المساعد الشخصي الرقمي

مشاهدة النسخة كاملة : النصب بأسم التعليم


المهندي911
10-03-2009, 08:09 AM
السلام عليكم ورحمة الله وبركاته

مادري ليش الكل استحلى سرقه القطري بقولكم سالفتي وشوفوا النصب في التعليم

ولدي ضيع كتابه ومن البديهي نشتريله كتاب جديد رحنا المدرسه ناخذله كتاب قالوا لنا الكتاب
بـ 250 ريال قلنا اوكي بناخذه طرشت الفلوس مع ولدي تتوقعون شصار اتصلي امين المخزن قالي اخوي بقولك شي بيني وبينك ترى الكتاب نفسه ينباع في احد المكتبات وبـ 40 ريال تخيلوو الفرق في السعر والنصب العلني زين يا اصحاب المدارس انصبوا بس بعقل مب لهدرجه وبعدين اصحاب المدارس والمدراء كلهم قطريين ليش يستحلون النصب على القطري ليش
عليكم قصور الدوله مب مقصره معاهم تدفع لهم من والى حتى دفاتر متابعه الطالب حتى الشنطه حتى الاقلام الفسفوريه طيب ليش مايتم صرفها للطالب

انا ماسميهم مدارس مستلقه <<< مدارس تجاريه بحته او << مدارس اللصوص

حرام عليهم يسوون جذي في عيال بلادهم اشايفينا قاعدين على بير بترول ونغرف منه

ماقول غير حسبي الله ونعم الوكيل في كل من تسول له نفسه سرقة بلادنا الحبيبه

:anger1:
ضوى
10-03-2009, 08:15 AM
السلام عليكم ورحمة الله وبركاته

مادري ليش الكل استحلى سرقه القطري بقولكم سالفتي وشوفوا النصب في التعليم

ولدي ضيع كتابه ومن البديهي نشتريله كتاب جديد رحنا المدرسه ناخذله كتاب قالوا لنا الكتاب
بـ 250 ريال قلنا اوكي بناخذه طرشت الفلوس مع ولدي تتوقعون شصار اتصلي امين المخزن قالي اخوي بقولك شي بيني وبينك ترى الكتاب نفسه ينباع في احد المكتبات وبـ 40 ريال تخيلوو الفرق في السعر والنصب العلني زين يا اصحاب المدارس انصبوا بس بعقل مب لهدرجه وبعدين اصحاب المدارس والمدراء كلهم قطريين ليش يستحلون النصب على القطري ليش
عليكم قصور الدوله مب مقصره معاهم تدفع لهم من والى حتى دفاتر متابعه الطالب حتى الشنطه حتى الاقلام الفسفوريه طيب ليش مايتم صرفها للطالب

انا ماسميهم مدارس مستلقه <<< مدارس تجاريه بحته او << مدارس اللصوص

حرام عليهم يسوجون جذي في عيال بلادهم اشايفينا قاعدين على بير بترول ونغرف منه

ماقول غير حسبي الله ونعم الوكيل في كل من تسول له نفسه سرقة بلادنا الحبيبه

:anger1:

اخوي الكريم

سو مثل ماسويت معاهم :victory:

كل مايطرشون ورقة مع بنتي والا ولدي يبون شئ ، اقولهم قولوا للإدارة اني ابي اسم المكتبة اللي هم بيشترون منها الشئ وانا اجيبه لهم برسم الخدمة اما اني اطرش فلوس ينسون :victory:

صار لي سنين ولا واحد فيهم جاب لي ورقة انهم يبون شئ معين من القرطاسية لو الدفاتر اللي موجود يستخدمونه ماراح اخليهم يستغفلوني ، كلفة الطالب الواحد في المدارس المستقلة 22 الف ريال ، اشدعوة بمدرسة خاصة ؟؟ طيب وين تروح هالتكلفة اذا ماكانت عالكتب والانشطة والقرطاسية المختلفة ؟؟؟

بالنسبة لضياع الكتب ، انا بنتي كتابها العلوم طاحت اوراقه من الخلف ، قالت لي يمه بابدل الكتاب قلت لها يمه شوفي بكم وانا اجيبه لج سالت الادارة قالوا لها 100 اشدعوة 100 العلم صارت تجارة فيه ؟؟ قلت له يبي لي كتاب زميلتج وانا اكملج الاوراق الناقصة وبالفعل سويت لها سكان للاوراق الناقصة وديته المكتبه خرمه لها ورتبه لها واشحلوه الكتاب الحين وماكلفني 12 ريال
جمال اليافعي
10-03-2009, 08:20 AM
على فكرة انا توني شاري أكتاب Quantum Physics مع دي في دي و مجلدين أسئله تدريبيه ,, الكتاب 1200 ورقه ... مب لي الكتاب لزميل لي .. مع الشحن من امريكا ب 125 ريال .. يالله عاد . كتاب علوم 100 ريال ؟؟؟! ليش كاتبينه من ذهب
shaker
10-03-2009, 08:43 AM
السلام عليكم ورحمة الله وبركاته

مادري ليش الكل استحلى سرقه القطري بقولكم سالفتي وشوفوا النصب في التعليم

ولدي ضيع كتابه ومن البديهي نشتريله كتاب جديد رحنا المدرسه ناخذله كتاب قالوا لنا الكتاب
بـ 250 ريال قلنا اوكي بناخذه طرشت الفلوس مع ولدي تتوقعون شصار اتصلي امين المخزن قالي اخوي بقولك شي بيني وبينك ترى الكتاب نفسه ينباع في احد المكتبات وبـ 40 ريال تخيلوو الفرق في السعر والنصب العلني زين يا اصحاب المدارس انصبوا بس بعقل مب لهدرجه وبعدين اصحاب المدارس والمدراء كلهم قطريين ليش يستحلون النصب على القطري ليش
عليكم قصور الدوله مب مقصره معاهم تدفع لهم من والى حتى دفاتر متابعه الطالب حتى الشنطه حتى الاقلام الفسفوريه طيب ليش مايتم صرفها للطالب

انا ماسميهم مدارس مستلقه <<< مدارس تجاريه بحته او << مدارس اللصوص

حرام عليهم يسوجون جذي في عيال بلادهم اشايفينا قاعدين على بير بترول ونغرف منه

ماقول غير حسبي الله ونعم الوكيل في كل من تسول له نفسه سرقة بلادنا الحبيبه

:anger1:



تعني مدارس مستقله اي مستقله الشعب موب مستقله بروحها :victory:
halah
10-03-2009, 08:47 AM
الله يحفظ عيالنا

يا رب ارحمنا برحمتك

هالمدارس المستغلة كل يوم طالعين لنا بفناتك جديدة

كفاية انها ما تساهم في رفع مستوى الطالب العلمي

وكفاية انها تدمر قيمنا وعاداتنا وتقاليدنا وللأسف أحيانا قيم دينية أيضا

والحين نصب وش عاد بقى

حسبي الله ونعم الوكيل
هاجر
10-03-2009, 08:55 AM
فعلاً شيء يقهر والله العظيم
العلم أصبح تجارة وتجارة خاسرة للأسف سواء بالحكومة أو بالخاص :weeping:
لأنه معايير الجودة في التعليم الله بالخير وكذلك الخبرات إلا من رحم ربي
حتى عيالنا كرهوا المدارس لانه مافيها غير بكره جيب معاك كيك وإلا فلوس وإلا ......الخ من الطلبات


إذا انتوا عيالكم بإبتدائي واعدادي ويطلبون منكم هالسعر فأنا ولدي في الروضة وخلال السنة ماشفت من المدرسة غير 50 ورقة هذي كرم مني يمكن اقل بواااااااااااايد من 50 :(
وقالوا لي 300 ريال مطبوعات :omg:
وياريتها بعد شيء عدل حسبي الله ونعم الوكيييييييييييييييل فيهم
والله لا يوكلهم أمر عيالنا ولا يسلطهم علينا ويرد اللهم كيدهم في نحرهم


لقد أسمعت لو ناديت حيا ... ولكن لا حياة لمن تنادي
لكن نرجع ونقول
عسى كثر الدق يفك اللحام


والله يعينك ويعينا آمين يارب :)
البسمة العذبه
10-03-2009, 09:28 AM
صــــــــــــح ألسانـــــــــك واللــــــــــــــــه يالمـــهـــندي أنــــــــــــت صدقــــــــــــت فــي كــل حـــــــرف
بلاهويـــــة
10-03-2009, 09:32 AM
لاحول ولا قوة الا بالله العلي العظيم

المدارس المستقلة تستغل القطري
عقد اللولو
10-03-2009, 11:15 AM
مرحبا اخوي هذا حالنا مع المدارس المستقله انا ولدي يدفعني اول الشهر مبلغ لمتطلباتهم الحلوة واللي يقهر انهم يطلبون من كل شي كمية مثل الاقلام وغيره يجيب لي لسته على قولته ان هذي الاغراض حق الكورس كامل وان اي ضي يضيع او ينقص هم يعطونا بالعربي بعد هالطلبات احنا نرفع يدنا وهم يعطونا من الاغراض اللي شريناها المشكلة ان كل كم يوم يترس المقلمه من كل شي ناقصه انزين وين الاغراض اللي طلبوها مب هم قايلين ان الاغراض حق كورس كامل .تعبنا من الخساير والله.
ضوى
10-03-2009, 11:19 AM
مرحبا اخوي هذا حالنا مع المدارس المستقله انا ولدي يدفعني اول الشهر مبلغ لمتطلباتهم الحلوة واللي يقهر انهم يطلبون من كل شي كمية مثل الاقلام وغيره يجيب لي لسته على قولته ان هذي الاغراض حق الكورس كامل وان اي ضي يضيع او ينقص هم يعطونا بالعربي بعد هالطلبات احنا نرفع يدنا وهم يعطونا من الاغراض اللي شريناها المشكلة ان كل كم يوم يترس المقلمه من كل شي ناقصه انزين وين الاغراض اللي طلبوها مب هم قايلين ان الاغراض حق كورس كامل .تعبنا من الخساير والله.


اختي اسمحي لي اقول لج غلطانة

اللستة اللي يعطونج اياها قولي لهم بلوها واشربوا مايها :) ، ومافيهم خير يكلمونج كلمة واحدة لانه ممنوع اصلا يطلبون اي قرطاسية من اولياء الامور وهاذ الشئ صادر من المجلس الاعلى للتعليم
صدقني اذا عطيناهم فرصة بيستغلونا اكثر واكثر
أحبك يا قطر
10-03-2009, 11:51 AM
صدقت اخوي والله انهم مستغلين المواطنين من جميع الجهات .....
بنت^البحرين1
10-03-2009, 12:49 PM
ياجماعة الخير اسمحوا لي بدخل عرض

بس لي سؤال احاول افهمه من دخلت المنتدى معاكم

شنو الفرق بين المدرسة الخاصة والمستقلة ؟؟

احنا في البحرين عندنا نوعين حكومية وهي المجانية للكل والخاصة هي اللي ندفع لها فلوس ، بس انا شايفه عندكم انتوا انواع وايد خاصه ومستقلة وحكومية شنو الفرق ابي افهم هالشي صراحه حاولت وماعرفت شنو القصة ؟؟

والله يعينكم جميع والله
فـــــواز
10-03-2009, 01:27 PM
الخاصه الي تدفعين له فلوس

المستقله نظام التدريس مستقل كل مدرسه وطريقه تعليمها ومجانيه توه صايره مجانيه قبل كانت بفلوس

الحكوميه مجانيه بس الظاهر خلاص معاد فيه حكوميه الا كم مدرسه وبتحول بعد مستقله السنه هذي او الي بعدها وبعد مجانيه

واحسنها الخاصه والحكوميه اما المستقله الله المستعان بعض المدرسين ماهمه التعليم همه كم يستلم اخر الشهر بس وبعض الاخر جزاهم الله خير مهتمين ومادين الرساله والواجب الي عليهم