من يدلني على مكتب استشاري هندسي لتصاميم...سعره رخيص ...؟

[بنوته]

السلام عليكم ورحمة الله وبركاته

ابغي مكتب استشاري هندسي لتصاميم :shy:....ابغي اصمم خريطه تناسب البيت لان مخطط الحكومه ماضبط على الارض لان فيها بنيان مانبي نهده والمهندس مايد الهاملي تبع الاسكان قال لازم مخطط خاص وقال سعر المخطط في حدود ال 5000 او 7000 بالكثير ...لكن مالقينا هالسعر اقل سعر لقيناه ب12000 ...فياريت لو حد يعرف مكتب يسوي التصاميم بالهسعر يسوي فينا خير ....

وعندي استفسار ثاني بعد ...هل مسموح نسوي في الطابق الثالث 4 غرف وحمام ...اذا مسموح شنهي الاجراءت اللي لازم نسويها وين نروح عشان نطلع التصريح وشنهي الاوراق المطلوبه

وجزاكم الله خير الجزاء

[شجرة الدر]

في مكتب في شارع آل شافي اسمه القطري للأستشارات الهندسية اسعار زينة والله يوفقكم

[لوردغاليري]

الي اعرفه لازم يكون البنت هاوس تكون ربع مساحة البناء

[J & N]

في مكتب في شارع آل شافي اسمه القطري للأستشارات الهندسية اسعار زينة والله يوفقكم

يمدحونه :nice:

[ezgert]

في مكتب اسمه برزان للاستشارات الهندسيه , عندهم مهندس فلبيني شغله وايد راقي
واسعارهم معقوله
تلقاه عند دوار سناء فوق سفريات الديره

[بنوته]

السلام عليكم ورحمة الله وبركاته


مشكورين على الافاده ...الله يوفقكم .....

[القلم الصريح]

بخصوص طابق الثالثه ، في بعض المناطق فالدوحه مسموح تبنيين فوق البيت طابق ثالث واذا تبين تتاكدين انه المنطقه اللي انتي فيها مسموح او لا راجعي التخطيط اللي خلف وزارة البلديه وهم يعطونج الموافقه

[بنوته]

السلام عليكم ورحمة الله وبركاته


مشكورين على الافاده ...الله يوفقكم .....

[سياتل]

انا سويت مخطط عند مكتب القطري اللي في شارع ال شافي

أسعاره ممتازه ويمكن تكون من أرخص الأسعار في الدوحه

وشغله نظيف بس مشكلته الزحمه

[ezgert]

ما اعتقد ان استشاري بيكون سعره رخيص وزين

لان المهندس اللي شغله نظيف وفنان في التصميم اكيد انه راح يطلب راتب اعلى , لان الكل يبيه وعنده عروضات كثيره وفي النهايه بيكون سعر المخطط مرتفع
لكن المهندس اللي اي كلام راح يقبل باي راتب وفي اي مكان وبيكون سعر المخطط رخيص

فالتصميم الرخيص اكيد بيكون من مهندس راتبه قليل بما معناه انه مهندس مش جيد

هذي وجهة نظري وكخبره لان عندي مكتب للتصميم الداخلي وعانيت لما كنت ادور مهندس داخلي ممتاز براتب قليل وما لقيت :(

تحياتي

[حمد]

اخوي بالنسبة للبنت هاوس ... لازم المساحة ماتزيد عن 30% من سطح البيت ( سطح الطابق الثاني )

اذا تبي رايي الشخص الوحيد الي بيفيدك ... هو الاستشاري الي بيوي بيتك .... فخل عنك هالسؤال وروح دور لك استشاري زين .

واتفق مع الاخ زقرت ( الي قبلي ) انك تدفع مبلغ محترم على استشاري زين وتسوي لك تصميم ممتاز ... يعني كم بيفرق المبلغ 10 ولا 15 .... ادفعهم ليش تستخسر في بيتك

اذا كنت اصلا تدفع على تشطيب وتقول بيتي ولا زم اشطبه زين .... فليش تستخسر على الخرايط

اسال مجرب ... خذت رخيص وتحسفت شغل اي كلام .... بس يالله نتعلم

[أنا]

انا سويت مخطط عند مكتب القطري اللي في شارع ال شافي

أسعاره ممتازه ويمكن تكون من أرخص الأسعار في الدوحه

وشغله نظيف بس مشكلته الزحمه


:telephone:
هل تقصد القطري للاستشارات الهندسيه عند المهندس محمود النحاس ؟؟؟

[أنا]

عندي أستفسار واحد من الربع يبغي يبني طابق ثاني في بيتهم ويبي يسوي خريطه في حدود 7

وين يروح اي مكتب يبي مكتب سعره معقول وشغله نظيف

هو محتار بين الشعاع للاستشارات الهندسية عند المهندس سيف

ولا

البيت القطري للاستشارات عند المهندس محمود النحاس

واذا كان هناك مكاتب اخرى سعرها معقول يا ليت حد يفيدنا

وشكرا..