التدخين في المجمعات التجارية [الأرشيف] - منتديات شبكة الأسهم القطرية

مشاهدة النسخة كاملة : التدخين في المجمعات التجارية

الغريب3

10-03-2009, 10:06 PM

بسم الله الرحمن الرحيم

اخواني وخواتي أعضاء المنتدى حبيت الطرح هذا الموضوع لنه صراحة انتشر بشكل غير طبيعي حيث انه اصبح المدخنين يتعمدون الى الذهاب الى المجمعات التجارية والجلوس في الكوفي والمطاعم بس على شان يدخنون واذا كلمهم الجرسون يقوله رح وراك مالك شغل
ومره كنت في أحد المجمعات التجاريه جالس اتقهوه وكان قاعد واحد بعدي جاي وهو اعلامي وشاعر جلس على طوله تبعد عني يمكن بثلاث طاولات الزبده طلع الباكيت ودخن وبعد ماخلص عق الزقاره على الارض وداسه تكرمون برجله في الذمه هذا تصرف طبيعي والله اني انقارة وللاسف الاخوان في الصحة مب قادرين يطبقون قانون منع التدخين في الاماكن المغلقة ومره رحت لهم وقابلة رئيسة القسم وطلبت المفتشين وتناقشة معاهم عن موضوع التدخين في المجمعات والتقصير من قبلهم تدرون شغالوا (اسحبو بطاقة الظبط القاضائي من المفتشين وخلو بس اثنين والامر مب فيدنا... بس قدم لنا شكوا وراح ندرس الشكوى)
نبقي رايكم في هذا الموضوع ونبقي حلول تقضي على هذا الظاهرة

الموضوعي

10-03-2009, 10:27 PM

يسلمونها المرور وشوف شلون يخالفون الناس دام الدعوة فيها فلوس

Scorpion

10-03-2009, 10:27 PM

كان ممنوع اللحين الله اعلم .. اشوفهم يدخنون قدام كارفور و عاااادي

ANONYMOUS

10-03-2009, 11:24 PM

اتوقع لو يسوون اماكن خاصه للتدخين.. بتقل هالظاهره..

ليش مايصرحون التدخين في اماكن خاصه مثلا.. عشان كذا.. مطنشينهم الظاهر..

يادحق يامحق.. مافي حل وسط..

بوشيخة

11-03-2009, 05:21 AM

اذا في اماكن خاصة للتدخين اعتقد بيلتزمون بالقانون

مثل مطار قطر الدولي فيه اماكن خاصة للتدخين وملتزمين بالقانون على حد علمي

تحياتي

الدوحه%

11-03-2009, 09:47 AM

وع والله قرف اللي يدخنون ماحب الريحه كريهه ,, وتخنق ,, لو في حيا ومراعاه مشاعر الاخرين مايسونها عيني عينك ,, ويدرون ان نازل فيه قرار وش فيها اذا دخن وخلص برى ودخل المجمع ,, يعني الا يدخن وهو قااعد على الكوفي ولا يتمشى بين الناس ,,
ويرمونها على الارض ويدوسونها ,,عادي ,,:anger3: انا اطالب باقصى عقوبه على المدخنبن اللي حاكرين الكوفي شوبات والممراتـــ:)
وعلى طاري نازل فيها قرار ,, اعتقد نازل فيها امر الهي قبل ليكون قرار ,,
وسلامتكمـ:)

Only Me

11-03-2009, 09:48 AM

بس انا اشوف الكل يدخن بالمجمعات
مافي ضوابط كلش

همر

11-03-2009, 10:01 AM

اللي يقهر ... البزران اللي يدخنون في الحمامات وانتوا بكرامه !

تعال تخيل ريحة الحمام على ريحة السجاره والتفاعل اللي يصير !!!!

:looking::looking::looking:

شي اقل ما يقال عنه انه مقرف...

لكن لا احترام ولا مراعاه ... مبزره....

واللي يقهر اكثر... الموظفين اللي في المحلات الخلفيه

في الطابق الثاني يوم يدخنون عيني عينك !!!

عاد الادهى والامر ... موظفه في محل نظارات في الطابق الثالث

في الممر الرئيسي واقفه عند باب المحل تدخن !!!!

اعتقد اكثر من جذيه استهتار واستهزاء بقانون حكومي في اي بلد في

العالم انا ماشفت ....

واتمنى ان وزارة الداخليه تدخل في الموضوع

لان وزارة الصحه ... تعبانه نفسياً هاليومين ياعيني واللي فيها كافيها !!!

eXpert*

11-03-2009, 10:11 AM

اتوقع لو يسوون اماكن خاصه للتدخين.. بتقل هالظاهره..

ليش مايصرحون التدخين في اماكن خاصه مثلا.. عشان كذا.. مطنشينهم الظاهر..

يادحق يامحق.. مافي حل وسط..

انا معاك في هالنقطة .

لانه مع الاسف احنا نسن القوانين ولكن لا أحد يمتثل بها والسبب لا يوجد متابعة جديّة.

الخارجية

11-03-2009, 10:32 AM

أبو راكان

11-03-2009, 10:35 AM

لو كانت هناك أماكن خاصه بالمدخنين لما رأيت هذه التجاوزات

همر

11-03-2009, 10:42 AM

ياشباب أنا عندي ضبطية قضائية بس والله تعبت ابروحي في المجمع واذا ابغي اروح اتصل حق الشرطة ويجون معاي الى المجمع واذا تبغي يدفع مخالفة يقل ادبه معاي وأنا أنسان مااستحمل قلت الادب وهذا العمل تطوعي واللي يبغي يتطوع ممكن يتصل حق الدكتور/ عربي وهذا رقم جوال/ 5553190 او رقم المكتب 4360357 او 4473670 نبغي همتكم ياشباب والله الشغله حلوة بس العدد قليل وأحسن شي في الشغلة انك اذا فضيت اتروح اي مجمع وتخالف

يعطيك العافيه اخوي

والله يقويك

بس عليك بالستي سنتر خميس وجمعه في الليل...

ANONYMOUS

11-03-2009, 11:02 AM

ياشباب أنا عندي ضبطية قضائية بس والله تعبت ابروحي في المجمع واذا ابغي اروح اتصل حق الشرطة ويجون معاي الى المجمع واذا تبغي يدفع مخالفة يقل ادبه معاي وأنا أنسان مااستحمل قلت الادب وهذا العمل تطوعي واللي يبغي يتطوع ممكن يتصل حق الدكتور/ عربي وهذا رقم جوال/ 5553190 او رقم المكتب 4360357 او 4473670 نبغي همتكم ياشباب والله الشغله حلوة بس العدد قليل وأحسن شي في الشغلة انك اذا فضيت اتروح اي مجمع وتخالف

انا ودي ب ضبطيه قضائيه في المرور..

لان كبدي انفقع من تجاوزات السائقين الـ غير اخلاقيه..

وتأكدوا يا إخواني الكرام اني ماراح اظلم حد بتاتا..

وياويل المتجاوزين على خط الوعب مادري السودان مادري حياة بلازا مادري فيلاجيو..

وينك جاجاسم :telephone:

بو الجوري

11-03-2009, 11:07 AM

ياشباب أنا عندي ضبطية قضائية بس والله تعبت ابروحي في المجمع واذا ابغي اروح اتصل حق الشرطة ويجون معاي الى المجمع واذا تبغي يدفع مخالفة يقل ادبه معاي وأنا أنسان مااستحمل قلت الادب وهذا العمل تطوعي واللي يبغي يتطوع ممكن يتصل حق الدكتور/ عربي وهذا رقم جوال/ 5553190 او رقم المكتب 4360357 او 4473670 نبغي همتكم ياشباب والله الشغله حلوة بس العدد قليل وأحسن شي في الشغلة انك اذا فضيت اتروح اي مجمع وتخالف

ممكن شرح زياده عالخاص .. مافهمت .. :rolleyes2:

انا دووووم اشوف هالاشكال .. اللي ماتراعي حد !! وودي اكلمهم واخالفهم ..

بس ما باليد حيله

أبو راكان

11-03-2009, 11:16 AM

انا ودي ب ضبطيه قضائيه في المرور..
:telephone:

وانا معاك اخوي أكون متخصص حق الأسيويين بس
شرط أحمل لك يوميا تريله كامله مخالفين من هالهنود والبنغال والنيبال

halah

11-03-2009, 11:30 AM

مب بس فالمجمعات

فالسيارات والشوارع

على الأقل فالمجمعات يضر بالريحة والكتمة

لكن اللي يدخنون بسياراتهم فالشوارع ويقطون الزقارة فالشارع هم الخطر الحقيقي على حياة الناس

لأن لو لا سمح الله جات الزقارة على السيارة اللي وراه شبيصير لا قدر الله أكيد بتنفجر السيارة
ف ياليت المرور يسوون مخالفة جامدة على المدخنيين فسياراتهم

بو الجوري

11-03-2009, 11:36 AM

لأن لو لا سمح الله جات الزقارة على السيارة اللي وراه شبيصير لا قدر الله أكيد بتنفجر السيارة

:D
إشدعوه مغسل سيارته بـبترول ؟

:tease:
أمزح معاااك أخوي ..

بس والله يبيلهم حد يسنعهم .. اللي فالمجمعات والسيارات ..