هل أنت قطري ؟!! [الأرشيف] - منتديات شبكة الأسهم القطرية

همر

05-03-2009, 10:16 AM

وصلني هالمسج يسألني:

هل كنت تلبس ملابس بدون أوتي ؟!!

تشرب عصير بونص ولبن مثلج ؟!!

تشتري 2 بفكي وغرشة فلفل وتمكسهم ؟!!

تصب لبن على شبس عمان ؟!!

تاكل عسكريم فيمتو أبو عود ؟!!

تلعب في الفريج حافي حزة القايله بسروال وفنيله ؟!!

شعرك ما يتمشط ومتروس قمل ؟!!

تحرق ليف المواعين بلفيت شراخي ؟!!

تحذف الهنود على سياكلهم بحصى وتشرد ؟!!

تنبّش زبالة بيوت الانجليز ؟!!

كل ماتشوف كلب تقول له "كمون بوبي" ؟!!

تركض ورى سيارة الرش قبل المغرب ؟!!

تنطق وتنضرب عشان يسبحونك ؟!!

اذا كانت اجاباتك كلها نعم ... اذاً اطمأن ... انت قطري %100 !!!:nice:

جان استانس ... :telephone: الو ... الجوازات !

alsenator

05-03-2009, 10:22 AM

اكثر هلاشياء سويناها وحنا صغار خصوصا تحذف الهنود بالحصا

بس شدخل القطري بالسالفة ؟؟؟

بنت المنتدى

05-03-2009, 10:24 AM

ههههههههههههههههههههههه

بس للاسف ما طلعت قطريه 100% ..

هل كنت تلبس ملابس بدون أوتي ؟!!
لاشدعوه :eek5:

تشرب عصير بونص ولبن مثلج ؟!!
:yes:

تشتري 2 بفكي وغرشة فلفل وتمكسهم ؟!!
ليومك هذا :shy:

تصب لبن على شبس عمان ؟!!
:happy: اكيد

تاكل عسكريم فيمتو أبو عود ؟!!
اهم شي عسكريم ههههههههههههههههههه :funny:

تلعب في الفريج حافي حزة القايله بسروال وفنيله ؟!!
احلف :eek2:

شعرك ما يتمشط ومتروس قمل ؟!!
omen

تحرق ليف المواعين بلفيت شراخي ؟!!
:con2:

تحذف الهنود على سياكلهم بحصى وتشرد ؟!!
:looking:

تنبّش زبالة بيوت الانجليز ؟!!
هههههههههههههههههههههههه :funny: شدعوه قطووووو :D

كل ماتشوف كلب تقول له "كمون بوبي" ؟!!
مال زمان اول مايعرفون عنقليزي :p

تركض ورى سيارة الرش قبل الغرب ؟!!
:nono:

تنطق وتنضرب عشان يسبحونك ؟!!
وع ، انا بطه احب الماي :dance

تسلم يا اخوي ع الموضوع الكوووول ههههههههه

لاهنت ^___^

غير البشر

05-03-2009, 10:26 AM

:whistling: :whistling:

بو الجوري

05-03-2009, 10:33 AM

هل كنت تلبس ملابس بدون أوتي ؟!!
لا طبعاً :)

تشرب عصير بونص ولبن مثلج ؟!!
أكيييييييييييد :nice:

تشتري 2 بفكي وغرشة فلفل وتمكسهم ؟!!
أحياناً:)

تصب لبن على شبس عمان ؟!!
لين اليووووم :nice: :victory:

تاكل عسكريم فيمتو أبو عود ؟!!
إي طبعاً:)

تلعب في الفريج حافي حزة القايله بسروال وفنيله ؟!!
لا :omg:

شعرك ما يتمشط ومتروس قمل ؟!!
ما يتمشط إي ..:) لكن متروووس قمل لا :eek5:

تحرق ليف المواعين بلفيت شراخي ؟!!
لا لا :eek5:

تحذف الهنود على سياكلهم بحصى وتشرد ؟!!
لالا :)

تنبّش زبالة بيوت الانجليز ؟!!
إيخسوووون :anger1:

كل ماتشوف كلب تقول له "كمون بوبي" ؟!!
لا :rolleyes2:

تركض ورى سيارة الرش قبل المغرب ؟!!
لالا:secret:

تنطق وتنضرب عشان يسبحونك ؟!!
مممم ماذكر :secret:

*****

تقبل مروري وتعليقي ..:nice:

يعطيك العافيه خيوووو :victory:

!

PRINCESS

05-03-2009, 10:36 AM

هالموضوع بس للقطريين؟؟:(

شويهينــه

05-03-2009, 10:49 AM

وصلني هالمسج يسألني:

هل كنت تلبس ملابس بدون أوتي ؟!!

لا

تشرب عصير بونص ولبن مثلج ؟!!

:victory: احلا شي

تشتري 2 بفكي وغرشة فلفل وتمكسهم ؟!!

:shy: مو دايم

تصب لبن على شبس عمان ؟!!

يمي يمي :victory:

تاكل عسكريم فيمتو أبو عود ؟!!

لحين ايسكرين توت وكنا نستانس اذا صبغ فينا انه حاطين روج يعني :shy:

تلعب في الفريج حافي حزة القايله بسروال وفنيله ؟!!

هذا السؤال اللي محيرني ليش يعني كل شيطانتنا حزه القايله بس :con2:

شعرك ما يتمشط ومتروس قمل ؟!!

:eek5:

تحرق ليف المواعين بلفيت شراخي ؟!!

:nice:

تحذف الهنود على سياكلهم بحصى وتشرد ؟!!

:stop:

تنبّش زبالة بيوت الانجليز ؟!!

:stop:

كل ماتشوف كلب تقول له "كمون بوبي" ؟!!

كل ماشوفه escape

تركض ورى سيارة الرش قبل المغرب ؟!!

ههههههههههههههههه لو اني ولد سويتها :shy:

تنطق وتنضرب عشان يسبحونك ؟!!

لا

اذا كانت اجاباتك كلها نعم ... اذاً اطمأن ... انت قطري %100 !!!:nice:

جان استانس ... :telephone: الو ... الجوازات !

بارك الله فيك

Al-madyonar

05-03-2009, 10:53 AM

الصراحه 95% من الاشياء الم\كورة في الموضوع كانت تحصل معاي إلا شغلة الزبالة :tooth:

همر

05-03-2009, 10:56 AM

اكثر هلاشياء سويناها وحنا صغار خصوصا تحذف الهنود بالحصا

بس شدخل القطري بالسالفة ؟؟؟

مادري !!

المسج واصلني جذيه...

الظاهر المرسل يبي يطمني على مستقبلي :nice:

بيسان

05-03-2009, 10:57 AM

الصراحه 95% من الاشياء الم\كورة في الموضوع كانت تحصل معاي إلا شغلة الزبالة :tooth:

:taunt::taunt::taunt::taunt:
وانا كمان بس مو قطرية

همر

05-03-2009, 10:59 AM

ههههههههههههههههههههههه

بس للاسف ما طلعت قطريه 100% ..

ما عليه ... ترى في درجات :tease:

هل كنت تلبس ملابس بدون أوتي ؟!!
لاشدعوه :eek5:

تشرب عصير بونص ولبن مثلج ؟!!
:yes:

تشتري 2 بفكي وغرشة فلفل وتمكسهم ؟!!
ليومك هذا :shy:

تصب لبن على شبس عمان ؟!!
:happy: اكيد

تاكل عسكريم فيمتو أبو عود ؟!!
اهم شي عسكريم ههههههههههههههههههه :funny:

تلعب في الفريج حافي حزة القايله بسروال وفنيله ؟!!
احلف :eek2:

شعرك ما يتمشط ومتروس قمل ؟!!
omen

تحرق ليف المواعين بلفيت شراخي ؟!!
:con2:

تحذف الهنود على سياكلهم بحصى وتشرد ؟!!
:looking:

تنبّش زبالة بيوت الانجليز ؟!!
هههههههههههههههههههههههه :funny: شدعوه قطووووو :D

كل ماتشوف كلب تقول له "كمون بوبي" ؟!!
مال زمان اول مايعرفون عنقليزي :p

تركض ورى سيارة الرش قبل المغرب ؟!!
:nono:

تنطق وتنضرب عشان يسبحونك ؟!!
وع ، انا بطه احب الماي :dance

تسلم يا اخوي ع الموضوع الكوووول ههههههههه

لاهنت ^___^

الله يسلمج ومن قال لاهان...

همر

05-03-2009, 11:01 AM

:whistling: :whistling:

كلش مالك خص ... "غير البشر" :nice:

همر

05-03-2009, 11:06 AM

هل كنت تلبس ملابس بدون أوتي ؟!!
لا طبعاً :)

بو الجوري اكيد دارس في مدارس خاصه :nice:

تشرب عصير بونص ولبن مثلج ؟!!
أكيييييييييييد :nice:

تشتري 2 بفكي وغرشة فلفل وتمكسهم ؟!!
أحياناً:)

تصب لبن على شبس عمان ؟!!
لين اليووووم :nice: :victory:

تاكل عسكريم فيمتو أبو عود ؟!!
إي طبعاً:)

تلعب في الفريج حافي حزة القايله بسروال وفنيله ؟!!
لا :omg:

لايكون ساكن في مجمع بعد ؟!! :tease:

شعرك ما يتمشط ومتروس قمل ؟!!
ما يتمشط إي ..:) لكن متروووس قمل لا :eek5:

عيني عليك بارده

لين الحين اذكر الفليت ابو عود مال القمل :nice:

تحرق ليف المواعين بلفيت شراخي ؟!!
لا لا :eek5:

أكيد عندكم Dish Washer ؟!! :tease:

تحذف الهنود على سياكلهم بحصى وتشرد ؟!!
لالا :)

تنبّش زبالة بيوت الانجليز ؟!!
إيخسوووون :anger1:

حرام عليك كله نحصل العاب محذفه قدام بيوتهم :)

كل ماتشوف كلب تقول له "كمون بوبي" ؟!!
لا :rolleyes2:

تركض ورى سيارة الرش قبل المغرب ؟!!
لالا:secret:

تنطق وتنضرب عشان يسبحونك ؟!!
مممم ماذكر :secret:

*****

تقبل مروري وتعليقي ..:nice:

يعطيك العافيه خيوووو :victory:

!

الله يعافيك خيو واسعدني مرورك

همر

05-03-2009, 11:08 AM

هالموضوع بس للقطريين؟؟:(

لا ... بس هذا Background Check حق ذكريات الطفوله...

همر

05-03-2009, 11:11 AM

بارك الله فيك

الله يبارك فيج...

كلكم كنتوا نظاف وانتوا صغار ما شاء الله عليكم ؟!!

احنا كنا نلبس الملابس من فوق الحبل حتى ما يمديها تنشف

قال اوتي قال :nice:

بو الجوري

05-03-2009, 11:11 AM

هههه لا والله أخوي همر.. انا دارس فالحكووومه ..

لكن في أشياء ما كنت أسويها .. وكنت ساكن في الفريج مب مجمع :)

تحياااتي :nice:

همر

05-03-2009, 11:16 AM

هههه لا والله أخوي همر.. انا دارس فالحكووومه ..

لكن في أشياء ما كنت أسويها .. وكنت ساكن في الفريج مب مجمع :)

تحياااتي :nice:

أهاااااا ... عيل شكلك من النوع اللي

يقعد في وجه المدرس في الصف وفي اول كرسي في الباص ... صح ؟!!!

قول الصج عاد :nice:

بو الجوري

05-03-2009, 11:25 AM

أهاااااا ... عيل شكلك من النوع اللي

يقعد في وجه المدرس في الصف وفي اول كرسي في الباص ... صح ؟!!!

قول الصج عاد :nice:

:anger1: لااااااااا شكلك للحين ماعرفتني عدل :secret:
أنا اذا ما قعد فالصف واسويلي سيد بروووحي مااارتااااح :)

همر

05-03-2009, 11:31 AM

:anger1: لااااااااا شكلك للحين ماعرفتني عدل :secret:
أنا اذا ما قعد فالصف واسويلي سيد بروووحي مااارتااااح :)

ماشاء الله عليك طويل لهالدرجه ماخذ سيد بروحك ؟!!

:eek5:

بو نايف

05-03-2009, 11:36 AM

تحرق ليف المواعين بلفيت شراخي ؟!! :omen2:

كل ماتشوف كلب تقول له "كمون بوبي" ؟!!

تركض ورى سيارة الرش قبل المغرب ؟!!

تنطق وتنضرب عشان يسبحونك ؟!!

:victory::nice::victory:

همر

05-03-2009, 12:49 PM

:victory::nice::victory:

خذت 4 من 13 بس ؟!!

يعني ما وصلت الحفه حتى :nice:

ANONYMOUS

05-03-2009, 01:07 PM

وصلني هالمسج يسألني:

هل كنت تلبس ملابس بدون أوتي ؟!!

مايبي لها كلام..

تشرب عصير بونص ولبن مثلج ؟!!

مايبي لها كلام..

تشتري 2 بفكي وغرشة فلفل وتمكسهم ؟!!

مايبي لها كلام..
تصب لبن على شبس عمان ؟!!

مايبي لها كلام..

تاكل عسكريم فيمتو أبو عود ؟!!

مايبي لها كلام..

تلعب في الفريج حافي حزة القايله بسروال وفنيله ؟!!

مايبي لها كلام..

شعرك ما يتمشط ومتروس قمل ؟!!

يتمشط.. بس بصعوبه بالغه خخخخ اما سالفة القمل.. :shy: بس كنا وين وصرنا وين..:nice:..

تحرق ليف المواعين بلفيت شراخي ؟!!

مايبي لها كلام..

تحذف الهنود على سياكلهم بحصى وتشرد ؟!!

مايبي لها كلام..

تنبّش زبالة بيوت الانجليز ؟!!

كل ماتشوف كلب تقول له "كمون بوبي" ؟!!

:rolleyes2:

تركض ورى سيارة الرش قبل المغرب ؟!!

[COLOR="DarkOrange"] ماكان يسوون هالحركه في فريجنا....

تنطق وتنضرب عشان يسبحونك ؟!!

مايبي لها كلام..

اذا كانت اجاباتك كلها نعم ... اذاً اطمأن ... انت قطري %100 !!!:nice:

:secret:

شمعة المنتدى

05-03-2009, 01:09 PM

خخخخخخخخخخخخخخخخخخخ

زين ،، بس في أشياء ما تنطبق ع البنات ،،

يعني انا مو قطريه ؟؟؟

بوعلي2

05-03-2009, 01:19 PM

للاسف كل الي مذكور اعلاه سويته :omen2:
خصوصا
تركض ورى سيارة الرش قبل المغرب ؟!!

واحرق الشعر بلفيت شراخي :nice:

شكرا على الموضوع العجيب

همر

05-03-2009, 01:22 PM

:secret:

مواليد لندل :con2:

انا اقول شايفك وانا صغير !!!

:nice:

ورقــة أمــل

05-03-2009, 01:25 PM

هههههههههههههههههه

الله يقطع اباليسكم

همر

05-03-2009, 01:29 PM

خخخخخخخخخخخخخخخخخخخ

زين ،، بس في أشياء ما تنطبق ع البنات ،،

يعني انا مو قطريه ؟؟؟

يالله قولي لنا اش كنتوا تسوون

وانتوا صغار ؟!!!

كله مرتزين في البيت ولعب بالعرايس والمكياج ولعب صبه وقلينه ناطوع :tease:

واذا حد سوى شي على طول يفتنون عليه :tease:

:nice:

همر

05-03-2009, 01:32 PM

للاسف كل الي مذكور اعلاه سويته :omen2:
خصوصا
تركض ورى سيارة الرش قبل المغرب ؟!!

واحرق الشعر بلفيت شراخي :nice:

شكرا على الموضوع العجيب

ليش للاسف ؟!!

هذا معناته انك عشت طفولتك طول وعرض :nice:

بس مادري ليش سيارة الرش كانت تمر قبل المغرب ؟!!! وفي كل المناطق في نفس الوقت !!!

همر

05-03-2009, 01:33 PM

هههههههههههههههههه

الله يقطع اباليسكم

اندر سكور كيو فورتي فور نزلوا فيلمج الجديد في السنما مبروك :tease:

شمعة المنتدى

05-03-2009, 01:44 PM

تشرب عصير بونص ولبن مثلج ؟!!

تشتري 2 بفكي وغرشة فلفل وتمكسهم ؟!!

تصب لبن على شبس عمان ؟!!

تاكل عسكريم فيمتو أبو عود ؟!!

تنطق وتنضرب عشان يسبحونك ؟!!

هذا اللي كنت أسويه ،، بس بصراااحه ما كنت أحب العب مع العرايس و لا احب المكياااج ،،

عندي اخوان صبيان ،، أصغر مني بشوي ،، دوووووم نلعب مع بعض ،،

كان وناااااااااااااسه ،، :)

قطرية بعيون

05-03-2009, 01:49 PM

جنكم توصفون اخوي كل اللي قلتوه كان جذيه واليوم اكشخ منه مافي

فهد111

05-03-2009, 01:50 PM

هذي الاشياء مب القطرين بس اهل الخليج كلهم وخصوصاً سالفه زبايل بيوت الانجليز ياني المسج قبل وقريته على ابوي يقولي قبل يوم كنا صغار كانو ينطرون الانجليز يقطون زبالتهم وينبشون بالعصيان لعلى وعسى يلاقون شي مفيد مثل طقم قلاصات او نص سندويجه :weeping:
قبل كانت مجاعه في الخليج

وسالفه الرش الي هو الفليت مال البلديه الي يرشون البيوت وتطلع دخنه كانو العيال يدشون في وسط الدخنه بدون كمام ولا شي ومستاانسين على الدخان والعامل لابس كمام ومستغرب منهم :eek5:
بس باقي الاشياء لحقنا عليها واهم شي الليفه

ورقــة أمــل

05-03-2009, 04:25 PM

اندر سكور كيو فورتي فور نزلوا فيلمج الجديد في السنما مبروك :tease:

:omg:

شكرا على الخبرر المفرح

عالم الخليج

05-03-2009, 04:46 PM

خ خ خ خ خ خ خ خ خ خ خ

!قطريـة بنت القمـر!

05-03-2009, 04:52 PM

تنبّش زبالة بيوت الانجليز ؟!!

______

القطرييـن نظـاف في الغالبيه ماظنتي لهم بهالسوالف :telephone: ....

ميغســي ع الموضوع المهضــوووووووووم :nice: ....

لاداعي

05-03-2009, 05:09 PM

:omg: صح

مليونيره

06-03-2009, 12:03 AM

هل ركبج سود
هل شعرج كشه وقذلتج مثل الزهرة
هل عندج شنطة غوتشي
مبروك طلعتي قطرية 100%

عبد الرحمن77

06-03-2009, 01:12 AM

السلام عليكم ورحمة الله وبركاته

:) ليست هذه الأسئلة ولكن !!!!!!!!!!!!!!!!!

هل جدك من الذين ركبوا البحر ( غواص ، طواش)
جد الوالدة الله يخليها سوت مجبوس بالحو والملبو !!
وين جدك في حرب الترك وحرب خنور !!!!!!!!!.
حد من هلك شرب من عين البصير أو مطاقة إلخ ...
أبوك أو جدك شاف ذيب النقش !!!!!!!!
وين جدك أو جد جدك في خراب الدوحة الأول !!!!!.
صادقك في يوم من الأيام خاز باز ..
حد من أهلك نحبس في مركب الترك .......
فزع جدك في حرب الزبارة التالي.......
حد من أهلك شاف القطا حول حزوم اللوزة أو عند المايدة..........
شرب جدك من ماء مسمير......
سبح جدك من سيف شرق إلى جزيرة السافلية ورجع .
جد تعشيت خبز إيراني مع شاي حليب وبيض.
عادي عندك تلبس ثوب قصير ومحلط وأنت صغير!!.
إذا جوابت على معظم هذه الأسئلة احتمال أجدادك من الذين عاشوا في قطر خلال 200 سنة الماضية .
:tease::tease::tease:

Mansour_qa

06-03-2009, 01:40 AM

للأسـف ماسويـت غيـر هالشييـن ..:thumbup:

تشرب عصير بونص ولبن مثلج ؟!!:strong
تصب لبن على شبس عمان ؟!!:whistling:

طلعـت قطـري نـص ونـص .. :tease:

سمو انسان

06-03-2009, 06:05 AM

هل كنت تلبس ملابس بدون أوتي ؟!!

احيانا

تشرب عصير بونص ولبن مثلج ؟!!

دايم

تشتري 2 بفكي وغرشة فلفل وتمكسهم ؟!!

ومع غرشة سفن اب شيعطيك

تصب لبن على شبس عمان ؟!!

اكيد

تاكل عسكريم فيمتو أبو عود ؟!!

ثلاث وله اربع فاليوم

تلعب في الفريج حافي حزة القايله بسروال وفنيله ؟!!

دوم

شعرك ما يتمشط ومتروس قمل ؟!!

ما يتمشط اي بس متروس قمل لا

تحرق ليف المواعين بلفيت شراخي ؟!!

اي واحرق رشاش الثلج بعد

تحذف الهنود على سياكلهم بحصى وتشرد ؟!!

احذ وارفس السيكل واطيحهم

تنبّش زبالة بيوت الانجليز ؟!!

يخسون بس نملغ على عافيتهم (ياما فلعنا ليتات بيوتهم)

كل ماتشوف كلب تقول له "كمون بوبي" ؟!!
على ايام السياكل كنت افلعهم بحصى لين ما الكلب يفنقش (مره ذبحت كلب ورحت البقاله واشوف صورته معلقه عالباب، الكلب لناس اجانب الظاهر شرد وانا خلصت عليه ) و ايام بوق المواتر كنت اطردهم وادوسهم

تركض ورى سيارة الرش قبل المغرب ؟!!

ماعمري سويتها

تنطق وتنضرب عشان يسبحونك ؟!!

دوووووم