المساعد الشخصي الرقمي

مشاهدة النسخة كاملة : أكسسوارات الاندكروزر 2008


{ابوعبدالله}
07-03-2009, 03:57 PM
السلام عليكم
شباب حد يعرف وين احصل اكسسوارات للاندكروزر2008 بس غير الوكاله
بانتظار مساعدة الشباب.
فارس قطر333
07-03-2009, 04:17 PM
عندك محل كريستال اللي على خط سلوى

والمحل اللي في محطه بترول التيسير عند دور قطر للديكور
فلفل حار
07-03-2009, 05:08 PM
مافي في بالي محل معين

بس قولي شألي بخاطرك

وان شاء الله أفيدك بألي أعرفه
قوت القلوب
07-03-2009, 06:48 PM
المها لزينة السيارات في محطة بترول الوعب
كل شيء عنده واصلي
{ابوعبدالله}
08-03-2009, 01:47 AM
تسلم أخوي فارس و أخوي اسير و شاكر مروركم.
{ابوعبدالله}
08-03-2009, 01:51 AM
مافي في بالي محل معين

بس قولي شألي بخاطرك

وان شاء الله أفيدك بألي أعرفه

شاكر مرورك أخوي ,اللي في بالي :
1-جناح خلفي
2-حمايه للصدام الامامي
3-قطع الكروم(الميتال) اللي تجي على الباب
عاشق الشهادة
08-03-2009, 01:52 AM
الشيباني في شارع الزينه انا مركب عنده طبلون في اكس ار ومركب عنده شبك وكل الاكسسوارات الخارجيه اصليه ويجيبها من الامارات وارخص من قطر واسمه اقبال باكستاني ....
فلفل حار
08-03-2009, 04:10 AM
اخوي وبكل صراحه بدوون ماخرب علي المحلات الثانيه والله اعلم بنيتي

انا اتشكك في مصداقيتهم كلهم من اولهم لاخرهم

لانه القطع ألي أنت طالبهم مب مرغوبه بكثره بين الشباب وماتنباع في أي محل وفي منهم أصلي وفي تجاري

ولو كان الفرق علي كل قطعه 200 او 300 ريال بعد ماتسوا ويمكن هالمحل الفلاني باعك السمان بسعر الاصلي بس تنصدم انه القطعه تجاريه بعد فتره وخاصة في سوالف القطع القليت لانه بيصدي وبيتقشر لو كان تجاري مع الغسيل ومن الشمس

نصيحه لوجه الله .... بخبخ قريشاتك واشترهم من الوكاله أبرك لك وتضمن مليون في الميه أنه الاغراض أصليه:victory:


شاكر مرورك أخوي ,اللي في بالي :
1-جناح خلفي
2-حمايه للصدام الامامي
3-قطع الكروم(الميتال) اللي تجي على الباب

واذا كانت القطع المذكوره متوفره في الوكاله بدون ماتطلبهم مثل حركاتهم المعتاده

روح محل أسمه الخاطر لقطع الغيار في الغرافه ومكانه في السوق الجديد قبل ديوانية البخاري

وعلي كلامه أنه بيطلب لك الاغراض من الوكاله وبتطلع عليك أرخص من الوكاله لانه هو ياخذ خصم 25% علي القطع ويعطيك خصم 15% لي 20% خصم ..... علي حسب اسعار وكمية الاغراض ألي تبيها وحسب تضبيطك مع الهندي يعني خلك دووم مبتسم وشاق الحلج معاه هههه:secret:

وطبعا من حقك تطلب منه الفاتوره الأصليه مالت الاغراض ألي بيشتريها لك ومثل ماقلت لك اذا الاغراض متوفره بالوكاله هو بيوفرها لك ويجيبها لك لي المحل نفسه خلال يومين او ثلاثه ....... أحسن لك من عوار راس الصناعيه وزحمتها

والسموحه علي القصور الشيخ :)