تسجيل الدخول

مشاهدة النسخة كاملة : ابســــــألـــــــــــج ....


رأس بروق
05-03-2009, 09:01 AM
ليه الأمانة بالقلوب في زماننا تحتضر ..!

وليه المحبة والمودة تنداس بأقدام البشر ..!

وليه الصداقة ذابلة ومن الخيانة لا مفر ..!

ولامن زرعت الخير في الدنيا يحاصرك الخطر ..!


ابسألج .... ياا دنياا ..؟


ليه نلقى في زماننا جروح وأحزان وهموم ...!

ليه التفاؤل والفرح يبقى ثواني ما يدوم ..!

ليه العيون الخايفة ..!

وبعض المشاعر زايفة ..!


ابسألج .... ياادنياا..؟

ليه دايم ننتظر ..!

لين آخر هالعمر ..!

حتى الصبر

مل واختار السفر ..!

وما بقى إلا الهموم ..!

مكتوبة لك طول الدهر ..!


ابسألج ..... ياادنياا ..؟


دامج الدنيا .. ابسألك ..!

يمكن ألقى منج جواب

أو يمكن بس أفهمج

أني تعبت من الهموم

وكل جرح من جروحي يعلمج ..!
انه تعود على العذاب


وابسألج .... ياادنياا ..؟

ليه في كل ابتسامة ألقى أمامي دموع ..!

وكل دمعة من دموعي تطفي شمعة من الشموع ..!

وليه أرحل دام همي هو همي ..!

ما يتغير وما يزول ...

حتى لو حل الفرح هو ثواني ما يطول ..!


ابسألج .... ياادنياا..؟

دامج الدنيا .... أكيد عندج جواب

لكل سؤال وكل عتاب ..!



ابسألج .... ياادنياا.. ؟؟

فهميني .. !!!

بس سؤال وصارحيني ..... كل الناس مثلي

أو أنا وحدي ..... همومي تسري فيني

وفي الاخير عندي حكمه :

' يادنيا عطيني برهان ليه اللي قلبه طيب دوم خسران '

جاوبيني.. يا دنياا ...!
بنت المنتدى
05-03-2009, 09:15 AM
حتى لو حل الفرح هو ثواني ما يطول ..!


تدري ليش يا راس بروق ..

لأن لذة الفرح بذيك الثواني ولوطال صدقني ماله طعم :) ..



الف شكرلك على هذا الاختيار الرائع كالعاده ..
وطبعاً هذا الشي مو جديد عليــــــــــــــــــــــك ،،

كلمات عشت بين طياتها وبين زواياها ومازلت اعيش بينها ..


وع فكره ..

الطيب والله مو خسران .. حتى لو الدنيا كلها اغدرت به مصيرها تعرف قيمة قلبه .!

لاهنت
رأس بروق
05-03-2009, 09:43 AM
حتى لو حل الفرح هو ثواني ما يطول ..!

تدري ليش يا راس بروق ..

لأن لذة الفرح بذيك الثواني ولوطال صدقني ماله طعم :) ..

اكيد اختي بس حزات الواحد يطمع بشي القليل ..

الف شكرلك على هذا الاختيار الرائع كالعاده ..
وطبعاً هذا الشي مو جديد عليــــــــــــــــــــــك ،،

ماعليكـ زود ..اختي لولاكـ ماخترت الشعر ونثرته ..

كلمات عشت بين طياتها وبين زواياها ومازلت اعيش بينها ..

الله يديم الفرح في دنياكـ ..

وع فكره ..

الطيب والله مو خسران .. حتى لو الدنيا كلها اغدرت به مصيرها تعرف قيمة قلبه .!

لاهنت

لا خلا ولا عدم منج ومن مروورج العطـــر في هالصباح ،،
من ذوقكــ يالغلا ومنوره بطلتج الحلوه بصفحتي المتواضعه,,

ودمــت بخـــير..,
QatarRose
05-03-2009, 01:35 PM
لا تسألها وايد عشان ما تتعب :)

خلنا نرضى بالواقع وناخذ الدنيا بسهاله

يعطيك العافيه على هالخاطره اخوي
جلمود
05-03-2009, 01:47 PM
كلمات جداُ جميله

يعطيك الف عافيه

(-*
غزلان
05-03-2009, 02:24 PM
ولامن زرعت الخير في الدنيا يحاصرك الخطر ..!:weeping:

معاك حق

لكن لسه الدنيا بخير

تسلم اخوي
رأس بروق
11-03-2009, 09:23 AM
لا تسألها وايد عشان ما تتعب :)

خلنا نرضى بالواقع وناخذ الدنيا بسهاله

يعطيك العافيه على هالخاطره اخوي

لاهنت ع المرور
رأس بروق
11-03-2009, 09:23 AM
كلمات جداُ جميله

يعطيك الف عافيه

(-*


الله يعافيك جلمود :nice:
رأس بروق
11-03-2009, 09:25 AM
ولامن زرعت الخير في الدنيا يحاصرك الخطر ..!:weeping:

معاك حق

لكن لسه الدنيا بخير

تسلم اخوي

الله يسلمــــك:nice: