^/_\^ ســـــوالــــــــــف دوت. نــــت ^/_\^

[غير البشر]

السلاام عليكم


http://up2.m5zn.com/photo/2009/3/3/12/944jmvdfe.jpg/jpg (http://up2.m5zn.com)



اشحالكم يالله حيه :nice:


شخباركم مع النت اكيد تمام صح :tease:


http://up2.m5zn.com/photo/2009/3/3/12/lz0y2enn3.jpg/jpg (http://up2.m5zn.com)



حزات افكر شلون بديت مع النت ووين وصلت فيه :omen2:

المهم :tooth:



http://up2.m5zn.com/photo/2009/3/3/12/1qk8ey6r3.jpg/jpg (http://up2.m5zn.com)


كنت طالب سنه اولى بالجامعه يحليلي :shy:

وعندنا دكتور حاسب


قلت دكتور :؟؟


قال: نعم غير البشر :eek5:



قلت له: انا مالي بالكمبيوتر ليش اعور راسي واتعلمني :rolleyes2:



قال الدكتور: مصيرك بتحتاجه وبتستخدمه :weeping:



قلت له : مافي امل


قال ياغير البشر : الايام بينا :rolleyes2:



قلت له: دكتور اتصدق



قال : خير غير البشر



قلت له : رفيجي يقعد على النت في اليوم 3 ساعات :omg:



قال : انزين وين المشكله مافيها شي عادي :weeping: crazy



قلت له : ماحس اني في يوم من الايام بقعد على النت بهذي الطريقه



قال : خير ان شاء الله ههههههه



ودارت الايام والسنون :(




والحين ماخليت دعوس في النت مادخلته :waiting:


http://up2.m5zn.com/photo/2009/3/3/12/ag7bfsreo.jpg/jpg (http://up2.m5zn.com)


وانتوا اشرايكم اخواني خواتي اعضاء المنتدى :nice:



http://up2.m5zn.com/photo/2009/3/3/12/am5carcss.jpg/jpg (http://up2.m5zn.com)



# شلون كانت بدايتكم مع النت


# شنو كان يعني لك النت في بدايتك


# ووين وصلت في عالم النت


# وصلت مرحله الادمان او تستخدمه لما تكون فاضي



واسمحو لي على الاطاله :nice:



كان معاكم غير البشر دوت. نـــــت :protest: :p


http://up2.m5zn.com/photo/2009/3/3/12/5xmjhm0qm.jpg/jpg (http://up2.m5zn.com)

[بنت المنتدى]

تبي الصج

اول موقع بحياتي حطيته هو قوقل ومنه انطلقت ^___^


دخلت النت عشان مواقع طبخ:eek5: .. وبعدين تطورت وصرت ادخل اماكن ثانيه < تطورت حشا تقول بيكمون :tease:


وع فكره وظيفتي مب على النت لا لا .. وظيفتي هي النت بكبره :secret: عشان جذي تشوفوني يومياً ما شاءالله جني ساحره قاعده من صباح الله خير ع النت :shy:



الف شكرلك يا اخوي
لاهنت ع الطرح المميز :victory:

[غير البشر]

تبي الصج

اول موقع بحياتي حطيته هو قوقل ومنه انطلقت ^___^


دخلت النت عشان مواقع طبخ:eek5: .. وبعدين تطورت وصرت ادخل اماكن ثانيه < تطورت حشا تقول بيكمون :tease:


وع فكره وظيفتي مب على النت لا لا .. وظيفتي هي النت بكبره :secret: عشان جذي تشوفوني يومياً ما شاءالله جني ساحره قاعده من صباح الله خير ع النت :shy:



الف شكرلك يا اخوي
لاهنت ع الطرح المميز :victory:




انتي دخلت مواقع طبخ والحين ماعندج وقت حق الطبخ كله في النت :tease:


والله الحين كلنا صرنا بكبرنا نت :victory:


العفو اختي ويسلموو على تعليقج ومرورج الطيب :nice:

[فلفل حار]

انا ماعجبني الا تعليقاتك بالموضوع والدكتور يرد عليك ويقولك نعم يا غير البشر هههههههههههههههههههههه:nice:

النت بديت مشواري فيه بالشاتينغ رووم سنة 96 في البحرين بالتعاون مع ولد خالتي :shy:

يعني قبل لايدخل النت في قطر اواخر السنه نفسها:secret:

<------ دينصور في عالم الانترنت لا اله الا الله :telephone:



الله يعطيك العافيه يالغالي غير البشر :nice:

[فلفل حار]

مداخله ونصيحه سريعه لمستخدمي الانترنت //

ألي يستخدمون الانترنت بكثره وبالساعات يوميا ... الافضل يشتري له الزجاج الواقي ألي يوضع علي شاشة الكمبيوتر

لايستخسر علي نفسه 100 او 200 ريال علي هالزجاج وعقب يروح يراكض ويعالج عيونه نفس ماصار لي :weeping:

[غير البشر]

انا ماعجبني الا تعليقاتك بالموضوع والدكتور يرد عليك ويقولك نعم يا غير البشر هههههههههههههههههههههه:nice:

النت بديت مشواري فيه بالشاتينغ رووم سنة 96 في البحرين بالتعاون مع ولد خالتي :shy:

يعني قبل لايدخل النت في قطر اواخر السنه نفسها:secret:

<------ دينصور في عالم الانترنت لا اله الا الله :telephone:



الله يعطيك العافيه يالغالي غير البشر :nice:





الله عليك يا شيبه النت

الله يعطيك الصحه والعافيه

ماشاء الله عليك خبير نت :victory:


اي لازم اقول غير البشر يعني انه يكلمني :secret:



يسلموو على مرورك وتعليقك :nice:

[غزلان]

اول مره استخدمت النت ادخل على بطاقات الشعر يعني التصاميم وعقبها المكياج وكل سوالف البنات

والحين المنتديات

[غير البشر]

مداخله ونصيحه سريعه لمستخدمي الانترنت //

ألي يستخدمون الانترنت بكثره وبالساعات يوميا ... الافضل يشتري له الزجاج الواقي ألي يوضع علي شاشة الكمبيوتر

لايستخسر علي نفسه 100 او 200 ريال علي هالزجاج وعقب يروح يراكض ويعالج عيونه نفس ماصار لي :weeping:




جزاااك الله خير

وماتشوف شر الغالي

[غير البشر]

اول مره استخدمت النت ادخل على بطاقات الشعر يعني التصاميم وعقبها المكياج وكل سوالف البنات

والحين المنتديات


مشكوره اختي على المشاركه

اي الانسان جذي يدخل حق شي معين ويعتمق اشوي اشوي

الله يعيطج العافيه

[ورقــة أمــل]

# شلون كانت بدايتكم مع النت

كنت ادش في المدرسة مع رفيجتي عشان نسوي بحوثنا وكان مسموح لنا ندخل بس وقت الفرصة نص ساعة بس وتقريبا كنت ادش على أين دوت كوم اكثر شي...


# شنو كان يعني لك النت في بدايتك

كنت اعتبره اختراع وكنا مشتطين عليه بس كنا ندش مواقع ونطرش ايميلات حق بعض يعني مب أكثر من جي


# ووين وصلت في عالم النت


عقب المواقع عرفنا الايميل علمونا في المدرسة وعقبها تعلمت الماسنجر في الجامعة مع وحده من ربعي،، وشي شوي قمنا ندش في العميق :p :secret:


# وصلت مرحله الادمان او تستخدمه لما تكون فاضي

في فترة وصلت للادمان لاني تركت الجامعة وقعدت في البيت،، وعقبها خف الادمان مع الكلية،، والحين مع منتدى الاسهم احس الادمان قام يرجع :rolleyes2: بس اتوقع بيخف وايد عقب التخرج ان شاء الله :nice:

تشكرات افندم

[بوعلي2]

انا اول بدايتي بالنت كانت بالشات ومواقع سيارات مب متذكر بالبظط متى بس على ماعتقد نهاية 96 او بداية 97 وماكنت اداوم وايد على النت كنت ادخله كل ويك اند بعدها تطور الحال صار بالساعات مبقق عيوني على المنتدى والماسنجر ومواقع للصور والخلفيات والاشعار
واخر شي شكلي بنام على الكيبورد :nice:

[The Blade]

هلا والله ,, تصدق الحياه بدون انترنت تتوقف .. طبعا من نواحي كثيره واكبر تجربة يوم انقطع الكوابل البحرية ع العموم :) نبدأ


# شلون كانت بدايتكم مع النت
امممم بدايتي كنت رايح مع الوالد فندق الشيرتون وكانوا حاطين كمبيوترات تقريبا 4 - 6 كمبيوترات في كبائن وكانوا حاطينها حق الزوار ( لان كان في مؤتمر ) ومن هذا اليوم والكمبيوتر الشاغل الوحيد في حياتي, ع العموم اول مره حصلت فيها جهاز كمبيوتر سنة 2000 وكان النظام وندوز98 , بعد تجربة مريره مع وندوز 2000 دخولي الانترنت كانت صيف 2001

# شنو كان يعني لك النت في بدايتك
اني اقراء واتعلم في حياتي في النت مافكرت اني ادخل الدردشة او الشات مع العلم ان ذيك الايام الدردشة والشات كان ماعليها ضغط وأقبال من الناس لان كانت في برامج icq والبالتوك , ع العموم بدايتي كانت في المنتديات العربية والتطويري

# ووين وصلت في عالم النت
الحمدلله رب العالمين , وصلت لمرحله راضي عنها جدا , اكتسبت خبارات التصميم والتطوير والبرمجة واكتسب ناس واصدقاء من كل الدول ولله الحمد الانترنت عالم فيه الزين والشين والزين هو الي يدوم ...

# وصلت مرحله الادمان او تستخدمه لما تكون فاضي
اممم لاء الادمان عندي اذا كان عندي شغل و( مشتط ) اني اخلصة ولازم في اقرب وقت اهني يكون الآدمن صح ويمكن تقلون اني كذاب لو قالت لكم اني اقعد اكثر من 12 ساعة يكون بينها ساعة ونص بريك متقطع
ع العموم يوميا تقريبا من 2 - 5 ساعات وعلى حسب الدوام ...


نصيحة الى كل الشباب شوفوا لكم شئ تتعلمونه بدل دخلت المواقع الي مانها فايده...
لحد يقولي بدخل دوره ولا معهد اتعلم منه ,,,
الشئ الي تحبه راح تتعلمه احسن من اي معهد او دوره

[ناصر العمادي]

موضوع حلـــو مثلك يالغالي ..<<< أشدراك انه حلو يمكن جيكر ..:tease::tease:

أقصد حلو الروح طبعا ...:nice::nice::nice:

بدايتي مع النت كانت سنة 98 لما كنت أدرس في الأردن وكنت ساكن فيلا من دورين منفصلين انا تحت وصاحب البيت فوق ..المهم ولد صاحب البيت كان عبقري في الكمبيوتر وجرايد الدوحه ماتنزل الأردن فكلمت صاحب البيت يكلم ولده يجيبلي كمبيوتر وعملت أشتراك 6 شهور وجبت الولد علمني أشلون أشغل الكمبيوتر وخليته يضبط لي مواقع الجرايد وتفتح على طول من غير ماتعبث في الكمبيوتر .. وتميت سنتين على هذا الحال بس أقرأ الجرايد ..

بعدها رحت لندن 8 شهور وعندي موقع الجرايد وأخلي صاحب المحل يطلعلي الجرايد لأن صاحب المحل عربي ...

بعدها كنت أدخل البورصه العالميه وأخلي الكمبيوتر على البورصه 24 ساعه ..

وبعدها دخلت منتدى الأسهم القطريه وكان أول موقع أدخله وأشارك فيه ومازلت ..

وبصراحه البدايه ماعرف ولا شي في النت والحين الحمدلله بفضل الله ثم الشباب اللي في المنتدى تعلمت أشياء كثيره ...

ذكريات حلوه بصراحه والأنسان كل يوم يتعلم أشياء جديده ..

يعطيك الصحه والعافيه على الموضوع الرائع

الله يوفقك ويسعدك ويطول بعمرك ويرضى عليك يارب

كل الشكر والتحيه والتقدير والأحترام لك

[غير البشر]

# شلون كانت بدايتكم مع النت

كنت ادش في المدرسة مع رفيجتي عشان نسوي بحوثنا وكان مسموح لنا ندخل بس وقت الفرصة نص ساعة بس وتقريبا كنت ادش على أين دوت كوم اكثر شي...


# شنو كان يعني لك النت في بدايتك

كنت اعتبره اختراع وكنا مشتطين عليه بس كنا ندش مواقع ونطرش ايميلات حق بعض يعني مب أكثر من جي


# ووين وصلت في عالم النت


عقب المواقع عرفنا الايميل علمونا في المدرسة وعقبها تعلمت الماسنجر في الجامعة مع وحده من ربعي،، وشي شوي قمنا ندش في العميق :p :secret:


# وصلت مرحله الادمان او تستخدمه لما تكون فاضي

في فترة وصلت للادمان لاني تركت الجامعة وقعدت في البيت،، وعقبها خف الادمان مع الكلية،، والحين مع منتدى الاسهم احس الادمان قام يرجع :rolleyes2: بس اتوقع بيخف وايد عقب التخرج ان شاء الله :nice:

تشكرات افندم





هههههههههههههههههههههههههههه

الله يعطيج العافيه

العفو يا هانم :victory:

وتسلمين على مشاركتج :discuss:

[غير البشر]

انا اول بدايتي بالنت كانت بالشات ومواقع سيارات مب متذكر بالبظط متى بس على ماعتقد نهاية 96 او بداية 97 وماكنت اداوم وايد على النت كنت ادخله كل ويك اند بعدها تطور الحال صار بالساعات مبقق عيوني على المنتدى والماسنجر ومواقع للصور والخلفيات والاشعار
واخر شي شكلي بنام على الكيبورد :nice:




ههههههههههههه اي اهني الخوف نام على الكيبورد ياشيبه النت

الله يعطيك العافيه اخو طائر الاشجان

ويسلموو على مرورك وتعليقك :victory:

[غير البشر]

هلا والله ,, تصدق الحياه بدون انترنت تتوقف .. طبعا من نواحي كثيره واكبر تجربة يوم انقطع الكوابل البحرية ع العموم :) نبدأ


# شلون كانت بدايتكم مع النت
امممم بدايتي كنت رايح مع الوالد فندق الشيرتون وكانوا حاطين كمبيوترات تقريبا 4 - 6 كمبيوترات في كبائن وكانوا حاطينها حق الزوار ( لان كان في مؤتمر ) ومن هذا اليوم والكمبيوتر الشاغل الوحيد في حياتي, ع العموم اول مره حصلت فيها جهاز كمبيوتر سنة 2000 وكان النظام وندوز98 , بعد تجربة مريره مع وندوز 2000 دخولي الانترنت كانت صيف 2001

# شنو كان يعني لك النت في بدايتك
اني اقراء واتعلم في حياتي في النت مافكرت اني ادخل الدردشة او الشات مع العلم ان ذيك الايام الدردشة والشات كان ماعليها ضغط وأقبال من الناس لان كانت في برامج icq والبالتوك , ع العموم بدايتي كانت في المنتديات العربية والتطويري

# ووين وصلت في عالم النت
الحمدلله رب العالمين , وصلت لمرحله راضي عنها جدا , اكتسبت خبارات التصميم والتطوير والبرمجة واكتسب ناس واصدقاء من كل الدول ولله الحمد الانترنت عالم فيه الزين والشين والزين هو الي يدوم ...

# وصلت مرحله الادمان او تستخدمه لما تكون فاضي
اممم لاء الادمان عندي اذا كان عندي شغل و( مشتط ) اني اخلصة ولازم في اقرب وقت اهني يكون الآدمن صح ويمكن تقلون اني كذاب لو قالت لكم اني اقعد اكثر من 12 ساعة يكون بينها ساعة ونص بريك متقطع
ع العموم يوميا تقريبا من 2 - 5 ساعات وعلى حسب الدوام ...


نصيحة الى كل الشباب شوفوا لكم شئ تتعلمونه بدل دخلت المواقع الي مانها فايده...
لحد يقولي بدخل دوره ولا معهد اتعلم منه ,,,
الشئ الي تحبه راح تتعلمه احسن من اي معهد او دوره




الله يعطيك العافيه اخوي

وجزاك الله خير على التصائح

وماشاء الله عليك يعني الحين انت خبير كمبيوتر

اي صح النت صار شي اساسي في حياتنا بصراحه

انا عندي رفيج عمره مادخل دوره في الكمبيوتر

لكن يعرف يسوي كل شي ماقدر تتخيل

وشاكر لك مرورك اخي الكريم :victory:

[مليونيره]

بدايتي أول ماخلصت الثانوية بسنة بديت أدش النت لمدة 3 سنوات وبأدمان أول ماشتغلت ماعندي وقت ادشه

[سعود 99]

أذكر أول مرة دخلت فيها النت كانت سنة 99 وكنت في البداية أدخل على بطاقات الشعر والاهداءات .. عقب اكتشف قوقل اللي خلاني خبره في النت ..

وطبعا في البداية كانت فترة ادمااان يعني ريوقي وغداي وعشاي على طاولة الكمبيوتر ..


أشكرك على الموضوع يا الغالي .. وجمعه مباركة ..

[غير البشر]

موضوع حلـــو مثلك يالغالي ..<<< أشدراك انه حلو يمكن جيكر ..:tease::tease:

أقصد حلو الروح طبعا ...:nice::nice::nice:

بدايتي مع النت كانت سنة 98 لما كنت أدرس في الأردن وكنت ساكن فيلا من دورين منفصلين انا تحت وصاحب البيت فوق ..المهم ولد صاحب البيت كان عبقري في الكمبيوتر وجرايد الدوحه ماتنزل الأردن فكلمت صاحب البيت يكلم ولده يجيبلي كمبيوتر وعملت أشتراك 6 شهور وجبت الولد علمني أشلون أشغل الكمبيوتر وخليته يضبط لي مواقع الجرايد وتفتح على طول من غير ماتعبث في الكمبيوتر .. وتميت سنتين على هذا الحال بس أقرأ الجرايد ..

بعدها رحت لندن 8 شهور وعندي موقع الجرايد وأخلي صاحب المحل يطلعلي الجرايد لأن صاحب المحل عربي ...

بعدها كنت أدخل البورصه العالميه وأخلي الكمبيوتر على البورصه 24 ساعه ..

وبعدها دخلت منتدى الأسهم القطريه وكان أول موقع أدخله وأشارك فيه ومازلت ..

وبصراحه البدايه ماعرف ولا شي في النت والحين الحمدلله بفضل الله ثم الشباب اللي في المنتدى تعلمت أشياء كثيره ...

ذكريات حلوه بصراحه والأنسان كل يوم يتعلم أشياء جديده ..

يعطيك الصحه والعافيه على الموضوع الرائع

الله يوفقك ويسعدك ويطول بعمرك ويرضى عليك يارب

كل الشكر والتحيه والتقدير والأحترام لك









الف الف مليون شكر لك اخوي ناصر

انت كذا :victory:

اي وايد اشياء تعلمتها اهني اخر شي

تنزيل صور :tease:

الله يعطيك العافيه ويوفقك يارب دنيا واخره