المساعد الشخصي الرقمي

مشاهدة النسخة كاملة : القطراويين: شكرا للسداويين ولاهل الخور..و لا عزاء للعرباوين


عابر سبيل
07-03-2009, 09:29 PM
السلام و التحيه..
بنهاية جولة هالاسبوع...
اختتمت المباريات بمباره حااااره باحداثها التحكيميه...
و جاااافه بابداعتها الفنيه و الكرويه...

طبعا...المقصود مباراة الخور و السد...

و الله ايعينا على المعركه الاعلاميه ..بس هالمره موب
من سالم العلي..الا من محمد غانم العلي...
و يا ويلك اذا اغضبت الحليم..
عالعموم...بوغانم...بنفسه الطيبه
و روحه العاليه....حتى و هو زعلان..الواحد ايحس من تعابير
وجهه انه فرحان...

المهم...

الاسبوع...سحق فيه الريانيين ضيوف الدوري...الخريطيات...
و هذا من كرم الريانيين المعتاد...

و الغرافه...تكتكها بكل سلاسه...مع زميله الاسيوي...ام اصلال..

اما العرباويه...فما انقول لهم..الا انه لاااعزاء لكم...
مدرب..معقول..جابولكم...مدرب فوق المعقول..

لعيبه محترفين...كل منهم ايقول عندي الزود...
و حسافه على بيسكو...اخاف اتزهقونه..

اداريا ...اترك لاي عرباوي معانا التعليق...
فاهل مكه ادرى بشعابها...


و الخاتمه...من القطراويين...انقول للوكراويه
دسمتوا شواربنا...بعشاكم ..و هذي من كرم هل الوكره
و الوكير... ضيفهم هو راعي الدار...

و الختام...شكرا من القلب...لان من "لايشكر الناس...لا يشكر الله"
منا نحن القطراويين..للتعادل " العادل" بينكم يالسداويين و هل
"عين حليتان"...

فكيتونا من اللي وره...و طمعتونا باللي قدام...


ختاما...اخوي مضارب دوسري...
هذي " ام الافاعي"..اللي ايروحها...ياخذ له شنتوره
و الا الدار امان...خااااصة للضيفان؟؟!!


Note:
هذي محاوله لتوسيع دائرة هذا المنتدى...
عشان ياكل الاخضر و اليابس في عالم المنتديات...

بعد الاسهم و العام..و السوق...

و اللي حاب ايشارك يا هلا و مرحبا به...
غير البشر
07-03-2009, 09:39 PM
السلام و التحيه..
بنهاية جولة هالاسبوع...
اختتمت المباريات بمباره حااااره باحداثها التحكيميه...
و جاااافه بابداعتها الفنيه و الكرويه...

طبعا...المقصود مباراة الخور و السد...

و الله ايعينا على المعركه الاعلاميه ..بس هالمره موب
من سالم العلي..الا من محمد غانم العلي...
و يا ويلك اذا اغضبت الحليم..
عالعموم...بوغانم...بنفسه الطيبه
و روحه العاليه....حتى و هو زعلان..الواحد ايحس من تعابير
وجهه انه فرحان...

المهم...

الاسبوع...سحق فيه الريانيين ضيوف الدوري...الخريطيات...
و هذا من كرم الريانيين المعتاد...

و الغرافه...تكتكها بكل سلاسه...مع زميله الاسيوي...ام اصلال..

اما العرباويه...فما انقول لهم..الا انه لاااعزاء لكم...
مدرب..معقول..جابولكم...مدرب فوق المعقول..

لعيبه محترفين...كل منهم ايقول عندي الزود...
و حسافه على بيسكو...اخاف اتزهقونه..

اداريا ...اترك لاي عرباوي معانا التعليق...
فاهل مكه ادرى بشعابها...

و الخاتمه...من القطراويين...انقول للوكراويه
دسمتوا شواربنا...بعشاكم ..و هذي من كرم هل الوكره
و الوكير... ضيفهم هو راعي الدار...

و الختام...شكرا من القلب...لان من "لايشكر الناس...لا يشكر الله"
منا نحن القطراويين..للتعادل " العادل" بينكم يالسداويين و هل
"عين حليتان"...

فكيتونا من اللي وره...و طمعتونا باللي قدام...


ختاما...اخوي مضارب دوسري...
هذي " ام الافاعي"..اللي ايروحها...ياخذ له شنتوره
و الا الدار امان...خااااصة للضيفان؟؟!!


Note:
هذي محاوله لتوسيع دائرة هذا المنتدى...
عشان ياكل الاخضر و اليابس في عالم المنتديات...

بعد الاسهم و العام..و السوق...

و اللي حاب ايشارك يا هلا و مرحبا به...







اشكرك اخوي عابر


العربي رااااااااااااااااااااااااااااااح وطي والله

اتمنى من الاداره لو تطلع وتعترف اتقول احنا مقصرين

ويقدمون استقالتهم

واقول حق السته الي قدمو استقالاتهم لماذا خنتم العربي

على عشان بس حب للشهره وحب الظهور ولاعزاء :weeping:


وقسم بالله الي قدمو استقالتهم مب حبا في العربي

وعندي الادله في ذلك للأسف
شاهيناز
07-03-2009, 09:48 PM
تحليل حلو

بس السد والعربي مشكلتهم الاداره

ولا كل شئ متوفر لهم

بس الخور صعب ينهزم في الخور هوا الخور له مفعوله

الوحيد الي قدر على الخور في الخور الغرافه

وبعد بس خليفه عايل يستاهل الطرد جزار مب لاعب

وهاردلك لسداويه
عابر سبيل
07-03-2009, 10:04 PM
اشكرك اخوي عابر


العربي رااااااااااااااااااااااااااااااح وطي والله

وقسم بالله الي قدمو استقالتهم مب حبا في العربي

وعندي الادله في ذلك للأسف

الشكر موصول لك اخوي/غير البشر..

على هونك اخوي...
العربي ....بوم...ما يغرٌق من عليه...

اما الطمع و الطماعين..فمرده بيغرق هله...

العربي..هو العربي...
بس مششششكلته...انه لما حبوا ياخذونه
لعقليات...ما هي بالعربي...

و الهوشات يالعرباوي...صدقني ما يستفيد منها
الا خصومكم...

و يا ليت اتنورنا عن اللي استقالوا و و ...

هاي سالفه قدييييمه...

انتو لين الحين في مربع "رئيس" مجلس الاداره
و الاعضاء..

قول..قول..فضفض يا خوي و احنا
حابين نسمع لك..
غير البشر
07-03-2009, 10:07 PM
الشكر موصول لك اخوي/غير البشر..

على هونك اخوي...
العربي ....بوم...ما يغرٌق من عليه...

اما الطمع و الطماعين..فمرده بيغرق هله...

العربي..هو العربي...
بس مششششكلته...انه لما حبوا ياخذونه
لعقليات...ما هي بالعربي...

و الهوشات يالعرباوي...صدقني ما يستفيد منها
الا خصومكم...

و يا ليت اتنورنا عن اللي استقالوا و و ...

هاي سالفه قدييييمه...

انتو لين الحين في مربع "رئيس" مجلس الاداره
و الاعضاء..

قول..قول..فضفض يا خوي و احنا
حابين نسمع لك..


\

مشكوووور خاوعابر وشفت تصريح خليفه اليوم في الجريده

خليفه يوم كان ماسك على الاقل كان ينافس على الدوري

وكان يدخل المربع



لو افضفض من اليوم الى ماشاء الله المشكله اني مشحوون

يعني الرئيس يفوز ويحطون الخاسر وين صارت هذي

والاعضاء استقالو عشان مساله شخصيه قديمه ليش

اهم شي مصلحه النادي قبل الاستقاله بفتره كنت على اتصال هاتفي

مع احد المستقيلين وذكرانه زعلان من موقف من 3 سنوات

من شخص من جذي صار كل شي للاسف
عابر سبيل
07-03-2009, 10:14 PM
تحليل حلو
بس السد والعربي مشكلتهم الاداره

ولا كل شئ متوفر لهم

بس الخور صعب ينهزم في الخور هوا الخور له مفعوله

الوحيد الي قدر على الخور في الخور الغرافه

وبعد بس خليفه عايل يستاهل الطرد جزار مب لاعب

وهاردلك لسداويه


اول شي..توقيعج اخت/شاهيناز هو الحلو(فنيا)...الشديد...معنويا..

اول مره..بجد...اشوف جمهور مثلكم يالريانيين..
حبه ماخذ عقولك و بالكم..و مطلع الفنتك منكم...

ترى الحوت الابيض..ياكل ما ينكل...و خااااصه
يوم لبستيه الازرق و الاصفر...الا اذا بتلدغه
افعى في ام الافاعي..فهاي كلام"تاني"..


اما الخور..فشتبين به..اهم شي..ابتعدوا عنا ..و ريحوا
بال ربعنا عالمربع..

و شاكر لج...تواضعج..رغم انج ريانيه..
للاعتراف بالفضل لهله...بخصوص الغرافه مع الخور..

نتعلم من رقيج الرياضي...اخت/شاهيناز..

اما خليفه عايل..
فهو من القلايل...اللي عالملأ ..غرورهم
و نفختهم..موب معقول..

صراحه..انا زرت عمان..و عرفت عدد من العمانيين..
و كله انطباعي عنهم..انهم ناااس و ايد مسالمين..

بس...الظاهر...ان من رافق السداويين...صار من طبعهم...
من المغرورين..الا ما رحم ربي..

اما مشاكل السد و العربي الاداريه..لان
الخيييير عند الناديين واايد..
عشان شذي...الطمع بين ربعهم زااايد..

اما انتو يالريانيين..الله ساق لكم بوناصر...
سعود و بقية الاداره....هو ترى قلبه(الله ايحفظه) راده عن
شي اكبر من اللي انتوا شايفينه...

اماااانه عليكم...لا تستثيرونه و لا اتزعلونه...
اذا انكم خايفين على قلبه..
سداوي&مدريدي
07-03-2009, 10:24 PM
يعطيك العافيه أخوي



تحليل حلو

بس السد والعربي مشكلتهم الاداره

ولا كل شئ متوفر لهم

بس الخور صعب ينهزم في الخور هوا الخور له مفعوله

الوحيد الي قدر على الخور في الخور الغرافه

وبعد بس خليفه عايل يستاهل الطرد جزار مب لاعب

وهاردلك لسداويه

هههههههههههههههههههههههههههههههههههههههههههههههههه ههههههههههههههه

شاهيناز انتي مب طبيعيه اليوم :omen2:

السد مشكلتهم الأداره :eek5:

السد هالسنه ماحالفهم الحظ لا أكثر ولا أقل

واداره السد مدرسه والأنديه الثانيه تتعلم من اداره السد

اذا تبين الأسباب والأدله من عيوني :omen2:
مزيون الدوحه
07-03-2009, 10:37 PM
كثر ماتكلمنا ماراح نتكلم وخساره الكلام
في هالنادي اداره ولعيبه ماعندهم احساس
ألا بيسكو وسلمان عيسى . نادي ماعنده راعي رسمي
والموسم بيخلص ؟؟؟ طبعا بتقولون الراعي الرسمي
يبي بطولات ؟؟ طيب وين البطولات من نادي الخور
ونادي الوكره الـــخ وكان الامل في فودا فون لاكن هالامور
فيها مصالح وماراح يحصلونها في نادي العربي
ومانقول الا لنا الله دام الكباريه راضيين وساكتين
فــ خلنا نسكت وياهم بلا ممول للمنتخب بلا خرابيط
بوحارب
07-03-2009, 10:42 PM
مساك الله بالخير خالي عابر سبيل

حبيت اسلم عليك وأقولك

كل عام وانت الحب @@


مع تحيات المقاول بوحارب <<< مقاول ويحب صج دنيا
بوخالد911
07-03-2009, 11:06 PM
هلا



خذوووها قاعدة :


لما يكوون العربي قوووي ؛ فان المنتخب يكوون قوي



وما يبيلها تفسيير !!!


مسيوو - بوخالد911
عابر سبيل
08-03-2009, 08:18 AM
العرباويين...
شكلهم ماكلين الجو..من كثرتهم..ما شاء الله...

الله ايسامح ربعهم اللي منكدين عيشتهم..

اخوي مزيون...
اذا عالدعم او الراعي الرسمي...

انا ارشح اخونا المقاول/بوحارب انه
ايكون الراعي الرسمي للعربي...

يا خوك..واحد منا و فينا...ابرك لكم
من منة الشركات الكبيره و الكباريه
اللي وراهم.. وهو بيبني بيت حق
كل لاعب عرباوي ايسجل هدف...

ها يا بو حارب...لا اتفشلنا؟؟!!

و اشدراك...لو حد منه الكباريه تبنى فريقكم..
ما ياخذ عنكم اللعيبه الزينين
اللي ذكرتهم...سلمان و بيسكو...

و هذا الكلام للأخ/غير البشر...
من بدأ مسلسل انهيار ناديكم...الا اللي
لما جا...بدا ايوزع احسن لعيبتكم
ذيك الايام...الملا في صوب..و احمد خليل...
في درب....و خلا السنياري بلا جنحان..
حتى لين كفخ..ما يحرك الهوا...

عالعموم..

خلونا من الاسبوع اللي راح...
و نبدأ توقعاتنا و تحليلنا للاسبوع الجاي-باذن الله-..

شلمباريات الجايه..
و كلٍ يتكلم عن فريقه...مع من
بيلعب..و شنهو المؤمل منه...


ها..حد حاب يبدأ؟
سهم المراقيب
08-03-2009, 09:46 AM
عابر سبير معنا في الإستراحه ,, ولله نورت القسم اخي الفاضل ,,
وموضوعك سُكّر مثلك ,, وخالي من التعصب الذي نراه في مشاركات بعض الاخوه والأخوات ،،
وللأسف أكثرهم لا يفقه في الكره إلا القليل ,, يريد اثبات نفسه بالجدال الذي لا يصل الى نتيجه ,,

هالكلام عهدي به من كم اسبوع ,, مدري اذا تغيرت أطباعهم ,,
الله يهدينا ويهديهم ,, اخاف احد يجي منهم ويقولي "لا تنهى عن ذنبٍ وتأتي بمثله ..." ,,

الآن ندخل في الجد ,, انا عرباوي ,,
ومشكلتنا/مشاكلنا ما زالت غير معروفة ما هي اسبابها ,,
اللي يقول الإداره وغيره يقول اللعيبه ,,

الحل الوحيد هو ان يتولى أحد انجال سمو الأمير رئاسة النادي ,,

وطبعاً مستحيل نفوز بالدوري الا اذا كانت هناك رعايه مباشره من قبل اتحاد الكره ,,
لان نظامهم الممل وغير المنصف هو رعاية نادي كل سنه ,, يعني مره السد ومره الغرافه ومره ....
وان شاء الله نكون short-listed في اللسته الذهبيه قريباً ,,

مدري متى راح يجي دورنا ,, انا منتظر صار لي 14 سنه ,,

تحياتي لك وللجميع ,,
عابر سبيل
08-03-2009, 10:09 AM
عابر سبير معنا في الإستراحه ,, ولله نورت القسم اخي الفاضل ,,
وموضوعك سُكّر مثلك ,, وخالي من التعصب الذي نراه في مشاركات بعض الاخوه والأخوات ،، وللأسف أكثرهم لا يفقه في الكره إلا القليل ,, يريد اثبات نفسه بالجدال الذي لا يصل الى نتيجه ,,

هالكلام عهدي به من كم اسبوع ,, مدري اذا تغيرت أطباعهم ,,
الله يهدينا ويهديهم ,, اخاف احد يجي منهم ويقولي "لا تنهى عن ذنبٍ وتأتي بمثله ..." ,,

الآن ندخل في الجد ,, انا عرباوي ,,
ومشكلتنا/مشاكلنا ما زالت غير معروفة ما هي اسبابها ,,
اللي يقول الإداره وغيره يقول اللعيبه ,,

الحل الوحيد هو ان يتولى أحد انجال سمو الأمير رئاسة النادي ,,

وطبعاً مستحيل نفوز بالدوري الا اذا كانت هناك رعايه مباشره من قبل اتحاد الكره ,,
لان نظامهم الممل وغير المنصف هو رعاية نادي كل سنه ,, يعني مره السد ومره الغرافه ومره .... وان شاء الله نكون short-listed في اللسته الذهبيه قريباً ,,

مدري متى راح يجي دورنا ,, انا منتظر صار لي 14 سنه ,,
تحياتي لك وللجميع ,,

اوووه...يا سهم المراقيب..

اول شي...جزاك الله خير عالظن الجميل باخوك عابر سبيل..
تراني طير رحال...عابر للسبيل..

حطيت عندكم..في استراحتكم..استريح من كثر الرحيل...
بس اتزود بعد هم...للمزيد من الترحال و الرحيل...

اما...عن تعصب البعض..
فانت جبتها عالوتر..

و انا ...يشهد الله..اللي جابني...
هو محاوله...جاااده...و الله ايعيني على
لوعاتها....لان انزع الفتيل...

و نبدأ مع العاقلين مثلك و شرواك...و كل السامعين او القارئين
دردشه..
رياضيه...تفيد المتكلم و المتلقي..

و اتطلع حرة المحتر..دون ما يجرح اخوه...
و اتخلي اللي يبي يستانس و يستعرض و "يعرّ"...
يفرفش معانا دون ما يغتر...

انا حقيقه جاهل بمنتديات الرياضه و النوادي..
لكن اسمع طراطيش...و اللي فهمته انه
اكثرها...فيها هوشات..و الا كل نادي فاتحين له
منتدى ابروحه..اما في ام الافاعي...
و لا في فوشون...(عندنا..حياكم عالقهه)
و الا في وكر الذيابه..

و لا حدٍ بداري عن حد...

و شفت امثالك معانا بهالمنتدى...من له اهتمامات
متنعوعه ومتعدده..اسهم و شعر و رياضه...الخ..

و هاي اللي شجعني للولوج في الاستراحه..

بعد ما ترددت كثيييرا من بعض اللي اشرت له..انت
من بعض اللي الله ايهديهم...متشنجين وموب حابين
حد ايدردش معاهم...و اشياء ثانيه..اعتقد انه تم ازالتها...


اما عن ناديك..فلا اتخش علينا همك...و علومك..
انت اتقول انك ما تعرف المشكله...بعدين جيت بالحل "الوحيد"
للمشكله..

يبى..ما يبيله توضيح...
و انا اقول..و النعم بالامير و انجاله...
قدها و اقدود و الله...

بس..العربي.....ما له الا هله الاولين..
خلوها بينكم..بدعم من اصحاب السعاده الشيوخ..فقط
للي يبي ينفع الدوري و المنتخب و العربي...

اما ان تدخل الشيوخ..في وكر العشاير...
ما منه مصلوح...على بلااااطه..


قبل الاخير...و شّـو هاي اللسته الذهبيه؟؟!!

و اخيرا..و الله انك متولع به..عرباوي...
و دمك من حبه حمر...

14 سنه خدمه فـ"سنويه عامه"...
اقول..تراك
" صابر و صبرك طال.."
و اظن اني
" هيضت عليك نوحك.."

س) مباراتكم الجايه من معاه...
و ايش الاجواء في النادي؟؟
سهم المراقيب
08-03-2009, 11:23 AM
اوووه...يا سهم المراقيب..

اول شي...جزاك الله خير عالظن الجميل باخوك عابر سبيل..
تراني طير رحال...عابر للسبيل..

حطيت عندكم..في استراحتكم..استريح من كثر الرحيل...
بس اتزود بعد هم...للمزيد من الترحال و الرحيل...

اما...عن تعصب البعض..
فانت جبتها عالوتر..

و انا ...يشهد الله..اللي جابني...
هو محاوله...جاااده...و الله ايعيني على
لوعاتها....لان انزع الفتيل...

و نبدأ مع العاقلين مثلك و شرواك...و كل السامعين او القارئين
دردشه..
رياضيه...تفيد المتكلم و المتلقي..

و اتطلع حرة المحتر..دون ما يجرح اخوه...
و اتخلي اللي يبي يستانس و يستعرض و "يعرّ"...
يفرفش معانا دون ما يغتر...

انا حقيقه جاهل بمنتديات الرياضه و النوادي..
لكن اسمع طراطيش...و اللي فهمته انه
اكثرها...فيها هوشات..و الا كل نادي فاتحين له
منتدى ابروحه..اما في ام الافاعي...
و لا في فوشون...(عندنا..حياكم عالقهه)
و الا في وكر الذيابه..

و لا حدٍ بداري عن حد...

و شفت امثالك معانا بهالمنتدى...من له اهتمامات
متنعوعه ومتعدده..اسهم و شعر و رياضه...الخ..

و هاي اللي شجعني للولوج في الاستراحه..

بعد ما ترددت كثيييرا من بعض اللي اشرت له..انت
من بعض اللي الله ايهديهم...متشنجين وموب حابين
حد ايدردش معاهم...و اشياء ثانيه..اعتقد انه تم ازالتها...


اما عن ناديك..فلا اتخش علينا همك...و علومك..
انت اتقول انك ما تعرف المشكله...بعدين جيت بالحل "الوحيد"
للمشكله..

يبى..ما يبيله توضيح...
و انا اقول..و النعم بالامير و انجاله...
قدها و اقدود و الله...

بس..العربي.....ما له الا هله الاولين..
خلوها بينكم..بدعم من اصحاب السعاده الشيوخ..فقط
للي يبي ينفع الدوري و المنتخب و العربي...

اما ان تدخل الشيوخ..في وكر العشاير...
ما منه مصلوح...على بلااااطه..


قبل الاخير...و شّـو هاي اللسته الذهبيه؟؟!!

و اخيرا..و الله انك متولع به..عرباوي...
و دمك من حبه حمر...

14 سنه خدمه فـ"سنويه عامه"...
اقول..تراك
" صابر و صبرك طال.."
و اظن اني
" هيضت عليك نوحك.."

س) مباراتكم الجايه من معاه...
و ايش الاجواء في النادي؟؟
مشكور اخوي عابر سبيل على الكلام الطيب ,,
من ناحية صابر ... صابر ,, سمعت عن "البطل الصامد" ,,
هذا نادينا العزيز ,,

مباراتنا الجايه ؟؟؟
امس فزنا على جنوه 2-0 ,,
والمباراه الجاية الأربعاء القادم ضد مانشستر يوناتيد في مسرح الأحلام ,,
الله يكتب لنا حضورها ,,

أوه تقصد العربي ,, راح بالي عالإنترميلان :D ,,
والله مادري ,, يقولون مع السد يوم الجمعه الجايه .... في ستاد جاسم بن حمد ,,
يسمونه ديربي الدوحه <<<<< يا بلفيت ,, والأجواء مثل كل سنه ,, لا جديد يذكر ,,


اما فوشون وام الأفاعي ,, lol ولله ملعوبه ,,
في وداعة الرحمن ,,
بوحارب
08-03-2009, 01:22 PM
انا ارشح اخونا المقاول/بوحارب انه
ايكون الراعي الرسمي للعربي...

يا خوك..واحد منا و فينا...ابرك لكم
من منة الشركات الكبيره و الكباريه
اللي وراهم.. وهو بيبني بيت حق
كل لاعب عرباوي ايسجل هدف...

ها يا بو حارب...لا اتفشلنا؟؟!!

و اشدراك...لو حد منه الكباريه تبنى فريقكم..
ما ياخذ عنكم اللعيبه الزينين
اللي ذكرتهم...سلمان و بيسكو...



هههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههه

عابر سبيل انه غرفاوي

لكن لو جماهير العربي بتبني عندي

مستعد اهد الغرافة وابو الغرافة عشان المشاريع اللي بتييني منكم :eek5:


ضحكتني الله يجزاك الخير :shy:
عابر سبيل
08-03-2009, 03:10 PM
عابر سبيل انه غرفاوي



ضحكتني الله يجزاك الخير :shy:

اطلع على حقيقتك...مصلحجي..
اتضحكنا و تاخذ فلوسنا...(بس موب علي انا)...
شوف..تراك الحين صرت شبهه..
دخلت على موضوع الريانيين..
و زعلت أُم المنتدى روز...
و تسكّر الموضوع...

عليك بالاتزام باخلاق منتدى الاسهم القطريه...
هذي سياسة منتدى..انت قد هالكلام..
و من انت عشان "اتبربر" في الكوره..

انت راس مالك..بنتك هالسنفوره..


احسن لك...تتكلم عدل معانا..والا اقضب الباب...
و جيب لنا موضوع حلوا..ايفرفشنا...يمكن انسامحك!

طيب..
يوم انك غرفاوي..
داش عليهم تعلج الخس ليييش..

حطينا لك هالموضوع...فش غلك فيه..
و تكلم..
قول يا غرفاوي...

ترى الموت الحمر جدامكم...السبت...
و لا عندكم
خلطه صفره..تمحي الخضر و اليابس..

طبعا بكل ادب و ذراااابه..سيد الغشمره و السعاده!!
بوحارب
08-03-2009, 07:01 PM
اطلع على حقيقتك...مصلحجي..
اتضحكنا و تاخذ فلوسنا...(بس موب علي انا)...
شوف..تراك الحين صرت شبهه..
دخلت على موضوع الريانيين..
و زعلت أُم المنتدى روز...
و تسكّر الموضوع...

عليك بالاتزام باخلاق منتدى الاسهم القطريه...
هذي سياسة منتدى..انت قد هالكلام..
و من انت عشان "اتبربر" في الكوره..

انت راس مالك..بنتك هالسنفوره..


احسن لك...تتكلم عدل معانا..والا اقضب الباب...
و جيب لنا موضوع حلوا..ايفرفشنا...يمكن انسامحك!

طيب..
يوم انك غرفاوي..
داش عليهم تعلج الخس ليييش..

حطينا لك هالموضوع...فش غلك فيه..
و تكلم..
قول يا غرفاوي...

ترى الموت الحمر جدامكم...السبت...
و لا عندكم
خلطه صفره..تمحي الخضر و اليابس..

طبعا بكل ادب و ذراااابه..سيد الغشمره و السعاده!!

ههههههههههههههههههههههههههههههههههههههه
ههههههههههههههههههههههههههههههههههههههه

ياخي الدنيا مصالح وانتي ادرى:(

خلاص انه بختصر لك سالفتي مع الكورة وماعندي غير هالكلمتين

شوف عزيزي :shy:.


انه واحد احب اعرف النتيجة النهائية لفريقي وبس

اما اني اتكلم واسولف او اتابع الكورة

فهذا الشي مال فيه كلش :secret:

واتمنى محد يزعل مني لأنه كلامي كله غشمرة وضحك وبس

وانتظر الموضوع الفرفوشي في القريب العاجل وأسمك بيكون مسجل في الموضوع :shy:

مع تحيات بوحروب الدبدوب :weeping:
شاهيناز
08-03-2009, 08:22 PM
اول شي..توقيعج اخت/شاهيناز هو الحلو(فنيا)...الشديد...معنويا..

اول مره..بجد...اشوف جمهور مثلكم يالريانيين..
حبه ماخذ عقولك و بالكم..و مطلع الفنتك منكم...

ترى الحوت الابيض..ياكل ما ينكل...و خااااصه
يوم لبستيه الازرق و الاصفر...الا اذا بتلدغه
افعى في ام الافاعي..فهاي كلام"تاني"..


اما الخور..فشتبين به..اهم شي..ابتعدوا عنا ..و ريحوا
بال ربعنا عالمربع..

و شاكر لج...تواضعج..رغم انج ريانيه..
للاعتراف بالفضل لهله...بخصوص الغرافه مع الخور..

نتعلم من رقيج الرياضي...اخت/شاهيناز..

اما خليفه عايل..
فهو من القلايل...اللي عالملأ ..غرورهم
و نفختهم..موب معقول..

صراحه..انا زرت عمان..و عرفت عدد من العمانيين..
و كله انطباعي عنهم..انهم ناااس و ايد مسالمين..

بس...الظاهر...ان من رافق السداويين...صار من طبعهم...
من المغرورين..الا ما رحم ربي..

اما مشاكل السد و العربي الاداريه..لان
الخيييير عند الناديين واايد..
عشان شذي...الطمع بين ربعهم زااايد..

اما انتو يالريانيين..الله ساق لكم بوناصر...
سعود و بقية الاداره....هو ترى قلبه(الله ايحفظه) راده عن
شي اكبر من اللي انتوا شايفينه...

اماااانه عليكم...لا تستثيرونه و لا اتزعلونه...
اذا انكم خايفين على قلبه..


ان شاءالله نعزمك يوم السبت على حيتان وفهود مشويه في دوار ام الافاعي ,, اكبر واغرب دوار فيك يا قطر
الريانين يعطون دورس في حبهم لناديهم وقفنا مع الريان في كل المواقف
ولا بنخليه سواء خذنا درع الدوري ولا لاسمح الله راح

والله يخلي لنا الشيخ عبد الله وابو ناصر وكل الريانين والي يحبون الريان
غير البشر
08-03-2009, 08:24 PM
ههههههههههههههههههههههههههههههههههههههه
ههههههههههههههههههههههههههههههههههههههه

ياخي الدنيا مصالح وانتي ادرى:(

خلاص انه بختصر لك سالفتي مع الكورة وماعندي غير هالكلمتين

شوف عزيزي :shy:.


انه واحد احب اعرف النتيجة النهائية لفريقي وبس

اما اني اتكلم واسولف او اتابع الكورة

فهذا الشي مال فيه كلش :secret:

واتمنى محد يزعل مني لأنه كلامي كله غشمرة وضحك وبس

وانتظر الموضوع الفرفوشي في القريب العاجل وأسمك بيكون مسجل في الموضوع :shy:

مع تحيات بوحروب الدبدوب :weeping:




لايكون انت الي في برنامج المجلس :telephone:

الي يحب ياكل ويشجع الغرافه ههههههههههههههههه

ولاعب قديم :tease:
شاهيناز
08-03-2009, 08:26 PM
يعطيك العافيه أخوي




هههههههههههههههههههههههههههههههههههههههههههههههههه ههههههههههههههه

شاهيناز انتي مب طبيعيه اليوم :omen2:

السد مشكلتهم الأداره :eek5:

السد هالسنه ماحالفهم الحظ لا أكثر ولا أقل

واداره السد مدرسه والأنديه الثانيه تتعلم من اداره السد

اذا تبين الأسباب والأدله من عيوني :omen2:

ايه مب طبيعيه من لسخونه ولزكام وامراض الشتاء والصيف:weeping:
بس بعد اقول اداره السد السنه مادري وش فيها اعتمدت على المحترفين القدامى
بس بدايه الموسم تنيريو رابط صليبي اميرسون تمرد مابقى الا فلبي وش يقدر يسوي
ابوكو شفته شلون بس يدزز ولا عنده حد يساعده ومب متوافق مع فلبي
السد كان باماكنه يجيب افضل الاعبين الاداره ليش تاخرت في ها الشئ
لعب السد السنه مب مثل العام

بس سالم العلي ،،، البارح طير صوارخ لين الحين اثرها باقي
وبالتوفيق لزعيم
غير البشر
08-03-2009, 08:28 PM
العرباويين...
شكلهم ماكلين الجو..من كثرتهم..ما شاء الله...

الله ايسامح ربعهم اللي منكدين عيشتهم..

اخوي مزيون...
اذا عالدعم او الراعي الرسمي...

انا ارشح اخونا المقاول/بوحارب انه
ايكون الراعي الرسمي للعربي...

يا خوك..واحد منا و فينا...ابرك لكم
من منة الشركات الكبيره و الكباريه
اللي وراهم.. وهو بيبني بيت حق
كل لاعب عرباوي ايسجل هدف...

ها يا بو حارب...لا اتفشلنا؟؟!!

و اشدراك...لو حد منه الكباريه تبنى فريقكم..
ما ياخذ عنكم اللعيبه الزينين
اللي ذكرتهم...سلمان و بيسكو...

و هذا الكلام للأخ/غير البشر...
من بدأ مسلسل انهيار ناديكم...الا اللي
لما جا...بدا ايوزع احسن لعيبتكم
ذيك الايام...الملا في صوب..و احمد خليل...
في درب....و خلا السنياري بلا جنحان..
حتى لين كفخ..ما يحرك الهوا...
عالعموم..

خلونا من الاسبوع اللي راح...
و نبدأ توقعاتنا و تحليلنا للاسبوع الجاي-باذن الله-..

شلمباريات الجايه..
و كلٍ يتكلم عن فريقه...مع من
بيلعب..و شنهو المؤمل منه...


ها..حد حاب يبدأ؟





اممممممم الغالي اخوي عابر

الناس فاهمه غلط يقولون الشيخ خليفه بن حمد هو الي وزع الاعيبه

الي وزع كالتالي

خلفان = الشيخ فلاح بن جاسم

عادل ومبارك واحمد خليل = الشيخ جاسم بن فهد

وخليفه حصل على الاقل المركز الثالث وكان قاب قوسين ان يحصل على الدوري

ويفوز في الانتخابات ويشيلونه ويحطون الخاسر وشوف نتايجنا والله مشكله :weeping:
الزرقواني
08-03-2009, 09:27 PM
الدوري سداوي :tease:
مزيون الدوحه
08-03-2009, 09:33 PM
اممممممم الغالي اخوي عابر

الناس فاهمه غلط يقولون الشيخ خليفه بن حمد هو الي وزع الاعيبه

الي وزع كالتالي

خلفان = الشيخ فلاح بن جاسم

عادل ومبارك واحمد خليل = الشيخ جاسم بن فهد

وخليفه حصل على الاقل المركز الثالث وكان قاب قوسين ان يحصل على الدوري

ويفوز في الانتخابات ويشيلونه ويحطون الخاسر وشوف نتايجنا والله مشكله :weeping:




صح 100%
ALRAYYAN
08-03-2009, 10:51 PM
أوووووووووه توني منتبه لموضوعك أخوي عابر سبيل
منور الاستراحه يالشيخ

:nice::nice::nice::nice:
عابر سبيل
08-03-2009, 11:27 PM
أوووووووووه توني منتبه لموضوعك أخوي عابر سبيل
منور الاستراحه يالشيخ

:nice::nice::nice::nice:

و الله الاستراحه اصلا منوره بكل اهلها....و مشعلله
بكم يالريانين..

بس ما ينزعل منك..دام ان بنيتك هي اللي صادتك عنا...
الله يجعلها باب تخفف من غرامك بالريان...

و الايام..بين الريان و بين هالبنت...على قلبك الطيب...

نرجع للموضوع...
اخوي...اعتقد انك قريت دردشتنا بالاعلى...
و انتوا هجتم مع ربعكم على التشجيع..نحييكم عليها..

بس تعال...
الحين يوم السبت...
شعندكم حق الفهود...

تراهم...مب هينين..و الحظ ..حقيييقه..لو في دورينا
له اسم ثاني...بيكون اسمه الغرافه...خاصة العام الفايت:secret:

اما السنه...فالتشتت اللي صار مع السد العام..ما بين
دورينا و الاسيوي...كان مأجل معاهم..و اليوم
اظنه جا على هواكم...

بسسس.....ما اعتقد ان هل الغرافه هينين...
ممكن ترى ايخلون كللل حيلهم حق الدوري و بالذات
السبت الجاي...

و الاسيوي...من البدايه ايقولون له..مع السلامه باي باي..

اعتقد..ان ولا مره يونس لعب ضدكم هالسنه..و هاي جديد...
و اللاعب....بصدق ينحسبله حسبته ابروحه....

شاهيناز...اسبقتك...بس دبلماسيتها...و عاطفتها... والاخ/ السداوي&مدريدي..
خلوها اشوي بالها بعيد عنا...لتتحاور معانا و تتحفنا بجديدكم يالريانيين..

اذا تتحفنا...و ندردش...معاك و مع اي غرفاوي..ايحب يقلط معانا
ترانا كللش جاهزين...

و في سؤال بالاعلى..وجهته حق اخونا دوسري..
احيله لك.. اول خفت ما تجي معانا....
لكن دامك جيت..فقول لنا..ام الافاعي..امان...
نزورها مثل هلها و لا حتى ضيفان...
عابر سبيل
08-03-2009, 11:42 PM
اخ/زرقواني...
شوف...خل الاحلام حق فريق الاحلام...

و لا الدوري...موليه مشوا بوزكم يالسداويه...
و خاااصة عقب تصريحات ادارينكم الناريه..البارحه في الخور..

ايقولون..انها غطت على الشعله مالت راس لفان...

شوف..عاد...
السبت جدامكم العربي...

و بالعربي..اعتقد ان العربي جدامكم راح
يتكلم كوووره بالعربي...

و بتشوفون..ان سمعنا حس حق ذيبكم
...اظن بيخلونه يذّن حق الصبح مثل الدياجه...

السد...زين...بس غرور بعض هله..هو الشين؟؟!!



مزيون و غير البشر...

يبى خلنا من سوالف الشيوخ...
و احيلكم على تنبيهي قبل...ان العربي ما يبيله كثرة شيوخ..
و الشيوخ ما منهم و لا فيهم الا كل خير..و هم عالراس و وسط القلب
و بين الرموش...

بس..كفايه عليهم..السد و الريان و قطر و الغرافه..و حتى الوكره الخور..
و الحين ام صلال و الخريطيات..

يبى ..خلو العربي...عالاقل..عطيه ما من وراها جزيه..
و مسيو بوخالد...اعلاه..قط مردمه..ايقول المنتخب
يضلع بسبة عوق العربي..

شستعدادكم حق السد...
صدقوني...هذي فرصه للتصحيح..
و انا اقول..لو بدعوا ربعكم المباراه الجايه..

خلاص...سامحوهم هالدوري...و لا تحاسبونهم على اي مباراه تاليه...
نبي العلوم..مفاجآت...

ترى السد..بعد ما نظلم بخته و بختنا...
جدامكم...طعن و طرد و لعب فوق الخيال..
ما اعتقد انهم خاليين من مفاجآت..لامتاعنا و ربما القضاء عليكم...
سداوي&مدريدي
08-03-2009, 11:44 PM
عساك على القوة أخوي عابر




الدوري سداوي :tease:


اي سداوي ؟؟ السد هالسنه زفت :anger1:

الريان يستحق الدوري والغرافه يستحق وصافة الدوري

:victory:
المشط
09-03-2009, 03:51 AM
اما العرباويه...فما انقول لهم..الا انه لاااعزاء لكم...
مدرب..معقول..جابولكم...مدرب فوق المعقول..

لعيبه محترفين...كل منهم ايقول عندي الزود...و حسافه على بيسكو...اخاف اتزهقونه..

اداريا ...اترك لاي عرباوي معانا التعليق...
فاهل مكه ادرى بشعابها...


[/SIZE]

اي لعيبه محترفين

عندنا بس 5 خل يعطونا نفس السد او الريان او الغرافه 9 او 10 محترفين بعدين احكم على العربي

خلاص دوري المجاملات انتهي بالنسبه لي

لعيبه تجنس علشان تلعب حق فرق
الجوكر
09-03-2009, 08:57 AM
يعطيك العافيه اخوي عابر سبيل على الموضوع والدردشه الحلوه
اعتقد الاسبوع القادم اسبوع القمم
قمة الدوري بين الريان والغرافه
قمة القاع وشبح الهبوط بين السيليه والخريطيات
محاولة المنافسه من قبل السد للقمه مع امل تعثر المتصدرين (الريان والغرافه)
محاولة التأكيد من نادي قطر على دخول المربع مع انه ضمن بنسبه ربما تتجاوز 90%

هذي رؤوس اقلام وعناوين للاسبوع القادم
ولي عوده بتفاصيل اكثر عن قمة الدوري ( الريان & الغرافه )
عابر سبيل
09-03-2009, 12:02 PM
في صدفه و اعجله...اليوم لقيت
احد الغرفاويين..الي هو احد اخوان " حمد بن ثامر"..
و على طول...ها جاهزين للسبت..
قال ابشرك..الربع جاهزين حق عقب بكره الغدا....
و العشا عند الريانيين...
قلت حشا... ليكون انت "ماوكلي" اللي عايش
في غابة المتوحشين...

بس...شوية ابديت...

اما صديقي السداوي..
قلت له انتظر اتصالك بعد المباراه...لتصيح..
قال بنقلقص العرباوييه...

ممكن تفسير حق كلمة " بنقلقص"..يال عرباويين

و لنا عوده بعد الابديت منك يالجوكر..
سداوي&مدريدي
09-03-2009, 12:11 PM
في صدفه و اعجله...اليوم لقيت
احد الغرفاويين..الي هو احد اخوان " حمد بن ثامر"..
و على طول...ها جاهزين للسبت..
قال ابشرك..الربع جاهزين حق عقب بكره الغدا....
و العشا عند الريانيين...
قلت حشا... ليكون انت "ماوكلي" اللي عايش
في غابة المتوحشين...

بس...شوية ابديت...

اما صديقي السداوي..
قلت له انتظر اتصالك بعد المباراه...لتصيح..
قال بنقلقص العرباوييه...

ممكن تفسير حق كلمة " بنقلقص"..يال عرباويين

و لنا عوده بعد الابديت منك يالجوكر..



هههههههههههههههههههههههههههههههههههههههههههههههههه ههههههههههههههه
هههههههههههههههههههههههههههههههههههههههههههههههههه هههههههههه
هههههههههههههههههههههههههههههههههههههههههههههههههه ههههههههههههههههه

ياخي انت عليك حركات عجيبه :nice:

ننتظر غريمي بوخالد يشرح لنا كلمة اقلقص :omen2:
بوخالد911
09-03-2009, 12:15 PM
هههههههههههههههههههههههههههههههههههههههههههههههههه ههههههههههههههه
هههههههههههههههههههههههههههههههههههههههههههههههههه هههههههههه
هههههههههههههههههههههههههههههههههههههههههههههههههه ههههههههههههههههه

ياخي انت عليك حركات عجيبه :nice:

ننتظر غريمي بوخالد يشرح لنا كلمة اقلقص :omen2:

تضحك هااا ؟؟


انزززين اسمع



عندي احساس بأن العرباوية بيخرربون عليكم

وبيتعادلوون وياكم

:nice:
ودرررب الرهييب بيكون مفروووش بالورد يا شوك !!

:nice::victory::nice:



قصدي يا ورد !!!

:nice::victory::nice:


والعرباوية بيحطون الذيب في القفص وبيتقلقص عدل لييين ما يخيييس !!!


وبنطبق مقووولة : دعوووه يخيييس !!!!
مسيوو/ بوخالد911
الجوكر
09-03-2009, 08:47 PM
في صدفه و اعجله...اليوم لقيت
احد الغرفاويين..الي هو احد اخوان " حمد بن ثامر"..
و على طول...ها جاهزين للسبت..
قال ابشرك..الربع جاهزين حق عقب بكره الغدا....
و العشا عند الريانيين...
قلت حشا... ليكون انت "ماوكلي" اللي عايش
في غابة المتوحشين...

بس...شوية ابديت...

اما صديقي السداوي..
قلت له انتظر اتصالك بعد المباراه...لتصيح..
قال بنقلقص العرباوييه...

ممكن تفسير حق كلمة " بنقلقص"..يال عرباويين

و لنا عوده بعد الابديت منك يالجوكر..


اخوي عابر سبيل
يجب عليك ان تكلم احد من الطرف الاخر لمباراة الغرافه والريان لتعرف اخر الاستعدادات ولتكون محايد :telephone:
من وجهة نظري المتواضعه اعتقد ان المباراه بتكون مشدوده الى اقصى درجه ومتوتره في كثير من الاحيان واتوقع ان لايزيد عدد الاهداف للفريق الواحد عن هدف واحد اي بمعنى اخر
الفريق الفائز بيكون واحد صفر او بيكون التعادل سيد الموقف
واتوقع تكون هناك حرب داخل وسط الملعب لامتلاك الكره والسيطره على مجريات المباراه
باختصار الاكثر جاهزيه من ناحية التركيز في اعتقادي هو من سينهي المباره لمصلحته
وفي النهايه الاحق بالفوز سيفوز ومبروك مقدما للفائز وحظ اوفر للخاسر
شاهيناز
09-03-2009, 08:58 PM
في صدفه و اعجله...اليوم لقيت
احد الغرفاويين..الي هو احد اخوان " حمد بن ثامر"..
و على طول...ها جاهزين للسبت..
قال ابشرك..الربع جاهزين حق عقب بكره الغدا....
و العشا عند الريانيين...
قلت حشا... ليكون انت "ماوكلي" اللي عايش
في غابة المتوحشين...

..


بس قوله لايكثر من الغدا مع الشباب السعودي
عشى ام الافاعي دسم وايد
باشراف الشيف ديانيه
عابر سبيل
09-03-2009, 09:22 PM
اي لعيبه محترفين

عندنا بس 5 خل يعطونا نفس السد او الريان او الغرافه 9 او 10 محترفين بعدين احكم على العربي

خلاص دوري المجاملات انتهي بالنسبه لي

لعيبه تجنس علشان تلعب حق فرق


اوه يالمشط..داش غبه على طول..
المايه سقي و السيف صاير بحر سبعتعش...

اشلنا بالسياسه ياالمشط...تبي يمشطونا و يلشطونا و من المنتدى يطردونا...

و اللي بيته من زجاج ما ايقط الناس بالحصى..
رجب حمزه...المسروق من الاهلي..
و سي سيد..موب سيد زينهم..
و و و ...

لا تتعلث باللاعبين...
خرابكم يالعرباويه...من ظهركم...
ظهركم...لو انه قوي"تاريخيا"....لكن
السوس..ينخر حتى اصلب عظم..


علمنا....السد...بيكون مرماه مسدود عليكم...
و الى...قذايفكم...بتكون ارض جو بحر سما عليهم..
الزرقواني
09-03-2009, 09:28 PM
بعد احساسي يقول الدوري سداوي :sneaky:
لحد يزعل لكن مجرد احساس يا يصيب يا يخيب :victory:
عابر سبيل
09-03-2009, 09:31 PM
اخوي عابر سبيل
يجب عليك ان تكلم احد من الطرف الاخر لمباراة الغرافه والريان لتعرف اخر الاستعدادات ولتكون محايد :telephone:
وحظ اوفر للخاسر

انا محاايد..
الكنج..الملك.. دايما في قصره
العاجي..محايد...

اما عن الطرف الاخر...
ليش اروح ادور عنهم برى...ما هم تارسين المكان...
بس ما ادري..يمكن بعضهم في خواطرهم شي..

و انت شكلك من شلتهم...
بس خوفك على منصبك بالمنتدى
هو اللي امخليك محايد..

اشكرك على هالاثارء الفني الرااائع...

لكن..اختلف معاااك...
اهداف بنشوف منها..و بغزاااره..وااايد..

حق مييين...انا مليش دعوه...

عن نفسي....اتمنى الكل..ايروّح البيت متهنين...
و من الدسم (موب السم) مال ام الافاعي..بالخمس ضاربين..
عابر سبيل
09-03-2009, 09:40 PM
وبيتعادلوون وياكم

:nice
والعرباوية بيحطون الذيب في القفص وبيتقلقص عدل لييين ما يخيييس !!!

مسيوو/ بوخالد911



مسيو بو خالد...
ول ول..لهادرجه...هالسداوي مدري مدريدي..مدري ابهاوي...
حاط عليك...
من حرتك..غيرت صورة الحر مع الارنب..و طلعت صجك بهالشاعر العرباوي الحلو...
يبى...خلك منه..تعودنا على ابتسامتك الحلوه...ما نبيه اينرفزك...

بسسس.اخوي سداوي&مدريدي...
موب جنه في شي غلط في كلام اخوك مدري غريمك...مسيو...

اخبر الذيب...ينصلخ...ما ايتقلقص و لا ايتملش...

جني فاهم غلك انه مرمط فيكم الارض و سواكم
دياي...


ما ادري...انا احبكم و ما ابي اكون سوسه بينكم...

سوري..سداوي لتعصب عليه ارجوك..
سداوي&مدريدي
09-03-2009, 09:47 PM
مسيو بو خالد...
ول ول..لهادرجه...هالسداوي مدري مدريدي..مدري ابهاوي...
حاط عليك...
من حرتك..غيرت صورة الحر مع الارنب..و طلعت صجك بهالشعر العرباوي الحلو...
يبى...خلك منه..تعودنا على ابنسامتك الحلوه...ما نبيه اينرفزك...

بسسس.اخوي سداوي&مدريدي...
موب جنه في شي غلط في كلام اخوك مدري غريمك...مسيو...

اخبر الذيب...ينصلج...ما ايتقلقص و لا ايتملش...

جني فاهم غلك انه مرمط فيكم الارض و سواكم
دياي...


ما ادري...انا احبكم و ما ابي اكون سوسه بينكم...

سوري..سداوي لتعصب عليه ارجوك..

هههههههههههههههههههههههههههههههههههههههههههههههههه هههههههههههههه

لا حشى انت مب سوسه ههههههههههههههههههههه :secret:

لا ترى بالعكس غيريمي يتغشمر :shy: :shy:

عابر شكلك تبي اتشعللها :anger1: :anger1:
عابر سبيل
09-03-2009, 09:49 PM
بس قوله لايكثر من الغدا مع الشباب السعودي
عشى ام الافاعي دسم وايد
باشراف الشيف ديانيه

اكيد اكيد...
هالجداويه..شبيأكلونهم..مكرونه من حي المكرونه مالهم..
و لا الدسَم...و الكرم...انتوا هله..
بس ليش خليتي ديانه في الاشراف..شنو
بتحطونه ورا قول الغرافه عشان
ايجيب الكور التي بتشق الشبك شق...


شني به قاعد ايقول حق ربعه...بس يا حسن
بسنا اهداف بسنا...
و الغرففاويين..لابسين جوتي بو طبجه وحده...
و ايقولون..الججو..ججو ..جووووتي..واايد
ضيق...

....

ديانيه...خلوه ايدش في الجدر موب بخمس ولا عشر..
الا بعشرين..رجليه و ايديه..
و الفهود...بانيابهم...حتفرقع عينيه...

مغترين به يا ست شاهيناز...و يونس محمود...مجهزينه
في نادي الاحلااااام
...

انا مالي خص...هذي بس..دردشه رياضيه نقلا
عن جريدة الاخار الظبيانيه...


تصبحون على خيير...ما لي خص اذا صار اهواش
بعدي...
الجوكر
10-03-2009, 12:25 AM
انا محاايد..
الكنج..الملك.. دايما في قصره
العاجي..محايد...

اما عن الطرف الاخر...
ليش اروح ادور عنهم برى...ما هم تارسين المكان...
بس ما ادري..يمكن بعضهم في خواطرهم شي..

و انت شكلك من شلتهم...
بس خوفك على منصبك بالمنتدى
هو اللي امخليك محايد..

اشكرك على هالاثارء الفني الرااائع...

لكن..اختلف معاااك...
اهداف بنشوف منها..و بغزاااره..وااايد..

حق مييين...انا مليش دعوه...

عن نفسي....اتمنى الكل..ايروّح البيت متهنين...
و من الدسم (موب السم) مال ام الافاعي..بالخمس ضاربين..


ماشاء الله عليك اخوي عابر سبيل شعلة نشاط في قسم الاستراحه وموضوعك دسم بردوده
وانت ماتقصر بعد تحط على النار حطب
تصلح محترف في قناة الدوري والكاس تسوي اكشن حلو بين الجماهير
استمر في موضوعك والى الامام دائما
ولا تحرمنا من الاكشن مالك
بعدين قولي انت مع الريان او مع الغرافه في المباراه القادمه
يالله بسرعه اعترف
بوخالد911
10-03-2009, 12:50 AM
لا ترى بالعكس غيريمي يتغشمر :shy: :shy:

عابر شكلك تبي اتشعللها :anger1: :anger1:




عجبتني يا غريمي
:nice::victory::nice:
بس يا وييلكم من العربي
بنخرررب عليكم
وبتتذكرني حزتها

ويمكن بعد بتكرهني

Who knows
?

:omg::rolleyes2::rolleyes2::omg:
عابر سبيل
10-03-2009, 02:20 PM
وانت ماتقصر بعد تحط على النار حطب
تصلح محترف في قناة الدوري والكاس تسوي اكشن حلو بين الجماهير
...
...

بعدين قولي انت مع الريان او مع الغرافه في المباراه القادمه
يالله بسرعه اعترف

كقطراوي...اتمنى فوز العربي...
و تعادل الغرافه مع الريان...و افهم المغزى الاستراتجي..
يا جوكر:eek5:

اما قناة الدوري و الكاس...
اصبر معاي..باذن الله بنخلي هالمنتدى...
يعطيهم قصه و ايخلي منتدانا ..هو منتدى كل الناس...

في الاسهم و الاقتصاد..العام و المنزلي:eek5:
وحتى الرياضه...بس دعمك و نِفَـسِك انت و كللل اخواننا
معاي...و الله ايجيب اللي فيه الخير...

انا ما بي 25 الف ريال حق ملطشة مجلس
...انا غايتي اكبر...بس الحساب
عليكم يا المنتدى:)