شباب شلون اعرف كم دقيقه استهلكتها في خدمه الشهري؟

[بوجاسم@قطر]

السلام عليكم ورحمه الله وبركاته

شخباركم


شباب شلوون اعرف كم دقيقه استهلكتها في خدمه الشهري وكم دقيقه باقي لي في الخدمه


لان هاي ثاني مره من اشتركت في الخدمه مطرشين لي مسج استهلكت 80 % من خدمه الدقايق وانا دافع لهم قبل اسبوعين واليوم مطرشين لي اني استهلكت 80 % وانا متأكد اني ماخلصتها

[غير البشر]

السلام عليكم ورحمه الله وبركاته

شخباركم


شباب شلوون اعرف كم دقيقه استهلكتها في خدمه الشهري وكم دقيقه باقي لي في الخدمه


لان هاي ثاني مره من اشتركت في الخدمه مطرشين لي مسج استهلكت 80 % من خدمه الدقايق وانا دافع لهم قبل اسبوعين واليوم مطرشين لي اني استهلكت 80 % وانا متأكد اني ماخلصتها




والله الغالي خاطري افيدك لكن ماشتركت فيها

بس تقدر تتصل على الرقم 111

وهم ان شاء الله يفيدونك


وتحياااتي لك :victory:

[الطائي]

مرحبا اخوي


تقدر تبظ جوالك وتمسح عداد الدقائق والوقت وتصفر المكالمات

وهذه موجوده بكل جوال وبعدها تقدر تشيك على الوقت من خلال جوالك

[Revamp]

والله انا اشتركت في الخدمه ذي واحس اني متحسف...تبون الصج ....تخدع

[بوجاسم@قطر]

كيوتل تصلت لهم قبل فتره قالو اذا وصلك مسج بتعرف انك خلصت الدقايق الظاهر الي كلمتها كانت تستهبل

العدادات نسيت امسحها بهالشهر

والحين مب داش في راسي اني خلصت 80 في الميه من الدقايق خلال 15 يوم

[المزن الرياني]

كيوتل تصلت لهم قبل فتره قالو اذا وصلك مسج بتعرف انك خلصت الدقايق الظاهر الي كلمتها كانت تستهبل

العدادات نسيت امسحها بهالشهر

والحين مب داش في راسي اني خلصت 80 في الميه من الدقايق خلال 15 يوم



نفس الشي معاي والله استغربت شلون استهلكت 80% خلال اسبوعين بالضبط

تهقين يسرقونا ؟

[Revamp]

نفس الشي معاي والله استغربت شلون استهلكت 80% خلال اسبوعين بالضبط

تهقين يسرقونا ؟

حرام الا كيوتل؟؟ مساكين صايدهم عقر بقر من فودا فون

[بوجاسم@قطر]

احم


انا واحد



والله توقع كيوتل ينصبون علينا اليوم لازم اتصل واشوف شموضوعهم

لان اول مره اشتركت فيها تطرشت لي رساله واتصلت قالو لي كانت عليك فاتوره متأخره وانزلت من جي وصلك المسج

واوكي والحين من وين بتجيني فاتوره متأخره؟

[ANONYMOUS]

كيوتل تصلت لهم قبل فتره قالو اذا وصلك مسج بتعرف انك خلصت الدقايق الظاهر الي كلمتها كانت تستهبل

العدادات نسيت امسحها بهالشهر

والحين مب داش في راسي اني خلصت 80 في الميه من الدقايق خلال 15 يوم


مرحبا اخوي


تقدر تبظ جوالك وتمسح عداد الدقائق والوقت وتصفر المكالمات

وهذه موجوده بكل جوال وبعدها تقدر تشيك على الوقت من خلال جوالك



طريقة مسح أوتصفير العداد ماتنفع

لان سواء تكلمت ثانيه ولا 59 ثانيه مابيحسب صح

[م. عبدالعزيز]

هلا الغالي.. انت متى اشتركت بالخدمه وبأي باقة اشتركت؟

إذا توك مشترك .. اول مره مايحسبون عليك قيمة الاشتراك كامله

مثلا انا اشتركت في باقة200 تاريخ 1/1 وفاتورتي تنزل تاريخ 17/1

فما ادفع 200 وانما ادفع فقط على الفتره المحدد وراح تكون على 17 يوم

200/30 * 17 = 133 ريال بدفع

والدقايق بعد تتقسم مثلا لو 600 دقيقه للباقة.. وخلال هالفتره بيطلع لي

600/30*17 = 340 دقيقه

بس بعدين من فتره 17/1/2009 لين 17/2/2009 عطوني كل الدقايق كاملة 600 وجي

فيه طريقة تقدر تشوف مكالماتك فقط عن طريق eQtel اذا عندك اكاونت هناك بقولك وين يطلعون المكالمات

واذا ماعندك تقدر تشترك الان بشرط يكون الرقم باسمك.. اتصل 114 (رقم مجاني) من جوالك وعقب 1 للعربية عقب 3 واستمع للتعليمات

[م. عبدالعزيز]

طريقة مسح أوتصفير العداد ماتنفع

لان سواء تكلمت ثانيه ولا 59 ثانيه مابيحسب صح
صح :)

[bohilal191]

هلا الغالي.. انت متى اشتركت بالخدمه وبأي باقة اشتركت؟

إذا توك مشترك .. اول مره مايحسبون عليك قيمة الاشتراك كامله

مثلا انا اشتركت في باقة200 تاريخ 1/1 وفاتورتي تنزل تاريخ 17/1

فما ادفع 200 وانما ادفع فقط على الفتره المحدد وراح تكون على 17 يوم

200/30 * 17 = 133 ريال بدفع

والدقايق بعد تتقسم مثلا لو 600 دقيقه للباقة.. وخلال هالفتره بيطلع لي

600/30*17 = 340 دقيقه

بس بعدين من فتره 17/1/2009 لين 17/2/2009 عطوني كل الدقايق كاملة 600 وجي

فيه طريقة تقدر تشوف مكالماتك فقط عن طريق eQtel اذا عندك اكاونت هناك بقولك وين يطلعون المكالمات

واذا ماعندك تقدر تشترك الان بشرط يكون الرقم باسمك.. اتصل 114 (رقم مجاني) من جوالك وعقب 1 للعربية عقب 3 واستمع للتعليمات
صحيح يالغالي اكثريت الناس مب فاهمة هالشي يشتركون ومايعرفون متى تصدر الفاتورة شهريا

[شاي كرك]

باختصار شديد اشترك في خدمة eqtel وفك عمرك ... ومن خلالها تقدر تشيك كم اتصلت او كم مطرش رسايل او كم مستخدم انترنت موبايل او حتى كم مطرش mms ..

والخدمة ايضا تتيح لك انك تشوف الفاتورة بطريقة الاكروبات او ببرنامج الاكسل ..


في شغله ثانيه انبه عليها :

.........." ياجماعة ترى هالخدمة مافيها رسوم توصيل او تحويل من خدمة الهلا للشهري ، واذا تبي تقطعها لازم تعدي ثلاث شهور واذا راح تقطع قبل الثلاث للشهور بيحسبون عليك عن كل شهر باقي 50 ريال .. يعني لو قطعت الخدمة قبل لا تدخل الشهر الثاني لازم تدفع 100 ريال عن الشهرين الباقيين .. ولو بقى شهر تدفع 50 ريال ".........

[بومحمد911]

اشوف صايرة بلبله بخصوص الشهري

اظاهر بأجل لين ما تعدل الخدمة من كيوتل

[ابو ريم]

اه اه اه
مايقولون

[الغزال العارضية]

الصراحة انا للحين ماحولت عالشهري لاني خايفه منها واحس ان فيها نصب كبير ومب طبيعي

بتم عالفواتير ابركلي

[م. عبدالعزيز]

باختصار شديد اشترك في خدمة eqtel وفك عمرك ... ومن خلالها تقدر تشيك كم اتصلت او كم مطرش رسايل او كم مستخدم انترنت موبايل او حتى كم مطرش mms ..

والخدمة ايضا تتيح لك انك تشوف الفاتورة بطريقة الاكروبات او ببرنامج الاكسل ..


في شغله ثانيه انبه عليها :

.........." ياجماعة ترى هالخدمة مافيها رسوم توصيل او تحويل من خدمة الهلا للشهري ، واذا تبي تقطعها لازم تعدي ثلاث شهور واذا راح تقطع قبل الثلاث للشهور بيحسبون عليك عن كل شهر باقي 50 ريال .. يعني لو قطعت الخدمة قبل لا تدخل الشهر الثاني لازم تدفع 100 ريال عن الشهرين الباقيين .. ولو بقى شهر تدفع 50 ريال ".........





هلا الشيخ.. بس ممكن توضيح؟ اللي سمعته انه اذا اشتركت بأي من الباقات وما عجبتك تقدر ترجع للباقة الرئيسية بو50 ريال عادي بدون رسوم اضافيه ولا فيه التزام بمبلغ معين

انت قصدك وشو ؟ تقصد بالنسبة للتحويل من هلا للشهري ؟؟ يعني اللي يحول من هلا للشهري لازم يلتزم 3 شهور ؟؟


اشوف صايرة بلبله بخصوص الشهري

اظاهر بأجل لين ما تعدل الخدمة من كيوتل

هلا بومحمد الغالي

وين البلبلة؟ راعي الموضوع يسأل واحنا نجيب :victory:

والخدمة مفيدة.. اعرف ناس نزلت فواتيرهم من 900 لين 400-500 ريال بالشهر

لكن بالنهاية يعتمد على الشخص نفسه اذا يستخدم بشكل مفرط تجيلة فاتوره جامده ويقول السبب كيوتل ، ما ادري ليش :nice:

انا ما ادافع وانما محايد.. لكن هاي وجهة نظري الشخصية

[شاي كرك]

هلا الشيخ.. بس ممكن توضيح؟ اللي سمعته انه اذا اشتركت بأي من الباقات وما عجبتك تقدر ترجع للباقة الرئيسية بو50 ريال عادي بدون رسوم اضافيه ولا فيه التزام بمبلغ معين

انت قصدك وشو ؟ تقصد بالنسبة للتحويل من هلا للشهري ؟؟ يعني اللي يحول من هلا للشهري لازم يلتزم 3 شهور ؟؟




الشيخ ابوك وانت ولده .. راح اوضح لك فديتك :

واحد من الربع محول من هلا للشهري :) وسائل موظف كيوتل عن التحويل والتوصيل والقطع .. وقال له الموظف انا ما فيه عليك ايييي شي وتقدر تقطع في اي وقت وترجع الهلا .. الحبيب وصله خبر ان قطع الخدمة لازم يكون بعد 3 شهور من اشتراكك وهالشي وضحوه له كيوتل بعد ما ااشترك بشهرين .. بس موظف كيوتل اللي في البرج قال له انامستعد اشيل عنك الرسوم مالت ال3 شهوور او اللي باقي عليك دام ان الموظف اللي في الفرع قال لك ان مافيه رسوم قطع او ما بين لك هالشي ..

وبس :)

[الـقـاسـي]

كيوتل صدقوني ناصبة علينا بسالفه الشهري هذا
انا فواتيري صارت دبل
مع انه المفروض تنزل النص على قولتهم وماتغير استخدامي للجوال بالعكس خف
انا حولت كرت عندي ماستخدمه الا استخدام خفيف جدا للشهري بو 300 وماتم عشر ايام يمكن الا ومطرشين لي 80 بالمية وماكان عليه اي فواتير
كنت دافع اللي عليه كامل
ومتاكد ان الفاتوره مراح تتعدى 150 ريال لما نشبت لهم قالو لي في 800 ريال انضافت لك بالغلط
واحسبوا كم واحد انظافت له فاتورة بالغلط

وبالنسبة للدقايق قالو لي ماتقدر تشيك عليهاشلون بينصبون لو خلونا نقدر نشيك كم باقي وكم راح

[بوحارب]

اشوف صايرة بلبله بخصوص الشهري

اظاهر بأجل لين ما تعدل الخدمة من كيوتل

نفسي :victory:

[قناص الاسهم]

والله ما اتوقع اي خير يجي من ورى اي مؤسسة او شركة .. كيوتل ما حطت هالخدمة لسواد وحلاة عيون عملائها .. وانما حطتها حتى تضمن زيادة عدد عملائها وقوة قبضتها عليهم بمجرد افتتاح فودا فون ( الفاشلة ) مقدما .
بيحصلوني جدام كاونتر تقديم الطلبات في حال تم الاعلان كالتالي :
1000 دقيقة + 500 رسالة + اشتراك مجاني + هدية محترمة كل عام .. والمزيد المزيد من المفاجأت وكل ذلك : مجانا .غيرها .. خلوا عروضهم لهم :nice:

[بن علان]

أرفقت لكم باقة الـ 130 ريال

يا ليت المهندس عبدالعزيز يشرح لنا تفاصيلها

[م. عبدالعزيز]

الشيخ ابوك وانت ولده .. راح اوضح لك فديتك :

واحد من الربع محول من هلا للشهري :) وسائل موظف كيوتل عن التحويل والتوصيل والقطع .. وقال له الموظف انا ما فيه عليك ايييي شي وتقدر تقطع في اي وقت وترجع الهلا .. الحبيب وصله خبر ان قطع الخدمة لازم يكون بعد 3 شهور من اشتراكك وهالشي وضحوه له كيوتل بعد ما ااشترك بشهرين .. بس موظف كيوتل اللي في البرج قال له انامستعد اشيل عنك الرسوم مالت ال3 شهوور او اللي باقي عليك دام ان الموظف اللي في الفرع قال لك ان مافيه رسوم قطع او ما بين لك هالشي ..

وبس :)

هلا الشيخ الله يخليك لحبايبك

اهااا عيل لازم التزام 3 شهور .. المفروض يذكرون هالشي بالموقع :)


كيوتل صدقوني ناصبة علينا بسالفه الشهري هذا
انا فواتيري صارت دبل
مع انه المفروض تنزل النص على قولتهم وماتغير استخدامي للجوال بالعكس خف
انا حولت كرت عندي ماستخدمه الا استخدام خفيف جدا للشهري بو 300 وماتم عشر ايام يمكن الا ومطرشين لي 80 بالمية وماكان عليه اي فواتير
كنت دافع اللي عليه كامل
ومتاكد ان الفاتوره مراح تتعدى 150 ريال لما نشبت لهم قالو لي في 800 ريال انضافت لك بالغلط
واحسبوا كم واحد انظافت له فاتورة بالغلط

وبالنسبة للدقايق قالو لي ماتقدر تشيك عليهاشلون بينصبون لو خلونا نقدر نشيك كم باقي وكم راح

أخوي العزيز.. انا بس حبيت أعيد اني محايد يعني ما ادافع.. لكن ممكن نشوف أي دليل على نصب كيوتل؟ لانه ممكن يكون فيه احتمال ثاني لانه فاتورتك زادت مثلا مشترك في خدمة بلاك بيري ولا تكلمت مكالمات دولية أكثر ولا سافرت ولا تكلمت أكثر من الدقايق المجانية !

بالنسبة لإشتراكك ممكن تقرا رادي رقم 10.. او تفضل اللينك اقراه
http://www.qatarshares.com/vb/showpost.php?p=3809214&postcount=10

يمكن انت نسيت انه الدقايق محدوده فتكلمت بشكل مفرط بدون ماتفتكر :nice:

[J & N]

انا اشتركت فيها ودفعت 1000 في اسبوع مع ان مكالماتي ماتعدت 5 ساعات
هالخدمه كذب في كذب
وكيوتل اكبر حراميه

[عاشق الشهادة]

اخواني كيوتل تحسب لأي مكالمة حتى لو ثانية تحسب عليكم دقيقه وهكذا,
نفترض اني اتصلت على البيت او لصديق وما خذت مني المكالمة الا ثواني تحسب كيوتل دقيقه اقل شي للمكالمه :rolleyes2: وهكذا يعني العدد وتصفيره ماينفع معاكم ,
في خدمه سوا بالسعوديه يكون حساب المكالمه بالثانيه وليس بالدقيقه وهذا الفرق بين مبالغه كيوتل وباقي شركات الاتصال بدول مجلس التعاون ....

[م. عبدالعزيز]

انا اشتركت فيها ودفعت 1000 في اسبوع مع ان مكالماتي ماتعدت 5 ساعات
هالخدمه كذب في كذب
وكيوتل اكبر حراميه
شيكي على الفاتوره وعقب خبرينا باللي شفتيه الله لايهينج