ايش الافضل management ولا marketing

[صقر بلادي]

السلام عليكم

اخواني واخواتي بغيت استفسر منكم بالنسبة للتخصصات الجامعية

ايش الافضل لسوق العمل في هل التخصصين

management or marketing

لكم جزيل الشكر

[شمعة المنتدى]

والله بصراااحه انا عن نفسي ما اعرف ،،

تخصصي هندسه ،،

ان شاء الله يفيدونك الأعضااء ،،

[dewyguy]

والله ياخوي كل وحده لها ميزات ، والاثنين ماشيين في السوق هالايام

والباقي يرجع عليك انت

انت تشوف نفسك افضل في : الادارة والتنظيم لأي مصلحة مثلا

ولا في : التسويق والترويج عن المنتجات


ممكن اقولك ان الاثنين مكملين لبعض ، بس الباقي يرجع لك

انت شوف نفسك وين التخصص اللي يمشي معاك ...



رأيي انا الشخصي : الmarketing مجاله اوسع




والله يوفقك ان شاء الله

[بنت ذياب]

انا تخصصي ادارة :management

اخوي انا كنت محتارة مثلك .. بين الماركتنق والادارة

لكن فضلت الادارة لانه الماركتنق ماله مستقبل

يعني شباشتغل بعدين ...بياااعه :rolleyes2:

الادارة غير.... لانه اي مكان بالدنيا ( شركه / مدرسة/ مستشفى) اي شي.. لازم تكون فيه ادارة

وانت بتكون مستقبلا من الطاقم الاداري

وطبعا لا تنسى تستخير

والله اييسر لك امورك اخوي

[شمعة الدوحه]

انا تخصصي ادارة :management

اخوي انا كنت محتارة مثلك .. بين الماركتنق والادارة

لكن فضلت الادارة لانه الماركتنق ماله مستقبل

يعني شباشتغل بعدين ...بياااعه :rolleyes2:

الادارة غير.... لانه اي مكان بالدنيا ( شركه / مدرسة/ مستشفى) اي شي.. لازم تكون فيه ادارة

وانت بتكون مستقبلا من الطاقم الاداري

وطبعا لا تنسى تستخير

والله اييسر لك امورك اخوي



انا موب معاج اختي

الماركتينج موب شرط يكون الواحد بياع :rolleyes2:

هالشي يبيله واحد ذكي وشاطر

يعني اذا حب هالتخصص راح ينجح فيه

عندنا في البنك قسم ال Markting وظيفته انه يحطون خطط لتسويق منتجات البنك من قروض وكريدت كارد

وهالشغله موب سهله لازم يعرف شلون يكسبون العملاء

وموب في البنوك وبس

في كل مكان على مااعتقد



والاداره بعد حلووه وفعلا ممكن يكون اداري بأي مكان


انا موب جامعيه ولا ابي افتي في تخصص انا ماجربته

بس كتجربه لي بالشغل

:victory:



بس في النهايه اقول ان القرار راجع لك اخوي

ولازم تختار اللي انت تميل له وحاس انك بتنجح فيه :)

[بنت ذياب]

انا موب معاج اختي

الماركتينج موب شرط يكون الواحد بياع :rolleyes2:

هالشي يبيله واحد ذكي وشاطر

يعني اذا حب هالتخصص راح ينجح فيه

عندنا في البنك قسم ال Markting وظيفته انه يحطون خطط لتسويق منتجات البنك من قروض وكريدت كارد

وهالشغله موب سهله لازم يعرف شلون يكسبون العملاء

وموب في البنوك وبس

في كل مكان على مااعتقد



والاداره بعد حلووه وفعلا ممكن يكون اداري بأي مكان


انا موب جامعيه ولا ابي افتي في تخصص انا ماجربته

بس كتجربه لي بالشغل

:victory:



بس في النهايه اقول ان القرار راجع لك اخوي

ولازم تختار اللي انت تميل له وحاس انك بتنجح فيه :)

انا ماعرف بالماركتنق وايد ,,

بس مثل ماقلتي الشغله شوي صعبه !! ومب بكل مكان يمكن

وانا اخترت الادارة عشان اضمن مستقبلي .. لانه الادارة مطلوبة بكل مكان

وفوق هاي الادارة اسهل من الماركتنق :(

:nice:

[pure]

جووف اخوي الـ ما ركتنق والـ مانجمنت كدراسه لهالتخصص سهلين

وبتمشي فيهم اذا حبيت هالتخصص ومب وايد ثقال عل القلب

لكن شالفرق بينهم ؟

الماركتنق يحتاج منك انك تكون creative يعني خلاق تطلع افكار تسويقيه ومجاله حلوو وااسع ويعتمد على اقناع الزبااين ببضاعتك طبعا الوظيفه في الماركتنق ما تقتصر على البنوك
ايضا المحلات وممكن الجمعيات يعني فكر بكل مكان يبي يسوي دعايه بيكون يحتاج هالتخصص.

المانجمنت شيحتاج ؟ يحتاج منك التنظيم يعني نقدر القياده تكون مدير صغير تدير مكان تنظم مكان هالمجال وين تقدر تشتغل فيه ؟ في كل مكان يحتاج اداره في جمعيه في مدرسه في جامعه في بنك .


وكلهم اتوقع مطلوبين واي تخصص بزنس بيكون مطلوب

بس انت استخير وتوكل عل الله

والله يوفقكك :nice:

[ورقــة أمــل]

اشوف المانيجمنت احسن من الماركتينغ كتخصص
الماركتينغ يملل ماحبيته

[غير البشر]

السلام عليكم

اخواني واخواتي بغيت استفسر منكم بالنسبة للتخصصات الجامعية

ايش الافضل لسوق العمل في هل التخصصين

management or marketing

لكم جزيل الشكر




هلا اخوي صقر بلادي

انا خريج managemant

وكان هو التخصص الافضل من marketing

والسبب هو ان الماركت كان حق المقيمين افضل لانهم كانو يشتغلون

في شركات خاصه غير عنا احنا في الحكومه وكان ينفع لهم اكثر

لكن الحين الماركت حلووووو لانه مب شرط بيع منتجات

تنفع حتى في الشركات الجديده والكبيره والحكوميه

مثل بروه والديار والبنوك وشركات الاتصال وغيرها

والاثنين حلوووووووووووووووين :victory: :discuss: :victory:

[بوعلي2]

الله يوفقك وتنال مرادك يالشيخ

[غير البشر]

ملاااااااااااااحظه اخوي وخذ مني الكلام

انا درست الاثنين

الماركت تعتمد على شخصيتك غير عن الاداراه

انت اذا شخصيتك فيها

1- صبر : لانك تتعامل مع عملاء وتستحملهم وسندراتهم

2- مهاره الاقناع : تقنع العميل بالمنتج

3- تكوين علاقات : يعني انت انسان اجتماعي تتأغلم مع الكل

4- :secret: :secret: هههههههههه


مايحتاج 4 :nice:


وتقبل مروري واي استفسار انا حاظر :victory:

[صقر بلادي]

يعطيكم الف عافيه على المعلومات القيمة منكم وانا اشوف management على كلامكم افضل من التسويق

[Bin Hood]

اخوي طبعا انت بتدرس بكالوريس , عدل ؟

وين بتدرس , في الخليج او برع !!

الشيخ ليش ما تفكر في التمويل finance

[العقل الحر]

اكيد التسويق (marketing) افضل

[ALKASER]

الادارة طبعا

انا صاحبي سال مدير تنفيذذي لاحد البنوك عن التسويق


فقاله ان التسويق بكون ضعيف جدا وان في المستقبل الشركات ما بتحتاج مسوقين لانه اكثرها بكون معروف وسوق التسويق بطيح بعد 5 سنين ممكن

فانصحك بالاداره

بالتوفيق

[صقر بلادي]

انا مسجل ادارة وباقي لي ان شالله كورسين واتخرج من جامعة قطر

انا فكرت اغير التخصص لنه يمديني اغير تخصصي لتسويق بس الظاهر بتم في الاداره احسن

ويعطيكم الف عافية ماقصرتوه

[eastqatar]

انا عن نفسي درست Busines Management HR في كلية شمال الاطلنطي و عطونا كم ماده في Marketing

ومن اللي شفته في الماركتيغ انها ماده تعاريفها و مصطلحاتها كثيره و يبي لها حفظ , هذا غير مثل ما قالوا الاخوان انك لازم اتكون Creative فيها

بالنسبه لي ما حبيت الماركيتنغ - يبي لها واحد مخه صافي للحفظ عكس المنجمنت ( خليط من الحفظ و الفهم )

[City Car]

مرحبا

انت مؤمن بقدراتك و واثق من نفسك صح؟

لاتمشي ورى اللي سوق العمل يحتاجة عشان تشوف لك وظيفة وبعدين تكون رقم اضافي لاي شركة او وزارة شوف اللي انت تحبه وتلهمك مواضيعه بهالطريقة راح تكون ناجح لأبعد الحدود
كونك تخرجت بهالتخصص او ذاك هو بداية مشوارك العملي, ياما ناس درسو طب وفشلو وحولو حياتهم لشي ثاني وصارو ناجحين ليش؟ لانهم ادركو بعدين انهم مشو على راي الناس او السوق.
انت اللي تمشي الشغل و ليس العكس.
اتمنى انك استفدت اخوي

[Mansour_qa]

managemant ..

مطلوبين أكثـر ..

[فلفل حار]

managemant ..

مطلوبين أكثـر ..

:nice:

[شمعة الدوحه]

انا مسجل ادارة وباقي لي ان شالله كورسين واتخرج من جامعة قطر

انا فكرت اغير التخصص لنه يمديني اغير تخصصي لتسويق بس الظاهر بتم في الاداره احسن

ويعطيكم الف عافية ماقصرتوه



لا مدام انت بهالتخصص


لاتغير ولا تخرب على عمرك خلك مكانك احسن


والله يوفقك ان شاء الله وعقبال ماتتخرج :victory:

[QatarRose]

ايش بتسوي في التسويق كونك قطري صعب انك تشتغل في هالمجال

انا درست الاثنين بشكل مبسط جفت الاداره تنفع اكثر ودراسة الاداره شي ممتع

وطبعا الاداره راح تستفيد منها بعدين في مجال الشغل وخاصه انها مطلوبه في كل مكان

الله يوفقك ياربي :victory:

[ALRAYYAN]

أكيد الـ management أحسن مايبيلها كلام