ما بعد الجرد ؟؟؟

[دلة الرسلان]

السلام عليكم ورحمة الله وبركاته

بغيت بدلة معينة لبنتي ما حصلتها فتحت الكبت وكانت كمية الملابس المرتبة فوق بعض تحجب

الرؤية عن الكميات اللي وراها في البداية كنت صبورة ابحث بكل رقة وحرفية ولكن وبحركة

سريعة ردمت الملابس من كل الأدراج على الأرض واصبح الكبت خالي على عروشه :)

وهكذا انطلقت شرارة الجرد المفاجئة لباقي غرف المنزل لأكتشف ما يلي :

- كمية كبيرة من ملابس البنات الغير ملبوسة لأنني اشتري اللي يعجبني:shy:

- جاكتات وبشوت شتوية بأعداد كبيرة ( ليش نكثر دام الشتاء قصير )

- تحف ولوحات وتذكارات مخزنة لأن مالها مكان وما تبغي ترميها يازعم ذكرى:rolleyes2:

- ادوات رياضية وأجهزة استخدامها الوحيد منشر فوط .:shy:

-اما ادوات المطبخ والمواعين فتبغي لها موضوع بنفسه .

:) :) :) :)

السؤال هل ترى او ترين ضرورة لجرد غرفتك او منزلك ؟ ومتى اخر مرة جردته ؟

والسؤال اللي فعلا مهم اشلون تتصرفون بالأغراض اللي بحالة جيده وبتكون نافعة لغيركم ؟

[عاشق الشهادة]

كلامج موجه للنساء والبنات :weeping:

[الـقـاسـي]

والله ياكثر الأغراض اللي يبي لها جرد في أكثر البيوت
المشكلة أحياننا ولله الحمد أشياء تكون مستخدمة أستخدام بسيط جدا وتعتبره جديدة
ومالنا حاجة فيها
ليش مانتصدق فيها , لو حاول الواحد يحصله صعب انه يتصدق فيها بس مافيه أسهل من أنه يرميها
انا أمي جزاها الله خير ماتخلي شي أحيانا حتى شغلات أبيها ههههه

بس ماقلتي لنا دلة أنتي شسويتي فيها المفروض تبدين أنتي ؟

[دلة الرسلان]

كلامج موجه للنساء والبنات :weeping:

يا هلا اخوي وبعد للرجال هاذا انا اكتب واطالع اغراض زوجي من كتب وهدايا واكياس وشناط

كمبيوتر مغبرة ونظارات شمسية وادوية حساسية وصور موزعة على الأرض من امس مازال

متردد في اتخاذ القرار :)

[شاي كرك]

توقعت ان الموضوع يتكلم على موضوع جرد مكان " اكبر من البيت " .. :)

[عاشق الشهادة]

يا هلا اخوي وبعد للرجال هاذا انا اكتب واطالع اغراض زوجي من كتب وهدايا واكياس وشناط

كمبيوتر مغبرة ونظارات شمسية وادوية حساسية وصور موزعة على الأرض من امس مازال

متردد في اتخاذ القرار :)





الرجل يرتب وينظف لا هذا من اختصاص الحرمه وليس الرجل.

[هتـان قطر]

صباح الخير دلة..

بالنسبة الى شخصي الكريم ..:) ما اخلى الملابس تتراكم لفترة طويلة

يعني مع قدوم الاعياد وقبلها بكم يوم لازم اطلع الاشياء اللي احنا في غنى عنها

واوزعها على المحتاجين وطبعا اكون عارفة وين أوديها..فيه عائلة محتاجة

اعرفهم معرفة شخصية اتصدق بها عليهم ياخذون اللي يناسبهم والباقي

يطرشونه لاهلهم في بلادهم..على قولة أمي " الله لا يكدره"

بس مشكلتي البنات الكبار الله يهديهم لا هم راضيين ادش غرفهم وانبش كبتاتهم

ويالله يالله بعد زور يطلعون اللي عندهم..

والله يادله ان بعض الملابس جديد ما انلبس ولا مرة..

[دلة الرسلان]

والله ياكثر الأغراض اللي يبي لها جرد في أكثر البيوت
المشكلة أحياننا ولله الحمد أشياء تكون مستخدمة أستخدام بسيط جدا وتعتبره جديدة
ومالنا حاجة فيها
ليش مانتصدق فيها , لو حاول الواحد يحصله صعب انه يتصدق فيها بس مافيه أسهل من أنه يرميها
انا أمي جزاها الله خير ماتخلي شي أحيانا حتى شغلات أبيها ههههه

بس ماقلتي لنا دلة أنتي شسويتي فيها المفروض تبدين أنتي ؟

لو ما كنتش تحلف بس :shy:

قمت بزيارة لمكتب جمعية قطر الخيرية اللي قريب منا وصراحة استغربت من اللويث المتبرع

به البعض والأغرب اكثر هو طريقة ترتيبهم يعني مصممين صناديق منظرها جميل لجمع

الملابس ولكن الملابس قذرة جدا ومعفسة على بعضها بشكل سيء ومهين لمن يحتاجها.

[دلة الرسلان]

توقعت ان الموضوع يتكلم على موضوع جرد مكان " اكبر من البيت " .. :)




كلكم راع ومسئول عن رعيته يا الكرك يعني أنا ربة بيت اجرد بيتي والكبير يجرد اللي عنده:)

وانت جردت ولا كل شيء مكركب ؟

[دلة الرسلان]

الرجل يرتب وينظف لا هذا من اختصاص الحرمه وليس الرجل.

يالهي ومن قال ان الرجل يرتب وينظف ؟ ولكن هل تريد ان نغط شيء من اغراضكم التي

نراها غير مهمة وترونها خاصة جدا ؟

[الـقـاسـي]

لو ما كنتش تحلف بس :shy:

قمت بزيارة لمكتب جمعية قطر الخيرية اللي قريب منا وصراحة استغربت من اللويث المتبرع

به البعض والأغرب اكثر هو طريقة ترتيبهم يعني مصممين صناديق منظرها جميل لجمع

الملابس ولكن الملابس قذرة جدا ومعفسة على بعضها بشكل سيء ومهين لمن يحتاجها.

المشكلة في ناس فاهمين التبرع غلط يتبرعون بالاشياء الغير صالحة للأستهلاك الحيواني وليس الأدمي

[دلة الرسلان]

صباح الخير دلة..

بالنسبة الى شخصي الكريم ..:) ما اخلى الملابس تتراكم لفترة طويلة

يعني مع قدوم الاعياد وقبلها بكم يوم لازم اطلع الاشياء اللي احنا في غنى عنها

واوزعها على المحتاجين وطبعا اكون عارفة وين أوديها..فيه عائلة محتاجة

اعرفهم معرفة شخصية اتصدق بها عليهم ياخذون اللي يناسبهم والباقي

يطرشونه لاهلهم في بلادهم..على قولة أمي " الله لا يكدره"

بس مشكلتي البنات الكبار الله يهديهم لا هم راضيين ادش غرفهم وانبش كبتاتهم

ويالله يالله بعد زور يطلعون اللي عندهم..

والله يادله ان بعض الملابس جديد ما انلبس ولا مرة..




زين انتي تعرفين عائلة محتاجة بس الكثير ما يعرف اشلون يتصرفون ؟؟

اعرف اخت تقييم سوق خيري اذا تجمعت عندها الأغراض وتبيعها على الآخرين بسعر رمزي

لصالح اسر فقيرة اخرى وكانت الله يجزاها خير خادمتني بشكل كبير .

ولكن هذه كلها جهود فردية ياليت تكون الجمعيات الخيرية اكثر فعالية في هذا الشأن .

[هتـان قطر]

زين انتي تعرفين عائلة محتاجة بس الكثير ما يعرف اشلون يتصرفون ؟؟

اعرف اخت تقييم سوق خيري اذا تجمعت عندها الأغراض وتبيعها على الآخرين بسعر رمزي

لصالح اسر فقيرة اخرى وكانت الله يجزاها خير خادمتني بشكل كبير .

ولكن هذه كلها جهود فردية ياليت تكون الجمعيات الخيرية اكثر فعالية في هذا الشأن .


دلة انا افضل تبحثين بنفسك عن عائلة محتاجة تتواصلين معاهم

تذكرينهم بالاعياد وبرمضان وبوقت المدارس,, بدل رمي الاغراض

في ايدي ناس ما تدرين هل هم بيوصلونهم والا لا..

حاولي تمرين على المناطق اللي تشوفينها على قد حالها

وصدقيني راح تكتشفين ناس يفتقرون لابسط امور الحياة..

الله يجزيك ويجزي داعياتنا كل خير والله انهم ما يقصرون

بس كل انسان لابد يعطي صدقته لمن يحتاجها فعلا..

[دلة الرسلان]

المشكلة في ناس فاهمين التبرع غلط يتبرعون بالاشياء الغير صالحة للأستهلاك الحيواني وليس الأدمي


احسنت يتبرعون باشياء تفشل وبعضهم ذا ما كان اغلبهم يحتفظ باغراض وملابس ماراح

يستخدمها بس كله يفكر انه بيحتاجها في يوم من الأيام ويمكن تمر السنيين ما جات حاجتها.

[classic2004]

انا ما احب اجمع اشياء
احب المكان حوالي يكون فيه اقل عدد ممكن من الخراويش :)
بالنسبة للثياب ..
اعطيها جيراننا ويطرشونها مصر ..
او اي حد محتاج يمر علي
بالنسبة للاغراض الثانية الوالدة تعرف ناس وايد محتاجين ودايما يمرون عليها ياخذون فاوديهم لها وهي تتصرف

[The Watcher]

والله فعلاً

يبيلنا سياسية جديدة في المشتريات

بسوي جرد قريب

[Ghost]

يالهي ومن قال ان الرجل يرتب وينظف ؟ ولكن هل تريد ان نغط شيء من اغراضكم التي

نراها غير مهمة وترونها خاصة جدا ؟

بالعكس اختي ايش المشكلة لما يرتب ويشوف اغراضه اللي يبيها واللي ما يبيها زي ما ذكرتي الواحد بيشتري ويخزن ويجي العام اللي بعده بيشتري نفس الغرض وتسلمي ولما ارجع من السفر باعمل انا والمدام جرد للبيت والله في ادوات رياضية احيانا زيادة ومالها داعي الى الان ما ركبت وتسلمي مرة اخرى

[الوجبه]

مؤسسه عيد بن محمد اختي .. وزعي احسن لج

[همي علي قدي]

انا تقريبا فالسنه من ثلاث الا اربع
مرات اسوي جرد للبيت كامل ماحب الاغراض تتراكم عندي
وانا اعرف كذا عائله محتاجين اعطيهم الاغراض
وانا احب اوصل الغرض للاشخاص اللي انا اعرف انهم محتاجين وينتظروني بين فتره وفتره
لكن المؤسسات ناس وايد بيتبرعون لهم والله العالم بيوصل للفقراء ولا لا
والمؤسسات غلابيه يطرشونه لدول فقيره برا وانا افضل الاقربون اولا بالمعروف

وموضوع وايد مهم واشكرك عليه

[!الشايمه!]

الجرد ....ينراد له طولة بال ......وحنكة.......ومعرفة ودراية...بكل صغيره
وكبيرة بالمجرود......ينراد له قدره على تقييم النافع...لاجل الانتفاع به
للوقت المناسب وللناس المناسبين... ومعرفة الشئ الذي انتهت صلاحيته.....وماعاد الا عبئ
و مصدر لتكاثر الجراثيم والامراض التي تبدا صغيره.....ثم تصبح كالوباء

وياعاشق........
اللي مهتم بحلاله يداريه بنفسه......والا ان جات على غيره....خذ القيم
وماترك وراه الا الرث....!!
.....

وجزاهم الله خير الساعيين في الخير....يامكثر الناس المحتاجين المتعففين

تحية

[دلة الرسلان]

دلة انا افضل تبحثين بنفسك عن عائلة محتاجة تتواصلين معاهم

تذكرينهم بالاعياد وبرمضان وبوقت المدارس,, بدل رمي الاغراض

في ايدي ناس ما تدرين هل هم بيوصلونهم والا لا..

حاولي تمرين على المناطق اللي تشوفينها على قد حالها

وصدقيني راح تكتشفين ناس يفتقرون لابسط امور الحياة..

الله يجزيك ويجزي داعياتنا كل خير والله انهم ما يقصرون

بس كل انسان لابد يعطي صدقته لمن يحتاجها فعلا..


كنت اطرش السائق لمنطقة ابو هامور على نصيحة الزاجل - الله يذكره بالخير - بس بعدين

يقول لي الدريول أن فيه رجال يتهاوشون مع الحريم والأطفال وياخذون معظم الاغراض ان

لم يكن كلها ومنها غيرنا الوجهه للأخت الفاضلة الله يجزاها خير توزعها بمعرفتها .

[دلة الرسلان]

انا ما احب اجمع اشياء
احب المكان حوالي يكون فيه اقل عدد ممكن من الخراويش :)
بالنسبة للثياب ..
اعطيها جيراننا ويطرشونها مصر ..
او اي حد محتاج يمر علي
بالنسبة للاغراض الثانية الوالدة تعرف ناس وايد محتاجين ودايما يمرون عليها ياخذون فاوديهم لها وهي تتصرف

لأن الخراويش ما تخليك تحصل الأشياء المهمة اللي تبغيها فعلا وتحتاجها .

الله يخلي لك الوالده لأنها فعلا مشكلة اذا ترتب وبعدين كله في اكياس الزبالة وهناك من يحتاج

وبيشكرك .

[دلة الرسلان]

باقول لكم باقي الحلول للتصرف في الأغراض وعيوبها :

بعض الأحيان نضع الأغراض حول درام الزبالة - اعزكم الله - ويمر عليها العمال وياخذون

اللي يصلح لهم بس بعدين تطور الأمر الى نبش الحاوية و تجمع مجموعة منهم وتخاف من

بعدين واصلا ما تشعر براحة من المنظر .

فْأشرايكم في وضع حاوية للملابس والأدوات عند المساجد كما هو حاصل في السعودية ويحدد

لها ايام لأستلام التبرعات وبعد شهر مثلا يتم التخلص مما بقى في الحاوية لآستلام تبرعات

جديده .

[الوعد2016]

بصراحه انا وام الاعيال نعمل جرد كل 3 شهور والاشياء التى لانرغب بها او ليس لها مكان او مناسبه ولكن انتهى وقتها يتم نقله والمحافظه عليها الى جمعية عيد الخيريه لان الجمعيه بدورها تقوم بتوزيع هذه الادوات على المحتاجين
وكذالك عند السفر وقبله بيوم يتم جرد ادوات المطبخ من مواد تموين وارسالها الى الجمعيه الخيريه للمحتاجين

[دلة الرسلان]

بصراحه انا وام الاعيال نعمل جرد كل 3 شهور والاشياء التى لانرغب بها او ليس لها مكان او مناسبه ولكن انتهى وقتها يتم نقله والمحافظه عليها الى جمعية عيد الخيريه لان الجمعيه بدورها تقوم بتوزيع هذه الادوات على المحتاجين
وكذالك عند السفر وقبله بيوم يتم جرد ادوات المطبخ من مواد تموين وارسالها الى الجمعيه الخيريه للمحتاجين


ما شاء الله عليكم مسوين جدول جرد ولكن السؤال هل حال جمعية عيد تنظيميا افضل من

قطر الخيرية ؟ يعني شفتوا اذا حفظ وتوزيع التبرعات منظم ؟

[دلة الرسلان]

والله فعلاً

يبيلنا سياسية جديدة في المشتريات

بسوي جرد قريب


اي والله اجردوا بتشعرون بالانطلاق

على طاري المشتريات وحده من الأخوات تأثرت بحملة دعونا نجرد وخلاص رتبت اغراضها

يوم اتصل عليها تقول أنا رايحة اتشرى اعوض المجرود المشكلة للحين ما سلمتني العهده:anger1:

[الوعد2016]

ما شاء الله عليكم مسوين جدول جرد ولكن السؤال هل حال جمعية عيد تنظيميا افضل من

قطر الخيرية ؟ يعني شفتوا اذا حفظ وتوزيع التبرعات منظم ؟

لم اتعام مع قطر الخيريه واكثر التعامل مع عيد الخيريه وخاصه مشروع حفظ النعم مشروع ممتاز ويكرم النعم ويحافظ عليها
ودائمآ عند زيارتي اشاهد لديهم ترتيب جديد لكل شي وباستمرار وخاصه بعد التوسع في المبنى المجاور لهم

[جادووور]

وانا اقوم بجرد ملابسي وملابس
بناتي واشوف الصالح منه للاستخدام الشغاله تقوم بغسلهم وترتيبهم ونوزعها للاسر المتعففه واقوم بجمع ملابس من بعض الاسر اللي ماتتعرف اشلون تتصرف فيهم واقوم انا ومجموعه بسيطه من البنات ومن الجيران نقوم بترتيبهم ونوزعهم للاسر المتعففه بشكل هدايا ومن غير احراج لهم وكله مجهود شخصي والاجر عند رب العالمين

[جادووور]

لم اتعام مع قطر الخيريه واكثر التعامل مع عيد الخيريه وخاصه مشروع حفظ النعم مشروع ممتاز ويكرم النعم ويحافظ عليها
ودائمآ عند زيارتي اشاهد لديهم ترتيب جديد لكل شي وباستمرار وخاصه بعد التوسع في المبنى المجاور لهم


ممكن اعرف وين مكان عيد الخيريه اللي تتكلمون عنها اي فرع

[دلة الرسلان]

لم اتعام مع قطر الخيريه واكثر التعامل مع عيد الخيريه وخاصه مشروع حفظ النعم مشروع ممتاز ويكرم النعم ويحافظ عليها
ودائمآ عند زيارتي اشاهد لديهم ترتيب جديد لكل شي وباستمرار وخاصه بعد التوسع في المبنى المجاور لهم


رحم الله والديك ترى سؤالي مهم مجموعة كبيرة من اهل قطر ما تعرف اشلون تتصرف

في اجهزة كهربائية واثاث اذا فعلا الجمعية تقدر تتصرف فيها بتكون موفرة جهد عليهم

لأن فيه ناس ما عندها مانع تعطي بس متشككين في الجمعيات .

[دلة الرسلان]

وانا اقوم بجرد ملابسي وملابس
بناتي واشوف الصالح منه للاستخدام الشغاله تقوم بغسلهم وترتيبهم ونوزعها للاسر المتعففه واقوم بجمع ملابس من بعض الاسر اللي ماتتعرف اشلون تتصرف فيهم واقوم انا ومجموعه بسيطه من البنات ومن الجيران نقوم بترتيبهم ونوزعهم للاسر المتعففه بشكل هدايا ومن غير احراج لهم وكله مجهود شخصي والاجر عند رب العالمين

في ميزان حسناتكم اختي انتي والبنات لو الواحد عنده شوية جرأه بس :shy: