حماية المستهلك تدرس أسباب زيادة أسعار المشروبات الغازية

[سيف قطر]

الشركات بررتها بارتفاع المكونات الأساسية.. حماية المستهلك تدرس أسباب زيادة أسعار المشروبات الغازية
| تاريخ النشر:يوم السبت ,7 مارس 2009 11:32 ب.م .



الدوحة – الشرق :
استجابة لما أثير بتاريخ 3/3/2009 بخصوص زيادة أسعار المشروبات الغازية، وفي ضوء دور الوزارة في التأكد من أسباب الزيادة ومعقوليتها بهدف حماية المستهلك، قامت إدارة حماية المستهلك بتاريخ 4/3/2009 بمخاطبة الشركات المالكة لحقوق التوزيع والموردة لها، وتم استلام ردودها في نفس اليوم. ولقد أكدت هذه الشركات برفع سعر الكرتون (24 علبة) المباع على السوق المباشر والأسواق الخاصة والهايبر ماركت على النحو التالي:
السوق المباشر والممثل في البقالات والمحلات الصغرى من 21 ريالا إلى 25 ريالا مع منح كرتون مجاني لكل 7 كراتين مباعة بحيث يصبح سعر الكرتون 21.88 ريال
الأسواق الخاصة والهايبر ماركت من 21 ريالا إلى 24 ريالا مع منح خصم مكتسب (عائد على المشتريات) يتراوح من 3 إلى 4 ريالات للكرتون الواحد ليصبح صافي السعر من 20 إلى 21 ريالا.
وأفادت الشركات الموردة بأن أسعار منتجاتها لم تتغير منذ 20 سنة ماضية مقارنة بأسعار العصائر والحليب ومشتقاته، وقدمت الشركات الموردة المبررات التي أدت إلى اتخاذ هذا القرار من جانبها، وتمت دراستها والاطلاع على المستندات المؤكدة لها من قبل الإدارة واتضح بعد الدراسة بأن هذه الزيادة مسببة على النحو التالي:
الزيادة في أسعار السكر 28%
الزيادة في أسعار الزجاج 19%
الزيادة في تكاليف العلب 13%
الزيادة في النقل 16%
الزيادة على المرتبات والحوافز 15%
الزيادة في طراءات الخام والتعبئة والتغليف 15-20%
ورغم هذه الزيادة المسببة من جانب الشركات، الإ أن إدارة حماية المستهلك تدرس حجم هذه الزيادة والزيادة بحد ذاتها بعناية للتأكد من معقوليتها لاتخاذ ما يلزم نحو حماية المستهلك من أية زيادة غير منطقية خلال الأيام القليلة القادمة، كما سوف تناقش الوزارة الشركات الموردة في شأن تخفيض سعر بيع الكرتونة في ضوء المتغيرات الجديدة على المستوى العالمي بما يخص أسعار المواد الداخلة في صناعة المشروبات الغازية.
وإذ تأسف حماية المستهلك لهذه الزيادة المفاجئة فإنها تؤكد للمستهلكين بأنها لن تدخر أي جهد لكبح أي زيادة في الأسعار خلال هذا العام، وسوف تتواصل مع المستهلكين بتطورات هذا الموضوع أولا بأول.

[دلة الرسلان]

دامها زيادة مبررة يعني نتوقع يرتفع البيبسي الى رياليين مثلا !!

[سيف قطر]

دامها زيادة مبررة يعني نتوقع يرتفع البيبسي الى رياليين مثلا !!

:nice: وصباح الخير أختي دلة .. المبررات دائما :omen2: غير مقنعة .

[الموضوعي]

وحماية المستهلك ماتتحرك من نفسها لازم احد يقولها

[غناتي1]

بيناقشون لين ما ترتفع اسعار المشروبات الى ريالين

[ANONYMOUS]

زعلانين عشان البيبسي ارتفع نص ريال..

والفيلا ارتفعت من 600 الف لين 3 ملايين.. ولا حد قال بم


عجيب امركم

[hemoud123]

زعلانين عشان البيبسي ارتفع نص ريال..

والفيلا ارتفعت من 600 الف لين 3 ملايين.. ولا حد قال بم


عجيب امركم

مقارنه غير موفقه

[Mansour_qa]

صراحة أنا ما دري ليش المشروبات الغازية لها شعبـية مع إنها مظرة بالصحة وكلها سكريات وتساعد على تخمير الأكل في البطـن ..؟

قاطعو المنتج وريحو مخكم ..

[ANONYMOUS]

مقارنه غير موفقه


موفقه ونص..

العقار تسكن فيه.. استقرار نفسي .. أو تأجره.. استقرار مالي..

اما البيبسي بلعنتين.. ان شالله يوصل القوطي الف ريال..

فيه عشرات البدائل ..



عموما وجهات نظر..

واسمح لي ع الإطاله اخي الكريم

[moonبنتnight]

قاطوعها 00 والله بنزلون السعر إلى نص ريال 00

ماكينه حاطين عليها ريالين 00 ومحلات ريال ونص 00

أخبر من سنين أرتفع إلى ريال ونص كلوهم الناس وذيج الأيام رخص 00

لحين أنهيار عالمي 00 وأرتفاع في المشروبات الغازية 00

[بن يوسف الثقفي]

زعلانين عشان البيبسي ارتفع نص ريال..

والفيلا ارتفعت من 600 الف لين 3 ملايين.. ولا حد قال بم


عجيب امركم

ههههه

وايجار الشقق من 1200 الى 10000 و7000 جريمه
ونسيتوا قطع غيار السيارات وتلاعب التجار

الصراحة اللي قاعد يصير اقدر اسميه نهب واستقلال
يعني بالعربي منيشنين على المعاش والبقاء للاقوى

البنك يخطط والتاجر يخطط وكله يخطط على هذا المعاش
كل ماسمعوا ان في زيادة في المعاشات اجتمعوا وبدوا بالتخطيط

[عنيــــد]

زعلانين عشان البيبسي ارتفع نص ريال..

والفيلا ارتفعت من 600 الف لين 3 ملايين.. ولا حد قال بم


عجيب امركم

اتفق معاك :nice:

[شاي كرك]

في جهة اسمها " حماية المستهلك ؟؟

وين ؟؟ وشلون ؟؟ وشنهي طبيعة عملها ؟؟ ووين انجازاتها ما نسمع عنها ؟؟


:swoon2:

[الـقـاسـي]

اي هذا حيلهم على النص ريال
لو وقفت على النص ريال في البيبسي كان تهون
اما زيادة بالملايين محد تكلم
ينصبون عليها بالملايين ويسرقون القطريين محد تكلم
الحين على النص ريال يابلفيت حماية مستهلك
ياخي مانبيها حماية المستهلك اذا حيلهم نص ريال
ومراح يسوون شي
شكرا ياحرامية المستهلك مب حمايه

[الألماسي]

خلاص امسحوها بوجهي هـ المره . .

الجماعه يتأسفون :nice:

http://www2.0zz0.com/2009/03/08/05/892097148.jpg (http://www.0zz0.com)


صدق الشاعر البيزنطي يوم قال :
(( بط . . بط . . بط . . بط . . بوووطي . . قوطي . . حبيبي . . قوطي . . )) :weeping:

[PoBox]

واتضح بعد الدراسة بأن هذه الزيادة مسببة على النحو التالي:
الزيادة في أسعار السكر 28%
الزيادة في أسعار الزجاج 19%
الزيادة في تكاليف العلب 13%
الزيادة في النقل 16%
الزيادة على المرتبات والحوافز 15%
الزيادة في طراءات الخام والتعبئة والتغليف 15-20%

أعلى زياده أعلاه هي للسكر 28%

لكن زيادة السعر للقوطي = 50% مب حتى 30% !!
:omen2::omen2:

يعني تزيد التكلفة 1% يزيدون سعر البيع 3%

يازين اللي يسوي نفسه مسكين :omen2:
سواء العقار ، او الحديد ، اوالبيبسي واللبن وغيره وغيره غيره

ازدياد التكلفة كلمة حق اريد بها باطل
وفي الحقيقة هي فائده للمورد او البائع
ايا كان منتجه اللي يبيعه

[ANONYMOUS]

خلاص امسحوها بوجهي هـ المره . .

الجماعه يتأسفون :nice:

http://www2.0zz0.com/2009/03/08/05/892097148.jpg (http://www.0zz0.com)


صدق الشاعر البيزنطي يوم قال :
(( بط . . بط . . بط . . بط . . بوووطي . . قوطي . . حبيبي . . قوطي . . )) :weeping:



طالما تأسفوا.. خلاص

الوجه من الوجه ابيض

خلصنا من اسطورة النص ريال..

شوفو لكم شي ارتفع ريال.. وعقب ريالين و 5 ريال و 10 ريال.... الخ

التدرج زين.. ويجيب نتيحه

:)

[همر]

حماية المستهلك تدرس أسباب زيادة أسعار المشروبات الغازية




الاسباب ارتفاع اسعار البترول !!!

صباح الخير يا حماية المُسْتَهْلَكْ

((بفتح اللام))


:anger1:

[الألماسي]

الاسباب ارتفاع اسعار البترول !!!

صباح الخير يا حماية المُسْتَهْلَكْ

((بفتح اللام))

:anger1:



ليش لا تكون الكوكاكولا (( فقــع )) مب (( مشروب غازي )) :nice:

[مرتبش]

يدرسون..
زين متى بيخلص البحث؟
هل فيه ضرورة لانشاء لجنة للدراسة
تراني مستعد :)

[شاه بندر]

انتم تظنون ان هذي الزياده مب مدروسه من قبل الشركه

( مبرزين الدوا قبل الفلعه )

اكيد الاعذار موجوده ومرتبه ومتهندسه

[hemoud123]

خلاص امسحوها بوجهي هـ المره . .

الجماعه يتأسفون :nice:

http://www2.0zz0.com/2009/03/08/05/892097148.jpg (http://www.0zz0.com)


صدق الشاعر البيزنطي يوم قال :
(( بط . . بط . . بط . . بط . . بوووطي . . قوطي . . حبيبي . . قوطي . . )) :weeping:

خلاص ما دامهم ياسفون انا اقول طاح الحطب
والا تدرون اقول (( مالت عليهم ))

[سلمى76]

خلوها تغلى
عشان اللي ما قاطعها عشان غزة يقاطعها عشان جيبه

ولا أعتقد ان الاثنين في الاجر سواء

[امل الحب]

لاتشربونها وريحوا راسكم :)

[ALHAJAJI]

صراحة وبدون زعل

اقول عادي الزيادة , خلاص الواحد بيصير فقير من هالزيادة الضخمة في سعر الغرشة خمسين في المية زيادة . وليش قامت قيامة حماية المستهلك على البيبسي وطنشوا حق جميع المواد الاستهلاكية الاخرى .

انا صراحة ما اشوف فيها شي حتى لو وصل سعرها ريالين عااااااااااااااااااااادي واتحدى اي حد تعشي في مطعم راقي ولقى سعرها ريال والا حتى ريالين ..

وخلاص تعودوا على الاسعار الجديدة

[الـمـحـنـك]

صراحة وبدون زعل

اقول عادي الزيادة , خلاص الواحد بيصير فقير من هالزيادة الضخمة في سعر الغرشة خمسين في المية زيادة . وليش قامت قيامة حماية المستهلك على البيبسي وطنشوا حق جميع المواد الاستهلاكية الاخرى .

انا صراحة ما اشوف فيها شي حتى لو وصل سعرها ريالين عااااااااااااااااااااادي واتحدى اي حد تعشي في مطعم راقي ولقى سعرها ريال والا حتى ريالين ..

وخلاص تعودوا على الاسعار الجديدة



اخوي لما هذا يزيد نص وهذا يزيد ربع والثاني يزيد ريال والثالث يزيد 5 ريال قول لي شستفدنا من الزياده ؟؟ معناته المعالجه لاسباب الغلاء المعيشي والعقارات ماستفدنا منه؟؟ ونرجع نقول لو سمحت سيدي سمو الامير البلاد المفدى احنا نبي زياده الاسعار طارت والعقارات طارت؟؟ نرجع ندور ونلف على نفس المحور بينما توجد حلول بيد حماية المستهلك والظاهر حماية المستهلك مجرد زينه بس اسم لا اقل ولا اكثر

[( الفهد )]

خلاص امسحوها بوجهي هـ المره . .

الجماعه يتأسفون :nice:

http://www2.0zz0.com/2009/03/08/05/892097148.jpg (http://www.0zz0.com)


صدق الشاعر البيزنطي يوم قال :
(( بط . . بط . . بط . . بط . . بوووطي . . قوطي . . حبيبي . . قوطي . . )) :weeping:
http://smilies.roro44.com/happy/075.gif http://smilies.roro44.com/happy/064.gif

[مجرد وهم]

زعلانين عشان البيبسي ارتفع نص ريال..

والفيلا ارتفعت من 600 الف لين 3 ملايين.. ولا حد قال بم


عجيب امركم
تصدق مقارنه موفقه تدري ليش لانه نظرتك بعيده بس بقولك شي .. اهل الاراضي الكبيره معروفين من والي خلو البنوك تفتح التسهيلات البنكيه وما اردعوها الي سببت الكثير من التضخم معروفين من .. والي مخلي من سنين ما فيه تخطيط اراضي جديده ممعروفين من .. ما تلاحظ في النهايه انه هم هم نفسهم الي يسون كل هاذا .. بس هاذول ما عليهم لا حماية مستهلك ولا بطيخ .. تذكر مصنع الانترلوك قبل كان يملكه واحد عادي في قطر وقعد سنين ياله يشيل عمره .. ويوم شراه واحد من الاعيان صارت الشوارع كلها انترلوك .. ايه الجنازه عوده والميت قطوو
:eek5:

[فلفل حار]

يعني ألحين هدو قلة بعض الموارد وأرتفاع الاسعار بشكل رهيب مثل البيض والعيش وحتي الموز !:omen2:

خلووا كل شي مهم في حياتنا اليوميه وركزوا علي ارتفاع المواد المضره مثل هالبيبسي وغيره !:omen2:

وااااااعجبي :secret:

وايد عليهم يحليلهم :)

شكله هالمسؤول كرشته مترين قدام من هالبيبسي ألي يحبه ويدافع عنه:rolleyes2:

[غـيـد]

هذا ويهيـــ إذا تغير شيــ .. وهذا ويهيـ إذا حـد نفذ قراراهمـ

مافيـ إلا احنا نقاطعـ .. وهذا هو الحلــ الوحيــــــــد

ويعطيكــ العافيهـ

[جرير]

خل يدرسون اسباب زياده الاسعار في اغلب السلع جت على البيبسي يعني

وايد عليهم هالدراسه

[al-fahad]

بارك الله فيها حماية المستهلك ..
تدرس للحين ؟؟
وىنا أقول وينها من زمان ؟
متى التخرج انشالله

[سيف قطر]

بارك الله فيكم جميعا وشكرا على مشاركاتكم

وابداء الراي

[abdulla999]

شنهو يعني حماية المستهلك وما دري وشو بيسون
صبااااااااااااااااح الخير

[سيف قطر]

شنهو يعني حماية المستهلك وما دري وشو بيسون
صبااااااااااااااااح الخير

:nice: ما سوي شي لحد الان سوى الاعتذر .

[هجمة مرتدة]

اسمع كلامك اصدقك اشوف افعالك اتعجب يا حماية المستهلك

[PoBox]

*
*


* رفض زيادة أسعار المشروبات الغازية



الدوحة - الراية وقنا : وافق مجلس الوزراء في اجتماعه الذي عقد امس على مشروع قرار وزير الأعمال والتجارة بتعيين الحد الأقصى لأسعار بعض المشروبات الغازية . وقضى قرار وزير الأعمال والتجارة رقم 90 لسنة 2009 برفض زيادة أسعار المشروبات الغازية خلال الفترة الأخيرة واعادة الأسعار الى ما كانت عليه قبل تاريخ 3 مارس. وكانت شركات توزيع المشروبات الغازية '' بيبسي'' و''كوكاكولا'' قد طبقت زيادة في الأسعار بصورة مفاجئة اعتباراً من الثالث من مارس تراوحت بين 25 % و 50 % بين 25 درهما ونصف ريال . وكانت وزارة الأعمال والتجارة قد قامت في اعقاب الزيادة المفاجئة بتاريخ 4 مارس بمخاطبة الشركات المالكة لحقوق التوزيع والموردة لها لمعرفة أسباب تلك الزيادة المفاجئة وتسلمت في نفس اليوم ردود تلك الشركات. وبعد دراسة وتحليل المبررات ارتأت الوزارة عدم ملاءمة قبول هذه الزيادة.. ووفقا لقانون التسعير الجبري وتحديد الأرباح فقد أصدر الوزير القرار رقم 90 لسنة 2009 والذي أعاد الأسعار الى ما كانت عليه قبل الزيادة.



ري أكشن سريع
ياليت في كل المواضيع يتخذون نفس هالاكشن !

[cavok]

البيبسي يباع في اللولو بريال والكرتون 21 يعني ما زودو السعر لين الحين

[ROSE]

*
*


* رفض زيادة أسعار المشروبات الغازية



الدوحة - الراية وقنا : وافق مجلس الوزراء في اجتماعه الذي عقد امس على مشروع قرار وزير الأعمال والتجارة بتعيين الحد الأقصى لأسعار بعض المشروبات الغازية . وقضى قرار وزير الأعمال والتجارة رقم 90 لسنة 2009 برفض زيادة أسعار المشروبات الغازية خلال الفترة الأخيرة واعادة الأسعار الى ما كانت عليه قبل تاريخ 3 مارس. وكانت شركات توزيع المشروبات الغازية '' بيبسي'' و''كوكاكولا'' قد طبقت زيادة في الأسعار بصورة مفاجئة اعتباراً من الثالث من مارس تراوحت بين 25 % و 50 % بين 25 درهما ونصف ريال . وكانت وزارة الأعمال والتجارة قد قامت في اعقاب الزيادة المفاجئة بتاريخ 4 مارس بمخاطبة الشركات المالكة لحقوق التوزيع والموردة لها لمعرفة أسباب تلك الزيادة المفاجئة وتسلمت في نفس اليوم ردود تلك الشركات. وبعد دراسة وتحليل المبررات ارتأت الوزارة عدم ملاءمة قبول هذه الزيادة.. ووفقا لقانون التسعير الجبري وتحديد الأرباح فقد أصدر الوزير القرار رقم 90 لسنة 2009 والذي أعاد الأسعار الى ما كانت عليه قبل الزيادة.



ري أكشن سريع
ياليت في كل المواضيع يتخذون نفس هالاكشن !






اكشن سريع ويشكرون عليه بصراحه


والحين تقدرون تاخذون هالتقرير وتعطونه اي محل يزيد في السعر

[..الاميرة..]

يعني تحركوا على النص ريال وااااااااااااااااجد عليهم صراحه !!

إحنا لا رحنا مطاعم ندفع حق البيبسي الواحد 8 ريال و12 ريال ..

ياريت يشوفون لهم شي ثاني يناقشوه وبيحثون فيه ويكون له اهميه كبيره واساسيه للمستهلك ..

فشييييله والله الحمايه بكبرها قامت على نص ريال !!!!

:omen2:

[PoBox]

يعني تحركوا على النص ريال وااااااااااااااااجد عليهم صراحه !!

إحنا لا رحنا مطاعم ندفع حق البيبسي الواحد 8 ريال و12 ريال ..

ياريت يشوفون لهم شي ثاني يناقشوه وبيحثون فيه ويكون له اهميه كبيره واساسيه للمستهلك ..

فشييييله والله الحمايه بكبره قامت على نص ريال !!!!

:omen2:


*
*


* رفض زيادة أسعار المشروبات الغازية



الدوحة - الراية وقنا : وافق مجلس الوزراء في اجتماعه الذي عقد امس على مشروع قرار وزير الأعمال والتجارة بتعيين الحد الأقصى لأسعار بعض المشروبات الغازية . وقضى قرار وزير الأعمال والتجارة رقم 90 لسنة 2009 برفض زيادة أسعار المشروبات الغازية خلال الفترة الأخيرة واعادة الأسعار الى ما كانت عليه قبل تاريخ 3 مارس. وكانت شركات توزيع المشروبات الغازية '' بيبسي'' و''كوكاكولا'' قد طبقت زيادة في الأسعار بصورة مفاجئة اعتباراً من الثالث من مارس تراوحت بين 25 % و 50 % بين 25 درهما ونصف ريال . وكانت وزارة الأعمال والتجارة قد قامت في اعقاب الزيادة المفاجئة بتاريخ 4 مارس بمخاطبة الشركات المالكة لحقوق التوزيع والموردة لها لمعرفة أسباب تلك الزيادة المفاجئة وتسلمت في نفس اليوم ردود تلك الشركات. وبعد دراسة وتحليل المبررات ارتأت الوزارة عدم ملاءمة قبول هذه الزيادة.. ووفقا لقانون التسعير الجبري وتحديد الأرباح فقد أصدر الوزير القرار رقم 90 لسنة 2009 والذي أعاد الأسعار الى ما كانت عليه قبل الزيادة.



ري أكشن سريع
ياليت في كل المواضيع يتخذون نفس هالاكشن !





حماية أيييه ياخوووويااا :omen2:
شوفي من اللي قام :rolleyes2:


هذا بيبسي يعني مش مسكن مثلا او مواد اولية وغيره
والبيبسي مثل ماانتي عارفة اهم من الاساسيات والسكن :rolleyes2: :omg:

عموما مانبي ناخذ الجانب السلبي بس
على الاقل نقول جزاهم الله خير على التحرك الايجابي حتى لو كان في الهوامش

[..الاميرة..]

حماية أيييه ياخوووويااا :omen2:
شوفي من اللي قام :rolleyes2:

هذا بيبسي يعني مش مسكن مثلا او مواد اولية وغيره
والبيبسي مثل ماانتي عارفة اهم من الاساسيات والسكن :rolleyes2: :omg:

عموما مانبي ناخذ الجانب السلبي بس
على الاقل نقول جزاهم الله خير على التحرك الايجابي حتى لو كان في الهوامش


مجلس الوزراء بكبره !! يامعود قول غيرها !! :omg::secret:

ماشاء الله تبارك الرحمن ولا إله إلا الله واشهد ان محمد عبده ورسوله ..

ياريت يشوفون اسعار البيض والحليب واللبن كان قبل على ريال وزادوه من فتره نص ريال
ليه ما شوف هالزيادة وعلى الاقل فيه منه فايده وغير مضر بالصحه !!!! :omen2:

وبعد سعر الرز والموز يقولون بعد ارتفع سعره :omen2:

ويطلعون بعد اشوي فوق ويشوفون سعر الاسمنت والحديد وسعر الأراضي

وسعر العقارات وسعر الاجارات بالبيوت الشعبيه والفلل والشقق إذا فعلاً يهمهم مصلحة المستهلك خل يشوفون هالامور المهم ..

وازيدك بعد سعر قاعات الافراح الخياليه !!:omen2:

والله فيه اشياء وااااااجد لو يشوفونها ابرك .. ذيك الساع بنقول كثر الله خيركم وعساكم ع القوه وما قصرتوا ..

أما بالنسبه لسعر البيبسي يخلوووه على ريال ونص هالنص ريال ماراح يفقرنـــــا ياخوي !!