجال التجاري .. اختلاف تعبئة الكحل مثلا من عبوة الى قلم سائل مثلا حيث ان انتاجه حاليا يتم في الغرب لا يعني اننا نقلدهم .. بل عندما نرى أحدا منهم قد قام بعمل حركه جديده بالكحل كالإيمو مثلا ونقوم بتقليدهم .. هنا لا يجوز ..

وهاي كان قصدي من سالفة تقليد الغرب ..



او انا ما سميه تقليد لانه شي عجبني و سويته ماله شغل بالتقليد

انتي شفتي هاي الشي على قولتج واعجبج .. ممكن أعرف من وين عرفتيه واعجبج !!!؟؟؟ بتقولين من الناس في قطر .. انا بقولج والناس من وين شافته والا من وين يايبته .. صدقيني الطبيعي مع فيتامين د وايد احلى وارتب و نظارة أكثر من أجل بشرة صحية ..

جوابج اللي لو جاوبتيه بعد تفكير وتمعن هو كان بيكون قصدي بالضبط ...

عالعموم سوري طولت عليج اختي .. وسامحينا عالقصور .. ومثل ما قلتي هي مجرد وجهة نظر .. هاي آخر مرور كتابي لي في هاي الموضوع .. لاني انا ما كان قصدي المشادة الكلامية .. ما قصرتي على اسلوبج الحلو وذرابتج حبيبتي .. هي صج مجرد وجهة نظر .. ولكن هي نصيحة للي تدور تميز مصطنع .. ولكن الله يهدي من يشاء بغير حساب .. وتقبلي أسفي واعتذاري على ما حدث مرة أخرى .. ونسأل المولى كل التوفيق

[شقره]

عمري روحي جولدز جم
سوي كم جلسه وبتسمرين
وايد فن الصراحه ويبيله الصيف جاينه
وانا بروح اسوي بعد كم يوم ان شاء الله
والتاان يعطي تميزز :)

[VIPLady]

اختي مسك
استمتعت بالنقاش معاج .. على ما انه كان نقاش غير هادف وماله علاقه بالموضوع والطلب المعروض .. والكلام الي نقال مو مقنع ولا له علاقه بالتان .. لان بالنهايه انا اعتبر التان نوع من النواع المكياج ومن باب التغير وما راح ياثر على طبيعتي ولا على شكلي مجرد تغير ... ونورتي الموضوع حياتي

لورد
ثانكيوو على المعلومه . وانشالله امرهم واخذ تفاصيل زياده منهم


شقرة..
ميرسي ياقلبي على الاضافه وقولد جم اقرب شي لي فبشوف انشالله متى اقدر امر عليهم لان اعتقد بس الصبح لنا ... ماقصرتي خيتو

[قلب طفلة]

انا ممكن اضيف لج معلومة ان التان صاروا يسوونه باماكن وايد وباكوالتي ممتاز انتي

تتحكمين طبعا فالتان اللي تبينه ومو كل بشرة نفس الشي يعني لكل فيس يطلع اللون اما

يناسبه او لا ..


واعتقد ان انتي لقيتي النقطة اللي تبينها من خلال ردود الاخوان بمعنى ان لقيتي مرادج..

وعرفتي الاماكن اللي تبينها .. وانشالله ردي مايكون في تخريب ع الموضوع بس ودري اعلق

على الموضوع الحماسي اللي كان فالردود بصراحه يوم تابعت الردود شفت ان كلام مسك قطر

مقنع ..هو كان وجهة نظر مو نقاش وانا شفته ان اعتبرتيه نقاش انا اللي اشوفه انتي مارديتي

عليها عشان يكون نقاش مثل ماوصفتيه

صحيح ان الكلام اللي كان فالردود المفروض مايكون فهالمنتدى التجاري لكن من ناحية هادف

لابالله هادف..


لها وجهة نظر فالرد الاخير اقنعتني واحترمها بصراحة..لديها نظرة فلسفية دينية عميقة

مو اي واحد عنده استعداد ان يفهمها فانا عاذرتج ع ردج الاخير لها ..

و المكياج ماتقدرين تصلين الا لما تشلينه لكن التان ماتقدرين تشلينه هاي لما قارنتي

بينه وبين الميك اب بمعنى يوم قارنتي بينهم مافي وجه مقارنه بينهم من الاساس.


واحييج اختي مسك قطر ع التوعية اللي وعيتيني وخليتيني افكر في بعد اخر لهالموضوع

باعتباره غزو فكري ثقافي يعتبر من اشد انواع الغزو ..

وانشالله باقي الاخوات يستفيدون.:shy:

[مسك قطر]

شفت ان كلام مسك قطر

مقنع ..هو كان وجهة نظر مو نقاش وانا شفته ان اعتبرتيه نقاش انا اللي اشوفه انتي مارديتي

عليها عشان يكون نقاش مثل ماوصفتيه

صحيح ان الكلام اللي كان فالردود المفروض مايكون فهالمنتدى التجاري لكن من ناحية هادف

لابالله هادف..

:nice:

[الدوحه%]

بس ودري اعلق

على الموضوع الحماسي اللي كان فالردود بصراحه يوم تابعت الردود شفت ان كلام مسك قطر

مقنع ..هو كان وجهة نظر مو نقاش وانا شفته ان اعتبرتيه نقاش انا اللي اشوفه انتي مارديتي
عليها عشان يكون نقاش مثل ماوصفتيه
صحيح ان الكلام اللي كان فالردود المفروض مايكون فهالمنتدى التجاري لكن من ناحية هادف
لابالله هادف..
لها وجهة نظر فالرد الاخير اقنعتني واحترمها بصراحة..لديها نظرة فلسفية دينية عميقة
مو اي واحد عنده استعداد ان يفهمها فانا عاذرتج ع ردج الاخير لها ..
و المكياج ماتقدرين تصلين الا لما تشلينه لكن التان ماتقدرين تشلينه هاي لما قارنتي
بينه وبين الميك اب بمعنى يوم قارنتي بينهم مافي وجه مقارنه بينهم من الاساس.
واحييج اختي مسك قطر ع التوعية اللي وعيتيني وخليتيني افكر في بعد اخر لهالموضوع
باعتباره غزو فكري ثقافي يعتبر من اشد انواع الغزو ..
وانشالله باقي الاخوات يستفيدون.:shy:
مرحبا للجميع ,, واولهم صاحبه الموضوع ,,,
انا ماحبيت ارد قاعده اتابع من بعيد ,,لاكن يوم انتي تدخلتي في النص ,,دخلت نفسي انا بعد:)
حبيبتي اذا مسك قطر لها وجهه نظر وانتي اقتنعتي فيه ترى واايد ماقتنعو هذا شي وثاني شي المفروض ماتفرض رايها على حد,,, صح ولا لااا,,, شافت غلط على البنت المفروووووض من باب الدين النصيحه تنصحها بالشي اللي غلطت فيه وتجيب لها البراهين اللي تثبت صحه كلامها ,,وياليت كانت اتبعت طريقه الشيخ محمد رشيد رضا في الدعوه للحق ,,,
لاكن انها ترمي تهم على البنت هذا مايجوز ,,, هي لا تعرفها ولا شافتها ,,,
ويمكن هالبنت صاحبه الموضوع افضل عند ربي منها ,,,وبدرجاات بعد,,,
وسالفه التان والمكياج اشدخلهم في الصلاه ,,, ومن قال لازم تشيلين المكياج قبل الصلاه
!!!!الا اذا كان مكياجكم صبغ طوفه هذا شي ثاني ,,,:)
وبخصوص اللي تشتري ماركه هذي البنت المتكبره ,,
واللي ماتشتري ماركه وعندها خير هذي البنت المتواضعه,,,
اقنعيني في هذي :)

ومابي اطول السالفه والموضوع مب لي
يلا فمان الله

[الدوحه%]

الله يعينج حبيبتي صاحبه الموضوع ,,,
ترى التان من اشد انوااع الغزو,,:tease:

[مليونيره]

جولدز جيم أعتقد اسمه جذي

[qtrzone]

بناات التان عادي من انواع الزينه ,,, يعني مافيها شي ,,,

الا اذا جينا من ناحيه الصاله فهووو مو مكياج ,,,

لان الحناا زينه صح ولا لا؟

والي جربت التان الصبغ الي يقعد اسبوعين بتعرف انه اصلا اهو حنه لان ريحته تبط الراس من على بعد كيلوو اول 3 ايام .. اللهم مظاف لهاا مواد مثبته وعطريه علشان تخفف الريحه ,,

حتى كريمات التان المؤقته ريحتهاا حنه ,,,


اما الي تبي تحط نفسهااا بعيد عن الشك فانصحها بالسولار بد ,,, لانه مثل الشمس يعني اشعه ,, تحرق طبقه خفيفه من البشره ,, بس ,,

[VIPLady]

انا ممكن اضيف لج معلومة ان التان صاروا يسوونه باماكن وايد وباكوالتي ممتاز انتي

تتحكمين طبعا فالتان اللي تبينه ومو كل بشرة نفس الشي يعني لكل فيس يطلع اللون اما

يناسبه او لا ..


واعتقد ان انتي لقيتي النقطة اللي تبينها من خلال ردود الاخوان بمعنى ان لقيتي مرادج..

وعرفتي الاماكن اللي تبينها .. وانشالله ردي مايكون في تخريب ع الموضوع بس ودري اعلق

على الموضوع الحماسي اللي كان فالردود بصراحه يوم تابعت الردود شفت ان كلام مسك قطر

مقنع ..هو كان وجهة نظر مو نقاش وانا شفته ان اعتبرتيه نقاش انا اللي اشوفه انتي مارديتي

عليها عشان يكون نقاش مثل ماوصفتيه

صحيح ان الكلام اللي كان فالردود المفروض مايكون فهالمنتدى التجاري لكن من ناحية هادف

لابالله هادف..


لها وجهة نظر فالرد الاخير اقنعتني واحترمها بصراحة..لديها نظرة فلسفية دينية عميقة

مو اي واحد عنده استعداد ان يفهمها فانا عاذرتج ع ردج الاخير لها ..

و المكياج ماتقدرين تصلين الا لما تشلينه لكن التان ماتقدرين تشلينه هاي لما قارنتي

بينه وبين الميك اب بمعنى يوم قارنتي بينهم مافي وجه مقارنه بينهم من الاساس.


واحييج اختي مسك قطر ع التوعية اللي وعيتيني وخليتيني افكر في بعد اخر لهالموضوع

باعتباره غزو فكري ثقافي يعتبر من اشد انواع الغزو ..

وانشالله باقي الاخوات يستفيدون.:shy:



ثانكيوو على التعليق حياتي
نورتي

وعفوا الموضوع طلب مو نقاش على شان جذي انا اعتبر اي نقاش فيه غير هادف مع احترامي لج ولغيرج

وبالاخير كل من له رايه و حر فيه دامه ما يعارض دينه ولا اخلاقه

[VIPLady]

الله يعينج حبيبتي صاحبه الموضوع ,,,
ترى التان من اشد انوااع الغزو,,:tease:

ثانكيوو على المرور والاضافه اختي

خليهم يعبرون عن رايهم .. مابقى غير يكتبون انتي كافره ... الا هو تان لا حرام ولا فيه شي و وايد ناس يسونه الحين والدليل لقيناه في معضهم الصالونات منتشر في الاونه الاخيره حاله حال اي كريم ومعظم الماركات عندها الرش والكريم ....

[VIPLady]

بناات التان عادي من انواع الزينه ,,, يعني مافيها شي ,,,

الا اذا جينا من ناحيه الصاله فهووو مو مكياج ,,,

لان الحناا زينه صح ولا لا؟

والي جربت التان الصبغ الي يقعد اسبوعين بتعرف انه اصلا اهو حنه لان ريحته تبط الراس من على بعد كيلوو اول 3 ايام .. اللهم مظاف لهاا مواد مثبته وعطريه علشان تخفف الريحه ,,

حتى كريمات التان المؤقته ريحتهاا حنه ,,,


اما الي تبي تحط نفسهااا بعيد عن الشك فانصحها بالسولار بد ,,, لانه مثل الشمس يعني اشعه ,, تحرق طبقه خفيفه من البشره ,, بس ,,


تسلمين على التعليق حياتي
والمعلومه الي ضفتيها ماقصرتي خيتوو

[محمد بن حمد]

السلام عليكم
هلا بخواتي الغاليين :) لحد يستغرب يقول هذا شمدخله هني :) بصراحه شدني الموضوع والردود وتميت اقرى رد رد :) وبصراحه الموضوع شاب ظو :)
وحبيت اضيف نقطه صغيره يمكن تكون مفيده :)

التان كفكره ( مب كلون ) يعني اصل التان اهو ضروره من ضرورات الحياه
لان فكرة التان اهي التعرض للشمس والجسم بحاجه للتعرض للشمس يوميا من ربع الى نص ساعه
وكامل الجسم
والمريض اللي مصاب بهشاشة العضام ينصحونه بالتعرض لاشعة الشمس مباشره يوميا
والرضع عاده ما يعرضونهم لاشعة السولار لاكسابهم فيتامين د

فهذا شي من ضرورات الحياه واختلفت الطرق يا اما بالتعرض لاشعة الشمس او باستعمال السولار او او بغض النظر

فشي من ضرورات الحياه توصفه بانه اتباع للغرب ؟؟؟ بالعكس الغرب سبقوك له لانهم درو انه شي مفيد ومحتاجين له .. واهو يقتل البكتيريا ويكسب الجسم فيتامينات ضروريه ما تجي الا عن طريق التعرض للاشعه فوق البنفسجيه .. هذا ناهيك عن اكسابك لون جذاب ..

وازيدك من الشعر بيت الحين هم يعرضون نفسهم لاستنشاق الهواء النقي المحتوي على كميه من الاوكسجين الصافي يوميا لمدة نصف ساعه وطبعا هناك طريقة ينقون فيها الهواء ماعاد فيه هواء نقي .. وهذا الشي يساعد على تصفية البشره واسترخاء الجسم والعديد من الفوائد منها الجسميه ومنها الجماليه
بعد بتقول هذا من اتباع الغرب وهذا الشي لا يجوز ؟؟ لانه بغير شكلج وبشوفونج حلوه وبلاحقونج:)

المهم اسف على الاطاله وامل ان الفكره اوصلت مع اني حاولت قدر الامكان اني ابسطها :)

وتحياتي للجميع

[مسك قطر]

هلا أخوي بو نورة ..

اي نعم هاي الرد العلمي المقنع بأسلوب هادىء ورائع وأشكر لك هذا الرد ..

يعني انت توافقني بطريقة أخرى انه كل شي في الدنيا له استخدامين .. زين وشين ... وكل شي طبيعي له فوايده لانها من رب العالمين وكل شي صناعي له مساوئ لو مب الحين تكون متأخره .. تقدر تشوف التان وأضراره والسرطان الله يحفظكم من كل شر ..

يعني لو الواحد محتاج هاي الشي .. ليش لا .. الضرورات تبيح المحظورات ( أتكلم بشكل عام مب خاص بموضوعنا) .. المضطر شيسوي .. بس يوم ماله هدف .. الله يعقلهم .. على كيفهم طبعا محد بيمنعهم غير نفسهم ..

أما في محاكاة الغرب .. رديت الرد اللي شطوله عشان أبين انه للشي وجهة نظر أخرى ما ينتبه لها البعض والاوجب الاحتياط في هاي الأمور .. يعني من الأخير وأكررها النية هي كل شي وكل واحد الله يعطيه على قد نيته .. ولاتزر وازرة وزر أخري .. ولا أسئ الظن بعد لأنه مالي حق أتجاوز حرمه للخالق عز وجل ..

ما اختلفنا عيل .. وهاي النقطة اللي أبي أوصلها بالضبط ..

على فكرة اليوم وانا في الجامعة كانوا البنات يعلقون على وحدة مسوية هاي التان .. كانت تسميتهم لها " أم بشرة بركانية" (والقصد سلبي مب ايجابي ) .. الناس أذواق ومحد راضي بحاله .. يعني ما يت على تسويد والا تبيض ..

اللي يبي الشي غربي والا عربي .. صح والا غلط.. بتلاقيه يلتمس الأعذار لنفسه ومحد يقدر يغيراللي براسه .. قولي الحمدالله على كل حال .. ولمجرد التذكر فقط .. اللي نيته تقليد فليحاسب .. فكلن يوم القيامة ينادى بإمامه ..

سووووووري مللناج حبوبة :tease:

[مسك قطر]

الله يعينج حبيبتي صاحبه الموضوع ,,,
ترى التان من اشد انوااع الغزو,,:tease:

شوي شوي اختي .. ما يحتاي تكبرين الخط عشان يقرونه العالم ..

اي غزو فكري ناجح بعد .. يوم انج مقتنعه فيه وتدافعين عنه لمجرد انه عاجبج .. اقري ردي اللي قبل هاي اللي فيه الزبدة يعني ..

[بوحارب]

يصير اسوي تان ولا ممنوع للتماسيح http://www.pusup.com/up/get-3-2009-o7tkl8sq.gif (http://www.pusup.com/up)

[مسك قطر]

وياليت كانت اتبعت طريقه الشيخ محمد رشيد رضا في الدعوه للحق ,,,
لاكن انها ترمي تهم على البنت هذا مايجوز ,,, هي لا تعرفها ولا شافتها ,,,
ويمكن هالبنت صاحبه الموضوع افضل عند ربي منها ,,,وبدرجاات بعد,,,


اللي في قلبي يوم كلمت الحبوبة راعية الموضوع في آخر ردين كانوا بحسن نية والعلم عند رب العالمين .. وأنا قاعدة أتكلم بمنطق بس شوي صعب عليج أختي أم الوردي ..

وبعدين التذكير للجميع ما يضر .. ومحد قصدها بسوء رفيجتج صاحبة الموضوع... وأعتقد انه اعتذرنا انه الموضوع مب في محله .. ولكن .. مره ثانية .. ذكر وان الذكرى تنفع المتقين ..


[I][SIZE="5"][COLOR="Magenta"]
وسالفه التان والمكياج اشدخلهم في الصلاه ,,, ومن قال لازم تشيلين المكياج قبل الصلاه
!!!!الا اذا كان مكياجكم صبغ طوفه هذا شي ثاني ,,,:)

مب احنا اللي دخلنا المكياج في الموضوع .. رفيجتج صاحبة الموضوع هي اللي حبت تقارن البيبسي بالفيمتو .. يعني ماله خص .. عشان جذي هي الاخت اللي ردت عطت مثال انه المكياج حاجب للماي والتان لاء .. يعني مره ثانيه اقولها .. مالهم علاقة في بعض ..

ازين أنا أضيفلج معلومه عالسريع .. بعض الناس يعانون من البشرة الدهنية عدل .. وأكثر منطقة يتجمع فيها الدهن هي الأطراف الجانبية من الأنف .. تدرين انه الواحد لازم يغسل المنطقة بصابون عشان يطير الدهن عشان يقدر يتوضا ... لانه الطبقة الدهنية حاجبة للماء (والا مب شاطرة في العلوم) .. ولأنه الوضوء من شروط صحته وصول الماء الى جميع المناطق .. تطهير للجسد .. والاضافة الأهم .. انه لا تصح الصلاه الا بوضوء صحيح .. اذا الجسم وافرازته الطبيعية لازم تنشال بعض الأحيان .. وانتي تبين تحطين المكياج على ذمتج عشان الكشخه يمكن ما تخترب



[I][SIZE="5"][COLOR="Magenta"]
وبخصوص اللي تشتري ماركه هذي البنت المتكبره ,,
واللي ماتشتري ماركه وعندها خير هذي البنت المتواضعه,,,
اقنعيني في هذي :)


هاي طال عمرج مثال .. والا تبيني أحط مليون مثال عشان توصل المعلومه .. كان علي المثال وعليج انتي تربطينه في عقلج بأمثله او مواقف أخرى مشابهة .. والا صعبه عليج ..

انا مثل ما قلت شوفي ردين فوق بتعرفين الزبده من موضوعي .. وقلنا أهم شي النية .. والناس (مب كلهم طبعا) صارت همهم المظاهر .. اذا ما شفتي هاي الشي .. حياج الجامعة براويج .. والشخص ينعرف على طول من أي نوع هو ... والا شرايج في الناس اللي تتشرى التقليد باستثناء انهم ما يبون يخسرون والا ما عندهم .. ليش ما شرت شنطه حلوه مب من الماركات المعروفة .. مع انه كلهم يؤدون الغرض .. مب عشان شوفوني والله انا عندي الشي الفلاني والا غيرة من الطالبات الأخريات .. لو الناس تمد ريلها على قد لحافها والا الناس ما تشوف غيرها جان الدنيا الحين بخير ..

[وطن]

اللي في قلبي يوم كلمت الحبوبة راعية الموضوع في آخر ردين كانوا بحسن نية والعلم عند رب العالمين .. وأنا قاعدة أتكلم بمنطق بس شوي صعب عليج أختي أم الوردي ..

وبعدين التذكير للجميع ما يضر .. ومحد قصدها بسوء رفيجتج صاحبة الموضوع... وأعتقد انه اعتذرنا انه الموضوع مب في محله .. ولكن .. مره ثانية .. ذكر وان الذكرى تنفع المتقين ..



مب احنا اللي دخلنا المكياج في الموضوع .. رفيجتج صاحبة الموضوع هي اللي حبت تقارن البيبسي بالفيمتو .. يعني ماله خص .. عشان جذي هي الاخت اللي ردت عطت مثال انه المكياج حاجب للماي والتان لاء .. يعني مره ثانيه اقولها .. مالهم علاقة في بعض ..

ازين أنا أضيفلج معلومه عالسريع .. بعض الناس يعانون من البشرة الدهنية عدل .. وأكثر منطقة يتجمع فيها الدهن هي الأطراف الجانبية من الأنف .. تدرين انه الواحد لازم يغسل المنطقة بصابون عشان يطير الدهن عشان يقدر يتوضا ... لانه الطبقة الدهنية حاجبة للماء (والا مب شاطرة في العلوم) .. ولأنه الوضوء من شروط صحته وصول الماء الى جميع المناطق .. تطهير للجسد .. والاضافة الأهم .. انه لا تصح الصلاه الا بوضوء صحيح .. اذا الجسم وافرازته الطبيعية لازم تنشال بعض الأحيان .. وانتي تبين تحطين المكياج على ذمتج عشان الكشخه يمكن ما تخترب




هاي طال عمرج مثال .. والا تبيني أحط مليون مثال عشان توصل المعلومه .. كان علي المثال وعليج انتي تربطينه في عقلج بأمثله او مواقف أخرى مشابهة .. والا صعبه عليج ..

انا مثل ما قلت شوفي ردين فوق بتعرفين الزبده من موضوعي .. وقلنا أهم شي النية .. والناس (مب كلهم طبعا) صارت همهم المظاهر .. اذا ما شفتي هاي الشي .. حياج الجامعة براويج .. والشخص ينعرف على طول من أي نوع هو ... والا شرايج في الناس اللي تتشرى التقليد باستثناء انهم ما يبون يخسرون والا ما عندهم .. ليش ما شرت شنطه حلوه مب من الماركات المعروفة .. مع انه كلهم يؤدون الغرض .. مب عشان شوفوني والله انا عندي الشي الفلاني والا غيرة من الطالبات الأخريات .. لو الناس تمد ريلها على قد لحافها والا الناس ما تشوف غيرها جان الدنيا الحين بخير ..

اختي

استوقفتني الجملة اللي بالأحمر

ياريت تذكرين لنا مصدر لهذا الشي

لان ما عمري سمعت به !!!

اللي اعرفه ان الواحد لازم ما يبالغ في غسل عضو عن اخر في الوضوء
لكن سالفة ان الواحد يغسل المناطق الدهنية بصابون اول بعدين يتوضأ هذي اول مره اسمع عنها

ياريت تفيدينا بفتوى شرعية من مصدر موثوق عنها !!!



مع اعتذاري لصاحبة الموضوع للمداخلة