غش المحلات / فضلا اقرأ للاخير‏

[ANONYMOUS]

أول شي حابة أقولكم اني مانزلت الموضوع من عبث
واللي خلاني أكتبه وبكل ثقة هو اطلاعي التام ع الموضوع من كل النواحي وبأدق التفاصيل
خالي له باع طويل بالتجارة بالخليج عموما بوجه من الوجوه الخاصة بالتجارة يعني مو شرط انه هو يتجاروان كان له نصيب من ذلك
وبحكم انه اخطبوط بهذا المجال ولكن تنقصه الخبرة النسائية ولاني بنت اخته عاطلة بمرتبة شرف اولى ولاني زيي زي كل البنات اعشق التسوق
عرض علي اني اشتغل معاه براتب شهري
وهنا بدت رحلة كشف الاسرار واللي راح أطلعكم عليها بعد ماأخذت الاذن منه طبعا


وراح أعرضها لكم على شكل نقاط


أولا:العطور بفيسز وقزاز وغيرهم من المحلات التجارية اللي لهم اسمهم العريق
كلهم تعبئة دبي
الشركة الأم للعطور تبيعهم تركيبة العطر فقط وزجاجة العطر فارغة
مثلا:عطر ستيلا
الشركة تبيع كرتين وكراتين من الزجاجات الفارغة للمحلات وبثمن زهيييييييييد
وتوصل لدبي ويتم تعبئتها هناك بالتركيبة الخاصة بالعطر
طيب اش هي تركيبة العطر
هذي ياحبايبي تولة صغيييييييييييرة فيهاخلاصة العطر يعني لوتشميها تتصرعي من الريحة وسعر التولة 50 ريال فقط لاغير
ويكون عندهم جوالين كميات كبيرة كحول
طبعا سعر جالون الكحول 2 لتر بسعر35ريال
ويبدأو بتعبة الزجاجات الفارغة نقطة أو نقطتين من التولة مع تعبئة الباقي كحول وصااااااار عطر
بس فين الاختلاف؟؟؟
الاختلاف في التركيز اللي يختلف من محل للثاني
وتلاقيه مكتوب بأسفل الزجاجة
والتركيز يعتمد ع كمية العطر المضاف من التولة فقط لاااااااغير



وهذي الطريقة المعتمدة عند التاجرات اللي يبيعوا عطورات فرنسية وتلاقيها نفس الريحة الأصلية بالضبط
وانتي تختاري التركيز اللي يناسبك
بس اش الفرق انهم هم يبيعوكي العطر بزجاجة عادية حتى اسم العطر مو مكتوب عليها
وسعرها عندهم يكون 40 ريال
طبعا جالون الكحول وتولة العطر يعملكم عشرااااااااات زجاجات العطر يعني يابلاش
لي صديقة مدمنة اسكادا
اشترت جالون وتولة بتكلفة80ريال
وصارت تركب عطرها بنفسهاوبالتركيز اللي هي تحبه
جربواشتري أي عطر من برى وشوفو الفرق بالريحة
واللي جربو واشتروا من قبل من برا أكييييييييد يعرفو الفرق كويس



ثانيا:أيام الجامعة كانت عندي صديقة تلبس بلايز ماركات برومود وكمايو ومن هذي المحلات وتحلف بالله انها أسعارها أغلى وحدة
على 9 ريال
أنا كنت أقولها لااااااااااتبالغي وهي تحلف بالله لاوكمان كانت تلبسها قبل لاتنزل عندنا بأسواقنا بثلاثة شهور
وكانت تقول ان أخوها وزوجته دايم يسافرو بنجلادش ويجيبوها لها من هناك
وفعلا لو تلاحظوا انهم أغلب المحلات مصانعهم ببنجلادش وبعضهم تلاقي مكتوب عليها صنع في بنغلادش
واللي عندها قطعة أقربهابرومود تروح تشوف
مرت السالفة
وبعد شغلي مع خالي اكتشفت صحة كلام صديقتي
أقسم بالله يابنات ان بعض القمصان السادة والبديات على ثلاثة ريال

نجي لنعومي
كله كوووووووووم والسيد نعومي كوم طبعاشفت صور مصنعهم ببنغلادش
البيجاما اللي على 300 ريال عندنا
من المصنع مباشرة من نعومي من بنغلادش بالكثير
اذا طقها الغلا على 25ريال

اكسسواريز حبيب الكل
مصنعهم بالهند
مرة سافر خالي رحلة عمل للهند وزار المصنع وقابل المدير
المهم يوم رجع جابلي كيس صغيرون مشكل فيه كم خاتم على اسورتين على محفضة جلد وكم كلبسة وثلاث حلقان
طبعا مو لسواد عيوني
لالا لزوم الشغل عشان ناوي يفتح محل وبيتعامل مع المصنع بس بديزاين غير اكسسواريز
المهم يوم عطانياه الا يقوللي الكيس ذا باللي فيه تكلفته 16ريال فقط لاغير
لبستهم وكرفتهم وشبعت منهم بعدين نزلوا باكسسواريز بأشهروبأسعار نااااااار
من يومها وأنا عايفة اكسسواريز عفته يانااااس


ثالثا:الماركات يوم تنزل بضاعة جديدة تنزل لكل التجار
بمعنى تنزلها للبوتيكات الخاصة فيها
وللمحلات العادية اللي ماتحمل اسم الماركة
ملاحظة:هذا اذا كان بوتيك الماركة فعلا بوتيك أصلي وراح تفهمو قصدي في الفقرة اللي بعدها
المهم انها تنزل للكل
بس تشرط على المحلات العادية اللي ماتحمل اسمها انها تشيل الستكر من الملابس
وراح أعطيكم أمثلة لبعض المحلات واللي صارو معروفين لبعض الناس
تاج توج بجدة والقوافي والمحلات اللي عندهم
بشهر ثمانية اشتريت من عندهم تنورة زارا ب15ريال
وبناطيل اتش آند ام
الواحد على عشرة ريال
وأطقم لاسنزا على خمسة ريال
وبكينيات لاسينزا الثلاثة حبات على خمسة ريال
وبنطلون سنوبي لزوم المشي بخمسة ريال
وراح تلاقوماركات كثيرة مانغو أوكايدي أوركيد كمايو نكست اكس أو بعض ماركات السواني سترادي فاريوس وبيرشكا تيرانوفا وهلم جرا
طبعا اذا رحتوا بتلاقو مثلا صف كاااامل من البناطيل المتشابهة
قلبوا فيهم راح تلاحظو ان اسم الماركة
منزوع منها
اجتهدوا ودورا راح تلاقوا كم واحد مااتنزع منهم الاسم على طول راح تعرفي انتي واقفة عند استاند أي ماركة بالضبط
طبعا أنا يوم أشتري منهاأحاول آخذ اللي باسم الماركة
محل ثاني
بالمدينة
أقولكم اللي صارلي
خالي طلب مني أروح للمحل عشان أطلع عليه
فعلا نفضت الكسل
ورحت وأخذت لفة ع المحل
المهم
لقيت تنورة زارا مرة حلوة وبسعر25ريال
اشتريتهالأمي
بعدهاباسبوع لقيتها بزاراعلى 300ريال وشوي
طبعا المحل ذا يخلي الستيكر تبع الماركة وحتى التاق بس بدون تسعيرة
وقبل ماتبدأ السيلزهذا الموسم بشهر سبعة
رحت لنفس المحل وآخذت من عنده بلوزة تيرانوفا جنان بعشرة ريال
وجاكيت بيمكي ب15ريال
بشهر11لقيت البلوزة بتيرانوفا بعد التخفيض بخمسة وخمسين ريال
والجاكيت ببيمكي بسعر خيالي بس والله ناسية بكم
قبل العيد راحتله بنت خالتي
طبعا حكيتها عنه
أخذت منه جينز سكيني ماركة زاراب15ريال
تحلف بالله انها لاقيته بنفس الاسبوع بزارا فرع النورمول ب199ريال
وتحكيلي انها شافت شنطة جلد أسود مع صديقتها بالجامعة
ومرة عجبتها بس والله ناسية الماركة
المهم يوم سألتهاقالت انها ب 850ريال
لقيتها بنفس المحل ب 30ريال وبالتاق كمان
تقول من الفرحة أخذت لونين منها

رابعا:في محلات كثييييييييييير وهذي اللي مغرقة الخليج هنا وهي البوتيكات اللي تحمل اسم البراند
هذي يجي التاجر ويوقع عقد انه يشتري بس اسم الماركة والديزاينات السنوية
بس ماتنتج بنفس مصانع الماركة الأصلية وبنفس الخامات
لالالا
هم عليهم انه يصير وكيل لهم في الخليج ويدفع مبلغ وقدره عشان الاسم
ويرسلون له ستف كامل من الماركة نفسها يشوفو الموقع ويطبقون له الديكورات والديزاين الخاص بالماركة
ويعطون التاجر الديزاينات الموسمية حصريا له
والباقي عليه
هننا ينتهي دور الشركة الأم
نجي للتاجر أو الوكيل
هو عليه يتعامل مع أي مصنع هو يختاره بالصين أو بنغلادش أو الهند
ويبدأ يتعامل معاهم
وهذا خط السير
الشركة الأم ترسل الديزاينات ومعاهها بيان بالخامات
مثلا
تي شيرت ديزاين كذا
الخامة 90 بالمية قطن
هنا التاجر ماراح يخلي القطن نفس النسبة
لا
يبدأ ينقص فيه لأن القطن ياخذ عليهم شي وشويات وهو أغلى شي تقريبا
يخفضه لنسبة 60بالمية مثلا
وصار هذا الفرق
وتصير القطعة يابلااااااااااش
واللي جربت وشرت قطعة من برا بتعرف الفرق
من حيث الجودة والألوان اللي ماتتغير والخام اللي ماتنمش ولاتحبب ولاتنعدم حتى بالكرف



راح أحكيلكم قصة صارت لقريبتي
كانت مسافرة هي وزوجها وحبت تشتري بلوزة هدية لأختها
ويوم شكت بالمقاس
قالت لمدير المحل
اذا ماجات أقدر أبدلها بالفاتورة بالفرع اللي بالسعودية لأني باخذها هدية ومني متأكدة من السايز
رد عليها باستغراب
احنا مالنا ولافرع بالخليج كله
تقول قسم بالله من يومهاعفت سوق الخليج كله

ماراح أتعب نفسيتكم كثير
بس أبسط مثال
شركات اللاب توبات
آخر شركة يابانية اشترتها الصين هي سوني
ومن شهر10 صارت صينية رسميا
طبعا يقولوالتجار صناعة يابانية وتجميع صيني
بس كله كذب
بعطيكم شي بسيط
لاب توب سوني فايو الوردي موديل
cr353
بالسعودية ينباع بسعر أربعة آلآف وتسعمية وتسعة وتعسين ريال
يعني خمسة آلآف بس أنا ذكرت السعر عشان أكون دقيقة معاكم
المهم جبته من الصين من الشركة الأم بسعرأربعمية وثمانين دولار
شفتو النصب كيف
حسبي الله ونعم الوكيل فيهم
لابتوبات ديل الملونة اللي جرير النصابين مسوين عليها عرض
هذي سعرها ميتين دولار فقط لاغير
بلاي ستيشن ثري
مية وعشرين دولار
والله يابنات لو تطلعوا ع الاسعار الحقيقية انكم تنجلطوا بعيد الشر عنكم
تعرفون محلات الأثاث الراقية
اللي يبيعوا بالآلاف
راح أعطيكم كمان نبذة عنهم
طبعا زي ماتعرفون أغلب الأثاث اللي بسوق الخليج هو صيني درجة أولى
والمحل اللي عنده أمانة بيقولك صيني درجة أولى
واللي بيقاوح ومايخاف ربه بيقول ماليزي
واللي بيكذب بس مستحي
بيقول خشب ماليزي بس الصناعة صينية
زي كذبة التجميع
المهم
خالي جابلنا كتالوجات لأثاث راقي من مصانع صينية
ومن نفس المصانع اللي تتعامل معاها بعض محلات الأثاث الكبيرة والياي اللي عندنا
المهم
اطلعت على كتالوج غرف النوم
وربي اللي خلقني
ان غرف النوم شي مو طبيعي قمة الرفاهية والذوق
ولا13 قطعة
وبألفين ريال
من القهر والتهور
زميلتي يوم جات تتزوج بغيت أتهور من زود الكشخة وأقولها غرفة نومك هدية مني خخخخخخخخ
13 قطعة
واللي عندنا على ستة قطع وطاقين السعر للسما


الجوالات

طبعا من شهر11 ماعاد صار فيه جوال فنلندي يوصل للخليج أبدا
لافنلندي ولاغيره
بالذات نوكيا
كلها صارت صينية
يعني اللي عندها جوال قديم لاتفرط فيه لأنه صار عملة نادرة
تؤمنوا بالله
ان آخر موديل من نوكيا سعره اربعمية ريال شامل الشحن
وهنا يبيعونه على ألفيننجي للتاجرات
هذولا ياويلهم من ربي
أنا ماأدري كيف مايخافون الله
راح أنزلكم بعض الأمثلة فقط
بخاخ سالس هانسون حق السيقان
الأمريكي الأصلي سعره 28ريال
اللي بالخليج كله تعبئة الكويت نفس حكاية العطورات
ويبيعونه التاجرات على ميتين ريال
بالله مو حرام
التلج المضيء
الدرزن من الصين بثلاثة ريال
والتاجرات يبيعونه على خمسين ريال طبعا هذي الحنينة الطيبة بتبيعه بهذا السعر

نافورة الشوكولا والعصير
الوحدة فيهم على 32ريال
المرطبات والنكهات وربي يابنات
عندي تسعيرتها
انها بالهلل حتى ماوصلت للريال
كاسات العصير المضيئة الزجاج الدرزن على 8ريال
شنطة اللاب توب الماركات
اللي عليها لوقو الماركة
على 13ريال
نظارت الماركات اللي التقليد طبعا بس تقليد درجة أولى
على 18ريال وكم هللة
وشوفو التاجرات بكم يبيعوها
طاولات اللاب توب
ب21ريال وعليها هلل
مرة لقيت تاجرة عارضة فساتين صينية والفستان على مية ريال
سبحان الله من لقافتي ولأنها صارت هوايتي التنبيش وكشف المستخبي
وصارت عندي خبرة
حصلت على التسعيرة
طلع أغلى فستان بينهم ب28ريال وعليها هلل
هذا للمفرق بس الجملة أرخص بكثير
وهي طبعا آخذتهم جملة
أنا ماأخرب عليهم الله يرزق كل وحدة من واسع فضله بس والله حرام حتى بالشرع مايجورز وحررررام يكون المكسب أكثر من نصف قيمة البضاعة
أنا أقولكم ممكن تكون تاجرة حرام مضحوك عليها وآخذتها من تاجرة ثانية بس أنا أقصد اللي تكون هي جايبتها أصلا من الصين
وترفع السعر كذا بشكل مبالغسادسا:بعض المحلات تكون فروع لبعض بس يراعوا الطبقات
مثال
لاسنزا وسيتي ماكس ونيولوك كلهم تبع بعض
وكلهم ملك لبرويزمشرف الباكستاني
واللي عندها قوة الملاحظة راح تلاحظ انه كثير من الانجري سواء قمصان أو أندر وير موجودين بلاسنزا وسيتي ماكس
على ذكر سيتي ماكس
تتذكرو الفستان اللي اشتهر ببرومود ومافي بنت الا ولبسته اللي لو ويست وعليه زي الكمر العريض بحزام
وهو قصير وقماشه كشمير نزل بكولكشن الشتوية
منه لونين أحمر ورمادي
المهم نزل ببرومود بسعر399ريال
بعده بنصف شهر نزل بسيتي ماكس بسهر 35ريال
شي ثاني
نزل فستان تايقربنيولوك قصير وطويل من الجنبين كمان انتشر مرة ناسية سعره
المهم انو بنفس الأيام نزل بسيتي ماكس بأربعين ريال
وموديلات كثيرة اتكررت
سيتي ماكس ونيولوك
كثير تتكرر فيهم نفس البضاعة
تيرانوفا وسترادي فاريوس كمان لو تلاحظو كثير بضاعتهم تلاقيها متكررة مع فرق السعر والتوقيت
برومود وكمايو
كمان تبع بعض وكثيريجيبو بضايع مكررة بالمحلينسابعا:صاحب خالي تاجر كبير بالخليج وخالي اتعرف عليهم يوم دخل هالمجال
المهم انه عمنا عنده ماركة كبيرة ومشهورة ومعروفة وفاتحله فرع بالراشد ميغامول
مين قده
قبل العيد عشان موسم
جاب بضاعة من المصنع اللي متعامل معاه بسوريا
وجاب موديل بلوزة شيفون مرتبة وكشخة
الحريم طاحو فيها بالهبل
لدرجة ان خالي يقول شكل الحريم مطقمين بالعيد
المهم يحلف لخالي انه سعر الحبة بالجملة بخمسة وعشرين هللة فقطططط
وعلى قوله لخالي
أنا مشغول مافحالي أحسب وأختارسعر بس حطيت قدامها صفررررر
وصارت ب250ريال
طبعا يقنع خالي بالشغلة
ويقوله والله الحريم هبل لاشافو السعر العالي والديكور المرتب واسم ماركة اشتروا بدون تفكير

حسبي الله عليه

أعرف اني طولت وطولت مرة كمان
بس والله من قهري وحرقتي
قسم بالله صرت أشتري وأنا قرفانة
ماعاد أثق بشي
ماعليه أنا مااقول لاتشترون غالي بس والله الواحد يشتري شي غالي وهو فعلا هذا سعره
ولا يشتري شي عارف انه مخدوع فيه ولاهي قيمته الأصلية ولا ومتشكك بعد اذا كانت هي الماركة الأصلية ولاتقليد
وأكبر دليل وقت السيلز تلاقو الأسعار بالأرض وكمان ربحانين فيها الدبل
ولا ماكان شفتو السيلز طول السنة
استغفال فضيع
حرام والله حرام
وحسبي الله ونعم الوكيل بكل تاجروتاجرة لعبو علينا
طبعا مو كل الماركات بس اش نسوي أولاد الحرام ماخلو لأولاد الحلال حاجة
فعلا
اذا كانت الشغلة فيها كذا وكذا شي طبيعي بنعاف كل شي
هذي بعض الأسرار وماخفي كان أعظم
ماحبيت أكشف كل شي
بس بحدود المسموح

أعرف اني قرقر
سامحوني

بس للمصلحة العامة..
طبعا منقول من الايميل..

[لاداعي]

:omg:ههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههه:telephone:ههههههههههههههههههه هههههههههههههههههههههههههههههههههههه:eek5:هههههههه ههههههههههههههههههههههههههههههه:weeping:هههههههههه ههههههههههههههههههههههههههههه:(:(


يعطيك العافيه يالغالي

[ROSE]

اغلب اللي ذكرته صحيح وشفت بعيني


وازيدك من الشعر بيت


ماركة بي اتش اس وماركس اغلبهم يجيبون من مصانع عجمان


انا اكتشفت هالشي بالصدفه رايحه المصانع كثر مايتكلمون عنها


وعجبتني الملبوسات قلت ليش مااخذ لبنتي من هني


يوم اطالع القميص نفسه اللي ف بي اتش اس واللوغو بعد حاطينه


قلت له ليش تحطون لووغو بي اتش اس قال احنا نورد لهم


:rolleyes2: بس قال لي لو سمحتي شيلي اللوغو مانبي فضايح

قلت له زين وماشلته

[المزن الرياني]

بل ... ماخليت شي

هالموضوع مكانه سوق المنتدى

[..الاميرة..]

يانهار اسود !! :omg:

شكلي بروح بنغلادش اتبضع من هناك ابرك لي ..
انا ما قهرني إلا القطعه بو 300 ريال إطلعت بـ 25 ريال صج فرق السما والارض !!:(



يسلموو كتير كتير ياالناموس
اقوول تامر ع شي من بنغلادش حاضرين للطيبين ..:nice:

[pure]

وزززد على هالحجي ان اللي تقول عنه اسواق السعوديه

مب قطر يعني دبل السعر اللي قالت عنه انه ناصبين عليها فيه 3 مرات

[Mo0o0oM]

على بنغلادش :fight:

[ورقــة أمــل]

:omg:

:omg:

[بوعلي2]

بل ياساتر

عيل خلق ثوبي شكله بورخيص وقاصين علي هني

[غير البشر]

اي صج والله كله لعب في لعب

يرفعون السعر عشان يكون في مجال ينزلون

وبعدين الحريم يروحون يقولون حق ربعهم طلعت حق البايع قرون وقصيت عليه

البايع قال القطعه 250 ونزلته لين 150

وهو شاريها 25 ريال هههههههههههههههههههههههه يحليلهم والله :omen2:


وبالنسبه للعطور صحيح الي يجيب من اوروبا غير عن الي عندنا

وحتى الكافي والكيت كات غير بعد

كل شي غير احنا عندنا فتات
الله يعيطج العافيه اختي على التوضيح

[ANONYMOUS]

:omg:ههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههه:telephone:ههههههههههههههههههه هههههههههههههههههههههههههههههههههههه:eek5:هههههههه ههههههههههههههههههههههههههههههه:weeping:هههههههههه ههههههههههههههههههههههههههههه:(:(


يعطيك العافيه يالغالي

:omg:

الله يعافيك الشيخ

:)

[ANONYMOUS]

اغلب اللي ذكرته صحيح وشفت بعيني


وازيدك من الشعر بيت


ماركة بي اتش اس وماركس اغلبهم يجيبون من مصانع عجمان


انا اكتشفت هالشي بالصدفه رايحه المصانع كثر مايتكلمون عنها


وعجبتني الملبوسات قلت ليش مااخذ لبنتي من هني


يوم اطالع القميص نفسه اللي ف بي اتش اس واللوغو بعد حاطينه


قلت له ليش تحطون لووغو بي اتش اس قال احنا نورد لهم


:rolleyes2: بس قال لي لو سمحتي شيلي اللوغو مانبي فضايح

قلت له زين وماشلته


اهلين روز..

يعني طلع الكلام صج :)

انا حاطه في الاستراحه.. وكنت مهيء نفسي انه ينحذف..

بس طالما لقى استحسان منج ك مشرفه.. ثبتيه خخخخ

شكرا لمرورج

[ANONYMOUS]

بل ... ماخليت شي

هالموضوع مكانه سوق المنتدى


منقول يالمزن.. ماجبت شي من راسي..


خفت احطه في السوق.. وتشن ضدي حمله دعو موضوعه ينزل :p

[ANONYMOUS]

يانهار اسود !! :omg:

شكلي بروح بنغلادش اتبضع من هناك ابرك لي ..
انا ما قهرني إلا القطعه بو 300 ريال إطلعت بـ 25 ريال صج فرق السما والارض !!:(



يسلموو كتير كتير ياالناموس
اقوول تامر ع شي من بنغلادش حاضرين للطيبين ..:nice:


:looking:

لالا شوكرن

[ANONYMOUS]

وزززد على هالحجي ان اللي تقول عنه اسواق السعوديه

مب قطر يعني دبل السعر اللي قالت عنه انه ناصبين عليها فيه 3 مرات


طبعا اسعار السعويه اقل من اسعار قطر..

وعليج لحساب

:)

[ANONYMOUS]

على بنغلادش :fight:


احجز لج one way

:p

[ANONYMOUS]

:omg:

:omg:


احجز لج one way مع مون

:p

[ANONYMOUS]

بل ياساتر

عيل خلق ثوبي شكله بورخيص وقاصين علي هني

كل شي جايز

:)

[ANONYMOUS]

اي صج والله كله لعب في لعب

يرفعون السعر عشان يكون في مجال ينزلون

وبعدين الحريم يروحون يقولون حق ربعهم طلعت حق البايع قرون وقصيت عليه

البايع قال القطعه 250 ونزلته لين 150

وهو شاريها 25 ريال هههههههههههههههههههههههه يحليلهم والله :omen2:


وبالنسبه للعطور صحيح الي يجيب من اوروبا غير عن الي عندنا

وحتى الكافي والكيت كات غير بعد

كل شي غير احنا عندنا فتات
الله يعيطج العافيه اختي على التوضيح


:eek5:

بخصوص اختي :anger1:


عموما.. ما انا إلا بناقل.. وما بتوفيقي إلا بالله..

:)

[بوخالد911]

كلامك صحيح اخووي الغامض


والرسول عليه أفضل الصلاة والسلام قال : من غشنا فليس منا



وللأسف أغلب شعاار التجار : الغش وبسس !!!!


:omg::eek5::eek5::omg:


مسيوو- بوخالد911

[بوخالد911]

اغلب اللي ذكرته صحيح وشفت بعيني


وازيدك من الشعر بيت


ماركة بي اتش اس وماركس اغلبهم يجيبون من مصانع عجمان


انا اكتشفت هالشي بالصدفه رايحه المصانع كثر مايتكلمون عنها


وعجبتني الملبوسات قلت ليش مااخذ لبنتي من هني


يوم اطالع القميص نفسه اللي ف بي اتش اس واللوغو بعد حاطينه


قلت له ليش تحطون لووغو بي اتش اس قال احنا نورد لهم


:rolleyes2: بس قال لي لو سمحتي شيلي اللوغو مانبي فضايح

قلت له زين وماشلته

لو سمحتي رووز


هل اللي تقصدينه مصانع الملابس الجاهزة اللي بعجمان

صح؟


بالانتظاررر


مسيوو - بوخالد911

[بنت المنتدى]

تسلم ايدينك ع الموزوع القميل &_&

[ANONYMOUS]

كلامك صحيح اخووي الغامض


والرسول عليه أفضل الصلاة والسلام قال : من غشنا فليس منا



وللأسف أغلب شعاار التجار : الغش وبسس !!!!


:omg::eek5::eek5::omg:


مسيوو- بوخالد911





هلا ميسيو بو خالد..


صحيح من غشنا فليس منا..

:)

[ANONYMOUS]

تسلم ايدينك ع الموزوع القميل &_&


هههههههههههههههههه

الله يسلمج

[الـقـاسـي]

هذي المشكله ليش احنا دايما ينصبون علينا
مب كل الناس عندهم خبره بهالامور وين دور الرقابة في الدولة

[لجين]

اغلب اللي ذكرته صحيح وشفت بعيني


وازيدك من الشعر بيت


ماركة بي اتش اس وماركس اغلبهم يجيبون من مصانع عجمان


انا اكتشفت هالشي بالصدفه رايحه المصانع كثر مايتكلمون عنها


وعجبتني الملبوسات قلت ليش مااخذ لبنتي من هني


يوم اطالع القميص نفسه اللي ف بي اتش اس واللوغو بعد حاطينه


قلت له ليش تحطون لووغو بي اتش اس قال احنا نورد لهم


:rolleyes2: بس قال لي لو سمحتي شيلي اللوغو مانبي فضايح

قلت له زين وماشلته

معروف اختي ان اغلب الملابس في هالمحلات اللي في الخليج صناعه خليجية

شفت عندهم صناعه امارتية وكويتية وسعودية

وزارا مثلا بعض الملابس عنده صناعة مغربية

والسموحة ع المداخلة ياصاحب الموضوع

[بن عجلان]

يعطيك العافيه .. بس من الفاضي الي بيسافر الهند ولا بنقلادش حق هالاشياء .. التذكره بروحها تاخذ سعر .. وغير الفندق ولا المواصلات .. يعني لو تفكر فيها نفسها نفسها ..
بس اذا انت رايح تشتري حق سنه .. ولا حق 3 او 4 عوايل وحق فتره طووويله وترجع بـ 100 كيلوو بس الشحن يمكن تسووى السالفه
أما بس لك انت وترووح وترجع على أشياء بسيطه أجووفها ماتسوى
وأنت ذكرت نقطه " ان الاكسسوارات الي شروها بـ 16 ريال " مب لله شراهم لانه يبي يفتح شراكه مع المحل .. اما اذا واحد مني والطريق يبي ياخذ يمكن مايخلوونه .. :)
أدري ان الموضوع منقوول من الايميل .. بس مجرد التوضح للاخوه والاخوات
ويعطيك الف عافيه يالغالي مره ثانيه .. تقبل مروري بن عجلان :)

[مليونيره]

في أوروبا الصناعات بدرجات البيسبي طعمه غير بس صناعه التجاريه للخليخ وأكثر صناعاتهم في آسيا شانيل في تايلند وجست كفالي سنغفورا بربريز في المغرب أما المحلات من مستوى بي أتج أس ولا سنزا ودبن هامز وزارا تركيا الهند وعجمان

[ROSE]

:eek5:

بخصوص اختي :anger1:


عموما.. ما انا إلا بناقل.. وما بتوفيقي إلا بالله..

:)

هههههههههههههههههه مرحبا اختي


ممكن ارد على مووضوعج فيه كم استفسار حبيت ارد عليهم :tease:

[ROSE]

لو سمحتي رووز


هل اللي تقصدينه مصانع الملابس الجاهزة اللي بعجمان

صح؟


بالانتظاررر


مسيوو - بوخالد911



صحيح اخوي مصانع الملابس الجاهزة اللي بعجمان اول عجمان

[ذيبه مزاجيه]

عمره الشي الاصلي ما طب بلادنا ههههههه

وهالشي مب جديد علي لاني كل ما اشوف شي يعجبني هني على طول ادش النت واروح موقع الشركه الاصليه و اقارن السعر و انصدم .. واطلبه من برع ارحم ^_*

جزاك الله خير على هالموضوع و يمكن بعد نقاطع ونخليها تدود مب تصدي ههههههههههههه

[ROSE]

معروف اختي ان اغلب الملابس في هالمحلات اللي في الخليج صناعه خليجية

شفت عندهم صناعه امارتية وكويتية وسعودية

وزارا مثلا بعض الملابس عنده صناعة مغربية

والسموحة ع المداخلة ياصاحب الموضوع

صج والله حتى تدرين فيه ثياب سهره تجنن واشوفها في المحلات الكبيره

ضعفين السعر اللي ينباع عندهم

[بوحارب]

سعر الدعم نبيك تنورنا عن غش المقاولين خخخخخخخخخخخخخخخخخخ

[ANONYMOUS]

هذي المشكله ليش احنا دايما ينصبون علينا
مب كل الناس عندهم خبره بهالامور وين دور الرقابة في الدولة



منا الى ادارة حماية المستهلك..



يعطيك العافيه .. بس من الفاضي الي بيسافر الهند ولا بنقلادش حق هالاشياء .. التذكره بروحها تاخذ سعر .. وغير الفندق ولا المواصلات .. يعني لو تفكر فيها نفسها نفسها ..
بس اذا انت رايح تشتري حق سنه .. ولا حق 3 او 4 عوايل وحق فتره طووويله وترجع بـ 100 كيلوو بس الشحن يمكن تسووى السالفه
أما بس لك انت وترووح وترجع على أشياء بسيطه أجووفها ماتسوى
وأنت ذكرت نقطه " ان الاكسسوارات الي شروها بـ 16 ريال " مب لله شراهم لانه يبي يفتح شراكه مع المحل .. اما اذا واحد مني والطريق يبي ياخذ يمكن مايخلوونه .. :)
أدري ان الموضوع منقوول من الايميل .. بس مجرد التوضح للاخوه والاخوات
ويعطيك الف عافيه يالغالي مره ثانيه .. تقبل مروري بن عجلان :)


الله يعافيك اخوي..

القصد ان وايد زايدين الاسعار.. ليش مايكسبون 10 ولا 30 % .. ليش 400 % هنا الاعتراض..



في أوروبا الصناعات بدرجات البيسبي طعمه غير بس صناعه التجاريه للخليخ وأكثر صناعاتهم في آسيا شانيل في تايلند وجست كفالي سنغفورا بربريز في المغرب أما المحلات من مستوى بي أتج أس ولا سنزا ودبن هامز وزارا تركيا الهند وعجمان


ترا صحيح.. يصنعون الماركات برا.. عشان رخص الايدي العامله.. بس الكواليتي يختلف.,,
على حسب وين رايحه البضاعه والله اعلم



عمره الشي الاصلي ما طب بلادنا ههههههه

وهالشي مب جديد علي لاني كل ما اشوف شي يعجبني هني على طول ادش النت واروح موقع الشركه الاصليه و اقارن السعر و انصدم .. واطلبه من برع ارحم ^_*

جزاك الله خير على هالموضوع و يمكن بعد نقاطع ونخليها تدود مب تصدي ههههههههههههه


والله مايندرى وش يبيعون هنيه.. الظاهر الوكلاء يشترون من سوق المنتدى ويبيعونه ع الناس خخخ
ويجزاج خير..


سعر الدعم نبيك تنورنا عن غش المقاولين خخخخخخخخخخخخخخخخخخ


وهل يفتى وبوحارب في المدينه :nice:

[سوق واقف]

ماشاء الله عليج أختي ؟
بس في شيء ما ذكرتيه
1- الجمارك
2- قيمة البيان
3- قيمة الأرضية
4- رسوم السيارة الي تجيب البضاعه من دبي
5- رواتب عمال
6- كهرباء
7- ماء
8- رسوم السجل التجاري الي زادسعره 100%
9- رسوم البلدية الي زاد100%
مصاريف العمال للتزيل

+ إيجار المحل الي كان 3000 الاف ريال و4000 الاف ريال صار 15000 الف و20000 الف
ما حسبتي كل هذي المصاريف وسميتي الموضوع (( غش)) هذا لا يسمى غش أختي العزيز

أنتي يوم تروحين تأجرين محل بعشرين الف ريال في الشهر شنو الحل بنظرك أني أجيب بضاعه من دبي بخمسين الف وأبيعها 55 الف ريال يعني
أحسبي كل المصاريف الإدارية وعقب راح تلاقين أنه مبلغ الربح بسيط جداااوالله
تدرين أكثر الربح يروح للإيجار والكهرباء والماء

[ANONYMOUS]

ماشاء الله عليج أختي ؟
بس في شيء ما ذكرتيه
1- الجمارك
2- قيمة البيان
3- قيمة الأرضية
4- رسوم السيارة الي تجيب البضاعه من دبي
5- رواتب عمال
6- كهرباء
7- ماء
8- رسوم السجل التجاري الي زادسعره 100%
9- رسوم البلدية الي زاد100%
مصاريف العمال للتزيل

+ إيجار المحل الي كان 3000 الاف ريال و4000 الاف ريال صار 15000 الف و20000 الف
ما حسبتي كل هذي المصاريف وسميتي الموضوع (( غش)) هذا لا يسمى غش أختي العزيز

أنتي يوم تروحين تأجرين محل بعشرين الف ريال في الشهر شنو الحل بنظرك أني أجيب بضاعه من دبي بخمسين الف وأبيعها 55 الف ريال يعني
أحسبي كل المصاريف الإدارية وعقب راح تلاقين أنه مبلغ الربح بسيط جداااوالله
تدرين أكثر الربح يروح للإيجار والكهرباء والماء


حلوه هذي اختي :anger1:


بعدين الموضوع منقول.. ويتكلم عن السعوديه اللي اجارهم 800 ريال يمكن



بعدين مافي تاجر في الدنيا قنوع ويقول الحمد لله اليوم ربحت 7 ريال.. ولا 500 الف whatever

حتى اللي يربح 17 مليون في الشهر يقول مصاريف وتعب وعباله وخسران :secret:



ولا تاخذ الموضوع بيرسونال.. بليز..
:anger1:

[المهلهل]

ياخي فاجئتني في البداية قلت اخبرة رجال ؟؟؟؟؟اشلون؟؟؟؟كلمة منقول هي الي فهمتني
انا لي صديق تاجر معروف في قطر دايم اسافر معه سفرات عمل
في ماركات الله بلخير المهم ادفع
وفي ماركات ماترضى باهل حركات ولو اشتكى حد عندهم ممكن يغرمون وممكن يسحبون الماركة منك
وبعضهم يطرشون لك الملا بس عليها الوجو وسعره بالريل يعني ما عليك الا انك تعلقة في المحل وتبيع
اما العطورات والكوافي حدث ولا حرج...
تحياتي لك وخل عنك المفاجئات

[وتبقى الدنيا حلوه]

قريت الخبر من قبل و أنقهرت

[ALRAYYAN]

وزززد على هالحجي ان اللي تقول عنه اسواق السعوديه

مب قطر يعني دبل السعر اللي قالت عنه انه ناصبين عليها فيه 3 مرات

ماشاء الله عليج .. جبتيها يا أختي بيور .. والله نهبه :)

[وهمqtr]

يسلموووووووووووو

[غروب الشمس]

لو المشرفين يسمحوا لي ذكر اسماء المحلات عندنا تبيع الماركات في محلات عاديه وتقوم بقص او شطب اسم الماركه انا مستعدة اذكرها انا كله مطيحه هناك صج حراااااااااميه

[2010]

هالشي معرووووووف من زماااااااااان
و يقوولوون التجاار (( تبي خذ ما تبي محد جاابرك, وانا بحط السعر الي ابيه )) لان مافي حد عليهم

وحتى سمعت كريم للبشره الي فيه ريحه فراوله وجوكليت و من هالسوالف للجسم بـ 100 و 150 ولاكن
في الاردن بتلقونه بـ 10 رياال

يعني الفرررررق وااايد واااااااااايد

بس يلا
تسلمين اختي ويعطيج الصحه والعافيه

[ANONYMOUS]

ياخي فاجئتني في البداية قلت اخبرة رجال ؟؟؟؟؟اشلون؟؟؟؟كلمة منقول هي الي فهمتني
انا لي صديق تاجر معروف في قطر دايم اسافر معه سفرات عمل
في ماركات الله بلخير المهم ادفع
وفي ماركات ماترضى باهل حركات ولو اشتكى حد عندهم ممكن يغرمون وممكن يسحبون الماركة منك
وبعضهم يطرشون لك الملا بس عليها الوجو وسعره بالريل يعني ما عليك الا انك تعلقة في المحل وتبيع
اما العطورات والكوافي حدث ولا حرج...
تحياتي لك وخل عنك المفاجئات


هلا اخوي

تسلم ع الاضافه



قريت الخبر من قبل و أنقهرت


الله يقهر عدوج



يسلموووووووووووو
الله يسلمك