تصوير مسلسل تلفزيوني في مدرسة ثانويه للبنات ووقت الدوام !!!!

[مستثمره جديده]

السلام عليكم ورحمة الله وبركاته ..

اسوقفتني اليوم في برنامج وطني الحبيب مكالمه لولية أمر طالبه في احدى المدارس المستقله

للمرحله الثانويه للبنات والتي أفادت بأن فريق تصوير تلفزيوني قد حضر الى

المدرسه لتصوير مشهد من مسلسل قطري في المدرسه بحضور الممثله زهره عرفات !!

وعلى حسب قول الأم المتصله فإن التصوير تم اجراؤه في الوقت الذي

كانت فيه الطالبات متواجدات بساحة المدرسه ضاربين بحرمة المدرسه وخصوصية

طالباتها عرض الحائط ..


كذلك افادت ولية الامر بأن ادارة المدرسه قامت بتنظيم رحله لبعض الطالبات

لاحدى المدارس الثانويه للبنين لزيارة احد المعارض المقامه هناك

ولم يتم أخذ الأذن من أهالي الطالبات لتلك الزياره .. وعندما قام الاهالي بمسائلة

الاداره واحتجوا على تلك الزياره ردت عليهم مديرة المدرسه بكل وقاحه

وطلبت منهم ان يقيسوا ذلك على زيارتهم للاسواق وعلى دوامهن في الجامعه

في مجتمع مختلط ( يعني الموضوع عادي عندها ) !!

هل ذلك يعتبر تمهيدا للطالبات لكي يتقبلوا مسألة الاختلاط في الجامعات

ومحاولة تجريء الطالبات على دخول المجتمعات المختلطه بكل جرأه ووقاحه

والتخلي عن الحياء ..

منذ متى تتجرأ لدينا الفتاة وتدخل مدرسه كلها شباب ..

هل الى هذه الدرجه وصل الاستهتار بقيمنا وعاداتنا وتقاليدنا وقبل ذلك حرمة

الطالبات .. اذا كان ذلك النهج الذي سيتبع في مدارس البنات المستقله الثانويه

فعلى بناتنا السلام .. انتظر ارائكم في الموضوع .. ودمتم بكل خير .

[خــطــافــ]

من امن العقاب اساء الادب

شكرا اختي على غيرتج

[الوعد2016]

من اجل الانفتاح وهذا اول السيل

[غير البشر]

:omg: :eek5: :omg:



والله اعفس المدرسه

انا حالف ان سوو خلط

بروح مع عيالي الشارقه والله العظيم


الله يعطيج العافيه على الخبر المحزن :weeping:

[حقيقه]

لازم نسمع الطرف الثاني من القضيه

وبعدين اشلون البنات يسمحون حق نفسهم انه يظهرون بالتصوير
اعتقد ثانويه مب ابتدائيه عشان يكون بالغصب
وبنات اليوم مب مثل بنات اول
البنت تاخذ حقها بنفسها وتعرف تصرف وترفض اذا الشيء خطاء ومب عاجبها

[سكرمر]

لـحول ولا قوه

اتوقـع ان هالمديره ماعندها بنات تخاف عليهم

واذاعندها بنات الله يعين بناتـها عليـها


هالشي دخيل على المجتمع القطـري( الخـلط ) وكـله سلبيات اذا مـايكون تـحت علم الاهل وسيطرتـهم

وشـلون تسـمح لنفسـها هالمـديره ان تنظم رحـله لبنات المـدرسه بدون اذن من اهلـهم

انا متأكد ان هالمديـره اجنبـيه ( غـير قطـريه )

واذا هي قطـريه مـاعندها غـيره على بنات مدرستها وبنات دولتها


وبعدين شنو الهدف من رحلت البنات لمـدرسه البنين / اذا المـديره لها زيـاره خاصه لمدرسه البنين وتتـعذر برحله مدرسه للبنات اتمني تزور هالمدرسه بنفسها وتترك البنات يتابعون تعلـيمهم فى مدرسـتهم

ولـقدر الله وصارت مشكله اثناء الرحـله من اللى يتحمل المسئوليه ..

بدون ما تأخذ البنات معاها


وسؤالى : هل وزاره التربيه والتعليـم عندها علم بتصـوير المسلسل اثناء الدوام الرسمي للطالبـات ؟

وشكـرا ً اختى مستثمره جديده على هالموضوع وعلى هالغـيره على بنات ديرتج

تحياتي لكـم

[&بوشهد&]

حسبي الله ونعم الوكيل عليهم
لاحول ولاقوة الابالله

[قطري33]

لاحول ولا قوة الا بالله العلي العظيم

[q6ri_vip]

انا اشوف ان اللوم الاول والاخير على ادارة المدرسه لأنها سمحت واعطت المجال لتصوير الطالبات ( ما اتوقع ادارة المدرسه قطريه ...! )

واللوم الثاني على الطالبات يعني مرحله ثانويه ماأظن انها ياهل ماتعرف الصح من الغلط وماتعرف العادات والتقاليد انها ترضى تتصور بدون ماتعترض و ترضى أنها اتروح مدرسة شباب وا وا ...

لو بنات ابتدائي بنقول يهال مايفهمون لكن ثانويه والله قويه .

وثالث شي اتوقع كان في ترشيح للي تبي تتصور في المسلسل من الطالبات

هم من غير شي بعض البنات مجابلين التلفزيون في هالمسلسلات بعد ياتهم فرصه يتصورون في مسلسل بل شلي بيودهم:tease:

[ALRAYYAN]

يقولك أذ عرف السبب بطل العجب
أنتوا لين عرفتوا مديرة هالمدرسة من منه وشنو أصلها
مابتستغربون من تصرفاتها
والله المستعان

[الغريب3]

ياختي انا اعمل في قطاع التعليم ليس من حق اياي مديرة مدرسه ان تقوم بادخال رجل في الحرم المدرسي حتى لو كان عامل صيانه... اتروح وتتقدم بشكوى على المديره واذا مافدوها المجلس الاعلى ولا وزارة التعليم عليه بشكوى في اقرب مركز شرطه واذا المديره متفتح هذي حريه شخصيه لها... بس مبعلى احساب الامانه الي عنده يجب عليها ان تتقي الله في الطالبات والله المستعن على الي جاي

[هدوء 2]

غريب :eek5: أكيد الموضوع في لبس....... خروج الطالبات لاي مكان خارج المدرسة ..... وين ما كان .... دون اخذ اذن ولي الامر مرفوض ... وأول مرة بصراحة اسمع فيها .... واذا رد الادارة على ولي امر بهذ الاسلوب الغير مقبول والغير مقنع ( مرفوض ):anger1:

وبالنسبه لتصوير : لا تعليق بعد التحري والتأكد هل كان هناك فعلا تصوير

أحترم كاتب الموضوع وكوني على الثقة بأنني من الغير مؤيد للموضوع الحاصل ... واذا الكلام صحيح اتمنى الايام الجاية يتم استحداث لمسمى جديد لتربية والتعليم

[هدوء 2]

سؤال هل الاصل والفصل له خص بالموضوع... مع احتراي لكم :)

بس تدرون يوم قريت هالمعلومات:shy: ايقنت وبحكم انهم :secret: وايد متشددين يعني ما يرضون بالغلط ... صدقوني الموضوع في لبس ويمكن الزيارة .....واقول اذا كانت هناك زيارة لمدرسة ما يمكن تكون مدرسة نموذجية انشالله مانسبق الاحداث ( بصراحه شى مايدخل العقل..

[Darco]

"مصخت" تجاوزات المديرة المذكورة .. كل يوم شي جديد ..

[!قطريـة بنت القمـر!]

هزلــــت !!!!!!

[مستثمره جديده]

شكرا لردودكم اخواني الاعزاء .. وللعلم بأن تلك المديره المعنيه هي اول من

قام بعرض حفلة طالبات المدرسه والخاصه بتخريج طالبات ثالث ثانوي

في الجرائد والتلفزيون والتي تم من خلالها ايضا اختيار ملكة جمال الثقافه !!

( مادري اشدخل كلمة الجمال في الثقافه ) اعتقد ضافوا هالكلمه لشد الانتباه ..

وطبعا هالشي مستنكر في مجتمعنا ان حفلات بنات المدارس وصورهم تنعرض في الجرايد

والتلفزيون لكن شكلهم يبون يغيرون العرف السائد في مجتمعنا المحافظ تحت عنوان

الانفتاح والتطور .. الله يستر من هالمدارس المستقله ..


http://www.raya.com/mritems/images/2007/4/27/2_245107_1_209.jpg

[مستثمره جديده]

سؤال هل الاصل والفصل له خص بالموضوع... مع احتراي لكم :)

بس تدرون يوم قريت هالمعلومات:shy: ايقنت وبحكم انهم :secret: وايد متشددين يعني ما يرضون بالغلط ... صدقوني الموضوع في لبس ويمكن الزيارة .....واقول اذا كانت هناك زيارة لمدرسة ما يمكن تكون مدرسة نموذجية انشالله مانسبق الاحداث ( بصراحه شى مايدخل العقل..

لا اخوي غلطان .. الزياره كانت لمدرسة الدوحه الثانويه المستقله للبنين ..

[سداوي&مدريدي]

والله الشرهه على أولياء الأمور الي ساكتين عن الموضوع ليش مايوقفون المديره عند حدها

والله اذا هي عادي عندها وماخذه الحياه فري بنات الناس مب لعبه

والشرهه على الي حطها مديره أخ يالقهر

[J & N]

تخسسسسسسسسسسسسسسسسسسي
هالمديره ياويلي على تصفقها
تدرون ليش تسوي كذا
لان مافيه احد يردها

ياويلي على نواره شكلي بحطها منازل

[b4ever]

من اجل الانفتاح وهذا اول السيل


يبتها صح ..

[بومحمد911]

هذه ضريبة الانفتاح المزعوم

[لاداعي]

لاحول ولا قوة الا بالله العلي العظيم

[book 1]

يالربع انتو متاكدين انه احنا فقطر ولا في مكان ثاني

[miss-qatr]

اللوم مثل ماقال بعض الاخوان مب لإدارة المدرسة وبسسسس


لا..

على البنات وثانوية يعني كبار ومثل ماقالت اختي حقيقة واتفق معاها مب 100% إلا مليون % بنات هالوقت ياخذون حقهم على قول اخوان المصرين ثالث ومثلث ويعرفون الصح من الخطأ

ويعرفون اشيا والله احنا مانعرفها

يعني بالعقل بنات ناس بيرضون يطلعون بالتلفزيون؟؟؟؟؟؟؟

بيرضون يدخلون مدرسة بنين ؟؟؟؟؟؟؟؟؟

بيرضون يروحون مكان ولا حتى يسوون شي بدون ما ياخذون اذن اولياء امرهم ؟؟؟؟؟؟؟؟؟

هذي هي الاسئلة اللي تنطرح حتى لو كانت الإدارة فاشلة

[بوحارب]

نفس المسلسل كانوا يصورون له في عيادة الدوحة امس العصر

وانه بنفسي شفتهم:D

[الخارجية]

الله يستر على بنات المسلمين والتفائل زين

[ضوى]

الزيارة كان لمدرسة الدوحة المستقلة وكان فيه معرض علمي بالمدرسة وولدي يدرس بها وقال لي لما تكون زيارات مدارس بنات ما يكونون متواجدين في المعرض ابدا ، وماعتقد انهم بيودون بنات الناس من غير اذن من اولياء الامور هذا شئ مستهجن ، ولازم تحاسب عليه إدارة المدرسة حساب عسير ، لو بنتي بعيد الشر حصل لها اي شئ وهي خارج المدرسة منهو بيتحمل المسؤولية ؟؟ وانا مخلية بنتي امانة عندهم مايحركونها من المدرسة الا بإذني .
وبعدين التصوير كان المفروض من بنات الثانوية يتذرون عن المكان اللي يصورون فيه الممثلات واذا اجبرت على شئ مابغيه اكلم المديرة واوصل الامر لاعلى مستوى يعني الدنيا مهي فوضى ، فيه ناس تقبل عادي وفيه ناس ماترضى يعني مب كل الناس سوا في قبول هالامر اللي ماعمره صار عندنا

[وطن]

لاحول ولا قوة الا بالله

مو هذي نفس المدرسة اللي العام مادري قبله سوو حفلة وقامت الدنيا وقعدت بسبتها !!

[الدوحه%]

:omg:
ماعرفت امر على الموضوع مرور الكراام ,,, المديره لو صج ماستأذنت اوليااء الاموور والله لرووح واعفس على رااسها المدرسه هذا اول شي وثاني شي برووح حق المجلس ولا اخلي الموضوع يعدي بالسااهل ياما يشوفون لها صرفه ولا هذي اخر سنه لها يكون في يدها ترخيص اذا هي مب كفو ,,,
وبعدين التلفزيوون ماراح اخليهم بعد بروح لهم وبقولهم الامهات مب رااضين البنات يطلعون في التلفزيون وبشوف التصوير اذا حصلت بنتي فيه لاسمح الله وهي اصلا مب في هذي المدرسه يتمسح جدامي والله ماخليهم لا المدرسه ولا التلفزيون ,, واتمنى ان الامهات والاباء مايسكتون عن الموضوع هذي اعراض نااس وعيب اللي يصير وحد يرضاها ,,,
واخر شي اذا بنتي بعد لاسمح الله ,, عتبت برى المدرسه من غير شوري ولا تصورت من غير شوري ,,, بعد ماراح اسكت عنها وعقابها شديد ,, لاكن الحمدالله بنتي ماترضى بهالشي وانا موصويتها عدل حتى التصوير اللي يصير داخل المدارس من الموظفات نفسهم ممنوع منعا باتا
وانا موقعه على ورقه اول السنه مع المديره بهالشي ,, اوةراق موزعه على الامهات بخصوص التصوير,,,
وشكرا صااحبه الموضوع واتمنى ان الاباء مايسكتون عن هااشي اذا هم مب راضين,,

[alwahesh]

حسبنا الله ونعم الوكيل

[شاي كرك]

اللوم مثل ماقال بعض الاخوان مب لإدارة المدرسة وبسسسس


لا..

على البنات وثانوية يعني كبار ومثل ماقالت اختي حقيقة واتفق معاها مب 100% إلا مليون % بنات هالوقت ياخذون حقهم على قول اخوان المصرين ثالث ومثلث ويعرفون الصح من الخطأ

ويعرفون اشيا والله احنا مانعرفها

يعني بالعقل بنات ناس بيرضون يطلعون بالتلفزيون؟؟؟؟؟؟؟

بيرضون يدخلون مدرسة بنين ؟؟؟؟؟؟؟؟؟

بيرضون يروحون مكان ولا حتى يسوون شي بدون ما ياخذون اذن اولياء امرهم ؟؟؟؟؟؟؟؟؟

هذي هي الاسئلة اللي تنطرح حتى لو كانت الإدارة فاشلة





اي اختي ..في" بنات ناس" عادي عندهم هالامور ومصرح لهم من اهاليهم بعد ويعتبرون ان هالامور شي عاااااااادي ومن التقدم واحتمال كبير انهم يتعمدون الوقوف امام الكاميرا وباليونيفورم حق المدرسة عشان بعدين تتفاخر في هالشي قدام زميلاتها وتقول لهم " تابعوني في رمضان وفالكم طيب " ..

اختي العالم تغيرت الحين والغيرة صارت شي من الماضي التليد .. وبعدين اذا مديييييييييييرة المدرسة قالت اللي قالته بحسب الكلام اللي ذكر فإيش اتوقعين من الطالبات ؟؟؟ !!!

وعشان ما نظلم أحد أكيد في بنات ومدرسات استنكروا الوضع وما كانوا راضيين و قابلين فيه بس لا حول لهم ولاقوة ..

[هتـان قطر]

:omg:

الامر خطير وما ينسكت عنه..

ليش ما صوروا مسلسلهم في مدرسة للبنين..؟

والا خايفين على الممثلات من نظرات الشباب لهم..هزلت

يجب ان يتخذ اجراء صارم ضد هذه المديرة..

لا وما اكتفت بهذا الشي..بعد ودتهم لزيارة معرض في مدرسة

ثانوية للبنين..!!! اش تبي توصل له بالضبط

اتمنى من صاحبة الموضوع انها تضع اسم المدرسة

لتنبيه بعض من اولياء الامور للي يصير لبناتهم يمكن ما يدرون

شاللي قاعد يصير..

وحتى تكون عبرة لغيرها ان اي مديرة او مدير يخالفون

نشهر بهم هنا في المنتدى..لان المجلس الاعلى غسلنا يدنا منهم خلاص

[جمال اليافعي]

متى بينعرض المسلسل ؟ ههههههههههههههههه

[halah]

حسبي الله ونعم الوكيل

ياليت ينحط اسم المدرسة علشان الناس تعرفها وتطلع بناتها منها

[ROSE]

اختي الفارسة وطني الحبيب يذكرونه براحتهم هني ممنوع ذكر الاسماء ووالتشهير

تكفي الاشارة فقط

[ROSE]

حسبي الله ونعم الوكيل

ياليت ينحط اسم المدرسة علشان الناس تعرفها وتطلع بناتها منها

ممنووع :omen2:

[ROSE]

:omg:

الامر خطير وما ينسكت عنه..

ليش ما صوروا مسلسلهم في مدرسة للبنين..؟

والا خايفين على الممثلات من نظرات الشباب لهم..هزلت

يجب ان يتخذ اجراء صارم ضد هذه المديرة..

لا وما اكتفت بهذا الشي..بعد ودتهم لزيارة معرض في مدرسة

ثانوية للبنين..!!! اش تبي توصل له بالضبط

اتمنى من صاحبة الموضوع انها تضع اسم المدرسة

لتنبيه بعض من اولياء الامور للي يصير لبناتهم يمكن ما يدرون

شاللي قاعد يصير..

وحتى تكون عبرة لغيرها ان اي مديرة او مدير يخالفون

نشهر بهم هنا في المنتدى..لان المجلس الاعلى غسلنا يدنا منهم خلاص



يعتبر تشهير ممنوع اختي

[دنيا الاسهم]

لا حول ولا قوة الا بالله

[الـقـاسـي]

لانهم ضامنين ان محد راح يحاسبهم
للاسف هذا توجه اغلب المسؤولين الكبار
يبون الاختلاط بأي طريقة
خصوصا جامعة قطر ميته وديها يصير الاختلاط اليوم قبل بكرة

[الـقـاسـي]

اختي الفارسة وطني الحبيب يذكرونه براحتهم هني ممنوع ذكر الاسماء ووالتشهير

تكفي الاشارة فقط

ليش ممنوع
في بعض الاشياء لازم يسمح بالتشهير بها
ما اعتقد انها جريمة لو تم التشهير بمثل هالمدرسة عشان ينتبهون الناس
في بعض اولياء الامور مايتابعون وطني الحبيب ولا يدرون باللي صاير

[بلاهويـــــة]

لاحول ولا قوة الا بالله العلي العظيم

[غناتي1]

بداية التسيب 00 وقلة تحمل المسؤلية

ودعوة صريحة الأختلاط غصب عن أولياء الأمور

[abdulla999]

وشو تتوقعون من الديمقراطية ولانفتاح

[ROSE]

ليش ممنوع
في بعض الاشياء لازم يسمح بالتشهير بها
ما اعتقد انها جريمة لو تم التشهير بمثل هالمدرسة عشان ينتبهون الناس
في بعض اولياء الامور مايتابعون وطني الحبيب ولا يدرون باللي صاير

ممكن تشتكي عليك وتقول انك قذفتها وتطاولت عليها

شبتسوي حزتها ؟

من حقها ترى

[ضوى]

انا ودي اعرف ليش كل موضوع من هالشكل يتحول لقذف وتشهير واصل وعرق ؟؟؟

انا كواحدة معارضة لاسلوب المديرة المعنية فكل اللي اقوله انه اسلوبها غلط والانفتاح اللي هي تبيه احنا مانبيه وبينا وبينها المجلس الاعلى للتعليم ، لكن يتحول الامر لشئ اخر الصراحة مرفوض ومستهجن

وجزاها الله خير الادارة حذف اسم المدرسة وياريت تم حذف اسم المديرة لان الاسم مايهمنا بشي ولا راح يزيد يقناعاتنا ، كل اللي يهمنا كاولياء امور اسلوبها الغلط وبس ويجب علينا ردعها بالطريقة التربوية السليمة

[Mansour_qa]

اليوم ردت المديرة على الموضوع ..

إسمعووو الرد ..


http://www.qatarradio.net/archive/w_03_2009/10032009w2.ram

[ورد قطر]

يا جماعة

المديرة المذكورة اتصلت اليوم على وطني الحبيب صباح الخير وقالت

ان التصوير كان يومين بس وهي صكت كل الممرات ولا وحدة من الطالبات او الهيئة التدريسية كانون متواجدين في موقع التصوير لا من قريب ولا من بعيد وان التصوير كان في مكتبها ومكتب ثاني ، وبعد قالت انهم راحوا المدرسة يوم الجمعة الظهر عشان يصورون الطابور الصباحي وجابوا بنات من عندهم يعني مب طالبات المدرسة.

وبخصوص زيارة الطالبات لمدرسة البنين قالت انه من المستحيل انها تاخذ البنات لاي مكان بدون موافقة ولي الامر أو علمه وان الوقت اللي راحوا فيه مخصص للبنات.


وبس :omen2:

سمعت ردها فحبيت اذكره هني عشان نكون سمعنا كل الاطراف

وسلامتكم

[HAYA]

المديرة المعنية في سلك التربية والتعليم منذ فترة طويلة ، وكانت أخصائية قبل ذلك .. أي أنها على دراية تامة بالقوانين والأعراف المتبعة ... كما أنها ترفض الظهور في الإعلام إلا بنقابها ... بالإضافة إلى أن زوجها من الأسرة الحاكمة ... فكل هذه المعطيات تؤكد أن هناك نوع من اللبس في الموضوع .. فيرجى التأكد قبل رمي التهم .