OTOsan
26-12-2005, 02:53 PM
السلام عليكم ،،
الحاقا بابحاث مؤسسة لونلي للاصدارات الثقافيه ( كل يوم لها اسم ) واستكمالا لما تم بحثه من
قبل وظواهر المجتمع الحديث ، نقدم لكم باكورة انتاج الشركة الادبي بعد اصداراتنا السابقه عن
الادمان والكركتشينو والبورصة وغيرها من المواضيع سواء تلك التي نشرت --> بضم النون ، او التي
لم تنشر بسبب رفض الرقابه لها
، حبيت اكتب لكم موضوع دردشاوي ----> من كلمة دردشه ، من باب الدعابه الممزوجة بالنقاش
ان كان في مجال للنقاش ..
حديثنا اليوم عن ( اذاعات الاف ام ) ، طرقها ، تفاعلاتها وكيفية تنويع مصادرها -----> كلام كبير ،
طبعا بداية من ذي بدء لازم نقول ان اغلبية الاعضاء يسوقون ، بس هذي مب نقطة الحوار ، وبما ان
الاغلبية تسوق معناها ان عندهم سيارات ، نقطه اضافيه حلوه بس مب هي النقطة الاساسيه ،
بما ان الكل عنده سياره معناها ان السياره هذي فيها مسجل-----> خلاصة الموضوع بعيد عن
الكلام الكثير نبي نقول ان المسجل فيه راديو والراديو فيه اذاعات والاذاعات فيها قنوات اف ام ------
> الحمدلله مابغيت اوصل لهالنقطه ، وبما ان مشاويرنا كثيره وطويله ودوارتنا لاتقف عند حد معين
فبالتالي سماعنا لهذه الاذاعات سيكون بشكل اطول ---->مع الاخذ بعين الاعتبار ان في ناس
ماتحب هالاذاعات وماتدانيها ، وكلن حسب نيته ورغبته ،
طيب نرجع حق محور حديثنا ، لو تمعنا في الاذاعات هذي راح نلاقيها كثيره ، فمنها الرياضيه
كالجزيره الرياضيه ، ومنها السياسيه كالجزيره السياسيه ومونت كارلو وغيرها ، ومنها المحليه
كاذاعة قطر ، ولكن حديثنا سيكون عن ثلاث اذاعات تعتبر من اكثر الاذاعات المتابعه --->بضم الميم
وفتح التاء وفتح الباءوفتح العين ( لو اني حاط حركات كان ابرك ) ‘ ونقصد هنا هذه الاذاعات حسب
الاقدميه :
ام بي سي اف ام - امارات اف ام - صوت الخليج اف ام
قمت مع فريق عمل مكون من مجموعة من الاعضاء باجراء مسح بياني شامل عن هذه الاذاعات
شاللي يميزها عن بعض وشاللي يخليها عاديه ، بالرغم من اجتهاد فريق البحث المكون مني ،
ومني ، ومني وغيرهم فلايمنع من تعارض وجهات نظر الساده / مني مع وجهات نظر الساده
الاعضاء الاخرين ، ولايسعنا في بداية تقديمنا لهذا البحث الا ان نستميحكم عذرا عما ورد فيه من
اخطاء املائية او لغويه او محتوياتيه ----> من المحتوى ،
طبعا اول من طلع على الساحه كانت ام بي سي ، وهذا الشي طبعا عطاها الاولوية في التميز
عن غيرها بحكم خبرة مذيعيها ومذيعاتها في هذا المجال ، ثم طلعت امارات اف ام وبعدها طلع
مولود الاف ام الصغير صوت الخليج ، اعتقد هذا ترتيبهمم واللي يقول غلط يعطينا الصح ،
نبدأ بالمذيعين والمذيعات ، وطبعا هي وجهة نظر شخصيه ربما تختلف فيها الاراء : مذيعي الام بي
سي ومذيعي صوت الخليج حلوين ولاغبار عليهم ، يميز مذيعي امارات اف ام لهجتهم بحكم تميز
اللهجة الاماراتيه عن غيرها ، وطبعا هذي ميزه عند البعض وقد يعتبرها البعض نقص ، بالنسبة
للمذيعات احس مذيعات الام بي سي دلوووعات مرررره ، ولما تسمعهم تحس داخلين موجة دلع
على غزل على حب وتستشف ذلك من خلال الفاظ المستخدمه : ايوه ياقلبي ايه ياعمري ياروحي
انا ياليتك هنا وياي .. حياتي انا ...احم سوري اندمجت مع الاغنيه ،
مذيعات صوت الخليج يتميزون بالرزانه .. وهذا يمكن يقودهم نوعا ما الى ثقل الدم .. ويمكن لهم
العذر بما انهم بلاسابق خبره كغيرهم ، وطبعا لاحظنا ارتباكهم الشديد مع بداية الاذاعة .. مذيعات
امارات اف ام نقدر نقول نص نص ، وخير الامور الوسط .
اذاعة ام بي سي نقدر نطلق عليها اذاعة بونوره .. لازم في اليوم 10 اغاني او اكثر لمحمد عبدو ..
وهذا شي طيب ان االاذاعة تقدر الفن الاصيل بس مب بهالكثره ، اذاعة صوت الخليج نقدر نطلق
عليها اصطلاحا اذاعة الموروث الشعبي .. او اذاعة شعبيه شعريه .. مرت فتره شفنا الشعر ياخذ
مساحه كبيره من البث ، اما الامارات فهي اذاعة المسجات .. طول اليوم والمذيعة تقرا مسجات
وبرامجهم صايره مسجات في مسجات .
اذاعة ام بي سي تغثك غث بالاعلانات .. وتليها الامارات باعلانات اقل ، ويسعنا في هذا المجال ذكر
اعلانين لهاتين القناتين الصراحه لم استسيغهما -----> صعبه هالكلمة ، اعلان الامارات اف ام كان
يقول ( عمره مباركه رحت علاج .. أي رحت ورديت شباب ... شباب شباب .. ايه شباب ) ونلاحظ
التركيز على كلمة شباب والموضوع يتعلق بمركز لعلاج الذكوره والعقم .. يعني ايحائي شوي ولك
عليه ، ولكن الطامه الكبرى كانت باعلان جا في الام بي سي مره او مرتين بس واشطبوه من
القائمة ههههههههههه كان الاعلان بين حرمتين يسولفون والصراحه امر مخجل .. الخلاصه ان وحده
تنصحها بمركز معين لعلاج البواسير وتذكر ميزاته عن غيره ههههههههههههههه بواسير عاد ؟ وحريم
يسوون هالاعلان .؟؟ عيييييييييب والله عييييييييييييب ، ننتقل الى اذاعة صوت الخليج ونقدر
نقول انها متميزه في هذا المجال حيث انها خاليه من الغثا والاعلانات .. ماعندهم الا اعلان
المدارس المستقله ( اعزائنا الاباء .. للمدرسة دور وللبيت دور اشمل .. الخ ) .
من ناحية بث الاغاني الجديده .. اشوف ان امارات اف ام متميزه جدا عن الباقيات .. اغلب الاغاني
الجديده تنزل عندهم قبل .. بس ماننسى تميز صوت الخليج بالجلسات .. والملاحظ هنا ان أي
اغنيه جديده مثلا تبثها امارات افم ام وبعدين تجيبها الام بي سي او تبثها الامارات وبعدين الام بي
سي .. وصوت الخليج ماتبثها الا بعد ما العالم تزهق منها .. فهل هذا معناه انهم اثنينهم متفقين
على صوت الخليج ؟؟ ربما هي نوع من محاولة ازاحة الجدد من الساحه .. لا احد يعلم ..
يحسب -----> بضم الياء وسكون الحاء وفتح السين "صاير مدرس عربي " ، نقول انه يحسب لقناة
صوت الخليج اذاعتها للاذان ، مع كونها قناة غنائيه نوعا ما ولكن شي طيب التذكير بالصلاة ،
وعموما هذي المساله انا ما ادري شلون جايه بالضبط ..؟؟ هل هذا صح او انه غلط .. ولكن يسعنا
هنا التذكير بان الام بي سي تميزت جدا في رمضان ، من حيث انها كانت لاتذيع اغاني ابدا ..
مادري تالي الليل كانو يخورونها او لا .. بينما صوت الخليج تلتزم في نهار رمضان وتقلبها صباحي
بعد المغرب ، اما امارات اف ام فمادري اذا كانو يدرون برمضان ولا لا ههههههههههههههههههه
شي اخير ، بالنسبه للفواصل الاعلانيه اللي تجيبها كل قناه عن نفسها .. الصراحه ام بي سي
مميزه ، يكفي كلمة هواها خليجي .. وطريقة الاعلان نفسها .. امارات اف ام متنوعه من
هالناحيه .. بس صوت الخليج مب لي هناك .. يكفي اخر دعايه لهم يوم يقول ( احب اللي يحبها
بجد مدري شنو لو هي بنيه بجد باروح اخطبها ) بذمتك اشدخل هذا في هذا ، من هالناحيه
يبيلهم شوية تطوير ،
كمان قبل ما انسى .. لازم نتذكر ان ام بي سي مدعومه من خواتها الباقيات .. بينما صوت الخليج
تهاوش بروحها .. والامارات شكلها مستكفيه ماتبي حد يدعمها
المهم .. انا تعبت من الكتابه .. واصابعي عورتني .. ومجالات المقارنه كثيره ومتعدده .. ولا يسعني
في هذا المجال ان اتذكر مواقف طريفه لهذه الاذاعات اول ماطلعت .. على سبيل المثال لا الحصر
حارب السويدي مال امارات اف ام كانو يتصلون له يقولون له ( واحد فلافل واثنين بيبسي ) او (
بيض مع طماط ) ههههههه بس طبعا كان يحكر لهم بس بعدين اتوقع حطو لهم كاشف .. واذاعة
صوت الخليج اول ماطلعت كانت سمردحه في الليل .. اللي يتصل يهدي حق رفيجته بالاسم ..
ونفس الشي البنات .. وهلم جرا
الموضوع خلص .. واللي عنده اضافه .. يضيف .. واللي ماعنده ... يكفي انه قرا الموضوع ---> هذا
اذا في حد قرا الموضوع اصلا ..
مع تمنيات ( مؤسسة لونلي للابحاث والدراسات الثقافيه " ش . م . خ ---> شركه مفلسه خسرانه " ) لكم بقضاء وقت ممتع ...
انننننننننننننقطع الخط
-------
Lonely .. Passed from here
الحاقا بابحاث مؤسسة لونلي للاصدارات الثقافيه ( كل يوم لها اسم ) واستكمالا لما تم بحثه من
قبل وظواهر المجتمع الحديث ، نقدم لكم باكورة انتاج الشركة الادبي بعد اصداراتنا السابقه عن
الادمان والكركتشينو والبورصة وغيرها من المواضيع سواء تلك التي نشرت --> بضم النون ، او التي
لم تنشر بسبب رفض الرقابه لها
، حبيت اكتب لكم موضوع دردشاوي ----> من كلمة دردشه ، من باب الدعابه الممزوجة بالنقاش
ان كان في مجال للنقاش ..
حديثنا اليوم عن ( اذاعات الاف ام ) ، طرقها ، تفاعلاتها وكيفية تنويع مصادرها -----> كلام كبير ،
طبعا بداية من ذي بدء لازم نقول ان اغلبية الاعضاء يسوقون ، بس هذي مب نقطة الحوار ، وبما ان
الاغلبية تسوق معناها ان عندهم سيارات ، نقطه اضافيه حلوه بس مب هي النقطة الاساسيه ،
بما ان الكل عنده سياره معناها ان السياره هذي فيها مسجل-----> خلاصة الموضوع بعيد عن
الكلام الكثير نبي نقول ان المسجل فيه راديو والراديو فيه اذاعات والاذاعات فيها قنوات اف ام ------
> الحمدلله مابغيت اوصل لهالنقطه ، وبما ان مشاويرنا كثيره وطويله ودوارتنا لاتقف عند حد معين
فبالتالي سماعنا لهذه الاذاعات سيكون بشكل اطول ---->مع الاخذ بعين الاعتبار ان في ناس
ماتحب هالاذاعات وماتدانيها ، وكلن حسب نيته ورغبته ،
طيب نرجع حق محور حديثنا ، لو تمعنا في الاذاعات هذي راح نلاقيها كثيره ، فمنها الرياضيه
كالجزيره الرياضيه ، ومنها السياسيه كالجزيره السياسيه ومونت كارلو وغيرها ، ومنها المحليه
كاذاعة قطر ، ولكن حديثنا سيكون عن ثلاث اذاعات تعتبر من اكثر الاذاعات المتابعه --->بضم الميم
وفتح التاء وفتح الباءوفتح العين ( لو اني حاط حركات كان ابرك ) ‘ ونقصد هنا هذه الاذاعات حسب
الاقدميه :
ام بي سي اف ام - امارات اف ام - صوت الخليج اف ام
قمت مع فريق عمل مكون من مجموعة من الاعضاء باجراء مسح بياني شامل عن هذه الاذاعات
شاللي يميزها عن بعض وشاللي يخليها عاديه ، بالرغم من اجتهاد فريق البحث المكون مني ،
ومني ، ومني وغيرهم فلايمنع من تعارض وجهات نظر الساده / مني مع وجهات نظر الساده
الاعضاء الاخرين ، ولايسعنا في بداية تقديمنا لهذا البحث الا ان نستميحكم عذرا عما ورد فيه من
اخطاء املائية او لغويه او محتوياتيه ----> من المحتوى ،
طبعا اول من طلع على الساحه كانت ام بي سي ، وهذا الشي طبعا عطاها الاولوية في التميز
عن غيرها بحكم خبرة مذيعيها ومذيعاتها في هذا المجال ، ثم طلعت امارات اف ام وبعدها طلع
مولود الاف ام الصغير صوت الخليج ، اعتقد هذا ترتيبهمم واللي يقول غلط يعطينا الصح ،
نبدأ بالمذيعين والمذيعات ، وطبعا هي وجهة نظر شخصيه ربما تختلف فيها الاراء : مذيعي الام بي
سي ومذيعي صوت الخليج حلوين ولاغبار عليهم ، يميز مذيعي امارات اف ام لهجتهم بحكم تميز
اللهجة الاماراتيه عن غيرها ، وطبعا هذي ميزه عند البعض وقد يعتبرها البعض نقص ، بالنسبة
للمذيعات احس مذيعات الام بي سي دلوووعات مرررره ، ولما تسمعهم تحس داخلين موجة دلع
على غزل على حب وتستشف ذلك من خلال الفاظ المستخدمه : ايوه ياقلبي ايه ياعمري ياروحي
انا ياليتك هنا وياي .. حياتي انا ...احم سوري اندمجت مع الاغنيه ،
مذيعات صوت الخليج يتميزون بالرزانه .. وهذا يمكن يقودهم نوعا ما الى ثقل الدم .. ويمكن لهم
العذر بما انهم بلاسابق خبره كغيرهم ، وطبعا لاحظنا ارتباكهم الشديد مع بداية الاذاعة .. مذيعات
امارات اف ام نقدر نقول نص نص ، وخير الامور الوسط .
اذاعة ام بي سي نقدر نطلق عليها اذاعة بونوره .. لازم في اليوم 10 اغاني او اكثر لمحمد عبدو ..
وهذا شي طيب ان االاذاعة تقدر الفن الاصيل بس مب بهالكثره ، اذاعة صوت الخليج نقدر نطلق
عليها اصطلاحا اذاعة الموروث الشعبي .. او اذاعة شعبيه شعريه .. مرت فتره شفنا الشعر ياخذ
مساحه كبيره من البث ، اما الامارات فهي اذاعة المسجات .. طول اليوم والمذيعة تقرا مسجات
وبرامجهم صايره مسجات في مسجات .
اذاعة ام بي سي تغثك غث بالاعلانات .. وتليها الامارات باعلانات اقل ، ويسعنا في هذا المجال ذكر
اعلانين لهاتين القناتين الصراحه لم استسيغهما -----> صعبه هالكلمة ، اعلان الامارات اف ام كان
يقول ( عمره مباركه رحت علاج .. أي رحت ورديت شباب ... شباب شباب .. ايه شباب ) ونلاحظ
التركيز على كلمة شباب والموضوع يتعلق بمركز لعلاج الذكوره والعقم .. يعني ايحائي شوي ولك
عليه ، ولكن الطامه الكبرى كانت باعلان جا في الام بي سي مره او مرتين بس واشطبوه من
القائمة ههههههههههه كان الاعلان بين حرمتين يسولفون والصراحه امر مخجل .. الخلاصه ان وحده
تنصحها بمركز معين لعلاج البواسير وتذكر ميزاته عن غيره ههههههههههههههه بواسير عاد ؟ وحريم
يسوون هالاعلان .؟؟ عيييييييييب والله عييييييييييييب ، ننتقل الى اذاعة صوت الخليج ونقدر
نقول انها متميزه في هذا المجال حيث انها خاليه من الغثا والاعلانات .. ماعندهم الا اعلان
المدارس المستقله ( اعزائنا الاباء .. للمدرسة دور وللبيت دور اشمل .. الخ ) .
من ناحية بث الاغاني الجديده .. اشوف ان امارات اف ام متميزه جدا عن الباقيات .. اغلب الاغاني
الجديده تنزل عندهم قبل .. بس ماننسى تميز صوت الخليج بالجلسات .. والملاحظ هنا ان أي
اغنيه جديده مثلا تبثها امارات افم ام وبعدين تجيبها الام بي سي او تبثها الامارات وبعدين الام بي
سي .. وصوت الخليج ماتبثها الا بعد ما العالم تزهق منها .. فهل هذا معناه انهم اثنينهم متفقين
على صوت الخليج ؟؟ ربما هي نوع من محاولة ازاحة الجدد من الساحه .. لا احد يعلم ..
يحسب -----> بضم الياء وسكون الحاء وفتح السين "صاير مدرس عربي " ، نقول انه يحسب لقناة
صوت الخليج اذاعتها للاذان ، مع كونها قناة غنائيه نوعا ما ولكن شي طيب التذكير بالصلاة ،
وعموما هذي المساله انا ما ادري شلون جايه بالضبط ..؟؟ هل هذا صح او انه غلط .. ولكن يسعنا
هنا التذكير بان الام بي سي تميزت جدا في رمضان ، من حيث انها كانت لاتذيع اغاني ابدا ..
مادري تالي الليل كانو يخورونها او لا .. بينما صوت الخليج تلتزم في نهار رمضان وتقلبها صباحي
بعد المغرب ، اما امارات اف ام فمادري اذا كانو يدرون برمضان ولا لا ههههههههههههههههههه
شي اخير ، بالنسبه للفواصل الاعلانيه اللي تجيبها كل قناه عن نفسها .. الصراحه ام بي سي
مميزه ، يكفي كلمة هواها خليجي .. وطريقة الاعلان نفسها .. امارات اف ام متنوعه من
هالناحيه .. بس صوت الخليج مب لي هناك .. يكفي اخر دعايه لهم يوم يقول ( احب اللي يحبها
بجد مدري شنو لو هي بنيه بجد باروح اخطبها ) بذمتك اشدخل هذا في هذا ، من هالناحيه
يبيلهم شوية تطوير ،
كمان قبل ما انسى .. لازم نتذكر ان ام بي سي مدعومه من خواتها الباقيات .. بينما صوت الخليج
تهاوش بروحها .. والامارات شكلها مستكفيه ماتبي حد يدعمها
المهم .. انا تعبت من الكتابه .. واصابعي عورتني .. ومجالات المقارنه كثيره ومتعدده .. ولا يسعني
في هذا المجال ان اتذكر مواقف طريفه لهذه الاذاعات اول ماطلعت .. على سبيل المثال لا الحصر
حارب السويدي مال امارات اف ام كانو يتصلون له يقولون له ( واحد فلافل واثنين بيبسي ) او (
بيض مع طماط ) ههههههه بس طبعا كان يحكر لهم بس بعدين اتوقع حطو لهم كاشف .. واذاعة
صوت الخليج اول ماطلعت كانت سمردحه في الليل .. اللي يتصل يهدي حق رفيجته بالاسم ..
ونفس الشي البنات .. وهلم جرا
الموضوع خلص .. واللي عنده اضافه .. يضيف .. واللي ماعنده ... يكفي انه قرا الموضوع ---> هذا
اذا في حد قرا الموضوع اصلا ..
مع تمنيات ( مؤسسة لونلي للابحاث والدراسات الثقافيه " ش . م . خ ---> شركه مفلسه خسرانه " ) لكم بقضاء وقت ممتع ...
انننننننننننننقطع الخط
-------
Lonely .. Passed from here