إدارة حماية المستهلك : البيبسي ارفعوا سعره وانتوا ليحين في العسل!!

[سعادة الوزير]

السلام عليكم ورحمة الله

شركة البيبسي ارفعت اسعارها رغم ان الاسعار العالمية في انخفاض شديد ، ورغم الازمة الاقتصادية العالمية!! .. والمصيبه انهم مارفعوا سعره يوم كان النفط ب 140 دولار ، ارفعوه يوم نزل الى 35 دولار!!

والمصيبة الاعظم انهم ارفعوا السعر بدون موافقة حماية المستهلك!! .. يعني بالعربي مب ماعطين هالادارة "النائمة" اي اعتبار!!

لذلك ، فانني ادعو ،بصفتي مواطناً قطرياً ، ودافع مخالفات ورسوم (مثل مايقولون في امريكا انهم دافعي ضرائب!) ، ادعو السيد مدير ادارة حماية المستهلك الى الاستقالة ، واناشد الدولة بتوزيع اختصاصات هذه الادارة مابين ادارة الثروة السمكية وادارة الثروة الزراعية.

واقول للمواطن ، الله يكون بعونك ، بتلقاها من وين ولا من وين!

[شاه بندر]

ياسعاده الوزير

ليش مستغرب احس انك مب عايش في قطر

هذي اداره ( حمايه المستهلك ) موجوده حبر على ورق

في قطر التاجر الى يبي يسويه ما يأخذ اذن من احد يحبون يفاجؤن المستهلكين بمفاجأتهم الحلوه

مثل ( كارفور ) بعد ما كانت الاكياس بلاش صارت الحين بنص ريال وتستغرب ليش ما أعلنوا بهذا الشى مثل ما يعلنون في الجرايد ويوزعون دعاياتهم على البضائع والتخفيضات في الجرايد والشوارع

هذا كله مردود عليه

في النهايه يقولون لك ان قطر موقعه على اتفاقيه التجاره الحره :anger1:

[داااايم السيف]

يخوي رب ضارةً نافعة وانشاء الله يكون فيها خير لنا وانت يخوي لو تعرف اضرار المشروبات الغازية وعلى راسها البيبسي كان تمنيت انهم مب يرفعون سعره وبس الا يمنعونه من دخول البلاد والله يعافيك ويعافي الجميع..

[ابـو مــحــــمـــــد]

وينك يا السهلاوي

شكل شركة البيبسي تعمل ضد تصريحك قبل يومين في الجرايد