المساعد الشخصي الرقمي

مشاهدة النسخة كاملة : برنامج (( بعنا وشرينــــــــا )) 31/3


مغروور قطر
31-03-2005, 10:47 AM
الف الف الف مبرووووك للي بااااع وشراء ويستاهلون عني انا بعت في مواشي وشريت في السلام والله يوفق يارب











تحياتي لكم ;)
بيل جيتس
31-03-2005, 10:50 AM
شريت السلام اليوم وكنت ابى ابيع على لمت اب اخر التداول

لكن مافيش نصيب

اجرى جرى الوحوش غير رزقك لن تحوش

والله يوفق الجميع
شيطونة
31-03-2005, 10:51 AM
ما ترتاح انت ارتاح شوي من الصبح وعيونا بققه
مغروور قطر
31-03-2005, 10:51 AM
الله يوفقك اخوي بيل جيتس
سهم عتيج
31-03-2005, 10:52 AM
اليوم حركة السوق بين مد وجزر,, وأعتقد فيه شيء محد كان منتبه له,, وهو ان اليوم هو آخر يوم للربع الأول,, وبالطبع المحافظ الكبرى لأسهم الشركات اليوم قاعدة تعيد ترتيب أوراقها عدل,, لذلك فأعتقد بأن اليوم بالفعل كان يوم مرن جدا جدا,,

والله يوفق اللي باعوا وفي نفس الوقت شروا..
مغروور قطر
31-03-2005, 10:53 AM
يسلموو اخوي سهم عتيج
بيل جيتس
31-03-2005, 10:53 AM
مشكور مشرفنا العزيز مغروور

والله يوفق الجميع يـــــــــــــــــــــــــــارب ويربحهم :D :D :D
شيطونة
31-03-2005, 10:55 AM
صلاه بارك الله فيكم
مغروور قطر
31-03-2005, 10:55 AM
جزاج الله الف خير أمرتي بالخير
شيطونة
31-03-2005, 10:57 AM
انا طالعه مع السلامه واتمنى لكم اجازه سعيده ...وسترو على ما واجهتو
بيـــزات
31-03-2005, 10:57 AM
المايك ولا تهون :)


يسلمو اخوي مغرور على مجهودك.........



والله اليوم كالعاده متفرج من الطراز الاول... وغثونا شوي مع المطاحن

لكن في الدقايق الاخيره ارتحت نفسيا... وتوجه السوق بدا يبشر بالاطمئنان


شاكر لك اخوي

بالتوفيق للجميع
متداول
31-03-2005, 11:00 AM
مبروك مغرور قطر اخيراً صدناك وصرت ويانا في اسهم السلام الحين الله يعينك وتقعد يوم الاحد تراقب وتابع السهم زين ما زين :p
انا اليوم بس اتابع السوق خاصة السلام صار واحد يلقط الاسهم تلقيط على سعر 65.6 .
بس انشاء الله يوم الاحد يكون مرحلة جديدة للسهم .
مبروك للشرا واللي باع .
وسلامتكم,,,,
مغروور قطر
31-03-2005, 11:05 AM
اخوي متداول انا عندي من قبل بس قليله الحين زت الطين بله وذنبي في رقبتكم وخاصه قطر غرقني معاه وشجعني يوم قال باع تجاري وشرا في السلام
مغروور قطر
31-03-2005, 11:05 AM
اخوي بيزات اشكرك والله على تعبك اليوم معانا وعطيك العافيه
متداول
31-03-2005, 11:09 AM
عسى شريت مطاحن ؟
بيل جيتس
31-03-2005, 11:10 AM
توقعاتكم للسلام في المرحله القادمه ..

قطر ... مغروور ... ابوعلى اليافعى .. خبير مالى ... سهم عتيق ... انتعاش ...

وجميع الخبراء المتابعين لهذا السهم


هل هناك تأثير لدخول الاجانب على السهم انا اعرف انه مسموح للاجانب التداول فيه لكن هناك من سيدخل جديد على سوقنا واعتقد ان السهم سيجذبه للتداول فيه من اجل الاكتتاب والاسهم المجانيه

ارائكم ...................... :d
الدانة عنود
31-03-2005, 11:12 AM
سوقنا محد يعرفله عجز الخبراء الماليين

انا اقول اي شي تتوقعه سو عكسه تنجح هذي النظريه مطبقتها ولله الحمد فالحه معاي
مغروور قطر
31-03-2005, 11:23 AM
توقعاتي لسهم السلام سوووف يشهد ارتفاع ولاكن الله يعلم ماهو سعر الارتفاع واعتقد انه سووف يؤثر دخول الاجانب على سهم نعم لماذا لان موجة الارتفاعات سوف ترفع السوووق باكمله ومن ضمنهم السلام ان شاء الله
بيل جيتس
31-03-2005, 11:31 AM
سووف يؤثر دخول الاجانب على سهم نعم لماذا لان موجة الارتفاعات سوف ترفع السوووق باكمله ومن ضمنهم السلام ان شاء الله

هل تعنى انه سيرتفع مع الخيل ياشقرا وليس لقوة الشركه ماليا
مغروور قطر
31-03-2005, 11:38 AM
والله اعتقد انه سوف يرتفع معا الخيل ياشقرا وزائد شركه مقبله على مشاريع كبير
إنتعاش
31-03-2005, 12:26 PM
هلا فيكم يا اخوان


والله اليوم قدر الله علينا وشريت لي في عدة شركات

1- صناعات
2- تحويليه
3- وقود
4-ملاحه
5- اسمنت
6-متحده


وان شاالله يكون لهالخطوه مردود ايجابي يااااااااارب

وشاكر لكم :)
502
31-03-2005, 12:28 PM
اليوم شريت المتحدة ..............
مغروور قطر
31-03-2005, 12:29 PM
الله يطرح لكم فيها اربح الوفير يارب
الخبير المالي
31-03-2005, 12:32 PM
اخوي بيل جيتس سهم السلام لوقارنته باسهم الخدمات من نواحي كثيرة تجده افضل حيث ان عائد السهم =1.29
والعائد على الاسهم التالية هو كالتالي
الاجارة 48 درهم
الفحص الفني 1.16
المخازن 3 درهم
لذلك هو افضل من ناحية عائد السهم

اما في حالة تمت مقارنة سعر السهم الى القيمة الدفترية نجده 5.84 مع العلم بان متوسط السعر الى القيمة الدفترية بالنسبة للخدمات هو 6.79 فهو ايضا افضل من بعض الشركات على سبيل المثال المواشي القيمة الدفترية لها 4.93 ومع ذلك نجد ان سعر السهم الحالي اكثر من 14 ضعف القيمة الدفترية, وعليه فهو يعتبر افضل من غيره

اضف الى ذلك توزيعات السهم ستكون بتاريخ 17/4/2005 اي بعد دخول الاجانب وصحيح ان الاجانب مساهمون حاليا في الشركة ولكن هناك فئات جديدة ستدخل لاول مرة. ومن المنتظر في 30 مايو القادم عقد اجتماع للجمعية العمومية غير العاديةوسيكون مخصصاً لمناقشة اندماج مجموعة السلام في السلام العالمية والقيمة السوقية العادلة ورفع رأس المال عينياً.
واتوقع ارتفاع سعر السهم للاسباب اللي ذكرتها بالاضافة الى ارتفاعه مع موجة الارتفاعات التي سيشهدها السوق قريبا
مستثمر طموح
31-03-2005, 12:39 PM
اول مرة اشتري النقل البحري ما ادري شد خلني البحر :o اللة يستر

تهقون يرتفع :confused: ولا يقطني علي السيف مفلس :(
بوناصر1
31-03-2005, 12:41 PM
انا كنت شاري 240 في بنك الدوحه ب238 وبعتهم ب252.2 وشريت المواشي ب59.5 وانشا الله ابيعهم يوم الاحد بلمت اب ادعولي
مغروور قطر
31-03-2005, 12:42 PM
اللله يربح من شرا اليوم وباع والي شرا لا يتحسف ان شاء الله ربحان
بيل جيتس
31-03-2005, 12:45 PM
اخى خبير مالى .....

احب جدا اقرأ تحليلاتك لانها مبنيه على اسلوب علمى وعملى فى نفس الوقت . وهذا ان دل على شيء انما يدل على خبرتك الكبيره فى هذا المجال . وصحيح انك اسم على مسمى ...

اذا كان وقتك يسمح ممكن تسوى لاخواننا فى المنتدى دروس لشرح المصطلحات الفنيه المستخدمه فى الاسهم وكيفية الاستفاده منها وكذلك شرح انواع البترن ويجزيك الله عنا الف خير .

وشكرا مره اخرى على الرد .
الخبير المالي
31-03-2005, 12:58 PM
يعطيك العافية اخوي بيل جتس واتمنى اني وضحت لك صورة سهم السلام واعذرني على التقصير
ابوعلي اليافعي
31-03-2005, 01:11 PM
السلام عليكم ..انا اليوم قمت بعمليه واحده فقط وهي شراء كميه لاباس بها في شركة السلام ..اتمنى ان يصعد هذا السهم ويصل الى سعره العادل بالنسبه لتوزيعاته..بس هذا الي سويته اليوم بانتضار القادم يوم الاحد..ونشالله خير..واتمنى للجميع اجازه سعيده....
مغروور قطر
31-03-2005, 01:27 PM
اخوي بو علي الله يوفقك وانا نفس العمليه شريت في السلام وبعت مواشي
اللورد
31-03-2005, 01:36 PM
انا اليوم شريت وقود مع انها عندي من قبل بس الصراحه حبيت ازود الكميه لأنها فعلاً شركه تستاهل الشراء بسبب النمو السنوي القوي في الأرباح حيث انها في السنه الأولى وزعت 15% واللان السنه الثانيه وزعت 25% . واتوقع ان تصل السنه القادمه مابين 35-40%
مغروور قطر
31-03-2005, 01:40 PM
اخوي اللورد صحيح كلامك وشركة قويه جدا وخاصه انها في صدد فتح المحطات قريبا وتوقع لها ارتفاع كبير وانها من الاسهم الاستراتيجيه
Chanel
31-03-2005, 03:07 PM
انا اليوم بعت متحدة وشريت صناعات وانشالله خير
The Edge
31-03-2005, 03:07 PM
مرحبا شباب أنا اليوم شريت في المتحدة و الكهرباء و حاولت في التحويلية .. بس كان الوسيط بطئ شوي و ما لحقت
مغروور قطر
31-03-2005, 03:08 PM
الله يوفقكم وان شاء الله ربحانين يارب
النجم
31-03-2005, 04:11 PM
شريت مواشي وكهرباء
مغروور قطر
31-03-2005, 04:16 PM
تستاهل اخوي نجم عساك شريتهم بأقل سعر
قطر
31-03-2005, 05:37 PM
السلالالالالالالالالالالالالالالام عليكم

ومساكم الله بالخير

انا اليوم مثل ماقلت الصبح بعت الدوحة والتجاري والاهلي

وشريت في السلام طبعا مب بكل المبلغ :D

لاني كنت ناوي احط اوردر وهمي على شركة معينه بحيث ان سعرها ماينزل :D

لكن الحمدلله هونت لان صار فيها بيع وكنت باتدبس صح :eek:

بس الحمدللله على كل حال وعسى السلام ايشد حيله


هلابكم
مغروور قطر
31-03-2005, 05:40 PM
عليكم السلام اخوي قطر والله انت شجعتني على السلام معن عندي اسهم فيها من قبل بعت مواشي وشريت السلام والله يوفقنا يارب
قطر
31-03-2005, 05:43 PM
هلا مغرور

ان شالله فيه الخير

:) بس قول يالله ههههههههه


بس ها لاتدعي علي

ودام عندك اسهم من قبل بيطلع لك افرج حلوووو


صح ولا انا غلطان
مغروور قطر
31-03-2005, 05:44 PM
صحيح طالع لي افرج حلو 49 ريال
قطر
01-04-2005, 01:03 AM
مغرور اذا الافرج الحين 49

مع الاكتتاب احلا :)
relaax
01-04-2005, 01:53 AM
انا الصراحه صار لي فترة اجمع في اسهم المتحده والسلام والعقارية. :)

ابيع واشتري فيهم .. بس من اسبوع مسكت اللي عندي .. والله يحقق اللي فبالي..

بالمناسبة لعبت فالبنوك شوي :)))
بـوصـالـح
01-04-2005, 06:34 PM
السلام عليكم جميعا

انا كنت متفرج من الطراز الاول

بس صادني موقف مب صاحي

قلتولي قول (( طيب ))

ويوم شفت السوق لمت اب ( طلعت الساعه 10 ونص ) قلت خلاص خلنا انروح البريد

وبالطريق قلت خلني اتريق شوي ( الدجاج الحار ) بالريان

قبله في صراف , سحبت الفين ريال وحطيت المبلغ بالبوك وقلت خلني اسحب بعد الف

سحبت البطاقه ونسيت اسحب الالف

ورحت الكافتيريا ويوم حاسبت _ حسيت في نقص بالمبلغ _ حسبت الا الف ناقصه شسالفه يالطيب

يمين يسار يمين يسار فوق تحت المخبا اهنيه اهناك ( بخصوص الالف الحين )

رديت للصراف _ قلت يمكن مغلط وما سحبت _ واشيك عالمعاش الا طلع صج ساحب 3 الالف

وقلت لا حول ولا قوة الا بالله - رضيت بالامر - وقلت هذا من ربي اكيد في شي غلط عندي

المهم تذكرت اني قبل اسبوعين دشيت بصفقه بالوقود وطلعت منها حوالي 25 الف وما طهرت النسبه المطلوبه

لاني ما اعرفها (( فقلت بسأل بعدين عنها )) وخلنا نشتغل بالمبلغ

قلت بس يمكن علشانها

المهم رحت البريد واشيك عالبريد ورسايل من الصناعات باسم بنتي ( انا ما عندي بالصناعات ) كل اسهمي بعتها من زمان

واشيك -__ - طلع ان باقي 200 سهم باسمها ونسيت اصرفها - صرفت الكميه من قبل ونسيت 200

اشلون ما ادري

حصلنا الشيك وفيه 700 ريال ارباح و200 سهم

وقلت سبحان الله - راحت من اهنيه وربي عوضها اضعاف من اهنيه

وبعدين طولت عالمسجل هههههههههههههه ولكن طلع عبدالله بالخير باغنيته الخبله الجديده - بس ريمكس هندي عجيب -


وسلامتكم واسمحولنا عالاطاله

ولكن لو حد يدري بنسبة تطهير الوقود يقولي

مع العلم ان الربح 25 الف

والف شكر
اللورد
01-04-2005, 06:42 PM
http://www.qatarshares.com/vb/showthread.php?t=1084

اخي هذا الرابط يفيدك

والنسبه هي 7.7% وهي (1925) ريال
سهم طايش
01-04-2005, 10:12 PM
سبحان الله يا بوصالح

صج سالفه عجيبه

الله يعطي و ياخذ

و الحمدلله على الزين و الشين
بـوصـالـح
02-04-2005, 05:08 PM
شكرا ياللورد على افادتي بنسبة التطهير

ومثل ما قلت يا سهم طايش ( ربك ياخذ ويعطي )

والحمدلله على كل حال