هل تذكر هذه الأشياء ؟

[سهم بن سهم]

تذكر لما كنا نصور فوري عند مصور الجمعية وطبعا غصبن عليك الخلفيه زرقه مو بكيفك ولازم تمشط شعرك بالمشط اللي عنده كله شعر وبعدين يقصلك الصورة بالآله اللي عنده ام ذراع والاطراف مشرشره يعني يكون حركه. :nice:

تذكر لي شفت واحد عنده سيارة مرسيدس كان يجيك فضول تبي تعرف شنو في بالصيدليه اللي ورى بالسياره ونقعد انطلطل بالسياره واخر شي يطلع( بلاستر وباندج ) . :nice:

تذكر تيلفون بوقرص اللي يجيب لك الضغط وانت تتصل وياويلك يطلع الرقم مشغول لان مافي ريدايل والله يعينك لي بغيت تدق مكالمه . :nice:

تذكر لما كنا نربط الشرشف على رقبتنا نسوي نفسنا ( الوطواط او سوبرمان ) ونركب فوق الكبت والتسريحه وانط على الدواشق واخر شي الحبيب طاب غلط ومنكسره ايده . :nice:


تذكر لما كنا نستقبل الحجاج عند الحدود ومن زود الفرحه واللهفه على الصوغه واخر شي جم مسواج وقحفيتين والكاميرا الحمره وسياده والبنات قطعه خلق مالت هنود وساعه مينتها صغيره .. :nice:


تذكر لما يبلشون الشباب يدخنون زقاير كل واحد حاط باكيت بمخباته ولافه بكلينكس عشان ما يبين من الثوب وكان لازم مالبورو احمر شعار الرجوله . :nice:


تذكر ايام الدراسه قبل يعني يكون بنشد حيلنا بالدراسه ونشتري قلم فسفوري اصفر ولا برتقالي عشان نظلل على الشي المهم اخر شي مظللين على كل الكتاب وين الشي المهم مادري لوووول. :nice:

تذكر ايام الكشخه قبل كانت عباره عن سيارة ( جي تي او مازدا أو هوندا بيضه اكورد باب واحد) ولازق على الرقم من ورى شعار نادي العربي او السد والمشط اللي عليه قبضة يد حق الجاكسون في الدرج وحاط بالمسجل شريط احمد الجميري او عبدالكريم. :nice:

تذكر لما تطوروا الشباب بالطلعه عقب شارع الكهرباء وعبدالله بن ثاني عند نوفوتيه نجلاء الى شارع السد عند مفروشات تيفولي للإستعراض بالسيارات . :victory:


تذكر لما كانت جائزة البيبسي سياره بمغاطي الغراش كنا الظهر نروح عند راعي الدكان ونبطل السحاحير كلها وبعدين نرد نسكرهم يمكن نلقى الجائزه . :nice:

تذكر لما كان يقول لنا الاستاد ان هذي الصفحات ملغيه عاد تعال شوف التشخط اللي على الصفحه من فوق لي تحت ولا انشقها خير شر من الكتاب.....شدعوه هالحقد عاد . :nice:


تذكر لما اتهاوش مع ولد جيرانكم وتقوله وخرعن بيتنا وعن رصيفنا يقولك مو رصيفكم هذا رصيف الحكومه . :nice:

تذكر لا بغوا الشباب يشيلون حديد قبل يعبون قواطي نيدو اسمنت ويحطون بينهم بايب حديد وهووووووووبا واخر شي منكسره ظهورهم.... :nice:



من منكم يذكر هالأشياء ؟؟؟
:tease:

[a.a.a.qatar]

تذكر لما كنا نصور فوري عند مصور الجمعية وطبعا غصبن عليك الخلفيه زرقه مو بكيفك ولازم تمشط شعرك بالمشط اللي عنده كله شعر وبعدين يقصلك الصورة بالآله اللي عنده ام ذراع والاطراف مشرشره يعني يكون حركه. :nice:

تذكر لي شفت واحد عنده سيارة مرسيدس كان يجيك فضول تبي تعرف شنو في بالصيدليه اللي ورى بالسياره ونقعد انطلطل بالسياره واخر شي يطلع( بلاستر وباندج ) . :nice:

تذكر تيلفون بوقرص اللي يجيب لك الضغط وانت تتصل وياويلك يطلع الرقم مشغول لان مافي ريدايل والله يعينك لي بغيت تدق مكالمه . :nice:

تذكر لما كنا نربط الشرشف على رقبتنا نسوي نفسنا ( الوطواط او سوبرمان ) ونركب فوق الكبت والتسريحه وانط على الدواشق واخر شي الحبيب طاب غلط ومنكسره ايده . :nice:
اخواني الله يحفظهم كانوا يسوونها وايد

تذكر لما كنا نستقبل الحجاج عند الحدود ومن زود الفرحه واللهفه على الصوغه واخر شي جم مسواج وقحفيتين والكاميرا الحمره وسياده والبنات قطعه خلق مالت هنود وساعه مينتها صغيره .. :nice:


تذكر لما يبلشون الشباب يدخنون زقاير كل واحد حاط باكيت بمخباته ولافه بكلينكس عشان ما يبين من الثوب وكان لازم مالبورو احمر شعار الرجوله . :nice:


تذكر ايام الدراسه قبل يعني يكون بنشد حيلنا بالدراسه ونشتري قلم فسفوري اصفر ولا برتقالي عشان نظلل على الشي المهم اخر شي مظللين على كل الكتاب وين الشي المهم مادري لوووول. :nice:
اي والله وين المهم :)
تذكر ايام الكشخه قبل كانت عباره عن سيارة ( جي تي او مازدا أو هوندا بيضه اكورد باب واحد) ولازق على الرقم من ورى شعار نادي العربي او السد والمشط اللي عليه قبضة يد حق الجاكسون في الدرج وحاط بالمسجل شريط احمد الجميري او عبدالكريم. :nice:

تذكر لما تطوروا الشباب بالطلعه عقب شارع الكهرباء وعبدالله بن ثاني عند نوفوتيه نجلاء الى شارع السد عند مفروشات تيفولي للإستعراض بالسيارات . :victory:
انت طلعت مال اووووووووووووووووووووووووووووووووووول ... وين نوفوتيه قطر الندى عنك بعد :tease:

تذكر لما كانت جائزة البيبسي سياره بمغاطي الغراش كنا الظهر نروح عند راعي الدكان ونبطل السحاحير كلها وبعدين نرد نسكرهم يمكن نلقى الجائزه . :nice:

تذكر لما كان يقول لنا الاستاد ان هذي الصفحات ملغيه عاد تعال شوف التشخط اللي على الصفحه من فوق لي تحت ولا انشقها خير شر من الكتاب.....شدعوه هالحقد عاد . :nice:


تذكر لما اتهاوش مع ولد جيرانكم وتقوله وخرعن بيتنا وعن رصيفنا يقولك مو رصيفكم هذا رصيف الحكومه . :nice:

تذكر لا بغوا الشباب يشيلون حديد قبل يعبون قواطي نيدو اسمنت ويحطون بينهم بايب حديد وهووووووووبا واخر شي منكسره ظهورهم.... :nice:
هههههههههههههههههههههههههههههههه
والله ضحكتني يا سهم من وين جايب هالاشياء... شلي ذكرك ؟؟؟؟؟
حنيت لايام شبابك ها :)


من منكم يذكر هالأشياء ؟؟؟
:tease:

يعطيك العافيه على هالذكريات الحلوه مع انها تخص الشباب اكثر :)

[سهم بن سهم]

يعطيك العافيه على هالذكريات الحلوه مع انها تخص الشباب اكثر :)



نسيت اذكرك بالدوار اللي يبيع الخلاقين في الفريج والعياييز والبنات يتجمعون في حوش البيت وهو بيع عليهم الجساوي وكله سلف ........ :nice:


يالله قولي لنا عن لعبة ( الكيس ونط الحبل ) ............. من كانت تفوز ؟؟

:nice:

[ضوى]

تذكر لما كنا نصور فوري عند مصور الجمعية وطبعا غصبن عليك الخلفيه زرقه مو بكيفك ولازم تمشط شعرك بالمشط اللي عنده كله شعر وبعدين يقصلك الصورة بالآله اللي عنده ام ذراع والاطراف مشرشره يعني يكون حركه. :nice:

يمكن عند الشباب عند البنات ماتذكر :)

تذكر لي شفت واحد عنده سيارة مرسيدس كان يجيك فضول تبي تعرف شنو في بالصيدليه اللي ورى بالسياره ونقعد انطلطل بالسياره واخر شي يطلع( بلاستر وباندج ) . :nice:

شباب وسوالفهم ، انا كنت انبش في شئ ثاني :secret:

تذكر تيلفون بوقرص اللي يجيب لك الضغط وانت تتصل وياويلك يطلع الرقم مشغول لان مافي ريدايل والله يعينك لي بغيت تدق مكالمه . :nice:

ايه اتذكره وكان ابوي الله رحمه يقفله عنا :)

تذكر لما كنا نربط الشرشف على رقبتنا نسوي نفسنا ( الوطواط او سوبرمان ) ونركب فوق الكبت والتسريحه وانط على الدواشق واخر شي الحبيب طاب غلط ومنكسره ايده . :nice:

يا كثر ماسويتها :secret: بس انط من فوق السرير وعالخفيف كنت رقيقة واخاف على نفسي

تذكر لما كنا نستقبل الحجاج عند الحدود ومن زود الفرحه واللهفه على الصوغه واخر شي جم مسواج وقحفيتين والكاميرا الحمره وسياده والبنات قطعه خلق مالت هنود وساعه مينتها صغيره .. :nice:

انا كنت استانس على كاميرا الحج تجنن واستانس عالمرية اللي فيها الكعبة ايييييييييه ايام :shy:

تذكر لما يبلشون الشباب يدخنون زقاير كل واحد حاط باكيت بمخباته ولافه بكلينكس عشان ما يبين من الثوب وكان لازم مالبورو احمر شعار الرجوله . :nice:

حموووووود اخوي :( تعود عليها بدري وانطق طق بسبتها ماتمت خيزرانة ماتكسرت على ظهره ، لكن ماتاب

تذكر ايام الدراسه قبل يعني يكون بنشد حيلنا بالدراسه ونشتري قلم فسفوري اصفر ولا برتقالي عشان نظلل على الشي المهم اخر شي مظللين على كل الكتاب وين الشي المهم مادري لوووول. :nice:

لا انا غير يا سهم كنت اظلل كلمات بسيطة لاني اتذكر الكلمة والباقي يطلع بروحه المهم مفتاح الاجابة والباقي سهالات

تذكر ايام الكشخه قبل كانت عباره عن سيارة ( جي تي او مازدا أو هوندا بيضه اكورد باب واحد) ولازق على الرقم من ورى شعار نادي العربي او السد والمشط اللي عليه قبضة يد حق الجاكسون في الدرج وحاط بالمسجل شريط احمد الجميري او عبدالكريم. :nice:

الله يذكر اخواني بالخير تويوتا كرسيدا ومازدا :)

تذكر لما تطوروا الشباب بالطلعه عقب شارع الكهرباء وعبدالله بن ثاني عند نوفوتيه نجلاء الى شارع السد عند مفروشات تيفولي للإستعراض بالسيارات . :victory:

يوووووووه على شارع السوفييتل هذا كل اغراضنا من هالشارع ، مب هذا اللي كان فيه احذية المبروك ؟؟

تذكر لما كانت جائزة البيبسي سياره بمغاطي الغراش كنا الظهر نروح عند راعي الدكان ونبطل السحاحير كلها وبعدين نرد نسكرهم يمكن نلقى الجائزه . :nice:

لا كنت اتهاوش مع خواتي ونشوف منهو الملك ومنهو مدري شنو كان تخبر العلامة اللي بقاع الغرشة ؟؟

تذكر لما كان يقول لنا الاستاد ان هذي الصفحات ملغيه عاد تعال شوف التشخط اللي على الصفحه من فوق لي تحت ولا انشقها خير شر من الكتاب.....شدعوه هالحقد عاد . :nice:

ملغي عندي يعني اقص الورقة من جذورها ليش اثقل على روحي يعني :secret:

تذكر لما اتهاوش مع ولد جيرانكم وتقوله وخرعن بيتنا وعن رصيفنا يقولك مو رصيفكم هذا رصيف الحكومه . :nice:

لا ماكانوا يقولون جذي كان يجروني من عجفتي وفزعتي اخوي :)

تذكر لا بغوا الشباب يشيلون حديد قبل يعبون قواطي نيدو اسمنت ويحطون بينهم بايب حديد وهووووووووبا واخر شي منكسره ظهورهم.... :nice:

اييييييييييه الله يذكر اخوي بالخير كان عنده هالشئ بس الله يرحمه ماعضل :(


من منكم يذكر هالأشياء ؟؟؟
:tease:


اييييييييييييه ياسهم ذكرتنا بالذي مضى ، وياحلوه مامضى ، ليت مامضى مامضى وليت مامضى يعود ، ولكن هيهات هيهات

تحياتي لك :victory:

[a.a.a.qatar]

نسيت اذكرك بالدوار اللي يبيع الخلاقين في الفريج والعياييز والبنات يتجمعون في حوش البيت وهو بيع عليهم الجساوي وكله سلف ........ :nice:


يالله قولي لنا عن لعبة ( الكيس ونط الحبل ) ............. من كانت تفوز ؟؟

:nice:

ضحكتني بسالفة الدوااااااااااااااااار عنده صندوق مستطيل خشب وبابه زجاج في مكياج وخرابيط !!!!!!!!!!!!!! ببببببببببببببببببببببببببببببل اشلون كانوا يحطون ذاك المكياج حزتها .... :)
عن لعبة الكيس على قولتك كنت احبها وايد وايد بس لعبة نط الحبل :( ما اعرف انط عدل للاسف بس كنت احب العب كره وبالذات اكون حارس :) ياخذوني بدل احمد خليل الي بيعتزل .. ايش رايك ؟

[ضوى]

نسيت اذكرك بالدوار اللي يبيع الخلاقين في الفريج والعياييز والبنات يتجمعون في حوش البيت وهو بيع عليهم الجساوي وكله سلف ........ :nice:


يالله قولي لنا عن لعبة ( الكيس ونط الحبل ) ............. من كانت تفوز ؟؟

:nice:


ايييييييه ايام الدواااااار فساتين العيد اغلبها من عنده بس مب بالسلف ابوي الله يرحمه مايحب السلف :rolleyes2:

نط الحبل كنت حريفة فيها وكنت كله افوز ، حتى بالصقلة وحتى بالقيس كنت شاطرة :shy:

[الدوحه%]

42324
تذكر لما نركب على سور البيت وناخذ لفه كامله على البيت من فوق السووروعقب نطب على الشيَره وننزل ===من يسويها من يهاال الحين:p
تذكر ايام الشرايط الكاترج في السياره وكل ابونوره وام كلثوم :whistling:
تذكر لما يتجمعون الفريج عند البيت عشان يشوفون السينما :app2:
تذكر ايام لمصجمه واللزهب من الدكان نشتريها ونثور على الفيران والعصافير:spider:
واخر شي اذكر ولد جيرانا المسكين اللي ماقام يطلع من بيتهم من ضربي له :strong3:
تسلم على الذكرياات الحلوه :)

[سهم بن سهم]

يعطيك العافيه على هالذكريات الحلوه مع انها تخص الشباب اكثر :)


ميرسي مدام :shy:

[سهم بن سهم]

اييييييييييييه ياسهم ذكرتنا بالذي مضى ، وياحلوه مامضى ، ليت مامضى مامضى وليت مامضى يعود ، ولكن هيهات هيهات

تحياتي لك :victory:



ماضي جميل رااااااااااااااااااااااااح مع زحمة الدنيا !

شاكر مرورك


:shy:

[سهم بن سهم]

ضحكتني بسالفة الدوااااااااااااااااار عنده صندوق مستطيل خشب وبابه زجاج في مكياج وخرابيط !!!!!!!!!!!!!! ببببببببببببببببببببببببببببببل اشلون كانوا يحطون ذاك المكياج حزتها .... :)
عن لعبة الكيس على قولتك كنت احبها وايد وايد بس لعبة نط الحبل :( ما اعرف انط عدل للاسف بس كنت احب العب كره وبالذات اكون حارس :) ياخذوني بدل احمد خليل الي بيعتزل .. ايش رايك ؟


فالك طيب نسجلك حق المنتخب النسائي :)

الوووووو :telephone: لجنة رياضة الفتاة

نعم : : خير :omen2:


ماتبون حارسة مرمى أحسن من احمد خليل ومحمد صقر ؟؟؟؟ :nice:


لا الله يسلمك : احنا ماشيين على خط وسياسة استيراد اللاعبين من الخارج يعني تجنيس :(


بللللللللللللللللللللللللللللللللللل

:telephone:


سكرو التلفون في وجهي :eek5: :anger1:


:nice:

[سهم بن سهم]

42324
تذكر لما نركب على سور البيت وناخذ لفه كامله على البيت من فوق السووروعقب نطب على الشيَره وننزل ===من يسويها من يهاال الحين:p
تذكر ايام الشرايط الكاترج في السياره وكل ابونوره وام كلثوم :whistling:
تذكر لما يتجمعون الفريج عند البيت عشان يشوفون السينما :app2:
تذكر ايام لمصجمه واللزهب من الدكان نشتريها ونثور على الفيران والعصافير:spider:
واخر شي اذكر ولد جيرانا المسكين اللي ماقام يطلع من بيتهم من ضربي له :strong3:
تسلم على الذكرياات الحلوه :)



نسيت راعي الاسكريم اللي يبيع اسكريم بوعود كله ماي وشربت ورد ............. لحقت عليه ؟؟؟:)

[غناتي1]

يا حليلك ياسهم 000 ذكرتنا بذكرياااات حلوة

ايام كان البال خالي 00

لا هموم ولا مرض ولا شئ

الله يوسع صدرك ويونسك مثل ما ونستنا

[غزلان]

لكل زمان دولة ورجال:)

يسلموا

[دلة الرسلان]

سهم مرة حصلت نصف ريال في الحوش بين الصبان وعلى طول فلت على الدكان شريت

بها النصف شمعة بيضاء وقلم رصاص مش مبرى ... للعلم ذاك الوقت ما دخلت المدرسة

وبعدين تحسفت ورديت لراعي الدكان ابغيه يعطيني ثروتي ( النصف ) ولكنه عيا وابى:(

[الـقـاسـي]

سهم مرة حصلت نصف ريال في الحوش بين الصبان وعلى طول فلت على الدكان شريت

بها النصف شمعة بيضاء وقلم رصاص مش مبرى ... للعلم ذاك الوقت ما دخلت المدرسة

وبعدين تحسفت ورديت لراعي الدكان ابغيه يعطيني ثروتي ( النصف ) ولكنه عيا وابى:(

هههههههههه حلوة ثروتي
الله يذكر ذيك الايام بالخير اشهد انها من احلى ايام العمر
حتى العابنا كانت حلوه
اما النص الثروه عجييبه هالثروه ذيك الايام الريال والنص ثروة بالنسبة لنا

[سيزن]

الله يعطيكم طولة العمر..ان شاء الله . :)

[هتـان قطر]

يامحلى ذيك الايام..ذكرتنا بما مضى اخوي سهم بن سهم..

انا اتذكر يوم كان اخوي يطرشنا ندور عتل " عنيوش" يعني فهمتوا الاوليه

علشان تفهمون الثانيه..ما علينا...كنا نصيدهم ونحبل للطيور

واذا صدناهم ..يقوم اخوي بتمليشهم ويشويهم..شكلهم يحزن

ما نلاقي فيهم الا عظام ..كني اشم ريحتهم الحين من كثر ما انشووا..:secret:

واتذكر بعد لما كانوا في المدرسه يعطونا كل شي من كتب

ودفاتر ومسطرة خشب صفرا وقلامه رصاص ومحايه وبرايه..:weeping:

[!الشايمه!]

:) والله ذكريات

اذكر وانا صغيره ....في بيتنا شجرة كنار.....وفي بيت جيرانا شجرة صبار<<<اللي اخضر وداخله
ثمر ابيض .......احس انقرض من سنين ما شفته
واخواني وعيال الجيران حرد ومحارد على هالشجرتين.....عطونا نعطيكم ......وبعدين سووا
هدنه محد ياخذ من الثاني ......
وقتها انا وولد عمي مسوين عصابة صبار ......في الظاهري في الشمس ....اخطط له وهو ينفذ<<
انا المخ وهو العضلات ههههههه .....كنا جنا عدنان ولينا ....يتعلق بالسور ويقطع صبار
يملي فانيلته ....وانا اسوي له حراسه :)
مره قلت له ابي اقطع ...ومافي وسيله اصعد ....جان يفتح لي باب بيت جيرانا .....وفي حوشهم
صوب الشجره في شوية خشب كانوا يبنون شغله ....ورد عدنان على السور يقطع .....المهم
لينا ماشاء الله عليها بعافية شوي .... انا صعدت كمن خشبه ....ماوعيت الا بزلزال تحتي
طاح الخشب...وطلع صوت عالي شي يخوف....هي خرعة الطيحة....التفت فوق الا اشوف
ولد عمي يطب الناحية الثانيه في بيتنا<<<خيانه ....الا صوت ابو جيرانا ....منننننننننننننننننننننننننننننن؟
واشوف باب مطبخهم يفتح ......وافقعها صياح وصراخ من قلب....
شوي الا كل اهل البيت ملتمين حولي .....عبالهم طاح علي الخشب هههههههههههههههه
مساكين دخلوني واكلوني يبوني اسكت ......لين اليوم احس بالذنب :)

تحية