هل أنت مع تدخّل الجد والجدة في التربية..؟

[هتـان قطر]

ابو حمود : حموووود وقّف أحسن لك..

حمود : يركض وينخش ورى الجدة..:secret:

الجدة : حلفت عليك ما تقّرب منه ولا تضربه علشاني

حمود : يشوف ابوه بنظرة تحدي انتصار ..وكأنه يقول له مااا تقدر:tease:

الجدة : يا ولدي مهب زين عليك..ولدك الحين رجال لا تقعد تضربه

وتهينه قدام اخوانه.. يوم انت صغير ما كنا نضربك انا وابوك الله يرحمه

الا على الشديد القوي..وهذا انت ماشالله عليك طلعت رجال

اما بتقعد تضرب ولدك على كل صغيرة وكبيرة ..بيتبلد الولد

وبتروح شخصيته..الله الله في وليدك يا ولدي..الله الله فيه

ابو حمود : وبنظرة حزن وأسف..ان شالله يمه ان شالله:weeping:

راح لغرفته وهو سارح يفكر في نفسه قبل يفكر في ولده..:rolleyes2:

أنا ليش دايما ضد هالولد..ما فيه ولد بسنّه الا له مشاكل

تعذب الوالدين..أنا ليش ما أصبر على ولدي وأحاول أكسبه..

الله يهديه بس..ويهدي اخوانه ويعيني على تربيتهم لين يكبرون..

دخل غرفته وقعد وهو ساكت..

ام حمود : شفيك ..؟ عسى ماشر ..؟

ابو حمود : افكر في كلام أمي ..كنت باضرب حمود وانخش وراها

وقالت لي كلام أثّر فيني..

ام حمود : زفرات وتأففات..لين متى وهذي حالتنا مع أمك..؟

الواحد ما يعرف كيف يربي عياله..كل ما ابغي أعلم عيالي

وأربيهم إلا هي واقفة لي..لين متى بس لين متى..؟

أأأوووووفففففف:anger1:


انتهى المشهد..واليكم التحقيق اقصد الاسئلة..

هل انت مع تدخل الجد والجدة في تربية الاولاد..؟

هل وجود أحد الجدين في البيت له أثر ايجابي في

توازن نفسية الاولاد..؟

هل ترى ان الولد او البنت سيكتسب عادات جيدة

من خلال ارتباطة بإجداده..ووجودهم بجانبه..؟




:omen2:

[um abdulla]

[QUOTE=هتـان قطر;3820512]ابو حمود : حموووود وقّف أحسن لك..

حمود : يركض وينخش ورى الجدة..:secret:

الجدة : حلفت عليك ما تقّرب منه ولا تضربه علشاني

حمود : يشوف ابوه بنظرة تحدي انتصار ..وكأنه يقول له مااا تقدر:tease:

الجدة : يا ولدي مهب زين عليك..ولدك الحين رجال لا تقعد تضربه

وتهينه قدام اخوانه.. يوم انت صغير ما كنا نضربك انا وابوك الله يرحمه

الا على الشديد القوي..وهذا انت ماشالله عليك طلعت رجال

اما بتقعد تضرب ولدك على كل صغيرة وكبيرة ..بيتبلد الولد

وبتروح شخصيته..الله الله في وليدك يا ولدي..الله الله فيه
:anger1:

بصراحة جدتهم كلامها موضوعي !! (ما بعد خرفت ):)
حلو عطف الجد والجدة والعم والعمة والخال والخالة وراعي الدكان وقصيرنا وولد عم خال امي الخ:secret:
العطف والمحاماة غير والتدخل غير !!:discuss:
يعني انا ما اتدخل في عيال اختي (الخالة ام ):shy:
ما اقول لها وديهم وجيبيهم !! ممكن اقترح اذا سمعت فيه مركز تدريب او تعليم مهارات كالسباحة (وما اقصر لو سمعت عن تنزيلات )
الحقيقة الشيبان صار لهم تصفية وما بقى منهم احد :weeping:
السؤال اذا صرت جدة وش بسوي مع عيال عيالي ؟
باطرب عمري وباسافر مرة البحرين ومرة دبي :dance
واذا يحبون يزوروني ياخذون موعد ولا يطولون ومالي خص فيهم !! عيال هالزمن المبارك ما ينحاكون باطيح في حلوقهم والا حلوق امهاتهم

[الوعد2016]

احلى مافي البيت وجود الجد والجده لتربيت الاطفال ومراعاتهم والمحافظه عليهم ولا اغلاء من الولد الا ولد الولد

ويعطيك العافيه على الموضوع الشيق والهادف في الحوار والنقاش

[عاشق الشهادة]

ياريت عندي جدة :weeping:

[hemoud123]

شكرا اخوي على هذا الموضوع الاكثر من رائع
وبما انني انا المقصود فاحب اشارككم الراي :nice:
تاكد يا عزيزي ان الولد او البنت لايمكن ان يكتسب الا احسن العادات من وجود الج والجده في البيت , وكثيرا ما يكونون صمام امان بين الاب والام من ناحيه والابناء من ناحيه ثانيه , بالاضافه الى ما يضفونه من جو مليئ بالرحمه والموده
عسى ربي يكتب لهم طول العمر والصحه والعافيه , لهم ولكاتب الموضوع

[العقل الحر]

في التربيه الصحيحه يجب عدم تدخل اي حد في تربيه الابناء فقط الاب والام .... وخاصه في العقاب والثواب ,

ولكن في بعض الامور مايتعلهما الابن الى من الشيبان

بس في الحقيقه من بيقول لا حق العجوز ولا الشيبه ؟؟ بروح فيها

[باقيـﮧ على ذ ڪرآڪ]

لهم كل الحق فى التدخل فى شؤونهم وما اعز من الولد الا ولد الولد واكيد من محبتهم وخوفهم عليهم والله يخلى لنا شيابنــــــــــــــــــــــــــــــــــا وعجايزنا وشو احنا من دونهم اكل بلا نكهه ولا طعم

[الألماسي]

لهم كل الحق فى التدخل فى شؤونهم وما اعز من الولد الا ولد الولد واكيد من محبتهم وخوفهم عليهم والله يخلى لنا شيابنــــــــــــــــــــــــــــــــــا وعجايزنا وشو احنا من دونهم اكل بلا نكهه ولا طعم


كفيت و وفيت أخوي المزن . .

و أشوف تدخل الجد و الجده ضروري و خاصه في ظل الانفتاح العنيف من قبل الأباء و الأمهات تجاه أبنائهم في وقتنا الراهن و يجعل عمليّه التربيّه انسيابيه نوعاً ما و معتدله الى حد المعقول :)

[um abdulla]

هتان
القبول بمبدأ التدخل امر خطييييييييييييييييييييير
بكرة تتدخل الامم المتحدة وصندوق النقد الدولي ومحكمة الجنايات الدولية

انتبهي !! انت نفسك نشأت بقابلية التدخل الحكومي في حياتك وافكارك وحراكك الاجتماعي
انصحك باعلان بيتكم دولة مستقلة ! وتسلحي بالاصرار وتمسكي بارادتك الحرة وارقي سنود !!!

[ANONYMOUS]

ماقريت الموضوع..

بس من العنوان اقول تدخلهم على العين والراس وهم الخير والبركه وراس المال..

[pure]

انا مع التدخل اكيييد اهم الخير والبركه وما بتتدخل الا عشان مصلحة اليااهل

لكن بحدود تووقف عند حد ما تكون متعارضه مع قرارت الوالدين او مغايره لهم

وايضا ما يكون فيه الدلال الزاايد لان الجد والجده يدلولون عيال عيالهم واايد

وبس

يعطيييج العاافييه يارب عل الموضوع

[الـقـاسـي]

انا مع تدخلهم أكيد
والواحد لما يحتك فيهم يكتسب العادات والتقاليد الزينه
ويحس انه في أحد يلجاء له لما يتعرض للظلم من والدية
الله يحفظهم ويطول بعمرهم

[مناحي السادس عشر]

هتان
القبول بمبدأ التدخل امر خطييييييييييييييييييييير
بكرة تتدخل الامم المتحدة وصندوق النقد الدولي ومحكمة الجنايات الدولية

انتبهي !! انت نفسك نشأت بقابلية التدخل الحكومي في حياتك وافكارك وحراكك الاجتماعي
انصحك باعلان بيتكم دولة مستقلة ! وتسلحي بالاصرار وتمسكي بارادتك الحرة وارقي سنود !!!



ام عبدالله تبينا نرقى حدر((ندحدر)) بالكلام هذا هههههههههههههههههههههههههههه


طبعا ياهتان قطر بوجود الجد والجده ينعدم وجود الاب والام
الله يخلي كل جد وجده لانهم يزرعون فينا وفي عيالنا كل شي طيب

[مرتبش]

انا مع تدخلهم
الكبار لهم نظرة شاملة وحكيمة ومحد يقدر يستغني عنهم ووجودهم صمام امان للعائلة

[دلة الرسلان]

هم الخير والبركة ولكن بعظهم يفرض افكاره التي تربى عليها وبدكتاتورية على تربية الأحفاد

مثلا طريقة اللبس ولا انتي معاقبة الولد وما شريتي له تقوم وتسمح خاطره وتجيب اللي يبغي

واهم شيء العنصرية يعني اذا وقفت في صف الأولاد ضد البنات .

طبعا ولله الحمد ما اذكر انه في مرة من المرات قلت لشيباني كلمة تعبر عن ضيقي لأنه بيجي

يوم ويمكن ينقال عنا نفس اللي نقوله عنهم الله يحفظهم لنا .

[ضوى]

انتهى المشهد..واليكم التحقيق اقصد الاسئلة..

هل انت مع تدخل الجد والجدة في تربية الاولاد..؟

اكيد هم الخير والبركة بس مب في كل شئء ، الدنيا تغيرت والافكار تغيرت

هل وجود أحد الجدين في البيت له أثر ايجابي في

توازن نفسية الاولاد..؟

جداااااااااااااااااا ، عسى الله يطول بعمر ام زوجي ويخليها يارب ، بس الله يصلحها ويعافيها فيه شوي تفرقة عنصرية بين الولد والبنت :( بس بالنهاية وجودها جدااااااااااااااااا مهم بحياتنا كافية عيالي الصبح يشوفونها تقعد لصلاة الفجر ويشوفونها دوم تقرأ قرأن وهذا شئ ايجابي في نفوسهم ،

هل ترى ان الولد او البنت سيكتسب عادات جيدة من خلال ارتباطة بإجداده..ووجودهم بجانبه..؟

اكيد ، والحمد لله

عسى ربي يخليها لنا ولا يحرمنا منها ويشافيها ويعافيها يارب ، ويرحم الاموات منهم اللهم امييييييييييييييييين

[مالي ومال الناس]

يا فديت الجد والجده الله يطول بأعمارهم :)

مشكوره على الموضوع الشيق :nice:

[بنت^البحرين1]

صراحه مافيها شي ابدا ،، احنا اعيال اخوي نفس المشهد المذكور ، اخوي مرة هاد على ولده ووراه والشر يتطاير من عينه( طبعا من سواة ولده ماشاءالله وايد حركي) وهو يركض على الدري وركيييييض ورى امي ، وقامت امي قالت والله ان لمسته بزعل عليك ليوم الدين . اهني ضرب بريك غصبا عنه لين هدت اعصابه

في البيت صراحه مب بس امي وابوي مايرضون ، مرات بنت اخوي بعد يوم امها تبي تصيدها تضربها، تنزل تناديني عمتي فلانه وركيض وراي ، عاد انا من تنزل امها احلفها، اقولها والله مابتعيدها اخر مرة لها والا امسك بنت اخوي في حضني واسكر عليها بيدي

بس طبعا مو معناه ندخل في كل شي فيهم ، هي بعض المرات ولكن تربيتهم لأعيالهم مايمنع من مشاركتنا فيها، وانا هالشي دايما اسويه مع اخوي يستشيرني او يسمع لرايي وبعدين كيفه ياخذ به او يخليه

[الموضوعي]

اي واحد كبير في العائلة له الحق في التدخل الجد الجدة العم الخال لكن بعض الناس عقولهم ناقصه يقول حق اخوه الكبير ولا ابوه ولا عمه مالك دخل في عيالي!

[شمعة المنتدى]

التدخل مطلووووب ،،

لكن الإيجابي ،،

يعني لو التدخل السلبي في التربيه ،، ما أنصح فيه ،،

يا انك تكون مع حفيدك وفي صفّه ،، > لأن الوالدين ضد الابن < ،، فلازم يكون في حد معاااه و في صفه ،،

أو انك ما تتدخل كللللللللللش ،،

هذا رايي ،،

وربي يخلي لي جدي و جدتي ،، يااااااااارب ،،

يسلمووووو ع الموضوع ،،

:)

[هتـان قطر]

[QUOTE=هتـان قطر;3820512]ابو حمود : حموووود وقّف أحسن لك..

حمود : يركض وينخش ورى الجدة..:secret:

الجدة : حلفت عليك ما تقّرب منه ولا تضربه علشاني

حمود : يشوف ابوه بنظرة تحدي انتصار ..وكأنه يقول له مااا تقدر:tease:

الجدة : يا ولدي مهب زين عليك..ولدك الحين رجال لا تقعد تضربه

وتهينه قدام اخوانه.. يوم انت صغير ما كنا نضربك انا وابوك الله يرحمه

الا على الشديد القوي..وهذا انت ماشالله عليك طلعت رجال

اما بتقعد تضرب ولدك على كل صغيرة وكبيرة ..بيتبلد الولد

وبتروح شخصيته..الله الله في وليدك يا ولدي..الله الله فيه
:anger1:

بصراحة جدتهم كلامها موضوعي !! (ما بعد خرفت ):)
حلو عطف الجد والجدة والعم والعمة والخال والخالة وراعي الدكان وقصيرنا وولد عم خال امي الخ:secret:
العطف والمحاماة غير والتدخل غير !!:discuss:
يعني انا ما اتدخل في عيال اختي (الخالة ام ):shy:
ما اقول لها وديهم وجيبيهم !! ممكن اقترح اذا سمعت فيه مركز تدريب او تعليم مهارات كالسباحة (وما اقصر لو سمعت عن تنزيلات )
الحقيقة الشيبان صار لهم تصفية وما بقى منهم احد :weeping:
السؤال اذا صرت جدة وش بسوي مع عيال عيالي ؟
باطرب عمري وباسافر مرة البحرين ومرة دبي :dance
واذا يحبون يزوروني ياخذون موعد ولا يطولون ومالي خص فيهم !! عيال هالزمن المبارك ما ينحاكون باطيح في حلوقهم والا حلوق امهاتهم


ام عبدالله مبين عليس بوادر الجدة ذات القلب الخضر

ما همها الا نفسها وراحتها..<<< احتمال اكون مثلس

وش لنا بعوار الراس..كفاية علينا عيالنا ..ربيناهم وكبرناهم

الدور والباقي عليهم..



عن نفسي ما عشت الا مع جدة وحده..كان خاطري في جدتين لكن

ما صار..والحمد لله على كل حال..

لين الحين اتذكرها واتذكر حزاويها والاشياء اللي تعلمتها منها

ومستحيل انساها الله يوسع منازلها ويرحمها برحمته..

[هتـان قطر]

احلى مافي البيت وجود الجد والجده لتربيت الاطفال ومراعاتهم والمحافظه عليهم ولا اغلاء من الولد الا ولد الولد

ويعطيك العافيه على الموضوع الشيق والهادف في الحوار والنقاش

اخوي الوعد بعض زوجات الابناء يحملون الجدة مالا طاقة لها به

مافيها شي تسولف مع عيال عيالها ويتعلمون منها اشياء تفيدهم

اما انها تباريهم وتهتم فيهم وتتعب نفسها انا ضد هذا الشي

هذي مسئولية الام..



ياريت عندي جدة :weeping:


:weeping:

[هتـان قطر]

شكرا اخوي على هذا الموضوع الاكثر من رائع
وبما انني انا المقصود فاحب اشارككم الراي :nice:
تاكد يا عزيزي ان الولد او البنت لايمكن ان يكتسب الا احسن العادات من وجود الج والجده في البيت , وكثيرا ما يكونون صمام امان بين الاب والام من ناحيه والابناء من ناحيه ثانيه , بالاضافه الى ما يضفونه من جو مليئ بالرحمه والموده
عسى ربي يكتب لهم طول العمر والصحه والعافيه , لهم ولكاتب الموضوع


اللهم امين ياحمووود..:nice:

وجود الشيبان والعجايز في البيت بركة

مع اني افتقد هذا الشي انا وعيالي..:weeping:

[um abdulla]

دخلت هتان ؟؟
خلاص بتاكلين الجو :anger1:
اكرم لي اسجل خروج
escape

[هتـان قطر]

دخلت هتان ؟؟
خلاص بتاكلين الجو :anger1:
اكرم لي اسجل خروج
escape


وش بلااااس..؟

:eek5:

:telephone:

[هتـان قطر]

في التربيه الصحيحه يجب عدم تدخل اي حد في تربيه الابناء فقط الاب والام .... وخاصه في العقاب والثواب ,

ولكن في بعض الامور مايتعلهما الابن الى من الشيبان

بس في الحقيقه من بيقول لا حق العجوز ولا الشيبه ؟؟ بروح فيها


احيانا نغفل نحن الاباء عن امور في التربية او نجهلها

فيتعلمها الابن او البنت من الاجداد..

يكفي جلوس الابناء حول الجد او الجده والاستماع الى قصصه

وحزاويه المليئة بالدروس والعبر..

شكرا العقل الحر على المرور..

[وجه الحقيقة]

ابو حمود : حموووود وقّف أحسن لك..

حمود : يركض وينخش ورى الجدة..:secret:

الجدة : حلفت عليك ما تقّرب منه ولا تضربه علشاني

حمود : يشوف ابوه بنظرة تحدي انتصار ..وكأنه يقول له مااا تقدر:tease:

الجدة : يا ولدي مهب زين عليك..ولدك الحين رجال لا تقعد تضربه

وتهينه قدام اخوانه.. يوم انت صغير ما كنا نضربك انا وابوك الله يرحمه

الا على الشديد القوي..وهذا انت ماشالله عليك طلعت رجال

اما بتقعد تضرب ولدك على كل صغيرة وكبيرة ..بيتبلد الولد

وبتروح شخصيته..الله الله في وليدك يا ولدي..الله الله فيه

ابو حمود : وبنظرة حزن وأسف..ان شالله يمه ان شالله:weeping:

راح لغرفته وهو سارح يفكر في نفسه قبل يفكر في ولده..:rolleyes2:

أنا ليش دايما ضد هالولد..ما فيه ولد بسنّه الا له مشاكل

تعذب الوالدين..أنا ليش ما أصبر على ولدي وأحاول أكسبه..

الله يهديه بس..ويهدي اخوانه ويعيني على تربيتهم لين يكبرون..

دخل غرفته وقعد وهو ساكت..

ام حمود : شفيك ..؟ عسى ماشر ..؟

ابو حمود : افكر في كلام أمي ..كنت باضرب حمود وانخش وراها

وقالت لي كلام أثّر فيني..

ام حمود : زفرات وتأففات..لين متى وهذي حالتنا مع أمك..؟

الواحد ما يعرف كيف يربي عياله..كل ما ابغي أعلم عيالي

وأربيهم إلا هي واقفة لي..لين متى بس لين متى..؟

أأأوووووفففففف:anger1:


انتهى المشهد..واليكم التحقيق اقصد الاسئلة..

هل انت مع تدخل الجد والجدة في تربية الاولاد..؟

هل وجود أحد الجدين في البيت له أثر ايجابي في

توازن نفسية الاولاد..؟

هل ترى ان الولد او البنت سيكتسب عادات جيدة

من خلال ارتباطة بإجداده..ووجودهم بجانبه..؟




:omen2:


ترى تدخل الجد والجده فالتربيه اشبه مايكون بملطف جو في لحظات التوتر والانزعاج بين الاب وابنه اللي هو الحفيد..
انا الصراحه افضل تدخلهم لان الاب والام احيان ممكن يشدون هم الاثنين على الطفل فالجد والجده تدخلهم يخفف من حده الموقف وبعدين امشوا على سياسه عمر بن الخطاب سماها سياسه الحبل ..اذا شد الام والاب في طرف ثاني يسوي توازن وامان للطفل لما ينطق من هله يلجأ لجده وجدته ..اعتقد ان اللي عياله قراب من امه وابوه محظوظ والله

[الكايـــده]

يالييييييييييييييييييت جدت بناتي عايشه عندنااااااااااااااااااا


يالبيه يالشيباااااااااااااان انقرضوووا ماعاد عندنا شيبااان الله يرحمهم ويغفرلهم يارب


يازينهم لاتدخلوووا ولانخش الولد ورى ظهرهم هههههههههههه كنت اسوووي كذا قبل هعههههه

[هتـان قطر]

لهم كل الحق فى التدخل فى شؤونهم وما اعز من الولد الا ولد الولد واكيد من محبتهم وخوفهم عليهم والله يخلى لنا شيابنــــــــــــــــــــــــــــــــــا وعجايزنا وشو احنا من دونهم اكل بلا نكهه ولا طعم


ما تلاحظ اخوي المزن ان بعض الامهات ما يرضون ان الجدة تتدخل

في تربية الاولاد..وتحاول بشتى الطرق ان تبين للعجوز انها دقة قديمة

وان التربية الحديثة تتطلب وجود الام والاب فقط دون تدخل طرف ثالث..!!!

[هتـان قطر]

كفيت و وفيت أخوي المزن . .

و أشوف تدخل الجد و الجده ضروري و خاصه في ظل الانفتاح العنيف من قبل الأباء و الأمهات تجاه أبنائهم في وقتنا الراهن و يجعل عمليّه التربيّه انسيابيه نوعاً ما و معتدله الى حد المعقول :)

تصدق يالالماسي ان اغلب الجدات يعيشون صراع داخلي والسبب

الطفرة اللي نعيشها...اشياء ماكانت موجودة من كم سنة..الحين كل شي عادي

احس لسان حالهم يقول " ان طاعك الزمان والا طيعه"


هتان
القبول بمبدأ التدخل امر خطييييييييييييييييييييير
بكرة تتدخل الامم المتحدة وصندوق النقد الدولي ومحكمة الجنايات الدولية

انتبهي !! انت نفسك نشأت بقابلية التدخل الحكومي في حياتك وافكارك وحراكك الاجتماعي
انصحك باعلان بيتكم دولة مستقلة ! وتسلحي بالاصرار وتمسكي بارادتك الحرة وارقي سنود !!!


اخاف ارقى سنود وبعدين اتدحدر لين تحت..!!!:secret:

يؤسفني ويحزنني انه ما عندي اي تدخل خارجي

وبيتي بيئة مستقله من قبل انشاء المستقلات

علشان كذا انا ضد المستقلات ..:victory:



ماقريت الموضوع..

بس من العنوان اقول تدخلهم على العين والراس وهم الخير والبركه وراس المال..


هذا الكلام يقوله اللي عايش مع امه او ابوه

ولكن افرض ان جدة عيالك من صوب الام

معكم في البيت..

هل بيكون كلامك نفس ماهو وكأنها أمك بالضبط

[ورقــة أمــل]

تدخل الجد والجده ضروري لانهم احكم وافهم منا في اموور الدنيا وهم الخير والبركة

[الملكة الام]

اختي هتان







لنا كل الحق في التدخل في تربية احفادنا...



والله مثل ماربينا ابهاتهم بنربيهم...



الفرق ان ندلعهم اكثر بس....



بحكم عامل السن يعني...




واللي اعرفه ان الطفل اللي يربى في بيت اسرتة ممتده يكون احسن نفسياً من اللي اسرته نوويه....



وسلمتي....







اختج العوده


الملكة الام

[!قطريـة بنت القمـر!]

للاسف ما عمري شفت جد ولا جده :) .... بس احبذ تدخل الجد والجده في التربيـة وخصوصا ان كان عندهم وعي و خلفية دينية كبيره .... لان احتمال كبير الاب والام ينشغلون عن اطفالهم .... فيكون وجود الجد والجده هو الانفع في تعليم الاحفاد ما لم يتعلموه من ابائهم وامهاتهم ....



كتطبيق عملي .... اخوي العود الله يحفظه قاعد يجيب عياله للوالده ويقول ابيهم يتربون بحضن جدتهم ويتعلمون مثل ما تعلمنا .... وان شاء الله قريب بعد اقط عيالي على امي :secret: .... والحفيد يميل كثير لاجداده بحكم الحنان ويسمع لهم في الكثير من الاحيان اكثر من ابوه وامه .....



مع وبشده :) ....

[المتأمل خيرا]

تدخل الجد والجده ضروري لانهم احكم وافهم منا في اموور الدنيا وهم الخير والبركة

أختي الكريمة..

إسمحي لي أن أعقـّـب.. دون قراءة مشاركات إخوتي الكرام.. على أمل العودة لقراءتها في وقت آخر..

فقط ملاحظة أولية عابرة.. ربما استخدام كلمة "تدخـّـل" في الجملة الواردة بحد ذاته قد يحمل معنى سلبياً.. "نقطة ليس القصد منها إثارة نقاش، لكنها ملاحظة أتت في البال :)"..

أما بالنسبة لصلب الموضوع.. فمن خلال الملاحظة يمكن القول أنه كثيراً ما يكون دور الجد أو الجدة (وأنا هنا افترض أن الحديث عن الأحفاد) يكون بهدؤ ورويـّـة.. فيعطون الأمر حجمه الذي يستحقه "أو قريب من ذلك".. حيث أنه كثيراً ما يكون موقف الأم "تحديداً" تجاه الأطفال به تســرّع أو رد فعل أكثر من اللازم.. - وهذا أمر أحياناً له مبرراته، لكن ليس بمعنى الموافقة عليه.. وأقصد هنا انفعال الأم - .. وموقف الجد أو الجدة "المتروّي" تعود اسبابه إلى:

1- تجارب الحياة
2- عدم وجود ضغط "سواء عمل أو انشغال مباشر بالأبناء".. مما يتيح رؤية أكثر عقلانية
3- الحنان الذي يحس به الجد والجدة تجاه الأحفاد.. بعد افتقاد أبناء في هذه المرحلة العمرية

.. هذا الذي جاء في بالي في هذا الصباح الباكر :) ..

وعلى أية حال عليك ِ بتقبل دورهم بروح جميلة.. وتأملي كيف هم عالجوا الموضوع.. وكيف كانت النتيجة.. "حيث أن دورك - كجدة - قادم مع الأيام :)",,

مع تمنياتي لك ِ بالخير والصحة.. والسعادة مع الأبناء..

[الورده]

انا جدة لثلاث احفاد الله يصلح ومن تجربتي لابد من تدخل في بعض الامور مثلاً يبكي وهي قاعدة تسولف هنا لازم تدخل ليش يبكي القلوب باردة ولا يسألون نسكت ما يصير حنا ماخليناهم يبكون
يكون البزر مع الخدامه في الحوش وهي ماسكه التلفون ولا تدري شيصير هنا لازم تدخل
ما ينضرب ابداً الا على الخطاء البين ويكون كبير مهوب عمرة من سنتين وثلاث وينضرب ليه
انا جدة واحبهم حتي اغلاء من والديهم اللي هم عيالي
تأكدوا وهذا مثل معروف انه مايولد مرتين الا الجدة

[هتـان قطر]

انا مع التدخل اكيييد اهم الخير والبركه وما بتتدخل الا عشان مصلحة اليااهل

لكن بحدود تووقف عند حد ما تكون متعارضه مع قرارت الوالدين او مغايره لهم

وايضا ما يكون فيه الدلال الزاايد لان الجد والجده يدلولون عيال عيالهم واايد

وبس

يعطيييج العاافييه يارب عل الموضوع

اتفق معاك بيور..حلو تدخلهم واحلى منه تعاونهم مع الوالدين في التربية

بحدود وبدون دلع زايد حتى ما يفسد الاولاد..

تحياتي لك..:)



انا مع تدخلهم أكيد
والواحد لما يحتك فيهم يكتسب العادات والتقاليد الزينه
ويحس انه في أحد يلجاء له لما يتعرض للظلم من والدية
الله يحفظهم ويطول بعمرهم

اللهم آمين..اغلبكم مع..مافيه ضد..؟ علشان نتناقش معه :nice:



ام عبدالله تبينا نرقى حدر((ندحدر)) بالكلام هذا هههههههههههههههههههههههههههه


طبعا ياهتان قطر بوجود الجد والجده ينعدم وجود الاب والام
الله يخلي كل جد وجده لانهم يزرعون فينا وفي عيالنا كل شي طيب

اللهم آمين,, ومساكين اللي يفتقدون حنان الجد والجدة:weeping:


انا مع تدخلهم
الكبار لهم نظرة شاملة وحكيمة ومحد يقدر يستغني عنهم ووجودهم صمام امان للعائلة

كلامك سليم ..خبرتهم في الحياة وكثرة تجاربهم وصلتهم الى مرحلة النضج

لذلك وجودهم له اثر كبير في حياة الابناء ..يستفيدون منهم اشياء كثيرة

[PoBox]

*
*
*

هل أنت مع تدخل الجد او الجده ؟؟

ليش هو بكيفنا اصلا :secret: :rolleyes2:

خليهم يتدخلون مساكين ، مالهم بالدنيا ا
لا هالكم ولد
وولد ولد
وكل مابقا لهم في الدنيا سنوات :(

وبعدين مب لازم حمود يننصح او ينضرب قدامهم ،
يوديه ابوه فوق
بعيد عن الجد والجده
( ويرقد به ) :secret:

[ROSE]

فديتهم والله مثل مادلعونا خل يدلعون عيالنا بعد

سواء من جانب الاب او الام

ماعندي مانع يدافعون عن عيالي ويدلعونهم ويتدخلون

صج ممكن فيه امور احب اعلمها لعيالي واشوف العكس منهم

واسكت ارضاءا لهم في وقتها ولكن بيني وبينهم امسكهم بعدين

واعلمهم عليها


مثلا حبيت اعاقب ولدي على موضوع معين وراح يحتمي بجدته

اسكت احتراما لها

بس العقاب يجي بعدين بدون ماتحس عشان ماتحس بالاساءة


ويازين حسهم بالبيت حتى لو كنت مختلفه معاهم في امور

الا انهم الخير والبركة احترمهم واحطهم بعيوني بعد وخل يربون عيالي

مثل مايبون سواء الجدة من طرف الاب مب هالاب هو ولدهم

وهو زوجي اللي خذته وعجبني


او من طرف الام مب هالام هي انا وهم اللي ربوني

اشكرج هتان على هالموضوع

[هتـان قطر]

فديتهم والله مثل مادلعونا خل يدلعون عيالنا بعد

سواء من جانب الاب او الام

ماعندي مانع يدافعون عن عيالي ويدلعونهم ويتدخلون

صج ممكن فيه امور احب اعلمها لعيالي واشوف العكس منهم

واسكت ارضاءا لهم في وقتها ولكن بيني وبينهم امسكهم بعدين

واعلمهم عليها


مثلا حبيت اعاقب ولدي على موضوع معين وراح يحتمي بجدته

اسكت احتراما لها

بس العقاب يجي بعدين بدون ماتحس عشان ماتحس بالاساءة


ويازين حسهم بالبيت حتى لو كنت مختلفه معاهم في امور

الا انهم الخير والبركة احترمهم واحطهم بعيوني بعد وخل يربون عيالي

مثل مايبون سواء الجدة من طرف الاب مب هالاب هو ولدهم

وهو زوجي اللي خذته وعجبني


او من طرف الام مب هالام هي انا وهم اللي ربوني

اشكرج هتان على هالموضوع


روز تفكيرك واعي..مع ان بعض زوجات الابناء يتحسسون من هالقضية

وما يحبون ان الجدة تتدخل.. خصوصا اذا كانت الجدة من صوب الاب..:secret:

وحلوة فكرة التأديب بعيدا عن اعين الجدين حتى ما يرتفع ضغطهم ويزعلون..:(

[هتـان قطر]

*
*
*

هل أنت مع تدخل الجد او الجده ؟؟

ليش هو بكيفنا اصلا :secret: :rolleyes2:

خليهم يتدخلون مساكين ، مالهم بالدنيا ا
لا هالكم ولد
وولد ولد
وكل مابقا لهم في الدنيا سنوات :(

وبعدين مب لازم حمود يننصح او ينضرب قدامهم ،
يوديه ابوه فوق
بعيد عن الجد والجده
( ويرقد به ) :secret:


ياويلي على حمود..مضروب مضروب..انخش والا ما انخش ورى الجدة..؟
:weeping:

[جهام]

لالالالالالالالالالالالالالالالالالالالالا....

[هتـان قطر]

هم الخير والبركة ولكن بعظهم يفرض افكاره التي تربى عليها وبدكتاتورية على تربية الأحفاد

مثلا طريقة اللبس ولا انتي معاقبة الولد وما شريتي له تقوم وتسمح خاطره وتجيب اللي يبغي

واهم شيء العنصرية يعني اذا وقفت في صف الأولاد ضد البنات .

طبعا ولله الحمد ما اذكر انه في مرة من المرات قلت لشيباني كلمة تعبر عن ضيقي لأنه بيجي

يوم ويمكن ينقال عنا نفس اللي نقوله عنهم الله يحفظهم لنا .


دله خلنا نحط في بالنا ان الجدة او الجد يحبون عيالنا حب كبير
ويمكن اكثر منا..صحيح احيانا عندهم ملاحظات او انتقادات لتربيتنا
ولكن لازم نوسع صدورنا ونتقبل انتقاداتهم بصدر رحب..
ومثل ما قلتي ان الله راد ..احنا بنكون في محلهم في يوم من الايام..
تحياتي لس..<< على وزن واير لس :nice:



انتهى المشهد..واليكم التحقيق اقصد الاسئلة..

هل انت مع تدخل الجد والجدة في تربية الاولاد..؟

اكيد هم الخير والبركة بس مب في كل شئء ، الدنيا تغيرت والافكار تغيرت

هل وجود أحد الجدين في البيت له أثر ايجابي في

توازن نفسية الاولاد..؟

جداااااااااااااااااا ، عسى الله يطول بعمر ام زوجي ويخليها يارب ، بس الله يصلحها ويعافيها فيه شوي تفرقة عنصرية بين الولد والبنت :( بس بالنهاية وجودها جدااااااااااااااااا مهم بحياتنا كافية عيالي الصبح يشوفونها تقعد لصلاة الفجر ويشوفونها دوم تقرأ قرأن وهذا شئ ايجابي في نفوسهم ،

هل ترى ان الولد او البنت سيكتسب عادات جيدة من خلال ارتباطة بإجداده..ووجودهم بجانبه..؟

اكيد ، والحمد لله

عسى ربي يخليها لنا ولا يحرمنا منها ويشافيها ويعافيها يارب ، ويرحم الاموات منهم اللهم امييييييييييييييييين

يارب يخليها لكم ياضوى ويطول في عمرها..
وجودها بينكم هو الخير والبركة..كفاية ما تقوم به من دروس دينية
قدام لعيال ..وتأكدي انه راح يظل في ذاكرتهم وراح يمشون على طريقتها
الله يبارك لك فيهم ..



يا فديت الجد والجده الله يطول بأعمارهم :)

مشكوره على الموضوع الشيق :nice:

العفو رمز الوفا..:)

[هتـان قطر]

صراحه مافيها شي ابدا ،، احنا اعيال اخوي نفس المشهد المذكور ، اخوي مرة هاد على ولده ووراه والشر يتطاير من عينه( طبعا من سواة ولده ماشاءالله وايد حركي) وهو يركض على الدري وركيييييض ورى امي ، وقامت امي قالت والله ان لمسته بزعل عليك ليوم الدين . اهني ضرب بريك غصبا عنه لين هدت اعصابه

في البيت صراحه مب بس امي وابوي مايرضون ، مرات بنت اخوي بعد يوم امها تبي تصيدها تضربها، تنزل تناديني عمتي فلانه وركيض وراي ، عاد انا من تنزل امها احلفها، اقولها والله مابتعيدها اخر مرة لها والا امسك بنت اخوي في حضني واسكر عليها بيدي

بس طبعا مو معناه ندخل في كل شي فيهم ، هي بعض المرات ولكن تربيتهم لأعيالهم مايمنع من مشاركتنا فيها، وانا هالشي دايما اسويه مع اخوي يستشيرني او يسمع لرايي وبعدين كيفه ياخذ به او يخليه

ماشالله عليك يابنت البحرين ..نقلتي لنا صورة واقعية تصير في اكثر البيوت
وحلو ان الام والاب يتعاونون مع اللي في البيت وما يشيلون في خاطرهم
على اهل عيالهم..لانهم مهما كان يحبونهم ويحبون مصلحتهم ومستحيل
يوقفون ضدهم ..



اي واحد كبير في العائلة له الحق في التدخل الجد الجدة العم الخال لكن بعض الناس عقولهم ناقصه يقول حق اخوه الكبير ولا ابوه ولا عمه مالك دخل في عيالي!

معك حق اخوي الموضوعي..
وهذا الشخص اللي يتبع هذي الطريقة تلاقيه حساس جدا وزعول على اتفه الاسباب
وتلاقي اهله يبتعدون عنه وعن عياله ..هذي الطريقة ما افضلها ابدا لانها بتضر
عياله وما راح تنفعهم..بتلاحظ انهم معزولين عن باقي اهلهم..
حياك الله يالموضوعي :)


التدخل مطلووووب ،،

لكن الإيجابي ،،

يعني لو التدخل السلبي في التربيه ،، ما أنصح فيه ،،

يا انك تكون مع حفيدك وفي صفّه ،، > لأن الوالدين ضد الابن < ،، فلازم يكون في حد معاااه و في صفه ،،

أو انك ما تتدخل كللللللللللش ،،

هذا رايي ،،

وربي يخلي لي جدي و جدتي ،، يااااااااارب ،،

يسلمووووو ع الموضوع ،،

:)

اللهم امين..

الجد والجدة مستحيل يحاولون يخربون تربية الابن ..ولكن لهم وجهة نظر
تختلف عن وجهة نظر الاباء احيانا..لانهم يتعاملون من الابناء من خلال
تجارب وخبرة سنين..وغالبا ما يكونون هم الصح..
نحترم وجهة نظرك ياشمعة المنتدى:)

[Ross]

نعم انا مع تدخل الجده ولكن في الايجابيات يعني اصلن هي ما بتدخل الا في الاشياء الزينه وما بتضر الولد .

نعم انا مع موجود الجدين مب احدهم لانهم عز وشمعه البيت ويساعدون في الكلمه الطيبه .

اكيد بيوازن في نفسيه الولد لانهم دايما من الجناح اللي يضلل على الولد ولا ولد الولد .

طبعا الجد او الجده مع الابو بيتعاونوون مع الولد ما بيكسب الا العادات الزينه والطيبه .

وهاي نظرتي انا

وشكرا

[هتـان قطر]

نعم انا مع تدخل الجده ولكن في الايجابيات يعني اصلن هي ما بتدخل الا في الاشياء الزينه وما بتضر الولد .

نعم انا مع موجود الجدين مب احدهم لانهم عز وشمعه البيت ويساعدون في الكلمه الطيبه .

اكيد بيوازن في نفسيه الولد لانهم دايما من الجناح اللي يضلل على الولد ولا ولد الولد .

طبعا الجد او الجده مع الابو بيتعاونوون مع الولد ما بيكسب الا العادات الزينه والطيبه .

وهاي نظرتي انا

وشكرا


معك حق...وجود الجد والجدة في البيت يحقق التوازن للاولاد
ويشبع رغباتهم العاطفية خصوصا في غياب الوالدين
لان بعض الاباء غايبين حتى ولو كانت اجسادهم موجوده..
فهي اجساد فارغة من العاطفة

[GENIUS]

هم كل الخير والبركة وتربيتنا منهم وسنظل نتعلم منهم مهما كبرنا
وجود الأحفاد مع الجد والجدة يقوي أواصر الأسرة وصدقوني كله سلف ودين فأسلوب تعاملك مع الوالدين أمام أطفالك سيعود عليك في المستقبل

[هتـان قطر]

هم كل الخير والبركة وتربيتنا منهم وسنظل نتعلم منهم مهما كبرنا
وجود الأحفاد مع الجد والجدة يقوي أواصر الأسرة وصدقوني كله سلف ودين فأسلوب تعاملك مع الوالدين أمام أطفالك سيعود عليك في المستقبل


صحيح...اعجبتني هالجملة..سلف ودين وهي تفسير
للمقولة اللي تقول كما تدين ..تدان..

ازرع خير..تحصد خير
كل الشكر لك Genius

[أمة الله]

مع تدخلهم ولكن ساعات الله يهديهم من حبهم الزايد وااايد يدلعونهم لين يختربون.....يعني الصراحه أنقهر لما أشوف ان الطفل في موقف عقاب من الأم أو الأب وتجي الجده الله يهديها وتقطع هالعقاب وتعطي الولد اللي يبيه!

قلت ( الجده ) لأنها مصدر الحناااان كلّه وماترضى على عيال عيالها كللللش.....( الجد ) أشوفه متوازن أكثر معاهم....

آنا تمنيت لو اني عايشت حد منهم ولكن الله ماكتب لي.....الله يرحم موتانا وموتى المسلمين يارب :(