استفسار بخصوص الـ Land cruiser ..

[Msh3l]

السلام عليكم ورحمة الله وبركاته .. \



بغيت استفسر عن الـ Land cruiser ..

شالفرق بين الـ GX.R V8 Limited .. و .. VX.R Limited ..


ووين أحسن مكان آخذ منه ؟ (( عبدالله عبدالغني )) .. ولا المعارض .. وانا ابيها بأحسن المواصفات << بدون جلد .. ابيها من ناحية السعر والكماليات .. واكون شاكر لكم جزيل الشكر والامتنان ..

[Msh3l]

Up
Up
Up
Up

[بن درويش]

الفكسار اكثر من ناحيه الكماليات
واذا تبي جديد روح الوكاله وشوف السعر وروح الطارق وشوف السعر وروح التضامن وشوف السعر
وجوف الارخص بكم الف اشتره والله يبارك لك

[Msh3l]

تسلم يابن درويش .. ويريت تزيدنا بمعلوماتك عن اللاند كروزرات .. و عن الشركات نفس التضامن .. انا الي اعرفه .. التضامن .. والطارق .. والبريمي والفاخر وباريس .. << ويريت تفيدوني بأحسن شركه ..

up up up ..up

[فلفل حار]

اخووي نصيحه لاتغلط غلطتي:weeping: وتتحسف عقب وتحس موترك فيه ازره ناقصه وغيرك موتره أكشخ وأحلى منك

اذا أنك مقتدر والله فاتحها عليك اخذ لك فكسار من البدايه وفك عمرك:nice:

ولو أنك تاخذ الجلد بعد أحسن ولا تقوول بالصيف الجلد حار وبيلعوزك ... ترا حتي بالمميزات في الجلد تلقى الكراسي كهربه والجلد وايد مريح في الشتا:)

وفي الصيف الله لايهينك عازل من جونسون او في كوول بـألفين ريال وحط له تلبيسه لظهر السائق ولما تسوقه مايبين للناس أنك مركب له شي وشكله أحلى بالجلد وأرز بـــــــواااااايد:victory:

واذا كلش كلش ضايقك الجلد مر محلات الزينه واشتر تلبيسه جاهزه تجيك فيـــت حق الكروزر وخلها بس للصيف واول مايخلص شيله وود الموتر أقرب محل باليس بس ينظف لك الجلد بـ بوليش خاص وشوف بعينك لمعة السيتات شلووون :)

اولا واخيرا .. انت بنفسك قلت تبي كماليات .... والجكسار الـ8 سلندر مافيه اي كماليات ولا يفرق عن الجي ستاندر بشي اللهم فرق المكينه بس وزينون وخلاص:secret:

والفرق بين الفكسار الجلد والجكسار8 سلندر ........ تقريبا حوول 40 ألف ريال .... بس صدقني المسأله تستاهل الفرق :)


وبالمبارك عليك الموتر مقدماا:)

[بن درويش]

كلالالالالالالالالالالالالالالالالالالالالالالالال الامك صحيح يا فلفل حار
واخوى بنسبه للوكالات خذ وارد قطر احسلك
يعنى يا من عند عبدالغنى وله التضامن وله الطارق بس

[Qa6ar]

ولاتنسى اتمر المشترك ارخص منهم كلهم والموتر اصفار ووارد الدوحه

الفرق عليه لوحه

[الـقـاسـي]

فيكسار وانت مغمض وبتدعي لنا بعد
واخذ لون ابيض ولا رصاصي عشان ماتمله ولاتكره نفسك عقب

[Msh3l]

تسلموووووووووون .. والله .. وانشالله استفيد ..


up up up

[قوت القلوب]

vxr جلد ولا تفكر في غيره اوبشن حلو ورزه وتحس نفسك مرتفع والشاشه صاقعه في عينك والموتر صار له سنه عندي ولا اشتكيت من الجلد حتى فالصيف ماشاء الله المكيف يبرد لك الموتر بسرعه .

واخذ وارد الدوحه ولا عقبه الباقي علوووج ملصقينهم تلصق ولا وارد السعوديه بعد بال بال خخخخ

الله يوفقك