ما رأيك في هذه العناوين ؟!!!

[همر]

العنوان الاول:

250 مليون دولار من قطر لدعم غزة

العنوان الثاني:

تأجيل فعاليات " شباب الدوحة " بسبب قلة الدعم المادي




وش رايكم بهالعناوين لما تشوفونها في جريده وحده وفي صفحه وحده ؟!!

[الدوحه%]

غزه فيهم اجر ,,,,لاكن شباب الدوحه وشو :) انت تقارن مأساه غزه بشباب الدوحه اللي مادري شسالفتهم

ونقرى باقي الارااء
شكرا

[بو الجوري]

خلها على الله .. :weeping:

انا مادري شنو شباب الدوحه .. لكن في اشياء ثانيه بعد إحنا أولى ..

الحين بيجيك عضو بيقولك .. شدعوه هذول اهلنا في غزه .. و.. و..

على عيني وراسي .. بس الاقربون أولى بالمعرووووف :(

[الكايـــده]

^^

معاك حقق

[واحد ثقة]

العنوان الاول:

250 مليون دولار من قطر لدعم غزة

العنوان الثاني:

تأجيل فعاليات " شباب الدوحة " بسبب قلة الدعم المادي




وش رايكم بهالعناوين لما تشوفونها في جريده وحده وفي صفحه وحده ؟!!





مقارنة ليست في محلها ،،

[VIPLady]

شبابنا اولى من غزه....

بس هذا الي حاصل انه كل شي غزه وغزه ... وشبابنا ------>(دوم يسمعون و نسمع ماكو ميزانيه)

والمقارنه مو بس بغزه ممكن نشوف تبرعات في بناء مادري شنو مستشفى مادري جامعه في البلده الفلانيه.......... ونروح مستشفى حمد (الغرف العامه) تشوف الكراسي مشققه.. والجامعات الخاصه القويه اهني كلها للاجانب

الله يعين

تناقض دايما نشوفه بكل شي مو بس بالجرايد ..

[بو الجوري]

بدال ما نسمع

كذا مليون دولار لدعم غزه
وكذا مليون دولار لدعم مادري شنو التحالف
وكذا مليون دولار لدعم ..... ودعم ... ودعم ...

ليش ما نسمع ..

كذا مليون ريال لدعم الشباب المقبلين على الزواج
وكذا مليون ريال لدعم مواد البناء لمساعدة الناس على البناء
وكذا مليون ريال لدعم أي شي في صالح المواطن القطري !!!

أو بدل المبلغ كله يرووح برع لجهه وحده .. يكون نص المبلغ على الاقل للمواطنين !!


تقبلوا مروري وتعليقي ..

[همر]

غزه فيهم اجر ,,,,لاكن شباب الدوحه وشو :) انت تقارن مأساه غزه بشباب الدوحه اللي مادري شسالفتهم

ونقرى باقي الارااء
شكرا



وشباب الدوحه مافيهم أجر ؟!!

وما تدرين شسالفتهم بعد ؟!! عيل ليش همشتيهم ؟!!

ونجي بعدين نشتكي من فراغ الشباب وضياع الشباب و و و ...

ويعطيج العافيه على رأيج...




خلها على الله .. :weeping:

انا مادري شنو شباب الدوحه .. لكن في اشياء ثانيه بعد إحنا أولى ..

الحين بيجيك عضو بيقولك .. شدعوه هذول اهلنا في غزه .. و.. و..

على عيني وراسي .. بس الاقربون أولى بالمعرووووف :(


قول رأيك وما عليك من غيرك

في النهايه نبي نشوف قرائات الناس للاخبار كيف

وكيف يفسرونها...

ويعطيك العافيه...



مقارنة ليست في محلها ،،


ياريت تقول لنا ليش ليست في محلها ومن اي ناحيه ؟!!

الموضوع له عدة نواحي...



شبابنا اولى من غزه....

بس هذا الي حاصل انه كل شي غزه وغزه ... وشبابنا ------>(دوم يسمعون و نسمع ماكو ميزانيه)

الله يعين

تناقض دايما نشوفه بكل شي مو بس بالجرايد ..


هذي ناحيه...

ويعطيج العافيه

[همر]

بدال ما نسمع

كذا مليون دولار لدعم غزه
وكذا مليون دولار لدعم مادري شنو التحالف
وكذا مليون دولار لدعم ..... ودعم ... ودعم ...

ليش ما نسمع ..

كذا مليون ريال لدعم الشباب المقبلين على الزواج
وكذا مليون ريال لدعم مواد البناء لمساعدة الناس على البناء
وكذا مليون ريال لدعم أي شي في صالح المواطن القطري !!!

أو بدل المبلغ كله يرووح برع لجهه وحده .. يكون نص المبلغ على الاقل للمواطنين !!


تقبلوا مروري وتعليقي ..


حلوه منك حركة تظليل ريال

يعني احنا راضيين بس على الاقل يكون في شي

ان شاء الله تومان !



بس ما شاء الله عليك دعمت وجهة نظري...

الا وهي التوازن...

انا ما عندي مانع نصرف مليارات في الخارج...

بس يا ريت يكون لها مقابل في الداخل...



زين بما انك دعمتني... تأمينك فول ولا ضد الغير ؟!!

[واحد ثقة]

ياريت تقول لنا ليش ليست في محلها ومن اي ناحيه ؟!!

الموضوع له عدة نواحي...






أقصد لو كانت المقارنة مع التبرعات السخيّة لإنشاء مدينة في البلد الفلاني أو إعادة إعمار دمار حلَّ ببلد آخر مثلاً ، أو مع المليارات التي تُصرف على الرياضة وعلى الجامعات الخاوية على عروشها من القطريين ،،

أما التبرعات لصالح غزة فهي من الجهاد بالمال ، فأهل غزة هم أهل الرباط وهم خط المقاومة الأول ضد اليهود والصهاينة ، خاصة بأن هذه التبرعات لن تذهب للسلطة الخائنة بل ستشرف علينا جمعيات خيرية قطرية موثوق بها وبنزاهتها ،،

[ف.المحمود]

نبكي على زمن ماكان كالزمن

دوله غنيه تنطر لم الخراب يعم توزع فلوس وتبعث ناس تعمر وتبني وبعد 5 سنوات ترجع الحرب ونعطي فلوس ونبعث ناس تعمر وهكذا الحال .
ليش ان مادريتوا ان المواطن القطري في ذيل قائمة اهتمامات دولتنا العزيزه

1- الموظف الاجنبي و حقوقه
2- حماية حقوق الانسان من عمال وخدم
3- التبرعات للدول الصديقه الغنيه
4- التبرعات للدول المنكوبه
5- المواطن القطري

انا مااتكلم عن غزه بالتحديد اتكلم عن سخاء دولتنا مع الجميع باستثناء قطر ومش قطر الرياضيه

[بو الجوري]

يعني احنا راضيين بس على الاقل يكون في شي

ان شاء الله تومان !

زين بما انك دعمتني... تأمينك فول ولا ضد الغير ؟!!


لالالا ما نبي توماااان .. ما بتكفي :tease:

وتأميني منتهي :secret:

[::.Silent.::]

بدال ما نسمع
ليش ما نسمع ..

كذا مليون ريال لدعم الشباب المقبلين على الزواج
وكذا مليون ريال لدعم مواد البناء لمساعدة الناس على البناء
وكذا مليون ريال لدعم أي شي في صالح المواطن القطري !!!


تقبلوا مروري وتعليقي ..



كفيت و وفيت يا ابو الجوري ..

الله يحفظ لك بنتك الجوري ان شاء الله :)

[بو الجوري]

كفيت و وفيت يا ابو الجوري ..

الله يحفظ لك بنتك الجوري ان شاء الله :)

:nice:

آمييين

[الهاجس2009]

انا اقول
دهينتنا في مكبتنا- احسن-
واذا فية فايض نتصدق منة -
ولا شراي اخواني

[همر]

أقصد لو كانت المقارنة مع التبرعات السخيّة لإنشاء مدينة في البلد الفلاني أو إعادة إعمار دمار حلَّ ببلد آخر مثلاً ، أو مع المليارات التي تُصرف على الرياضة وعلى الجامعات الخاوية على عروشها من القطريين ،،

أما التبرعات لصالح غزة فهي من الجهاد بالمال ، فأهل غزة هم أهل الرباط وهم خط المقاومة الأول ضد اليهود والصهاينة ، خاصة بأن هذه التبرعات لن تذهب للسلطة الخائنة بل ستشرف علينا جمعيات خيرية قطرية موثوق بها وبنزاهتها ،،


شفت اخوي يوم وضحت وجهة نظرك عرفت انك تتكلم في ناحيه بعيده عن الموضوع...

اعتراضنا مب المساعدات لغزه بعينها...

اعتراضنا على المساعدات الخارجيه "لأي جهه" وفي المقابل مافي اي مساعدات داخليه !!

[aabdulla1]

مقارنة ليست في محلها ،،

اتفق معاك

التبرعات لأهلنا في غزة لم تأتي من الحكومة فقط (حد يصححني إذا غلطان) وإنما من اهل قطر و كل من تأثر بما حصل لإخواننا.

والدعم المطلوب لجمعية شباب الدوحة لن تقارن بالدعم المطلوب لغزة لذلك اتفهم شعور الكاتب ولكن كان من الأحرى مثلاً مقارنة ميزانية لاعب أجنبي واحد (ممكن الإستغناء عنه لسوء اداءه أو إصابته) و في هذه الحالة فإني ارى المقارنة أصح.

وشكراً لصاحب الموضوع لحرصه على شباب الدوحة ... :nice:

[دلة الرسلان]

انا اعطيك العنواين اللي تنئط برنامج متكامل لدعم نفسي لطلاب غزة وبناء مدارس جديدة

بينما في قطر هناك اطفال قطريين ومنهم ولد جارنا لم يحصلوا على فرصة للدراسة العام الماضي

والولد جلس في بيت هله بدون تعليم لأكتظاظ المدارس .

[مستثمره جديده]

كلنا نعلم بأن الدوله عليها التزامات خارجية كما ان لها التزاماتها الداخلية ..

هذه إتفاقيات وأنظمة وسياسات الدول فيما بينها ومفروضة على بعضها البعض ...

يقول الخليفة عمر رضي الله عنه لو ان بغلة تعثرت في العراق لخشيت ان يحاسبني

الله عليها يقولها وهو في نجد ..

و نحن في دولة ولله الحمد تدعم المسلم في كل مكان ولاننكر وجود المحتاجين

في دولتنا الغاليه كما لاننكر غلاء المعيشة مع انه غلاء عالمي وابتلاء من الله سبحانه

وتعالى ولا ننكر بأنه لابد أن يكون للشعب جزء من الميزانيات التي تتبعثر هنا وهناك

لمساعدته على مواجهة الغلاء المعيشي ... يقول رسول الله عليه الصلاة والسلام :

(( إذا أعطى الله أحدكم خيراً فليبدأ بنفسه وأهل بيته)) ..

ولكن يجب ان نتذكر بأن لنا في كل اصقاع الدنيا اخوان مسلمون هم في امس

الحاجة لفتات الخبز الذي نرميه ..

نحتاج فقط الى قول الحمدلله وسوف تدوم النعم ويكثر الخير ان شاء الله ..

اميرنا بومشعل لم يقصر في شيء وان كان هناك تقصير فهو من بعض البطانة التي

لاتخاف الله في الشعب .. ومع هذا فأنا ضد المبالغ الضخمه والميزانيات المبالغ بها

في قيمة التبرعات الخارجيه والتي اصبحنا ننذهل حين سماع قيمتها والتي تتكون

من المليارات من الريالات .. ونتمنى ان يكون لنا نصيب منها كإسقاط القروض

والسلف الحكوميه عن المواطنين حتى ولو مره في العمر .. نتمنى ان نرى مثل

هذه المكرمات التي تشمل شعب قطر الوفي وبو مشعل كريم والقطريين يستاهلون :)

[همي علي قدي]

موضوع يحر
ومثل ماقالو السابقون
عين عذاري
:looking::looking::looking:

[a.a.a.qatar]

العنوان الاول:

250 مليون دولار من قطر لدعم غزة

العنوان الثاني:

تأجيل فعاليات " شباب الدوحة " بسبب قلة الدعم المادي




وش رايكم بهالعناوين لما تشوفونها في جريده وحده وفي صفحه وحده ؟!!



عني انا انقهررررررررررررررررررررررررررررررررررررررر وcrazy
الاقربون اولى بالمعروف .... (الي يعجبه يقرأ والي ما يعجبه لا يقرأ ولا يعلق بعد)
والله مساكين شبابنا هـالـ 250 مليون دولار تعيشهم سنين وتزوجهم وتفتح لهم بيوت ووووووو ......... خلني ساكته احسن
موضوعك حلو :) بس يقهر :(

[مطراش]

اول شي هذا ما اسمه دعم هذا اسمه جهاد طبعا احنا مانقدر انروح انجاهد بارواحنا و دينا الحنيف حث وعظم الجهاد بالنفس والمال عشان اندافع عن مقدساتنا الي ضاعت عشان هذا التفكير الي احنا انفكر فيه

[همر]

اول شي هذا ما اسمه دعم هذا اسمه جهاد طبعا احنا مانقدر انروح انجاهد بارواحنا و دينا الحنيف حث وعظم الجهاد بالنفس والمال عشان اندافع عن مقدساتنا الي ضاعت عشان هذا التفكير الي احنا انفكر فيه


اخوي الجهاد لما "نطرش" لهم "اسلحه" وقت الحرب...

والفرق كبير لما نطرش بعد خراب مالطا "لاعادة الاعمار" ...


على العموم هذا مب موضوعنا ... غزه ... السودان ... بنت جبيل ... الواق واق ...


موضوعنا هو "الحارج" اللي يصيدك لما مشاريع محليه وشبابيه ومجتمعيه ما تلاقي "دعم"

ومئات الملايين تطير خارج البلاد ... بغض النظر عن وجهتها ...


ترى المليون "ريال" تسوي شغل داخلياً ....

[القااضي]

بدال ما نسمع

كذا مليون دولار لدعم غزه
وكذا مليون دولار لدعم مادري شنو التحالف
وكذا مليون دولار لدعم ..... ودعم ... ودعم ...

ليش ما نسمع ..

كذا مليون ريال لدعم الشباب المقبلين على الزواج
وكذا مليون ريال لدعم مواد البناء لمساعدة الناس على البناء
وكذا مليون ريال لدعم أي شي في صالح المواطن القطري !!!

أو بدل المبلغ كله يرووح برع لجهه وحده .. يكون نص المبلغ على الاقل للمواطنين !!


تقبلوا مروري وتعليقي ..


بو الجوري،،،

:nice::nice::nice::nice:

والله انك جبتها صح ،، قلت الي ابي اقوله بالضبط ،،


وتسلم اخوي همر على الموضوع

[الـقـاسـي]

أحنا كقطريين مانرفض المساعدات اللي تروح لغزة لاوالله بالعكس
نبي لهم الخير كله ,
لكن مع المساعدات الخارجية هذي لازم تكون في مساعدات داخلية
ترى في ناس فقارى شكثر فالدوحة مايحصلون لقمة ياكلونها
المشكلة في مساعدات تروح لامريكا نفسها ماعتقد انهم في حاجتنا
مساعدات ب250 مليون لغزة جزاهم الله خير
ليش مايكون 50 مليون للقطرين
ادعموا القطرين
ساعدوهم على غلاء المعيشة اللي صاير
كل شي ارتفع سعره بس ماشفنا في دعم
ولا لاجات علينا صارت الميزانية ماتكفي
واذا صارت لرواتب الاجانب ولا المنشئات الرياضية صارت المليارات موجوده
لازم يكون في تقسيم عادل لأموال الدولة
ترى لنا حق أحنا فيها مثل ما يوزعون للناس في كل مكان خصصوا لنا من هالمليارات اللي تنصرف

[Ghost]

اتفق معاك

التبرعات لأهلنا في غزة لم تأتي من الحكومة فقط (حد يصححني إذا غلطان) وإنما من اهل قطر و كل من تأثر بما حصل لإخواننا.

والدعم المطلوب لجمعية شباب الدوحة لن تقارن بالدعم المطلوب لغزة لذلك اتفهم شعور الكاتب ولكن كان من الأحرى مثلاً مقارنة ميزانية لاعب أجنبي واحد (ممكن الإستغناء عنه لسوء اداءه أو إصابته) و في هذه الحالة فإني ارى المقارنة أصح.

وشكراً لصاحب الموضوع لحرصه على شباب الدوحة ... :nice:

:nice::nice::nice::nice::nice::nice::nice::nice::n ice::nice:

[همر]

بو الجوري،،،

:nice::nice::nice::nice:

والله انك جبتها صح ،، قلت الي ابي اقوله بالضبط ،،


وتسلم اخوي همر على الموضوع


الله يسلمك يالقاضي...



أحنا كقطريين مانرفض المساعدات اللي تروح لغزة لاوالله بالعكس
نبي لهم الخير كله ,
لكن مع المساعدات الخارجية هذي لازم تكون في مساعدات داخلية
ترى في ناس فقارى شكثر فالدوحة مايحصلون لقمة ياكلونها
المشكلة في مساعدات تروح لامريكا نفسها ماعتقد انهم في حاجتنا
مساعدات ب250 مليون لغزة جزاهم الله خير
ليش مايكون 50 مليون للقطرين
ادعموا القطرين
ساعدوهم على غلاء المعيشة اللي صاير
كل شي ارتفع سعره بس ماشفنا في دعم
ولا لاجات علينا صارت الميزانية ماتكفي
واذا صارت لرواتب الاجانب ولا المنشئات الرياضية صارت المليارات موجوده
لازم يكون في تقسيم عادل لأموال الدولة
ترى لنا حق أحنا فيها مثل ما يوزعون للناس في كل مكان خصصوا لنا من هالمليارات اللي تنصرف


ماقدر ازيد فوق هالكلام...

نيشان ماشاء الله عليك...