هل مر عليك مدرس تحس انه كان له اثر في تحسين مستواك او العكس؟؟

[مضارب دوسري]

السلام عليكم ورحمة الله وبركاته


طبعا كلنا مر عليننا مدرسين منهم الطيب ومنهم :anger1::anger1:


سؤالي باختصار

هل مر عليك مدرس تحس انه له اثر في تحسين مستواك او العكس؟؟


بالنسبه لي:(:(


اي مر علي مدرس فالصف الاول ابتدائي
كان يطقني من بد كل الطلاب:(

اكتبله الواجب واروح له يقوم والله من بين كل الطلاب يقط الكتاب في وجهي:(

وكل ماقول حق ابوي يقولي تستاهل اكيد ما تذاكر عدل!!

واخرها كان فررررك اذني لين رديت البيت تصب دم:(

عقبها


صرت الطالب المجتهد

من الصف الثاني لين الثالث اعدادي
ودايم اما الاول ولا الثاني عالصف

طبعا لين الصف الثالث اعدادي لان عقب ادمجونا مع الاخوان المقيمين ومايحتاج اقولكم شلون يتغدون ويتعشون دراسه:tease:


يلا دووووووركم فضفضولي:shy:

[بنت المنتدى]

ههههههههههههههههههههههههه

سلامة اذنك يا اخوي :tease: ..

هذي الدنيا في ناس ماتجي الا بالعين الحمرا :D


ما كان يبط جبدي الا شي واحد ان الاهل يصدقون اي شي يقولونه المدرسين واحنا كله نطلع الغلطانيين وبس :anger2:

صج يعني كنت شريره شوي بس شاطره :sorry:



اذكر مدرستي الغاليه (هند ال ثاني) هي اللي حببتني في التاريخ وتخيل في 3 ثانوي جبت العلامه الكامله ههههههههههه .. ربعي مساكين يقولون لي انتي اكيد غشيتي :pardon: بس انا والله من حبي لها جبت العلامه الكامله عشان ماتزعل يابلفيت :D



تسلم يا اخوي على هالموضوع الحلو :nice:

[مضارب دوسري]

ههههههههههههههههههههههههه

سلامة اذنك يا اخوي :tease: ..

هذي الدنيا في ناس ماتجي الا بالعين الحمرا :D


ما كان يبط جبدي الا شي واحد ان الاهل يصدقون اي شي يقولونه المدرسين واحنا كله نطلع الغلطانيين وبس :anger2:

صج يعني كنت شريره شوي بس شاطره :sorry:



اذكر مدرستي الغاليه (هند ال ثاني) هي اللي حببتني في التاريخ وتخيل في 3 ثانوي جبت العلامه الكامله ههههههههههه .. ربعي مساكين يقولون لي انتي اكيد غشيتي :pardon: بس انا والله من حبي لها جبت العلامه الكامله عشان ماتزعل يابلفيت :D



تسلم يا اخوي على هالموضوع الحلو :nice:

يسلمج ربي


بس اللي اعرفه ناس نسبهم فالثانويه 50 و55

بس يجيبون العلامه الكامله فالتاريخ من سهووولة الماده


مع اني كنت علمي:shy:

[بنت المنتدى]

يسلمج ربي


بس اللي اعرفه ناس نسبهم فالثانويه 50 و55

بس يجيبون العلامه الكامله فالتاريخ من سهووولة الماده


مع اني كنت علمي:shy:



هههههههههههههههههههههههههههههه

مافي شي سهل في الثانويه .. والتاريخ كله حفظ يعني لو تنسى اسمك عادي بس شي في التاريخ لا والف لا :tease:

ما شاءالله ممكن تعطيني اسم الاستاذ ابيه يفرك اذاني ناس واجده عشان يصيدهم العزم والاصرار اللي جاك ويدخلون علمي :funny:

[غير البشر]

ولا مدرس استفدت منه شي

ولا كنت احب ولا مدرس

وتعليمهم كله غلط

والله اني اتكلم بصراحه

بس لانه كنا مجبورين على الدراسه

من جذي كنا نحفظ من الكتاب

مع اشويه غش لين خلصنا الثانويه

والحين الحمدلله خصلنا جامعه :shy:

وقريب ان شاء الله بحضر ماجستير :shy:



سلامتكم

يعطيك العافيه اخوي مضارب :victory: :discuss: :victory:

[شمعة المنتدى]

انا بالنسبه لي ،،

مدرسه كااااانت في ثالث ابتدائي ،، تدرسني شرعيه ،،

كانت الحمد لله والشكر ،، متحبله لي ،، دووووووووم كنت أسوي الواجب ،، و أحفظ القرآن ،، بس كانت توقفني آآآخر الصف ،، يومياً ،، كنت أكرهها ،، ومن يومها ما احب الشرعيه ،،

[غزلان]

مدرسه الرياضيات بصف أول ثانوي في امتحان نصف السنه كنت تعبانه حيل ومادرست من التعب قدمت امتحان بدون تركيز من المرض وماجبت درجه زينه بل مابغيت الا ثيابي اقول لها ابله تعبانه مافي فايده كل ماتشوفني مع صديقاتي تقول ناس كانوا ممتازين طلعوا خيبه مالت على العدو تقولي انا خيبه :( كرهت الرياضيات بسببها وعلى طول غيرت تخصصي ودرست فرنسي

ميرسي على الموضوع

[!قطريـة بنت القمـر!]

من ايام الابتدائي لين الحين :) .... انا ما افتكر وايد باللي ياثرون علي تاثير عكسي .... واخبر مدرسة فيزيا باول ثانوي ما ادانيني خير شر وكل يوم توقفني :) .... وصرت اجيب لها علامات كامله .... نحاسة هههههههههههه .... طبيعتي ان حاول حد من المدرسين ياثر علي عكسيا ازيد في انتاجي الايجابي واخليهم يحبوني غصب طيب من الشطاره :) .... وعندي مدرسين وايد ولله الحمد اغلبيتهم معاملتهم لي خاصه وكل واحد فيهم يأثر فيني تأثيـر كبيـر في تقدمـي الدراسي وخصوصا انهم يلمسون حبي لان اتعلم كل صغيره وكبيرة .... وللحيـن الحمدلله يأثرون فيني تـأثير ايجابي وخلوني اغير طريقة دراستي وتفكيري بالامور بشكل عام واعتبـر احسـن مدرس لي بالحيـاة بلا منازع اخـوي العـود فديتـه عسى الله يحفظه لي امين :) .... وميغسـي ع الموضوع المهضــوم اخـوي مضارب :nice: ....

[biz-qtr]

بخصوصك اشبلاهم ع اذنك؟؟ سلامااااات :omg:

بس شكلك باط جبده :tease:

الله يسلمك

في ثالث ثانوي مدرسه الرياضيات كانت ما تدانيني لاني ما افهم لها ولا اكتب فالحصه شي .. وتحبلت لي كنت احب الرياضيات بس في ثالث ثانوي كرهته بسبتها

فالجامعه مدرسنا وايد نستفيد من شرحه غير طريقه فهمنا للماده :)

نايس توبيك اخوي يعطيك الف عافيه

[همي علي قدي]

مافي حد حسن مستواي
والغالبيه كانو العكس:rolleyes2::rolleyes2:

[Abu Deeb]

والله في وايد بالإبتدائي مدرستي بالصف الأول مدرسة فاضلة عمري ما أنسى أسلوبها وطريقتها بتحبيب الطلاب بالدراسة

بالصف الخامس والأول أعدادي كان يدرسني رياضيات أستاذ رائع كان صديق للوالد وكان يشرح ويفهم الطلاب بطريقة جميلة جدا

معظم أساتذة الرياضيات اللي درسوني كانو رائعين والحمدلله دوم كنت متفوق معاهم

أذكر مدرس بالمرحلة الثانوية كان عصبي جدا ومعظم الطلاب يخافون منه
قدمت إمتحان وكنت مريض عنده وثاني يوم غبت وسأل عني أستغرب رفجاني بالصف ليش يبيني
فأعتقدو أنه يبي يعاقبني ولا شي فسألوة طلعت أنا الوحيد ماخذ أحسن درجه بالصف
هههههه صج يوم قالولي كنت مب متوقع أصلا أجيب درجه عدلة


شكرا على الموضوع وآسف على الإطاله

[بوخالد911]

نعم
:nice:


مدرس اللغة الانجليزية الاستاذ/ خميس ابو حزيمة بمدرسة الدوحة الثانوية

الله يذكرره بالخير

:nice::victory::victory::nice:

فهو كان السبب المباشر لحبي وعشقي للغة الانجليزية


و 1000 شكر للموضوع
مسيوو/ بوخالد911

[أم عبدالرحمن]

هل مر عليك مدرس تحس انه له اثر في تحسين مستواك او العكس؟؟



امممممممممممممم
مرت علي ابلة عربي في ثالث ثانوي انسانه بمعنى الكلمه أنا <<<<<<<<كنت ماداني شي اسمه عربي ماحب العربي كلش خصوصاً النحو والقواعد ..الخ المهم كانت وااايد معاي يعني مب مدرستي بس كانت رفيقتي كانت تمشي معاي فالبريك المهم لين جه وقت الامتحان وشدت حيلها معاااي وقدمت الامتحان وجبت 98 من 100 عقب ماكنت اجيب على الحفه فديت قلبها
صج صج لها فضل علي وللحين اتواصل معها فالتليفون .. =)

يسلمووو على الموضوع الطيب ..

[بوعلي2]

مدرس الشرعيه والانجليزي بالثانويه كانوا طيبين واحب مادتهم واجيب درجات فوق

والمواد الثانيه على الحفه سبحان الله

[بوحارب]

اي

مرت علي مدرسة الكور اللي راح

الصراحة تخلي الواحد يداوم غصبن عنه من اسلبوها الحلو

يحليلها جنجي هنكو :shy:

انتبه تروح تسوي سيرش على اسمها

ترى اغير:anger1:


مدرس الشرعيه والانجليزي بالثانويه كانوا طيبين واحب مادتهم واجيب درجات فوق

والمواد الثانيه على الحفه سبحان الله

:secret::secret:

[pure]

جمعــه مباركه

مووضوووعك عجيييب اخووي مضارب :nice:

اللي صج أثرت فيني اهي مدرسة الانجليزي الله يرحمهاا :weeping:

كنت مهمله وما انتبه لشي وكله معطه طاف للابلات واهذر

مادري شلقت فيني ومادري شنو شدها فيني .. غيرت مكاني و سوت اشياا واااايد وااايد

من بعدها وانا صرت من الاوائل

الله يرحمها يارب ويغمد روحها الجنه ما انسى فضلها علي

[ناصر العمادي]

بصراحه المدرسين اللي ينذكر منهم بالخير عددهم بسيط جدا ..

أما الأشرار منهم فحدث ولا حرج ..

أنا أذكر الأستاذ أبراهيم العيدان ( مدرس الأجتماعيات ) بصراحه ونعم المدرس ..

أسلوبه وتعامله معنا في الأبتدائي خلانا نحب الماده ..

الله يذكره بالخير ..

بعدها جانا مدرس أجتماعيات فلسطيني ( عمر ) أقل مايقال عنه ......... ومب أنسان ..

اول مايدخل الصف يضرب الصف بالكامل بدون أي سبب نهائي غير الحقد اللي في قلبه وعلى أتفه الأسباب يضرب يعني كان يضيع وقت الحصه في الضرب ..

في الثانويه طلعنا عيون المدرسين ..<< تقول أنتقام من مدرسين الأبتدائي والأعدادي ..


يعطيك الصحه والعافيه يالغالي على الذكريات الحلوه والمؤلمه ..<< تذكر الضرب ..:shy:

الله يوفقك ويطول بعمرك ويسهل أمرك وينور دربك دنيا وأخره أن شاء الله

كل الشكر والتحيه والتقدير والأحترام لك