فيما يخص طريقة احتساب خدمات كيوتل... [الأرشيف]

سهم قطري

11-03-2009, 01:37 PM

السلام عليكم اليوم قاعد اراجع فواتير كيوتل من الملل واستنتجت اشياء كثيره مثل ان البعض يقول انه اشترك في خدمة الشهري وعقب اسبوع وصل 80% من الحد الأتماني تعالوا نحسبها اذا كان استنتاجي صح:

فاتورتي مثلا وخلونا نقول فاتورة شهر 3 اووكي:
تنحسب مكالماتي الشهرية من 18/2/2009 الى 17/3/2009
رسوم الاشتراك 50 ريال وتنكتب في الفاتورة من 1/3/2009 الى 31/3/2009
،،،
الحين اذا الواحد يبي يشترك في خدمة الشهري نصيحة مني يصفر تلفونه وتاريخ واحد الشهر يشترك في الخدمة باقول لكم ليش:
اذا انا اشتركت في خدمة الشهري وعارف فاتورتي متى تنزل فإذا اشتركت في الخدمة تاريخ 15/2/2009

الفاتورة بتجيني على النحو التالي:
المكالمات من تاريخ 18/2/2009 الى 17/3/2009
خدمة الشهري من 1/3/2009 الى 31/3/2009 (575)ريال
وبما اني اشتركت بتاريخ 15/2/2009 يعني بيحسبون علي من 15 الى 28 /2/2009 يعني اسبوعين (287.5)ريال

المجموع =862 ريال يعني وصلت 80% من حد اللمت اللي هو 1000

هل استنتاجي صحيح وشكرا

م. عبدالعزيز

11-03-2009, 01:46 PM

أعتقد صح.. الاشتراك ينحسب من راس الشهر لين آخر الشهر
اما الدقايق واالرسائل من تاريخ بدء الفاتورة ( مثل اللي عندك 18 من كل شهر )

وبالنهايه ممكن نقول أول شهر اشتراك لأي باقة تكون الفاتوره مب مرتبه بالشهر القادم تكون أكثر دقه
يعني انا قبل لأشترك كانت الفاتورة بال500 وشي.. لما اشتركت صارت 470 .. والشهر اللي بعده تعدل وصار 303 فقط وراح يستمر بال300 علطول اذا كان استخدامي عادي

العقل الحر

11-03-2009, 03:57 PM

م. عبدالعزيز

11-03-2009, 04:28 PM

الشيخ ابي تفسير حق فاتورتي ؟؟

انا اتكلم دولي ومحلي ولكن الفاتوره ماتعدي 1000 ريال في الشهر ... اوكي

وادفع الفاتوره وازيد في الرصيد 100 ريال بعد يعني ادفع 1100 ريال سار لي اكثر من سنتين على نفس المنوال ... لحد الحين اوكي

في 10 فبراير دفعت الفاتوره كامله وزياده 100 ريال بعد يعني صفرت المبالغ كامله واشترك في خدمه الشهري بو 300 ريال ولكن اقل من 20 يوم سارت الفاتوره 1032 ريال !!

شلون مادري ؟؟ وانا نفس الموال ونفس المكالمات بضبط ولكن الفاتوره زادت ؟؟
أتصور أخونا احب قطر يقدر يوضح لك هالشي حق الفواتير الأخيره
بس عندي اقتراح وهو لو عندك Account في خدمة eQtel تقدر تشوف فواتيرك وكل فاتورة بأول صفحه فيها تفاصيل الدفع والخصومات والاستخدام وكل شي

ان شاء الله قدرت افيدك

سهم قطري

11-03-2009, 05:31 PM

الشيخ ابي تفسير حق فاتورتي ؟؟

انا اتكلم دولي ومحلي ولكن الفاتوره ماتعدي 1000 ريال في الشهر ... اوكي

وادفع الفاتوره وازيد في الرصيد 100 ريال بعد يعني ادفع 1100 ريال سار لي اكثر من سنتين على نفس المنوال ... لحد الحين اوكي

في 10 فبراير دفعت الفاتوره كامله وزياده 100 ريال بعد يعني صفرت المبالغ كامله واشترك في خدمه الشهري بو 300 ريال ولكن اقل من 20 يوم سارت الفاتوره 1032 ريال !!

شلون مادري ؟؟ وانا نفس الموال ونفس المكالمات بضبط ولكن الفاتوره زادت ؟؟

مثل ماتفضل اخوي م .عبدالعزيز لو عندك اشتراك تقدر تعرف بس في اعتقادي لازم تعرف فاتورتك متى تصدر اذا تقول انك دفعت في 10 فبراير وبعد 20 يوم سارت 1032 يعني فاتورتك تصدر تاريخ 25 من كل شهر واذا على نفس المنوال تتكلم الظاهر 300 الاشتراك الشهري اللي هو من 1 الى 31 مارس واشتركت في 10 فبراير يعني اشتراك من 10 الى 28 فبراير ويطلع 100 صار المبلغ 400 والزيادة عن المسموح لك وصل 600 يعني المجموع النهائي 1000 والله اعلم

ANONYMOUS

11-03-2009, 05:37 PM

ليش ماتكون الفاتوره من تاريخ 1 لين نهاية الشهر

ليش سالفة من 5 الشهر لين 4 الشهر الثاني.. او من 13 الشهر لين 12 الشهر اللي بعده

ياريت اعرف الحكمه من بطن هالشاعر في هالحركه..

م. عبدالعزيز

11-03-2009, 06:24 PM

ليش ماتكون الفاتوره من تاريخ 1 لين نهاية الشهر

ليش سالفة من 5 الشهر لين 4 الشهر الثاني.. او من 13 الشهر لين 12 الشهر اللي بعده

ياريت اعرف الحكمه من بطن هالشاعر في هالحركه..

اتوقع سالفة تنظيم فقط لا غير
لانه مو معقول مليون عميل تنزل فواتيرهم في يوم واحد اللي هو آخر الشهر !
حتى عملية الطباعه كل يوم يطبعون عدد محدد من الفواتير ويرسلونها بالبريد..

وبعدين التاريخ 17 مناسب.. لانه الفيزا مالتي تتسدد كل تاريخ 20 من كل شهر فيرجع لي الكريديت وعلطول ادفع الفاتورة.. يمكن على هالاساس اختاروا هالتاريخ !!؟ :nice:

bohilal191

11-03-2009, 06:26 PM

لأن كيوتل عارفه ان الناس ماتشترك الا في نص الشهر ولو تلاحظ ان اي خدمة تطلقها كيوتل ماتقول اعتبارا من تاريخ واحد الشهر تطلقها بدون ماتذكر فالناس تشترك في نفس يوم انطلاق الخدمة ويستغربون ليش الفاتوره تكون عالية،،مثل واحد من الشباب امس اشترك في خدمة البروباند الجديدة اللي قالوا كيوتل ان رسومها 400 شهريا ورفيجي اشترك امس يعني تاريخ 10/3/2009 يعني بتجيليه الفاتوره اشتراك الخدمة 400 اللي حق 1 الى 30/4 مضاف اليها 100 ريال رسوم التوصيل ومضاف اليها رسوم اشتراك 21 يوم اللي هي من 10 الى 31/3/2009 تقريبا270

المجموع الكلي اللي بيدفعه 770

الزبده ياجماعة الخير اشتركوا بتاريخ واحد الشهر

م. عبدالعزيز

11-03-2009, 06:28 PM

لأن عارفه ان الناس ماتشترك الى في نص الشهر ولو تلاحظ ان اي خدمة تطلقها كيوتل ماتقول اعتبارا من تاريخ واحد الشهر تطلقها بدون ماتذكر فالناس تشترك في نفس يوم انطلاق الخدمة ويستغربون ليش الفاتور تطون عالية،،مثل واحد من الشباب امس اشترك في خدمة البروباند الجديدة اللي قالوا كيتول ان رسومها 400 شهريا ورفيجي اشترك امس يعني تاريخ 10/3/2009 يعني بتجيليه الفاتوره اشتراك الخدمة 400 اللي حق 1 الى 30/4 مضاف اليها 100 ريال رسوم التوصيل ومضاف اليها رسوم اشتراك 21 يوم اللي هي من 10 الى 31/3/2009 تقريبا270

المجموع الكلي اللي بيدفعه 770
بس الفاتورة الجايه بيدفع فقط 400

bohilal191

11-03-2009, 06:34 PM

بس الفاتورة الجايه بيدفع فقط 400

ادري يالغالي بس البعض مايعرف هالشي

ANONYMOUS

11-03-2009, 06:35 PM

المهم

انا ماحب هالحركه وخبرتهم ينزلون لي الفاتوره اول الشهر

مادري سوو الحركه ولا طنشوني

م. عبدالعزيز

11-03-2009, 06:38 PM

ادري يالغالي بس البعض مايعرف هالشي

:victory:

المهم

انا ماحب هالحركه وخبرتهم ينزلون لي الفاتوره اول الشهر

مادري سوو الحركه ولا طنشوني

محد يقدر يغير الفاتورة على كيفه لانه هالسستم ينطبق على كل الناس.. اللي تسويه برقمك من خدمات تنحسب سواء مجانية او مدفووعه

بس لمعلوماتكم لو لغيتوا خدمه ترجع الفلوس اللي دفعتوها بالفاتورة السابقة ،، مثلا خدمه اظهار الرقم.. فاتورة شهر 1 كاتبين فوق اظهار الرقم وحاطين سالب 15 يعني -15

bohilal191

11-03-2009, 06:44 PM

:victory:

محد يقدر يغير الفاتورة على كيفه لانه هالسستم ينطبق على كل الناس.. اللي تسويه برقمك من خدمات تنحسب سواء مجانية او مدفووعه

بس لمعلوماتكم لو لغيتوا خدمه ترجع الفلوس اللي دفعتوها بالفاتورة السابقة ،، مثلا خدمه اظهار الرقم.. فاتورة شهر 1 كاتبين فوق اظهار الرقم وحاطين سالب 15 يعني -15

ماظن ياخوي السالب معناتها ان المبلغ ملغي انا عندي فاتورة شهر 1 وفاتورة شهر 2 مكتوب فيهم سالب15

ANONYMOUS

11-03-2009, 06:49 PM

اقول..

تو اشوف الفاتوره الحين من ال نت .. نزلت حق شهر 4.. ( فاتورة خط البيت)

هل ها وضع طبيعي ولا انا قاصين علي :looking:

م. عبدالعزيز

11-03-2009, 07:58 PM

اقول..

تو اشوف الفاتوره الحين من ال نت .. نزلت حق شهر 4.. ( فاتورة خط البيت)

هل ها وضع طبيعي ولا انا قاصين علي :looking:
يمكن تقصد من تاريخ 10/3 لين 10/4

بومحمد911

11-03-2009, 08:09 PM

ما ادري ليش لازم كيوتل ادخلك في متاهات الفاتورة

STAR

11-03-2009, 08:12 PM

انزين سؤال انا اشتركت في خدمة الشهري تقريبا اول ما اعلانوا عنها حتى اذكر كانت في 30 فمتى تنحسب فاتورتي؟؟؟

م. عبدالعزيز

11-03-2009, 08:37 PM

انزين سؤال انا اشتركت في خدمة الشهري تقريبا اول ما اعلانوا عنها حتى اذكر كانت في 30 فمتى تنحسب فاتورتي؟؟؟
بكل بساطة افتحي الفاتورة وشوفيها ^_^

لانها تختلف من عميل لعميل

ANONYMOUS

11-03-2009, 11:07 PM

يمكن تقصد من تاريخ 10/3 لين 10/4

لاوالله شوف

http://www.qatarshares.com.qa/data/332/335/storm_55904975_1179686361.bmp

ANONYMOUS

11-03-2009, 11:08 PM

ما ادري ليش لازم كيوتل ادخلك في متاهات الفاتورة

هاللي يقهرني

اش فيها الشفافيه والوضوح والترتيب..

:anger1:

ANONYMOUS

11-03-2009, 11:19 PM

سوال ثاني

انا مشترك في موبايل برود باند..

يقولون والعهده على كيوتل.. ان اقدر اطرش مادري كم مسج مجانا..

المهم..

الفاتوره جتني لازم ادفع ثمن الاس ام سات اللي طرشتهم

http://www.qatarshares.com.qa/data/332/335/storm_1995662667_2058377032.jpg

ودفعت وامري لله..

:(

ANONYMOUS

11-03-2009, 11:26 PM

وهاي بعد تبع لبرودباند اللي قالوا ببلاش

http://www.qatarshares.com.qa/data/332/335/storm_1842759889_1465376955.jpg

احب قطر

11-03-2009, 11:48 PM

من اللي قال ان المسجات في البرودباند ببلاش.....؟؟؟؟؟

سهم قطري

12-03-2009, 12:27 AM

لاوالله شوف

http://www.qatarshares.com.qa/data/332/335/storm_55904975_1179686361.bmp

يالغالي انت طخت الناس اللي تصدر فاتورتهم تاريخ 12 الشهر يعني من تاريخ 10\2 الى 9\3 يعني فاتورتك مالت شهر 3 انزلت ،،،وتطلع في الفاتورة من 1الى 30\4 ،،
واذا تبي تتأكد تاريخ 12\4 بتنزل فاتورتك الجاية وبتشوف

فاتورتي للهاتف الثابت بتنزل 20\3 وبيطلع في الفاتورة من 1 الى 30\4

وبذكرك

سهم قطري

12-03-2009, 12:28 AM

وهاي بعد تبع لبرودباند اللي قالوا ببلاش

http://www.qatarshares.com.qa/data/332/335/storm_1842759889_1465376955.jpg

البروباند الجديد اللي تدفع عليه 400 ريال هو الوحيد بلاش اما باقات البروباند بو200 و300 ريال بفلوس

ANONYMOUS

12-03-2009, 07:45 AM

من اللي قال ان المسجات في البرودباند ببلاش.....؟؟؟؟؟

كيوتل اللي قالت

تنزل مادري كم فلم
ومادري كم اغنيه
ومادري كم ايميل
ومادري كم مسج

eXpert*

12-03-2009, 08:11 AM

ماشاء الله الشباب خبره في فواتير كيوتل

انا عن نفسي ادفع وانا ساكت لانه حتى لو في خطأ بتدفع يعني بتدفع .

يعجبني في كيوتل يقولك ادفع عقب ناقشني.

قوانين كيوتل دائماً في صالحها :secret:

احب قطر

12-03-2009, 08:35 AM

كيوتل اللي قالت

تنزل مادري كم فلم
ومادري كم اغنيه
ومادري كم ايميل
ومادري كم مسج

لا الشيخ...هم ماقالوا عن المسجات....حتى مع الباقة الجديده المسجات حسابها غير...لانها خدمه ثانيه

احب قطر

12-03-2009, 08:36 AM

ماشاء الله الشباب خبره في فواتير كيوتل

انا عن نفسي ادفع وانا ساكت لانه حتى لو في خطأ بتدفع يعني بتدفع .

يعجبني في كيوتل يقولك ادفع عقب ناقشني.

قوانين كيوتل دائماً في صالحها :secret:

نظرية ادفع عقب ناقشني تراها انتهت من زمان...الحين نظرية اذا لك حق بتاخذه يعني بتاخذه...

م. عبدالعزيز

12-03-2009, 09:19 AM

ماظن ياخوي السالب معناتها ان المبلغ ملغي انا عندي فاتورة شهر 1 وفاتورة شهر 2 مكتوب فيهم سالب15

سالب 15 يعني يخصم من قيمة الفاتورة 15 ريال عوضا اللي دفعته قبل جي يعني ان شاء الله عرفت

كيوتل اللي قالت

تنزل مادري كم فلم
ومادري كم اغنيه
ومادري كم ايميل
ومادري كم مسج

لا يالحبيب... هاي مب limits هاي كتقدير
يعني هم يقولون لك 1 جيجا .. مب كل الناس يعرفون لسوالف الكمبيوتر ..فيقولك كتقدير تقدر من خلال هالحجم تنزل كذا اغنيه او كذا ايميلات او جي

ولا هو مثلا 1 جيجا تقدر تنزل برنامج 1 جيجا حجمه بالضبط وعاادي :victory:

ان شاء الله فهمت قصدي

سهم قطري

12-03-2009, 01:37 PM

يعطيكم العافية واحسن شي تسوونه لما تبون تدفعون قولوا حق الموظف ابغي ادفع قيمة الفاتورة اللي نزلت وبس

ANONYMOUS

12-03-2009, 02:13 PM

سالب 15 يعني يخصم من قيمة الفاتورة 15 ريال عوضا اللي دفعته قبل جي يعني ان شاء الله عرفت

لا يالحبيب... هاي مب limits هاي كتقدير
يعني هم يقولون لك 1 جيجا .. مب كل الناس يعرفون لسوالف الكمبيوتر ..فيقولك كتقدير تقدر من خلال هالحجم تنزل كذا اغنيه او كذا ايميلات او جي

ولا هو مثلا 1 جيجا تقدر تنزل برنامج 1 جيجا حجمه بالضبط وعاادي :victory:

ان شاء الله فهمت قصدي

مبدئيا.. فهمت..

بس هذا تغرير.. شلون يقول لي مثلا 200 مسج.. ..

ويوم اطرش يحسبها..

وش له يجيب لك طاري المسج اصلا

ليش مايقولون من البدايه.. المسجات بفلوس..

كلام واضح.. وعادل..

ولا ليش الاستهبال وحاطين خدمة المسجات.. يعني يتوقعون ان في ناس عندهم برود باند بس ماعندهم جوال ؟

والشي الأهم.. اني كلمت واحد في كيوتل شغال في فيلاجيو.. وقال لي غريبه.. ليش حسبو عليك؟ بشيك وبتصل لك.. وليومك ماتصل....

ولا ابيه يتصل اصلا..

bu 3li

12-03-2009, 02:21 PM

م. عبدالعزيز

12-03-2009, 03:01 PM

مبدئيا.. فهمت..

بس هذا تغرير.. شلون يقول لي مثلا 200 مسج.. ..

ويوم اطرش يحسبها..

وش له يجيب لك طاري المسج اصلا

ليش مايقولون من البدايه.. المسجات بفلوس..

كلام واضح.. وعادل..

ولا ليش الاستهبال وحاطين خدمة المسجات.. يعني يتوقعون ان في ناس عندهم برود باند بس ماعندهم جوال ؟

والشي الأهم.. اني كلمت واحد في كيوتل شغال في فيلاجيو.. وقال لي غريبه.. ليش حسبو عليك؟ بشيك وبتصل لك.. وليومك ماتصل....

ولا ابيه يتصل اصلا..

هلا الغااالي

وين مكتوب مسجات SMS ؟

مكتوب رسائل البريد الالكتروني

http://www.qatarshares.com.qa/data/672/675/storm_10185168_878428482.jpg

http://www.qtel.com.qa/Mob_BrdbandPost_Sub.do

http://www.qtel.com.qa/documents/MBPS-FAQ-Ar.pdf

سهم قطري

12-03-2009, 06:30 PM

انا رحت كيوتل عقب ماطلعت خدمة الشهري بـ فتره بسيطه

وكان عندي رقم ابي احوله Gsm وقالت لي الموظفه هناك ليش ماتشترك فيها

قلت لها انا باشترك بس هل بتضمنين لي ان الدقايق المجانيه والمسجات المجانيه بتوصلني بالتفصيل ؟؟

قالت لي ماعتقد بيفيدونك فيها لانه اكثر من عميل اشتكوا بخصوص هـ الشي

يعني اتصل عشان استفسر اشكثر باقي لي من الدقايق المجانيه يقولون مب طالع فـ السستم

فـ ابرك شي سويته اني خليت الاشتراك العادي السنوي
والتفاصيل كلها تجي فـ الفاتوره وانا احسب الحسبه العاديه .. وان شاء الله الامور طيبه

افضل شي تسويه لما تشترك في الشهري تكتب كل شي بنفسك يعني اذا اتصلت حق حد وكلمته دقيقة ونص اكتب عندك دقيقتين،،واذا كلمت حد خمس دقايق ونص اكتب عندك ست دقايق اما المسجات انتبه لما اطرش مسج حق شخصين وهالمسج يتكون من ثلاث صفحات في الفاتوره يطلع انك مطرش ست مسجات مو مسجين لان كيوتل تحسب صفحة صفحة من المسج ،

م. عبدالعزيز

12-03-2009, 11:30 PM

افضل شي تسويه لما تشترك في الشهري تكتب كل شي بنفسك يعني اذا اتصلت حق حد وكلمته دقيقة ونص اكتب عندك دقيقتين،،واذا كلمت حد خمس دقايق ونص اكتب عندك ست دقايق اما المسجات انتبه لما اطرش مسج حق شخصين وهالمسج يتكون من ثلاث صفحات في الفاتوره يطلع انك مطرش ست مسجات مو مسجين لان كيوتل تحسب صفحة صفحة من المسج ،

هلا الغالي.. فيه طريقه أريح واحسن
تدخل eQtel وتتابع كل مكالماتك
وتعدهم على راحتك بالكالكيليتر (الحاسبة Calculator )

مره اتصلت 111 استفسرت عن الدقايق كيف يحسبونها.. قالي قريب بيسوون طريقة يعرضون فيها الدقايق المتبقية والمترحله باستخدام IVR او بالرموز مثل ما هو موجود في كرت هلا اذا تبي تعرف الرصيد *129# .. بيسوون بعد حق الشهري :victory:

حاليا الحل الوحيد انه تتابع من eQtel بشكل يومي.. او ممكن لما تنزل الفاتوره تلاقي نسخه بالاكسل تقدر تستخدمه وتسوي اللي تبغيه