مواقف صباحيه

[a.a.a.qatar]

مواقف صباحيه ....
1. دخلت الشغل انطر اللفت ومعاي ثنتين ينطرون .... تبطل باب اللفت ... فيه ريال قطري .... قال : تفضلوا خواتي ردوا عليه لا شكراً .... بعد اشوي تبطل اللفت فيه هندي ... العمات دشوا عادي !!!!!!!!!!!!!!! ليش القطري ايش فيه؟؟؟؟؟؟؟؟؟؟؟؟؟؟؟؟؟؟؟؟؟؟

2. امس شردت من الشغل ورحت الستي سنتر قلت بتريق في إيلي فرانس وبما اني رايحه بروحي طبيعي بقعد في قسم السيدات ... دخلت القسم إلا مافي ولا وحده ... شي عادي .... بس الي مب عادي ان قسم العائلات ترس نسوان وثلاثة ارباعهم متغطيات وما معاهم ريال ... وفي ريايل مع اهاليهم قاعدين ..... زين ليش؟؟؟؟؟؟؟؟؟؟ في قسم نسوان وتطالبون بقسم نسوان ليش تقعدون في قسم العائلات وانتوا ما معاكم ريال ومتغطيات المشكله ..... كل اشوي رفعت نقابها وقعدت تاكل لا وتتحلطم انها مش ماخذه راحته في القعده بسبة الريايل الي موجودين (صوتها كان عالي عشان جذي سمعتها :)) ... يا شيخه ليش معذبه روحج!!!!!!!!!!!!!!!!! وقسم السيدات فااااااااااااااااااااااااااااضي!!!!!!!!!!!!!!!!!

3. قاعده في اجتماع في موظفات وموظفين ... وطبعاً المدير ..... بعض الخوات "الله يهدي الكل" قاعده وتسولف وتضحك وتكركر ورافعه نقابها ..... قدام من ؟؟؟؟؟؟؟؟؟؟؟؟؟؟؟؟ الموظفين العرب!!!!!!!!!!!!!!!!!!!!! ولـ دخل الموظف القطري "الريال" سكتت ونزل الادب كله ويدوب تسمع الهمس منها وفوق ذي نزلت النقاب .............. ليش؟؟؟؟؟

4. اشوفها في الشغل عاديه مش مغطيه ويها وهاي شي عادي عندي وتحضر اجتماعات وتناقش وتتمكيج وتتعدل وتطلع قدام الموظفين بالشكل ذي .... انصدمت ... لجات سيارتها ... اول شي تشوف من إذا الدريول طلعت عادي كاشفه وإذا الاخ والا الاب والا الزوج ... تغطت !!!!!!!!!!!!!!!! ليش؟؟؟؟؟؟؟؟؟؟؟؟؟؟؟؟؟؟

5. مابي اغثكم زياده على هالصبح الحلو تقبلوا تحياتي وشوفوا مواقفي على الصبح ... وسلامتكم .

[سعد81]

اخت امينه انتي اكثر وحده تقدرين اتجاوبينا على هالأسئله الي دايمن احنا الشباب نسأله لبعض
هل احن رجاجيل والاجانب لأ؟

[بو الجوري]

أختي الفاضله ..

والله إن هال5 مواقف أنا دايماً أحط عليهااا علامة إستفهاااام .. ؟

صج والله ليـــش ؟

تقبلي مروري وتعليقي

[b4ever]

اجوبة الاسئله عند الحريم الله يحفظج ؟
بس ليييييييييش ؟
يعطيج العافيه ..

[a.a.a.qatar]

اخت امينه انتي اكثر وحده تقدرين اتجاوبينا على هالأسئله الي دايمن احنا الشباب نسأله لبعض
هل احن رجاجيل والاجانب لأ؟

اول شي مشكور اخوي سعد على مرورك
ثاني شي والنعم فيكم ريايل ونص ومحد يقدر يقول غير هالشي وعندي انا حتى الاجانب ريايل يعني بالنسبة لي انا اذا في لفت ثاني ما ادخل اللفت اذا في حد سواء هندي والا قطري والا اي جنسية ثانيه لكن اذا ما في والله لو من في اللفت ادخل وما علي منهم ... خلهم يزيحون في الزاويه :)
ثالث شي انا ما اغطي ويهي يعني كاشفه ويهي قدام القطري وغير القطري والحمدلله مب من النوع الي احط مكياج لاني ما احبه اصلاًَ وما اعرف احط عدل :( واذا بحط بحط في المكان المناسب وفي المناسبات طبعاً (ترى انا مش مثاليه وايد) واتكلم مع الكل واذا استدعى الامر اضحك بعد اضحك مع الكل
رابع شي انا اذا بروحي اقعد في قسم السيدات واذا حد معاي بعد بس اذا حد معاي ومافي مكان في قسم السيدات اروح قسم العائلات واحط لساني بلحجي وما اتحلطم على احد من الريايل لان هاي مكان عائلات
خامس شي مثل ما ادخل الشغل اطلع منه مع اني اسوق بس مرات زوجي يوصلني او يجي ياخذني اذا عندي مشوار وما ابي اسوق ادش بعبايه وشيله واطلع بعبايه وشيله ..
يعني عندي الريال ريال قطري كان والا غيره
وسلامتك اخوي

[a.a.a.qatar]

أختي الفاضله ..

والله إن هال5 مواقف أنا دايماً أحط عليهااا علامة إستفهاااام .. ؟

صج والله ليـــش ؟

تقبلي مروري وتعليقي

حزر فزر بو الجوري ........... ليش؟؟؟؟؟؟؟؟؟
شاكره لك مرورك

[a.a.a.qatar]

اجوبة الاسئله عند الحريم الله يحفظج ؟
بس ليييييييييش ؟
يعطيج العافيه ..

الف عافيه على المرور وان شاء الله الحريم يجاوبون وما يقولون هالاشياء مب موجوده!!!!!!!!!!!!!!!!!!!!!!!!!!!! يعني بالعربي لا نغطي على بعض :)

[سهم بن سهم]

مسألة اللفت ( الاسنسير ) مشكلة المشكلات إذا ركبت وياك وحده متعطرة والعطر فايح !!!!!!!!!!!!!

والطامة الكبرى تشوف فيه حريم كاشخين كشخة أعراس ويقولون لك تفضل أخوي حياك !!!!!!!!!!!!!


لاااااااااااااااااااااا نو وي أدخل لفت معطر !

[a.a.a.qatar]

مسألة اللفت ( الاسنسير ) مشكلة المشكلات إذا ركبت وياك وحده متعطرة والعطر فايح !!!!!!!!!!!!!

والطامة الكبرى تشوف فيه حريم كاشخين كشخة أعراس ويقولون لك تفضل أخوي حياك !!!!!!!!!!!!!


لاااااااااااااااااااااا نو وي أدخل لفت معطر !

بس عشانه معطر مب داخل اللفت :)
على الأقل ريحه حلوه تشم على الصبح .. مب ريحة صن...... :tease:
شاكره لك مرورك يالسهم

[رفيق الغيم]

الجواب عند الحريم

[الدوحه%]

الله يعينج على هالاشكال ,,, ماداني اشووف عقد :anger1: عااد انا لازم اتكلم مااسكت:secret: الحمدالله انا مب موظفه بس اكيد هالاشكال موجوده مثل ماقلتي ,,, اختي امينه ليش ماتناقشتي مع وحده منهم وتشوفين تفكيرها وشو !!!!
بس ساالفه اللي فراانس انا واايد تصاادفني وانا اللي اتحلطم عليهم مع خواتي واقوول بداال مايشجعون اماكن للنسااء فقط تسوون هالسوالف ,,,, والله بطًَه جبد ,,,
تسلمين وتقبلي مروري :)

[فارس الكلمة]

2.امس شردت من الشغل ورحت الستي سنتر قلت بتريق في إيلي فرانس وبما اني رايحه بروحي طبيعي بقعد في قسم السيدات .

شردتي من الشغل .. و رايحة الستي سنتر بروحج ..

خليتي الشغل على من ..؟ عليج إنذار و خصم .. :)

[همر]

1. دخلت الشغل انطر اللفت ومعاي ثنتين ينطرون .... تبطل باب اللفت ... فيه ريال قطري .... قال : تفضلوا خواتي ردوا عليه لا شكراً .... بعد اشوي تبطل اللفت فيه هندي ... العمات دشوا عادي !!!!!!!!!!!!!!! ليش القطري ايش فيه؟؟؟؟؟؟؟؟؟؟؟؟؟؟؟؟؟؟؟؟؟؟

.


يمكن عشان انه "ريال"


لو "خمسه ريال" كان ممكن يركبون !! :nice:


:tease::tease::tease:


داش أملق... ما عندي جواب لهالاسئله النوويه ...

ثقافتي ذريه... :tease:

[الـقـاسـي]

هذا اللي يقهر والله
البنت عادي تضحك وتسولف مع الاجانب لما تشوف قطري ينزل عليها الادب

كل الكلام اللي ذكرتية واقع نعيشه للأسف

[شيزكيك]

بتكلم عن الي فرانس يمكن مايدرون ان فيه قسم خاص للحريم ويمكن ماحصلوا فيه

طاوله لانه يدوب 3 او 4 طاولات انا اذا رحت مع ريلي نقعد صوب العائلات واذا مع

خواتي قسم النساء وبعد ما افصخ النقاب لانه مكشوف من ورا

[ضوى]

مواقف صباحيه ....
1. دخلت الشغل انطر اللفت ومعاي ثنتين ينطرون .... تبطل باب اللفت ... فيه ريال قطري .... قال : تفضلوا خواتي ردوا عليه لا شكراً .... بعد اشوي تبطل اللفت فيه هندي ... العمات دشوا عادي !!!!!!!!!!!!!!! ليش القطري ايش فيه؟؟؟؟؟؟؟؟؟؟؟؟؟؟؟؟؟؟؟؟؟؟

ماحب استخدم اللفت لهالسبب ، بس تبين الصج ادخل اللفت سواء قطري والا اجنبي ماعندي مشاكل خاصة اذا مستعجلة :)

2. امس شردت من الشغل ورحت الستي سنتر قلت بتريق في إيلي فرانس وبما اني رايحه بروحي طبيعي بقعد في قسم السيدات ... دخلت القسم إلا مافي ولا وحده ... شي عادي .... بس الي مب عادي ان قسم العائلات ترس نسوان وثلاثة ارباعهم متغطيات وما معاهم ريال ... وفي ريايل مع اهاليهم قاعدين ..... زين ليش؟؟؟؟؟؟؟؟؟؟ في قسم نسوان وتطالبون بقسم نسوان ليش تقعدون في قسم العائلات وانتوا ما معاكم ريال ومتغطيات المشكله ..... كل اشوي رفعت نقابها وقعدت تاكل لا وتتحلطم انها مش ماخذه راحته في القعده بسبة الريايل الي موجودين (صوتها كان عالي عشان جذي سمعتها :)) ... يا شيخه ليش معذبه روحج!!!!!!!!!!!!!!!!! وقسم السيدات فااااااااااااااااااااااااااااضي!!!!!!!!!!!!!!!!!

مع صديقاتي اقعد بمكان النسوان ، ومع زوجي بمكان العايلات ليش اعذب روحي والله موسع علي :)

3. قاعده في اجتماع في موظفات وموظفين ... وطبعاً المدير ..... بعض الخوات "الله يهدي الكل" قاعده وتسولف وتضحك وتكركر ورافعه نقابها ..... قدام من ؟؟؟؟؟؟؟؟؟؟؟؟؟؟؟؟ الموظفين العرب!!!!!!!!!!!!!!!!!!!!! ولـ دخل الموظف القطري "الريال" سكتت ونزل الادب كله ويدوب تسمع الهمس منها وفوق ذي نزلت النقاب .............. ليش؟؟؟؟؟

الله يهديها ويصلحها الريال ريال بكل زمان ومكان بس هذا اسميه ازدواجية في الشخصية

4. اشوفها في الشغل عاديه مش مغطيه ويها وهاي شي عادي عندي وتحضر اجتماعات وتناقش وتتمكيج وتتعدل وتطلع قدام الموظفين بالشكل ذي .... انصدمت ... لجات سيارتها ... اول شي تشوف من إذا الدريول طلعت عادي كاشفه وإذا الاخ والا الاب والا الزوج ... تغطت !!!!!!!!!!!!!!!! ليش؟؟؟؟؟؟؟؟؟؟؟؟؟؟؟؟؟؟

ممممممممممممممم ازدواجية شخصية ايضا ، بس تبين الصج ماقد مرت علي :)

5. مابي اغثكم زياده على هالصبح الحلو تقبلوا تحياتي وشوفوا مواقفي على الصبح ... وسلامتكم .


مواقف كثيرة تصير بحياتنا ، نتاملها ونفكر فيها ونقول ليش ، بس هلى من الممكن اي واحدة من صاحبة المواقف اعلاه بتدخل وتقول لنا ليش تسوي جذي ؟؟؟ اشك

تحياتي امينة

[sidokotbi]

يعطيك العافية اختي على الموضوع
وبالنسبة لسؤال الفرق بين الرجال القطري والاجنبي في رايي مب قصة القطري رجال والثاني لا وانما هي (البنت اللي تخاف من القطري) تخاف انه يكون صديق اخوها او ابوها او حد من معارفها ويقوم يفضحها طبعا وهي متاكدة ان الاجنبي لسانه في حلجه
وسلامتكم

[فلفل حار]

خلوهم براحتهم

الكلام ضايع :weeping:

الظاهر احنا ريايل وهذوول لا :(

وعن الشردات يا امينه احمد خخخخخ :secret:

[qatar lady]

مواقف صباحيه ....
1. دخلت الشغل انطر اللفت ومعاي ثنتين ينطرون .... تبطل باب اللفت ... فيه ريال قطري .... قال : تفضلوا خواتي ردوا عليه لا شكراً .... بعد اشوي تبطل اللفت فيه هندي ... العمات دشوا عادي !!!!!!!!!!!!!!! ليش القطري ايش فيه؟؟؟؟؟؟؟؟؟؟؟؟؟؟؟؟؟؟؟؟؟؟

والله يعتمد اذا فيه لفت فاضي انتظر.. واذا زحمه .. ادش سواء قطري او غيره..ومثل ماقلتي.. ننحشر في الزاوية

2. امس شردت من الشغل ورحت الستي سنتر قلت بتريق في إيلي فرانس وبما اني رايحه بروحي طبيعي بقعد في قسم السيدات ... دخلت القسم إلا مافي ولا وحده ... شي عادي .... بس الي مب عادي ان قسم العائلات ترس نسوان وثلاثة ارباعهم متغطيات وما معاهم ريال ... وفي ريايل مع اهاليهم قاعدين ..... زين ليش؟؟؟؟؟؟؟؟؟؟ في قسم نسوان وتطالبون بقسم نسوان ليش تقعدون في قسم العائلات وانتوا ما معاكم ريال ومتغطيات المشكله ..... كل اشوي رفعت نقابها وقعدت تاكل لا وتتحلطم انها مش ماخذه راحته في القعده بسبة الريايل الي موجودين (صوتها كان عالي عشان جذي سمعتها :)) ... يا شيخه ليش معذبه روحج!!!!!!!!!!!!!!!!! وقسم السيدات فااااااااااااااااااااااااااااضي!!!!!!!!!!!!!!!!!

اموووون !! يالخاااااااااااااااااااااااينة:eek5::eek5: وآآآنا؟؟؟
بروحج طالعه؟وماقلتيلي؟ اييييييييييييه دنياااااا :weeping: ماعليه اردها لج:weeping:
انقهر لما اشوف مكان العوايل مليان والسيدات فاضي !! والقهر الاكبر يوم اشوف اغلب هالمتنقبات هم اللي بروحهم قاعدين بالعوايل؟ طيب انتي متنقبه اشلج بقعدة العوايل؟ كل شوي تاخذين لج لقمة من تحت النقاب؟ يعني لو مافي مكان بالعوايل مابنقول شي.. من حقج تقعدين بالمكان وتاخذين راحتج .. بس اشحادج عالعوايل وهناك فاضي؟

3. قاعده في اجتماع في موظفات وموظفين ... وطبعاً المدير ..... بعض الخوات "الله يهدي الكل" قاعده وتسولف وتضحك وتكركر ورافعه نقابها ..... قدام من ؟؟؟؟؟؟؟؟؟؟؟؟؟؟؟؟ الموظفين العرب!!!!!!!!!!!!!!!!!!!!! ولـ دخل الموظف القطري "الريال" سكتت ونزل الادب كله ويدوب تسمع الهمس منها وفوق ذي نزلت النقاب .............. ليش؟؟؟؟؟

هع هع هع يمكن القطري نيته شينه بس العجنبي قصدي الاجنبي لا خخخخ:tease:

4. اشوفها في الشغل عاديه مش مغطيه ويها وهاي شي عادي عندي وتحضر اجتماعات وتناقش وتتمكيج وتتعدل وتطلع قدام الموظفين بالشكل ذي .... انصدمت ... لجات سيارتها ... اول شي تشوف من إذا الدريول طلعت عادي كاشفه وإذا الاخ والا الاب والا الزوج ... تغطت !!!!!!!!!!!!!!!! ليش؟؟؟؟؟؟؟؟؟؟؟؟؟؟؟؟؟؟


خخخخ مابعلق!! خلني ساكته اعرف اللي بقلبج :nice:

5. مابي اغثكم زياده على هالصبح الحلو تقبلوا تحياتي وشوفوا مواقفي على الصبح ... وسلامتكم .

غثى؟ من قال.. احلا شي اصلا هالعقار عالصبح:nice::nice:

[وطن]

اختي هذي يسمونها تناقضات

:)

[a.a.a.qatar]

الجواب عند الحريم
واحنا ننتظر جواب الحريم شاكره لك مروروك


الله يعينج على هالاشكال ,,, ماداني اشووف عقد :anger1: عااد انا لازم اتكلم مااسكت:secret: الحمدالله انا مب موظفه بس اكيد هالاشكال موجوده مثل ماقلتي ,,, اختي امينه ليش ماتناقشتي مع وحده منهم وتشوفين تفكيرها وشو !!!!
بس ساالفه اللي فراانس انا واايد تصاادفني وانا اللي اتحلطم عليهم مع خواتي واقوول بداال مايشجعون اماكن للنسااء فقط تسوون هالسوالف ,,,, والله بطًَه جبد ,,,
تسلمين وتقبلي مروري :)
فديتج الدوحه مشكوره على مداخلتج ويوم من الايام سألت وحده ردت عليّ برد غريب "الاجنبي يستر!!!!!!!!!!!!!!!!!!!!!!!!!!!!!!!!!) عاد انتي فسريها :)


شردتي من الشغل .. و رايحة الستي سنتر بروحج ..

خليتي الشغل على من ..؟ عليج إنذار و خصم .. :)
انت بس اطلع منها وعن الحسد الله يحفظ لنا هالمدير الأ....................... :)


يمكن عشان انه "ريال"


لو "خمسه ريال" كان ممكن يركبون !! :nice:


:tease::tease::tease:


داش أملق... ما عندي جواب لهالاسئله النوويه ...

ثقافتي ذريه... :tease:
اقول همر .... لو تروح تغسل سيارتك مو احسن :)
شاكره لك مداخلتك الذريه ... انطر بحط لك اسئلة ذريه بعد فترة


هذا اللي يقهر والله
البنت عادي تضحك وتسولف مع الاجانب لما تشوف قطري ينزل عليها الادب
كل الكلام اللي ذكرتية واقع نعيشه للأسف
القسا كل الشكر على المداخلة


بتكلم عن الي فرانس يمكن مايدرون ان فيه قسم خاص للحريم ويمكن ماحصلوا فيه
طاوله لانه يدوب 3 او 4 طاولات انا اذا رحت مع ريلي نقعد صوب العائلات واذا مع
خواتي قسم النساء وبعد ما افصخ النقاب لانه مكشوف من ورا
في هاذي معاج حق لازم نلتمس للبعض العذر :)
شاكره لج المرور فديتج


مواقف كثيرة تصير بحياتنا ، نتاملها ونفكر فيها ونقول ليش ، بس هلى من الممكن اي واحدة من صاحبة المواقف اعلاه بتدخل وتقول لنا ليش تسوي جذي ؟؟؟ اشك

تحياتي امينة
حتى انا اشك بعد :)
مشكوره على مداخلتج


يعطيك العافية اختي على الموضوع
وبالنسبة لسؤال الفرق بين الرجال القطري والاجنبي في رايي مب قصة القطري رجال والثاني لا وانما هي (البنت اللي تخاف من القطري) تخاف انه يكون صديق اخوها او ابوها او حد من معارفها ويقوم يفضحها طبعا وهي متاكدة ان الاجنبي لسانه في حلجه
وسلامتكم
وجهة نظر في محلها بس اتصورها غلط واكبر غلط لأن ولد الديره يخاف على بنت ديرته اكثر من الاجنبي مهما صار بينهم ... شاكره هالمرور


خلوهم براحتهم
الكلام ضايع :weeping:
الظاهر احنا ريايل وهذوول لا :(
مع البعض فعلاً ضايع
شكراًَ على المداخلة
وعن الشردات يا امينه احمد خخخخخ :secret:
حاطين دوبكم دوبي الله يسامحكم خلو الواحد يتنفس اشوي :(


غثى؟ من قال.. احلا شي اصلا هالعقار عالصبح:nice::nice:
اصلاَ إذا انتي ما تعقرين ما ترتاحين ... يصيدج اكتئاااااااااااااااب ..... اقول وين مديركم الحلو :)
طبعاً مرسي على مرورج


اختي هذي يسمونها تناقضات

:)

وياكثر هالتناقضات يا وطن :(
شاكره لج المرور فديتج

[غناتي1]

اييييييييييييييييه

بلا الحريم ما يدرون على قولة المثل :

(( كل مغطى ينشفا عليه 00 والا المكشوف النفس تعافه ))

اعتقد فهمتوا قصدي

[J & N]

مرحبا اختي
موضوع حلو بس مهب غريب في مجتمعاتنا
الشباب اللي ردوا عليج واااااااااااايد متضايقين
ما ادري
هل هم متضايقين غيره على بناتهم اللي يكشفون قدام الاجانب
والا
حره على البنات ليش ما يكشفون قدامنا بعد خخخخخ <---------- يمه ترا مب قد كلمتي لا تأكلوني

[a.a.a.qatar]

اييييييييييييييييه

بلا الحريم ما يدرون على قولة المثل :

(( كل مغطى ينشفا عليه 00 والا المكشوف النفس تعافه ))

اعتقد فهمتوا قصدي

غناتي بيني وبينج عاد انا ما فهمت يالله فهميني :(

[a.a.a.qatar]

مرحبا اختي
موضوع حلو بس مهب غريب في مجتمعاتنا
الشباب اللي ردوا عليج واااااااااااايد متضايقين
ما ادري
هل هم متضايقين غيره على بناتهم اللي يكشفون قدام الاجانب
والا
حره على البنات ليش ما يكشفون قدامنا بعد خخخخخ <---------- يمه ترا مب قد كلمتي لا تأكلوني

فديتج ام نواره اتصور والله النوعين موجودين الي يغيير على بنات ديرته وينقهر وفي الي تنفقع مرارته ويقول ليش انا مااشوف مثلي مثل غيري :)
تسلمين على المداخله

[Ghost]

اللي بتخرج من بيتها وهي محتشمة استحا وخوف من الاب او الاخ او الزوج وبعدها تخلع برقع الحيا امام غير المحارم اما خافت من رب الارباب من العظيم فوق سبع سموات من رب اكل شيء ومليكه اناخافت من من يقول للشي كن فيكون

[الكايـــده]

بوووووووو ياكثرررررهم ياامينه .. خاصه سالفه اللفت تفقع مرارت مراااارتي ..

ونفس الشي سالفه الغشوووه والا النقاب القطري بيتغطون والهندي والا والا عادي !! شهالتنااااااقض


الله لايبلانا زمن اقشر <-- شدخل ههههههه

مشكوره

[a.a.a.qatar]

اللي بتخرج من بيتها وهي محتشمة استحا وخوف من الاب او الاخ او الزوج وبعدها تخلع برقع الحيا امام غير المحارم اما خافت من رب الارباب من العظيم فوق سبع سموات من رب اكل شيء ومليكه اناخافت من من يقول للشي كن فيكون

المشكله هالنوعية من الناس تسوي نفسها هي الحيا كله :) وتتكلم في الحرام والحلال اكثر من شيوخ الدين وكل كلمه والثانيه قالت : حرام عليكم فوقنا رقيب وحسيب :) .... قولي هالحجي حق روحج اول بعدين تحجي ...
شاكره المرور


بوووووووو ياكثرررررهم ياامينه .. خاصه سالفه اللفت تفقع مرارت مراااارتي ..

ونفس الشي سالفه الغشوووه والا النقاب القطري بيتغطون والهندي والا والا عادي !! شهالتنااااااقض


الله لايبلانا زمن اقشر <-- شدخل ههههههه

مشكوره

سلامة مرارتج يالغاليه :)
بس تناقض قولي تناقضات .... اي والله زمن اقشر والناس الي فيه ...... شنو اقشر بعد ... ما تركب صح :)
شاكره لج مرورج يالكايده