هاذول شيبون بالضبط؟هل هاذي صورة قطر فعلا في نظر البعض؟

[حبر سري]

السلام عليكم

ياجماعة ماتلاحطون شي؟؟؟

المواضيع اللي تتكلم عن انحلال اخلاقي صاير في البلد (شفت قطري مع وحدة , شفت مادري من قاعدة ترقص , شفت فلانة تبوس واحد في مادري وين , المسيرة فيها بنات , وتطليعات مادري وين)

شالمقصود من هذا كله؟؟؟

والله العظيم شوّهنا سمعة البلد بشكل ماصار ولا استوى

شفت تطليعة ياخي شنسوي لك؟؟ العضيد موجود
الشرطة موجودة

ادري ناس بيردون بيقولون ياخي هاذول مب مسوين شي , طيب يعني اعضاء المنتدى وشراح يسوون؟؟ خلونا صريحين

ياجماعة والله الموضوع صار ماينسكت عنه , كم موضوع الحين قريناه (شباب مادري شقاعدين يسوون , بنات مادري شقاعدين يسوون , قطريات مادري شيسوون , قطريين طالعين مع فلبينيات او عرب!!مدارس البنات كلها بويات !! جامعة قطر مادري شفيها بلاوي!! ) , طيب وبعدين؟؟
المنتدى كله شكاوي واظهار عيوب!!!

والكل يقول ابي انبه الناس!!

تنبه حق شنو اخوي؟؟ تنبه حق شنو بالضبط؟؟
يعني لو شفنا واحد يبوس وحدة في مكان عام , بنشوف هذا شي عادي وانت بتجي تنبهنا؟؟؟
ندري انه غلط

لو شفنا قطريين (مثل الموضوع الموجود حاليا) مع بنات غير قطريات , يعني وشبتكون نظرتنا لهم؟؟ عادي؟؟؟ فري؟؟؟ وانت جاي تنبهنا؟

يالربع
اعتقد والله ان احنا فاهمين السالفة غلط , سالفة التنبيه مثل مايظنها البعض , لان ولا موضوع يمدح الدولة

(فساد اخلاقي , فساد اداري , واسطات , عنصرية , .... الخ)

هل هاذي قطر فعلا؟؟؟؟

النقد مسموح , بس جذيه عاد؟؟
واحد طلع له المول شاف واحد ويا وحدة , جا وكتب هاذي ظاهرة والشباب الحين يدورون بنات وتطليعات ومادري شنو!!!

وحدة طلعت راحت مطعم , شافت واحد يغازل وحدة جات وقالت ياجماعة قطر كلها مغازلجية , وشفت بعيني!!

اكيد في ناس مب محترمين , من كل الجنسيات قطريين وغيرهم

وين الشي الغريب؟؟؟اصابعك مب سوا , والمجتمع القطري مب مجتمع ملائكة , كل ماواحد طلع لي وراح مكان وشاف حادث كتب عنه ؟
قطو نط على موتره كتب عنه؟؟
انكسرت جامة سيارته جا وكتب؟ هذا مفهوم الديموقراطية؟؟؟ هذا مفهوم حرية الراي يعني؟ولا اي كلام وخلاص؟؟

احنا كلنا عارفين ان الانفتاح اللي تشهده الدولة راح يكون له تأثير , والتأثير هذا واضح , لكن هل تشوفون فعلا ان الوضع في الدولة منفلت؟؟ انا مااشوف هالشي , صج في تيار قوي , لكن الخير موجود الحمد لله

اذكر الكل هاجم وداد عبد اللطيف لما كانت تكتب مسلسلاتها لانه تبرز المجتمع القطري بصورة مشوّهة , طيب ليش احنا صرنا انسوي نفس اللي هي تسوّيه؟؟؟

وسؤالي :
اللي يكتبون مثل هالمواضيع اللي والله ساعات مالها معنى , وشيبون؟؟ يبون يوصلونا لقناعة ان قطر منحطة أخلاقيا؟ هذا اللي يبونه؟؟ ماراح يوصلون له لان الكل عارف مستوى قطر , وندري ان في عادات دخيلة عالمجتمع , والله ندري , لكن الخير باذن الله غالب اكثر , وحتى اللي نيته طيبة (وان شا الله الكل كذلك ) لازم ينتبه لهالنقطة

يعني انا اسأل نفسي لو جا شخص فعلا وكان ناوي ينشر صورة سيئة عن البلد , اعتقد راح يحقق مبتغاه في يومين !! والمشكلة مثل هالمواضيع تلقى التأييد لها جامح , والكل يقول ايه


والله من وراء القصد


حبر سري

[بوحارب]

اتوقع اللي يكتب نفس هالمواضيع يبون يغيرون المنكر بالكتابة والكلام فقط !

والمثل يقول

كلام + كلام = كلام

الله يعطيك العافية حبر سري

[Northman]

كلام سليم

ويش الي يبغونه من هلمواضيع التافهه و الي مالها اي هدف او معنى


ياخي و انا اقرى هلمواضيع ,, يجيني احساس ان فيه عالم ماعندها شغل و قاعدين ينصدمون و يتخرعون من كل موقف يصير في الديره

و نسوا ان ديرتنا حالها حال اي ديره ثانيه ,, فيها الزين و الشين


خلها على ربك ,,

[حبر سري]

اتوقع اللي يكتب نفس هالمواضيع يبون يغيرون المنكر بالكتابة والكلام فقط !

والمثل يقول

كلام + كلام = كلام

الله يعطيك العافية حبر سري

بو حارب
هاذي في نظري كلمة حق يراد بها باطل
تبي تغير المنكر بلسانك مثلا , ياخي اتصل في العضيد مثلا , سووا ولا ماسووا فنت بريت ذمتك

انا عجبني موضوع في المنتدى , عن واحد شاف لافتة اعتقد كانت بتطيح , وجزاه الله خير اتصل وكلم العمليات وقاموا باللازم

لو غيره كان ممكن تلاقي موضوع طويل عريض :
اهل قطر في خطر لان لافتة قد تسقط عليهم!!!!

وبعدين يابوحارب انكار المنكر مايكون بهالطريقة , لان اذا اتبعنا هالمنطق , ياخي انا مستعد اكتب مليون موضوع , كل مااطلع مكان راح اشوف اي شي واكتب عنه
واقول انكار المنكر
وفي الحقيقة موضوع وانكتب , مثل ماقلت كلام + كلام = كلام

الله يحييك يابوحارب
واشكرك على اضافتك

[حبر سري]

كلام سليم

ويش الي يبغونه من هلمواضيع التافهه و الي مالها اي هدف او معنى


ياخي و انا اقرى هلمواضيع ,, يجيني احساس ان فيه عالم ماعندها شغل و قاعدين ينصدمون و يتخرعون من كل موقف يصير في الديره

و نسوا ان ديرتنا حالها حال اي ديره ثانيه ,, فيها الزين و الشين


خلها على ربك ,,

أثنّي على كلامك يخوي

اصابعك مب سوا
كل ديرة فيها الزين والشين

واللي يقول انبه الناس , خاطري افهم تنبههم من وشو؟؟
يعني اللي كاتب موضوع الحين عن ظاهرة الشباب القطريين اللي مرافجين بنات عرب , خاطري اعرف :
وين التنبيه؟؟؟ يعني اذا شفناهم نضربهم ؟؟ ولا شنسوي يعني؟ وين التنبيه؟
ولا يبي يقول هذا غلط؟؟ وشدعوة يعني محنا عارفين؟؟ ندري انه غلط
وموجود من زمان
وعارفين هالشي
في قطررين محترمين
وفي قطررين مب محترمين
في مصريين محترمين
وفي مصريين مب محترمين
في سعوديين محترمين
وفي سعوديين مب محترمين
وفي كل دول العالم نفس الشي

حياك الله اخوي وشكرا عالتعليق

[حالي الذوق]

ابدعت اخوي حبر سري

وللاسف تكلمنا في هذا الموضوع اكثر من مره لكن لاجديد


سيتم تثبيت الموضوع لفتره لعل وعسى ان يقتدى به

بارك الله فيك اخوي

[سوق واقف]

جزاك الله الف خير أخوي حبر سري

من ستر على مسلم ستره الله في الدنيا والآخره

ويجب على الإنسان المسلم أن يكون كتوم على أمور المسلمين وليس التشهير بهم أمام الملأ..
أنا جربت العضيد الصراحة م يقصرون وجزاهم الله الف خير
هذي بلادي قطر شوفوها
http://up.damasgate.com/files/cy4azyn7nqejoqakamjk.jpg (http://up.damasgate.com/)

* * *أتمنى من الجميع النظر بعينين وليس بعين واحده
http://up.damasgate.com/files/umgjvuf6bwpftlphq7x9.jpg (http://up.damasgate.com/)

وأشكرك على الموضوع الرائع

[eXpert*]

عن أبي سعيد الخدري رضي الله عنه قال : سمعت رسول الله صلى الله عليه وسلم يقول : ( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان )

[حبر سري]

عن أبي سعيد الخدري رضي الله عنه قال : سمعت رسول الله صلى الله عليه وسلم يقول : ( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان )

صدق رسول الله

ورب العالمين قال :
لايحب الله الجهر بالسوء من القول الا من ظلم وكان الله سميعا عليما

صدق الله العظيم
سؤال اخوي:
الحين لو جيت وقلت لك امس شفت واحد راكب مع وحدة الساعة 1 فليل , والسيارة عليها مخفي ومن هالسوالف , وين تغيير المنكر؟؟؟تقدر تتكرم وتقول لي

الف شكر يااكسبيرت عالمشاركة والمرور
وحياك الله

[!قطريـة بنت القمـر!]

عن أبي سعيد الخدري رضي الله عنه قال : سمعت رسول الله صلى الله عليه وسلم يقول : ( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان )


جزاك الله خيـر توني كنت ابي استخـدم هالحديـث فيما اريد الوصول اليـه :) .....

ابي اتكـلم من منطلـق عام وشامل وليس من منظـور موضوع واحد فقـط رأيناه في الفتـرة الاخيـرة ...

من دخلت المنتـدى كان اعتراض كبير عندي على نوعيـة المواضيـع اللي تتعلق بالتكـلم عن شخص بعينه مع ان في ناس تقول لا مافيها تشهيـر ولا شخص بعينه :) ....

لا فيها تشهيـر وفيها تكلم عن شخص بعينه حتى ولو لم يتم ذكر اسم الشخص ولكن .... الله يحاسب الانسان على النيـة .... وانتوا لما تدخلون تكتبون عن شغله صارت بمكان معين بنيتكم انكم تتكلمون عن هالشخص اللي شفتوه !! اذن انتوا تتكلمون عن حد وهذا يدخل في دائرة الغيـبة وايضا التشهيـر .... للاسف ونفتح الموضوع للغلط على الشخص وكل من يدخل ايه انا شفت في المكان الفلاني بعد ايه انا اعرف ناس يسون كذا ايه انا عندي علم ودايما اشوف هالمناظر .... و ناس تدخل تسب الشخص الفلاني المشار اليه بالموضوع ....


صاحب الموضوع ما يحمل الاثم لحاله .... بيحمل اثم كل من يدخل ويسب المشار اليه .... الحديث السابق اللي اورده الاخ اكسبرت .... فيه انكار المنكر بطريقة واضحه .... ان شفنا قدام عيوننا المنكر يا انه نكلم الشخص ولا ننكر بالقلب .... مب مكتوب فيه الانكار ان احنا نشهر بخلق الله في منتديات او مجالسنا الخاصه ....


يا ليت يا اللي كانوا ينقدون على طالبين الهدايه يدخلون ويعرفون ان مقاصدنا كانت ان انكار المنكر له 3 طرق فقط وليس لهم رابع .... وهالامر في حالة التكلم عن شخص بعينه رأيناه بمكان ما .... وليس عندما نتطرق لموضوع كامل عن امر معين فهنالك تختلف الامور والموازين والكلام ....


وعذرا على اطالتي ....


اخـوي حبـر سـري .... جزاك الله خير طرح موفق وهادف ....

[ولد الخال]

أنا معك أخي حبر سري في ما ذهبت إليه في هذا الموضوع

أتوقع وقد يكون توقعي خطأ

بأن من يكثر من إنزال هذه المواضيع يهدف إلى نشر الفضيلة في المجتمع

مثل ما ذكرت أنت سابقا

ولكنه لا يعي بأنه بإسلوبه هذا يعري المجتمع ويعطي إنطباع للقاريء الغير قطري بأن المجتمع القطري خالي من الفضيلة

ومثلا على ذلك قال لك أخونا الخبير : من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان

مع أني لا أستطيع أن أوصف هذا المغير هل هو يغير المنكر بلسانه أم بيده وخاصة وأن التكنولوجيا الحديثة والضرب على الكيبورد تتطلب اليد وليس اللسان في الوقت الحالي

وكأن من يغير المنكر في الوقت الحالي قد إستخدم أقوى الإيمان لكونه يغير المنكر بيده وليس بقلبه

نعم أخي حبر سري

تخيل أني شاب سوري سمعت عن المنتدى هذا

وهو صرح شامخ يعبر عن تفاعل الشعب القطري مع الحدث اليومي المعاش

ويعكس صورة الواقع القطري

وقرأت مثل هذه المواضيع التي ذكرتها في مقالك أعلاه

ما هو الإنطباع الذي سوف أخرج منه عن واقع الشعب القطري

سوف أخرج بإنطباع

بأن دولة قطر دولة أبالسة وشياطين

والشعب القطري شعب لا يعرف الدين والأخلاق والحشمة والستر

مع أن واقعنا المعاش غير ذلك تماما

فنحن شعب متدين

ذو أخلاق عالية

نراعي الحشمة

ونتبع الستر

بس ماذا نقول لبعض الرواد والمشاركين غير أن الله يهداهم

كما نقول لمن أنشأ هذا الموقع

عليه بتوجيه مراقبيه بأن يحذفوا مثل هذه المواضيع حال نزولها في الموقع

وهذا هو دورهم بدل الأدوار التي يقومون بها في الوقت الحالي

شكرا لك على طرح هذا الموضوع

[الدوحه%]

ان شالله اخوي حبر سري :ok:

[!قطريـة بنت القمـر!]

مثل ما شكـرا الاخ حبر سري على الطرح الموفق :) ....




حبينا نشكـر الاخ المشـرف (حالي الذوق ) .... لانتباهه لتلك النقطـة ومبادرته الحسنـة لتعميم الفائده على الجميع من خلال التثبيت .... وهي خطـوه نـادر ما تتم او يتم الالتفات لها من الغيـر :) .... احسنـت اخــي الكريم حالي الذوق :) .....

[ذيبه مزاجيه]

يا كثر ما يستغربون !!!!!!

الواحد لازم يعدل الغلط في الحال .. مب يشوف و يسكت و عقب يفضفض في اماكن ثانيه انا شفت و استنكرت و و و .. شنو ينفع عقب ؟؟؟

علشان تنبط جبودنا يعني ؟؟

كفايه انه يدخل في الغيبه على فكره !!

وقالوا اضعف الايمان في القلب مب في القيل و القال ؟! ويروح ينشر ؟؟؟

ويقولون و اذا بليتم فاستتروا !! على فكره .. اذا حتى الكافر ما يصير نكفره لان ممكن رب العالمين يهديه .. ف ما بال القذف و سوء الظن في الناس ؟؟؟؟ وحتى اكبر مثال في الزواج اذا اكتشفت الخيانه اللي هي الخيانه على ما اعتقد لازم يكون فيه شهووووووووووووووووووود ؟!! تخيلوا ؟؟ لهالدرجه ..

شلون لو الواحد يتكلم عن الناس ؟؟ اذا لك القدره وقفهم بيدك و كلمهم .. مب بالضرب طبعا و لكن يا فلا و يا علانه !! او بلسانك بالنصح يمكن هه لعل و عسى يستعدلون على يدك .. او بقلبك المقصور ممكن الواحد يتحسب او يدعي بالهدايه .. على الاقل ..

صج ترا لاعت جبودنا من هالمواضيع اللي لا هي اللي تحل الموضوع و لا شي بس كلام في كلام .. يغث و يملل !!!

مثل مواضيع الزواج و اللي يتزوج على زوجته و مواضيع الصراع الدائم في انتقاد الشباب للبنات وهلم جره !!

الواحد يبي شي مفيد و هم يدورون على نفس الموال !!

وتسلم على الموضوع و لعل وعسى يتم الحد من هالمواضيع اللي من كثر ما نرد عليها نكتب نفس الردود !!

الله يهدينا و يهدي الجميع و يصلح شأن الامه ..

تحياتي ..

وايد اشتطيت سوري بس لان في بيني و بين اخوي سوء تفاهم !! >_< طلعت حرتي هني @_@

[eXpert*]

{ يَا أَيُّهَا الَّذِينَ آمَنُواْ عَلَيْكُمْ أَنفُسَكُمْ لاَ يَضُرُّكُم مَّن ضَلَّ إِذَا اهْتَدَيْتُمْ إِلَى اللّهِ مَرْجِعُكُمْ جَمِيعًا فَيُنَبِّئُكُم بِمَا كُنتُمْ تَعْمَلُونَ }


تضمنت هذه الآية اشتغال الإنسان بخاصة نفسه، وتركه التعرض لمعائب الناس، والبحث عن أحوالهم فإنهم لا يسألون عن حاله فلا يسأل عن حالهم وهذا كقوله تعالى {كل نفس بما كسبت رهينة} [المدثر : 38] ، {ولا تزر وازرة وزر أخرى} [الأنعام : 164]. وكقول النبي صلى الله عليه وسلم : (كن جليس بيتك وعليك بخاصة نفسك). فهل يتعارض ذلك مع الأمر بالمعروف والنهي عن المنكر؟! إن ظاهر هذه الآية يدل على أن الأمر بالمعروف والنهي عن المنكر ليس القيام به بواجب إذا استقام الإنسان، وأنه لا يؤاخذ أحد بذنب غيره، إلا أن في السنة وأقاويل الصحابة والتابعين ما يصحح هذا الفهم : فقد روى أبو داود والترمذي وغيرهما عن قيس قال : خطبنا أبو بكر الصديق رضي الله عنه فقال : إنكم تقرؤون هذه الآية وتتأولونها على غير تأويلها {يا أيها الذين آمنوا عليكم أنفسكم لا يضركم من ضل إذا اهتديتم} وإني سمعت رسول الله صلى الله عليه وسلم يقول : (إن الناس إذا رأوا الظالم فلم يأخذوا على يديه أوشك أن يعمهم الله بعذاب من عنده). وروى أبو داود والترمذي وغيرهما عن أبي أمية الشعباني قال : أتيت أبا ثعلبة الخشني فقلت له : كيف تصنع بهذه الآية؟ فقال : أية آية؟ قلت : قوله تعالى {يا أيها الذين آمنوا عليكم أنفسكم لا يضركم من ضل إذا اهتديتم} قال : أما والله لقد سألت عنها خبيرا، سألت عنها رسول الله صلى الله عليه وسلم فقال : (بل ائتمروا بالمعروف وتناهوا عن المنكر حتى إذا رأيت شُحّاً مُطاعا وهَوًى مُتبعا ودنيا مُؤثَرةً وإعجابَ كل ذي رأي برأيه فعليك بخاصة نفسك ودع عنك أمر العامة فإن من ورائكم أياما الصبر فيهن مثل القبض على الجمر للعامل فيهن مثل أجر خمسين رجلا يعملون مثل عملكم). وفي رواية قيل : يا رسول الله أجر خمسين منا أو منهم؟ قال : (بل أجر خمسين منكم). فيجوز إذن أن يكون أريد أن الزمان الذي يتعذر فيه الأمر بالمعروف والنهي عن المنكر؛ فأنكر بقلبك، واشتغل بإصلاح نفسك. قال القرطبي في تفسيره: الأمر بالمعروف والنهي عن المنكر متعين متى رجي القبول، أو رجي رد الظالم ولو بعنف، ما لم يخف الآمر ضررا يلحقه في خاصته، أو فتنة يدخلها على المسلمين؛ إما بشق عصا، وإما بضرر يلحق طائفة من الناس؛ فإذا خيف هذا فـ {عليكم أنفسكم} محكم واجب أن يوقف عنده

وفي الاخير أقولكم دعوا الخلق للخالق !!

[لاداعي]

جزاااك الله خير أخوي حبر سري على كلااامك الطيب والله كنك تقرى أفكاري :weeping:

زادت المواضيع التافه فالمنتدى والمشكله انها ماكله الجو على المواضيع المفيده

والردود فيها أكثر من المواضيع الهادفه روح المنتدى العام وشوف..

وكثير من الكتاب المميزين عندنا فالمنتدى انقطعو عن الكتابه والسبب

أنه يتعب على الموضوع ومايحصل التجاوب المطلوب..

يعني يجي موضوع(( شتسوى لودخلت غرفتك وحصلت ذبانه)).. :no2:

وياكل عليه الجو وموضوعه الي تعبان عليه مافيه غير ردين اوثلاته..

وبعدين الحمدلله رب العالمين قطر أحسن من غيرها بواااايد..

الله لايغير علينا..

وجزاااك الله خير يالغالي

[ra3shat hadab]

مرحبا اخ / حبر


اسمح لي بس اقتبس القصة هذي:


كانت هناك قرية صغيرة لم يعرف أهلها التمدن بعد.. وكانوا يسمعون الأعاجيب عن المدينة وعاداتها المختلفة.. وكانوا يريدون أن يعرفوا حقيقة ما يسمعون عنه طوال الوقت..

وفي أحد الأيام سافر منهم رجلان إلى المدينة.. غابا لفترة ثم عاد واحد منهم
التفوا حوله و سألوه: كيف وجدت المدينة ؟
كيف هم أهلها ؟؟
ما حقيقة ما كنا نسمع عنه؟

أجابهم الرجل بثقة: لقد ذهبت بنفسي و عرفت الحقيقة.. الحقيقة هي أن المدينة هي مرتع الفساد وكل أهلها فاسدون لا يدينون بشيء.. لقد كرهت المدينة..

عرف الناس الإجابة التي انتظروها طويلا, فانفضوا و عاد كل منهم لعمله

وبعدها بأيام عاد الرجل الثاني
لم يهتموا بسؤاله عن رأيه, إلا أنهم التفوا حوله حين وجدوا له رأيا لم يتوقعوه: لقد ذهبت بنفسي و عرفت الحقيقة.. والحقيقة هي أن المدينة مليئة بدور العبادة وكل أهلها متدينون طيبون.. لقد أحببت المدينة

أصيب الناس بالارتباك..!!
هل المدينة سيئة أم جيدة؟ هل أهلها طيبون أم أشرار؟ :rolleyes2:

لم يجدوا مجيبا على هذا الأسئلة إلا حكيم القرية ..

كان شيخا كبيرا خبر الحياة و عرف الكثير و يثق الجميع في ما رأيه..
كان هو ملاذهم الوحيد
ذهبوا إليه بالقصة و سألوه: أحدهم قال أن المدينة فاسدة مليئة بالأشرار..!!
والآخر قال أنها فاضلة مدينة بالأطهار..!! أي منهم نصدق؟ :omen2:

أجاب الحكيم: كلاهما صادق

وحين رأى نظرات الحيرة على وجوههم استطرد: الأول لا أخلاق له لذا ذهب إلى أقرب حانة حين وصل للمدينة, فوجدها ممتلئة بالناس ..

بينما الثاني متدين صالح.. لذا ذهب إلى المسجد حين وصل للمدينة, فوجده ممتلئا بالناس

فمن يرى الخير فهو لا يرى إلا مافي داخل نفسه..
ومن يرى الشر فهو لايرى إلا مافي داخل نفسه


انا ما اقول اللي اعترضوا ما عندهم اخلاق - حشا والله -
بس ما راح نعمم الخير والشر على الجميع ..

مثل ما تتكلمون عن المساوئ اللي تصير فالبلاد تكلموا عن خيرة رجالها وبناتها ..
عن المظاهر المشرفه والحلوة اللي تواجهكم .. اما ان المنتدى كله ينحصر في الانتقادات اللاذعه للمجتمع اكيد اللي ما يعرف قطر بياخذ فكرة سيئه عنها ..

مافيه مشكله نسلط الضوء على السلبيات بس ما ننسى الايجابيات بعد

ممكن ترد وحدة وتقول لا انتو غلطانين وبنات قطر والنعم فيهم ومن هالكلام .. يرد عليها عضو ويقول لها انتي وين عايشه وانتي على نياتج وماتدرين بشي.. يا اخي شذنبها اذا هي مستوره فبيتها ولا شافت الاشيا هذي بعينها هل هذا يعني انها ماتدري بشيء ؟؟ لا .. بس ممكن كانت معاك بنفس المجمع وبنفس المكان بس مانتبهت ولا حطت فبالها لنها رايحه تشتري وتطلع مش عشان تشوف فلانه شلابسه وعلانه مع من طالعه... ( من رااااقب الناس مات هماً )

المسائيل يدرون باللي صاير .. ما اقول لا تتكلمون بس على هووووونكم .. لا يصير هالموضوع شغلكم الشاغل !! واذا مضايقك يا اخي اتصل على العضيد من غير شوشره وفضايح قدام الله وخلقه فالنت ...

في كل ديره مقبره ..والله هالمواضيع تذكرني فدبي .. الكل يركز عالفسق والانحلال اللي فيها .. نسوا التطور والنهضه .. نسوا التعليم .. نسوا انه ينظم فيها سنويا اضخم مسابقه لحفظ القرآن الكريم .. نسوا ونسوا اشياء كثيره !!


الله المستعان ..

[المجروح]

السلام عليكم

ياجماعة ماتلاحطون شي؟؟؟

المواضيع اللي تتكلم عن انحلال اخلاقي صاير في البلد (شفت قطري مع وحدة , شفت مادري من قاعدة ترقص , شفت فلانة تبوس واحد في مادري وين , المسيرة فيها بنات , وتطليعات مادري وين)

شالمقصود من هذا كله؟؟؟

والله العظيم شوّهنا سمعة البلد بشكل ماصار ولا استوى

شفت تطليعة ياخي شنسوي لك؟؟ العضيد موجود
الشرطة موجودة

ادري ناس بيردون بيقولون ياخي هاذول مب مسوين شي , طيب يعني اعضاء المنتدى وشراح يسوون؟؟ خلونا صريحين

ياجماعة والله الموضوع صار ماينسكت عنه , كم موضوع الحين قريناه (شباب مادري شقاعدين يسوون , بنات مادري شقاعدين يسوون , قطريات مادري شيسوون , قطريين طالعين مع فلبينيات او عرب!!مدارس البنات كلها بويات !! جامعة قطر مادري شفيها بلاوي!! ) , طيب وبعدين؟؟
المنتدى كله شكاوي واظهار عيوب!!!

والكل يقول ابي انبه الناس!!

تنبه حق شنو اخوي؟؟ تنبه حق شنو بالضبط؟؟
يعني لو شفنا واحد يبوس وحدة في مكان عام , بنشوف هذا شي عادي وانت بتجي تنبهنا؟؟؟
ندري انه غلط

لو شفنا قطريين (مثل الموضوع الموجود حاليا) مع بنات غير قطريات , يعني وشبتكون نظرتنا لهم؟؟ عادي؟؟؟ فري؟؟؟ وانت جاي تنبهنا؟

يالربع
اعتقد والله ان احنا فاهمين السالفة غلط , سالفة التنبيه مثل مايظنها البعض , لان ولا موضوع يمدح الدولة

(فساد اخلاقي , فساد اداري , واسطات , عنصرية , .... الخ)

هل هاذي قطر فعلا؟؟؟؟

النقد مسموح , بس جذيه عاد؟؟
واحد طلع له المول شاف واحد ويا وحدة , جا وكتب هاذي ظاهرة والشباب الحين يدورون بنات وتطليعات ومادري شنو!!!

وحدة طلعت راحت مطعم , شافت واحد يغازل وحدة جات وقالت ياجماعة قطر كلها مغازلجية , وشفت بعيني!!

اكيد في ناس مب محترمين , من كل الجنسيات قطريين وغيرهم

وين الشي الغريب؟؟؟اصابعك مب سوا , والمجتمع القطري مب مجتمع ملائكة , كل ماواحد طلع لي وراح مكان وشاف حادث كتب عنه ؟
قطو نط على موتره كتب عنه؟؟
انكسرت جامة سيارته جا وكتب؟ هذا مفهوم الديموقراطية؟؟؟ هذا مفهوم حرية الراي يعني؟ولا اي كلام وخلاص؟؟

احنا كلنا عارفين ان الانفتاح اللي تشهده الدولة راح يكون له تأثير , والتأثير هذا واضح , لكن هل تشوفون فعلا ان الوضع في الدولة منفلت؟؟ انا مااشوف هالشي , صج في تيار قوي , لكن الخير موجود الحمد لله

اذكر الكل هاجم وداد عبد اللطيف لما كانت تكتب مسلسلاتها لانه تبرز المجتمع القطري بصورة مشوّهة , طيب ليش احنا صرنا انسوي نفس اللي هي تسوّيه؟؟؟

وسؤالي :
اللي يكتبون مثل هالمواضيع اللي والله ساعات مالها معنى , وشيبون؟؟ يبون يوصلونا لقناعة ان قطر منحطة أخلاقيا؟ هذا اللي يبونه؟؟ ماراح يوصلون له لان الكل عارف مستوى قطر , وندري ان في عادات دخيلة عالمجتمع , والله ندري , لكن الخير باذن الله غالب اكثر , وحتى اللي نيته طيبة (وان شا الله الكل كذلك ) لازم ينتبه لهالنقطة

يعني انا اسأل نفسي لو جا شخص فعلا وكان ناوي ينشر صورة سيئة عن البلد , اعتقد راح يحقق مبتغاه في يومين !! والمشكلة مثل هالمواضيع تلقى التأييد لها جامح , والكل يقول ايه


والله من وراء القصد


حبر سري

الكلام صحيح
يا اخوان لو واحد يوميا يشوف في التلفزيون ويقرا مجلات فيها جرايم صدقوني لو اتصير جريمه جدامه عاااادي عنده
وهاي الي قاعد يصير في المنتدى ان البعض قاعد يحط مواضيع مرات احنا الصراحه ماسمعنا عنها بس ان صارت جدامي بقول ايي عادي مدام فلان شافها اكيد الكل شاف نفس الشي
طبعا جزاهم الله خير بعض الاخوان الي بطلو هالمواضيع ويدل على خوفهم على البلد بس انا الي قاعد اشوف هالكلام في مضره اكثر

[بنتكم]

والله انت صح :victory:

يعطيك ربي العافيهـ

[The Blade]

السلام عليكم
اخوي حبر سري ( دائما الواحد ونيتة )
وكلامك صحيح مثل هذه المواضيع بشكل عام مامنها فايده في
العضيد والشرطة مراح يقصرون ان شاء الله....

ثاني شئ ترى هذا الشئ مب بس في قطر في العالم...

ولاهنت على الموضوع

[تحداني]

مساء الخير ..

الله يسعدكم يارب ..ويحلي ايامكم ويجمعنا كلنا في هذا البلد على الحلوه والمره ...
سيدي الفاضل ... سيدتي الفاضله ..

قولوا ما يحلو لكم ..عبروا عن مشاعركم ..قولوا كل ما يجول في خاطركم ..اكتبوا غضبكم ..وسطروا جراحكم ..اعزفوا على اوتار ذاك المواطن ..
تذكروا دائما
إننا لسنا في مدينه مثاليه ..لسنا في بقعه بعيده عن الاخطاء والزلات ..لستا في كوكب منعزل عن اصحاب الخبث والنوايا السيئه ..لسنا منطويين على انفسنا ..حالنا حال كل البلدان ..كل الاقطار ..وكل القارات ...

لن نسمح لاي انسان ان يعبر عن غضب بداخله ويصرخ بإسم الوطنيه ..لن نسمح لكل انسان يغلط على تراب هذا البلد ...على حكومتنا الرشيده ..لن ندعك تخرج كل غضبك وتنادي بتلك المؤسسه او تلك الهيئه وتلك الحكومه ...

اخواني الافضل

( س ) من الناس يعمل في وزاره .....ليس بالضروره ان يعكس صوره كل تلك الوزاره وموظفينهم ..( ص ) من الناس يعمل في تلك الهيئه ليس بالضروره ان يعكس كل شخص فيها ..

كلنا على علم
ان هناك من خيره شباب هذا البلد يعملون خلف الكواليس لا يعلم بهم احد ...هناك من الاجانب الذي لا نستطيع الاستغناء عنهم ...ليس عيب في وجودهم ..وليس خلل في المجتمع القطري ان يتواجدوا كل تلك الجنسيات الاسيويه

العيب والعيب
ان لا نتعلم منهم شئ ...ان نناظرهم من بعيد دون ان نستفيد من خبراتهم ..دون ان نأخذ من تجاربهم شئ ..فقط ننادي لا للاجانب ..( الكثير من الموظفين القطريين ) لا يرضون العمل في المصانع ..لا يحبون العمل المتواصل في الميدان لساعات .

حقيقه لابد ان نعترف بها

الكثير من الاجانب خبراتهم لا تقاس بالاموال ..يعملون ليل نهار ...يضعون من الخطط ويرسمون من المشاريع ليجعلوا بلدنا في تحدي مع كل البلدان ..لا يستطيع احد ان ينكر فضلهم ...

لكن

نستطيع ان نقول حياهم الله ..وسنقول لهم وداعا عندما نأخذ منهم ما يفيدنا ...

نظره
جامعات المدينه التعليميه ..حقول الغاز ...ابار النفط ... بالله عليكم ..كم قطري يستطيع مجاراه هذا كله ..كم مهندس قطري موجود على ارض قطر ...قطر للبترول وبإحصائيات اكدت انها محتاجه 3 الاف من المهندسين سنويا ..ولا نجد منهم الا الشئ القليل وغيرها وغيرها ...

عبروا ..قولوا ..سطروا ...اغضبوا ..لكن الا الاساءه لهذا البلد ..ونسمي اشخاص لا نملك الادله على افعالهم ..واذا استطعنا ان نملك كل البراهين والادله فإذهبوا الى من يستطيع تغير هذا كله وليس الصراخ في المنتديات ...

لاني ذكرت سابقا المنتدى مكان لا حدود له ..والكل قد يتابع ويقرأ ويفهم كما يحلو له ...

الله يسعدكم ومن لا يفخر ببلده ..لا بلد له

[Ghost]

ابدعت اخوي حبر سري

وللاسف تكلمنا في هذا الموضوع اكثر من مره لكن لاجديد


سيتم تثبيت الموضوع لفتره لعل وعسى ان يقتدى به

بارك الله فيك اخوي



موضوع يستحق التثبيت ومهما نصحنا بعض الناس الله يهديهم يعملوا نفسهم ما شافو النصيحة ولك من اجمل تحية يا حبر سري ومواضيعك ما هي سرية على الملأ

[!الشايمه!]

اعتقد ان الانتقاد لطلب الاصلاح والتبصر في الامور......والبعد عن الخصوصية... مطلوبه

ولكن الكثيرين يظنون ان مواضيع حواديتنا اليومية...من باب خلني اطق الحديد

حار بحار ....لها خاصية جلب اكبر ردود للموضوع....

فمن الحوادث...( من ساعه صار حادث في الشارع الفلاني) <<<طيب شنو المشكلة اول حادث يصير في قطر؟
الى مواضيع العزاء ( فلان توفى وعلان مريض) <<<الله يرحمهم ويشفي الجميع طيب
ايش المستفاد؟
الى حواديت المجمعات ( شفت بنت لابسه بجاما في المجمع)!!! <<<نشتري لها فستان مثلاً

واحيي قطرية قمر.....على نقطة مهمة .......

ومهملة بشكل غير طبيعي من المشرفين.....ذكر اسماء وشخصيات .....وهاتك سب وقدح
وطبعاً لا أمل في منتدى القدح .........حد يوقف مواضيع الشعلله.........!!!
احييك .....اخ حبر سري على الموضوع...موضوع فعلا يحتاج لوقفة.
......

وكلمة لابد ما نقولها.......ع الماشي :)

نحيي اخوانا المشرفين على تحدي تثبيت المواضيع :)
عطني تثبيت واعطيك تثبيت ........ومحدش يزعل.

[الملكة الام]

اخي حبر سري







والله انك جبتها ياخوي....




طقت كبدي وتمللت وطفرت..




وقلت هالكلام اكثر من مره...



كنت احس انه فيه حمله مقصودة لتدمير الوطنية القطرية...

يعني تعميم الاخلاق والفساد الاداري والحكومي والوضع الاجتماعي بشكل عام بالسواد...


يا اخي اللي يدخل المنتدى يقول هالبلد كيف عايشين فيها اهلها...



تفاءلوا بالخير تجدوه ....الدنيا حلوه ترى...



اشكرك على هالطرح اللي الفظيع اللي طرحته وللأمام...




ملحوظه( اول مره اشوفك معصب )





اختك العوده


الملكة الام

[الفيلسـوف]

السلام عليكم

ياجماعة ماتلاحطون شي؟؟؟

المواضيع اللي تتكلم عن انحلال اخلاقي صاير في البلد (شفت قطري مع وحدة , شفت مادري من قاعدة ترقص , شفت فلانة تبوس واحد في مادري وين , المسيرة فيها بنات , وتطليعات مادري وين)

شالمقصود من هذا كله؟؟؟

والله العظيم شوّهنا سمعة البلد بشكل ماصار ولا استوى

شفت تطليعة ياخي شنسوي لك؟؟ العضيد موجود
الشرطة موجودة

ادري ناس بيردون بيقولون ياخي هاذول مب مسوين شي , طيب يعني اعضاء المنتدى وشراح يسوون؟؟ خلونا صريحين

ياجماعة والله الموضوع صار ماينسكت عنه , كم موضوع الحين قريناه (شباب مادري شقاعدين يسوون , بنات مادري شقاعدين يسوون , قطريات مادري شيسوون , قطريين طالعين مع فلبينيات او عرب!!مدارس البنات كلها بويات !! جامعة قطر مادري شفيها بلاوي!! ) , طيب وبعدين؟؟
المنتدى كله شكاوي واظهار عيوب!!!

والكل يقول ابي انبه الناس!!

تنبه حق شنو اخوي؟؟ تنبه حق شنو بالضبط؟؟
يعني لو شفنا واحد يبوس وحدة في مكان عام , بنشوف هذا شي عادي وانت بتجي تنبهنا؟؟؟
ندري انه غلط

لو شفنا قطريين (مثل الموضوع الموجود حاليا) مع بنات غير قطريات , يعني وشبتكون نظرتنا لهم؟؟ عادي؟؟؟ فري؟؟؟ وانت جاي تنبهنا؟

يالربع
اعتقد والله ان احنا فاهمين السالفة غلط , سالفة التنبيه مثل مايظنها البعض , لان ولا موضوع يمدح الدولة

(فساد اخلاقي , فساد اداري , واسطات , عنصرية , .... الخ)

هل هاذي قطر فعلا؟؟؟؟

النقد مسموح , بس جذيه عاد؟؟
واحد طلع له المول شاف واحد ويا وحدة , جا وكتب هاذي ظاهرة والشباب الحين يدورون بنات وتطليعات ومادري شنو!!!

وحدة طلعت راحت مطعم , شافت واحد يغازل وحدة جات وقالت ياجماعة قطر كلها مغازلجية , وشفت بعيني!!

اكيد في ناس مب محترمين , من كل الجنسيات قطريين وغيرهم

وين الشي الغريب؟؟؟اصابعك مب سوا , والمجتمع القطري مب مجتمع ملائكة , كل ماواحد طلع لي وراح مكان وشاف حادث كتب عنه ؟
قطو نط على موتره كتب عنه؟؟
انكسرت جامة سيارته جا وكتب؟ هذا مفهوم الديموقراطية؟؟؟ هذا مفهوم حرية الراي يعني؟ولا اي كلام وخلاص؟؟

احنا كلنا عارفين ان الانفتاح اللي تشهده الدولة راح يكون له تأثير , والتأثير هذا واضح , لكن هل تشوفون فعلا ان الوضع في الدولة منفلت؟؟ انا مااشوف هالشي , صج في تيار قوي , لكن الخير موجود الحمد لله

اذكر الكل هاجم وداد عبد اللطيف لما كانت تكتب مسلسلاتها لانه تبرز المجتمع القطري بصورة مشوّهة , طيب ليش احنا صرنا انسوي نفس اللي هي تسوّيه؟؟؟

وسؤالي :
اللي يكتبون مثل هالمواضيع اللي والله ساعات مالها معنى , وشيبون؟؟ يبون يوصلونا لقناعة ان قطر منحطة أخلاقيا؟ هذا اللي يبونه؟؟ ماراح يوصلون له لان الكل عارف مستوى قطر , وندري ان في عادات دخيلة عالمجتمع , والله ندري , لكن الخير باذن الله غالب اكثر , وحتى اللي نيته طيبة (وان شا الله الكل كذلك ) لازم ينتبه لهالنقطة

يعني انا اسأل نفسي لو جا شخص فعلا وكان ناوي ينشر صورة سيئة عن البلد , اعتقد راح يحقق مبتغاه في يومين !! والمشكلة مثل هالمواضيع تلقى التأييد لها جامح , والكل يقول ايه


والله من وراء القصد


حبر سري

اخوي حبر سري

مثل هذه المواضيع منتشرة وفي بعض المناطق تعتبر سبق صحفي

لكن ممكن تاخذها عندنا بأنه شي غريب ولانه غريب يقوم الشخص بكتابة عنها

وممكن تعتبرة تنبيه للبعض وعبرة للاخر لكن وقفها في شي من الصعوبة

لكن نتمنى اذا كان ممكن

تسلم على الموضوع

[أم حمد]

حبر سري

هد اعصابك الا موضوع تحرق اعصابك كذا ليه !

بعدين

هذول يبون سلامتك وسلامة الشباب !!

وقطر صورتها محفوظه ولا يعني تكلمنا عن ظواهر وسلبيات تشين صورة قطر !!

/

ياريت اسمع صوتك على وطني الحبيب صباح الخير

واتناشد بتوقيفه مثل ماوقفوا فايز التوش وحطموا وداد الكواري وطاقم وطني الحبيب القديم

اللي كان لهم اثر كبير في التوجيه

عشان ماتشين صورة قطر على قولتك

ويحطون بداله برنامج حكاوي وغناوي

ولا مسابقات مب احسن كذا ؟

:)

صبرن جميل والله المستعان !

ملاحظه / مشرفين العام الله يعطيكم العافيه يعجبني وضوح سياستكم فالاشراف وادارة هذا القسم !

بخصوص ، موضوعي اللي تسكر للعلم ماتجاهلته انا نزلته وانا فجر هاليوم كنت على سفر :)
وشكرا لكل من رد فيه !!

[المشط]

السلام عليكم

ياجماعة ماتلاحطون شي؟؟؟

المواضيع اللي تتكلم عن انحلال اخلاقي صاير في البلد (شفت قطري مع وحدة , شفت مادري من قاعدة ترقص , شفت فلانة تبوس واحد في مادري وين , المسيرة فيها بنات , وتطليعات مادري وين)

شالمقصود من هذا كله؟؟؟

والله العظيم شوّهنا سمعة البلد بشكل ماصار ولا استوى

شفت تطليعة ياخي شنسوي لك؟؟ العضيد موجود
الشرطة موجودة

ادري ناس بيردون بيقولون ياخي هاذول مب مسوين شي , طيب يعني اعضاء المنتدى وشراح يسوون؟؟ خلونا صريحين

ياجماعة والله الموضوع صار ماينسكت عنه , كم موضوع الحين قريناه (شباب مادري شقاعدين يسوون , بنات مادري شقاعدين يسوون , قطريات مادري شيسوون , قطريين طالعين مع فلبينيات او عرب!!مدارس البنات كلها بويات !! جامعة قطر مادري شفيها بلاوي!! ) , طيب وبعدين؟؟
المنتدى كله شكاوي واظهار عيوب!!!

والكل يقول ابي انبه الناس!!

تنبه حق شنو اخوي؟؟ تنبه حق شنو بالضبط؟؟
يعني لو شفنا واحد يبوس وحدة في مكان عام , بنشوف هذا شي عادي وانت بتجي تنبهنا؟؟؟
ندري انه غلط

لو شفنا قطريين (مثل الموضوع الموجود حاليا) مع بنات غير قطريات , يعني وشبتكون نظرتنا لهم؟؟ عادي؟؟؟ فري؟؟؟ وانت جاي تنبهنا؟

يالربع
اعتقد والله ان احنا فاهمين السالفة غلط , سالفة التنبيه مثل مايظنها البعض , لان ولا موضوع يمدح الدولة

(فساد اخلاقي , فساد اداري , واسطات , عنصرية , .... الخ)

هل هاذي قطر فعلا؟؟؟؟

النقد مسموح , بس جذيه عاد؟؟
واحد طلع له المول شاف واحد ويا وحدة , جا وكتب هاذي ظاهرة والشباب الحين يدورون بنات وتطليعات ومادري شنو!!!

وحدة طلعت راحت مطعم , شافت واحد يغازل وحدة جات وقالت ياجماعة قطر كلها مغازلجية , وشفت بعيني!!

اكيد في ناس مب محترمين , من كل الجنسيات قطريين وغيرهم

وين الشي الغريب؟؟؟اصابعك مب سوا , والمجتمع القطري مب مجتمع ملائكة , كل ماواحد طلع لي وراح مكان وشاف حادث كتب عنه ؟
قطو نط على موتره كتب عنه؟؟
انكسرت جامة سيارته جا وكتب؟ هذا مفهوم الديموقراطية؟؟؟ هذا مفهوم حرية الراي يعني؟ولا اي كلام وخلاص؟؟

احنا كلنا عارفين ان الانفتاح اللي تشهده الدولة راح يكون له تأثير , والتأثير هذا واضح , لكن هل تشوفون فعلا ان الوضع في الدولة منفلت؟؟ انا مااشوف هالشي , صج في تيار قوي , لكن الخير موجود الحمد لله

اذكر الكل هاجم وداد عبد اللطيف لما كانت تكتب مسلسلاتها لانه تبرز المجتمع القطري بصورة مشوّهة , طيب ليش احنا صرنا انسوي نفس اللي هي تسوّيه؟؟؟

وسؤالي :
اللي يكتبون مثل هالمواضيع اللي والله ساعات مالها معنى , وشيبون؟؟ يبون يوصلونا لقناعة ان قطر منحطة أخلاقيا؟ هذا اللي يبونه؟؟ ماراح يوصلون له لان الكل عارف مستوى قطر , وندري ان في عادات دخيلة عالمجتمع , والله ندري , لكن الخير باذن الله غالب اكثر , وحتى اللي نيته طيبة (وان شا الله الكل كذلك ) لازم ينتبه لهالنقطة

يعني انا اسأل نفسي لو جا شخص فعلا وكان ناوي ينشر صورة سيئة عن البلد , اعتقد راح يحقق مبتغاه في يومين !! والمشكلة مثل هالمواضيع تلقى التأييد لها جامح , والكل يقول ايه


والله من وراء القصد


حبر سري


بالعكس اخوي جزاهم الله خير على غيرتهم على دينهم وبلدهم

لازم يكتبون لان هي الطريقه الوحيده اللى بتوصل فيها المعلومه للمسؤولين ... يمكن المسؤولين مايطلعون ولا يشفون هذي الاشياء ... لكن لما الاعضاء يكتبون بسبب قهر في قلوبهم وخوفهم من عقوبه رب العالمين علينا .. وعن طريق المنتدي بنقدر نوصل بعض المشاكل اللى صعب يشوفها شخص مسؤول

والله القهر ان البعض يشوف ان هذا غلط ... لا والله مب غلط

اي واحد يشوف شي يكتب ولا يخاف في الله لومة لائم
ولا يهتم من كلام الغير

سبحان الله حتي من ينكر المنكر باللسان مايعجبكم



حسبي الله ونعم الوكيل

اللهم اني أبرأ من كل شخص أمر بالمنكر ونهى عن المعروف

اللهم لا تآخذنا بما فعل السفهاء منا

اللهم احفظ لنا ولاة أمرنا ورزقهم الله البطانة الصالحة

اللهم أحفظ بلدنا قطر وسائر بلاد المسلمين

[بـن عدوان]

انا معاك في نقاط

ومب معاك في نقاط

شوف ياخوي الغالي

انت تدري اللي يشارك في منتدانا مب فئة وحدة

في فئات كثيرة وجميع الاعمار

فيه االآباء وفيه الامهات بعد

ساعات الواحد يكون على غــفــلــة ويااااااكثرهم

بس لما يشوف اللي يصير ممكن انه يصحى من الغفلة .. فهمت قصدي ؟

وياما صاارت

صحيح في بعض المواضيع مالها داعي ومبالغ فيها

بس صدقني في بعض المواضيع لها فايدة فوق ماتتصور


وفي البعض مثلا يكتب لك الموضوع من الحرة

مو بس من الحرة

لأنه يغار على بلاده وعلى أهل بلاده

وينبّه الناس منها



لازم يكتبون لان هي الطريقه الوحيده اللى بتوصل فيها المعلومه للمسؤولين ... يمكن المسؤولين مايطلعون ولا يشفون هذي الاشياء ... لكن لما الاعضاء يكتبون بسبب قهر في قلوبهم وخوفهم من عقوبه رب العالمين علينا .. وعن طريق المنتدي بنقدر نوصل بعض المشاكل اللى صعب يشوفها شخص مسؤول
[/SIZE][/COLOR]



هذا اللي كنت اقصده :)

والسموحة ثقلت عليكم ....

[بابا الضحية]

شالمقصود من هذا كله؟؟؟

والله العظيم شوّهنا سمعة البلد بشكل ماصار ولا استوى



والله مشكور يا خوي على طرحك للموضوع المفيد

فعلا لازم يكونون حذرين في نقل الصورة عن بلدنا الغالي قطر....

في وايد ناس اتابع هال منتدى من جميع الجنسيات !!

واذا تبون الاصلاح انت يالشاب اذا شفت واحد يعمل حركات او اي شي مب زين روح كلمه انصحه !!قالك يالله زين انجلع عادي خلص انصح غيره !!!انت عملت الي عليك !!!

وانت يالبنت شفتي واحده حاطة مكياج واجد او شيلتها طايحه انصحيها !!!

ترى في ناس تقبل النصيحه وناس ما تقبل !!وانتو خلو اسلوبكم زين وهني تاخذون حسنات مب بالغيبه والنميمه !!!

وشكرا واسف عال اطاله مشكور ياخوي وكثر الله امثالك

[bus3od]

والله انك جبتها انا من زمان خاطري أنزل مثل هالموضوع بس مب عارف اللي بكتبه و انت كفيت ووفيت

و بالذات سالفة الحوادث هالمواضيع الصراحه تعور القلب
و اللي يشوف واحد مع وحده وعلى قولته متأكد أنه تطليعه شكله ضربه الحسد و كتب الموضوع من القهر ههههههههه أتغشمر ياخي عندك العضيد مثل ماذكرت فموضوعك

يعطيك العافيه ولا هنت الشيخ

[qatar600]

هلا اخوي

البعض يكتب.. عل وعسى يصل الكلام.. ويجد حل لمثل هذه الظواهر السيئة..!!

بدل مانشوف ونسكت .. ومع الوقت نتعود.. واعيالنا يصير عندهم شي عااادي..!!

الأجانب جووا الديرة وصرنا نشوف مناكر.. والكل ساكت..

لماذا لاتوضع قوانين تردعهم وبنفس الوقت تردع من تسول له نفسه..

القطري اللى مع فلبينية او غيرها..

مانبي نظلمه.. يمكن معه بالشغل.. وطبيعة عمله تتطلب بعض هذه الامور..

هذه النوعية .. ليس ضمن ما اعترض عليه..

ولكني اعترض على القبلات واللباس الغير محتشم..!!

فهل ينتظرون حالات اغتصاب وغيرها ومن ثم يقولون عالجوا المشكلة..

لماذا لاتكن الوقاية قبل ان يقع الفاس بالراس..!!

لماذا نحن نحترم قوانين دولهم .. وهم لايحترمون ديننا ولا عاداتنا..!!


موضوع يطول الحديث فيه.. ولكن لا حياة لمن تنادي..!!!!!!!!!

[!قطريـة بنت القمـر!]

بالعكس اخوي جزاهم الله خير على غيرتهم على دينهم وبلدهم

لازم يكتبون لان هي الطريقه الوحيده اللى بتوصل فيها المعلومه للمسؤولين ... يمكن المسؤولين مايطلعون ولا يشفون هذي الاشياء ... لكن لما الاعضاء يكتبون بسبب قهر في قلوبهم وخوفهم من عقوبه رب العالمين علينا .. وعن طريق المنتدي بنقدر نوصل بعض المشاكل اللى صعب يشوفها شخص مسؤول

والله القهر ان البعض يشوف ان هذا غلط ... لا والله مب غلط

اي واحد يشوف شي يكتب ولا يخاف في الله لومة لائم
ولا يهتم من كلام الغير

سبحان الله حتي من ينكر المنكر باللسان مايعجبكم



حسبي الله ونعم الوكيل

اللهم اني أبرأ من كل شخص أمر بالمنكر ونهى عن المعروف

اللهم لا تآخذنا بما فعل السفهاء منا

اللهم احفظ لنا ولاة أمرنا ورزقهم الله البطانة الصالحة

اللهم أحفظ بلدنا قطر وسائر بلاد المسلمين




اخـوي المشط بارك الله فيك ....


الناس لها اعيـن ولها السـن ايضا ....


انكار المنكـر بأنك لما تشـوفها كرجل تروح للشخص وتنصحه وتنكر عليه فعلته .... وعلي كفتاة ان انكـر الغلط ان فعلته اختي المسلمه ....


بس رؤيـة مناظر في الاماكن العامه بعينها و اسرد الوقائع ....


اظن الاغلبيه شافوا هالمناظر وانكروها :) ....


المسؤوليين اكيـد ايضا شافوها لانهم مثلنا بشر يطلعون ويدخلون واكيد الناس تنقل لهم مب عايشين في قوقعه ما يدرون عن شي ولا كيف صار مسؤول !!!!


بس تشويه قطر بتلك الصورة ما نتقبلها مهما كان قطر فيها الخير وهذي مجرد مناظر قليلة ....


عندك مثال اجمل :) ....


نفسـي اشوف مواضيع تطرح شي ايجابي لقطر وللقطريين كشعب !!!

جدا جدا نادر .... بس المناظر السلبية ما شاء الله عدد المواضيع فيها يتكاثر بشكل كبير ....


بتظل قطر باهلها الخيرين وبتظل الافعال الشنعاء ماهي الا عدد ليس بالكبير والحمدلله ....


نتمنـى ان تكثـر المواضيع التي تدخل في قائمة سرد حقائق جميله عن شعبنا وعاداتنا وتقاليدنا الجميله المحافظه وانكار المنكر يكون بالذهاب للشخص بعينه ومن لا يملك الجراه لذلك يتكلم مع المسؤولين مثلما تفضلت ومباشرة لاننا نظل في النهاية في منتدى في شبكة عنكبوتية والكلام يأخذ مجرى الغيبة وانظر كمية اللذين يدخلون لشتم مرتكب الفعل الخاطيء .... ولا اظن الاسلام امرنا ايضا بذلك :) .... اين الكلمة اللينه والموعظه الحسنه !!

[المشط]

اخـوي المشط بارك الله فيك ....

وبارك الله فيج اختي

الناس لها اعيـن ولها السـن ايضا ....


انكار المنكـر بأنك لما تشـوفها كرجل تروح للشخص وتنصحه وتنكر عليه فعلته .... وعلي كفتاة ان انكـر الغلط ان فعلته اختي المسلمه ....

اختي نفترض رحت ونصحته .. والشخص غلط علي وصل الموضع الى شد بيني وبينه .. وكبر الموضوع وصل الى الشرطه والمحاكم ... في المحكمه بطلع بعد انا غلطان لان تدخلت في شي مايخصني

بس رؤيـة مناظر في الاماكن العامه بعينها و اسرد الوقائع ....


اظن الاغلبيه شافوا هالمناظر وانكروها :) ....

ونستمر في النكران حتي يتم وضع حل لهذي التجاوزات ... يعني اذا شفت المنكر مره وتكلمت عنه خلاص يعني مراه ثانيه يكون عادي ولا اتناقش فيه

المسؤوليين اكيـد ايضا شافوها لانهم مثلنا بشر يطلعون ويدخلون واكيد الناس تنقل لهم مب عايشين في قوقعه ما يدرون عن شي ولا كيف صار مسؤول !!!!

المسؤول في امور تشغله وايد ولازم نعذره ... بس بعد لازم مانسكت ونحاول نوصل له الحقيقه كامله

بس تشويه قطر بتلك الصورة ما نتقبلها مهما كان قطر فيها الخير وهذي مجرد مناظر قليلة ....

اختي نهتم ان سمعتنا ماتشوه قدام الاجانب او نهتم ان ربي لا ينظر لنا بعين من غضب ولا يسخطنا ... نخاف من البشر او من رب العالمين

عندك مثال اجمل :) ....


نفسـي اشوف مواضيع تطرح شي ايجابي لقطر وللقطريين كشعب !!!

حكومه قطر وشعب قطر مب محتاجين مواضيع ايجايبه .. لان قطر تحت قيادته سيدي سمو الامير ولي عهده الامين وشعب قطر معروفين باخلاقهم وكرمهم والبعيد يشهد قبل القريب

جدا جدا نادر .... بس المناظر السلبية ما شاء الله عدد المواضيع فيها يتكاثر بشكل كبير ....

لان اختي المناظر السلبيه هي اللي لها تاثير على المجتمع .. وعلشان كذا لازم نحذر ونطالب من المسؤولين وضع قوانين صارمه ... لان حنا جزاء من المجتمع

بتظل قطر باهلها الخيرين وبتظل الافعال الشنعاء ماهي الا عدد ليس بالكبير والحمدلله ....

المشكله اختي ان كل الامور هذي تصدر من الاجانب مب من اقطرين ... لازم الاجنبي يحترم البلد وعادات اهل البلد

نتمنـى ان تكثـر المواضيع التي تدخل في قائمة سرد حقائق جميله عن شعبنا وعاداتنا وتقاليدنا الجميله المحافظه وانكار المنكر يكون بالذهاب للشخص بعينه ومن لا يملك الجراه لذلك يتكلم مع المسؤولين مثلما تفضلت ومباشرة لاننا نظل في النهاية في منتدى في شبكة عنكبوتية والكلام يأخذ مجرى الغيبة وانظر كمية اللذين يدخلون لشتم مرتكب الفعل الخاطيء .... ولا اظن الاسلام امرنا ايضا بذلك :) .... اين الكلمة اللينه والموعظه الحسنه !!





جزاج الله خير اختي

[شاهيناز]

كلامك عين الصواب
في ناس تكتب عاد شوفوني انا رجال مفهوم الرجوله عنده اعوج للاسف
يظن انه لو كتب عن اخلاق البنات سوالفهم صار رجال مره واحد كاتب عن مكياج اوفر وش دراك بالمكياج الاوفر بس شوفوني انا رجال ومارضى بالغلط
وايد على ها الاشكال الي يكتب عن العبايه فوق الكتف على الكتف انت وش دخلك بهاالسوالف
والكل صاير مفتي وماسك عصى وداخل المواضيع ,,,
لما اجي المنتدى احسن ان الناس وايد مثالين ,,, بس الواقع غير

لما نرد عليهم قالو انتو وانتوا وانتوا

الواحد يطلع نص الليل شاف قط مع قطه دخل المنتدى وقال البارح بعد منتصف الليل شفت حادث جديد على مجتمعنا

ها الاعضاء انظر لمواضيعهم وادعي لهم بالشفاء مع عله حب الظهور بثوب المثاليه

والله يهدي الجميع
قطر اكبر من سوالفهم ومب كفو يشوهون صور قطر و لاالقطريين

[Darco]

المشكلة هي أن كل عضو من اللي قرأوا الموضوع في بالهم "نوع" و "مواضيع" معينة أنطرحت, لذلك تلقا أحد مؤيد وأحد معارض .. لكن في الواقع الغالبيّة متفقين بإذن الله :) ..

لكل عضو الحق بأنه يطرح اللي يبيه طالما أنه مايعتدي على أحد. يمكن الإختلاف في "أسلوب" الطرح و "مكانه".

عن الأسلوب .. نعم فيه وايد أعضاء طرحوا أفكارهم وشكاويهم وتذمرهم على بعض الأحداث اللي صارت لهم بطريقة فيها تعميم أو فيها تهجّم على فئة أو ناس.

عن المكان .. نعم فيه مشاكل مهب مكانها تطرح هنا, والأولى أنها تنطرح في أماكن ثانية ..


بس .. وحطوا تحت بس ألف خط .. إذا أنا مقتنع أن مكان الموضوع مهب هنيه أو أن أسلوبه مهب صح, هذا ما يعطيني الحق أني أطالب بمنعه :).

المنتدى للكل.. المنتدى قدّم فرصة نادرة جداً وهي أن آلاف القطريين ذكوراً وإناثاً, كبار وصغار, متعلمين وجهله, .. ألخ .. كلهم مجتمعين في مكان. المنتدى يمثّل المجتمع في أفضل شكل, أفضل بكثير جداً من المجالس أو الصحف, لأنه يجمع الكل. هذي الخاصيّة "حرام" أننا ندمرها بتقييدنا لما يطرح حسب ما نعتقد أنه يستحق الطرح أو لا.

اللي أنت ممكن تعتبره "تشهير" .. يشوفونه غيرك "نهي عن منكر" , "فضفضة" , "سالفة" , "دس سم في العسل" !! .. لاحظ أن الناس يختلفون في انطباعهم عن المواضيع .. حسب فهمهم وخلفيتهم :).


في الأخير .. لاحظ أخوي الغالي حبر سرّي أني ما حددت رأي بالنسبة لموضوعك, لأني أوافقك في بعضه (وجود مواضيع مالها داعي) وأخالفك في بعضه (إنكار طرح هذه المواضيع) ..

[الطيبة كلها]

عفوا لم اتمنى ان تكون الردود هكذا بل يجب ان نخبر الجميع بما يحدث حوالينا لنعرف ماذا يدور ويحدث لربما يقرأ الخبر احد اصدقاء العائله الحاكمة او هم انفسهم يقرأون الخبر ويعرفون ان الشعب مستاء مما يحدث فيصدرون قرارا لصد هذا الانحلال الاخلاقي

بذمتكم هل منظر شبابنا بسيلين وراء بعض الشباب القطري بنت فلبينية ولا غيرها نسكت عنه - هل منظر اللبنانيات وصدروهم العاريه حتى برمضان نسكت عنه

هل منظر شابنا بالسيارات مع البنات يسكت عنه

هل الديسكوات والرقص والخمر يسكت عنه

هل نكتم القهر بقلوبنا لا والف لا بل سنكتب ونكتب حتى يقرأ احد المسؤلين الاخيار ويصدر قرار ليرضى الرب عنا
لاتقولوا حرية وديموقراطيه قولوا قله دين وقله ادب وقله حياء نحن نربي ابنائنا على العيب ويرون المنظر بجانبهم هل نحبسهم بالبيت بالسابق كانوا يقولون لا تسافروا خارج البلد اذاهذه المناظر لا تعجبكم طيب والان ببلادنا ماذا نفعل نسكت ( يخسون والله ما اسكت اللي اقدر عليه باسويه والحمد لله ادبت ناس بعده مواقف وبستمر )

اخيرا سؤال اين الشتاء هذا العم اين المطر ؟ الاجابه - بسبب سكوتنا لامطر ولا برد مثل السابق

[حبر سري]

عفوا لم اتمنى ان تكون الردود هكذا بل يجب ان نخبر الجميع بما يحدث حوالينا لنعرف ماذا يدور ويحدث لربما يقرأ الخبر احد اصدقاء العائله الحاكمة او هم انفسهم يقرأون الخبر ويعرفون ان الشعب مستاء مما يحدث فيصدرون قرارا لصد هذا الانحلال الاخلاقي

بذمتكم هل منظر شبابنا بسيلين وراء بعض الشباب القطري بنت فلبينية ولا غيرها نسكت عنه - هل منظر اللبنانيات وصدروهم العاريه حتى برمضان نسكت عنه

هل منظر شابنا بالسيارات مع البنات يسكت عنه

هل الديسكوات والرقص والخمر يسكت عنه

هل نكتم القهر بقلوبنا لا والف لا بل سنكتب ونكتب حتى يقرأ احد المسؤلين الاخيار ويصدر قرار ليرضى الرب عنا
لاتقولوا حرية وديموقراطيه قولوا قله دين وقله ادب وقله حياء نحن نربي ابنائنا على العيب ويرون المنظر بجانبهم هل نحبسهم بالبيت بالسابق كانوا يقولون لا تسافروا خارج البلد اذاهذه المناظر لا تعجبكم طيب والان ببلادنا ماذا نفعل نسكت ( يخسون والله ما اسكت اللي اقدر عليه باسويه والحمد لله ادبت ناس بعده مواقف وبستمر )

اخيرا سؤال اين الشتاء هذا العم اين المطر ؟ الاجابه - بسبب سكوتنا لامطر ولا برد مثل السابق

هلا اختي الطيبة كلها

شفتي شباب مع بنات في الكورنيش مثلا , وجيتي كتبتي في المنتدى

طيب وبعدين؟
هذا سؤالي

[eXpert*]

احنا لو نأمر بالمعروف وننهى عن المنكر ،، كثر ما نكتب ردود في المنتدى كان ما شفنا اللي نشوفه.

[sh50]

اشكرك يا حبر سري على الموضوع

الناس فعلا صار كلامهم كله غيبه وشك في الناس


وهم يفتكرون انهم يحلون المشكله بنشرها

ما يدرون انهم بانفسهم يساهمون في نشر الفساد والفضايح بين الناس

المفروض اهل هذه المواضيع

ما نعلق على مواضيعهم

لاننانشترك معهم في نشر المشاكل

[!قطريـة بنت القمـر!]

احنا لو نأمر بالمعروف وننهى عن المنكر ،، كثر ما نكتب ردود في المنتدى كان ما شفنا اللي نشوفه.


اشكرك يا حبر سري على الموضوع

الناس فعلا صار كلامهم كله غيبه وشك في الناس


وهم يفتكرون انهم يحلون المشكله بنشرها

ما يدرون انهم بانفسهم يساهمون في نشر الفساد والفضايح بين الناس

المفروض اهل هذه المواضيع

ما نعلق على مواضيعهم

لاننانشترك معهم في نشر المشاكل



:) ....


اللي شفته ان الواحد يوم يرتكب شي يعتبر مخالف للدين او العادات والتقاليد ولقى اكثر من شخص يكلمه ويقول هذا عيب ولا حرام وغلط .... بيستحي على دمه مع الوقت لا شاف الناس تنقد عليه :) .... لكن قليل من يفعل ذلك .... لذا هم بيتمادون و المنتقدون من وراءهم بيظلون منتقدين بنفس الطريقة .... والانسان لا يخجل كثيرا من المنتقدين الذين لا يعرفهم ولم يواجههم ....


وجهة نظـر تحتمل الصواب وتحتمل الخطأ .....

[بابا الضحية]

عفوا لم اتمنى ان تكون الردود هكذا بل يجب ان نخبر الجميع بما يحدث حوالينا لنعرف ماذا يدور ويحدث لربما يقرأ الخبر احد اصدقاء العائله الحاكمة او هم انفسهم يقرأون الخبر ويعرفون ان الشعب مستاء مما يحدث فيصدرون قرارا لصد هذا الانحلال الاخلاقي

بذمتكم هل منظر شبابنا بسيلين وراء بعض الشباب القطري بنت فلبينية ولا غيرها نسكت عنه - هل منظر اللبنانيات وصدروهم العاريه حتى برمضان نسكت عنه

هل منظر شابنا بالسيارات مع البنات يسكت عنه

هل الديسكوات والرقص والخمر يسكت عنه

هل نكتم القهر بقلوبنا لا والف لا بل سنكتب ونكتب حتى يقرأ احد المسؤلين الاخيار ويصدر قرار ليرضى الرب عنا
لاتقولوا حرية وديموقراطيه قولوا قله دين وقله ادب وقله حياء نحن نربي ابنائنا على العيب ويرون المنظر بجانبهم هل نحبسهم بالبيت بالسابق كانوا يقولون لا تسافروا خارج البلد اذاهذه المناظر لا تعجبكم طيب والان ببلادنا ماذا نفعل نسكت ( يخسون والله ما اسكت اللي اقدر عليه باسويه والحمد لله ادبت ناس بعده مواقف وبستمر )

اخيرا سؤال اين الشتاء هذا العم اين المطر ؟ الاجابه - بسبب سكوتنا لامطر ولا برد مثل السابق


يالطيبة كلها !!!ترى الموضوع يقول ماتفضحونا قدام البشر اليوم في الشغل هني شفت اثنين عرب قاعدين يشوفون المنتدى قلت ابييييي الحين يشوفون الشكاوي مالتنا !!خلص كل واحد وواحده تعين نفسها لجنة الامر بالمعروف تشوفين شي غلط حاولي صلحيه بلسانك تراكم الحريم تعرفون تتكلمون زين النصيحه :nice:

[سكرمر]

مشكور اخوي على هالملاحظه

المقـــصود هو تشــويه سمعت الدوله لانه يذكر اسم الدوله قبل عنوان الحــدث

الله يهــديهم على الاقل لو ابتليت استتر


استر نفسك ترى هالشي سـواده وجـه


اتــمني ان اللى يكتب هالامواضيع ويفكر انه يـعتز فيـها او تــزيده درجه فـهو فاهم غلط

تحـــياتي لكـم

[ولد النواخذه]

أخوي حبر سري

اولا يعطيك العافية على غيرتك وعلى حرصك ومناقشتك لهالموضوع الهام خصوصا أن بالفعل أنا شخصيا ملاحظ تكرار المواضيع الي فيها مثل هالسلبيات الي تتواجد في جميع المجتمعات باختلاف الطرق ولكن هل من الجدير بنا مناقشة كل صغيرة وكبيرة تنطوي تحت هذا الشئ؟!؟! لا بأس من طرح مثل هذه الأمور مرات قليلة ولكن ليست بطريقة تؤدي بالتالي الى تواجد فكرة سلبية أن بلدنا والعياذ بالله منحطه أخلاقيا فنحن ولله الحمد في بلد متسلح بالدين والخلق والمحافظه على السمعه والأصل الطيب والمعدن الحقيقي للانسانية ولكن أيا يكن ستوجد الشواذ لهذه القواعد التي نتمنى أن تهتدي وتعود الى صوابها والقطريون ليسوا ملائكة كما أسلفت.
بارك الله فيك وثبت خطاك وان شاء الله بلادنا في عز ورايتها بيضا خفاقه بين الامم وهذه الحيثيات لن تهز هذا الكيان المتين الذي يتواجد بينه الغيورين الأصيلين أمثالك يا أخوي.

[حبر سري]

أخوي حبر سري

اولا يعطيك العافية على غيرتك وعلى حرصك ومناقشتك لهالموضوع الهام خصوصا أن بالفعل أنا شخصيا ملاحظ تكرار المواضيع الي فيها مثل هالسلبيات الي تتواجد في جميع المجتمعات باختلاف الطرق ولكن هل من الجدير بنا مناقشة كل صغيرة وكبيرة تنطوي تحت هذا الشئ؟!؟! لا بأس من طرح مثل هذه الأمور مرات قليلة ولكن ليست بطريقة تؤدي بالتالي الى تواجد فكرة سلبية أن بلدنا والعياذ بالله منحطه أخلاقيا فنحن ولله الحمد في بلد متسلح بالدين والخلق والمحافظه على السمعه والأصل الطيب والمعدن الحقيقي للانسانية ولكن أيا يكن ستوجد الشواذ لهذه القواعد التي نتمنى أن تهتدي وتعود الى صوابها والقطريون ليسوا ملائكة كما أسلفت.
بارك الله فيك وثبت خطاك وان شاء الله بلادنا في عز ورايتها بيضا خفاقه بين الامم وهذه الحيثيات لن تهز هذا الكيان المتين الذي يتواجد بينه الغيورين الأصيلين أمثالك يا أخوي.

حياك الله ياولد النواخذ
ومشكور عالمرور