حاسبوا من السيارات اللي تستلمونها - تـويـوتـا

[mE mYself & i]

السلام عليكم

حبيت أنبه على الكل لازم كل واحد يستلم سيارة جديده يشيك عليها بالملي لان كل السيارات بتحصلون فيها اشياء

من كم شهر أستلمت سيارة لكزس من عبدالله عبدالغني وبعد كم يوم وفي الشمس لاحظت ان لون السيارة اشوي مختلف عن الصدام وبعد ما رحت تيوتا وشيكت معاهم وبعد انكارهم المتكرر ان السيارة مافيها شي طلع ان السيارة خلال الشحن انظرب الصدام فيها وتم صبغة بالوكالة وغيروها

الاسبوع اللي فات شريت كروزر من التظامن واليوم بعد ما غسلت الموتر لاحظت على السقف نقط ماتروح مع الغسيل والله اعلم شكلها نقص صدأ وبكره الصبح رايح لهم - والله يعلم ايش بيطلعون اعذار وخرابيط


والله تلعوزنا يعني الواحد يشتري سياره من الوكالة او احد الموزعين ولازم يوديها يشيكها على طول


تشتري السيارة بالمبلغ الفلاني ويطلع فيها شي !!!!

[khaldoon]

لا حول ولا قوة الا بالله...الله يكون في عونك و شكرا على التنبيه

[داااايم السيف]

الله يعينك ذكرتني اخوي بسيارتي اللي شريتها من عندهم(وكالة عبدالغني) طلع عندي حزام الأمان بالمقلوب !! لا وبعد لما وديتها عندهم حاولو يتعذرون بالضمان خخخخخخخخ لاني في الواقع اهملت الموضوع اشوي وكنت اشيك سيارتي في التيسير وتعرف من قوانينهم الدكتاتورية لازم اتشيك كل شي عندهم حتى لو ياخذ التشييك اسبوعين علشان مايلغون الضمان (اعذارالفشل) وبعدين عدلوه لاكن بعد اسبوع ، خبرك لازم يطلعون حرتهم مني .

[الوهاااااج]

انا طلعت من عندهم موتر وما شيكت الموتر لما جيت الصبح للموتر الا الخط من جهة العبري مزلزغ رجعت وبعد معاناة بدلو لي الخط

[mE mYself & i]

بس الحين انا موتري خذته من التظامن ارجعه التظامن ولا الوكالة ؟

[لاداعي]

الله يكون في عونك

[مخاوي اليل]

روح التضامن سو لهم فلم ... وبعدها شوف هل يستلمون منك الموتر ويتفاهمن هم والوكاله ولا تقبل الا بتبديل الموتر صك عليهم صكه .. الموتر جديد والله حرام الله يعينك

[وحيد-الشوق]

انا صارلي مثلك يوم استلمت سيارتي اكتشفت فيها صبغ طاير شوي مايبين تقريبا

قلت حق الموظف قالي تبي تستلم السيارة او تبدلها بس طلع الموضوع حوسه عقب استلمتها وعطاني ورقة تصليح في الوكالة ولين يومك هذا ماصلحتها <<< لعنبو مااكسلك :tease:

وازيدك من الشعر بيت من كم يوم في الوكرة عند الحوطة الي فيها غزلان سابقا حاذفين جي اكس برا مغبر الموتر مبين عليه وكاله لأنه بدون لوحات << الي قهرني اني ماصورت :anger1:

حسبي الله ونعم الوكيل عبدالغني محد بيوقفه عند حده

الله يجزاك خير عالتنبيه

[Ghost]

حول ولا قوة الا بالله...الله يكون في عونك و شكرا على التنبيه

[جاسم الكواري]

لا حول ولا قوة الا بالله

[قطري33]

جزاك الله الف خير ياخوي على التنبية

يوم رحت اطلع موتري من الشركة قالولي ادفع وروح استلم موترك من شارع 16 قلت لهم لا لازم اشوف الموتر بالاول قالي مايحتاج الشكل معروف قلت له مابدفعة ريال واحد لين اشوف الموتر بالاول .. قالي من حقك روح شوفه والحمدالله كانت الموتر تمام وخلصت معاهم واشتريته ... اللي خلاني اسوي هالشي واحد من الشباب اشتري من عندهم في اكس ار النوع القديم وبعد ما استعمله سنتين ووداه الفحص عشان يبيعه قالوله موترك فيه لحام من صوب الرفرف قالهم مستحيل انا الموتر نظيف وعلى يدي من الوكالة ولا جاته لادعمات واي شي
طلع في الاخير الوكالة ملحمين الرفرف قبل لايبيعونه الموتر

[HEART_LION]

انا ماخذ سياره منهم من فتره كلها نقط سوداء غير ملحوظه الا في الشمس سويتله بوليش وراح

ومره دخلت سياره الكراج معهم بعد ماستلمتها ماشيكت عليها اول مارجعت البيت دققت في الشغل وللاسف لقيت ضربات في السياره

والحين طالعين لك بحركه جديده تشتري السياره موديل 2009 بس البليته تكون 2008

[MLAAS]

السلام عليكم .. اخواني حبيت افيدكم انه لو في السياره عيب من حقك اترجعها مثل

من حادث او صبغ او حلى


والله يعينكم انشالله :anger1:

[شقردي]

ماصارت وكاله صار حراج بدل انا الحمد لله ما صار معي الشي هاذا والله لو اشتري سياره وحصلها مصبوقه من اي صوب اسويلهم فلم ليما يبدلون السياره

والله يعين ابي اعرف وين حماية المستلهك

[الـقـاسـي]

حماية المستهلك كلاام فاظي
والله الواحد صار يخاف حتى من الوكالة من كثر الكلام اللي يسمعه والبلاوي اللي تصير
مافي الا من برا الدوحة
ليش كل شي تعبان عندنا وينصبون علينا فيه

[الرايــق]

جزاك الله الف خير ياخوي على التنبية

يوم رحت اطلع موتري من الشركة قالولي ادفع وروح استلم موترك من شارع 16 قلت لهم لا لازم اشوف الموتر بالاول قالي مايحتاج الشكل معروف قلت له مابدفعة ريال واحد لين اشوف الموتر بالاول .. قالي من حقك روح شوفه والحمدالله كانت الموتر تمام وخلصت معاهم واشتريته ...

:victory:

[الزيبق]

من قبل سنتين واحد من الربع خذ سياره من التويوتا ما بي اقول عبدالغني لان عبد الغني الله يرحمه مات ولده عبدالله بعد الله يرحمه خلونا نذكر الشركه لا الاموات لان الاموات لا تجوز عليه الا الرحمه المهم الريال لاحظ ان لون الباب اللي وراء السايق غير راح فحص السياره لاقها مصبوغ ومسمكرين الباب راح الشركة بعده وبعد طلعت زور الوكاله اوصلو ويه انهم يبدلون الباب له وشوف من ركبوله الباب غير رفيجي السالفه تراء كله نصب ونهبه الله بيحسبهم يوم القيامه انشاالله

[عـيـون قـطـر]

لا حول ولا قوة الا بالله

[الخارجية]

وانا نفس الشي طلعت السيارة من الشركة توهم مغسلينها ، وأنا راكب السيارة اشوف الفتحة الزجاجية فيها اشموخ لين يومك مارجعت السيارة الصراحة هذا اهمال مني المفروض ارجع السيارة

[جاسم القطري]

لا حول ولا قوة الا بالله...الله يكون في عونك و شكرا على التنبيه

:anger1:

[السد]

السلام عليكم

حبيت أنبه على الكل لازم كل واحد يستلم سيارة جديده يشيك عليها بالملي لان كل السيارات بتحصلون فيها اشياء

من كم شهر أستلمت سيارة لكزس من عبدالله عبدالغني وبعد كم يوم وفي الشمس لاحظت ان لون السيارة اشوي مختلف عن الصدام وبعد ما رحت تيوتا وشيكت معاهم وبعد انكارهم المتكرر ان السيارة مافيها شي طلع ان السيارة خلال الشحن انظرب الصدام فيها وتم صبغة بالوكالة وغيروها

الاسبوع اللي فات شريت كروزر من التظامن واليوم بعد ما غسلت الموتر لاحظت على السقف نقط ماتروح مع الغسيل والله اعلم شكلها نقص صدأ وبكره الصبح رايح لهم - والله يعلم ايش بيطلعون اعذار وخرابيط


والله تلعوزنا يعني الواحد يشتري سياره من الوكالة او احد الموزعين ولازم يوديها يشيكها على طول


تشتري السيارة بالمبلغ الفلاني ويطلع فيها شي !!!!

اخوي محد ضربك على ايدك وقال لك اشتر من هالوكالة التعيسة
روح لوكالات المرسيدس والبي ام ابرك لك

[mE mYself & i]

اخوي محد ضربك على ايدك وقال لك اشتر من هالوكالة التعيسة
روح لوكالات المرسيدس والبي ام ابرك لك

ولا يهمك أخوي

بس أحجزلي vxr من المرسيدس و لكزس من البي أم

والفلوس موجوده

[hxamad]

والله حرام عليهم الواحد يدفع لهم 100 الألف وهم يعطونا سيارة مسمكرة وألا مصبوغة مايخافون الله لا ويتحججون بعد
تسلم أخوى على التنبية

[مخاوي اليل]

والله حرام عليهم الواحد يدفع لهم 100 الألف وهم يعطونا سيارة مسمكرة وألا مصبوغة مايخافون الله لا ويتحججون بعد
تسلم أخوى على التنبية

الله يهديك من كم سنه عدك بهم...
السيارات طارت فوق ما شي اقل من 150 الف