بخصوص نقاط المخالفات المرورية .. هاي اللي حصل معــاي !!!

[::.Silent.::]

السلام عليكم و رحمة الله وبركاته


طبعا الكل عارف موضوع النقاط المروريه

انا كانت عندي 3 مخالفات السنه قبل الماضيه والماضيه
مخالفة شهر 11 2007
مخالفه شهر 1 2007
مخالفة شهر 4 2008

و دفعتهم لما رحت اجدد الاستماره تاريخ 25/05/2008

رحت قبل يومين لاني بعت الموتر .. وسألت هل النقاط اللي علي راحت والا لاء؟ لأن عندي9 نقاط

قالت لي( وهني النقطه اللي ابيكم تنتبهون لهـــا ): لا للحين ما راحت منك النقاط .. قلت لها ليش؟؟ مرت سنه على بعض النقاط .. قالت لااااا

للحين ما مرت سنه من تاريخ دفع المخالفات ..

يعني السالفه ان السنه تبتدي من تاريخ دفع المخالفه وليس من تاريخ حدوثها !!!!!

هاي الشي اللي اكثر الناس ما يعرفونه ..

[sulai6i]

امرهم غريب والله


انا علي مخالفات ( ونقاط ) ودفعتهم من اكثر من سنة

ولين الحين ما شلوهم

شالحل وياهم ؟

[HEART_LION]

عندك اخونا جاجاسم فيه الخير

انشاء الله بيفيدك باللي يعرفه ويقدر عليه

[شاي كرك]

صحيح اخوي ... تقريبا هذا اللي قاعد يصير ، ولا أدري ما الهدف الرئيسي من تطبيقها .. على العموم فيه طريقة يلجأ لها البعض لتوزيع النقاط المحسوبه على المخالف ولا ادري مدى جدواها من عدمه ...:whistling:

[الوعد2016]

عجيب قانون المرور ليش مايكون من تاريخ المخالفه وليس الدفع هل هذا دليل على ان المخالفه تدفع في الحال ام هناك التباس في الموضوع لدي الاخوان في المرور

[رجل الجزيرة]

يا جماعة الخير أنتوا ليش تخالفون؟

من يوم حطوا الرادارفي قطر لين اليوم ما صادني إلا مرتين فأول مرة كنت مأخذي ولدي كان مريض أخذته لمركز السد من 3 سنوات عند إشارات كيوتل ( الحين شلوها علشان تصليحات الشوارع ) وثاني مرة العام كنت مسافر للمدينة والعمرة في الصيف على بالي إن طريق أبو سمرة ما خلصوا من النهاية بس أنا شفت الرادار على بالي إنهم مركبينه ولكنه مهوب بشغال فصادني وجاتني رسالة من الداخلية في جوالي وأنا في المدينة بعد يومين، وبعدين حاط حزام الأمان كل ما أركب السيارة ومتأكد من صلاحية الإستمارة والرخصة والحمد لله.

فالسؤال هو:

إلي صايده الرادار مرتين و3 و4 و5 مرات والمشكلة إنكم تتحججون فليش؟

فيا إخواني طبقوا المثل: إمش عدل يحتار فيك عدوك، ولا به إلا الخير.

[fhd4]

للتوضيح فقط ..

النقاط ما تروح إلا إذا مرت سنة كاملة بدون مخالفات من تاريخ آخر مخالفة ...

هذا الكلام على حسب القانون الجديد ...

يعني لازم ما تخالف أبدا لمدة سنة ... وبعدين راح تنمسح كل النقاط ...


المادة 93:
يتم محو النقاط تلقائياً في الحالتين التاليتين :
1- إذا سحبت رخصة السوق وفقاً لأحكام المادة السابقة .
2- إذا لم يرتكب السائق أي جريمة مرورية أخرى خلال سنة من تاريخ ارتكابه آخر جريمة .
وفي جميع الأحوال تظل مرات السحب مسجلة للرجوع إليها عند الاقتضاء .
http://www.gcc-legal.org/MojPortalPublic/DisplayLegislations.aspx?country=3&LawTreeSectionID=7134

[fhd4]

أعطيك مثال :

إذا كانت عليك مخالفة رادار مثلا في شهر 1 2008 هذي 4 نقاط ...

وبعد 11 شهر يعني أقل من سنة صادك الرادار في شهر 12 2008 هذي 4 نقاط ثانية ... الحين المجموع 8 نقاط

وبعد صادك الرادار مرة ثالثة في شهر 11 2009 صار المجموع 12 نقطة ...

الحين على أي مخالفة رادار قبل شهر 11 2010 راح توصل نقاطك إلى أكثر من 14 نقطة ... يعني راح ينسحب الليسن لمدة ثلاثة شهور ... وأول مخالفة كانت قبل 3 سنين ...

النقاط راح تتجمع عليك دام إنه ما مرت عليك سنة بدون مخالفات ...


أنا أشوف ان المفروض يكون مثل ما قلت ... تنمسح النقاط بمجرد مرور سنة على المخالفة مب آخر مخالفة ...

[غناتي1]

أحنا نحسب غيييير

وهم يحسبون غييييير كلششششششش

[الـقـاسـي]

مايصير هالكلام يالربع
واذا انا علي نقاط وماباقي الا يومين وصادني رادار ولا اي شي واحتسب علي نقاط
انطر سنه كاملة
اتوقع يبي لها تعديل شوي

[fhd4]

مايصير هالكلام يالربع
واذا انا علي نقاط وماباقي الا يومين وصادني رادار ولا اي شي واحتسب علي نقاط
انطر سنه كاملة
اتوقع يبي لها تعديل شوي

للأسف مثل ما قلت ... اذا مرت سنة إلا يومين وخالفت ما راح تنمسح النقاط القديمة ...

[sulai6i]

أعطيك مثال :

إذا كانت عليك مخالفة رادار مثلا في شهر 1 2008 هذي 4 نقاط ...

وبعد 11 شهر يعني أقل من سنة صادك الرادار في شهر 12 2008 هذي 4 نقاط ثانية ... الحين المجموع 8 نقاط

وبعد صادك الرادار مرة ثالثة في شهر 11 2009 صار المجموع 12 نقطة ...

الحين على أي مخالفة رادار قبل شهر 11 2010 راح توصل نقاطك إلى أكثر من 14 نقطة ... يعني راح ينسحب الليسن لمدة ثلاثة شهور ... وأول مخالفة كانت قبل 3 سنين ...

النقاط راح تتجمع عليك دام إنه ما مرت عليك سنة بدون مخالفات ...


أنا أشوف ان المفروض يكون مثل ما قلت ... تنمسح النقاط بمجرد مرور سنة على المخالفة مب آخر مخالفة ...

شكرا لك اخوي على التوضيح


اذا عُرف السبب بطُل العجب !!