:: بنتي ::

[ALRAYYAN]

السلام عليكم

شلوووووووووونكم

طبعا أحلى شي في هالدنيا اليهال وخصوصاً في بداية اعمارهم

http://www.up-00.com/xafiles/Mq305160.gif (http://www.up-00.com/)

يعني من سنه ونص وانت رايح .. لأن الياهل من هالعمر يبتدي يلقط الكلام والحركات من الكبار
وتكون هالمرحلة هي مرحلة الضحك http://www.up-00.com/xafiles/qK605160.gif (http://www.up-00.com/)

وهالمرحلة اللي أتكلم عنها أنا الحين عايشها مع كتكوتي الصغيرونه غاليه فديت قلبها
عمرها الحين سنتين و4 شهور http://www.up-00.com/xafiles/jCb05157.gif (http://www.up-00.com/)

ماشاء الله عليها قاعده تلقط كل كلامنا في هالعمر http://www.up-00.com/xafiles/jCb05157.gif (http://www.up-00.com/)

ولكن كلامها يضحكنا وايد .. وهذا أساس الموضوع

اللي ابيه منكم أن كل عضو يلقط لنا كلام اليهال اللي عنده في البيت سواء عياله أو عيال أخوانه أو خواته أو حتى أخوانه

http://www.up-00.com/xafiles/jCb05157.gif (http://www.up-00.com/)http://www.up-00.com/xafiles/jCb05157.gif (http://www.up-00.com/)http://www.up-00.com/xafiles/jCb05157.gif (http://www.up-00.com/)




موضوع أتمنى يكون خفيف وطريف وينقصه تفاعلكم بس :nice:

[ALRAYYAN]

من سوالف بنتي

قمي = قمر
نمنه = نمله
شبانه = ذبانه
دي دو = دودو <<< ماتبي تقولها عدل .. وهي كلمتها لين تعورت
بوجاتي = برتغالي
أبيد = أبيض
سيويد = أسود
موني = بني
ودي = وردي
سكييمه = سمكه
ياااني = رياني :victory:
تيو زييينه = طيور الجنه <<< قناة أطفال جديده
أكو ماما = وتأشر علي :shy::shy::shy:

هذا اللي أتذكره الحين

[مزيون الدوحه]

ههههههههههههههههههههه
الله يخليها لك وتتربا في عزك ان شاء الله والظاهر ريانيه من صغرها :victory:
:D

[مالي ومال الناس]

ههههههههههههه

الله يخليها لك وتتربى في عزك

مب حافظ شي من يهالنا بس نفس النمونه :nice:

[حقيقه]

الله يخليها لك :nice:

[غزلان]

الله يخليها لك

كلمات ولد اختي عمره2 وست شهور

فوفرا \شكرا
هاديا\ كافي حلويات علك
بابي\مابي
لوح\نروح

بسولف معاه اليوم وبيكون لي رد مع كلمات جديده

[b4ever]

هههههههههه ذكرتني بولدي عمره الحين سنه وسبع شهور ..
سرسور = صرصور
اهلل = اهبل
همار = حمار ( خوش تربيه )
ايني = جني
بات = باص
توتان = دكان
ايتان = حصان
والله = فديته والله
وووبس ( طور التعليم )
يعطيك العافيه اخوي الريان

[sas70]

الله يحفظها ويبلغج فيها ويصلها يارب

عليهم كلمات اخصوصاً وقت الطلعة بالسيارة مااذكرها بس تضحك الله يحفظهم من كل شر

مشكور اختي الكريمة على الطرح الرائع

[غزلان]

الله يحفظها ويبلغج فيها ويصلها يارب

عليهم كلمات اخصوصاً وقت الطلعة بالسيارة مااذكرها بس تضحك الله يحفظهم من كل شر

مشكور اختي الكريمة على الطرح الرائع


ALRAYYAN ولد مب بنت:)

[PRINCESS]

اخر ماتوصلت له تصريحات ابني الصغير(الخطاب),,,
ماما....جكنه الغاداغ هههههههههه
راح اترجم ,,,,يعني,,,,ماما صادنه الرادار:eek5:
ههههههههههه هاذي قبل كم يوم,,,وكل شوي واحد من خواله يقول له.,,خطاب؟؟؟
شسوالكم الرادار؟؟؟؟؟هو يرد (جكنه)
شكرا ع الموضوع الخفيف.:nice:

[ALRAYYAN]

ههههههههههههههههههههه
الله يخليها لك وتتربا في عزك ان شاء الله والظاهر ريانيه من صغرها :victory:
:D

الله يرحم والديك يالمزيون والفال لك .. وأبشرك أنها ريانية غصب مو طيب
أنا الديمقراطية عندي في كل شي ألا الولاء للريان .. ماعندي فيها كيري ميري :protest:

[ALRAYYAN]

ههههههههههههه

الله يخليها لك وتتربى في عزك

مب حافظ شي من يهالنا بس نفس النمونه :nice:

ويخلي لك غاليك فديتك
تتبع لك كم ياهل في عايلتكم وبتصيد من هالسوالف

تسلم على مرورك ومشاركتك يالغالي :nice:

[ALRAYYAN]

الله يخليها لك :nice:

شكرا حقيقه :)

[ALRAYYAN]

الله يخليها لك

كلمات ولد اختي عمره2 وست شهور

فوفرا \شكرا
هاديا\ كافي حلويات علك
بابي\مابي
لوح\نروح

بسولف معاه اليوم وبيكون لي رد مع كلمات جديده

أما فوفراً
ههههههههه

الله يخليه لكم ويبلغكم فيه يارب
اي سولفي معاه وناطرين سوالفه الحلوه

[ALRAYYAN]

هههههههههه ذكرتني بولدي عمره الحين سنه وسبع شهور ..
سرسور = صرصور
اهلل = اهبل
همار = حمار ( خوش تربيه )
ايني = جني
بات = باص
توتان = دكان
ايتان = حصان
والله = فديته والله
وووبس ( طور التعليم )
يعطيك العافيه اخوي الريان

ههههههههههههههههههههه

وشله بالينانوه من الحين

الله يخليه لك وتشوف عياله يارب :nice:

[ALRAYYAN]

الله يحفظها ويبلغج فيها ويصلها يارب

عليهم كلمات اخصوصاً وقت الطلعة بالسيارة مااذكرها بس تضحك الله يحفظهم من كل شر

مشكور اختي الكريمة على الطرح الرائع

آآآمين ياخويتي :waiting:

ولاهنت على مرورك وكلامك الطيب :)

[pure]

هههههههههههههههه

يحليييلهاا

احلى عمر هالعمر عقب يكبرون :court:

مادري تروح عنهم االجاذبييه

المشكله عندنا ندرة يهال مافيه يهال بهالعمر

بس اذكر ولد خالتي

يقول نم نم = يعني قطو

يعطييك العافييه

والله يخليها لك يارب

[ALRAYYAN]

ALRAYYAN ولد مب بنت:)

http://www.up-00.com/xafiles/F5607511.gif (http://www.up-00.com/)

[ALRAYYAN]

اخر ماتوصلت له تصريحات ابني الصغير(الخطاب),,,
ماما....جكنه الغاداغ هههههههههه
راح اترجم ,,,,يعني,,,,ماما صادنه الرادار:eek5:
ههههههههههه هاذي قبل كم يوم,,,وكل شوي واحد من خواله يقول له.,,خطاب؟؟؟
شسوالكم الرادار؟؟؟؟؟هو يرد (جكنه)
شكرا ع الموضوع الخفيف.:nice:

ههههههههههههه

يحليله من الحين حاط باله وبال المخالفات المروريه ماشاء الله عليه
شكله بيطلع ضابط في الداخليه :pioneer:
الله يخليه لكم يارب ويبلغج فيه وفي عياله بعد :nice:

[خــطــافــ]

ALRAYYAN ولد مب بنت:)


هههههههههههههههههههههه

تذكر يالريان :telephone: ع الخاص

هههههههههههههههه

قال ياني قال

مشكور خيو ع الموضوع الفله :shy:

[بنت ذياب]

ولد اختي كبر بنتك .. :nice:

الله يخليها لك

وكلماته تقريبا نفس كلماتها


دودو = يسمي الجرح دودو

ناان= سيارة .. يعني ناااااان صوت الهرن هههههههههه

ابيض= أيض

اسود= اشود

بييييييي= ماااابي

قروصه = ألووصه

بيت = بيييييت .. مع كسر الياء هههههه

وين = ويييين ؟؟ مع كسر الياء هههههه

نيااااو = قطوة

قرد = مونكي monkey

بقر= بقل هههههه

اي ياهل يشوفه يسميه = بيبي عسول

آحنــة = شاحنة

هههه واذا تذكرت شي بارجع لكم :shy:

[ALRAYYAN]

هههههههههههههههه

يحليييلهاا

احلى عمر هالعمر عقب يكبرون :court:

مادري تروح عنهم االجاذبييه

المشكله عندنا ندرة يهال مافيه يهال بهالعمر

بس اذكر ولد خالتي

يقول نم نم = يعني قطو

يعطييك العافييه

والله يخليها لك يارب

تسلمين أختي وعسى الله يرزقج بالذرية الصالحه
مرورج أسعدني اختي :nice:

[فلفل حار]

الله يخليها لك وتتربا في عزك ان شاء الله يالريـــان:victory::victory:

[ALRAYYAN]

هههههههههههههههههههههه

تذكر يالريان :telephone: ع الخاص

هههههههههههههههه

قال ياني قال

مشكور خيو ع الموضوع الفله :shy:

هههههههههههههههههههههههههههه

للحين مانسيت ياخطافـــ :ok2:

أي نعم ياني عندك شي ؟؟ :waiting:

عببي مافي ياني وبس :victory:

[ورقــة أمــل]

ولد اخوي فديته يقول
دودو== يعني اذا حد طقه
ووو= يخرع
اميمه= عميمه يعني انا
بود بودا= بطبطه
سياله==سياره
تيكل=سيكل
تياله=طياره
نم نم== اكل
تيابي= ثيابي
الوج= علوج

[ALRAYYAN]

ولد اختي كبر بنتك .. :nice:

الله يخليها لك

وكلماته تقريبا نفس كلماتها


دودو = يسمي الجرح دودو

ناان= سيارة .. يعني ناااااان صوت الهرن هههههههههه

ابيض= أيض

اسود= اشود

بييييييي= ماااابي

قروصه = ألووصه

بيت = بيييييت .. مع كسر الياء هههههه

وين = ويييين ؟؟ مع كسر الياء هههههه

نيااااو = قطوة

قرد = مونكي monkey

بقر= بقل هههههه

اي ياهل يشوفه يسميه = بيبي عسول

آحنــة = شاحنة

هههه واذا تذكرت شي بارجع لكم :shy:

اي تذكرت بعد بنتي تقول عن السياره نااان خخخخ

الله يخليه لكم ويبلغكم فيه .. وناطرين تعصرين الذاكره وتقولين لنا سوالف جديده

تسلمين ع المرور خيتو

[بوحارب]

دادي= ابوي :(

ايه عليها وضيح :weeping:

[شمعة الدوحه]

ههههههههههههههههههههههه

اما اليهال يضحكون :tease:

الريان

الله يخلي لك بنتك ان شاء الله


اما عن بنت عمي :

تاتي = كافي

بدلي باب = بطلي باب

بيبس = بيبسي

وتاتس = بطاطس

عسيل = عصير :rolleyes2:

تبتوبي = دبدوبي




ولد خالي:


طقيوه = قطيوه <<خرب اللغه :rolleyes2:

ستاندو = ستاندر

عصيو = عصير


:tease: ان شاء الله اذا تذكرت شي برجع لكم

[لاداعي]

الله يخليها لك أن شاء الله

[ALRAYYAN]

الله يخليها لك وتتربا في عزك ان شاء الله يالريـــان:victory::victory:

الله يرحم والديك يالحار ويعزك بطاعة الرحمن يارب

الفال لك تجيب لنا فلفل صغيرون بارد :tease:

[ALRAYYAN]

ولد اخوي فديته يقول
دودو== يعني اذا حد طقه
ووو= يخرع
اميمه= عميمه يعني انا
بود بودا= بطبطه
سياله==سياره
تيكل=سيكل
تياله=طياره
نم نم== اكل
تيابي= ثيابي
الوج= علوج

ههههههههههههههههه

ووووو تقولها بنتي لين شافت شي يخرع

شسالفتكم مع وسائل النقل ؟؟

الله يخليه لكم ويبلغ امه وابوه فيه يارب

[الارض]

بنتي تقول :

شحلونك=شلونك

:)

[ALRAYYAN]

دادي= ابوي :(

ايه عليها وضيح :weeping:

تتربى في عزك والله يابو حرووووووووب

بس بخصوص دادي .. حد قايل لها أن ابوج بو جوزيف :tease:

[لاداعي]

تتربى في عزك والله يابو حرووووووووب

بس بخصوص دادي .. حد قايل لها أن ابوج بو جوزيف :tease:

:nop:

[بوحارب]

تتربى في عزك والله يابو حرووووووووب

بس بخصوص دادي .. حد قايل لها أن ابوج بو جوزيف :tease:

الله يسلمك يالغالي

ياخي حتى انه احس اني زلمة لما تقولي دادي :(

[لاداعي]

الله يسلمك يالغالي

ياخي حتى انه احس اني زلمة لما تقولي دادي :(

بوحارب خل اتقولك بابي أحسن يالمتين :(

[بوحارب]

بوحارب خل اتقولك بابي أحسن يالمتين :(

واحيانا تقولي بابي والله :(

[яέέⓜ]

موضوع عجيب والله

ولدنا يقول
بيفه=بيضه

ابيف= ابيض
دلوسي=ضروسي
تيل=طير
تاي=شاي

هذا ما يحضرني الحين

ويارب يخلي لكم غواليكم اجمعين

[ALRAYYAN]

واحيانا تقولي بابي والله :(

ههههههههههههههههههههه

مع ان شكلك مايوحي لا بدادي ولا بابي .. هالبنت متأثره بشخص معين وعيونه خضر :con2:

[بنت المنتدى]

فديت قلب غلووووووي وأمها اللي باخذها معاي ان شاءالله بأول رحله في طيارتي الجديده :tooth:



بخصوص:unsure: >> بوجاتي = برتغالي :eek5: متأكد أنها تقصد برتغالي والا تقصد الموتر بوقاتي :D خخخخخخخخ


الله يحفظها يارب ويخليها لعين ترجيها وان شاءالله يارب تبشرنا بقدوم ولي العهد "ناصر" عن قريب ان شاءالله :nice::nice::nice:



تقبل مروري

الكابتن :weeping:

[قطريه ماركه]

موضوع حلوووو .. وكلام اليهال في البداية يكوووون حلوووو ..

الله يخلي لكـ البنوته الكيوووت *__^

[biz-qtr]

الريان نايس توبك

والله يحفظ بنوتك وتتربا في عزك ويبلغك اياها

كلمات بنتي

حماله = حماره >>>>> اذا عصبت
كانك يو = ثانك يو <<< نوع من الادب
واو واو = قطوه
عثفور = عصفور

عندها عقده الصاد والسين تقلبهم ثاء

[امل الحب]

ههههههههههههه بنوتتنا عمرها سنة ونص او اكثر شوي الله يحفظها فديتها

تقول

بش = بس :secret:

ببة = بطة

نانو = دانة

نيني = مرضاعة

عش = عيش

ميييييييي = مااي

بسم الله = بم لله

الحمدلله = لله

فوق = بوق :eek5:

رااح = نوووح

السلام عليكم = سام

هااي الي اذكرها ..

[الملكة الام]

اخي ALRAYYAN




للأسف ماعندنا بزارين الحين .....



والذكره ضعيفه...



خبرك السن والعيال ...



لكن اللي اذكره ولد اختي الصغيره...



غير عن اي بزر شفته في حياتي...



كان يأشر...


ولين بغي يقولك سالفه يأشر...



واهله كلهم يفهمون له ...حتى الخدامه..



وانا عاد مخي يفتر ولا افهم له ابد...



والاخ استحلى السالفه وما نطق لين دخل الروضه...



وخاس ...



لا البزارين فهموله ولا المدرسات...اصلاً محد عنده وقت ينطر ساعه عشان كلمه ...



والحين لين اشوفه يهذر مع ربعه اقول ...سبحان اللي نطقه...




وعلى فكره



الله يخلي بنتك لك ولأمها ويرزقكم بغيرها قول امين....وكلهم ريانيين؟؟؟





اختك العوده


الملكة الام

[سعود 99]

يا حليلها الله يحفظها ويخليها لكم ..

[نبـــــراس]

ههههههههههههههههههههههههههههههههههههههههههههه
هههههههههههههههههههههههههههههههههههههههههه
ههههههههههههههههههههههههههههههههههههههه
.. سوالفكم ضحكتني .. :eek5:
الله يخليلك البنوته وامها وتجيبون ولي العهد ناصر على قولت بنت المنتدى ويرزقها يارب معاي الذريه الصالحه :victory:
يعطيك العافيه الريان .. :rolleyes2:
بس ما اعتقد كلهم ريانيين .. :telephone:

[بنت المنتدى]

ههههههههههههههههههههههههههههههههههههههههههههه
هههههههههههههههههههههههههههههههههههههههههه
ههههههههههههههههههههههههههههههههههههههه
.. سوالفكم ضحكتني .. :eek5:
الله يخليلك البنوته وامها وتجيبون ولي العهد ناصر على قولت بنت المنتدى ويرزقها يارب معاي الذريه الصالحه :victory:
يعطيك العافيه الريان .. :rolleyes2:
بس ما اعتقد كلهم ريانيين .. :telephone:



نونو تراني مادري شسالفه بس اشوف الشباب يقولون له بوناصر قلت اكيد بيكون ولي العهد اسمه ناصر:tease:

الله يرزقه ان شاءالله :unsure: و يرزقج وياه :tooth:

[شمعة المنتدى]

خخخخخخخخخخخ

حلو الموضوووووع ومهضوووم ،،

امممممم

بالنسبه لليهال اللي عندي ،،

عندي بنت بنت خالتي

اذا بغت تقول " جمعيه " تقول " جعميه "

و أخووووي لما كان صغيروووون ،،

اذا بغى يقول " ثانك يو " يقول " تانكووون "

ووووووووبث ،،

[نور الريان]

هذه الكلمات اللي اتذكرها من بنات اختي ورفيجتي


مثلا

دقدقوه = سيارة
اكوم = فطوم
محاية = مهاية "تصغير مها "
سننب = سفن آب
ابل = الله اكبر " الاذان "
كوف = اخاف
شعت = شعر
مطت = مطر

" دايما حرف الراء في اخر الكلمه تقلبه تاء " !!

[شاي كرك]

الله يحفظ لك البنية :) وامها واخوانها ..

[بورصجية]

ههههههههههههههههههه
ضحكت لما قلت يا بس من كلام الاطفال
شوفو ولادي بقا

زبرة = بزرة (بزر التفاح او البطيخ)
افيصو=افعصو (يعني تهرس حاجة)
اكين=اكيد
خرخريه=كركديه
بادي=زبادي
بيب ماما=حبيب ماما
ميك=ميلك (حليب)
شاماليو=شاليمو (سترو)
اميولنز=انيمالز (حيوانات)
بني= بونوي (تصبح على خير)

وغيرو وغيرو
اسمع واضحك عليهم

[حالي الذوق]

اياره = سياره
اني = كرسي :rolleyes2:ههههههههههههههه شدخل
ااؤن = تلفون
هما = حمام ( اعزكم الله)
ائـه = تفاحه:eek5:
توتو = جوتي ( اعزكم الله)
انو= انام


هذي بنتي وبعض كلماته العجيبه
الله يحفظ لكم عيالكم يارب

[همي علي قدي]

بنتي سنه و9 شهور
كلامها تحفه
نون ليلي = توم جيري( رسوم متحركه)
تباتيب =تيلي تابيز(برنامج اطفال)
باني = بارني(برنامج اطفال)
ليوا = حلاوه ( الظاهر مستطربه)
اليل = عصير
دكول = دكتور
انا موت = انا خايفه
ديدوو= جده
كاتي = خالتي
بلبله = عبدالله
دعمون = معجون اسنان
وكلمات وايد بس ماتذكرها

[شمعة المنتدى]

اني = كرسي :rolleyes2:ههههههههههههههه شدخل
ائـه = تفاحه:eek5:
انو= انام


اخوي حالي الذووووق ،،

شكلكم تعبتوا عشان تفرقووون بين كل هالآناااات ،،

ربي يحفظها لكم ياااارب ،،

[!الشايمه!]

اللي عندنا كبروا فديتهم ....

بس الغريب كل عيال اخوي ....من اللي عمره 3 سنين الى اللي عمره 22 سنه

لين اليوم مقتنعين ان اسم الزهيوي = سيوي :)

والعظام اللي بالسمج = شوك

واصغرهم 3 و10 سنين....اذاكانوا وياي في السيارة ..... كل سوالفهم عن السيايير

الصغير يقول للكبير......سوف الفتك واللا كسخا <<شوف الفتك والله كشخه

وانا اقول لهم منو الفتك ..هههههههههه <<<خبر خير بالسيايير

الله يحفظ لك بنتك ....

و تحية للموضوع الكيوت

[ورقــة أمــل]

ههههههههههههههههه

ووووو تقولها بنتي لين شافت شي يخرع

شسالفتكم مع وسائل النقل ؟؟

الله يخليه لكم ويبلغ امه وابوه فيه يارب


هاي العابه سيكله وطيارته وبطبطته ومادري وشو عشان جي حافظهم :rolleyes2:

الله يخليك ويخلي لك بنيتك ويحفظها وان شاء الله تشوفها عروووس

[ALRAYYAN]

ههههههههههههههههههههههه

اما اليهال يضحكون :tease:

الريان

الله يخلي لك بنتك ان شاء الله


اما عن بنت عمي :

تاتي = كافي

بدلي باب = بطلي باب

بيبس = بيبسي

وتاتس = بطاطس

عسيل = عصير :rolleyes2:

تبتوبي = دبدوبي




ولد خالي:


طقيوه = قطيوه <<خرب اللغه :rolleyes2:

ستاندو = ستاندر

عصيو = عصير


:tease: ان شاء الله اذا تذكرت شي برجع لكم

ههههههههه

أحلى شي عكس الحروف

الله يخليها لكم يارب .. وتسلمين ع المرور الحلو أختي

[ALRAYYAN]

الله يخليها لك أن شاء الله

تسلم عسوووووول :shy:

[ALRAYYAN]

بنتي تقول :

شحلونك=شلونك

:)

يمكن هالكلمة مجموع

شحالك + شلونك

لوووووووول

الله يخليها لك يارب وتتربى في عزكم .. آآآمين

[ALRAYYAN]

موضوع عجيب والله

ولدنا يقول
بيفه=بيضه

ابيف= ابيض
دلوسي=ضروسي
تيل=طير
تاي=شاي

هذا ما يحضرني الحين

ويارب يخلي لكم غواليكم اجمعين

هههههههههههههههههه

مبين أن عنده مشكله أو شوية عداوه مع حرف ض

الله يخليه لكم يارب

[ALRAYYAN]

فديت قلب غلووووووي وأمها اللي باخذها معاي ان شاءالله بأول رحله في طيارتي الجديده :tooth:



بخصوص:unsure: >> بوجاتي = برتغالي :eek5: متأكد أنها تقصد برتغالي والا تقصد الموتر بوقاتي :D خخخخخخخخ

الله يحفظها يارب ويخليها لعين ترجيها وان شاءالله يارب تبشرنا بقدوم ولي العهد "ناصر" عن قريب ان شاءالله :nice::nice::nice:



تقبل مروري

الكابتن :weeping:


اللي بالاحمر :waiting:
اللي بالازرق .. هههههههههههههههههههههه أنا بعد قلت يمكن بوقاتي .. لكن للأسف طلعت برتقالي :rolleyes2:


وتسلمين على دعوتج الطيب .. وأن شاء الله يرزقني بناصر ويرزقج بتوم يطلعون لج قرون أنتي وأبوهم :tease:

[ALRAYYAN]

موضوع حلوووو .. وكلام اليهال في البداية يكوووون حلوووو ..

الله يخلي لكـ البنوته الكيوووت *__^

آمين يارب .. يسلمووووووووووو :nice:

[ALRAYYAN]

الريان نايس توبك

والله يحفظ بنوتك وتتربا في عزك ويبلغك اياها

كلمات بنتي

حماله = حماره >>>>> اذا عصبت
كانك يو = ثانك يو <<< نوع من الادب
واو واو = قطوه
عثفور = عصفور

عندها عقده الصاد والسين تقلبهم ثاء

هههههههههههههههه

تعرف تعصب بعد .. والله مشكله هالجيل

عسى الله يخليها لج ويابرك لج فيها أختي

[ALRAYYAN]

ههههههههههههه بنوتتنا عمرها سنة ونص او اكثر شوي الله يحفظها فديتها

تقول

بش = بس :secret:

ببة = بطة

نانو = دانة

نيني = مرضاعة

عش = عيش

ميييييييي = مااي

بسم الله = بم لله

الحمدلله = لله

فوق = بوق :eek5:

رااح = نوووح

السلام عليكم = سام

هااي الي اذكرها ..

يحليلها .. أنا ملاحظ أنا تختصر الكلمات .. شكلها بتطلع ماتحب الهذره :rolleyes2:

فوق بنتي تقولها سوق :shy:

الله يخليها لكم وتتربى في عزكم يارب

[بوخالد911]

هلا الغالي



بنتي الصغيرة تقلب بعض الحروف !!

تسبق حرف على حررف !!!

مثال :

كمل = كلم


فريجك = رفيجك (((( وهاااااي أحلى شي أسمع منها :nice::victory::victory::victory::nice: ))))


ليين تشوفني طالع تقوولي : بتطلع مع فريجك ؟؟!؟؟

:)

نسف = نفس


كمبتووتر = كمبيوتر

:nice::victory::victory::nice:

مسيوو - بوخالد911

[ALRAYYAN]

اخي ALRAYYAN




للأسف ماعندنا بزارين الحين .....



والذكره ضعيفه...



خبرك السن والعيال ...



لكن اللي اذكره ولد اختي الصغيره...



غير عن اي بزر شفته في حياتي...



كان يأشر...


ولين بغي يقولك سالفه يأشر...



واهله كلهم يفهمون له ...حتى الخدامه..



وانا عاد مخي يفتر ولا افهم له ابد...



والاخ استحلى السالفه وما نطق لين دخل الروضه...



وخاس ...



لا البزارين فهموله ولا المدرسات...اصلاً محد عنده وقت ينطر ساعه عشان كلمه ...



والحين لين اشوفه يهذر مع ربعه اقول ...سبحان اللي نطقه...




وعلى فكره



الله يخلي بنتك لك ولأمها ويرزقكم بغيرها قول امين....وكلهم ريانيين؟؟؟





اختك العوده


الملكة الام

عسى الله يطول بعمرج ويخليج لعيالج وأحفادج ولنا يا أمنا العزيز
يكفيني شرف أنج دخلتي الموضوع بس
ودعواتج الطيبه تثلج صدري والله
يوالج الصحه والعافيه ويبارك لج بكل من تحبين :)

[ALRAYYAN]

يا حليلها الله يحفظها ويخليها لكم ..

الله يرحم والديك يالغالي :)

[ALRAYYAN]

ههههههههههههههههههههههههههههههههههههههههههههه
هههههههههههههههههههههههههههههههههههههههههه
ههههههههههههههههههههههههههههههههههههههه
.. سوالفكم ضحكتني .. :eek5:
الله يخليلك البنوته وامها وتجيبون ولي العهد ناصر على قولت بنت المنتدى ويرزقها يارب معاي الذريه الصالحه :victory:
يعطيك العافيه الريان .. :rolleyes2:
بس ما اعتقد كلهم ريانيين .. :telephone:

هلا أختي نبراس

مو لازم أمها تكون ريانيه <<< حاول ماقدر
بس أهم شي بنتي قاعد أعلمها على حب الريان من الحين ولو أنها بنت بس بيمشي الحال
لكن إن الله اراد ورزقني بنصور .. بيطلع رياني غصب من ورى خشم أبوه
وبيلعب في الريان أن شاء الله فريق التيله .. المهم في الريان :victory:

تسلمين على المرور وماقصرتي يالشيخه :)

[ALRAYYAN]

خخخخخخخخخخخ

حلو الموضوووووع ومهضوووم ،،

امممممم

بالنسبه لليهال اللي عندي ،،

عندي بنت بنت خالتي

اذا بغت تقول " جمعيه " تقول " جعميه "

و أخووووي لما كان صغيروووون ،،

اذا بغى يقول " ثانك يو " يقول " تانكووون "

ووووووووبث ،،

جعمية الميره التعاونية .. ههههههههههههههه

تخيلت اللافته مكتوب عليها جعميه

الله يخليها لكم يارب وتقول سوبر ماكرت في المستقبل :tease:

[ALRAYYAN]

هذه الكلمات اللي اتذكرها من بنات اختي ورفيجتي


مثلا

دقدقوه = سيارة
اكوم = فطوم
محاية = مهاية "تصغير مها "
سننب = سفن آب
ابل = الله اكبر " الاذان "
كوف = اخاف
شعت = شعر
مطت = مطر

" دايما حرف الراء في اخر الكلمه تقلبه تاء " !!

هههههههههه

عسى الله يخليها لكم

بنتي تقول عن الشعر .. شاااااعي :rolleyes2:

تسلمين على المرور أختي نور الريان

[ALRAYYAN]

الله يحفظ لك البنية :) وامها واخوانها ..




ويحفظك ويخليك ويبارك فيك يالكرك :nice:

[ALRAYYAN]

ههههههههههههههههههه
ضحكت لما قلت يا بس من كلام الاطفال
شوفو ولادي بقا

زبرة = بزرة (بزر التفاح او البطيخ)
افيصو=افعصو (يعني تهرس حاجة)
اكين=اكيد
خرخريه=كركديه
بادي=زبادي
بيب ماما=حبيب ماما
ميك=ميلك (حليب)
شاماليو=شاليمو (سترو)
اميولنز=انيمالز (حيوانات)
بني= بونوي (تصبح على خير)

وغيرو وغيرو
اسمع واضحك عليهم

ههههههههههههههههههههههههههههههههههههههه

الكركديه صار خرخريه .. ههههههههههههه

الله يخليها لكم يارب ويبارك لكم فيها أختي :nice:

[ALRAYYAN]

اياره = سياره
اني = كرسي :rolleyes2:ههههههههههههههه شدخل
ااؤن = تلفون
هما = حمام ( اعزكم الله)
ائـه = تفاحه:eek5:
توتو = جوتي ( اعزكم الله)
انو= انام


هذي بنتي وبعض كلماته العجيبه
الله يحفظ لكم عيالكم يارب

اني = كرسي :funny:

الله يخليها لك ويبارك لك فيها وتشوفها عروس يارب

[ALRAYYAN]

بنتي سنه و9 شهور
كلامها تحفه
نون ليلي = توم جيري( رسوم متحركه)
تباتيب =تيلي تابيز(برنامج اطفال)
باني = بارني(برنامج اطفال)
ليوا = حلاوه ( الظاهر مستطربه)
اليل = عصير
دكول = دكتور
انا موت = انا خايفه
ديدوو= جده
كاتي = خالتي
بلبله = عبدالله
دعمون = معجون اسنان
وكلمات وايد بس ماتذكرها

ههههههههههههههههههههههههه
هههههههههههههههههههههههههههه

بخصوص الليوا والدعمون :nice:

يحليلها .. الله يخليها لج وتشوفين عيالها يارب :)

[ذيبه مزاجيه]

هههههههههه فديت اليهال

الله يخلي لك الكتوته وتتربى بعزك ان شاء الله و يحفظها من كل شر يارب ^_^

كنت موديه بنت اخوي الجمعيه انا و امي الله يرحمها و خواتي .. عاد استعبط عليها اقول لها يللا حولي من السياره ((انزلي)).. عاد هي تقول حق امي يللا حلوي حللللللللللللللللوي ههههههههههههههههههه مت من الظحك ..

ومره امي الله يرحمها كانت لابسه جلابيه وااااااااااايد حلوه .. وبنت اخوي ما كانت تتكلم كلش .. اول ما شافت امي الله يرحمها لابسه الجلابيه و عجبتها على طول قالت (( الله شحلوها عليها )) كانت تقولها بصوت عالي و من قلب ههههههههههههههه قلت ما شاء الله تكلمت سكتت و سكتت و نطقت مره وحده ما شاء الله عليها فله و الله .. ^_^

[بوحارب]

اخي في الله الريان @@


انه اليوم جايك في موضوع ومب عارف اشلون ابتدي فيه :(:(



واتنمى انك ما تردني

وانه مب شارب الكرك قصدي القهوة الا لين ما تقول تم :weeping:































انه طالب ايد بنتك :shy:


هاهـ اشقلت ؟؟؟ :(:(

[خــطــافــ]

اخي في الله الريان @@


انه اليوم جايك في موضوع ومب عارف اشلون ابتدي فيه :(:(



واتنمى انك ما تردني

وانه مب شارب الكرك قصدي القهوة الا لين ما تقول تم :weeping:































انه طالب ايد بنتك :shy:


هاهـ اشقلت ؟؟؟ :(:(

هههههههههههههههههههههههههههههه

مستقطع :secret:

وانا الشاهد الاول

:tease:

[الدوحه%]

هههههههههههههههههههههههههههههه

مستقطع :secret:

وانا الشاهد الاول

:tease:
42409

هاااااه نقوول مبرووك:ok:

[الدوحه%]

تتره واداال == غتره وعقال
دواال == جوال
امااااه == يمه
توله == كوره
ييااايه == سياره

ولدي عمره سنتين وخرده :shy: الله يخلي لكم عيالكم

[بنت سعادة السفير]

اخي في الله الريان @@


انه اليوم جايك في موضوع ومب عارف اشلون ابتدي فيه :(:(



واتنمى انك ما تردني

وانه مب شارب الكرك قصدي القهوة الا لين ما تقول تم :weeping:































انه طالب ايد بنتك :shy:


هاهـ اشقلت ؟؟؟ :(:(


خخخخخخخخخخخخخخخخخخخخخخخخخخ :funny:


بوحارب ماتخلي سوالفكـ :victory:


يازين اليهال ويازين سوالفهم كل الشكر لك اخووي والله يخليلكم عيالكم ويحفظهم ويبلغكم فيهم خير ويرزق كل اللي يتمنى الذريه الصالحه قولوا آآآآآآآآآمين

[tajirqatari]

الله يخليها لكم يارب
وتشوفونها عروس ان شاء الله

[ALRAYYAN]

اخي في الله الريان @@


انه اليوم جايك في موضوع ومب عارف اشلون ابتدي فيه :(:(


واتنمى انك ما تردني

وانه مب شارب الكرك قصدي القهوة الا لين ما تقول تم :weeping:

انه طالب ايد بنتك :shy:


هاهـ اشقلت ؟؟؟ :(:(

مرحبا أخي في الاسلام :nice:
هذي الساعة لمباركه طال عمرك .. ومحنا بلاقيين أحسن منك نزوجه بنتنا يالشيخ
بس بعد دراسة طلبك من قبلي أنا وأم العروس .. لقينا أن في شويه شروط
وأن شاء الله في حالة موافقتك عليها بنقول لك تم :deal:

1. تمتنع عن شرب الشاي الكرك لمدة 5 سنوات قابله للتجديد :)
2. تقص شعرك الطويل واللي متروس قمل :threaten:
3. تبيع موترك هالمكربن وتشتري سياره تليق بنتي وموديلها مو أقل من 2008 << مانبي نقول 2009 ونكلف عليك :taunt:
4. تشتري من عندي رقم مميز لسيارتك الجديده :thumbup:
5. أنا وانت نتزوج في نفس اليوم .. أنت تاخذ بنتي وأنا أخذ وضيح << هالشرط ماتدري عنه أم العروس :looking:
6. ترفع شعار رياني حتى النخاع .. وتترك عنك تشجيع الاندية التعبانه مثل الغرافه وغيره :mad:
7. المهر 500 الف والمؤخر 2 مليون :dance
8. شهر العسل عباره عن رحلة مكوكية حول العالم وتتأكد أن الكابتن مو بنت المنتدى :anger2:
9. تاخذني معاكم شهر العسل أنا وزوجتي اللي هي بنتك :D
10. بنتك ماتقول لك دادي ولا بابي قدام بنتي لأنها غيوره شوي :telephone:
وعقب تنفيذ هالشروط البسيطه بنقول لك تم :yes:

الرجاء ارسال الموافقه على الخاص أو العام .. ماعندي مشكله :nice:

[ALRAYYAN]

42409

هاااااه نقوول مبرووك:ok:


خل يوافق على شروطنا البسيطه جداً وفاله طيب :nice:

[ALRAYYAN]

تتره واداال == غتره وعقال
دواال == جوال
امااااه == يمه
توله == كوره
ييااايه == سياره

ولدي عمره سنتين وخرده :shy: الله يخلي لكم عيالكم

امااااه هههههههه لاتخلونه يشوم مسلسلات تاريخيه
لأن عادي يقولج عقب كم يوم .. ويحكي يامرأه :tease:

الله يخليه لج ويتربى في عزج وعز ابوه يارب

[ALRAYYAN]

خخخخخخخخخخخخخخخخخخخخخخخخخخ :funny:


بوحارب ماتخلي سوالفكـ :victory:


يازين اليهال ويازين سوالفهم كل الشكر لك اخووي والله يخليلكم عيالكم ويحفظهم ويبلغكم فيهم خير ويرزق كل اللي يتمنى الذريه الصالحه قولوا آآآآآآآآآمين

الله يرحم والديج ياساره على مرورج ودهاوتج الطيبه .. أما بو حرررروب خليه علي بتفاهم وياه ماعليج :victory:

[الـقـاسـي]

مشالله عليها الله يحفظها يارب

[بنت ذياب]

رجعت لكم مرة ثانيه

هههههههههههه

مع حرقات اقصد كلمات ولد اختي :shy:

واااال = جوااالي

تااح= مفتاااح

كوووغة= كوورة:rolleyes2:

عاد احلى شي هالكلمتين

مغنااطيس = مايونيز خخخخ

زليخة = جراخيه ههههههههههههه

اول شي مافهمتها وتميت اطالع اختي اقولها عندكم وحده من اهل ريلج اسمها زليخه:eek5:

قالت لي : لا شدخل:eek5:

جان نكتشف ان قصده جرااخي ههههههههه

[ALRAYYAN]

مشالله عليها الله يحفظها يارب

تسلم فديت خشمك .. والله يحفظ لك غاليك يارب

[بوخالد911]

بل

الريان طقت لمداخلتي

؟؟!؟؟


:(

[ALRAYYAN]

بل

الريان طقت لمداخلتي

؟؟!؟؟


:(



افااااااااااا :omg:

والله لاعاش ولا كان اللي شيسمونه لك يابو خالد911
بس والله مانتبهت لحظه خل اشوف وارجع لك :shy:

[ALRAYYAN]

هلا الغالي



بنتي الصغيرة تقلب بعض الحروف !!

تسبق حرف على حررف !!!

مثال :

كمل = كلم


فريجك = رفيجك (((( وهاااااي أحلى شي أسمع منها :nice::victory::victory::victory::nice: ))))


ليين تشوفني طالع تقوولي : بتطلع مع فريجك ؟؟!؟؟

:)

نسف = نفس


كمبتووتر = كمبيوتر

:nice::victory::victory::nice:

مسيوو - بوخالد911




لووووووووووووول

بخصوص عكس الحروف

عسى الله يخليها لك ميسوووو بو خادل 119 .. أو سوري مسيوووو بو خالد 911 :tease:

[بوخالد911]

لووووووووووووول

بخصوص عكس الحروف

عسى الله يخليها لك ميسوووو بو خادل 119 .. أو سوري مسيوووو بو خالد 911 :tease:





هههههههههههههههههه


الريان انت فريجي صح؟؟؟


:nice::rolleyes2::rolleyes2::rolleyes2::nice::nice :

[بوخالد911]

لووووووووووووول

بخصوص عكس الحروف

عسى الله يخليها لك ميسوووو بو خادل 119 .. أو سوري مسيوووو بو خالد 911 :tease:





هههههههههههههههههه


الريان انت فريجي صح؟؟؟


:nice::rolleyes2::rolleyes2::rolleyes2::nice::nice :

[ريان]

الله يخليها لك وتتربا في عزك ان شاء الله يالريـــان

[صمت القلوب]

بحكم روحتنا المستشفى مؤخرا ... كنت اخذ اخوي الصغير معاي ...
وكل مايقول مستشفى ... يقول مشتفى ... والله كل شوي اقوول له وين رحنا امس ... ومسكين يقعد يقوولها ... وكل البيت يضحك عليه ...

ومن اكثر الكلمات اللي موتتنا من الضحك ... يوم خذيناه حديقه الحيوان ... وشاف التمساح ...
الا الوالد يبي يعلمه اشلون يقوول تمساح ... الا يقوول تثماح ... ومن ذاك اليوم وهو يقولها جيه ...لااا ويقولها بثقه جنه هو الصح واحنا الغلط :):):):) فديته والله ...

امممم وهم بعد ... كل مايشوفني اشرب نسكافي ... يقووول عطيني نيكافي ...
وطبعا في كلمات وايد بس ماتحضرني حاليا ....

تسلم اخوي ALRAYYAN عالموضوع الرائع والظريييييف جداااااا ...
لك خالص احترامي وتقديري ...

اختك

صمت القلوب

[أمير المحبه]

انا فهوود ولد خالي ههههههه فديته دوم حرف س عنده ث
يعني دوم يقول
ثياله=سياره
ماريا غتي ثوبي في الغثاله =غساله
ابي اتثبح =اتسبح
لامبديني =لابرجيني هههه
كل مايجوف مباراه يقولي ها ابوكووو هههههههههههههههههه
علمته يشجع السد لاحد يعصب بس +_+
تتوه= قطوه
لما يعصب يقول انت توووب زييين =يعني انت دووب هههههه
لما يبي يروح الدكان مع حد ايني يفتح يده يقول لووس لووس = يبي فلوس
اقوله لو كبرت شنو بتشتري اي سياره يقولي نيتاان وبدحححس بعد هههههه
بيتشري نيسان وبيقحص بعد +_+ هههه مشكله اليهال
والله يخليك ويطول في عمرك وتجوف اعيال ناصر ولدك ويتربى في عزك
وكل يوم يقولك عطني لووس ابي اروح الدكان هههههههه
موضوع روعه الصراحه ولو تزوجت وولدي قط كمن كلمه بكتبهم انشالله

[ALRAYYAN]

رجعت لكم مرة ثانيه

هههههههههههه

مع حرقات اقصد كلمات ولد اختي :shy:

واااال = جوااالي

تااح= مفتاااح

كوووغة= كوورة:rolleyes2:

عاد احلى شي هالكلمتين

مغنااطيس = مايونيز خخخخ

زليخة = جراخيه ههههههههههههه

اول شي مافهمتها وتميت اطالع اختي اقولها عندكم وحده من اهل ريلج اسمها زليخه:eek5:

قالت لي : لا شدخل:eek5:

جان نكتشف ان قصده جرااخي ههههههههه

ياهلا بج مره ثانية وثالثة ورابعة أختي

اما سالفة زليخه وسالفة المايونيز فطست من الضحك .. ههههههههههههههه

عسى الله يخليه لكم ويبلغكم فيه خير يارب أختي

مرورج أسعدني :shy:

[ALRAYYAN]

هههههههههههههههههه


الريان انت فريجي صح؟؟؟


:nice::rolleyes2::rolleyes2::rolleyes2::nice::nice :



اي افا عليج كلنا رعب = ربع :tease:



:nice:

[ALRAYYAN]

الله يخليها لك وتتربا في عزك ان شاء الله يالريـــان

الله يرحم والديك يالسمي والفال لك يارب فديتك :)

[ALRAYYAN]

بحكم روحتنا المستشفى مؤخرا ... كنت اخذ اخوي الصغير معاي ...
وكل مايقول مستشفى ... يقول مشتفى ... والله كل شوي اقوول له وين رحنا امس ... ومسكين يقعد يقوولها ... وكل البيت يضحك عليه ...

ومن اكثر الكلمات اللي موتتنا من الضحك ... يوم خذيناه حديقه الحيوان ... وشاف التمساح ...
الا الوالد يبي يعلمه اشلون يقوول تمساح ... الا يقوول تثماح ... ومن ذاك اليوم وهو يقولها جيه ...لااا ويقولها بثقه جنه هو الصح واحنا الغلط :):):):) فديته والله ...

امممم وهم بعد ... كل مايشوفني اشرب نسكافي ... يقووول عطيني نيكافي ...
وطبعا في كلمات وايد بس ماتحضرني حاليا ....

تسلم اخوي ALRAYYAN عالموضوع الرائع والظريييييف جداااااا ...
لك خالص احترامي وتقديري ...

اختك

صمت القلوب

ههههههههههههههههههههههه

سالفة التمساح مالها حل .. وضحكت يوم تقولين انه واثق انه هو الصح ههههههههه
الله يخليه لكم وتشوفين أعياله يارب أختي صمت القلوب

تسلمين على المشاركة الحلوه :nice:

[ROSE]

الله يحفظ لكم عيالكم ويخلي لك بنتك يالريان

اما سوالف الياهال تجنن اول مايبتدون الكلام اذكر

ولدي تاخر في الكلام شوي ويوم بدى يتكلم قلب لي كل المصطلحات


رنقاطي = برتقالي

ايبض = ابيض

دنقيشن = مكيف او كنديشن

ططبع = مطبه ( مرتفع )

بطبوطه = بطبطه ( موتر سيكل )

حالو = خالو

طياله = طياره

احلى شي يوم يدلع ابوه محد من عيالي سمى ابوه مثله كلهم ينادونه بابا

الا هو كان يناديه بابي

ههههههههههه

وهذي اللي اذكرها

[ALRAYYAN]

انا فهوود ولد خالي ههههههه فديته دوم حرف س عنده ث
يعني دوم يقول
ثياله=سياره
ماريا غتي ثوبي في الغثاله =غساله
ابي اتثبح =اتسبح
لامبديني =لابرجيني هههه
كل مايجوف مباراه يقولي ها ابوكووو هههههههههههههههههه
علمته يشجع السد لاحد يعصب بس +_+
تتوه= قطوه
لما يعصب يقول انت توووب زييين =يعني انت دووب هههههه
لما يبي يروح الدكان مع حد ايني يفتح يده يقول لووس لووس = يبي فلوس
اقوله لو كبرت شنو بتشتري اي سياره يقولي نيتاان وبدحححس بعد هههههه
بيتشري نيسان وبيقحص بعد +_+ هههه مشكله اليهال
والله يخليك ويطول في عمرك وتجوف اعيال ناصر ولدك ويتربى في عزك
وكل يوم يقولك عطني لووس ابي اروح الدكان هههههههه
موضوع روعه الصراحه ولو تزوجت وولدي قط كمن كلمه بكتبهم انشالله

السد عيل :anger3:
أخ بس لو يطيح في يدي .. بتلقاه رياني حتى النخاع :thumbup:

بس مصطلحاته عجيبه .. خصوصاً لووس لووس ههههههههههه

الله يرحم والديك على دعواتك الطيبه يالغالي
وعسى الله يوفقك ببنت الحلال اللي تستاهلك وتستاهلها ويرزقك منها بالذرية الصالحه ويطلعون كلهم ريانيين :nice:

[مليونيره]

فديت ولد أختي عمره سنتين
كلماته عجيبه
خافي=كافي
كوعه =كوره
عبيد = بعيد
جيوي=زهيوي
Love = لوب
هتان = حصان
دوم وديري = توم أند جيري
بلنسا = فرنسا

[بوحارب]

مرحبا أخي في الاسلام :nice:


هذي الساعة لمباركه طال عمرك .. ومحنا بلاقيين أحسن منك نزوجه بنتنا يالشيخ
بس بعد دراسة طلبك من قبلي أنا وأم العروس .. لقينا أن في شويه شروط
وأن شاء الله في حالة موافقتك عليها بنقول لك تم :deal:

1. تمتنع عن شرب الشاي الكرك لمدة 5 سنوات قابله للتجديد :)
2. تقص شعرك الطويل واللي متروس قمل :threaten:
3. تبيع موترك هالمكربن وتشتري سياره تليق بنتي وموديلها مو أقل من 2008 << مانبي نقول 2009 ونكلف عليك :taunt:
4. تشتري من عندي رقم مميز لسيارتك الجديده :thumbup:
5. أنا وانت نتزوج في نفس اليوم .. أنت تاخذ بنتي وأنا أخذ وضيح << هالشرط ماتدري عنه أم العروس :looking:
6. ترفع شعار رياني حتى النخاع .. وتترك عنك تشجيع الاندية التعبانه مثل الغرافه وغيره :mad:
7. المهر 500 الف والمؤخر 2 مليون :dance
8. شهر العسل عباره عن رحلة مكوكية حول العالم وتتأكد أن الكابتن مو بنت المنتدى :anger2:
9. تاخذني معاكم شهر العسل أنا وزوجتي اللي هي بنتك :D
10. بنتك ماتقول لك دادي ولا بابي قدام بنتي لأنها غيوره شوي :telephone:
وعقب تنفيذ هالشروط البسيطه بنقول لك تم :yes:

الرجاء ارسال الموافقه على الخاص أو العام .. ماعندي مشكله :nice:

اتمنى اني اقدر انفذ شروطكم وانه مستعد للي تبونه لعيون بنتك فديتها :shy:

1- اسمحلي ماقدر امتنع عن الكرك لو الموت :no:
2- قمل عاد مرة وحدة

ترى شعري مافيه الا قشره بس نفس الناس كلها :pioneer:
بعدين يمكن بنتك تحب الشعر الطويل اشلك خص انت فشعري!!!:looking:

3- مكربن في عينك:(

عندي موتر ثاني غير الجي كامري 2007 تنفع ولا ؟ :no2:

4- انه بصير نسيبك المفروض تعطيني رقم هدية مب تقولي اشتر بالقحي :eek3:

5-ما عندي اي مشكلة بس انه خايف عليك لا تتسطر من ام العيال:court:

6-موووبي انه ماحب الريان:anger2:

7- اما 2 مليون ليكون تبيني ماطلق البنت كلش :eek5:

و500 الف وايد ترى نقص لي شوي :o

8-بوديها العمرة احسن من المكوكية مالتك :sorry:

ومن قال اني بركب مع بنت المنتدى ليكون بايع عمري:nop:

9-اذا تزوجتها يصير خير يالشرير :mad:

10-بتقولك رياني حياتي :shy::shy::shy:

وهذا الرد مالي على شروطك انت وام العيال واتمنى انكم ما تعقدون الامور اكثر :spider:

[ناصر العمادي]

الله يخليها لك وتتربى في عزك وتشوفها عروس أن شاء الله ...

أقول يالغالي ترى عبود ولدي عمره سنتين و4 شهور ..<< أحم أحم :shy:

يشرفني ويسعدني أني أطلب يد بنتك لولدي عبود

ترى ولدي ماعليه كلام ..ريال مصلي كل الفروض في المسجد ورايح العمره مرتين وأن شاء الله بيروح الحج قريب .. :eek5::eek5:
مستقبله مضمون بأذن الله ..
البيت جاهز

يعني جاهز من مجاميعه ..:nice:

وراعي مزاج في الكلام << يعني مره يصوت علي ويقولي .. يبا .. ومره .. بابا .. ومره ..أبوي .. ومره ..أبا .. ومره ..يوبا ..ومره ناصر .>> الهيس تقول رفيجه مع ويهه

ها نقول مبرووووووووووووك .. :nice::nice::nice:

زغروطــه يابنـــات <<< كلووووووووووووووش

يعطيك الصحه والعافيه على الموضوع الحلو مثلك << لازم نجامله بونسب :tease:

الله يوفقك ويطول بعمرك ويسهل أمرك وينور دربك دنيا وأخره أن شاء الله

كل الشكر والتحيه والتقدير والأحترام لك

[شاهيناز]

الله يخلي لك بنتك يارب وتشوفها عروس


عندنا في البيت حمودي اصغر طفل في العائله عمره سنه ونص
الرياني الصغير

انا اصير خالته
من يوم هو صغير اقوله رياني حبيبي الحين اقوله ريان يقول هابيبي

عنده كلمات خاصه فيه

بوت : ها الكلمه لها استخدامات كثيره منها افتح

قووول: تعني كره القدم من يشوف مباراه يقول قووول

فوووووفووو: الشمعه لانه لما يطفي الشمعه يقول فوووووو

بيتذا: بيتزا
باو باو: الكلب ( اعزكم الله)

اغلب كلامه ملخبط الا
كلمتين

توتي ودروسي

لاعبين نادي روما

الشباب في بيتنا يحبون روما
وهو يصارخ معاهم

بس سوالف حمودي ماتخلص

[ALRAYYAN]

الله يحفظ لكم عيالكم ويخلي لك بنتك يالريان

اما سوالف الياهال تجنن اول مايبتدون الكلام اذكر

ولدي تاخر في الكلام شوي ويوم بدى يتكلم قلب لي كل المصطلحات


رنقاطي = برتقالي

ايبض = ابيض

دنقيشن = مكيف او كنديشن

ططبع = مطبه ( مرتفع )

بطبوطه = بطبطه ( موتر سيكل )

حالو = خالو

طياله = طياره

احلى شي يوم يدلع ابوه محد من عيالي سمى ابوه مثله كلهم ينادونه بابا

الا هو كان يناديه بابي

ههههههههههه

وهذي اللي اذكرها

رنقاطي = برتقالي ههههههههههههههههههههههههههههههههه

يعني انا عني بوقاتي = برتقالي وانتي عندج رنقاطي هههههههههههههههه

والله ضحكتني الكلمة

عسى الله يخليه لكم ويخليكم له ويبلغكم فيه مبلغ الخير يارب أختي روز :)
ولا هنتي على مرورج ودعواتج الطيبه :nice:
أخ بس لو تصيرين ريانية :shy:

[ALRAYYAN]

فديت ولد أختي عمره سنتين
كلماته عجيبه
خافي=كافي
كوعه =كوره
عبيد = بعيد
جيوي=زهيوي
Love = لوب
هتان = حصان
دوم وديري = توم أند جيري
بلنسا = فرنسا

خافي وكوعه
ههههههههههههههههههههههههههه

يحليله .. مصطلحاته عجيبه والله

الله يخليه لكم ويبارك لكم فيه وتشوفونه معرس يارب :nice:

[ALRAYYAN]

اتمنى اني اقدر انفذ شروطكم وانه مستعد للي تبونه لعيون بنتك فديتها :shy:

1- اسمحلي ماقدر امتنع عن الكرك لو الموت :no:
2- قمل عاد مرة وحدة

ترى شعري مافيه الا قشره بس نفس الناس كلها :pioneer:
بعدين يمكن بنتك تحب الشعر الطويل اشلك خص انت فشعري!!!:looking:

3- مكربن في عينك:(

عندي موتر ثاني غير الجي كامري 2007 تنفع ولا ؟ :no2:

4- انه بصير نسيبك المفروض تعطيني رقم هدية مب تقولي اشتر بالقحي :eek3:

5-ما عندي اي مشكلة بس انه خايف عليك لا تتسطر من ام العيال:court:

6-موووبي انه ماحب الريان:anger2:

7- اما 2 مليون ليكون تبيني ماطلق البنت كلش :eek5:

و500 الف وايد ترى نقص لي شوي :o

8-بوديها العمرة احسن من المكوكية مالتك :sorry:

ومن قال اني بركب مع بنت المنتدى ليكون بايع عمري:nop:

9-اذا تزوجتها يصير خير يالشرير :mad:

10-بتقولك رياني حياتي :shy::shy::shy:

وهذا الرد مالي على شروطك انت وام العيال واتمنى انكم ما تعقدون الامور اكثر :spider:

خلاص الامور تعقدت لأكثر من سبب
الاول انك امتنعت عن تنفيذ أكثر الشروط
وثانياً لأن أخلاقك ماطمن وخصوصاً بعد الرساله اللي خبري خبرك ع الخاص
وثالثاً لدخول مستر ناصر العمادي وولده عبوووودي دودي دودي على الخط
وبصراحه انا شاك أن مستشفى العمادي لهم .. وبذلك بيكون مستقبل بنتي مع عبودي دودي دودي ماله حال :shy:

:nice:

[ALRAYYAN]

الله يخليها لك وتتربى في عزك وتشوفها عروس أن شاء الله ...

أقول يالغالي ترى عبود ولدي عمره سنتين و4 شهور ..<< أحم أحم :shy:

يشرفني ويسعدني أني أطلب يد بنتك لولدي عبود

ترى ولدي ماعليه كلام ..ريال مصلي كل الفروض في المسجد ورايح العمره مرتين وأن شاء الله بيروح الحج قريب .. :eek5::eek5:
مستقبله مضمون بأذن الله ..
البيت جاهز

يعني جاهز من مجاميعه ..:nice:

وراعي مزاج في الكلام << يعني مره يصوت علي ويقولي .. يبا .. ومره .. بابا .. ومره ..أبوي .. ومره ..أبا .. ومره ..يوبا ..ومره ناصر .>> الهيس تقول رفيجه مع ويهه

ها نقول مبرووووووووووووك .. :nice::nice::nice:

زغروطــه يابنـــات <<< كلووووووووووووووش

يعطيك الصحه والعافيه على الموضوع الحلو مثلك << لازم نجامله بونسب :tease:

الله يوفقك ويطول بعمرك ويسهل أمرك وينور دربك دنيا وأخره أن شاء الله

كل الشكر والتحيه والتقدير والأحترام لك

هلا هلا بو نسب <<< مسرع ماوافق :shy:
شوف أنا اتشرف بالسيد/ عبدالله بن ناصر العمادي وشركائه << شدعوه شركه :ok:
وبما أني شاك مجرد شك أن مستشفى العمادي لكم
فأنا أقولك موافق ..
ولكن عندي طلب صغيروووووووووون .. وإن شاء الله مستر عبدالله بيوافق عليه بس أنت اطلع منها
30% من مدخول مستشفى العمادي شهرياً <<< طلع طيب ومب طماع :nice:

ماسمع .. شقلت .. موافق .. كلولولولولولوووووووش :fight:

[ALRAYYAN]

الله يخلي لك بنتك يارب وتشوفها عروس


عندنا في البيت حمودي اصغر طفل في العائله عمره سنه ونص
الرياني الصغير

انا اصير خالته
من يوم هو صغير اقوله رياني حبيبي الحين اقوله ريان يقول هابيبي

عنده كلمات خاصه فيه

بوت : ها الكلمه لها استخدامات كثيره منها افتح

قووول: تعني كره القدم من يشوف مباراه يقول قووول

فوووووفووو: الشمعه لانه لما يطفي الشمعه يقول فوووووو

بيتذا: بيتزا
باو باو: الكلب ( اعزكم الله)

اغلب كلامه ملخبط الا
كلمتين

توتي ودروسي

لاعبين نادي روما

الشباب في بيتنا يحبون روما
وهو يصارخ معاهم

بس سوالف حمودي ماتخلص

هلا ياخالته :nice:
يحليله الرياني الصغير
عسى الله يخليه لكم رياني هابيبي وتشوفونه معرس يارب :)

[ناصر العمادي]

هلا هلا بو نسب <<< مسرع ماوافق :shy:
شوف أنا اتشرف بالسيد/ عبدالله بن ناصر العمادي وشركائه << شدعوه شركه :ok:
وبما أني شاك مجرد شك أن مستشفى العمادي لكم
فأنا أقولك موافق ..
ولكن عندي طلب صغيروووووووووون .. وإن شاء الله مستر عبدالله بيوافق عليه بس أنت اطلع منها
30% من مدخول مستشفى العمادي شهرياً <<< طلع طيب ومب طماع :nice:

ماسمع .. شقلت .. موافق .. كلولولولولولوووووووش :fight:

شكلك داخل على طمع في الولد المسكين ...:anger1::anger1::anger1:

أقول لو مستشفى العمادي لي صدقني ماتشوفني في المنتدى ..<< بس جالس أحسب الفلوس ....:tease::tease::tease:

الولد عنده أسهم الرعايه وأن شاء الله خلال عشرين سنه بتوصل 200 ريال يعني الولد بيكون عنده ملايين << أفكر بمستقبل الولد من الحين :nice::nice:

أشكرك على الموافقه السريعه يابونسب ..ونسبك شرف لي يالغالي ...:nice:

أعتقد بعد عشرين سنه الوضع بيتغير وبنصير مثل الهند البنت هي اللي تدفع المهر .. <<< أشرايك نعقد عليهم الحين وأنت الربحان ...:tease::tease::tease:

فكر في الموضوع قبل لايروح الولد منك ترى عليه طلب ..:nice::nice:

[ALRAYYAN]

شكلك داخل على طمع في الولد المسكين ...:anger1::anger1::anger1:

أقول لو مستشفى العمادي لي صدقني ماتشوفني في المنتدى ..<< بس جالس أحسب الفلوس ....:tease::tease::tease:

الولد عنده أسهم الرعايه وأن شاء الله خلال عشرين سنه بتوصل 200 ريال يعني الولد بيكون عنده ملايين << أفكر بمستقبل الولد من الحين :nice::nice:

أشكرك على الموافقه السريعه يابونسب ..ونسبك شرف لي يالغالي ...:nice:

أعتقد بعد عشرين سنه الوضع بيتغير وبنصير مثل الهند البنت هي اللي تدفع المهر .. <<< أشرايك نعقد عليهم الحين وأنت الربحان ...:tease::tease::tease:

فكر في الموضوع قبل لايروح الولد منك ترى عليه طلب ..:nice::nice:

:shy::shy::shy:

السالفة مو مسألة طمع كثر ماهي مسألة تأمين مستقبل بنتي وتأمين مستقبلي أنا شخصياً :D
وبعدين أنا أدري أنك تخاف من العين والعين حق مالومك .. عشان جذي مو قادر أصدق أن مالك خص بمستشفى العمادي :omen2:

أما بخصوص الحال بعد عشرين سنة .. ماعتقد أن بنصير مثل الهند والبنت تدفع للولد
بس الأكيد أن اذا الحين المهر 100 الف بعد عشرين سنة بيكون ع الاقل 10000000 :thumbup:
تشوف الاصفار شكثر .. ركز ؟ :telephone:

وبعدين أنا ادري أن عبود حلو ومزيون الله يحفظه .. لكن أنا شضمني أن لين صار
عمره 20 سنة مايقلب عليك ويطلع الخالق الناطق أنت وعقبها بنتي تدعي علي :sneaky:

لا يبا كل شي بوقته حلو .. والوعد عقب عشرين سنه .. الا اذا اعترفت أن مستشفى العمادي لك :shy:

[ناصر العمادي]

:shy::shy::shy:

السالفة مو مسألة طمع كثر ماهي مسألة تأمين مستقبل بنتي وتأمين مستقبلي أنا شخصياً :D
وبعدين أنا أدري أنك تخاف من العين والعين حق مالومك .. عشان جذي مو قادر أصدق أن مالك خص بمستشفى العمادي :omen2:

أما بخصوص الحال بعد عشرين سنة .. ماعتقد أن بنصير مثل الهند والبنت تدفع للولد
بس الأكيد أن اذا الحين المهر 100 الف بعد عشرين سنة بيكون ع الاقل 10000000 :thumbup:
تشوف الاصفار شكثر .. ركز ؟ :telephone:

وبعدين أنا ادري أن عبود حلو ومزيون الله يحفظه .. لكن أنا شضمني أن لين صار
عمره 20 سنة مايقلب عليك ويطلع الخالق الناطق أنت وعقبها بنتي تدعي علي :sneaky:

لا يبا كل شي بوقته حلو .. والوعد عقب عشرين سنه .. الا اذا اعترفت أن مستشفى العمادي لك :shy:

:con2::con2::con2: معاك حق ياخوي الخوف يقلب ويصير مثلي <<< بعدها ماراح يلحق على المعجبات ...:tease::tease::tease:

أنت شوف العوانس الحين أشكثر فما بالك بعد عشرين سنه ..:secret::secret:

أسمع نصيحتي وأضمن مستقبل البنت من الحين ..:nice::nice::nice:

ترى أذا خلصت الموضوع بدفعلك عموله حلوه ..:tease::tease::tease:

[ALRAYYAN]

:con2::con2::con2: معاك حق ياخوي الخوف يقلب ويصير مثلي <<< بعدها ماراح يلحق على المعجبات ...:tease::tease::tease:

أنت شوف العوانس الحين أشكثر فما بالك بعد عشرين سنه ..:secret::secret:

أسمع نصيحتي وأضمن مستقبل البنت من الحين ..:nice::nice::nice:

ترى أذا خلصت الموضوع بدفعلك عموله حلوه ..:tease::tease::tease:

ههههههههههههههههههههههههههههه

عموله في عينك .. هذي بنتي باخذ من وراها عمولات :waiting:
الا اذا العمولة محرزه .. بفكر .. وأكيد بوافقك أنت ماعليك :playball:
ولا تفاول على بنتي بالعنوسه .. الشر برا وبعيد ياخويا :anger2:
شرطي واضح 30% وغيره :nono:

[ناصر العمادي]

ههههههههههههههههههههههههههههه

عموله في عينك .. هذي بنتي باخذ من وراها عمولات :waiting:
الا اذا العمولة محرزه .. بفكر .. وأكيد بوافقك أنت ماعليك :playball:
ولا تفاول على بنتي بالعنوسه .. الشر برا وبعيد ياخويا :anger2:
شرطي واضح 30% وغيره :nono:

الله يخليها لك وتفرح فيها ويرزقها الزوج الصالح اللي أحسن منك يارب :tease:

أقول خلنا في الأرقام أحسن ..<< عبود مسندر راسي الا يبي رقم مميز لسيكله .. :tease:

أذا غيرت رايك بخصوص الزواج أحنا جاهزين :nice::nice: